|
أنفصل عن زوجي أو لا ؟
السلام عليكم ورحمة الله وبركاته
متضايقه حدي وافكر بالخلع أحبه وما احبه أبيه وما أبيه ماعاد افكر من كثر ماهو متناقض صارت قراراتي متناقضه زوجي عانى في طفولته على يد زوجة أبوه هرب من البيت مرارا ورجعوه بالضرب وهو صغير كبر وصار شاب ومازالت نفسيته متأثره تقدملي فوافقوا عليه اخواني بحجة اني بفزع معاه وأعوضه عن حياته المهم زوجي الان اشعر بأنه يحتاج يعوض طفولته دائما يميل للأشياء الطفوليه والله لقيته يوم يلعب بسيكل اخوي جلست امازحه واصوره بالجوال وانا هدفي يطلع الي داخله قال اخ بس كنت اتمناها وانحرم منها احيانا اخفي دموعي عنه من كثر ما احزن عليه ينبسط لما امسح ع راسه ولما تدلعه امي في اسمه مشكلتي معاه ان قراراته دائما متناقضه تعبت معاه اي مشكله معاه يهددني بالطلاق بعدين يرجع يقول غصبا عني ماكنت في وعيي بس هذا الشي خلاني ما اثق فيه صرت اخاف من عدم نجاح زواجنا حملت قبل فتره وتوفى الجنين <<<<<تخيلواكيف كانت نفسيتي لكن أنا صرت اواسيه واهديه لأنه تحطم ما أحس برجولته في المواقف الصعبه بس انا الي أقعد أهديه وأواسيه هذا غير مشكلتي معاه في الجماع أحيانا مايكمل الجماع غير بيده بحجة إن بطنه يألمه ويتحسر في البول بعد الجماع أحس لما أتودد له يبعد لكن اذا طنشته يجي برغبته ولو بعد أيام.... بس أنا ما اتحمل بعده لأني ما أشوفه إلا بنهاية الأسبوع صرت اقول روح لدكتورلأني أحس هذا الشي بدأ يأثر علينا بالمختصر..... ليش زوجي يهرب لما اقرب منه وأتودد له؟؟؟ ليش لما اتركه يجي من حاله ؟؟ كيف أتصرف معاه إذا سافر عشان دوامه هل أتصل عليه والا اطنش لأنه مايهتم لما أدق ؟؟؟؟؟؟ أحيانا وقت الجماع يسألني إذا كنت أرغب ...؟؟؟بس خجلي يمنعني أقوله اي فأرد بكيفك ؟؟؟نفسي اعرف هو قصده يبيني انا اطلبه والا يبيها من راسه ؟؟؟ زوجي احيانا ينهي الجماع واحيانايطول بدون انزال ثم يكمل بيده واحيانا يحاول ولكن لاينتصب كيف أفسر حالته لاأستطيع معاتبته أخاف تكون حاله نفسيه بس اتعذر بأني متعبه عشان ما أحرجه؟؟؟كيف أتصرف بهالحاله اتحملوا اسئلتي مالي غنى عنكم لأني لما أشكي لأهلي يقولون تحملي هو عانى في طفولته؟؟ بس صرت مكبوته؟؟ معلومات عن زوجي.... ينفذ كل طلباتي حنون مزاجي وعنيد رقم 1 ما اعرف رأيه فيني بس لمااطلع مناسبه يقول قرأتي المعوذات..وفي الجماع يردد مبسوط معاك انا الحين فوق سطح القمر.. لما احقره وأطنشه يتبعني بنظراته بس بداخلي ودي ارتمي بحضنه ولما اقرب يصد مايضمني ولايبوسني الا بمزاجه اذا يبي هو وهذا الشي يضايقني اذا جيت معاه عالسرير واعطيته ضهري يسحبني بيدي لكن لما اقوله بدخل بحضنك يقول بنام ويعطيني ضهره واجهته قلت حرام عليك ما اشوفك غير اخر الأسبوع واكون فاقدتك انت شايف اتصالاتي وشوقي لك بس لما تجي تصدمني اهتم فيني شوي عوضني الايام الي تغيبها يقول ابشري ابشري وبس مدري شلون كتبت إعذروني الجوال يطفش... |
تعوذي من الشيطان - تراه حريص يفرق بينك وبين زوجك _ خذيه في يدك واصبري عليه وعلميه وانصحيه بالدين ولاتطلبين خلع ولا شي والله لو تطلقتي ان زمانا اغبر ماعاد احد يطالع فيك ليش انك مطلقه اصبري عليه ودامك تحبينه اصبري وحتى هو يحبك وبالنسبه للعناد فالرجال طبعهم كذا حاولي تصبري وتتعودي وتتفنني في حلول المشاكل والنت مليان اقري واجتهدي وصدقيني لكل مجته نصيب والله يوفقك يارب .
|
لأ... حاولي... وستصلين لنتيجة
|
اقتباس:
|
جزاكم الله خير أنا والله إني احاول اعوضه بحياته
لكن صرت أخاف إني من كثر ما أتقرب منه يطفش مني ماني عارفه متى أتركه لحاله لأني لما أتركه يحن علي؟؟ جاوبوني على أسئلتي؟ |
احنا مو عارفين انتي وشتبين بالظبط ؟ وضحي اكثر ؟ انتي فينك اللحين عنده والا عند اهلك؟
|
أقرأوالأسئله الي بنهاية موضوعي محتاجةإجابتها
انا الحين عند أهلي ونفسي أعرف هل أهتم فيه رغم جفاءه وانامحتاجه أحس بحنانه والاأخليه يجي من حاله... |
سبحان الله زوجك من النوع اللي موقد الاهتمام اذا اهتميتي فيه يشوف انه كثير عليه الاهتمام ويبدأ يصد
لكن ماقلتي من كم لك انتي متزوجة وبعدين بقولها لك زوجك مستحيل يطلقك لانه لقى حنان فاقده فمستحيل يترك هالحنان خليه يصد بس انتي اغرقيه حب اغرقيه حنان حتى يفيض هذا الحب وهذا الحنان ويرجع لك شوفي فاقد الشىء لايعطيه قلت لك لاتنظرين الى ردة فعله خلي السنوات الاولى عطاء لاتنتظرين مردود ابد راح تتعبين بس ماعليه غرقيه حب صدقيني اذا تشبع من الحب راح يغرقك انتي وهالنوعيه من الرجال مستحيل يطلق اذا وجد حنان محروم منه |
أنا متزوجه من 6 شهوربس
|
ست شهور لسى اصبري عليه اختي بس زي ماقلت لك لاتنتظري مردود خلي السنتين الاولى حب وحنان عيشيه بعالم ثاني وكلام الحب لايفارق لسانك والله راح يتغير ويبادلك نفس الشيء اما بالنسبة للضعف اللي فيه خليه ياكل فيتنامينات ويتغذى كويس ويكشف عند دكتور ذكورة
|
يا أختي
إذا عندك إراده قويه فإن زوجك بإذن الله راح يتغير لكن أنتي ساعديه وأطلبي منه يعالج عند دكتور نفسي صدقيني راح يتغير بإذن الله 100% راح اقول لك زوج أختي لماتقدم لها طبعا كان عند أختي خبر إنه تعبان نفسيا لكن تعالج وبعد ماتزوجت كانت تقول لي زوجي متردد في قراره ما يحكي كثير قلت لها بيتغير لكن أنتي ساعديه والحمدلله الآن تغير بنسبه كبيره جدا حتى هي لاحظت عليه اول لما تتطلع معاه ما يحكي لكن الحين الحمدلله تغير مع العلاج لاتقولين بيتعود زوج أختي استمر على العالج النفسي شهرين بس والحمد لله تحسنت حالته والحين شخصيته لها كيانها وقادر يتخذ قرارته بفضل الله عزوجل ثم بفضل مساعدة أختي له أنتي أحتوي زوجك وعادي لو يعالج صدقيني راح يتغير والله يسدكم |
الانطباع العام شابه تزوجت من شاب لم ينضج اجتماعيا ولم يخرج من نادي الاطفال الى نادي الكبار ( وهي تعلم ذالك ) وانما تزوجت لاجل العطف عليه ولما دخلت معه في معمعه الحياه الزوجيه شعرت بثقل المسؤليه وصارت له ابا واما وزوجه واخا وتريد ان تهرب من المسؤليه ومن خصائص الاطفال ( التقلب في المشاعر – عدم التحمل – الاهتمامات التافهه – الافكار الصغيره – المرح الزائد – الضعف في المواقف الصعبه ) الخلاصه ( زوج طفل مع زوجه تريد رجل في قوته وسلوكه اختارته بمحض اردتها ثم تراجعت ) تحليل مشكلتك من خلال سطورك - تعيشين جو من الاحباط والتضايق تقولين ( متضايقه ) وتعيشين ايضا صراع اقدام واحجام هل تحافظين على زوجك وتحاولين احتوائه رغم حنانه وطيبه قلبه ام تتركينه وتبحثين عن شريك اخر تقولين ( احبه وما احبه وابيه وما ابيه وافكر بالخلع ) - تتهمينه بالنتاقض وهذا واضح لانه يعيش الطفوله التي حرم منها والطفل من خصائصه التناقض وانت دخلت وقلت ( اريد ان اعوضه عن طفولته البائسه) فلماذ لاتكملين طريق اخترتيه بمحض ارادتك - زوجك قريب خضوع يمكن تشكليه وعجنه على ما تريدين ويصلح للزوجه التي يكون عندها ( حب السيطره ) تقولين ( ينبسط لما امسح على راسه ويركب الدراجه ) اذن له سلوك الاطفال واشباعات الاطفال - زوجك طفولي في تصرفاته يهدد بالطلاق ثم يعتذر ويغضب ويجامع بيده ولايكمل الجماع وكلها مظاهر طفوليه - الازمه التي تعيشينها لها ثلاث روؤس ( عدم الاشباع الجنسي – عدم الاقبال الزوجي عليك – عدم الاحساس بقوة الرجوله في المواقف الصعبه ) ولذا لاتعتمدين عليه ولا تثقين فيه بل تعاملينه بالرحمه اكثر من الحب - ونحن نقول دائما ان الحياه الزوجيه تكمل باربعة امور ( الاحترام والمحبه والرحمه وقيام الرجل بدور الرجوله وقيام المرأه بدور الانوثه ) - زوجك يحترمك ويحبك ويرحمك ويعبر عن هذا الحب بالتمنع حين تقبلين حتي ( يتغلى ) على طريقه الصغار فاذ اعرضت خاف منك واقبل عليك فأنت حين تقبلين تشبهي امه فيتغلي عليك وحين تدبرين تشبهي اباه فيخاف منك اي سياسيه العصاء والجزره والمطرقه والسندان - وسؤله عن رغبتك في الجماع لانك ( المتحكم في حياته ) فانت كل شي وهو كالطفل الرضيع - صدقيني يا ابنتي انت امه وابيه وزوجته وكل شي في حياته ومثل هذا تفرح به المسترجلات المسيطرات التي يريدن ان يكون الزوج كا لخاتم في الاصبع وربما عقدن السحر لاجل السيطره على الرجل وهذا الزوج اتاك على طبق من ذهب فقط عليك ان تشكلي وترسمي له الطريق الحل - كل طريق اخترت المشي فيه فاكمله الى النهايه يجب ان تكملي مشوارك الذي اقدمت عليه من البدايه وربما ترزقين منه ذريه صالحه - يحتاج زوجك الى اعاده تأهيل من جديد وبرمجه من جديد - تعودي في بيت الزوجيه ان تكوني صاحبه ( القياده ) فالمقود في يدك انت - تعاملي معه بسياسيه شعره معاويه ان شد ارخي وان ارخ شد وهكذا حتى لاتنقطع شعره العلاقه الزوجيه - لابد ان تعرفي نقاط القوه والضعف في زوجك حتى تستطيعي التأثير عليه - خيار الطلاق غير مبرر فمشاكل الجماع قل ان تخلو منها بيت وعدم احساسك برجل يساعدك ويقف بجانبك امر تشترك فيه كثير من النساء حتى صار الشعار اليوم ( الاسد ليس في عرينه ) - لابد ان تقومي بدور الاب والام لزوجك قبل ان تكوني زوجه ودور الاب التوجيه بحزم ودور الام التوجيه بلطف وحب وفقك الله لكل خير |
حبيبتي كثير اشياء انتي قلتيها انا عانيت منها في بداية زواجي....
انا لي 4 سنين متزوجة...والحمدلله كل اللي كنت اتضايق منه راااااح والحمدلله وكل شي استقر انشالله ربي يرزقك الذرية وتنشغلي بأطفالك ووقتها بتلاحظين ان زوجك استعاد توازنه ويصير يسأل عنك كثير وانتي بعد بس بيكون في شي شاغلك وقت مايكون هو بعيد... انا اول ماتزوجت ماكنت احب انام عند اهلي احب طول الوقت اكون لاصقة في زوجي وتعبت كثييييير... بس الحين صرت انام عندهم في الويكاند عاااادي صح اشتاقله بس اعرف انه مشغول مع اصحابه الخميس وفي النهار عنده دوام ف راح اطفش وانا انتظره ف صرت اشغل نفسي مع اهلي....اللي تمرين فيه صدقيني بس عشان بداية حياتكم وبالنسبة لمواقفة في الاوقات العصيبة...بيصير اقوى ..زوجك كل ما اخذ منك احترام وتقدير بتقوى شخصيته حسسيه انك في بعض المواقف خايفة يزعل منك..عشان يحس ان له اثر وانك تتهابي منه...وفي المواقف العصيبة لا تصيري تواسيه بالعكس...حسسيه انك انتي منهارة وضعيفة وانه لولا وقفته جنبك مدري وش بيصير فيكي...عشان يعرف انه له دور انه هو يقويكي ويحميكي... الله يوفقك يااارب انتي زوجة عاااقلة وربي بيوفقك انشالله |
انتي في بداية حياتك يعني حاولي ولاتيأسي ..
بداية الحياة الزوجية في الغالب تكون بنفس الحال عدم تقبل او عدم تفاهم .. سيتغير الوضع بأذن الله .. وهذا لايعني ان تقفي دون البحث عن حلول .. حاولي التأقلم مع شخصية زوجك وافهميها وعامليه على اساس فهمك لها .. ستجدين مايسرك ان شاءالله . ادعي ربك ان يألف بينكما واطلبي منه سبحانه ماتتمنين ولاتجعلي للشيطان باب لهدم حياتك الزوجية.. اعانك الله واسعدك .. |
اقتباس:
لو تقدروا أنه يتابع مع استشاري نفسي أو اجتماعي يستفيد كثير باذن الله ويعجل بتحسن حالته ربي ييسر أمرك ويعينك ويشفي زوجك بأسرع وقت :) |
مو كل مشكله أفكر في الطلاق
أنتي الخسرانه وبعدين الطلاق مو حل أبدا للمشاكل ولاتفكرين تقولين هالكلمه وإلا تطلبينها الأخوات ماقصرو الله يفرج همك وييسر أمرك |
اصبري عليه واعتمدي عليه كثيرا حتى في حل المشاكل وبيني له اهتمامك به واجعليه رقم واحد في حياتك
حتى يستطيع ان يثق بقدراته ويقف في المواقف الصعبة واظهري له حاجتك الماسة وانك لاتستغني عن مشورته ومع الوقت سيتغير بالنسبة لطفولته كلنا يحن اليها بين وقت وآخر ونمارسها مع أولادنا |
الحالة النفسية بتاثر على كل شي بالحياة الكبت والحزن الو تاثير فظيع على تصرفات الانسان
انا بنصحك تحاولي تخلي زوجك يروح لطبيب نفسي مش عيب ولا حرام وانتي كمان تسالي دكتور نفسي كيف تتصرفي معاه وربنا يوفقك بحياتك |
تدرون إني بكيت عقب ماقريت كلامكم أحن عليه وأحبه ونفسي يتغير أشكركم من اعماق قلبي أنا كنت بحاجه إني أقرأ مثل هالكلام
فوالله اني صرت أب وأم وأخت وزوجه حتى تأثيث البيت أنا أنجزالناقص أول عيد لي معاه هذا العيد أعطيته هديه وماأعطاني حز بخاطري بس سكت لكن ليلة تسليم الهديه قال لي كلمه تسوى الدنيا ومافيها (((ياالله ما أحلى الزواج))) أنا أحتاجه وأحتاج وقفته معاي لأني أحتمي بظهره أوعدكم أني بستمر معاه في العلاج النفسي ادعووووووولي واذا تعرفون معالج نفسي أو مستشار أسري أتواصل معاه لاتحرموني |
الله يوفقكم وييسر أموركم
اقتباس:
الصبر حلو حبيبتي ومع الصبر يجي كل شي وبعدين واضح انه فاقد أشياء كثيره عوضيه عامليه مثل الطفل وراح تشوفين بره فيك زوجك عاش معانات لاتزيدين عليه أنتي وتكملين الناقص ومن كلامك واضح أنه من السهل كسبه إلي فاقد غير إلي عينه مليانه أحمدي الله علي زوجك ولاتفرطين فيه من أقل سبب أو تهديد شي طبيعي إنسان يحس بالضعف يثبت قوة من أقل شي عزيزي ثقه زوجك من نفسه وأعتمدي عليه ولاتخليه يرمي كل شي عليك أبدا راح تخسرين الله يوفقك ودوري في النت فيه مستشارين لكن لاتاخذين بكل كلمه في الموضوع أو من مستشار أنتي إلي عايشه الوضع واعرف بحياتك خذي إلي تحسين أنه مناسب وحل جيد |
مستجدات في الموضوع
بنهاية الأسبوع الماضي رحت معاه وكملت نواقص في بيتنا ((أثاث)) شافني صرفت فلوس وبدأ يشتكي من الدين وفلان وفلان بوقتها ((زعلت)) قلت ياحياتي الفلوس الي معاي قضت وكل الي كان معاي بخلت فيه على نفسي وحطيته في بيتنا وإن شاء الله انك تعوضني بعيد الأضحى وتلبسني أحلى لبس أنا كان هدفي أحسس الرجال بأنه مسؤول عني مو كل شي أسويه أنا ((والا انا يارب لك الحمد ما أحتاج مصروفه))) بس لما بدأيتكلم عن الديون والله خفت ليش خفت لأني مابيه يصير اتكالي ويعتمد علي في كل شي أنا بذمته مو هو الي بذمتي المهم كان رده قاسي علي جدا جدا قال والله ما أعطيك بالعيد شي انا الديون علي تكفيني بصراحه اول مرا اعصب قلت ليش مو أنا زوجتك مو أنا دفعت للبيت بدون حساب غيري تروح وتشتري ملابس واكسسوار وخرابيط بهالفلوس ورجالها يكمل بيته وأنا ماتشوفني أسوي شي والله أستاهل بعدها دخلنا البيت وجمع اغراضه وقال بروح اسافر للعمل وبوديك لأهلك مع العلم كان عنده اجازه اليوم التالي بس ماناقشته ولاقلت ولاشي مابي الأمور تزيد من هذاك اليوم الى الأن ماكلمني حتى الويك اند هذا ماجاء >>>>>>الحل؟؟؟ |
شوروا علي وش أسوي معاه؟؟؟تتوقعون انه ينتظر اتصالي والا أتركه حتى يشعر بالمسئوليه ويتصل
لو برر عدم حضوره يمكن رحت وسألت لكن هو مطنش لا إتصال ولاحتى بلغني إنه مابيجي ؟؟ |
الاخوان ماقصروا
الله يوفقك في حياتك اختي |
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©