|
خايفة ان يكون بخيل
انا مررررررة انصدمت من خطيبي تخيلو راتبه 7 الاف ولة سنه شغال وزواجي في نص القعدة تخيلو استاجر قاعه ب14 الف شامل انا مرررة اتضايقت انا ماني مادية ابغى في قاعه فخمه بس الي طلبته قاعه معقولة بحدود بس انا دحين مو هامتني القاعه بس خايفة انو يكوووون بخيل حاسة نفسي كرهته مررة من اول جالسة ابكي وحاسة بضيق مايعلم في الا الله خايفة من بخلى لانه طول فترة الملكه ماجاب لي هدية الامرة وحدة وحاسة نفسي ماني مرتاحه بالزواج ولافرحانه طول اليوم جالسة ابكي مخنوقه وحاسة نفسي ماني مقتنعه فيه بس الي خلاني اكمل معاه هو دينه وطيبته بس غير كذا اشعر بعدم الراحة واشعر بضيقة وخوف شديد
|
|
ابغاكم تقولو الصراحه مابغاكم تجااااااملوني الله يسعدكم والله انا حيل متضايقة والقاعه هذا سعرها شامل مو بس ايجار
|
والله مو مهم القاعة اعرف لك ناس تزوجوا زواج عائلي وقاعاتهم عاديه لكن بعد الزواج ماقصروا مع زوجاتهم
يعنننننننني اهم شيء هو بعد الزواج ايش انتي ادعي ربك وقولي اللهم اجعله غني يغنيني وكريم يكرمني وطيب يطيب قوله وفعله والله يستجيب لك بعدين احمدي ربك راتبه زين ماشاء الله |
والله يختاي عااااااااااااادي انا اختي لما تزوجت تخيلي ابوي حتى دافع معاهم في القاعة قالو النص بالنص احنا مانقدر ع التكاليف
وزوجها ماشاء الله تبارك الله الان مايقصر معاها بشيء الله يغنينا ويغنيكم ان شاء الله من فضله |
اين هي المشكله سامحك الله
من المفترض انك تحمدين ربك على هذه النعمه التى رزقك الله بها وتذمرك وسخطك على اتفه الاسباب سيغضب ربك سبحانه عزيزتي الزواج ليس مظاهر وشكليات وقاعه وهدايه بل الزواج هي حياة كامله انتي لاتعلمي الضغوطات التي يواجهها الزوج في وقت زواجه من مهر وشبكه وتأثيث وشقه وهذا الامور تحتاج الي تفكير وجمع مال فعليك ان تراعي ضروف زرجك في هذه الفتره ولا ارى استأجار قاعه ب14 الف قليله بال معقوله جداً وفقك الله .. |
مادري ليه احس بغصة في قلبي زواجات اقاربي واهلي كانت في احسن القصور رغم انو رواتبهم اقل من خطيبي الا انا في ارخص قاعه يارب رضيني بما كتبته لي واسعدني وابعد الهم عني
|
احمدي الله
وياكثر الي زواجات فخمه واخر شي طلاق الله يوفقك ولا تتشرطين كثير وياليت قبل زواجك تقرين عن الحياه الزوجيه الله يتمم لكم علي خير |
بصمت بالعشره ان معظم البنات جاحدات للنعمه الا من رحم الله
عشان قاعه بـ 14 الف تبكي و محروقه و حاسه انك كارهة الدنيا و ندمانه انك وافقتي دنيا عجيبه ..!! اسمحي لي اقول لك دام هذي اولها انتبهي على نفسك لأنك بكذا فتحتي باب للمقارنه ما راح ينقفل كبري عقلك و ارضي بقسمتك و احمدي ربك على النعمه و لأن شكرتم لأزيدنكم |
14 ألف شويه في نظرك !!
تعالي نحسبها راتبه 7 آلاف المسكين وله سنه يشتغل قولي يجمع من راتبه 5 آلاف اذا كان يوفر كثير 5*12 = 60 ألف كم مهرك مو أقل من 40 40+ القاعه 14 + السكن مو أقل من 20 كم يساوي = 74 ألف على الأقل بدون السياره والمصاريف الثانيه يعني أكثر من اللي جمعه خلال سنه أكيد أنه متسلف وعليه دين باللهي عليك هذا بخيل ؟؟ استغفري ربك بس واحمدي الله على النعمه هذا بدال ما تعينينه على حياته جالسه تقولين بخيل ! |
ح بي,,
انفصلي يآآقلبي بدآآمك تحسين بضيقه ولآ انتي مرتآآحه معه هآآذآ احسآآس معطيك آآيآه ربي وللتآآكيد استخيري اكثر من مــــــــرهـ وبعدين يآآقلبي حلو انه مستجر قآآعه بي هآآقيمه مآآيدل عليه بخيل ممكن آنه موب رومآآنسي!او انه حريص..! صآآريحه !! تفآآهمي معه وانتبهي تتزوجين وانت ماازلت مومرتآآحه له ! آنا خطيبي مآآحسيت معه برآآحه بخيييل وكذآآب حيل وظآآلم ولآيخآآف ربه:( حيل ولآ جآآب لي هديه من اطلب منه شي يتعذر! انا لجبت له هديه تخيلي!:)مو اني احبه لا بس ابي اعلمه معنى الكرم واحتقرته بكرآآآآآآمتي:25: وبعدين استخرت كثير ولآ ارتحت اشوف له آحلآم موزينه!! وبعدين قررت انفصل وطلبت الطلآق بس لسه ماحصل شي |
اقتباس:
ليه تحرضينها والرجال مستأجر ومخلص أموره حرام عليك والله |
يآآرآجي الرحمآآن...لآ حرآم عليك آنت وش آحرضهآآ!! هي تقول مو مرتآآآآآآحه له وتحس بضيقه!! يمكن من ضغوطآت النفسيه آنا مدري عنهآآ او احسآآس من ربي! فكذآآ قتلهآآ استخيري وهي ادرى بنفسهآآآ تعرف الصح والخطآآء!! والله يسرلهآآ امورهآآ |
هلا فيك اختي
احمدي ربك غيرك من البنات جالسات ببيوت اهاليهم ويتمنوا ان يجيهم خاطب ،، نصيحه اختي كبري عقلك واطردي الشيطان عنك . الله يوفقك بحياتك . اخوك - طلال |
مووو معقوووله
حراااام عليك صدقيني لا بخل ولاشي والرجال عنده التزمات كثير ولازم تقدريه الله يهديك للصواب وكبري عقلك ولا يدخلك الشيطان من مدخل ويخرب حياتك . وبالتوفيق |
يابنت الحلال تعوذي من الشيطان
احد الأعضاء عطاك أرقام واقعية , و انظري كيف زوجك صرف بما يناسب وضعه يعني لازم يصير عليه دين عشان يصير كريييم !! اختي ما تدري عن ازواج قريباتك تلاقيهم مديونين رغم مفروض ما تقااارني رفقا به ,.رفقا به ..كوني قنوووعة و إذا لديك حب فطري لكل ما هو جميل كما الأنثى تحب التزين شوفي القاعة , اختاري كوشة كلاس و قماش طاولات مرتب اضيفي لمساتك الخاصة ( من نقودك او من اهلك) لا تنسي اكسسوارات قاعة العرس من كتاب , نافورة الشوكلاته , لون موحد للطاولات وووالخ و تصير قاعة متواضعة انييييقة بفضل لمسات العروسة يا اختي راتب 7000قليييييييل ما يتحمل ان نرضي حب التميز و الفخامة المبالغة و نضغط على الرجل فيكره اليوم اللي فكر به يتزوج.. |
برايي اني أضع مالي و لو مية الف بشئ يدوم
ولا اني ادفع الف في شي زائل و مظاهر زائفة زوجك محاسب على كل قرش يصرفه و لا نسيتي سؤال الملكين بالقبر في ماله فيما انفقه ؟؟؟ فكوني عون له و ليس عليه و الكرم مو بالمظاهر و الماديات، و ماعتقد واحد بخيل حيصرف 14 الف علي قصر كان اخذ لك استراحة او استأجر سطوح او حوش بألف ريال و قال لك يالله الزواج هنا بيصير |
ادعو لي يالاعضاء يارب يكبر عقلي ويثبت قلبي ويبعد عني الهم والضيقة ويفرحني بزوجي يارب اش اسوي انا منكثرماشوف المظاهر عند اهلي واقاربي عشان كذا صار همي هوهذا وانا والله كل ماقرب الزواج احس نفسي تورطت وساعات اندم ياريت ماوافقت واحس نفسي مره خائفة مو فرحانه رغم انوماصدر من خطيبي شئ مرة مزعجبس خائفة اني مااتاقلم ولا راح احب حياتي بس ادعو لي اني اقتنعواحب كل شئفي زوجي واني اراه باحسن صور لانو لحد الان ماني متاقلمة مع شكله ولا مقتنعه بشكلةاما اخلاقة مررررررة ودينه مقتنعه فيهم مرة وهذا الي مصبرنيوحازفي نفسيفي احد كان زيبخوفي هذا احسقلبي يرجف ادعولي يارب تنزل السكينه والطمانينه علي وتبعد عني وسوسه الشيطان
|
سبحان الله 14 الف مهر عروس عند عوائل أخرى نصيحتي أعيدي ترتيب أولوياتك في حياتك كلنا نعيش في مجتمعات تعج بالمظاهر الخداعة ولكن كل منا يختار سيره وطريقة تفكيره ويعرف أن يحدد ماهو المهم وماهو الثانوي أخيرا بارك الله لكما وبارك عليكما وجمع بينكما في خير |
أختى الحبيبه ماما m ,
المشكله بمفهومك أنتى لمعنى الزواج وهو أعمق وأكبر من حفلات وقاعه وهدايه ,, بسم الله الرحمن الرحيم "وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً " الزواج سكن وموده ورحمه , الزواج حياة طويله تعيشونها مع بعض بحلوها ومرها ولسيت حفله لسويعات ولا هديه ! الزواج استقرار واشباع نفسي و عاطفى وأجتماعي وجنسي للطرفين ,,, بعد ماكنتى جزء من اسره الأن ستصبحين اساسا وعمود لـ أسره صغيره وبتكبر بعد سنين ان شاءالله اتمنى تفكرين بأمور أعمق من الشكليات وحفلات قريباتك فكري كيف تسعدين نفسك وزوجك وتنظرين لمزايا زوجك وتحمدين الله على نعمه الزواج والستر والله غيرك بنات شفقانين على ريحه الزوج ويسألون الله الليل مع النهار الله يرزقك راحه البال ويسعدك مع زوجك ويرزق كل محرومه بزوج صالح يعينها على دينها ودنياها |
الأخت الفاضله
في بداية موضوعك شكوت من القاعه وخشيتك أن يكون خطيبك بخيل : اقتباس:
اقتباس:
أصلح الله أمرك وهداك . |
بس والله مو بيدي في خوف وضيقة مو طبيعيه وانا حساسه زائد عن اللزوم واحس نفسي ماني مبسوطة ماني زي كل البنات الي يهتموا بزواجهم ومبسوطين مادري ليه يمكن في خوف زيادة
|
اقتباس:
اقتباس:
|
جزاكي الله الف خير وجزا جميع الاعضاء والله كلامكم ارتحت منه كثير وحففتو علي الله يخفف عليكم يارب دنيا واخرة
|
اقتباس:
قيمة المبيت ليلة واحدة في الأخير هي 100 الف دولار لليلة الواحدة وايضا اطلبي منه ان يكون الاكل في العرس في مطعم مكدونالدز في الولايات المتحدة :11: |
عزيزتي
هل بتقارني خطيبك مع شخص معين في بالك ؟؟؟؟ |
حبيبتي بالعكس .. ترى الرجال مصاريف الزواج تآكلهم اكل .. يسوي الشقه ولا يكمل باقي المهر .. ولايطلع سياره .. ولا يدفع اجار الصلاه والعشاء وووو ..
بالعكس اشوفه انه سعر منآسب .. وش تقولين عني الزواج بقاعة ابوي .. وهو يتكفل بالعشاء والطقاقه ووو :d والله اهم شي التوفيق من الله .. وصدقيني الفلوس والفخفخه مو مقياس للسعاده .. ياما ناس تزوجوا بافخم القصور وعاشوا في بيوت فخمه ..لكن لاماتحصلين السعاده متحتويتهم .. وياما ناس على بساط الفقر .. لكنهم مبسوطين .. واذا ماقدرتي وضع زوجك من جميع النواحي تقدرين وضع مين ..؟ قولي الحمدلله على كل حال ولاتنكدين على نفسك في احلى ليله بالعمر .. والله يوفقكم |
والله عمر الزواج ماكان بالقاعات وفخامتها يا ماما .. الله يرحم فرحي بقاعة بـ 5000 ريال :) والحمد لله عايشة ومبسوطة والله لا يغير علي .. وعلى العكس صديقتي تزوجت بقاعة بِـ 60000 ريال وآخرتها مشاكل مالها أول من تالي ومن شيخ لشيخ يقرأ عليها ... الحياة الزوجية المهم فيها باطنها احترام الشريكين لبعض، مودتهم لبعض .. : وأنتِ تقولي أنه طيب وديّن حرام تهتمي باللي تقول فلانه وعلانه، وما تهتمي بنفسك .. لو ألزمتي زوجك بما يفوق طاقته .. راح يتدين وبعد الزواج راح تعيشوا بدوامة ديون لها أول ما لها آخر .. وترى راتب 7آلاف لا يعتبر شيء كثير في ظروف المعيشة الغالية هذا الزمن ... الله يوفقك حبوبة ،، |
مهري 20 الف
وزواجي عائلي بحت وعايشه مع اهلوا ماقلت زوجي بخيل ابدا بالعكس جدا كريم مو بخيل علي ابداا بس هوا يمر بضائقه ماليه وعادي لما ربي يفتح علينا رح يعوضني بكل حاجه مع انو مو مقصر الحين بحاجه بس تقدير على احتمالي انسي اهلك والمقارنات هيا اساس اغلب المشاكل موفقه :) |
الله يهديك، الأهم ليس مناسبة الفرح إنما الحياة الزوجية بشكل عام، تغاضي عن الكثير، وأعتقد أن مبلغ 14000 مناسب وكثير بعد، ماني بخيل بس واقعي بصراحة، الله يوفقكم أختي وهذا أهم شي
|
اقتباس:
|
14 ألف عشان صالة ؟؟
اكثر من مهري يعني ّّ مهري 12000 وكنت مصصرة فقط 10000.. والمكان اللي سويت فيه حفلة زواجي 400 ريال .. وكنت مبسووووووووووووووووووووووووووووووووووووووووووووووو ووووووووووطة وفرحاااااااااانة وطاااااااااايرة حتى اني موشايفة احد من كثر الوناسة .. تجهيزاتي للحفلة ماتعدت الــ2000 ريال وعلى ما تذكر اعتقد انها اقل وع فكرة شاملة الحجوزات ها.. زوجي كان بضائقة مالية شديدة ولاحصلت وناسة وترفيه ماديا بأيامي الاولى معاه ابداااااااااااااااااااا.. بس ماتنقاس فرحتي فيه ولاتنقاس فرحته فيني شنو يعني فلوس اهم ي السعادة وراحة البال .. وعلى فكرة ظلوا ناس يعايروني ان مايعطيني مصروف وبخيل فكنت ابين لهم دووووووووم وناقصني شي واني افضل منهم والحمدالله اللي يحمد ربه ويقنع مايحصل الا الخير الوفير .. واهم شي ماتطالعين هذا وهذا وشوفي اللي عايروني .. وحدة بنتها تطلقت لان زوجها ولايهتم فيها بالمررررة والثانية توها متزوجة لكن زوجها اي حزة يقولوا اليه بعمله مع السلامة مانحتاجك ومعاش زوجي افضل!!!!!!!!!!!!!!! شفتي شلون الدنيا دوارة ولاتفيد الماديات باي شي ؟؟ والله لايحوجنا لمادية بصحتنا يارب موفقة حبيبتي كلها تفكير مال خطوبة والا انتي ليش تفكري بالفلوس؟؟ تبي فلوس حتى تلبسي وتطلعي وتروحي وتجي؟؟ عادي مابتظلين من دون ملابس عريانة ولاجوعانة ولاراح تمنعك من الطلعة والوناسة لازم ندفع فلوس علشان نرتاح ؟؟؟ ثنكنق ألوت |
اقتباس:
الله يسعدك مع زوجك |
ترى زواجي بإستراحة :d
والحين لي 8 سنوات متزوج وساتر الله علينا يالله لك الحمد المهم التوفيق بالزواج .. وتدعين إن الله يوفقك بزواجك .. أما القصور وغيره كلها شكليات تذهب بعد ساعتين من الزواج |
كرري كل يوم وكل ساعة وثانية وقولي "(( الحمد الله والشكر لك يارب ))"
|
اثنين من بنات جيرانا تزوجو على سطح بيتنا جهزو السطح و زينوه و تزوجو و سترهم الله
التوفيق ثم التوفيق ثم التوفيق بارك الله فيك |
| الساعة الآن 05:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©