|
محتاجين لناس توجهنا من خبراتهم السـابقه بخصوص (الملكة)
السلام عليكم ورحمة الله وبركاته
انا مقبل على الزواج ويوم الملكة قرب الحمدلله وهي بصالة افراح , وانا اكبر اخواني وزوجتي بنت خالتي وانا من الجنوب ابها , طبعي خجول وما ادري وش اسوي بالضبط ! طبعا استفسرت عن الملكة >>عندي اخت تزوجت من سنتين وقالت لي( با التفصيل ) : راح تدخل على زوجتك بغرفة خاصة ( :o ) وتتصورون كم صورة :28: وبعدها نزفك انت والمدام لين المنصة (البلاء اني راح اطلع للحريم :29: وهم متغطيات ماعدا الاقارب اخواتي وخالتي وعماتي ) وتلبسها الشبكة واحنا نصورك بلفيديو وتقطعون الكيكه وتاكلها وتاكلك وتشربها العصير بالمصاصة وتشربك ( :o ) قدام الناس وما ادري وش السواه وسالفة الأرتباك هذي انا خايف منها كثير المهم ابي نصائحكم وعندي كم سوال...... س1: لما ادخل على زوجتي بلغرفة الخاصة وش اقول وش اسوي ؟ وكيف الطف الجو واطلع نفسي من هاالجو اللى يمكن يربكني ! وابي منكم نـصايح او مـواقف صارت لكم لطفت الجو مع ازواجكم وتطيح الحطب :17: س2: ( خاص با النواعم) وش اقول وقت تلبيس الشبكة والرومانسيات والكلام الحلو ( عمري ما عرفت بنت ) وش الكلام اللى تنتظره البنت في هذا الوقت وبس...؟ س3: امي طبعا الله يخليها لي ( حريصة زيادة فوق اللزوم ولها معي مواقف كثيرة من ناحية ان تفكيرها اني انسى او عنيد , اوافكر فنظرتها فديتها تنسي الواحد وش يسوي ههههههههههه من حرصها ) كيف ازرع الثقة ؟ ورااح اذكر لكم مستقبـلاً مقتطافات من ليلة الملكة والشبكة بإذن الله الله يعطيكم العـافيه جميعـاً ... وفي حال طراء أي سؤال في بالي إن شاء الله ماراح تقصرون معـاي دعواتكم :25: |
على البركه الله يتمملك على خير والف مبروووك
كلام اختك ممتاز وهدا اللي بيصير بس صراحه انت مرتبك وهي مرتبكه مشكله هههههههه صراحه مقدر اساعدك لان لسه مخطوبه لاكن اسال اختك ايش قالها زوجها هي اقربلك وحتقولك والله يوفقك وها بنتظار موضوع بعد الملكه والله يتمملك على خير وعقبال الفرحه الكبيره ان شاء الله |
مبروك اخوي الله و يتمم على خير
الله يكون بعونك احراج بس خذ نفس خمس ثوانى عميق واسترخيى خمس ثواني قبل لا تدخل هههههه موفق |
يالبيييه ذكرتني بملكتي قبل 3 شهور
اقتباس:
وبعدهآ اصلا راح تآخذكم السوالف .. اقتباس:
نصيحه لاترتبك وتخآف .. خليك عااادي وافرح وانبسط لان بعدين بتندم انك ارتبكت وآلله يوفقكم يارب .. دعواتك لي = ) |
عاداتنا تختلف كثييير عن عداتكم, حبيت بس أدعيلك, إحنا لا غرفة خاصة ولاشئ, حتى يوم الملكة أنا اللي أصريت أنو ما يدخل في صالة الحريم لأنهم أصلا ما يتغطوا إلا من رحم ربي وأيضا أنا غيورة عليه كثير من نظرات الحريم :d ويش أسوي:26::26:
الله يوفقك ويسعدك... |
س1: لما ادخل على زوجتي بلغرفة الخاصة وش اقول وش اسوي ؟ وكيف الطف الجو واطلع نفسي من هاالجو اللى يمكن يربكني ! وابي منكم نـصايح او مـواقف صارت لكم لطفت الجو مع ازواجكم وتطيح الحطب :17: قولّها فستانك حلو و انتِ حلوة .. أحلى مما تخيلت و أحلى من ما قالوا لي ، و اذكر الله كل شوي ( ماشاء الله تبارك الله ) ، يمكن يصير لك شيء يضحّك وقت الملكة احكيه لها > زوجي نسي جزمته و جا بصندل وانت بكرامة ، و قال لي لا تقولين علي بدوي :d ترا نسيت جزمتي في المطار ضحكّني :) . س2: ( خاص با النواعم) وش اقول وقت تلبيس الشبكة والرومانسيات والكلام الحلو ( عمري ما عرفت بنت ) وش الكلام اللى تنتظره البنت في هذا الوقت وبس...؟ تمدحها و كذا ، بس طبعا اعتقد وقت التلبيس يكون تصوير وكذا كل ما لبستها تتصورون س3: امي طبعا الله يخليها لي ( حريصة زيادة فوق اللزوم ولها معي مواقف كثيرة من ناحية ان تفكيرها اني انسى او عنيد , اوافكر فنظرتها فديتها تنسي الواحد وش يسوي ههههههههههه من حرصها ) كيف ازرع الثقة ؟ قول لأمك الله يطوّل بعمرها لا تطالعك :) > أنا قلت لأمي و أختي لايطالعون فيا لأني لو شفتهم راح أبكي على طول :15: توكل على الله و اقرأ أذكارك > أهم شيء لا تنسى الأذكار الله يوفقكم و يجمع بينكم على خير و يجعلك قرة عينها و يجعلها قرة عينك ننتظر الأخبار السارّة |
ماقصرو الأخوات ..
و كل شي يجي بوقته و بطبيعته أحلى .. الله يوفقك ويتمم عليكم يآرب .. ألف مبروك :) .. |
اقتباس:
لو ان الموضوع كذا كان من زمان سألتها بس انا رسمي شوي مع العايلة وانحرج :17: ان شاء الله راح اوافيكم بالتفاصيل :22: والله يعدي الامور على خير تحياتي لمروركـ |
اقتباس:
راح تروح من اول :14: |
الله يتمم لك على خير يا رب خليك على طبيعتك ، لا ترتبك فتربكها أكثر معك ولو قدرت انك تلغي زفتك معها على النساء فوالله أفضل لكَ ولها .. أعين الناس لا تأتي بخيـر الأفضل لو يخرجوا النساء للعشاء وتزف أنت وعروسك وسط محارمك وأهلها موفقين يا رب |
اقتباس:
الله يعين ان شاء الله ما ارتبك ؛ وتحياتي لكـ على المروور |
اقتباس:
والله معاكي حق واسال الله العلي العظيم ان ييرزقك الذرية الصالحة وتعيشين في سعادة وحب تحياتي لك |
الف الف مبروك والله يتمم لك ع خير ويحقق امالك
ويهنيكم ويعدكم يارب |
السلام عليكم
أخي الكريم ... أسأل الله لك التوفيق قال رسول الله صلى الله عليه وسلم: (( إياكم والدخول على النساء)). حبذا لو كان دخولك إلى الصاله بعد دخول النساء الأجنبيات إلى صالة الطعام, ليس من أجل الارتباك, أو الحسد .... وإنما طاعة لله وامتثالاً لأمر نبيه صلى الله عليه وسلم. فلتبدأ حياتك الزوجية على أساس من تقوى الله.. أسأل الله أن يكتب لك التوفيق, ويجزيك من خيري الدنيا والآخره, ويرزقك من حيث لا تحتسب. |
صح احراج بس حلوو
لمن تشوفها قولها طالعه قمررر والله يوفقني واسعدك يارب لمن تدخل عالحريم لاتخاف ترا كلهم سووها الله يوفقك |
اقتباس:
كان الموضوع تقدر تقول غصب عني لانه كان كل شي مرتب واي رفض ( على قولت اخوننا المصريين حتبوز الفرح ) والحمدلله ان زوجتي كانت تغار على المهم جايب لكم وش صار بملكتي :17: تحياتي لك على المرور |
السلام عليكم ورحمة الله وبركاته
اليوم جايب لكم وش صار في ملكتي اللى كانت في تاريخ 9/9/2011 طبعا كانت الحفلة ( ماشاء الله تبارك الله ) والحمدلله على كل حال حلوة , في مواقف ظريفة صارت وتعقد مرررة صحيت من النوم << ( مانمت زين ) وانا في بالي سته وستين شغله ,المهم طلعت انا والوالد وكنت متفق مع الاقارب انه يكون الاجتماع الساعة 6 المغرب والحمدلله محد تاخر ودخلنا عليهم في صف واحد وكنا نردد بيتين من الشعر ويوم اقتربنا كانوا ينتظروننا ورحبو فينا بطريقة تخوف :29: رمي رشاشات يمكن عشرين طلقه منا ومنهم لان وقت ما اطلقو النار ردينا واطلقنا , قلطونا في المجلس وانا حدي خايف ومرتبك ومن هول الموقف وتعرفون النفسية وقتها ,, الناس كلهم يناظرون في المعرس , شوي الشرطة :30: طلبت العريس ( اللى هو انا هههههههههههههههه ) يقولون سمعنا طلق نار ونبي المعرس , طار عقلي و هربت الى غرفة الشاهي.. وسالفه :o ... وطلع خالي وكلمهم بحكم انه مباحث :27: وعدت على خير والحمدلله ... بعدها تعشينا وطلعت اشرب شاهي الا والاتصال من الاهل يقولون ادخل لبس زوجتك الشبكة دخلت تصورت انا والمدام وطلعنا على زفة لين الكوشة وصار موقف لي لما لبست زوجتي الشبكة مسك الشعر في العقد وكنت حاس لان تسريحتها كانت نازله على رقبتها واستغرق الوضع خمس ثواني وتصرفت قبل ما يحسون الحريم اني تورطت ههههههههههههه وقطعت مع السحب كم شعره ... وعلوم ماتسر لانها هي مرتبكة وانا حاولت اني اخرجها من الارتباك بس هي زادتني ربشه هههههه :21: والله يعين بس كانت هي منحرجة مررة وانا بعدها ارتبكت ههههههههههه وصارت با العصير سالفه ههههههههه بلا فضايح ههههههههههههههه <<<< ومن وقتها والبنت طلبتها مرتين على الجوال وما تكلمني ( رغم اني كنت ذوق ولا في بنت تحلم في اللى سويتها لها وقت الملكة ) ابي اسألكم كيف افر راس ابوها واقنعه من ناحية الجوال لانه رافض وبعدين عمر البنت ما راح تعزمني ولا تقول تعال وش اسوي ؟ اكلم خالتي عن الموضوع ؟ |
الف الف مبروووووك :14::14::14::14:
هههههههههههههه احلى المواقف تبع الملكه والحمدلله مر كل شي على خير اما شعر العروسه مسكينه:d هدا بالاول وقطعت كم شعره اجل بعدين ايش بتعمل هههههههههههه>>> امزح :26: الله يوفقك ياااارب وعقال الفرح ان شاء الله وسالفه الجوال كلم خالتك وشوف ايش يصير واذا ماصار شي عادي كلم ابوها :30: ومن حقك هدي زوجتك مو غريبه |
هههههه حلاتك
تخيلتكم وضحكت من خاطر ذكرتني بحبيبي ماعرف يسكر الشبكة لين اخر شي نطت اخته تساعد فالصورة طلعنا احنا الثلاثة لووول سوي حرب عليهم كلم خالتك وكلم امك تكلم خالتك اذا عندك اخت خليها تكون وسيط مبينكم يقهروني الاباء لما يكونوا كذا احس من حقك تكلمها تراها زوجتك مايصير تستهبل وتروح تزورهم ع اساس تسلم ع خالتك وهناك تميلح عليها عشان تخلي زوجتك تطلع لك حلو بهالفترة تطرشلها هدايا او ورد يعني لو تدرس وخلصت كورس ارسلها ورد وتشوكلت اذا سمعت انها زعلانة طرشلها حاجة صدقني البنات يموتون فشي اسمه ورد زوجي كان يجيبلي فكل مناسبة وره وحدة بلون معين مغلفة بشكل واااو مرة وردة حمرا بعد الملكة ع طول لانه كان بيروح السعودية .. ومرة وردة ورديه لما طلعت الليسن .. ومرة اورنج لما زارني ومرة باااقة عوووده لما كنت متضايقة كثيير ونساني ضيقتي بهالباقة بعيد ميلادي طرشلي هدية عيد ميلادي داخل باقة كبيرة >> ع فكرة هو طرشها مع اخته لانه كان قبل الملكة >>> حكيت لك بشوية تفصيل عشان اوضحلك ان اي شي بسيط ممكن تسويه مناسبه هالاشيا لها مفعول عجيب يستمر لبعد الزواج بسنين الله يألف بينكم دوووم وتكون لها مثل ماتريد وتكون لك مثل ماتريد |
وليه يالحبيب بتدخل على بنات الناس في صالة الأفراح
عشانك عريس؟ ما يجوز لك شلون تبي ربي يوفقك!! قابل زوجتك في غرفه مخصصه لك ولها |
الف مبروك ..
ولو انك اخطأت بدخولك على النساء .. وماكان ينبغي ذلك حتى ولو على حساب العادات والتقاليد فالدين اولى .. عمومآ .. نبارك لك ووفقك الله وجمع بينكما في خير .. |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©