|
ليه تفرقون بين عيالكم؟
سؤال دايم يتبادر الى ذهني ليه الابوان والامهات يفرقون بين عيالهم؟
من خلال تجربتي لاحظت كثير مرة من الاهالي يفرقون بالمعامله بين عيالهم وحتى بالصرف حتى الملتزمين والمثقفين !! حتى اعرف قاضي مفرق بين عياله!! يعني ديننا الاسلامي واضح جدا من ناحية هالنقطه وانا ربي مارزقني عيال عشان كذا صعب علي افهم شعور الوالدين ووش اللي يخليهم يتغاضون عن كل المبادئ والقيم والاوامر الدينيه الواضحه ويفرقون بشكل واضح وصريح بين عيالهم؟ كثير فيه امهات واباء في هالمنتدى وصدقوني اغلبكم يفرق بين عياله ولا يحس لاني ناقشت اهالي كثير وانكرو انهم يفرقون مع ان التفرقه واااضحه واحيانا تكون ماديه يعني عيني عينك يعطي احد عياله شي والثاني لا .. وبعضهم بكل ثقه يعطيك اسباب واهيه وهو مقتنع تماما ان وضع عياله غير والتفرقه شي ضروري في بعض الحالات وانه حالتهم خاصه !! يا اخواني انا تعبت طول حياتي اعاني من التفرقه مليت وتعبت لين جاني اكتئاب.. عندنا في البيت اللي شخصيته قويه ويعصب ياخذ حقه وحق غيره واللي هادي ويطلب حقه بهدوء ينرفض ببساطه والمشكله ما يعتبر غلط واهلي مقتنعين تماما انهم مافرقو بس بعض الامور سووها غصبن عليهم والمفروض ما نآخذهم عليها.. انا تعبت لاني رغم اني تزوجت لكن للحين احتاج اهلي ببعض الاشياء بسبب ظروفي وما احصل معامله مثل غيري تعبت من حياتي زوجي ماهو قادر يغطي حاجاتي واهلي مو دايم يوفرون لي اللي احتاجه مع انهم يقدرون بس من وجهة نظرهم رفاهيه مالها داعي مع انهم يوفرونها لغيري لو تنطلب.. يا ناس انا عمري قرب لل 30 ولا قدرت ارتاح بحياتي.. طول عمري اضغط على نفسي واتحمل واقول اذا كبرت بطلع وبستقل وبيكون لي بيت ومارح احتاج لكن ارادة الله ان ظروفي صارت وسط واحتاج اهلي كثير زي مشاوير مع السواق مساعده من الخدامه استقبال ضيوف ببيتهم اي شي.. انا خلاص حسيت اني بستمر طول عمري محتاجه ومارح ارتاح ابد ومتضايقه مرة مرة مرة لان عندي عزة نفس واحس اني بديت اتمنى اموت وارتاح ولا اهاجر لاي بلد اقدر اعتمد على نفسي فيه ولا انذل عشان مشوار سيارة ولا قضاء حاجه.. اذا فيه اب ولا ام في هالمنتدى يقدر يشرح لي سبب تفرقه الاهل لعيالهم وليه تفرقون بين عيالكم اكون شااكرة لاني خايفه اجيب عيال وافرق بينهم واعذبهم زي ما انا اتعذب الحين !! |
لاحول ولاقوة إلا بالله آآآه ياجرحي بس والله توي أقرى موضوع الأخت غيركم وكلام الأخت زهرة الرمان وبغيت أكتب تعليق وتراجعت وشفت موضوعك وقلت وراي وراي أنا سبق وقلت نفس كلامك وأرجع أعيده الإنسان ولد ولابنت العاق بوالديه طويل اللسان واليد والوقح هو اللي يكون محبوب وياخذ حقوقه كامله ويتم الدفاع عنه والهادي والمؤدب واللي يحاول يبر بوالديه ياكلها ........... انا ماأقدر أقول كلام يواسيكم لإنها نفس مشاكلي وقرفت منها ودي أفهم سبب التفرقة بين الأولاد ؟؟ ليت أحد يقول بس |
اعتقد انك حساسة واهلك من خلال موضوعك يبدو انهم غير مقصرين في حقك وهم الآن غير ملزومين اساسا لانك تزوجتي وهو الملزوم بك
|
اقتباس:
انا مابي الموضوع ينحرف عن مجراه اذا كنت مصر انهم ما يفرقون ومارح تناقش اللي ابي اناقشه ردودك غير مرحب فيها.. |
اقتباس:
|
أظن ان قلوبهم تميل الى إبن دون الآخر !
|
صح كلامك مية بالمية انا في بيت اهلي نفس طريقتكم اللي يرفع صوته ومايسمع كلامهم طلباته مجابه ولو سوى غلط يسامحونه عالطووول ويقولون هدا طبعه وش بنسوي لكن الطيب ياويله لو قال ابغى او حرام عليكم او حتى عبر عن رايه يسكت وياكل تبن وانا مرة مقهورة وصارلي اكتئاب شديد من الطفولة لين الحين صرت مااحب اروح عند اهلي او اجلس عندهم حتى
والحين عندي ولد وبنت صرت افرق بينهم احب البنت اكثر مدري هل لانها صغيرة توها 4 شهور وولدي صراحة ماينطاق ابد مافيه شئ ينحب |
اقتباس:
يالله من كنت صغيره وانا اشوف هذا الشي ابلعها واسكت والمشكله شي وااااضح .. ولو تغلطين مره ياااالله كااارثه ما ادري حنا منزهين وهم لا .. بس خلاص انا استسلمت هذا قدري وما علي الا اني ارضى .. ومستحيل يتغيرون لانه شيء لا ارادي .. الله يجبر بخواطرنا .. ويعوضنا من عنده .. ماعليكم يابنات العوض من الله .. وربي فوق كل شي .. |
عن عبدالله بن عمر رضي الله عنه قال : قال رسول الله صلى الله عليه وسلم: ( ثلاثة لاينظر الله عز وجل إليهم يوم القيامة ,العاق لوالديه ، والمرأة المترجلة المشتبهة بالرجال والديوث) صحيح أخرجه أحمد والنسائي
كما قال رسول الله صلى الله عليه وسلم حدثنا شيبان بن فروخ حدثنا أبو عوانة عن سهيل عن أبيه عن أبي هريرة عن النبي صلى الله عليه وسلم قال : (رغم أنف ثم رغم أنف ثم رغم أنف قيل من يا رسول الله قال من أدرك أبويه عند الكبر أحدهما أو كليهما فلم يدخل الجنة). رواه مسلم ..... اتقوا الله واصبروا على والديكم مهما فعلوا بكم إلا أن يأمروا بمعصيه والله ثم والله ان مردنا للتراب وسيأتي يوم تتحسف على كل كلمه أخطأت بها في حق والديك فاغتنم حياتهم وانهم بين يديك وبالنسبه للي يقول ان العاق ياخذ حقوقه والبار لا هل ترجي الجزاء من الناس او من رب الناس ، والله العظيم الأم قلبها كبير ولو ما اظهرت حبها لإبنها ، وقد يرى الوالدين شيء لايراه الأبناء ، وبكره تكونون آباء وامهات ويكبرون عيالكم وتحسون بهالشي حفظكم الله |
غيركم وطيب القلب نورتي موضوعي وحسستوني اني ماني الوحيده اللي تعاني من هالشي.. خففتو علي..
بس السؤال ما زال يطرح نفسه.. ليه الاهل حتى اذا كانو مثقفين وملتزمين يفرقون بشكل علني جدا وواضح.. طيب القلب هل بيهون عليك ولدك يوم من الايام اذا طلب منك شي قد عطيته اخته من قبل؟ هل ممكن تدخل بنتك مدرسه خاصة وولدك مدرسة حكوميه عشان ما تقدر تدفع اقساط مدرستين؟ هل ممكن تطلع لبنتك جوال واذا جا ولدك وطلب تعيي؟ هل ممكن تكون قرارات البيت من سفر او تغيير بيت يعتمد على رغبة البنت والولد ماله اي راي؟؟ انا لما قلت تفرقه للاسف ما كنت اقصد بس تفرقة بالمعامله اليوميه لانه هالنقطه ممكن تغيب عن الاهل وما يحسون فيها وهم يسوونها .. لا كنت اتكلم عن تفرقه على مستوى اكبر وفي اشياء ما يمدي الواحد ينكرها.. |
اقتباس:
اللي معذبني اني اشوف واتحمل واسكت وحتى لما يتمرد احد يتشكون لي ويبوني اعاونهم ولما اقول هذي غلطتكم انتم ربيتونا بهالطريقه وهذي النتيجه يزعلون ويتكدرون و عشان كذا بطلت اقولهم اي شي وصرت اعيش التفرقه الواضحه واذا صار شي اسمع تشكيهم واواسيهم.. كل يوم انام ومخدتي مبلله دموع ما بيدي حيله هم يغلطون علي ويبوني اتحمل معهم نتيجة الغلط.. عذاب ما بعده عذاب |
اتوقع ان الاعضاء يقرون ويقولون الحمدلله حنا ما نفرق ويسكرون الموضوع لان محد رد علي.. لكن للاسف ان نصكم يفرق ولا يحس وكالعاده لازم نمثل المثاليه وما نواجه مشاكلنا..
كانت امنيتي افهم وش الاسباب اللي تؤدي للتفرقه بين العيال عشان احاول اتفاداها لما اجيب عيال خايفه اصير زي اغلبية الناس لان اكيد محد بيكون قاصد يفرق.. مابي اعذب عيالي.. |
لقد جفت دموعي من التفرقة في صغري.. ولكنها كونت ردة فعل مجنونه لدي في شبابي.. كنت احفر الصخر لاكون الافضل مع اني احصل على الاقل .. واخذت الغربة لي مسلك الى ان حققت ما اصبوا اليه.. ورزقني الله من واسع فضله سبحانه.. فلا تيأسي فالله مطلع على كل صغيرة وكبيره..وثقي ان صبرك لن يضيع سدى
|
مشكلتي زوجتي.. دمعت عيوني لما قريت ردك .. قل امين الله يثلج صدرك ويسعدك ويفرحك زي مااثلجت صدري بردك..
|
بحلة .. ربي يرزقك الذرية الصالحة و تحسني تربيتهم و ما تفرقي بينهم اببد
بس صدقيييني ابدا ابدا ما اعتقد في اهل على قدر من العلم و الثقافة.. يميزوا بين اطفالهم عن قصد بل انهم يحاولوا يعطوا كل واحد حسب شخصيته بمعنى .. نعم قد ادخل ابني مدرسة خاصة و البنت مدرسة حكومية او العكس اذا كان ذكي جدا .. فااقول في نفسي حرام يروح ذكاءه يدون اهتمام في مدرسة حكومية .. خليني اتحمل مصاريف الخاصة عشانه.. من جهة ثانية ليش بدخل الثاني خاص اذا عقله على قده !!! وماراح يفلح و اصلا راح يحس بعدم راحة هناك .. .زيادة مصاريف بس ؟؟ بس اكيد لما بيسالني طفلي ليش انا حكومي و اخي خاص . ماراح اكذب و اقوله لانك اقل منه ذكاءا بس بقول له لانه ماعندنا فلوس .. اعتقد وقعها اقل في نفسه وقيسي على هذا الموقف .. مواقف عديدة يتصرف فيها الوالدين باللي يشوفوه مناسب للاطفال بينما قد يفسره الطفل بشكل اخر .. قلتي الي يتعصب و يصارخ وو ياخذ اللي يبيه و الهادي لا .. يرجع لشخصية الطفل و التعامل معاه . فالتعامل مع الطفل العنيد و العنيف لا يكون مثلة مثل الطفل الهادي .. بضرب لك مثل .. عندي جارة .. ابنها اذا طلب اي شي توفره له بينما بقية اطفالها لا لما سالتها ليش .. قالت اعرف ابني اذا منعته ممكن يسرق او يفعل لي فضيحة .. بينما البقية اعرف تربيتهم كيف ؟؟ الاب ممكن يزوج احد بناته بدري و الثانية بتاخر عليها .. فا الثانية بتحس بالظلم لكن الاب تكون نظرته واقعية و حكيمة .. يمكن العريس المتقدم للاولى كان لقطة :) ممكن الثانية لسه ماهي مستعدة للزواج (قد تظن انها مستعدةزز لكن الاب يظن العكس ) قد تكون الاولى كانت طايشة شوي فا استعجل ابوها بزواجها بينما الثانية ابوها شايف شطارتها فاحب انها تكمل دراستها فا اكيد الاهل يشوفوا شي معين و عندهم حكمة معينة .. والابناء يفسروها بشكل خاطئ وبالنسبة لك .. كونهم يعطوا اخواتك مثلا و مايعطونك شي .. برضو قد تكون لديهم حكمة معينة في ذلك ... عذرا على اللي بقوله بس مجرد احتمال احتمال انهم يشوفو انه زوجك من النوع الي ممكن يطمع اذا ساعدوك ! فا يقولوا خليها تتعود على مستواه وهو يتعود انه مافي مساعدات من اهلها .. اقول مجرد احتمال فقط .. ماتدري ايش السبب وكونهم ما افصحوا .. يمكن مايبوا يجرحوك.. فا ياااقلبي..شيلي موضوع التفرقة من راسك و صدقييييييييني مافي اهل عاقلين يفرقوا بين اطفالهم عن قصد :) ..و ان شاء الله ربي يرزقك الاطفال الاصحاء و تشوفي بنفسك كيف الام و الاب يفدوا اطفالهم بارواحهم .. ماراح تجي عالماديات و يبخلوا بها عليهم طيب القلب ..والله ضحكتيني :) .. لانه نفس الاحساس عندي حاليا :) ابني جننننني ماشا ءالله صاير حركي مرة ... و البنوتة 3 شهور ماشاءالله كل لعب و ضحك فدييتها بس من كم يوم كان ابني شوي و تصدمه شاحنه.. ربي يحميه و يحفظه .. كان قلبي بينخلع من مكانه فا مقدار الحب نفسه بقلبي و افديهم الاثنين بحياااتي .. بس الولد حبه مخلوط بطفش من تصرفاته والبنوتة حبها مخلوط بالرحمة الزايدة كونها لا حول لها و لا قوة .. |
جيتي عالجرح
والله انه احساس بالحرقة و الالم يقطع القلب في كل مرة نحس فيها بالتفرقة في المعاملة سواء في بيت اهلي او بيت اهل زوجي كنت ابكي كثير و اتضايق و اتعكر و احس بالم نفسي طول الوقت لما امهاتنا يفرقو بيننا و من قهري مرة قلت لام زوجي انها بتفرق بيننا قالت لي انا احب زوجك انتي كثير و هوا اكثر واحد رضع مني !!! رد عجيب و لا له داعي اصلا ليتها سكتت بس اقلها بتفرقي بين زوجي و اخوانه تقوللي رضعته كثير في بيت اهالينا انا و زوجي بس اللي نشتغل طباخين و سواقين و خدامين و حمالين و اي شي و الباقين رجل على رجل ينتظرو كل شي جاهز و على طبق من ذهب و ان قلنا شي او طلبنا منهم شغلة امهاتنا يزعلو مننا انو ليش نطلب منهم و نتعبهم و امي لما يجي اخويا من الرياض هوا عايش هناك خلاص تنسانا كلنا و لا احد يكلمها هيا ملكه فقط و نحن مضيعة للوقت و لازم نخدمه و مرته و عياله تقطعنا كلنا و ان كلمتنا بيكون لمصالح فقط و نحن لازم نقيد العشرة شمع عشان خاطره و اتعودت مع الوقت و صرت اكتمها في قلبي و ابكي في بيتي و اسحب نفسي و زوجي و لا (اعكر صفو حياتهم ) و اول ما يروح اخويا ترجع ماما اللي تعطينا ريق حلو زوجي يقول هذا قدرنا و اكيد في سبب يخلينا (مرماطون) عند اهالينا و الارجح انه لاننا بدون عيال مشي حالك و الله يعطينا الاجر و يجعله في موازين حسناتنا ما نقدر نعمل شي اخاف يعتبر عقوق لا قدر الله و اللي يخفف علينا اننا مظلومين و هو اهون من اننا نظلم احد او نجرحه بكلمة و نتحاسب عليها خلينا كده احسن و ما يضيع شي عند رب العالمين اكيد |
ما أقول إلا جعل والدينا في جنات الفردوس الأعلى بما فعلوه لنا
الأم تلد وترضع وتسهر الليالي وتنحرم لذة النوم لأجلنا وينشغل بالها اذا كبرنا قليلاً تخاف علينا من الهواء واذا وصلنا مرحلة الدراسه كافحت معنا إلى أن نصل لمرحلة المراهقه وتعاني منا أشد المعاناة في خوفها علينا من الإنحراف ومن ومن ومن وينشغل بالها حتى نتخرج فنجلس عاله على أسرتنا وهي فقط تدعوا الله بأن يرزقنا الوظائف والزواج والأبناء الصالحين .. أمي مهما ضربتيني وانا صغير ومهما فرقتي بيني وبين أخواني اقف لكِ بتحيه من كل قلبي لقلبك الكبير الحنون وإن لم تظهري ذالك فأنا أراه في عيناك كم عانيتي من أبي وشدته عليكِ وعلى أبنائك الصغار (اللهم اجعل امي تعيش عيش السعداء بيني وبين اخوتي ونقدر لها تعبها ونعوضها عن ما مضى من عمرها لنا) ولولا الحياء وطبعنا الذي تعودنا عليه لقبلت رجلك كل يوم والدي العزيز الغالي اللهم أعني على برك فأنت الغالي الذي راعيتني وانا صغير وذهبت بي إلى المستشفى في مرضي وفكرت فيني واشتريت لي الملابس والحليب والحفاظات وحملتني بين يديك وحينما وصلت لعمر المدرسه تذهب بي إلى المدرسه وتستقبلني بتحيه حينما أصل للبيت تحت الشمس وترحم صغيرك وتقبله قبله حانيه وحينما وصلت لمرحلة المراهقه كم عانيت من عصياني لك وكم علمتني من الدنيا أشياء كثيره أجهلها وتبين لي الطريق الصحيح حتى ولو كنت تصرخ علي وتوبخني وتحقرني أمام الرجال لكي أتعلم وارتدع وحينما تخرجت من الثانويه اشتريت لي سياره وإن كانت بمبلغ زهيد ولكنك لم تنساني وتتبرأ مني لكي أذهب إلى الجامعه وأحصل على الشهاده كم عصيتك وكم راددتك في كلامك وكم رفعت صوتي عليك أبي الغالي وأنت تلتزم السكوت كرمك الله يا أبي عن لساني الوسخ الذي رفع صوته عليك أبي الغالي كم تخسر علينا (فواتير الكهرباء- فواتير الماء- فواتير الهاتف والإنترنت- الأكل والشرب-آجار المنزل-شراء السيارات لي ولأخوتي-المصروف الزهيد ولكنه يبقى من يد كريمه لاتمن علي وهو يساوي فلوس الدنيا من يدك الغاليه ) أقسم بالله أني يا أبي أحس بأمان حينما أجلس بجانبك وأراك في المنزل وأنا أصبحت رجلاً لكني أحب أمانك وخوفك علينا ولا أستغني عنك ولا أنسى افضالك (اللهم كرم أبي وأسعده بعيش السعداء وارزقه بري به واجعل له مكانه في الدنيا وفي الآخره ) اللهم أطل في اعمار والديني ووفقهم وأشفهم عن كل مرض واحميهم من كل شر وارزقهم بري وبر اخواني واخواتي واجعلني اراهم اسعد الناس واجعل لي لسان جميل في الحديث معهم ووفقني لذالك أبي أمي رغم تفرقتكم بيني وبين أخواني واخواني إلا أنني لم اجد أحن قلوب علي وأخوف علي من جميع الناس ولولا الحياء لقبلت رجليكم كل يوم حفظكم الله ورعاكم وأطال في أعماركم ورزقني بركم يارب العالمين ياااارب أحياناً أستكثركم علي فأنا لا أستحق والدين مثلكم |
اختي البحلة
والله أنك فتحتي عيوني يوم قرأت كلامك نفس الشعوووور والواقع عندي انا كنت حاس أن في تفرقة من قبل لكن يعلم الله انا عندي من البنات اثنتين صحيح يميل قلبي لوحده منهم لكن سرعان ما يتناصفون الحب في قلبي ... لأني عشت التفرقة بين الذكور في ما بينهم ... علما أن البنات أغلى عند الوالدين من الذكور . الله يكون في عونك ... .... والراحة بإذن الله في الجنة وظلم ذوي القربى أشد مضاضة على النفس من وقع الحسام المهنّد |
اقتباس:
يعني الحين لما ولد يكون اذكى من اخوه والمدرسه الخاصه بتنفعه اكثر من اخوه يعطي اهله الحق انهم يفضلونه على اخوه؟؟؟ ليه اخوه ماله نفس؟ تدرين انه فرق كبير بين المدارس الخاصه والحكوميه ولا كان الناس ما دفعت دم قلوبها عشان تدرس عيالها بمدارس خاصه.. من مباني مكيفه ومرتبه ومعلمات مدربات والام او الاب يقدر يشتكي وياخذ حق ابنه على راحته مب زي الكحومي انا درست باكثر من مدرسة حكومية ودرست في مدارس خاصه طبعا فرق السما عن الارض.. هل الولد كونه اقل من اخوه والخاصه مارح تضيف له شي يعطي اهله الحق انهم يفضلون اخوه عليه؟؟؟؟؟؟؟؟؟؟ هل الطفل لما يكون عصبي ويفشل اهله اذا بغا شي عادي يحقق له اللي يبغى واخوانه قدامه ما يحقق لهم؟؟ انتي جبتي لي الاجابه اللي منزمان انتظرها .. يعني هذا من اسباب التفرقه؟؟ يشوفون ان احد يستاهل اكثر من غيره؟؟ لعلمك زوجي مب لم اهلي ويتنرفزز اذا طلبت منهم شي لدرجة اني لما اخذ شي او استعمل شي من عندهم ما اعلمه.. وانا بطبعي مساااالمه وما اسوي مشاكل ابد واذا لاحظت مجرد ملاحظه انهم متضايقين من شي اصير اتفاداه. بس بالاخير جت على راسي كلن ياخذ وانا اتفرج.. خليني اضرب لك مثال انا لما كنت اداوم زوجي مارضى استخدم سواق اهلي وتعاقدت مع واحد يجيني الصبح والظهر وكان ياخذ 1000 ريال مع ان راتبي كان 3000 واخواتي يستعملون سواق اهلي لدواماتهم رغم ان بعضهم متزوج.. وبعد كذا لما احتاج مشوار مع السواق اشوفهم يتأففون ويتضايقون واذا اختي احتاجته الكل يبتسم بوجهها لان يخافون تعصب لو تدري انهم متضايقين.. هذا شي من اشياء وقيسي عليها كثييير.. هذا مو عدل والاسباب اللي ذكرتيها وااااااااااهيه وما تعطي الاهل الحق انهم يجرحون عيالهم ويعذبونهم.. اذا ماتقدر تحط كل عيالك بمدرسه خاصه حطهم كلهم بحكومي ظلم انك تحط احد واحد لا.. والله ردك فتح جروووح بس هذا اللي انا فاتحه الموضوع عشانه كنت ابي افهم الاسباب وبديت افهم بعضها.. الله يهدي كل والدين.. |
اختي dodi_dabdoobi الله يكون بعونك حبيبتي بس بصراحه لو انا مكانك ما ارضى اخدم غيري يعني انا صحيح احس بتفرقه بالمعامله بس ما ارضى على نفسي اخدم اخواني او خواتي وهم قادرين يخدمون نفسهم.. انا اللي علي بر والديني وصلة الرحم وبس ما اقاطعهم.. اما اخدمهم واخلي زوجي يخدمهم لا ما رح توصل كذا بحط حد ومارح اخلي احد ينزل من قيمتي..
لكن زي ما قلتي يا بخت من نام مظلوم ولا نام ظالم.. المهم نحتسب الاجر فيما نتحمله لانه من باب بر الوالدين.. |
اقتباس:
|
اقتباس:
اقتباس:
وحملت 9 شهور شافت فيهم التعب و بعدها شافت الموت بعيونها ممكن تفرق بين ابن و الثاني عن قصد او عن قلة حب .. تدري زمان كانت هذه الفكرة مسيطرة علي .. انه امي تفضل اخي اكثر مني مثلا انا ما تدرسني ولا تدري عني .. و اخي تقعد معاه بالساعات انا يرموا لي الاكل فوق الطاولة كليه و لا خلي... اخي تهتم فيه لازم هي تأكله و تجري بعده عشان ياكل :) انا مو مهم اروح العب مع بابا .ز لكنها كانت حريصة انه اخي يقضي وقت معين مع ابي انا اذا غلطت القى العصا .. لكن اخي تدافع عنه قدام بابا .. الخ لما كبرت اكتشفت شيئين.. اخي كان مفكر انه امي تحبني زيادة عنه ليش قال. انتي سايبين لك حالك بالدراسة .ز لكن انا طفشتني امي بالدراسة .ز فووووق راسي انتي تاكلي اللي تحبي وقت ماتحبي .. لكن انا امي تغصبني على الاكل لما كرهتني فيه انتي تروحي لبابا باي وقت تحبيه .ز لكن انا كل شي غصب حتى اللعب معاه غصب وامي كان لها وجهة نظر ثالثة :) كانت تسيبني لاني شاطرة بالمدرسة و مو محتاجة لت و عجن .. بينما اخي كان مهمل فا لازم تجري بعده انا ماشاء الله عليا كنت دبدوبة :) و اكل اللي قدامي ماينخاف عليا .ز لكن اخي كان نحييف مرة واذا سابته يقعد بالساعات بلا اكل فا لاازم تجري وراه عشان ياكل انا ماكنت حساسة اي وقت اروح لبابا سواء معصب او هادي و ماتفرق معاي صرخ عليا و لا لا بلا احساس :) .. لكن اخي حسسساس بقوة ولازم امي تشوف متى ابي يكون هادي عشان يلاعب اخي لانه لما يصرخ عليه كان يتبول و حالته تصير حالة .. فكل حدث يصير لا تفسيريه براسك .. و انما اسالي الطرف المشارك فيه لانه قد يكون له سبب دفعه لهذا التصرف الحين بعد ما خلفت و حسيت بتعب اهلي .. اقول مستحييييل اهل يفرقوا عن قصد .. واني صدقيني ما بتحسي بكلامي الا بعد ما يجوك اطفال .. حبيبتي ترفععي عن توافه الامور .. ايش يعني لو ما اعطوك السواق او ما عزموك عزيمة او ما اعطوك شي ... يكفي وجودهم بالدنيا ربي يعافيهم .. يكفي وجود حضن امك وقت ما احتجتيها رحتي لها .. يكفي الشعور انه لك سند بعد الله .. زوجة عمي يتيمة من عمر ال 6 سنوات .. وعاشت في بيت عمي م ضغرها و لما كانت تشوف امي و خالاتي يشتكوا من جدتي .. كانت تقول احمدوا الله انه معاكم ام و اب اتمنى اهلي يكونو عايشين حتى لو يعطوني بالحذاء (اكرمكن الله ) كل يوم ربي يخلي لك اهلك يارب |
| الساعة الآن 10:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©