|
اناعايشه في السعوديه و تقدم لي خاطب من فلسطين ( تم الرفض )
السلام عليكم ورحمة الله وبركاته
مابعرف من وين ابدا الموضوع رح احكيلكم عني شوي انا فتاه عمري 24 طول عمري عايشه هون بالسعوديه وبلدي فلسطين تقريبا مابعرف عنه شي نهائياً من فتره بسيطه تقدم لي خاطب من فلسطين حسب ماوصلني انه انسان خلوق ومحترم اعتقد انكم فهمتوا شوي شو مشكلتي فكري مشتت ومو عارفه اخد قرار اقبل فيه او لا حسبتها من جهة الغربه << اكيد مستغربين كيف غربه في بلدي انا كل حياتي عشتها في بلد غير بلدي اهلي كلهم هون يعني فلسطين مابيربطي فيها غير الجنسيه فقط فكرت كيف بدي اترك اهلي وامي واخواني وابعد عنهم كيف رح اتقبل تغير المجتمع علي وبتعرفوا طبعا وضع الامن والامان مابتخيل حالي رح اعيش رعب وخووف متلهم وبعدين تحول تفكيري جذريا فكرت بنفسي انا بسن مابيسمح ابدا بالتردد في متل هالامور وازا رفضت مابضمن يجيني احسن منو خصوصا انه دكتور وله قدره وماكنته عن جد محتااااره ارجوووكم دلوني ع الحل الصحيح عن جد محتاجه حدا يفكر معي ويحس بوضعي ويعطيني راي حكيم والف شكر لسعه صدركم |
أختي عبق الزهوور أول شيء الله يحييك في هذا المنتدى وشرفنا إنضمامك وأما مسئلة زواجك هناك من يعلم خيرتك أين فهو الله سبحانه وتعالى صلى صلاة الأستخاره وراح ترتاحي لأحد الأمرين أما الزواج أو رفضه وربك هو اللي راح يرشدك
على الطريق الصحيح وأسئل الله لك التوفق يارب والستر وأن يرزقك بالزوج الصالح .....شااااب |
استخيري اول شي
وحاولي تتواصلين مع الحريم اللي في فلسطين اعرفي حياتهم كيف اذا قادره تعيشي هناك فالله يوفقك واذا ماتقدري فانت مازلتي صغيره 24 عادي ممكن يجي بدال الخاطب عشره الله يوفقك حبيبتي |
اخي شااااب
جزاك الله خير على دعائك انا بالاول كنت رافضه الفكره قطعيا واي حدا كان يفاتحني بالموضوع اصده بس بعدين لما فكرت بحياتي وبوضعي وعمري غيرت مفاهيمي كليا وصليت صلاة استخاره ما بدي اكزب واحكي اني ارتحت للموضع كل مابشوف اهلي احس بغصه والم على فراقهم ياربي رحمتك |
حبيبتي بسمة الاشراق
احنا علاقتنا شبه معدومه بكل الناس اللي هناك وحتى لو كانت امي بتعرف كم وحده كلهم عاشوا وتربوا وتعودوا على حياتهم وحكولها انه شب محترم وانا رح اتعود على الحياه معهم بالتدريج الف شكر على مشاركتك |
أختى :
أفهم شعورك تماما .. لكن الوطن ليس إقامة فقط ... الوطن عادات وتقاليد يعيش داخلنا قبل أن نعيش داخله... ومهما طالت الغربة لابد أن يأتى يوم وأى مغترب أو حتى مهاجر يرجع لوطنه حتى لو كان ذلك فى صورة وصية بالدفن فى أرضها.. قد تستغربين الوضع فى الأول ... لكن بعد فترة سيكون الأمر عندك عادى ... ويكفى أن أبن بلدك هو من سيقدرك... تحياتى أخوكمm.s |
الله ييسر لك.. اهم شي استخيري.. وفكري زين قبل اتخاذ القرار
احنا ننتظرك ادينا اخبارك اش قررتي.. موفقة ان شاء الله تقبلي مروري |
الله يوفقك يارب
فعلا قرار صعب لكن بما أن الشاب أخلاقه تمام وافقي وتوكلي على الله صح الحياة راح تكون صعبه لكت راح تتعودين وأهم شي الإستخاره |
اختي لا يوجد ما يضمن انك ستعتادين على الوضع هناك ولا يوجد ما يضمن ان تتفقي وتنسجمي معه لان كل زواج سواء بقريب او بغريب يحمل نفس الاحتمال بعدم التوافق ولكن في حالتك يصبح الامر اكثر صعوبة لانك وقتها ستكونين بغربة وليست باي مكان بل بمكان يصعب عليك الخروج منه للسفر لاهلك وقتما تشائين .
لو كنت مكانك لم اكن لاتخذ تلك المغامرة ولكن ذلك الامر يعود اليكِ فاستخيري وقرري . ملاحظة: عمرك ليس بالذي تخافين معه من عدم الزواج ، ما زلتِ صغيرة . الله يوفقك ويختار لك الخير |
اقتباس:
بعض المقربين مني حكولي متل حكيك تماام شاكره لك مشاركتك اخي الكريم |
اقتباس:
يارب يهديني للطريق الصواب وابشركم بخبر سار دعواتك حبيبتي |
اقتباس:
والله القراار اصعب من ماتتخيلوا وكتير بفكر بموضوع الاخلاق وحديث الرسول عليه الصلاه والسلام بخليني احول قراري للموافقه النهائيه احيانا طبعا بدون تاثير العوامل الخارجيه والاحساس بالذنب والخوف الف شكر على مشاركتك حبيبتي |
اقتباس:
سبحان الله كانها اختي هيا اللي بتحكي قالتلي الحياه هناك على كف عفريت من ناحيه المعيشه من ناحيه الامن وغيره وكتير خواتي لما يفتحوا معي الموضوع بضلوا يحسسوني بتانيب الضمير كيف رح تروحي وتتركينا كيف مابدنا نشوفك ولا تشوفينا لو زعلتي مع جوزك وين بدك تروحي خصوصا ان وسائل الاتصال مو كتير متوفره حكيتلهم ان خط الرجعه ع السعوديه ان شالله ماراح اقطعوا ابدن بدي اضل ازورها بين فتره وفتره عشان الاقائمه وغيره حكولي مابينفع ممكن الحين تزورينا بين فرته والتانيه بس بعدين ازا جبتي اولاد بتقدري تتركيهم وتطلعي وفرضا كانت الاوضاع مو اوكي وسكر المعبر اكيد حتروح علي الاقامه والله كتير خوفوني وكتير احيانا اعزم على انهاء الموضوع بالرفض بس بررجع وبفكر بحالي مانا في نظر المجتمع دخلت في سن خطر وفرص الزواج عندي بدات تقل شوي شوي عشان هيك انا بفكر بالموضوع الف مره وعنجد محتاااره ويارب يلهمني للقرار الصائب دعواتكم في الايام الفضيله لا تنسوني رجااء |
السلام عليكم ..
أولا وثانيا وثالثا استخيري لو نفكر بالموضوع بعقلانية أجد نفسي أميل الى الرفض لو كنت مكانك .. من الناحية الأمنية .. ومن ناحية وضع الأطفال في المستقبل .. ما هي معوقات الخروج من البلد والدخول اليها ؟؟ ولا أعتقد العودة الى السعودية بعد خروجك منها ستكون بالسهولة التي تتصورينها ... الله يقدم لك اللي فيه الخير والصالح،،، |
وعليكم السلام والرحمه
اهلين اختي رسيل انا متلك بالبدايه كنت رافضه بسبب الناحيه الامنيه والخوف والرعب اللي بعيشوا الله يفرج كربهم ونهائيا ماكانت على بالي شغلة الاطفال بس خواتي نبهوني عليها وبالنسبه لسؤالك عزيزتي المعوقات كتيره ومابتخفى على حدا يعني لو صارت احداث زي احداث 2006 او الاحداث الاخيره اللي صارت والمذابح سكروا اليهود جميع العابر في فلسطين ومنوعوا اهلها من دخولها او الخروج منها لدرجه انهم منعوا حتى الاكل والتموينات يعني عن جد عذاب وطبعا الحصار بيطول وبيستمر لاكتر من شهرين واحيانا اكتر من هيك يعني ممكن لو كنت هناك وسكرت الحدود رح تروح علي الاقامه ونهائيا مابقدر ارجع ع السعوديه بتمنى اكون وصلت المعلومه صح تسلمي حبيبتي ع المشاركه |
عزيزتي الصورة مهم تكون واضحة لك انت
انا حبيت الفت نظرك الى تلك النقاط وارى من العقلانية رفض مثل هذا الزواج حيث ان الامر لا يتعلق بكما فقط وانما بأطفال في المستقبل نتمنى لو نعيدهم الى ارحامنا قبل ان يصابوا بأي أذى |
قبل اعطيك رايي بسالك
هل ذهبت الى فلسطين يوما من الايام ؟؟؟ اهل قابلت اناس من فلسطين في الحرم او في مدينتكم التي تعيشين فيها ... هل رايت ان الاختلاف بينكم كبير ؟؟؟ اختي اكتبي النقاط التي تجعلك ترفضين او توافقين وحددي رايك في كل نقطه ... لي صاحب يمني ولد في السعودية وعاش فيها وذهب لدراسة الطب في اليمن يقول والله كرهت نفسي احس غربه وماقدرت اتعود على الطباع ابدا ... غير كذا انت عشتي في بلد ولله الحمد فيها خير وتعودتي على مستوى معيشي معين وعلى امن ولله الحمد الشيئين اللي ذكرت يكفي في انك ترفضي ... غير مسالة الغربه هناك وغير اختلاف الطبائع ... التنبؤ بالمستقبل صعب ممكن تتزوجية وتعيشين ملكه وممكن تتزوجي من السعودية وتتعبين لكن الانسان يتخذ قراراته في ضوء المعطيات التي يشاهدها ... اللي اعرفه ان اصبر النساء العربيات هن الفلسطينيات وهذا بسبب ظروفهم وانت عشت منعمه فهل ستصبرين ... بخاطري اقول لك ارفضي بس ماادري انت ادرى ... والله اني خايف عليك اقول ارررررررررررررررررررررررفضي والرزق عند الله ان كتب لك شيء بيجيك ... |
السلام عليكم اختي
اولا استخيري وبعدين سوي مثل ماسويت وهو هاتي ورقه وقلم واكتبي مواصفاتو الايجابي في جهه والسلبي في جهه والي اقصده السلبي السفر.. وبعدين اكتبي الي تبيه انتي وايشالي تكدرين تتنازلين عنه والي تعتبريه اساسي مافي شي يعوضه حتى وان كان دكتور او اي شي ثاني ... يعني المهم شوفي الي فيه استقرارك وراحتك لان اذا مااستقريتي انتي بتحولين حياتك وحياته فاشله اعياذ بالله.. انت بعمر الورده ومقتبل شبابك الحياة قدامك لا تفكري بانك كبرتي ابد.. ربي يعطيكي الي فيه الخير الك بس هو اعطانا عقل انفكر فيه لي عوده |
ابنتي الكريمة عبق الزهور
سأعلمك طريقة لصنع القرار وستجدين نفسك بكل سهولة تصلين إليه: 1- ضعي كل مشاعرك تجاه أهلك ونفسك وبلدك هنا أو هناك في صندوق وأغلقي عليها. 2- أفتحي عقلك بكامل طاقته وأكتبي سلبيات الزواج بكاملها. 3- أكتبي إيجابيات الزواج. 4- أكتبي سلبيات الرفض. 5- اكتبي إيجابيات الرفض. أكتبي لأمام كل فقرة تقييم لها من عشرة حسب قوتها ومناسبتها لك. ثم أنظري لدرجات التقييم وسترين أنك توصلتي للقرار المناسب. أسأل الله لك الخيرة من أمرك وأن يبارك فيك وفي الجميع. |
هذا النصيب حبيبتي
مستحيل تلقي زي الي ببالك بالضبط استخيري وتوكلي ع الله |
سلام من داخل فلسطين الى احبائنا في الخارج
اختي انا من الضفة الغربية ..وبحكيلك شغلة بالنسبة للخوف والرعب احنا هون مش متل ما انتوا مفكرين عايشين بخوف ورعب بالعكس العيشة عنا كتير حلوة بكفي ريحة العنب في الخليل والموز في اريحا والزيت والزعتر في رام الله حبيبتي صلي استخارة يمكن الشي الوحيد يلي رح يكون صعب عليكي هو بعدك عن اهلك بس انا من ناحيتي بطمنك الناس هون ما في اطيب ولا اروع منهم والخوف والرعب ف احنا ما بنخاف وانتي رح تكوني مع رجل من رجال فلسطين انتي بحمايته ما بكون زلمة ازا خلاكي تخافي من شي وانتي معاه ...ودخيلك شو شايفه الحروب مولعه عنا ؟؟ لا تخافي الوضع هادي .. وبعدين انا بعرف انو كل المغتربين الفلسطينية بالخارج بحبوا يزوجوا بناتهم لشباب من جوا البلد لانو بالاخر بترجعي لبلدك ومش بس اسم فلسطين ... فلسطين ام لكل اولادها جوا وبرا من اي منطقة العريس يا عروسة احكيلي وانا بجيبلك قراره |
ما بعرف استخيري وقرري يا اختي بس الموضوع مش متل ما انتي متصوريته
عادي بسهولة جدا بتقدري تسافري من والى فلسطين والامان والخوف هاد حطيه على جنب ... لانو ما حدا بضمن المنطقة اللي هو عايش فيها ..يعني انا ممكن اكون في امريكا يلي هو نعتبره بلد ااامن وتيجيني قذيفة وما بعرف من وين اجت .....هاد كلو بايد ربنا ما في شيء اسمه كف عفريت هاد كله نصيب بس استخاره وتوكلي على ربنا ... اذا رفضتي بجيبلك نصيبك وبعوضك ربنا واذا وافقتي ف بنتشرف فيكي وردة بيناتنا الله يوفقك |
كمان بالنسبة لكلام اخواتك انو ازا زعلتي لمين بدك تروحي وانتي لحالك هناك وهيك
يا حبيبتي بحكيلك شغلة ...انا مخطوبة وهيني بين اهلي وناسي ...شو ما صار بيني وبين خطيبي لو بدنا نموت بعض انا مستحيل احكي لا اختي بحكيلها ولا امي بحكيلها مع اني عندهم انا لما بزعل من خطيبي بشكيه اله وبعاتبه وبنتراضا بيناتنا لا حدا بيعرف عنا شو بنحكي ولا ايمتا بنتزاعل على هيك متفقين وهو بتصرف نفس الشي .. وسواء اتزوجتي هاد العريس او غيره من السعودية بنصحك شو ما صار بيناتكم ما تحكي لحد لانو بالاخر رح تتصالحو وتتصافو وتمسحوا كل تفاصيل المشكلة ..بس اهلك رح يحطوا موقف فوق موقف ويحسبوا على زوجك اخطاء ... ف هاي النقطة شيليها من راسك وما تفكري فيها . هيك رأيي انا . انتي شوفي المناسب |
اقتباس:
ماقلت لكم ماشاء الله الفلسطينيات صبورات اختي اسمين وروح وحده انت تعودت لانك طلعت على الدنيا وانت تظنين ان الدنيا مافيها الا ماتشاهدين وماتسمعين والله بالسعودية الى الان لما نسمع صوت هيلوكوبتر او طيارة (مدني) مش حربيه كلنا نطلع نشوفها فصعب انك تقيمين الوضع الا لما تكوني ولدتي في السعودية وعشتي 25 سنه فيها ثم انتقلت لفلسطين يومها تقدري تعطين رايك بالموضوع بشكل مقارب لحال اختنا ... وفق الله الجميع .. |
اقتباس:
ع كل انا ابديت رأيي وبلاخر حكيت الها صلي استخارة خلص انتوا اعرف بحالها مني انا يمكن متل ما حكيتي صعب اقدر الوضع لاني مش بسعودية الله يوفقكم |
اهلا وسهلا بك اخت عبق الزهور
في اكثر من موضوع يثر قلقلك وهي نقاط اساسية ومهمة اولا:البعد والغربه عن الاهل ممكن التكييف معهم اذا كنت انت الناس الذين يسهل عليهم التكيف مع الظروف والتغيرات بسرعه ززز أما إذا كنت من الذين لا يستطيعون البعد عن الاهل فقد يكون ذلك عائقاً كبيراً لديك ثانيا لازم تعرفي وتؤمني بالنصيب والقضاء والقدر وان الاشياء مكتوبه علينا بمواقيت محددة يعني مو انك صرتي في سن ال ٢٤ يعني خلاص تقبلي بأي شخص يدق الباب لا يا اختي الزواج قسمه ونصيب الله بيكتبها علي البشر انا ما حاقولك ارفضي او اقبلي لانه القرار لك ادرسي الامر جيدا من جميع النواحي ثالثا: وهو كلام اخواتك يعني زي ما قالت لك الاخت اسمين ورح وحده لازم تعرفي إنه مافي اي علاقه تخلو من المشاكل بس المراءه الذكيه تعرف كيف تتصرف ....وانا مع كلام الاخت اسمين وروح وحده واحب اضيف الي كلامها انه الله موجود بكل مكان وناس كثيره في بلادهم الاصليه عايشين في قلق وخوف لدي صديقه عزيزه ومره غاليه علي تقدم لها اخ فلسطيني من القدس وهذه الاخت احب اقولك إنها مقيمه في امريكا وتربت وعاشت كل حياتها وماتعرف اي شئ عن بلدها الاصلي وتدرس وتعمل في ارق المناصب ووافقت علي هذا الاخ بعد ان صليت الاستخاره وارتحت له كثير ولكن بعد مرور وقت قصير اكتشف هذا الاخ انه مايقدر يأخذها من اهلها لانها كانت الوحيده بعد اخيها وصدقني اذا قارنتي حياتك بحياتها اشوف انها مسترحيه كثيره وبرضو كانت حتأخذه لانه كان شخص محترم ابن كان شخص متدين وعلي فكره هو كمان كان طبيب يعني هي كانت حتتنازل باشياء كثيره واتفقو علي اشياء كثيره بس سبحان الله الله ماكتب انهم يكونو مع بعض انا اقولك القرار لك ولكن من واجبي ان أوضح لك بعض الحقائق التي تساعدك على الاختيار الصحيح ،،، وفقك الله وارشدك الى الصواب |
أنا عندي اخوان وأقارب بالضفة .. زوجة أخي عاشت عمرها كله بالاردن وبعد زواجها بفترة نزلت الضفة والصراحة كان التأقلم شوي صعب لكنها واخي طوعوا الظروف وتأقلموا مع الحياة هناك . انتقلوا للعيش بالمدينة قرب بلدتنا واولادهم بأحسن المدارس والسفر للأهل سنوي مرة وربما مرات عدة والحمد لله .
طبعا لكل شخص ظروفه وأحواله الخاصة ولا نستطيع أن نلبس أي حالة ثوب حالة أخرى . لكن برأيي عندك نقطتين محوريات ومهمات جدا تحتاجي النظر فيها . النقطة الاولى الوضع الاجتماعي من ناحية جواز السفر والكرت الاخضر والاصفر ... هل سيكون السفر متاح لك لو أردتي أم انك راح تكوني مقيمة بشكل مخالف ومضطرة لعدم مغادرة فلسطين ؟؟ هل ستصبحين بوضع مغاير لوضع أهلك وبالتالي لن تستطيعي زيارتهم ؟ النقطة الثانية هي البيئة ... ما هي بيئتك الحالية ؟؟ قروية . بدوية .. مدنية ؟؟؟؟ وما هي البيئة اللي راح تعيشي فيها بعد الزواج ؟؟ ان كنتي تعيشين الان بمدينة بالسعودية وانتقلت لبيئة قروية بالضفة فسيكون التأقلم أصعب عليكي . اما المدن فالفرق يصبح أقل والتأقلم أسهل . وعندما أقول تأقلم أفصد التأقلم مع الناس وطبيعتهم ومع الظروف المادية ومع المكان كإمكانيات وتسهيلات للمعيشة . أتمنى من احبابي وتاج راسي بالضفة أن لا يتحسسوا من كلامي فنحن هنا نتكلم عن مقارنات من الممكن ان تحدث بين أي مدينتين او بلدتين بالعالم أجمع .. ولا أقصد الاساءة لأحد أي كان , سواء السعودية أو الضفة وبلادي الحبيبة تستحق مني بذل الروح لها ولو أتاحت لي الظروف للانتقال والعيش في أي بقعة فيها فلن اتردد مثلما فعل شقيقاي الاثنان فأحدهما طبيب والاخر يعمل بعمل اداري لكنهما وبالرغم من ان عملهما كان مستقرا ومؤمنا ولديهما جنسية لبلد مستقر الا انهما تركا كل ذلك للمساهمة في بناء الدولة الفلسطينية عندما اعلن عنها في التسعينيات . اللهم يسر لها الخير أينما كان واصرفها عنها الشر أينما كان |
بعد غياب اربع شهور عدت اليكم
واخر الاخبار المتعلقه بهاد الموضوع انو تم الرفض والحمدلله ع كل حال ومابخفي عليكم زعلت كتير وبكيت كمان لان اهلي رفضوه من دون علمي كانوا بيحكولي لسه بنفكر لكن للاسف اكتشفت بعد فتره انهم رفضوا الله يسامحهم واللي مصبرني اني استخرت واكيد اللي صار خيره الي والله رح يعوضني باحسن منو ياارب وردا على حبيباتي واخواتي اللي من فلسطين انا مو من الضفه انا من غزه :) واخيرا يارب كل شخص كتب حرف بهاد الموضوع ان يرزقه من حيث لا يحتسب وينور بصيرته استفدت كتير من ارائكم ازا مو عشان هاد الموضوع بالمستقبل ان شالله حيفيدني اكييييييد ^_^ |
اطلبي منه ان يعيش معك في السعودية
|
الله يرزقك بالزوج الصالح يعوضك عنه خيراً
:: يغلق الاشراف |
| الساعة الآن 01:14 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©