|
ارسل الرسايل لزوجي ويطلع اللي قراها ابوه
السلام عليكم ورحمة الله وكل عام واننتم بخير انا مشكلتي اني في قمة الاحراج من والد زوجي تخيلوا لي قرابة الاسبوعين وانا ارسل رسائل خاصه جدا فيها الكثير من العتاب والاسرار الزوجيه اللتي من المفترض ان لا يعرفها احد على اساس انها تذهب لزوجي واكتشف مؤخرا انها ذهبت لوالده وان عياله قرأوها عليه جميعها وزرته ولا علق على اي شي طبعا هو رقمه رديف لرقم زوجي واخر مرة اتصلت فيه لم اغير التعديل فثبت رقم والده ولكن باسم زوجي ولما اكتشفت عن طريق الصدفه واخبرت زوجي ذهب لوالده واخبره بانها كانت تأتيه رسائلي بالخطأ اخذ يعلق على كل رساله ويقوله زوجتك كاتبه وكاتبه من هالاسرار والعيال قروها علي ومسحوها انا اللحين لي قرابة شهر مازرته من الفشيله وزوجي يقول انفضحنا وخلاص انتهى الموضوع بالله بأي وجه بأقابل عمي من جد غاية الاحراج:29::29:
|
يؤيؤيؤ
اي والله انفضحتوو وخلاص مافي حل الاتحذفين رقم ابو زوجك واذا بغيتي ابو زوجك تعرفين تدقين عليه |
وليه ابو زوجك وعياله ساكتين ماارسلوا لك رساله يوضحون لك انك غلطانه ؟؟ مستانسين على انكشاف الأسرار ؟ عييييييب والله عييب الناس العاقله والراقيه .. تحط نفسها في هالموقف و تتصرف .. اقلها يرسل مسج يوضح انك ملخبطه للستر |
اقتباس:
|
عزيزتي ..
الأمر صار وانتهى وليس هناك ما تقدمينه أو تفعلينه .. هو حقيقة محرج جدا .. وتأخرك في الزيارة يدل أنك منحرجة وماله داعي تطولينها .. ولكن تكيفي مع الوضع وزوري عمك وحاولي تكوني عادي وتسولفين زي كل مرة .. لا تبالغين في السواليف والانشكاح بحيث يقولون يعني اني مو منحرجة ولا تسكتين ويبدو الموضوع انه في بالك .. حاولي تكونين عادية مرة وتذكري ان عمك تصير بينه وبين زوجته نفس الشئ من امور زوجية , أسرار ,, خلافات ,, أشياء خاصة جدا .. وترى الرجل الكبير والمرأة الكبيرة ما يصيرعندهم اهتمام كبير بهذي الامور .. وبالنسبة للأولاد الي قرأوا الكلام لا تعيرنهم اهتمام كذلك .. وثاني مرة شوفي الرقم زين : ) |
تخيلي انا صارت لي مع صديق زوجي -معاه رديف زوجي وعلى ايام النوكيا يحفظ الرديف بنفس الاسم وكان قبلها بكم يوم جوال زوجي مقطوع واستعمل جوالي وانحفظ وكنت ارسل شوق وحب الين جت مره من المرات دق علي شكله خق :) واطالع الا نفس اسم زوجي وزوجي جالس عندي يوم رد الا صديقه :) قال صديقه هاه اهلك ؟؟؟قال زوجي هلّك بطنك :)
|
عااادي موضوع طريف ، لو انا اموووت ضحك ^ــــــ^
وكل ماشفتهم ضحكت ..! |
ليش أنتم ما تحفظون أرقام ازواجكم بأسماء ؟
:) مالك حل << ليه الغرور تقول كذا :D روحي زوري عمك وكأنه عادي مافي شي والله يعينك |
عن جد موقف محرج
بس ..كل شيئ فات مات .. ماله داعي ... تعبي نفسك مع مرور الايام بتنسي .. وبنسى والد زوجك عيشي حياتك طبيعية .. والله يوفقك.. |
عزيزتي ان ماضغطتي او اجبرتي نفسك راح يتدهور الوضع ويزيد احراجك وبتطول المده زياده
انصحك اضغطي على نفسك وروحي خصوصن انه كبير بالسن يعني يخف الاحراج شوي الله يهديه |
حاولي نسيان الموضوع وتأكدي انه ايضا سوف ينسى وزوريهم وخليك طبيعيه
|
موقف محرج شوي
بس عادي خليهم يعرفون قد ايش تحبين ولدهم ومدلتعه.... انا اشوف انها ايجابية :) بالتوفيق والله يسعدكم |
والله موقف محرج.. وكمل عليه ابو زوجك ..
ما عليك روحي وزوريهم واقلبي عليهم الطاوله.. واضحكي واجعليها نكته وضحكه مسليه.. وقولي لابو زوجك .. اجل كل هالوقت وانا اتغزل فيك .. على بااالي ولدك !!! |
اقتباس:
اذا قصدك مالها حل..فعلا مالك حل يااختي..الا اذا بتشربين عمك وعياله شي يفقدهم الذاكره عشان ينسون الكلام الي في المسجات.. |
صراحة موقف لا تحسدين عليه بس عادي بتحصل
روحي زوريهم ولا كأن فيه اي شي خلك طبيعية |
:)شكله لعمك حب المسجاااات.................:d
وبعدين ما تحسي بتانيب الضمير عااادي ...المسجات مو لحدا غريب ...لابنه... روحي انتي وزوجك لبيت اهله وكانه ما صااار شي ابدا.....حاولي ايا كان يلي كتبتيه لزوجك بيصير بين اي زوجين.... تقبلي مروري... تحياتي... كراميلااا.... |
انا حافظه الرقم باسم زوجي بس مره اتصلت في عمي وسويت تعديل للرقم في القائمه وانحفظ فوقعت الكارثه جد الله لايحطكم في موقفي ضايع وجهي بالمره وهذا انا استنى دخول هالشهر الكريم عشان ازوره والله يعيني
|
ابنتي الكريمة صمت الحنان:
بارك الله فيكما وعليكما وجمع بينكما في خير. وزواج مبارك الكاتب هنا بعمر والد زوجك وتخيلتك زوجة ابني وتخيلتك جئتِ للسلام وقد حصل ما حصل وأقول لك بمشاعره كما أتوقع سأضحك ببساطه واتذكر خجلك من مقابلتي وأهون عليك وكتحليل منطقي - أنتي ووالد زوجك متزوجان وتعرفان ما يحدث بين الزوجين من عواطف وتواصل نفسي وجسدي. - كلنا معرضون للخطأ وللكن ننفرد بالانتقاد فقد ورد في الحديث عن الضرطه أكرمك الله والجميع قوله صلى الله عليه وسلم ( لمَ يضحك أحدكم مما يفعل) بمعنى قد يقع من عمك نفسه ما يخجله منك ومن زوجك أبنه. اذا استسلمتي للخجل من هذه القضية ستكبر . النصيحة: تعاملي مع الموقف بروح مرحة وضاحكه وكأنك تضحكين على نفسك أمامه وسأغششك ببعض العبارات هنا( مع ضحكه خفيفة قولي في أول مقابلة (واخزياه صادن ساهر بهالرسايل يا عم). (مع ضحكة أن شاء الله ربي يبي يطيحكم عندي بمطب مثل ما أكلت هالمطب عندكم). (مع ضحكة هاه يا عم عساي عرفت أغازل ولدك كويس أكيد عندك خبره يا عم). أبحثي بالنت عن مقالب الأيام الأولى للزوجات مع الحمولة سيكون هذا المقبل ولا شي. |
اقتباس:
اضحكتني بارك الله فيك |
موضوع بيضحك خبري حماتك وخوات زوجك مشان مايفكرو انك بتحبيه ههههههه وكلنة بنغلطو ومافي شي لا تخجلي حالك هوة زوجك تقولو كلشي لبعضكم
|
الموقف محرج بصراحة لكن لا تنسين الجانب المضيء في القصة أنهم عرفوا وش كثر أنت منهبلة على ولدهم :d بيقولون هذا اللي عرفناه أجل الباقي ايش، ولدنا محظوظ اللي هذي زوجته :d لكن صدقيني أختي بتنسين الموضوع وهم بعد .. الله ييسر أمرك. |
شي محرج :o
وبنفس الوقت مضحك..اعدريني روحي لعندهم عادي انتي ما عملتي شئ يستاهل تتخبي منهم وديري بالك المرة الجاية اكتبي اسم زوجك بالاحمر حتى ماتغلطي ثاني.:D |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©