|
زوجتي قالت لي اقلب وجهك
السلام عليكم :
انا سعيد بانضمامي الى هذ المنتدى الرائع.... لدي مشكلة مع زوجتي وان شاء الله تنحل انا ملكت ولي حوالي 9شهور والحفله ان شاء الله بعد شهرين...كانت الفترة الماضية جميلة ورائعة تعرفت على زوجتي وتعرفت علي ...الشاهد في الموضوع عندي ملاحظات على زوجتي بذكرها لكم وابغى منكم الإفادة وايجاد حل..... الفترة الماضية اتصالات زوجتي كانت قليلة وبالعكس كنت ادق عليها ماترد واذا سالتها ليش ماتردين تقول كنت مشغوله......برضه احس ان زوجتي تحاول ان تفرض لها هيبة وقوة بحيث ان تكون هي صاحبة القرار يعني مثلا تبغى هي اللي تختار القصر وتبغى هي اللي تختار الطققات مع ان العرف عندنا في قبيلتنا ان هذ كلها على الزوج وهو اللي يختار....طبعا تكذب علي كثيييير وتحسب اني ما ادري....برضه تطلب مني دايم فلوس ولازم اشحن لها جوالها مع انها تعرف اني باقي ماتوظفت ....صح ان ذا من حقها بس برضه لازم تقدر ظروفي برضه من ضمن الاشياء اللي سوتها معايه كنا نتكلم عن اغراض الزواج وكانت تقول لي الشي اللي يعجني رايح اخذه مهما كاااااان سعره ....طبعا انا طرطعت وقلت لها مستحييييييل يحصل هذا الشي وعصبت عليها ومن شدة التهور قلت لها هذ اخر مكالمة اكلمك طبعا تصرفي خطا ...ردت علي برد للاسف لم اكن اتوقع مثل ردها قالت بين قوسين "اقلب وجهك" تخيلوا 9 الشهور كلها كانت حلوه ولا حصل اي مشاكل والمكالمة الاخيرة قبل يومين حصل اللي قلته لكم تكفون ابغى نصيحتكم وش اسوي ....وهل هي تحبني من خلال تصرفاتها اللي تسويها |
لاحول و لاقوة إلا بالله
طبعا اخي الكريم هي مخطئة و تصرفها سيء و غير ناضج و قولها سأشتري بأي سعر , تصرف مراهقات بصراحة يعني حتى لو كانت تتمنى شراء الأغلى و الأفضل فالطبيعي انها تستحي تفرض هالشيء على خطيبها و تصر عليه فهي بهذا تعطي نطباع سيء و تستهين بك اجد مااسميته بتهور ردة فعل عادية بل كلمتها اقوى الآن ,,اتركها يعني لا تكلمها فترة حتى تعرف خطأها و إن كانت تحبك ستتصل و تعتذر يعني لا تستجدي اعتذارها بل انتظر و اصبر حتى هي تكلمك .. |
ينقل للقسم الأنسب
|
اقتباس:
طبعا مافي امل اكلمها ابغها تحس شوي لان اذا كان هذه بدايتها فكيف بعدين اذا ارتبطنا |
الله يكوون بعوونك اخي الفااضل ..
:: لآزم من البداايه تفهمهاا انها لازم تقدر وضعك الماااادي .. :: تصرفك غلط لمن قولت لها هاذي اخر مكالمه بيني وبينك .. هي اكييد عصبت وقالت لك (اقلب وجهك) . الغلط هنا من الطرفين .. :: لا تكلمها هاذي الفتره او قلل المكالمات يلي بينكم .. واذا كلمتها كلمها بررسمية جدااً .. // وان شاءلله بتعترف لك على خطأها .. الله يعينكم وييسرلكم اموووركم وينور طريقكم بالخير والصلاح .. تقبل مرووري دمت بوووود=) |
ياخي الكريم من الافضل في فتره الملكه ان لا تطول ولاتطيح الميانه بين الزوجين
وتكون فتره تاسيس ووضع الاساسات للقيام حياه راسخه بالمبادي والقيم وياخي الكريم يجب ان تكون بينكم شعره معاويه يعني اذا شدت انت ترخي واذا شدت هي ترخي وهكذا الحياه اما ان تكون هي معصبه وانت تعصب فحينتج كهرباء واحتمال التماس كهربائي لكن هدي العب وادر الامور لصالحك حتى تسير المركب الى مرسى الامان وياخي لاتنسى بان الشيطان والحساد هم اشد مايكونوا في هذه الفتره فعليك بالاذكار والاوراد الشرعيه واكثر من الاستغفار والصلاه على الحبيب محمد صلى الله عليه وسلم وبالتوفيق |
كل اللي اقدر اقولك
هذي طبايع البشر الكلمات هذي هي متهودة عليها مع صديقاتها على اساس الميانه وطبقت الشي معاك مو عارفه انه شي يضايق وممكن يهد بيت زوجتك صغيرة ويمكن مراهقه اعذرها وقومها بنفس الوقت بس لا تشد معاها ابداااااااااااااااااااااا الله يوفقكم ويسعدكم ياخوي |
خطيبتك تتغلى ياخوي
المفروض كنت تمشي معها في الكلام,,, السبب بسيط البنت يهمها المعنى النفسي اكثر من المعنى المادي,,, تحب تحس انك ممكن تسوي المستحيل عشان توفر اللي تتمناه حتى لو كان غالي لانه طبعا مافي اغلى منها,, ردك ياخوي حطمها و قالت هالكلمتين,, |
طيب وش رايكم وش الحل ردودكم جميلة لكن أنا محتاج لحل خصوصا من اهل الخبرة ........بالنسبة لعمرها فهو 24 لاهي مراهقة ولا شي .......تكفون النوعية ذي هل تصلح تكون شريكة حياة
|
الصبر طيب.. دوبكم على أول الطريق الخلاف على الرأي بديهي بين اثنين نشاءوا وتربوا في بيئة مختلفة.. ولن يحصل توافق إلا بتقديم بعض التنازلات ومراعاة مشاعر الطرف الثاني والتناسي عن بعض الهفوات.. .. لكن يجب عليك (يجب) منذ البداية ان تفهم خطيبتك بأن التفاهم والحوار هو الذي يحل الخلاف ولا يحل بفرض الرأي والتشدد والتعنت.. .. وفهما بأنك تحاورها وتشاورها لأن الحياة مشاركة .. وان هنالك أسلوب نقبل به وآخر نرفضه.. ويا ريت لو تفهمه برضه ان لا تدخل طرف ثالث لأن التدخل وعلى وجه الخصوص الأسري يفسد أحياناً أكثر من أن يصلح.. نصيحتي.. ألزم الصمت.. لا تستعجل فتتصل سوف تبادر هي ولو برسالة توضيحية أو مستنكرة انقطاعك وكأن شيئاً لم يحدث لا تكلف نفسك فوق إمكانياتها وأنت مقبل على حياة جديدة يفترض أن تبتهج بها لا أن تثقل كاهلك الديون |
اصبر عليها وان شاءالله مع الوقت تتغير
اذا تكلمت معها حاول بأسلوب جميل تعطيها من الكلام الحلو وانها غاليه عليك وبعدها توضح لها ظروفك الماديه وان شاءالله تتقبلها بس الحين لاتتصل خلها هي اول شي تحس بخطأها وتعتذر فاذا هي اعتذرت معنى انها نادمه وهذا يؤهلها انها تصلح تكون شريكه لك وكل اللي هي تبيه كان مجرد انها تبي تحقق رغباتها وتكون احسن من غيرها وتهتم بالمظاهر والماديات لان المجتمع اللي حولها يشجعها على كذا ,, وانا اشوف 24 مازالت صغيره , اصبر عليها وبكره تقنع وتعقل ,, اكسبها بالكلام الجميل وأهدها بعض الكتب النافعه للحياه الزوجيه ,, فيه كتاب اسمه (المرأه البحر والرجل المحيط) رائع ومفيد جدآ لك ولها ,, واكثر من الدعاء .. اسأل الله ان تكونآ لك على طاعته ويجعل بينكم موده ورحمه ,, |
اي يا اخي اقلبة واطلع بوجه ايخليهه ما تعيد هالكلمة
|
تقليل المكالمات ليس بحل ! و الميانة بين الزوجين ليست سببًا لقلة الأدب !
واختلاف الرأي وارد بين الزوجين و مقبول و صحي لكن الغير مقبول أبدًا هو التحدّث بهذه الطريقة ( الهمجية ) و فرض رأيها بالقوة ! هناك طرق كثيرة لما نسميه ( فرض الرأي ) طرق حضارية أكثر كـ محاولة الإقناع بالمنطق و العقل أو الدلع على الزوج حتى يرضى و يقبل دائمًا أقول لا يوجد رجل صعب المِراس لكن توجد امرأة غبية لا تعرف كيف تتعامل معه ! . أنا لا أدري مالتصرف الأمثل الذي يمكن أن يحل هذه المشكلة ، لكن هذا تعليقي على ما تفضل به بعض الأخوة أنا متملكة و أمون على زوجي و هو أخذ كل شيء ببساطة لكني والله أحترمه و أجله وأخجل و استحي من قول مثل هذا الكلام له ! بل واستحي أن أقوله لأي أحد ! زوجتك واضح إنها تسمع كثير لكلام البنات و اكسري خشمه بدري و اثقلي و تغلي و اطلبي و و و و أعانك الله |
اقتباس:
لكن ما أقول الا الله يصلح قلبها...... |
لاتعتذرلها , هي اذا تبيك وتقدرك راح ترجع من كيفها !
هذا شيء , الشيء الثاني لو أنت اللي اعتذرت راح تشوف عاد نفسها وتحس إنها فرضت شخصيتها أما سالفة القصر والطقاقات , تقول مالها دخل وهذا من إختصاصنا إحنا غلط وأنا أخوك , حتى لو عاداتكم وتقاليدكم تقول كذا فشنو المشكلة لو تسمع من زوجتك بعض الاقتراحات .. ؟ هي شريكتك بالزواج , وهالزواج زواجها مثل ماهو زواجك تقبل إقتراحاتها بقدر المستطاع وفقكم الله |
:)
السلام عليكم
ربي تمملك بالخير يا اخي انصحك يا اخي حتى و لو ما عندك المال الكافي و نتم تدردشون على الماديات قول لها اشتريلك الي تحبيه ان شاء الله اشتريلك حسب مقدرتي ووو حتى بالكلام و حتى لو متشتريلها و الله ماراح تزعل لان المراء تحب ان الرجل يحسسها انه راح يوفرلها كل شيء و يسعى لاسعاده و لو بالقليل الشيء الثاني اذا هي من النوع الي تحب تفرض رايها و هي الي تقود هذا ما ينفع الرجال قوامون على النساء و الرجل هو قائد السفينة هي مساعدتك عليها ان تقدرك و تعطيك القيمة التي تستحقها و انت لا تحاول تجيها بالقوة و تفرض عليها افكارك فتعند هي و تصير المشاكل بالنسبة لاقلب وجهك هذي عيب تقولها و خاصة الموقف ليس فيه لا استفزاز ولا شيء يمكن خطيبتن عصبية شوي لا تكلمها حتى تعتذر و وضح لها انها اخر مرة وانك لا تقبل مثل ذلك الكلام مرة ثانية و كون حازم و قول لها من باب التخويف انك لا تقبل تعيش مع انسانة تتكلم بتلك الطريقة و اذا كنت تحبها انا متاكدة راح تصبر عليها و اذا تحبك راح تعمل المستحيل انها تغير من تصرفاتها الي ما تنفع تعملها مع زوجها وانصحها بالدين بعد متتصالحو موضوع الطاعة خاصة و ربي يهنيكم و يجعلها من الصالحات و تسعدك و تسعدها |
ماقصرتم الله يعطيكم العافية وينور عليكم مثل مانورتم علي
|
والله غريبه اليوم البنات هن من يبحثن عن الستر أكثر من الرجال واستغرب من قصتك وقليل اليوم من شاكلتها الله يصلح مابينكم
|
ياخي وش هالفترهـ الطويله ،، 9 شهوور وربي وآآجـد ،، فترهـ الملكه يا اخي مرهـ كثيرهـ وانا أنصح أن فترهـ الملكه ما تكمل عن 3 شهور كآفيه تعرفون بعض ،،
ثآنياً يا يالغالي ترآ أنت شطحت عليها ونرزفتها ،، وهي ماشاء الله عليها ع طوول عطتكـ من الآخر ،، وتبي الجد ردهـ فعل طبيعيه إنت قلبت عليها وهي قلبت عليكـ ،، عموومآ أرى أنكـ تطنش وتثقل ،، وإذا فتحتوا الموضوع مستقبلا انت ويآهآ تكلم معها بكل هدوووء وبنقاش حلوو وبتفاهم رآئع ،، فهمها إنها غلطآنه وكلمتها مرهـ كبيرهـ ،، وكلمتها تفقد الإحترآم بين الزوجين ،، إذا قالت أنت قلت كذا وكذا ،، قوولها أيـه نعم أنا قلت كذا وكذا ،، بس ما غلطت عليك ولا قلتلكـ اقلبي وجهكـ أو إنقعلي ،، ترآ كلمتكـ اقوى وأنا ما أسمح لكـ فيهآ ،، ورجآءً خآص ماعآد تتكرر هذي الكلمة ،، يعني خليكـ حآزم شوي ،، قلبي معآكـ وإن شاء الله الأمور بتنحل ،، |
kingroad .. أنا معك في كل كلمه
الاخوان والاخوات ماقصروا |
ممكن تشرحوا لنا شو يعني أقلب وجهك ، هل معناها أغرب عن وجهي ،
|
ههههههههههههه زوجتكك فاهمه الثقل غلط
شكلهاا تبي تسوي يعنني ثقيله يوم تقولك اقلب وججهكك بس تبي الصرـآححه يعني بما ان الكلمه اثرت فيكك كآآن رديت عليها برد جـآرح وقوي علشان تعرف حدودها وماترججع تععيد ذا الاسلوب معك |
هاه يا اخوان ويا اخوات مر علي الان اكثر من اسبوعين ولا كلمت زوجتي ولا اعتذرت ولا شي لدرجة اني ولله الحمد رزقت بوظيفة ولاباركت لي ولاشي فقلت ياولد ماهي مشكلة نتازل ونكلمها والله لي ثلاثة ايام ادق ماترد....فتكفون وش الحل معاها لو يجاوبون البنات افضل
|
والله غريبه يا أخويه ..
شوف انا بنت ولو مريت بنفس الموقف دآآ .. بالعكس رااح انبسط وأرد عليك وانا في غايه السعاده .. لكن احساسي يقول ( انها قالت في عقلها اسبوعين مايكلمني , شكلو لمن فضيلي افتكرني ) . والله اعلم .. |
الله يعينك ..
من جد غريبه ,, يمكن مثل ماقالت زهرة الرمان خلتك انت الغلطان وانتظرت اعتذارك وماكلمتها فزعلت ,, |
؟؟؟؟؟؟؟؟؟؟؟؟؟؟؟؟؟؟؟؟؟؟ هنا توقف جدا وتأكد من أخلاقها والا ستندم كثر عدد شعر رأسك ..
لأن عيب الأخلاق أشنع من عيب الشكل |
احلى ايام ايام الملكة او الخطوبه
وسمعت هذى الكلمة يعنى ايش تتوقع بعد الزواج نصيحتى اذا انت مستعد وجاهز لسماع مثل هذه الكلمات اقلب وجهك انقلع بداهيه واصل معها اما اذا انت رجل حسساس ولاتحب ان تجرح مشاعرك زوجتك بمثل هذه الكلمات فعليك بالاستخارة ياتواصل يالا |
اشكركم واحد واحد .....قررت استخير الله في الانفصال والله يكتب اللي فيه خير
|
>>>>>>>>>>>>>فآأإأآقعه ضحك
ياخوي علمها ان هذي قلة ادب وش اقلب وجهك اصغرعيالها انت وبعدين وش اخر مكالمه شكلك جالس تكلم وحده من خوياتك كبرو عقولكم واذا هي انسانه لاتقدر وضعك ليش بالاساس اصلن تستشيرهاا بالبيت سو عللى هواك ياما رجال صلح بيته ولاخذ راي احد والله يوفقكم ويصلح بينكم يارب |
كان الله بعونك ,,
ووفقك لما هو خيرآ لك ,, |
وحده تقول لخطييها اقلب وجهك؟
اهنيها عالاخلاق بصراحه اخوي لازم تاخذ موقف منها وتزعل لحد ماتتعلم الاسلوب التمام الله يعينك عليها |
و الله حلوه هاذي
تغلط و تزيد تواصل لا تعتذر و لا شيء و تكلمها و لا ترد عليك باين عليها قلبتها عليك ردتك انت الغلطاان انا الان راح بدل رايي و اقول لك كما قررت انت استخير الله في الانفصال متكبرة رغم انها غلطاااانه و لا تكلمهاا مرة ثانية راح تتعود ترفع صوتها و تغلط في الكلام لانك لم تؤدبها الله يصلح حالها و اذا مافيها خير الله يرزقك بوحدو حسنة الخلق و الاخلاااق و تحترمك و تعطيك قيمتك |
| الساعة الآن 02:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©