هل أوافق على شاب خلوق ولكن راتبه ضعيف وشهادته ضعيفة
 

السلام عليكم
اتنمنى ان اجد في هاذا القسم الافائده
انا كتبت موضوعي في قسم المقبلين على الزواج ولاني حسيت ان الخبره اقل قلت هاذا القسم بيفيدني اكثر
مشكلتي كانت بعنوان ((افيدوني قبل فوات الاوان))
ياليت انكم تقرونها وتردون علي ابي رايكم
انا بنت عمري 23سنه جامعيه وجميله وتقدم لخطبتي الكثير لكن في كل مره اهلي يرفضون بدون اسباب مقنعه
وبدون اخذ رايي
وها الايام خطبني ولدعمتي ولله الحمد سمعته حلوه ومحافظ ع الصلاه وهو صديق اخوي من عمر ودايم مع بعض
ولكن اهلي مصرين على الرفض بحجة انه اقل مني في مستواه التعليمي هو ماعنده الا المتوسط وانا جامعيه
وهو شكله موحلو اما انا جميييييله وفرق كبير بينا
وبعد بحجة راتبه الضعيف وانه مايملك الا الشقه اللي باسمه وراته الاساسي 5000وشوي ومايبقى منه الا 2000وشوي لانه عليه قروض

مدري تشوفون هاذا سبب كافي يخليني ارفض ولا اوافق
انتو بحكم تجربتكم هل هاذي الامور صعبه ومانقدر نتساهل معها ولا بسيطه مقابل الاخلاق
وهل صحيح فرصة البنت بزواج تقل بعد سن 25سنه

ساعدوني جزاكم الله كل خير

اذا سمعته واخلاقه كويسه لا تقارني بالباقي
راتبه كويس والقروض مصيرها تنتهي
والحمدلله السكن ملك
واذا كان فيه معاناة مادية سنتنهي بانتهاء القروض بإذن الله
بس تأكدي من ناحية صلاته وبره لوالديه وإن شاء الله فيه الخير

وبالنسبة لرفض أهلك منطقي نوعاً ما يمكن متأملين لك الوظيفة قبل الزواج ومتفائلين أن الوظيفة تزيد من عدد المتقدمين .. هذا تخميني قد يكون صائب وقد يكون العكس

وفقك الله

ياليت القا تفاعل من خواتي المتزوجات اكثر
وانا طرحت موضوعي هنا لعلي القا منكم النصح الحاصل من المعرفه والتجربه

واشكرك اختي رواء الايمان على المشاركه جزاك الله خير وجعلها ربي في موازين حسناتك

اختي رقه احساس اذا كانت اخلاقه جيده ويحافظ على الصلاه فارجو ان تتغاضي عن الامور الاخرى التي تتعلق بتعليمه وراتبه لان هالشئ في الاخير لمصلحتك فبالنسبه لتعليمه انا سااعطيك مثال زوجي تعليمه متوسط وانا جامعيه وعندما اتحدث معه الاحظ انه ارقى وافضل مني في الحوار وحتى في الامور الدينيه والدنيويه اما بالنسبه للراتب فسبحان الله يعني بالعاميه (كل شئ يجي رزقه معه ) فمثلا عندما تزوجنا الحمدلله زاد راتبه وعندما رزقنا بالمولود الاول اتت المكرمه وهكذا ويمكن ربي يرزقك انتي بوظيفه تساعدينه منها والله الموفق

اشكركم خواتي على الردود
انا مرتاحه للشاب كثير لكن المشكله بأن اهلي ماعاد يناقشوني بالموضوع قفلو عليه مره وحده وكأن مافي موضوع من الاساس وحتى رايي ماسألو فيه
وكل مجي اسأل امي تقول مالنا كلام بعد كلام ابوك
ابي اناقشهم وافهم وش صار مايتفاعلون معاي

مدري شسوي اسكت واقول مومكتوب لي ولاشسوي
وربي اهلي رفضو كثير وبدون اسباب مقنعه

إذا انتي تقدرين تتحملين فقره توكلي على الله ووافقي اذا كان ذا دين واخلاق


اما اذا كنتي متعوده على الترف ولا تستطيعين المعايشه والتكيف على الفقر فراجعي نفسك الف مره

لأنه في هذاك الوقت راح تبدأ المشاكل حينما لا يحقق لك كل ما تحتاجينه


الله يوفقك

الشكر الجزيل لكم على حسن المشوره
ولكن مشكلتي ان معد احد يناقشني بالموضوع وكأن مافي موضوع من الاساس وكل ماسأل امي تغير الموضوع وتتهرب ليش مدري وربي ماكأنه موضوع زواج يحتاج للنقاش كأنه كابوس والكل يتهرب منه
واللي محيرني
ان اخوي الكبير قريب من ولدعمتي حيل هم اكثر من اخوان واول ماخطبني
اخوي فرح كثير وقام يمدحه لي ولاهلي كثير وانه رجال مايتعوض لكن فجئه وبدون مقدمات غير كلامه وقال انا ماني مرتاح للموضوع ليش ماقال ومن بعدها تسرع ورد عليه بأن اختي متردده وللحين تفكر رغم اني صليت الاستخاره وارتحت
وقلت اني موافقه لكن الحين
محديناقشني فالموضوع ولا ادري وش اللي صار مدري اسكت واقول ماهو نصيبي ولا شسوي
وربي خايفه ومحتاره

اسكتي

وكانه من نصيبك ان شاء الله بتتزوجين

وكانه مو من نصيبك ما راح تتزوجينه

واذا كنتي تبينه ادعي ربك يكتبه لك او يعوضك

يجب أن تعرفي ماذا يدور ولماذا يتجاهلونه .. ما دام أنه أخلاق ..

ولعلمك الصبر على رجل خلوق لقلة ذات اليد .. أرحم بمليون مره من الصبر على

سئ الأخلاق وغني ووسيم ( مع شديد استغرابي على صفة وسيم لا أدري هل هذا زمن الوسيم هو الرجل)

انا ما اطالع للشكل ابد لان الرجال مو بشكله
كنت خايفه من قلة الراتب لكن بعد التفكير والاستخاره وافقت
والحين الكل تجاهل الموضوع ماعاد بيدي
مدري ارضى بوضعي واسكت ولا شسوي

أنا أشوف أنكـ تناقشين أمكـ بس بشرط أنها تكون رآيقة وفآيقة ،، وتكونون بلحالكم ،،

وقولي لها يمه أنا أحبكـ وأرتاح لكـ ،، وكلامكم على عيني وعلى رآسي ،، ومآرآح أتعدى كلامكم وأنا من يدكـ هذي ليدكـ هذي ،، و أنا أدري إنكم تبون مصلحتي وإني مهمة بالنسبة لكم ،، وأنكم تشوفون المناسب لي أكثر من نفسي ،، وعطيها من هالكلام الحلوو ،، وقولي لها يمه ابي أشارككم رآيكم وودي أعرف ليه رفضتوا هالرجال ،،

وإذا ما نفعت أمكـ حولي على أخوكـ إللي هو صديق ولد عمتكـ وعطيه من هالكلام الزين حتى تعرفين منه ؟

يعني خليك سياسية عشان تعرفين وش يدور بعقولهم ،،

وإذا عرفتي سبب رفضهم ،،

عطينآ خبر عشان نعرف نفيدكـ بآرآئنا .. ولا تخآفين تقولين يمكن اهلي يفهمون غلط ويمكن ويمكن ما عليك ،، وآجهي الموقف بس بشرط ،، يكون بأسلوب حلو وكلام مرتب ..

موفقة خير ،،

- المشكله ليس براتبه ولا ماله

لكن اعتقد انه لاتوافق بينكما فأنتي جامعيه وهو تعليمه متوسط
واراه فارق واضح بالتفكير..

اتمنى تعرفي اسلوبه وطريقة تفكيره قبل الموافقه ..

واهلك لهم رأي مهم وما تجاهلوا الموضوع بسبب انهم ناسيك
لكن ربما يرون انه غير مناسب

مع هذا الرأي ..
يبدو أن أخوك لم يُغير رأيه في ( ابن عمتك ) إلا من شئ قوي >>> ربما شئ في العلاقات العائلية ..
ما دامك استخرت ثقي باختيار الله تعالى لك ..

لو انتي موافقه علية
والمشكله بأهلك
ونتي تقدري تتفاهمي مع الوالد
كلميه بهداوة ترا محد بينفعك بعدين لو تميتي ترفضي كل الي يتقدمون لك صعب يجيكي حد بعدين استخيري وتفاهمي مع الوالد لو انتي مرتاحه للموضوع