|
زوجي وبخله وبوكه المليااان
[COLOR="Sienna
"]السلام عليكم ورحمه الله وبركااته انا متزوجه وبعد شهرين تقريبا بكمل سنتين عندي ولد وحاامل بيني وبين زوجي 30 سنه تقريبا او اكثر بشوي طبيعي زوجي متزوج وعنده عيال وبنات ومتزوجين وعندهم اطفااال ايجابيته: حليم جدااا وصبوور حكيم وهاادي متعلم ومثقف رجل اعماال وموظف في المرتبه الثالثه عشر سلبيااته: كذااااااااااااااااااب مماااطل من الدرجه الاولى ممسك لدرجه بينه وبين البخل شعره يعني احسه بخيل بس يستحي يبين هالشي يكره النقااش ويتهرب منه ايجاابياتي: طيبه وسلبيه في الغالب اتنازل عن حقي متساامحه جداااا جداااااااا سلبيااتي: عصبيه حسااسه وكثيره البكااء اكتم في نفسي وانفجر في وجهه واخرب كل شي الموضوع اللي بتكلم عنه جداا محوري وماثر علي كثير في حيااتي تزوجته وكل همي ماايقول انها تبي فلوسي لانها اهانه لي احس لو طلبته بيقول باايعه نفسها او بيحس انه اشتراني فقررت من اول الزواج مااطلب ولو نقص علي شي اخذ من اهلي وهو مايدري واذا عطاني كويس وان ماعطاني ازعل واسكت بعد فتره حسيت الرجال استهتر فيني ماايعطيني فلوس مع ان دخله المادي فوق الممتاز ماشاء الله ولا مديون ولا عنده التزامات تهد حيله بس ليش كذاا مااعرف بديت احس واستنتج ان الرجال خاايف اني طمعانه بعد فتره حسيت انه يبي يدوسني ولايعطيني شي بعد فتره حسيته بخل!!! بقوول لكم موواقف اول زوااجي ليله الزواج اخذني ورجعني الشقه ولافندق ولاشي طبعا انصدمت قاالي اول مادخلت الشقه اني تراني ماوديتك فندق لان الفنادق فيها تصوير وبالذات لغرف العرساان برر موقفه لانه حاس انه غلط عليه يحطني بالشقه على طوول انا ماسالته ومشيت الوضع جلست بالشقه يمكن اسبوعين وهو يصلي ويجي ولانطلع ولاشي ولاساافرت وبرر موقفه ان الدنيا حر وان امه تعباانه وانه ماايمدي نساافر مقبلين على رمضاان بعد العيد اسفرك وبرضوه كذب علي بعدها جااء العيد واعطااني 3000 ريال للعيد طبعا مااطلبت منه بس هو جااب من نفسه بغيت انجلط من الفرحه قلت كويس طلع كريم ويبي يعوضني عن موضوع السفر وكذا طبعا صرفتها وشريت لي وجبت له هديه قاال من ربي خلقني مااحد اب لي هديه حتى زوجتي وعيالي اعطيهم فلوس وهدايا ولااحد يذكرني ماانسى فرحته فيهااا !!! عدى العيد وجت الجامعه ومصروفي لليوم 50 ريال بس يعطينيها بدون نفس او يحااول يطلع بدري من البيت عشان كاانه نااسي وكنت اطنش مرات اروح بمصروف ومرات ببوكي 10 رياال جااء عيد الاضحى وطلع الوجه الثااني قاال لي قبل العيد بااسبوعين كيف العيد عندكم قلت احنا العيد استراحات وجمعه ووناسه ورقص ونشتري لبس وانواع الكشخه انا احسبه يسولف معي قاال لا احنا العيد عندنا عيد لحم تعيدين لو ببجاامتك ولا لبس قديم مااعندنا نزله للسوق ابد علمت امي وجلست تهاوشني قالت مالك دخل بعيدهم قولي انا ماتعودت على كذا وخليه يعطيك فلوس للبس طبعا جلست اتغصب عشان اطلبه حتى اطلبه ووجهي بالارض مستحيه احس بنفس شعور الشحااذ احس كااني عند مسجد ولا اشاره احس اني مكسووره ومهاانه يعني لبس عيد وهو مقتدر مو محتاج اسااسا اطلب المهم رفض رحت لاخته وبكيت عندها قاالت انا اعطااني 2500 وخليه يعطيك غصب يووم جااء وجلس قالت اخته ترى بنطلع للسوق نتقضى عطها مصروف العيد نزلنا للسوق وعطاني 500 ريال والله كنت امشي ومااشووف دمووعي على خدي مااعرفت اشتري السوق غالي واتوقع البنات يعرفون وش معنى مااركه؟ الشنطه بكم والجزمه(اكرمكم الله) والفستان والاكسسواار يعني اقل طقم وبيكون كشخه ويليق بمستواه ماايقل عن 800 ريال طبعا مشيتها وجبت تيور وبلوزه وجزمه واكسسوار كلفتني يمكن 480 وفواتيري معي يووم جاء قبل العيد بيوم قلت عطني 150 بصلح شعري وحواجبي بغى يااكلني وال 500 وين راحت واوريه الفواتير قاال وليه تشترين غالي روحي الهرم السدحاان ومحل عندنا زي ابو ريالين وش اللي مطيرك للماركه قاال والله انا عطيتك 500 ودبري انتي نفسك جلست ابكي ارسلت لي امي فلوس المشغل ورحت حسبته بيزعل لاجيت بطلع للمشغل وبالعكس ماقال شي ولاقال من وين جبتي الفلوس يعني يمكن لو يصير في بوكي 20 الف ومن شبااب مايهمه اهم شي مايصرف داايم على لسااانه دبري نفسك موقف 2 دخلت بيتي وعندي 6 ملاعق 6 اكواب 6 فناجيل طبعا يقول ان حرمته اللي قضت لي وكل شي اقل كميه واردى نوعيه قلت ودني السوق بجيب مواعين مااعندي شي ماافيه صواني كيك ماافيه اكواب حلوه مافيه بياله للحريم كل شي باايخ وبسيط ورفض رفض نهاائي وبرضوه من غبائي رحت وشريت من فلوس امي واعجبته ولاسالني من جابها صار يقول لاجو اخويااي قدمي لنا فيها طيب دامك تحب الزين ليه كذاا المواقف كثيره حتى لو رحنا العثيم وبغيت شووكلاته يرفض يقول متزوج بزر ولا حرمه وهو يجيب لي شوكلاته بس من ارخص نوع بس سنكرس وعيال عمه لو اموت ماجابها عمري ماطلبته فلوس الا نشف دمي لبس عيد زواج حفله ملكه والمشغل نهاائي ماايعطيني له ولاريال وداايم ادبر نفسي كذبه زاايد عن حده يعني يقول بروح اجيب لك مثلا اشتهيت حلاو بتمور الصالحيه وقال بجيبه ورجع لي قال المحل مقفل عندهم صياانه ودقيت ع المحل لقيته مفتووح يقول انه يموووت فيني واني مميزه عنده عن الغير وانا احس بحبه لي بس العائق بيني وبينه الماده قبل 3 شهوور جلست وقعدت اناقشه قلت شوف انت مليون شغله في بيتي اجيبها من فلوس اهلي ولو كنت ابي اهلي يصرفون علي ماتزوجتك كاان تزوجت مسيار انا ماابي فلوس بدون سبب ولا ابي رفاهيه ابي الاساسيات وابي مصروف قال كم تبين؟ الله يقص لسااني على المبلغ الغبي اللي طلبته قلت 1500 من غباائي قال ابشري وفرحت وبغيت اتشقق من الوناسه اعطانياه قاال هذا فيه كل شي بقاله مصروف ولدك حليب حفاضات رضاعات ملابس وهدايا للحريم زواج ولاده ملكه احد مريض مااعاد اسمعك تقولين ابي ريال واحد قلت اوكي يووم جربت الوضع طلع الموضوع دماار و1500 مااتسوي شي البقاله 300 بالشهر ولدي 800 ريال حليب وحفاضات ورضااعه المشغل 200 حلاوه وشمع وهالحركاات بقى معاي 200 هذي مصروف لو بغيت حاجه مطعم اهدي اسوي اي شي رجعت كلمته قلت شيل مصروف ولدك حق الحليب والحفاضات عشان اعرف اتصرف كذا ماافيه مجال اجيب لبس للولد او انت جيب له لبس قاال عاجبك ولا الغي المصروف وانا اجيب كل شي قلت لا مو مشكله عااجبني يوم جاء الشهر اللي بعده ماعطاني المصروف قال والله كنسلت انتي لاعبه ولاعندك حسن تصرف صار يجيب اغراض ولده بس بدون لبس والعاب حتى الجلاسه المشايه كلها هدايا من امي العربيه ماايجيب لين مااهلي يرحموني ويجيبون كل شي خرااابيط قبل فتره صااير كل يومين يجيب معاه 4000 او 5000 الاف ريال انا من كثر الضيقه قررت اخذ من دون ماايدري وحاااااااااااااولت مليون مره ولاقدرت والله عمري مامديت يدي في جيبه من تزوجنا الا اذا علمته عجزت استصيغ فكره اني اكون حراميه مع العلم الاغلب يقولون لي خذي بدون مايدري لانه ظالمك بالمصرووف المصيبه لو على فرض تجرات واخذت اكيد بيعرف ولو عرف كيف يكون شكلي عنده تكفوون ابي حل احسه بااسلوبه بيحدني ع الحرام اسرق اتعرف على شخص يصرف علي قهرررني من تزوجته وانا اقل وحده في البناات راااتب زوجي الاسااسي 20 الف وراتب زوج اختي 8000 الاف هي عندها 6 اطفاال وانا عندي طفل واحد وماشاء الله كل شي تبيه عندها من تزوجت وداني المطعم مرتين والسبب الفلوس من تزوجت رحت معاه اتمشى للمنتزه مره وحده من تزوجت سفرني لمكه بعد سنه زواج و3 ايام بس وكل المصيبه الفلوس احس لو اجيب فلوس واقول تعال نساافر لندن بيواافق ماادري هو بخيل هو ممسك هو خاايف اني العب بفلوسه هو مسحوور امه خواته زوجته كلهم بينهم مشااكل وكلا يتحدى الثااني بالسحر يعطيهم كلهم الا انااااااااااا عنده بنته متزوجه اذا عطاني 500 عطاها بدون ماتطلبه وهي مستغلته داايم تاخذ منه واذا قلت ليه تعطيها وهي متزوجه وانا في ذمتك ماتعطيني يقول والله رجاله مو بزين وانا ماابيها تتطلق واغريها بالفلوس عشان ماتحس بنقص طيب انااا طلبته ايفون لمده سنه وطلعت بولدي من الا ربعين ولاجاابه وحلفت امي تشتريه واني اقول للناس هو اللي جابه وبعد ماشريته بشهر راح واشترى لنفسه ايفون بكيت من كل قلبي قال انا ماقصدي بس عجبني يوم شفته معك يااناس تعبت ابي حل منطقي مااودي ادخل اهلي ابوي واخوي مايعرفون انه مقصر بس امي وخواتي مابي ابوي يندم انه زوجني له ويحس بالذنب انه زوجني رجال كبير انا احبه ولا ابي ابعد عنه ولااحب المشااكل بس على كثرمشااكلنا الا اني امررها بس هالمشكله مااتعدي نهاائي يعني الا انه احد ماايعطيك وهو معاه تدرون وش نكتت الموسم يوم جيت اطلب لبس الشتااء قاال البسو لبس العااام خخخخخخخخخخخ طيب ولدي مااكان فيه العام والله مادري من وين يفكر عااد يوم قلت البس انا حق العام وولدك قاال انا اجيب له راح جاب له يمكن 10 بدلان اغلى وحده 27 رياال يعني يومه رخيص كاان جاب 50 بدله ع الاقل مو كذاا ولدي كل شهر يتغير جسمه ولبسه يضيق عليه او يقصر ولا قلت بجيب له يجلس يهزئ فيني ويعايرني اني بنت فقر وان بنات الفقر مااقد شافو نعمه ويحطون فلوسهم بالخلاقين ادري طووووووووولت بس والله المواقف اكثر من كذا انا لازعلت جلست اتناقش مايعطيني وجه وعقب اجلس اعصب واسب وعقب ابكي وانام واصحى والاقيه زعلانه واجلس ضاايق خلقي وارضخ واساامحه انا مااحب اقابله وانا زعلانه اتنازل عن حقي لانه مو كل الوقت لي ولا احب الوقت يعدي بنكد استغل وجوده عندي عشان اسعده بس هو مااينفع معه حتى اغراض البيت يجيبها بالحبه ولاخلصت يحقق معي وين راحت احسه مشكك اني اودي لاهلي والله يحقق مع الريال لحد مايوصل مؤسسه النقد ويرجعون يصرفونه اااااااااااااااااااااااااااااهـــــــــــــ بس الحين ابي حل عاجل لان وراي لبس العيد و زواج بنت خالتي طبعا يقول البسي فسااتينك القديمه مع العلم اني حاامل الحين وفساتين الاولى ماهي حقت حمل يقوول عادي وسعيهاا بالله وين اوديه هالرجال؟ وراي ولاده بولدي اعطاني مصروف الولاده 1500 فيها لبس البيبي ولبسي وسرير لي وللبيبي واغراض النفاس ولبسي لاطلعت من النفاس وزعل يوم قلت مااتكفي هالحين ماابي اللي راح يتكرر ابي يحترم ان لي اشياء ولبس ولي طلباات لازم يلبيها طالما ماهي اساف ولاحرااام كم مره قلت له لاتحط لي بيدي فلوس انزل معي واشتر لي اللي ابيه بس رااافض الفكره نهاائي تكفوون ابي رايكم او احد قد جرب الاسلوب المناسب مع الرجاال ولو ابي اطلبه مصروف كم اطلب؟ شاااكره لكم[/COLOR] |
اختي اللي اشوفه ان زوجك مو بخيل
خصوصا يوميا 50 ريال مصروف للجامعه والله كثيره اللي يبدو لي واعذريني في هذا انك تقارنين بينك وبين غيرك وواضح انك تبينه يفرط السبحه.. زوجك يصرف بعقل هذا والله اعلم |
اقتباس:
يعني مصرووف 50 ريااال يسااوي بالشهر 1500 ريال + مصرووف 1500 رياال يسااوي 3000 ريال انا موظف واكح من الصبااح للعصر ينزل رااتبي والبنك يسحب ويحذف الرااتب وتجي الدياانه وتاخذ رااتبي تاخذ الي له على مايجي رااتبي قد حصلت فيه 200 ولا 300 رياال وانتي زعلانه على مصرووفك كم تبين يعطيك مثلا ؟ واصلا انتي الغلطااانه انتي وابووك توافقين على واحد اكبر منك ب30 سنه متزوجه جدك انتي ماشاء الله عليك |
اصلا وش دخلك تسالينه ليش تعطي بنتك ولا ليش تعطي فلاانه عسى ماخذ منك ومااعطيهم
اول مره اشووف بنت تستغله على قولتك ترا هذي بنته مالها غنى عن ابوها والله يخليه لها يارب وترا البنت اغلى منك لا تقارنين نفسك فيها بس |
اقتباس:
يعدين 50 وش تسوين فيها بالجامعه كانت تكفينا اذكر بالكثير 10 ريالات اذا فسقنا بعد اختي لاتجلسين تخربين حياتك عشان امور الماديه اجلس معه وبهدو ووضحي لها الاسعار وتفاهمو انا صراحه مالي مصروف لاني موظفه وحاليا مايصفي لي الا 2000 من راتبي ومع ذالك ماصرفه كله كل شهر ماتحتاجين تنزلين لسوق كل شهر ماهنا فرق عنك وانتي 1500 وجالسه بالبيت وربي نعمه بعدين مب كل شهر لزم بتشترين شي وفري فلوسك لوقت المناسبات وملابس ولدك وش فيه اذا شريتي من الهرم والسدحان اشتري منهم لبس البيت اهلك وخوذي كم قطعه ماركه اذا بتطلعين للناس بس لكن اذا تبين ملابس ولدك كلها ماركه الله يعينك ع الهوشات مع زوجك بعدين وش حليب ولدك وحفايظه الي تكلف 800 بالشهر مادري صراحه وابعدين عن محاسبه زوجك من اخذ منك فلوس وليش تعطيهم هذا بحد ذاته يحسسه ان كل همك الفلوس اختي تذكري الدنيا ماتسوى وربي ماتسوا ابد هالدنيا الي كل تفكيرنا بها وش نشتري وش نلبس مانفكر بالموت والقبر وظلمته يااااارب تغسل قلوبنا من هالدنيا وترحمنا برحمتك |
أخواني ما فيه داعي نجرح الأخت و نعنف عليها في الرد لانه مش واضح اذا ال 50 ريال ما زالت مستمرة أو لا ؟؟ و عمومام هي طلبت مساعدة محددة في ميزانية العيد و زواج قريبتها فخلونا نركز في كيف نساعدها و أنا بس ودي أعرف كم تعتقد ممكن يكفيها للمناسبتين؟
|
الله يعينك يا أختي الغاليه ..,
اتوددي له وادلعي علييه وانظري اليه نظره حززن صدقيني بينبسط ويعطيكي الا تبيه ان شاءالله .., الله ييسر اموركم ويووفقك في حيااتك .. تقبلي مروري دمتي بوووووود=) |
حبيبتي بس سؤال بسالك واتمنى تجاوبيني بصراحه ؟؟ يوم يتقدملك انتي وافقتي عليه عشان الماده صح ولا فكرتي في الفارق العمري اللي بينك وبينه؟؟؟ اتمنى تجاوبيني بصدق
|
شااكره لكم جميعااا
واحترم رايي الا الجميع الا الاستهزااء الوزن الثقيل مااطلبت رايك في عمر زوااجي واتوقع انك تتكلم من واقع جهل وبدون درايه كاافيه يمكن ماعمرك سمعت ان الزواج قسمه ونصيب وان الانسان ماله اي اختيار فيه سوى الاجتهاد في الاستخاره وربي يختار الافضل للشخص طبيعي ماتمنيت اخذ شخص كبير ولا متزوج بس ربي اراد ان هالشي يكون وماسبب لي اي عائق ولله الحمد مشكلتي كانت مع زوجي انه ممسك واذا على مصروف الجامعه فهو يشمل فطور ي وغداي وابشركم تخرجت عشان ماتحسدوني ه ال50 واللي يداوم من 8 الي 4 كم المفروض يااخذ؟ انا الحين اداوم بمعهد المويه 2ريال العصير 4 ريال الشوكلت 4رياال والساتدوش اقل شي6رياال يعني اجلس مااكل شي مع البنات عشان مااظغط علي زوجي اللي ضروفه صعبه يفترض حسب وضعه الماادي اعيش برافهيه ولا طالبت فيها وبنته من حقي احاسبه اذا اعطاها وحرمني وجلست تستفزني في كل مكان لما يشتري لبناتها العاب ويحرم ولدي عشانه ماايقدر يتحمل بذااءه لسانه حتى الجواال توني اكتشفت الي م انه شرااه لها ليش ماازعل وهو يحرمني وانا اللي بذمته هي في ذمه رجاال انا مااحسدته بس مو منطق انحرم انا وولدي عشان انا اسكت وهي تردده وتاخذ حقها حتي لما سجلني بالمعهد قاالت تراني زيها تعطيني 2000بسجل وعطاها ولازعلت بس راحت معي قاالت تري اكذب ولاني مسجله بس مو منطق يعطيك ولا يعطيني طيب ليش تقارن نفسها فيني عمري مااسالته كم تعطيهم بس اهله قويين ويااخذونه بالصو وت وهو ماايحب الزن ويعطيهم اخته ماخذه منه 8000 الاف تقول بعااون صديقتي في عرسها ورفض وبالاخر ناافخو عليه وعطااهم وهي تكذب وقالت لي انا اجمع عشان بعطيها لسوريه تسحره وبلغته واتفقو معاي اسحره وبرضو رفضت لو ابي فلوسه والله لارضخ لخواته واخليه لابين السماء والارض وهو قد قالي في ذمتك لاتطااوعينهم خاايف منهم ويعطيهم بالهبل امه عمرها فوق ال 100 وتفقد الذاكره وقالو خواته امي تبي تركب طقم اسناان وهو توه مركب من سنتين لها قالو عطنا 16الف بالبدايه رفض وقال وين المستشفى ورفضو يعلمونه ورضخ وعطاهم يوم قلت تعطيهم وهم ممكن يضرونا قاال وش اسوي مااحب كثر البربره كل هذا ومالي حق ازعل لما يشتري لي كل شي بالحبه جبن كاس حبه قشطه ست حبات كل شي بسيط ويشوفني اسوي حلى وعشى انواع ومع ذلك يسال وين راحت الهرم السدحان وغيرها ممكن تكون لبجايم شغلات بيت بس العيد والعزايم بذمتكم ياابنات كم تكلف بمحلات المااركه؟ مو منطق بنات بنته يلبسون من مذركير ومن فلوسه وانا البس ولدي من الهرم اللي تقضي لعيالها من الماركه كم لبسه للعيد تشتري لهم وكم سعرها حليب ولدي ب 27 ويعتمد ع الصنااعي كلياا ونادر ماياكل والرضاعات اغيرها كل شهر وروح اسال كم سعر الرضاعه والمصاصه كل اسبوعينواسال كم سعرها والحفاضات الكيسه ب 78 اتوقع وولدي عنده اكزيما بالمنطقه الحساسه الله يشفيه يعني عمر الحفاظ ماجلس سااعتين بالكثير انا مااطلبت زي باقي البنات نظاره وشنط بسعر 4000 الاف كل اللي طلبته مصروف معقول ويناسب مستوااه شااكره لكم جميعاا |
يااقلبي يااشوقه اقولك مااكنت اطلبه مصروفي عشان خايفه يفهمني اني ابي فلوسه لحد ماانظلمت
مااتزوجته عشان فلوسه ولاعساني افقد ولدي تزوجته لعده اسباب !!!وظروف وربي العالم بس بعد الزواج لي حق في فلوسه ولي حق انه ينفق علي ويراعي اني بنت ولي طلباتي انا مو في عمره هشان اقتنع بااي شي هو يوريني صور له كاان يركب افخم السيارات ومدله روحه ويقولي انا عشت شباابي صح طيب انا مااطالبت بشي مو معقول وقد قلت له مابي مصروف في يدي ابي انت اللي تطلعني وتجيب عشان تعرف السعر والله اكره اطلبه لاخلصت مقااضي البيت من كثر ماايسال وين رااحت هذا وهو طلبات ضروووريه جداااا ليه تفكيركم كذاا ليه دايم الزوجه الثانيه مالها حق وكاانها مجرمه خلاص تزوجت متزوج وكبير لازم ارضى لو بكسره خبز ليخ مو من حقي اناقشه اذا زود عياله عن ولدي مو اخوهم مو بكره بيكبر معااهم ليش ارضى يكون اقل منهم |
اقتباس:
طيب حبيبتي انا سؤال سالتكياه وكنت ابي اجابته شوفي غاليتي زوجك مايعتبر بخيل ابدا ابد بالعكس احسه كريم جدا لكن يمكن يمكن ساحرينه او مسوينله شئ من ناحيتك والله اعلم حاولي تروحين انتي واياه لشيخ واذا كان فيه سحر راح يبان .... بالتوفيق |
اتعلمين متى انبثقت مشاكلك ؟
عندما رُسخ في رأس زوجك اعتقاد , " من يتزوج فتاة صغيرة وهو في آخر عمره سيتم أخذ ماله الذي تعب بتجميعه طيلة عمره " ! مشكلتك هي , تقصير زوجك + استغلال اهل زوجك الغير محتاجين له وتهديد زوجك بالسحر وعندما قرأت انهم يهددونه بالسحر قفز سؤال الى رأسي ! , هل زوجك يعرف شئ بالدين ؟! كل شئ يدور حول الإعتقاد الذي يملكه هو ليس بخيل بالمعنى الحقيقي للبخل , هو حريص , والحرص يُفهم لدى العامة بخل وقد يكون يشعر بالأسى على ماله الذي يضيع لأهله فتجدين انه يقصر في حقك او حق نفسه حتى مازلت اطرح سؤالي : هل زوجك يعرف شئ بالدين ؟ |
شااكره لك شووق
الجانب الاخر جداا احس هالفكره في راسه كثير يقول مااحد يلعب علي كثير يسوي معي حركاات اعرف انه ماايجرأ يسويها مع زوجته ولا مع خوااته وامه موقف تووه صااير لي قبل شووي دخل علي بالمطبخ وانا اكل بطيخ(حبحب)قاال ليش تاكلين وهو باارد وانتي حامل ولو زكمتي بتاخذين بناادول جلست اضحك واحسبه يمزح معي ماادريت الا وكااس مويه زي الثلج كبه علي قاال لابغيتي المرض انا اعرف كيف اخليه يجيك انا ماانقهرت من الحركه الا لسبب الشغاله جاالسه قدامي حتى صرخت يوم كب المويه علي مررره كاانت باارده وفجااه وانا اكل كبها علي والله بكيت وهو وااقف فوق راسي ومااعرفت ليش هو يمزح هو جااد؟؟ طلع وهو يضحك على شكلي انا احلل الموضوع لاني اليوم طلبت منه فلوس قدام عياله واعطاني 100 وحسيته كااتم غيض بوجهه زي اللي حس اني احرجته واني متعمده اخذ منه قدامهم عشان مايقول لا!!! فسرت موقفه الغبي انتقاام وماادري تحليلي صح او خطأ مره ضاايقه فيني الدنيا اكره شعور الاحساس بالحرماان والنقص راح اقولك اخوي كيف شخصيته وتعلقه بالدين زوجي حافظ القراءان مع تفسيره 24 ساااعه يستغفر ويسمي ويهلل ويكبر عنده عيب واحد من ناحيه الدين عينه طويله ع الحريم بس بالنظر لا اكثر يعني ماايكلم او يتماادى داائماا يقوم الليل ويصلي ويدعي داايم يصلي السنن احياان احسه مسحوور واحياان اقول اذا انا مسحوره فهو مسحوور اذا جلس معي قطع في اهله وانتقدهم وانه كااشف كل حركااتهم واذا جاء قداامهم ينقلب ارنب خوااته سبق وان ثنتين منهم بصقو في وجهه(اعزكم الله) امه لها املاك ابوه له املاك زوجته لها املاك وكلهم عينهم ع اللي معه عشاان كذا كنت مااطلب شي عشان احسسه اني غيرهم واني صاادقه معه واني احبه له يعني كثير يقولون 1500 كثير وانتي جاالسه والله كل شي فيها يعطيني الفلوس ويقول لو تنقص لاعاد تطلبين طيب وين اروح اطلب من مين ماافيه شي رخيص اعبي الغاز من الفلوس اشتري الادويه من الصيدليه بفلوسي مراجعه الحمل من المصرووف والله تدمرت نفسيتي احيااان اقول مسحور واحياان اقول اطلق رجاال طيب بعد زواجي اكتشفت ان كل اثااث بيتي اثااث حرمته بس ملبس الكناابات وكنت اقوله الاثاث مو جديد مستعمل والله ماجاء في بالي انه حق حرمته ويحلف بالعزيز الجبار انه جديد حتى السخانات والمكيفات وكل شي حرمته رضووتها سكنها بفلهاااا تطير العقل وانها ترمي كل اثاثها علي وانها هي اللي تجهز مطبخي اردى اثااث واقل ادوات مافيه خلاط مافيه طحاانه ماافيه الاقدر ضغط صغير كل شي بالعدد كله جبته بعد الزواج من اهلي وعقب سنه بنى لي دور جنب حرمته وحلفت مااشيل اثااثها قاال خلاص حط لي كنب بالصاله ورفض يكمل الباقي كل شوي يمااطل فيني والله ياناس ماافهمته حتى السخان حقهاا كاان خربان ويطلع صووت ومره كنت ناايمه ومااسمعت الا صوت قوي يوم جيت الا السخان يطلع دخاان وحاالته صعبه انحشت برى البيت ودقيت عليه وجاب العامل قاال العامل بالفم الواحد الله كبير لو فيه تاخير خمسه دقيقه نفر كلو مووت انصعقت يوم سمعته قلت ليش تركبه لي وهو كذاا ليه ماجبت جديد قال بذمتك لاتعلمين اهلك والله اني غلطاان وربي ستر عليك اكيد انك قااريه اذكارك المصيبه كيف اصنفه بخيل وهو يعطي اهله وزوجته بالالف يووم نجح ولده من الابتدائي طلب سيكل راح بيشتري له وجاب له واحد ب 360 حلفت امه انه يرده قاالت هو يبي واحد ب 600 وانت تقدر تجيبه وجاابه له وهو مو مقتنع يوم قلت ليه شريته وانت تقول ان هذي خرابيط ومالها داعي وانا اطلبك لولدي مرجيحه ب 200 ورافض قاال انتي غير امه قليله حيا وطويله لسان والله لاتحقد عيالي علي انا اتجنب شرهاا!!!!!!!! يدري ان خواته يبون يسحرونه ويحذرني منهم ويحذرني اني انسى لي شي عند حرمته ويخااف وكل مامشى يتفقد سبحته وطاقيته وشماغه واذا طلبو منه فلوس عطااهم ولايدري وش يبون فيها يعني اخته تطلب 3000 وتقول ابي اجيب فيها عزايم ودهون لامي وقرايه للمشايخ يعني سعر مبالغ فيه ويعطيها ولامشى من عندها قال ادري تكذب بس ربي يحط كيدها في نحرها حرمته تحذف كنبها برى في الحوش بدون استئذان وتجيب العمال يمترون ويفصلون ويدفع وهو ساااكت وانا بترجي وبكى وبالقوه اطول شي يااااااااااااااااااربي احبه ولا ابي اكثر من حقي او اقلها يعدل بيني وبينهم تكفون اعطوني حل ابي رايكم بموقفه يوم كب علي المويه اولى وش تتوقعون قصده والله مره مصدوومه احسها بقلبي حسره !!! |
لي عودة ان شاء الله /
|
اختي زوجك يبيله وحدة قويييييييييييية
تعرف من اين تؤكل الكتف لازم يصير عندج دهاء وذكاء النسوان وانتي غلطتي اكبر غلطة انج قمتي تجيبين أغراض من اهلج البيت بيته المفروض هو اللي يجيب ويصرف على البيت وولده حتى لو قعدتوا من غير شي مرة عن مرة راح يعرف شنو الواجب عليه الله يعينج وييسر امرج الحل الحين لازم انتي بنفسج تتغيرين واذا طلبتي من فلوس اطلبي مبلغ وقدره مو 1500 اللي ما توكل خبز ولازم تقوين قلبج |
اختي الكريمه كنت اود ان اشارك لكن الموضوع طويل لو اختصرت المشكله في خسمة اسطر الوقت ليس معنا عموما من فهمي اعطيك قاعده كل زوج يوجد فيه خصله ذميمه ( بخل - حده - غيره زائده - كذب - استغلاليه ) والواجب علىنا ( اصلاح هذه الصفه ) واذا لم نستطع ( معايشه هذه الصفه ) والتكيف معها اذا لم تستطيعي اصلاحه ف ( اصبري عليه ) لايوجد انسان ليس له عيب الا ( محمد ) صلى الله عليه وسلم |
لاتزعلي مني بس احس انك كل شي تحوليه جددددد
يعني ممكن هو بيعلق تعليقات عفوية وانت تاخذيها جدددد وتجلسي تحللي كلامه وكلام قريباته زوجك ابدا مو بخيييييييل وانت لازم تتعملي كيف تتوقفي عن النظر لصرفه علا الاخرين من اقاربه وتتوقفي عن الاسراف احس انك تبغي تعيشي حياة بذذذذذذخ واسراف بس زوجك عارف فين بيضع فلوسه ونص كلامك غير منطقي تبدا اعذريني عالصراحة انا متزوجة وعندي ولد وحامل مثلك ولبسي الحمدلله ماركات وولدي كمان,, لكن من غييييييييير بذخ ابدا يعني مثلا, ملابس الشتا ايش فيها لو لبستي ملابس السنة اللي فاتت؟ والشتا اللي عندنا كله شهر او شهرين بالكثير عندي بلوفر شريته من ايام الزواج ولحد دحين شايلته وقطعتين للشتا تشتريها السنة هذه بتكفي للخرجة وولدك يوم زوجك اشترا له 10 قطع من اللي اسعارها 23 ،، تقولي ليييييه ماجاب 50 قطعة دام انها رخيصة؟ ونفس الوقت قلتي انه ولدك كل شهر مقاسه يتغير ؟؟؟؟؟؟ يعني كل شهر تبغي 50 قطعة لولدك والشهر كله علا بعضه 30 يوم ؟؟؟؟؟ ترا 10 قطع تكفي وزيادة واشتري له طقمين من ماركة وشيليها للمناسبات وخلاص بتكفيه كمان اقل شي 3 اشهر ، , اما حكاية قارورة الرضاعة والمصاصة كل شهر ؟؟؟؟؟ و كل ساعتييين تغيري له الحفاض الله يعزك? من جدددددددد حرام ترمي فلوس زوجك هنا وهنا |
حرام عليك زوجك مو بخيل..البخل في كفه وهو في كفه..ماشاء الله..وللاسف بعض الردود تزيد الطينه بله لانهم يفكرون بنفس تفكيرك واسلوبك ويشجعونك ويعمونك عن الاشياء الي يسويها زوجك.
انتي اكيد فيه احد يحرضك على زوجك..الا مليون في الميه فيه احد يزن على راسك.. اللله يهداك بس يااختي..زوجك صحيح راتبه 20000 بس ترى وراه بيتين وحرمتين وعيال يصرف عليهم مو بس انتي وولده.. واكيد فيه قرض لاتقولين مافيه .لان مافيه رجال ماعليه قرض ومو شرط يعلمك انه مديون بعض الرجال مايبينون انهم مديونين ..ولايبان عليهم.. ولاتنسين راتب الخادمه.. ولاتنسين الفواتير كهرباء وتلفونات..يعني ماشاء الله برغم انه فاتح بيتين ومتحمل مسؤليات ومصاريفهم ماشاء الله مايقصر معك ويعطيك فلوس ..بس انتي الله يهداك شايفتها قليله..صدقيني ماهي قليله ..لو حسبتي مصروف الجامعه كل يوم 50 اضربي 50 في 30 يوم كم يطلع....لا والله انه مو مقصر معك.. وسالفة السحر شيليها من راسك حرام عليك...السحر اكبر من كذا ترى.السحر مرض.لو كان مسحور كان ماشفتي وجهه عندك..وكان ماجاب لك حتى المويه..ولا اعطاك ريال..واضح انه سليم ومافيه الا العافيه انا الاحظ انك تهتمين بنظرة الناس وكل شي عشان الناس خصوصا يوم قالت امك بتشتريلك الايفون وتقولين للناس انه هو جابه لك..بصراحه هنا ..انصدمت.. انتبهي لنفسك ولاتسمعين كلام فلانه وعلانه..وحافظي على زوجك تراه مو مقصر معك بس انتي منعميه عنه وكلام الي يزنون عليك معميك عن كرمه.. زوجك طيب وواضح انه يحبك.. وبالنسبه للمشتريات..يعني المصروف حق 1500 ماشاء الله يكفي...لانه مو كل شهر بتجيبين هدايا للناس ومواجيب ومو كل شهر بتشترين لبس وكذا لولدك..فهمتيني..وفيه نقطه مهمه..بخصوص لبس ولدك ومقاساته يعني انتي يوم تشترين لبس لولدك لاتخذين مقاسه بالضبط .خذيله اكبر من عمره ب6 شهور عشان اللبس يطول عنده خصوصا اذا كان غالي..لان الاطفال يكبرون بسرعه..يعني لو كان عمره سنه خذي مقاس سنه ونص..وملابس الشتاء..اشتريله جاكيت فخم وحلو ولبسيه فوق ملابسه وقت مايكون برد..موشرط تشترين كذا لبس للبرد..خصوصا انه البرد عندنا مايطول.. انتي مشكلتك مره مسرفه..ومنتي حاسه بمسؤليات زوجك..يعني مو معقول كل شهر تغيري الرضاعه ..والحفايظ الله يعزك ان كان ولدك يتحسس منها غيري نوعها خاصة اذا كانت بامبرز..مره مو كويسه زي زمان صارت تجيب حساسيه للاطفال..غيرها وشوفي النتيجه..عشان لاتظطرين تغيرين كل ساعتين.. انا عندي طفلين البسهم للعيد اكثر من لبس من افخم الماركات..وانا معاهم يكلفنا 4000 ريال واذا نقصت ازيد عليها 500 ريال 2000 لعيالي و2000 ليا بس للسنه كلها وللمناسبات كلها الي تصير بعد العيد..لاحظي السنه كلها..وباقي الشهور اشياء بسيطه جدا..الا اذا صار زواج قريب لنا او مناسبه خاصه فينا..يعني لكل حادث حديث.طبعا انا متفقه مع زوجي على هذا المبلغ ووافق واحيانا يعطيني زياده لانه عارف انه ماراح اشتري شي بعد العيد..صدقيني لو اتبعتي هذا الاسلوب وتسدين اذنك عن التحريض بتعيشين سعيده ومبسوطه..حتى زوجك بيتغير ويعطيك من دون ماتطلبين.. الان انتي حامل تعاليله بالكلام الحلو..والدلع صدقيني بيرضخ لك..البسي فساتينك القديمه ووريه عشان يصدق انها صغرت ومايصلح تلبسينها..واتفقي معاه على مبلغ تقضين فيه للعيد وبيني له انك ماتشترين طول السنه بس للعيد...والي انا استغرب منك انك تطلبين فلوس قدام عياله او قدام اي احد..مدري ليش؟ واخيرا لاتشترين هدايا لزوجك..انتي وولدك اولى.. واغراض البيت انزلي كل شهر..قضي..حق شهرين.... وانا شخصيا دايما والدي الله يحفظه يعطيني فلوس انا واختي واحنا متزوجات خصوصا في رمضان مع ان مو ناقصنا شي والله..وترى اغلب الاباء يعطيون بناتهم....وزوجك نفس الشي وهذا يدل على حنان زوجك وطيبته المفروض تحمدين ربك.. ونصيحه مني لاتخلين زوجك يندم على زواجه منك...بطريقتك هذي بتخلينه يندم.. |
اقتباس:
لاتتعبين نفسك وتفكرين ليش كب المويه..هو لو في باله شي ولا بينتقم كان تكلم ولا صارخ عليك ولا اتبع اسلوب الرجال مو يكب المويه على راسك... اتمنى لك حياه هادئه وسعيده |
اقتباس:
كلام عقلاااني وجميل بيض الله وجهك ياختي والله يرزقك على قد نيتك ويسعدك بالدنيا والاخره ويحفظك من كل سوء ويستر عليك بالدنيا والاخره |
اقتباس:
ويسعدك ويهنيك ويتمم لك على خير ان شاء الله |
الله يكن بعونك ويصبرك يا أختي ... هو صحيح الرجل حريص بزود لكن يبدو لي انك انت متعوده على الصرف ببذخ عشان كذا مو قادرة تتاقلمين مع الوضع هذا ولا 1500 مبلغ مو شين بس انت لا تدفعين منها كل شئ يعني مو معقول تعبين الغاز منها اذا خلص الغاز ان جابه هو ولا لا تطبخين قولي مصروفي لي مو للغاز وامور المطبخ
اما موقفه وكبه الماء عليك انا لو مكانك اول ما طلع وانسجم مع برنامج تلفزيوني مثلا اجي وهو غافل واكب عليه كاس ماء واضحك واقول رديت لك المزحه...واذا عصب قولي توك مسويها فيني ولا عصبت ... |
الحين بعض الردود مدري شفيها يردون من غير فهم أو قراءة المشكلة بتفاصيلها؟؟!! مالها داعي ردود التجريح والإستهزاء وبالله عليكم سبتوا كل المشكلة وركزتوا على ال50 ريال اللي الله أعلم أخذتها مرة ولامرتين عزيزتي قبل كل شي ممكن توضحين سبب موافقتك على رجل الفرق بينك وبينه 30 سنة؟؟؟؟؟ ماهي المميزات أو الإيجابيات الي خلتك توافقين عليه؟؟ ليه ماتكلمين أحد من أهلك يكلمه عن هالموضوع سالفة الفلوس ؟؟؟ لإنه بصراحة زوجك واضح بخيييل |
جزاااكم الله الف خير جدا ريحتني ردوودكم واحس اني لاحظت اشياء ماكانت بااينه لي
الوزن الثقيل شكل عندك مشكله او مااتعرف كيف تبدي رايك بدون ماتتدخل في النوايا او اللي ماايخصك!!! يمكن اكون مسرفه مبذره لي طلبات زايده من حقكم توضوحون وجهة نظركم ولو ماابيها مااكتبت وطلبت رايكم احتااج ردوود توعيني ماافيه شخص ماايغلط واكيد بكون مختااجه لتوجيه بس عندي استفساار لما زوجي يحلف انه لقى كتاب في غرفه اخته محطووط فيه ورقه مكتوب توضع في القهووه للاخ ملاحظه زوجي ماايشرب كاااس مويه عند امه ولا ياااكل شي لو يموتون خاايف منهم وداايم يدقون عليه عشان يجي يتقهوى او يشرب شااي وهو رااافض يصرفهم بدون ماايبين لهم انه زعلان اهله امه خوااته كلهم يتمنون موته عشاان فلوسه امه تدعي علي زوجته الاولى وعيااله وهو جاالس انهم يموتون او يمرضوون امه قاالت لي وربي الشااهد جيبي لي اي شي من حرمته والله لاخليها عبده عندك لو فعلا طمااعه والله لاطااوعهم لو ابي فلوووس بالحرام طاااوعت خواته اللي يقولون نعرفك علي نااس يقدرون الجمال والشبااب مو هالشاايب زوجته تدعي علي امه وتقول عساها حطب جهنم وهو جالس وماايتكلم يقول لها الله يهديك يعني انا ابي اعرف من اللي ساااحره؟ اذا كاان فعلا مسحوور والله امه جلست تبكي قالت حنا نبي نفك سحر زوجته هي رابطته فيها وزوجته تحلف انه كان يضربها وماايعطيها شي وانه يجيب لها مويه من خواته ويغصبها تشربهااا انا ضعت بينهم وصرت اربط كل شي بالسحر خاايفه علي ولدي واللي ببطني حتي لو كنت انا مسرفه ليه يعطي غيري في امور مااتسوى وانا يحرمني ليه ماالي حق ازعل اذا اعطى بنته 500قاال جيبي لبنااتك واذا طلبته لولدي قاال ماله لزمه ليش اذا طلبته اتكلم بذوق وادب ولايلبي وحرمته وامه وبنته بالهواش وقله ادب ويعطي حتي العمااال اللي ضعيف ماايعطيه حقه الا بعد مااايزهق واللي شخصيته قويه ويقول ماعاد اشتغل ولا ماعاد اجيب يعطيه مبااشره حتي انا اذا طلبته وطول يرفض ونفخت وقلت بعلم اهلي اعتذر وجابها لي يعني ذاك اليوم طلبته بجيب حلوياات عندنا استراحه انا وزوجته وبناته ورفض قال ماامعي صرف ولاني براايح الصرافه جت بنته قاالت لاتروح والله لاتجيب الصرافه ولا ماانحضر العزيمه ونجلس بالبيت عطاها الصراف وانا واقفه!!! ليه الاهانه والهواش يظبط معااه صاااحي مجنون مسحور وش وضعه؟ عجزت استوعبه |
ليه الغرور عزيزتي هي قالت ال1500 مو كل شهر يعطيها؟؟؟ |
حبيبتي روح المساء كل شي فيه احبه طيب حنون رحووم صبوور حكيم عنده منطق رايه وافكاره تعجبني مرح
روحه شبااابيه ماايقصر معااي الا بالمااده ماابينا اي اختلاف الا هي طبعا بتتوقعون اني مركزه فيها بالعكس انا اتغااضى واطنش بس تستفزني اسئلته يعني لو عطاني 30وقلت بجيب عشى وترسلت السواق يجيب لي وجبه وهو دااري وبرضاه وجاء بكره ووصيت اغرض من البقاله وجاء بالليل يسالني وين راحت فلوسك واحلس اعلمه وين راح كل هلل يجلس يضحك ويقولي مااتعرفين تشيلين فلوسك؟؟ داايم كلمته انتي مااتعرفين تتصرفين والله يسال حتي عن ال 5 ويحقق معي صرت اكره اطلب احيان احسه خاايف اني مااحبه او طمعاانه وهو يدري لو ماابيه مااصبرت ع السحر والخوف وكلام الناس والسخريه يكفيكم دليل استهزاااء الوزن الثقيل وهو ماايعرفني ولا يقاابلني حتى بالنت يظل هالسؤال يلاحقني انتي تزوجتي كبير تحملي طيب واللي تصير زوجه ثاانيه تعتبر حشره وين العدل اللي يتكلم عنه الوزن الثقيل وانت من مؤيدي التعدد واذا قصدك ان التعدد حلال للي قريبه اعمارهم من بعض وحرام علي انا علمني او اللي في وضعي مالها حق بشي ماناقص الا تقوولي مالك حق ينام عندك او ياااكل عياله اولى وانتي تزوجتي كبير انا زوجه ثانيه ولرجال كبير بس ترى مو بوذيه ولا يهوديه مسلمه وبنت نااس ومتعلمه واراقب الله والله لو مااحط ربي بين عيووني كاان ضعت وضيعت ديني واهلي وزوجي واهله بس ربي يعوضني خير على فكره ترى مااني زعلانه اني زوجه ثاانيه او حااقده ع الرجاب والمجتمع بالعكس راضيه وتمام الرضى بس ابي حقووقي توصلني لاني والعلم عند الله اني اجتهد في تلبيه حقووق زوجي والله الموفق |
اختي الله يعينك
هوكبير وانتي صغيرة يجي يكيد النساء والحيلة >>حسيت اني ابليس ههههههههههههههههه |
عزيزتي روح المساء..
انا فاهمه انه مو كل شهر يعطيها...هو اعطاها في الاول ولما طلبت يزيد المبلغ بطل يعطيها.. ومصروف الجامعه اغلبنا ذهلنا منه صراحه ولاتلومين اننا توقفنا عنده..اجل كيف هو الي بيدفعه يوميا..انا عارفه انه مو كل يوم اعطاها خمسين ريال ومستحيل اصلا يعطيها..يوميا 50 ريال يطلعله 1500 ريال بالشهر بس مصاريف اكل حتى لو كان عنده فلوس وجيبه مليان وكريم بس مو معناه اننا نكون مبذرين....يعني قولي20 ريال يوميا جدا معقول..ولااحد فينا ايام الدراسه اخذ مصروف 50 يوميا حتى لو كان من الطبقه الالماسيه..يعني الواحد لازم يكون منطقي شوي وانتي يااختي... زوجك من النوع الكسول والمماطل ..شوفي حتى زوجته وبناته يعانون مثلك...هو طبيعته كذا...وزوجته الاولى واضح انها عانت يمكن اكثر منك.. زوج خالتي كذا..طبيعته.. مو سحر ولاشي..كل اخوانه كذا وابوه وواحد من اعمامه يعني مسألة وراثه.. وانا ماادري كيف وضع عائلته اهله..يمكن هم من النوع الي دايما مشاكل..وماعندهم غير سحر وعين فيه ناس كذا وعوائل اللهم لاشماته تلقينهم اخوات وكل وحده تهتم الثانيه انها ساحرتها..وهذا مايصير لانه فيه سوء ظن بالناس انا ماني مستغربه من كلامك انه امه تتهم زوجته انها ساحرته وزوجته بالمقابل تتهم اهله انهم ساحرينها لاني اعرف ناس كدا كل واحد متهم الثاني..وهم في الحقيقه مافي احد ساحر احد كلها اوهام وحقد.. السحر مو بهين..يااختي.السحر خطير ويقلب حياة المسحور من جميع النواحي ومايقتصر على ناحيه معينه. ماشاء الله يصلي ويصوم ويذكر الله 24 ساعه ويكبر..ويصرف عليكم بس المشكله مو بسهوله بعد جهد جهيد..هذا الشي نابع من طبيعته..وكثير زيه مو بس هو.. ان كان زوجك مشكلته الوحيده انه مايطلع الفلوس بسهوله اتبعي اسلوب بناته وزوجته ..هم فاهمينه وخابزينه ليش ماتتبعين طريقتهم؟؟ وفي نفس الوقت احسني التصرف في الفلوس الي يعطيك اياها..وحددي الاشياء الاساسيه الي ناويه تشتريها حتى لاتظطرين ترجعين وتطلبينه زياده. اختي ترى كل رجال له طريقه في التعامل...فيه بعضهم يمشون بالطيب والكلام الحلو والبعض العكس يمشون بالضغط والقوه... بس انا ابي اسالك..سؤال عشان توضح طبيعة زوجك اكثر... مشاويرك هل يقوم فيها زوجك؟؟ولا احد غيره..يعني مراجعات المستشفى تطعيمات ابنك..وغيرها..لان اغلب الرجال الي طبعهم مثل زوجك مايحبون يودون ويجيبون..مشاوير.. |
عليكم السلام والرحمه،،
انا مع شي اسمه تأنيب باحترام ،، وانا مع روح احس انه مقصر معك من الناحيه الماديه مع ان راتبه ماشاء الله 20000 الف وانتي مو جالسه تضغطين عليه وتكلفينه فوق طاقته والمفروض يعدل بينك وزوجته ويعطيك مايكفيك وابنك ،، طيب اقترحي عليه انك تحاولين تدورين لك شغله مادامه رافض انه يغطي احتياجاتك . |
عندنا ولله الحمد سواق وكل مشاويرنا معه الا اذا بروح لامه او اذا تعبت مره وخفت اطيح مع السواق ودااني
بالاماانه مو فااضي يعني مو كاره مشااويري يداوم من 8الي 4 يرجع ينام شووي يطلع لعماايره اللي يشتغل فيها من المغرب للعشاء للقهوه مع ابوه وعياله وبعد العشاء سااعه تقريبا لامه بعد كذا يقضي بعض اشغاله وعنده كثير ارتباطات ومناسبات ويرجع عااده ع ال11 دايم مشغول مرهق مهموم بس يحااول يسعدني بس علي ان مشااكل خواته وحرمته كثيره الا اني احاول انسيه واشغله عنها واكابر واقااول مايهمني تجريحهم وتحديهم ولعانتهم بس اللي مااخذه منه موقف المااده حتي قلت له وظفني ورب البيت مااطلبك ريال واحد انا ماابي اعيش باحساس النقص او الفرق ولا ابي ولدي ينحرم من شي اليوم صغير بكره بيكبر ويبي العاب وبيشوف اخوانه احسن منه لازم اتصرف خاالتي كان زوجها قبل يمكن 20سنه يعطيها مصروف 800ريال شهري تقول كانت بالنسبه لي 5000كاانت ابطر وحده ماازالت للحين يعطيها نفس المصروف وعيااله 11شخص ويقول لها دبري نفسك وهو جداا ثري انا خايفه من كذا انه يظل يعطيني مصروف ثابت حتي لو تغيرت التزاماتنا ممكن سؤال تتوقعون لازم يكون فيه فرق بين وحده متزوجه شخص ربي منعم عليه وبين وحده زوجها مديون وراتبه زفت وهو دخله الوحيد ؟ ولاعادي لو زواجي ربي معطيه يحرمني لحد ماايموت واتمتع فيهاا!! هو يقول انا عشان لاجاني شي تكونين ملكه ماابي اصير ملكه من بعده ابي احس انه يهتم بطلبااتي انا بنت واحب اللبس والكشخه يمكن بزيااده بس هذا سني وكل بنت لها طلباتها وكل وحده تلاحظ في نفسها وفي عيالها فيه اللي يرضى بلعبه وحده وفيه اللي يحب يشتري العاب واغراض لنا ربي خلقني كذاا احب اكشخ والبس اسااسا وش الله حاادني احرم روحي وهو مو ناقصه شي |
اقتباس:
عزيزتي...زوجك يعاملكم نفس بعض..والدليل..بنته يوم جات وقالت ياتعطيني الصرافه ولا مانروح العزيمه...شفتي كيف..هددته واعطاها..انتي بس قالك لا وسكتي..وحطيتي في بالك انه مو عادل.. .معناه كلكم نفس الشي مارضي يعطيكم الفلوس حقت الحلويات.بس الفرق بينكم انهم هم يعرفون يخلونه يطلع الفلوس وانتي ماتعرفين..اتبعي طريقتهم.. وهذا الشي ماله علاقه بالعدل..لانه كلكم مايعطيكم فلوس بسهوله ياتعاملينه بنفس الاسلوب ..يا تتمين كذا طول عمرك..بس لاتصيرين طول الوقت قويه وشينه بس وقت ماتبين فلوس وباقي الوقت خليك حبوبه وطيبه وفرفوشه.. واذا سالك وين فلوسك لاتجاوبينه..وتحسبين له كل هلله..بس قوليله ليش امسك الفلوس انا ماني ضامنه عمري..اموت وانا ماستفدت شي من تجميع الفلوس.. |
اقتباس:
بس مثل ماقلتلك زوجك طبيعته كذا..واغلب الي عندهم فلوس كذا..يحسبون حساب الريال..مو بخل بس من باب الحرص ويحبون يجمعون الفلوس ويضحكون على الي مايعرف يمسك فلوسه وتبين الصدق دايما اشوف حريم ازواجهم بطرانين فلوسهم ماليه البنوك واستغرب منهم حتى شنطتها من ابو عشره..ولاحظت اغلب الناس الاغنياء مايرفهون حريمهم وعيالهم ويدلعونهم..بس المعروف ان الرجال الي عنده فلوس وزاد رصيده..يكره رصيده ينقص ومايطلع الريال الا بالقوه..مدري ليش يجمعون الفلوس؟؟ انا ولله الحمد من الطبقه فوق المتوسطه..بس محنا اغنياء.اسافر والبس واسكن في بيت احسن بمليون مره من بنت خالتي الي متزوجه واحد تاجر معروف لو اقول اسمه هنا الكل يعرفه.. وهذول النوعيه يبيلهم تعامل خاص..ومثل ماقلتلك عامليه نفس اسلوب بنته وزوجته.تهديد.قولي ياتعطيني يااقتل نفسي:30::30:.هذا هو الحل.. وذكريه ان الله اذا انعم على عبده يحب ان يرى نعمته عليه..يعني الواحد لما يكون مبسوط وعنده فلوس ليش يحرم نفسه..ومايطلعها بسهوله.... |
حبيبتي وحدانية
اقولك وين مشكلتك فيه ؟؟؟؟ تعالي معاي شوي (1 ) انت يالغاليه تزوجتي من غني وعندك قناعه انه اي مدة يد منك تعني شحاذه وهذا اول واكبر واعظم غلط انت سويتيه حبيبتي هذا زوجك ومجبر على النفقه على قدر استطاعته وهو ماشاء الله ميسور لازم تعودي نفسك تطلبي منه اي شي وبدون تقسيم ليش هذا مصروف الولد وهذا مصروف الهدية عندك اليوم غرض ضروري يلبيه خاصه انه مقتدر ( 2 ) نفقة امك عليك الغييييييييييييييييييييييييييييييييييها تماما يمكن امك تصرف عليك علشان ما يشوفون الناس حال بنتها الضيق مع رجل غني هذي القناعه الثانية اللي امك فيها شيليها من راسك وراسها ياختي بدال ما تحطين انت في يدها كل فترة هي تعطيك والله عيب وحتى لو طلعتي بمظهر القله وصار واضح انه البخل يظلل حياتك اميمتك لا تخلينها تشيل همك وتنسى اللي عندها خاصه ذاك المريض وانت لا تتعود يدك تاخذ من امك انت اليوم ام وعيالك محتاجين النفقه وابوهم موجود هذي اساسيات في الحياة الزوجية يالغلا لازم تتعلمين متى تاخذين ومتى تعطين ومن مين تاخذين (3 ) القضية الاكبر الزوج البخيل فيه اعضاء يقولون مو بخيل لا بخيل بس شكلهم ماقروا الكلام كامل شوفي حبيبتي انت صغيرة وهو كبير وفي يدك ورقه مره حلوة العبيها صح اتفقنا انه الطلب من الزوج مو شحادة صح يالله نجي الحين لمن كانت له حيلة فليحتال -بداية تعلمي حركة حلوة وهي انه اذا اعطاك اي مبلغ او جاب للبيت او العيال اي غرض قبلي راسه وقولي عساني ما احتاج في دنياي غيرك بعد ربي الله لا يحرمني منك الله يكثر خيرك ويحفظك لي -انت عندك منه اولاد مو زي اول كثري طلبات الاولاد حسسيه ان عياله اقل من غيرهم في اللبس والطلعات والمشاوير اذا جبتي لعيالك شي من فلوسه طبعا انفخي بالشي اللي جبتيه وانه فلانه وفلانه -اختاري اسماء يهتم هو فيهم - مدحوا ذوقك لا تتركين له مجال يعلق قولي قلت لهم ابو فلان الله يحفظه لنا مو مقصر هذا ذوقه ليش؟( يمكن يسالك ليش كذبتي قولي احب امدح حبيبي وفعلا ذوقك وين المشكله خخخخ بلعب ياحلوة ) يمكن يتحمس الرجال شوي ويشوف انك تمدحينه يصير يحب الرفاهيه لعياله وشي ثاني يعرف في قراره نفسه انه فلوسه رايحه لعياله فعلا وانه الخير اللي يعطيكم اياه يبين عليكم عند الناس - رددتي انا حساسه واتنازل عن حقوقي لا يالغاليه الكلمة هذي هي اللي دمرت كثير من النساء لا تقولين انا حساسه حقوقك خوذيها مو بالقوة لا بمكر النساء الحلال طبعا هذا زوجك انت قلتي انه شكر الهديه جدا جدا يعني هو عنده احساس داخلي بالحاجه للاهتمام والحنان والعطاء زوجك كبير تعود تعطي وماياخذ انت اعطيه واعطيه واعطيه *اعطيه اهتمام كثييييييييييييييييير لا يدخل عليك الا وملابسه جاهزة ومبخره والاشياء اللي يحبها قدام عينه *اعطيه وقتك اذا جاك تلفون ردي وانت مستعجله نعم فيه شي ضروري طيب بعدين انا اكلمكم ، طبعا وهو يسمع اذا اسالك قولي مو فاضيه لهم انت اهم ،، عيالك ضبطي وضعهم واتركيهم يلعبون وتعالي عنده قهويه شربيه عصير ان شاء الله تسوين مساج لرجلينه * عرفت انك في الرياض وجونا حرررررر ولا يطاق بكلمة حلوة ودلع وبدون اي انفعالات خليه يرضى بطلعه لشاليه انت وياه وولدك بس وهنا العبي انت في الجو كوني انت المرأة الملهمه في حياته ياختي فيه المسبح عيشي معاه جو مختلف تماما .. فاهمتني لبس وحركات ونطنطي ياختي العبوا حبشه واي طلعه لاي مكان دلعيه بقوووة بانوثتك * الجنس لا افراط ولا تفريط بغاك جننيه في الفراش ما بغى زيني فراشه وفري له كامل الراحه والله زوجك محتاج اكثر منك للمشاعر بس يستحي لانه شايف صغرك وقاعد يقارن فارق العمر والفلوس تتخلل هذي المواقف بين المبلغ الكبير والصغير ان شاء الله ريالين حقت السنكر اللي قلتي ولا تنسيني بقطعه عشقي السنكر اذكر لما كنت متزوجه كنت ارفع فيه اذا جاب سنكر والله جيت مره من اهلي والا في الثلاجه كرتويني سنكر ومارس رجال ما يبغالهم الا ذكاااااااااااااااااااااااااااااااااااااااااااااااا ء |
نسيت اقولك
مشاويرك طبعا لا تثقلين عليه بس اعطيه احساس انك تحبين لو هو يوديك وهو يجيبك مجرد رسائل غير واضحه |
السلام عليكم و رحمة الله و بركاته
غاليتي ... مشكلتك .رأيتها و عايشتها بين قريبي وزوجته تزوجته و بينهم فرق في العمر تقريبا يصل الى 35 عاما و تشتكي من نفس شكوتك بل و اكثر .. يحسب عليه الاكل و الشرب بالرغم من انه مشهور بكرمه مع بقية افراد العائلة و معروف بيته بالكرم و حسن الضيافة .. بل ان يصرف بغير حساب على اولاده من زوجته الاولى و احفاده برغم عدم احتياج بعضهم... و لا يبخل ابدا على الفقراء و المساكين من صدقة و زكاة لكن حينما يصل الامر لزوجته ..ينقلب الامر و يصيبه البخل لدرجة انه يبخل عليها بعباءة جديدة بدل عباءتها المهتراه ... غاليتي من تجربة قريبي هذا و زوجته .. اقول لك السبب في بخله عليك هو فرق العمر ... فاعندما نسأل قريبي لماذا لا تعطيها المال يقول .. ليش اعطيها عشان تخبي و لما اموت تتزوج ؟؟؟ و اذا سالناه لماذا لا تشتري لها شقة (علما انها لم تنجب له ) قال : ليش عشان بعد ما اموت تجيب شاب و تتزوجه و تسكنه بيبتي ؟؟؟ اي انه يمشي على مبدأ يكفي انها تاكل و تشرب .. لما تحتاج المال ؟؟؟ و اعتقد ان نفس الموضوع ينطبق على زوجك ... ليست لديه الثقة بنفسه وقد يضن انك تزوجتيه لاجل المال . لذا فهو حريص معك من هذا الجانب بقاءك معه وهو حريص يثبت لنفسه انك تحبينه لشخصه و ليس لاجل المال و يثبت للاخرين ايضا .. كانما يقول لهم .. شوفوا ها انا ما اعطيها و هي قاعدة معي و مهنيتني فا هي تحبني انا ما تحب فلوسي بعكس لو كان يبذخ معاك ..عندها سيشعر بانك باقية معه لاجل المال فقط ... الحل برأيي .. **لا تطلبي المال من اهلك بتااتا فانت مسؤؤلة منه ... **لا تساليه و لا تتدخلي بمادياته مع اهله ... لان تدخلك يبين له بانك طمعانه بتلك الاموال و ليس حبا فيه **استخدمي انوثتك عند احتياجك للفلوس ... **طالما و انه متدين .. فا ادخلي اليه من مدخل الدين .. ذكريه بالعدل في العطايا و انك تخافي عليه من عقابه سبحانه و تعالى ... و ابدأي بما عندك يعني .. اذا اشترى لك شيئأ . اشكريه و ادعي له و من ثم اساليه هل اشتريت لضرتي مثله و بيني له اهمية العدل و المخافة من العقاب .. ومع مرور الوقت و تكرار هذا الشيء سيتعلم اوتوماتيكيا انه اذا اشترى شيئأ للاخرى سيشتري لك نفس الشئ.. **لا تقصري في المدح .. كلما اعطاك المال او اشترى لك شيء مهما كان بسيطا بالغي في مدحه و شكره ..حتى اذا كان مبلغ المال الذي اعطاك قليلا اشكريه و امدحيه و لا تتذمري .. فا تذمرك سيعني له انك غير شاكرة و انك طامعة ** غيري من فكرته بانك لا تعرفي كيف تصرفي اموالك.. اربطي الحزام فترة .. و احسني في صرف المال و اكتفي بالضرورييييات الى ان يغير فكرته المترسخة ... همسة لك اخيتي : كما ذكروا اخواتي الافاضل .. من الممكن ان تستغلي ال 1500 تلك بشكل افضل لبس البيت لك و لطفلك فليكن من الرخيص و الان اعتقد انه موسم تخفيضات .. اشتري من الماركات المخفضة و خذيها اكبر شوي من مقاس طفلك و اتعلمي تشتري اثناء التخفيضات للسنة كلها ... ملابس ابناءي كلها من مذركير و دبنهامز و ديزني الخ و اشتري البدلة بحدود 5 دولار لاني اخذهم ايام التخفيضات حتى اخذ مقاسات اكبر عشان اضمن انها بتضل معاهم طول السنة .. فساتين السهرات لا تشتريها من المحلات الغالية لانها تزيد سعرها الضعف و انما اكيد في مدينتك في اسواق ارخص و بتلاقي فيها نفس البضاعة .. او اشتري من الانترنت .. في مواقع تبيع فساتين حلوة باسعار رووووعة الرضاعات ماحد يغيرها شهريا ... و انما بس تغيري الراس المطاطي كل شهرين او 3 فقط وهو رخييص الحفايض احتمال البامبرز ما ناسبت ابنك غيريهم و استخدمي كريم الحفايض ينفعه اكثر .. اخيرا .. حبيبتي حاولي تكسبي زوجك بذكاء الانثى و لا تتصادمي معاه فا قريبتي اللي قلت لك عليها ما عرفت تكسبه و ظلت تناقره و تشيل بقلبها و ماجاها الا الضغظ و السكر و اتدهورت صحتها و زوجها ماشاء الله عليه الله يقومك بالسلامة |
ليه الغرور عزيزتي من قال الخمسين ريال تكفي للجامعة؟؟؟ لا والله ماتكفي شوفي بس الأسعار في الكافيتيريا أو مقهى الجامعة تقولي مطعم وكل الجامعات كذا وبعدين هي قالت من الساعة 8 الصبح إلى 4 العصر يعني بصراحة لازم تشتري ماي عصيرات وجبة غداء وخفايف وإذا حلويات ولا تشوكلت أنا طالعت من منظور إنه زوجها ماشاء الله ربي أنعم عليه الله يزيده وعنده أملاك وعقار وأعرف إنه عنده بيتين حبيبتي وحداانية ال1500 اللي يعطيك إياها لاتخليها تشمل الهدايا خليها بس لك ولطفلك من ملابس وإكسسوار وأحذية وشحن للجوال أما أكل للطفل من حليب وغيارات تكون إلزامية كل شهر يجيبها من غير ال1500 والموقف اللي كب عليك ماي بارد بايخ بقووووووة ماله داعي هالمزح وعيب قدام العاملة كذا يسوي الله يهديه ويصلحه |
الاخوة الكرام رجاء ممن يطرح رأيه يطرحه بأدب واحترام ودون تهجم على صاحبة الموضوع وأي تعليق مهين سيتم حذفه الاشراف |
الاخت نوور مع احترامي لك وللرايك..
بس الجزء الاول من ردك..مو صحيح..فارق العمر ماله دخل في الصرف على الزوجه..وقريبك غير عن زوج الاخت وحدانيه قريبك غير..او تفكيره غير..وينطبق عليه حكم غير عادل بين زوجاته لانه يصرف هناك بطيبة خاطرومن دون ضغط عليه لكن الثانيه لا..ويمكن طبعه مثل زوج وحدانيه مايطلع الفلوس و زوجته الاولى وعيالها ياخدون منه بالقوه وطريقتهم معه غير عن الثانيه..الله اعلم البيوت اسرار.. لكن زوج الاخت.على كلامها.الكل يعاني منه مو بس هي..بس الفرق انه اهله وبنته وزوجته يحطونه امام الامر الواقع ويخلونه يطلع الفلوس بالقوه وفي الاخر يرضخ ويعطيهم ...اما الاخت وحدانيه..تجلس تترجى وتبرر وتبكي..وتحسب له.فين تودي الفلوس...ويماطل معها.. فارق السن ماله علاقه ابدا..ومااعتقد زوج الاخت وحدانيه يفكر بالطريقه الي يفكر فيها قريبك..يعني خايف يموت وتتزوج غيره ولايشتري لها شقه وخايف تجيب رجال غيره لانها صغيره...لا لا لا مايفكر كذا الا واحد مريض..ليش يتزوج الصغيره اذا مو واثق فيها.. |
اقتباس:
..انا درست في الجامعه وعندي خبره يعني مو كل الوقت في الجامعه جالسين في الكافتيريا الجامعه اغلب الوقت محاضرات يعني يمكن وقت بسيط يكون فيه بريك..وحتى لو وقت طويل..واشترت كل الي قلتي عليه ودلعت نفسها على الاخر يمكن يكلف 30 ريال او اقل.. ومثل ماتفضلتي عزيزتي...المفروض مصروفها لها هي بس...مالها دخل في اغراض الطفل والبيت والغازوهدايا..اذا بيدخل اغراض الطفل ومقاضي البيت في المصروف لا بلله خليه يصرف لك راتب شهري 5000ريال..وهو يشيل يده ماله دخل في شي.. :26::23: |
| الساعة الآن 04:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©