|
الحمدلله تمت الملكه هل أكلمها أو لأ ؟؟
بسم الله الرحمن الرحيم
الحمد لله المتفضِّل بالنِّعم ، وكاشف الضرَّاء والنِّقم والصلاة والسلام على النبي الأمين ، وآله وأصحابه أنصار الدين السلام عليكم ورحمة الله وبركاتة { اللهم لك الحمد والشكر كما ينبغي لجلال وجهك وعظيم سلطانك} اليوم كانت ملكتي على من أختارها قلبي وعقلي ولكن هناك شي عكر مزاجي وفرحتي وهي أثناء دخولي لمنزلهم وأشاهد بجواري أخي الأكبر تذكرت وقتها كلمات والدي رحمه يالله فكم كنت أتمنى أن يكون هو من كان معي في أحلى يوم في عمري , وقتها خنقتي العبره ولمن أنطق بكلمه , كنت حريص جداً على إلا أرمش بعيوني حتى لا تسقط دمعاتي , سارت الأمور على ماكنت أريد وتمت الملكه ولله الحمد ولكن امنيتي لم تتحقق وهي تواجد والدي رحمه الله معي ,, الحمدلله على كل حال , طبعاً من ركبت السياره لا أحد يسأل وش صار لآني طلعت كل اللي بقلبي حتى أرتاح , أخوي يقول كل هذي فرحه أذكر البنت هي اللي تصيح موب الرجال . ...ماعلينا ... أنا طرحت هالموضوع أبي أفاده لمن لهم خبره .. وجهة نظري ولا ادري هل هي صحيحه أم خاطئه وهي (بداية المشاكل الزوجيه هي من المكالمات ماقبل الزواج ) سؤالي للكل ... هل أكلمها او لا ؟؟؟!!!.. اللهم بارك لنا في شعبان وبلغنا رمضان ,,, كل عام وانتم بخير |
و عليكم السلام و رحمة الله و بركاته
بارك الله لكما و بارك عليكما و جمع بينكما في خير ما شاء الله لا قوة الا بالله يارب يتمم لكم على خير و يبعد عنكم شر شياطين الانس و الجن بالمختصر .. لا تعطي اذنك لأحد و خل الامور وسط الكلام ضروري للتعارف و معرفة وجهات النظر لا تعطي اذنك للي يقول اثقل و لا تسمع كلام اللي يقول اختبرها و ما ادري ايش و لا تسمع كلام اللي يقول كثر مكالمات عشان تتعلق فيك اكثر .. سدد و قارب انت من خلال المكالمات راح تكتشف شخصيتها ما تحبه و ما تكرهه لا تنسى ان شخصيتك تختلف عن شخصيات الشباب اللي هنا و كذلك زوجتك تختلف عن كل البنات اللي هنا فلا تبني قرار على رأي احد لكن خذ من الاراء ما تراه مناسبا و واقعيا خليك وسط لا تكثر مكالمات يعني ليل نهار و بكل وقت بعدين تتعود العروس و اذا غبت لاي ظرف تفهمك غلط و تزعل و لا تقطعها و تطول الغيبات لدرجة انها تحس انك مجبور عليها او غير راغب فيها .. هذي نصيحتي المتواضعه و اتمنى تجد مكانها في قلبك و اترك المساحه لغيري في ابداء رايه |
بارك الله لكما وبارك عليكم وجمع بينكما في خير..
اختي حنونة كفت ووفت بردهاا الله يجزاها الجنه.. حبيت ابارك لك وأتمنى لك حياه سعيده بأذن الله .. |
و يجزاك بالمثل اختي الكريمه
|
|
اقتباس:
امين يارب ,, باركـ الله فيك اختي حنونه بصراحه انا ودي اكلمها وانا اعرف حالي ممكن اسوي لنفسي بريك مع العلم ان زواجي راح يكون بشهر عشره يعني قريب , والله يتمم على خير يارب ,, |
اقتباس:
امين الله يبارك بعمرك . |
بارك الله لكما وبارك عليكم وجمع بينكما في خير..
|
بارك الله لكما وبارك عليكم وجمع بينكما في خير..
ماشاء الله تبارك الله .. يالله ان توفقه يااااااااااااااااارب ... فرحت لك من قلبي... الله يتمم لك على خير .. الله يرحم أبوك يارب... بالنسبه للمكالمات رأيي من رأي الأخت حنونة بطبعي ... |
اقتباس:
|
بارك الله لكما وجمع بينكما بكل الخير،، كلمها وانا اختك عادي بالعكس تتعرف اكثر على شخصيتها وهي بعد وشوي تبعد بعض الحواجز ،، موفقين للخير بإذنه . |
ماشاء الله تبارك الرحمن
بارك الله لكما وبارك عليكما وجمع بينكما في خير بالعكس أشوف المكالمات تزيدكم قرب بأذن الله وتتعرفون على بعض اكثر :) لاتتشائم منها مثل مافيه ناس وهم بأذن الله نادرين كثرت مشاكلهم مع المكالمات فيه ناس زادت محبتهم ولهفتهم وشوقهم لبعض من المكالمات :) الله يوفقكم ويسعدكم ويجمعكم على خير وأسأل الله العلي القدير أن يرحم والدك وان يجمعكم به في جنات النعيم وان يشفي والدتك ويطول بعمرها ويحفظها لكم من كل سوء |
الله يرررحم والدك ويرحم جميع اموات المسلميين ..
مبرووووك اخي الفاضل .. اعانك الله في جميع مرااحل حياتك .. دمت بووود=) |
الله يتمم لك ويسعدكم يااارب
فانا انصحك لا تكلمها خل كل شي بوقته حلو علشاان تعيشوون شهر العسل مثل العسل |
كلمها طبعا
خلها تشعر فيك , تتعرف على جزء من شخصيتك لتحبك اجعل الجليد بينكما يزول , لا أجد ضير من عدم مكالمتها بل أني أجد ان محادثتها امر ايجابي من كل النواحي تهيئة نفسية تقل الرهبة من شخصك , فشخص لم تسمع صوته و لم تره إلا لحظات , تجد نفسها معه بليلة الزواج امر صعب الكلام ماراح يخلص ,و لن يذهب طعمه و لكل لحظه حلاوتها فلا تضيع جمال لحظات الخطوبة حتى لو حصل خلاف , فهذا أمر ايجابي , على الأقل تتعرف على طريقة تفكيرها و كيف تأخذ بالأمور و تبدأن بالإتفاق على نقطة التقاء و تفاهم بينكما كلمها .... |
الف الف الف مبرررررررررررروووووووووووووووك
شف نصيييييييييييييييييحه نصيييييييحه كلمها معليش يعني انتم تستوعبون انه بين ليله وظحاها ماتدري الا ادمي جمبها والله شي يخووووووف مررره مرررره وبالعكس لان مدتك قصيره بيفيدك المشاكل تجي من الي فتره الملكه تكووون طوويله اما الان فماراح يمديكم الا تتعرفون على بعض وهذي تعتبر احلى ايام عمرك فلا تظيعها بحجه المشاكل :) وبعدين بتكسر اغلب الحواجز صديقتي توها متزوجه من كم يوم وماكلمت زوجها ابوها رافض المسكينه بس يغمى عليها طووول الوقت خايفه وتصيح يعني اقل شي تعرف صوتك مو لازم تكثر مكالمات كم مره بالاسبوع او الوقت الي تحس هي فاضيه وانت فاضي |
بارك الله لكما وبارك عليكما وجمع بينكما في خير
منك المال ومنها العيال والله يوفقكم ويسخركم لبعض والله يا أخوي كلمها ... مرتين بالإسبوع ولا تقطعها بالرسائل وزورها كم مرة محمل بالهدايا ترى هالأيام أحلى الأيام اللي بتجمعكم ببعض .. وخل عنك تجارب الغير ... عيش حياتك وبعدين لحظة ياحياتي هي مأملة انك تكلمها وتدلعها وتجي انت تطبق نصائح نتيجة لتجارب فاشلة ترى لو ما كلمتها بتجلس توسوس بأشياء أصلا ما جت ببالك وماله داعي تنكد على العروسة مبروووووووووك الله يتمم لكم على خير يغفر لوالدك ووالدي وجميع موتى المسلمين ويشفي أميمتك ويخليها لكم وينولها بركم اللهم آميييييييييييييين |
يا حلات الملكة بس أجمل ما في الزواج أن كل مرحلة لها خصائصها ... يا أخي كلمها وعيش الحب معاها بحدود طبعا .. عرف البنت على نفسك وكون صادق معاها لا تتصنع , وتعرف عليها وشوف كلامها ومنطقها وطريقة تفكيرها ... عيشوا الحب العذري البعيد عن علاقة الجسد ... أنصحك وبقوة أنك تكلمها , والبنات اليوم يخافون من اللي ما يكلم لأن المتعارف عندنا أن الاب بيموت على ما يسمع صوتها فلما يثقل ويبعد عنها تخاف وتتوجس منه ... وبالمرة تشاورها بالتجهيزات ... ونصيحة : لا تبالغ في الدلال ولا تكون قاسي خلك وسط وسو الشي اللي مقتنع فيه وضمن قدراتك وقناعاتك مع امكانية التنازل - بحدود - لأجل عيون الغاليين وبارك الله لكما وبارك عليكما وجمع بينكما في خير |
بارك الله لكما وبارك عليكما وجمع بينكما في خير
ممكن تكلمها وهذا شيء راجع لشخصيتك ولك ولها افضل تكلمها عشان ماتشعر بوحشه لكن لا افضل كثرة المكالمات وانت ومايعجبك |
ماشاء الله ولاحول ولاقوة الابالله
جمع الله بينكما على خير ما اجمل الوسطية في كل شئ لذالك خلك وسطي كلمها مرتين في الاسبوع ولاتخوض في الحديث معها وعش حياتك بكل مراحلها وشعورك نحو والدك رحمه الله طبيعي |
مبارك
بارك الله لك وبارك عليك وجمع بينكماعلى خير صراحة يااخوي فترة الملكة مرررررررررررة حلوة لاتفوتها كلمها مرررة في النهار ومرة في الليل ولاتطول مو تحسسها انك تكلمها غصب عنك خليك مبسوط ومرتاح وحسسها بالامان في مكالمتك اعطيها المجال انه هيا تتكلم اتكلم في اشياء مهمة اتعرفوا على شخصيات بعض والله فترة الملكة ماتتعوض ياليتها ترجع فلا تحرم زوجتك ونفسك جمال هذه الايام تقبل مروري:14::14::14::14::14::14::14: |
كلمها اخوي
واتعرف عليها واكسر الحاجز بينككم هي حلالك والدين يسر الله يتمملك على خير ويرحم ابيك ويشافي اميمتك يااااارب |
الف مبررررروك الله يتمملك على خير والله يرحم والدك
كلمها واتعرف على شخصيتها |
اقتباس:
وهي ما سمعت صوته ولا جلست معه قبل هالليلة ! يا ترى هل يفكر المعارضون للفكرة بهذا الشي ؟؟ يا اخ مفسر .. انتبه تسوي هالغلطة ! تدخل على بنت وهي ماتعودت عليك فرصتك ايام الملكة تعودها عليك عشان يصير توترها بعد الزواج اقل ! |
ألف مبروك
والله يسعدكم يارب والله يا أخوي المشاكل الزوجيه مو من المكالمات لكن من رأيي كلمها لكن مو تبالغ لأن البعض يكلم في اليوم 5 إلى 4 مرات صراحه مو حلو كذا احسن شي مرتين إلى 3 مرات بالأسبوع وتكون مكالماتكم سطحيه لا أقل ولا أكثر والله يسعدكم يارب |
ماشاء الله تبارك الله الف مبرووك،
اكيد كلمها .. على اساس تتفاهمو فيما بعد الزواج وتفهم اطباعها وهي بعد الله يتمم عليكم ويسخركم لـ بعض نشوفك قريباً في قسم المتزوجين :) وعقبال العزاب ان شاء الله البرنسيسه.. |
بالرغم ماترد على المشاركات لكن سبحان الله الكل يتفاعل معاك وفقك الله
|
يطير الكلام عندما أجد هذا الكم من الردود اللي تبرد القلب
حتى أختي انثى أبكت القمر مستغربه مثلي , صحيح مادر لكن اطلع على الردود بأستمرار وكثير زعلوا مني لآني مارد .. والله تحسسوني أنكم عايشين الدور معي يالبى قلوبكم . الله يوفقكم ويسعدكم يارب |
اخوي مسفر
الف الف الف الف الف الف مبروووووووووووووووووووووووووووووووووووووووك اخوي عيش حياتك ماعليك من غيرك ولا من اللي قبلك افتح قلبك لزوجتك فلها معاها بالمكالمات ابعددعن الامور الجنسيه فقط قبلات او كلام رومنسي مثل تحبيني او لا بس مو من الحين شوي شوي بعد ماتخذون على بعض بالمكالمات وابدأ بالرسايل حاول تكون مرح بسيط سلس بالكلام علشان ترتاح لك بالكلام لاتخوفها او تتامر عليها من اول مره أبدأ بالمزح اهم شيء خلها تضحك معاك علشان ترتاحلك اقولك هذا من تجربتي انا في فترة الملكه وباقي على زواجي 11 يوم دعواتكم لي بالتوفيق وموفق اخوي مسفر |
بارك الله لكما وبارك عليكما وجمع بينكما ع خير
وجعل حياتك سعاده في سعاده يااارب |
ماشاء الله تبارك الله ربي يتمم لك على خير وألف ألف مبروووك إذا الزواج مرررة قريب كلمها بالأسبوع مرة والمسجات خليها كل يومين تتطمن عليها وكذا |
بارك الله لكما وبارك عليكما وجمع بينكما في خير
هذا شئ من حققك انك تكلمها بما انو زواجك قريب كلمها مرة او مرتين باليوم والشوفه خليها مرة في الشهر شهر شعبان وشهر رمضان وشهر شوال تحت سقف واحد (هههههه) بأذن الله وهذا راي وبعدين تطلع لها طله بليله الزواج وتشتاق لها أكثر |
| الساعة الآن 06:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©