|
فوضت امري لله ..والغصه والخوف اتعبتني (مشكلة )
مرحبا .. اتمنى ان اجد لديكم الحلول المناسبه والمقنعه وخاصه من اصحاب الرأي السديد والحكمه .. انا مشكلتي وللاسف هذي اول مشكله تواجهني لاني توي مملكه لي فترة بسيطه.. طبعا زوجي يقرب لي مرة بس منطقه ثانيه بعيد انا واهلي بديرة وهو واهله بديرة صراحه تفاجئت بعد الملكه انه مقرر يكون حفل الزواج بديرته؟؟ مع انه بعاداتنا الزواج عند ديرة العروسه مهما كان لكن هو رافض حتى يناقش مع انه قبل كتابة العقدبكم شهر انفتحت هذي السالفه بشكل بسيط وبلغوه اهلي انه مفروض عندنا وكذا حتى لو كان بسيط جدا بدون تكاليف زواج بس اهم شي يكون عندنا بديرتي .. هو قال يصير خير ونتفاهم وقفل السالفه بسرعه على مافهمت من اهلي.. انا مصدومه كثير وبنفس الوقت مراعيه انو جماعته هناك كثيرين وبديرتي العدد قليل ومراعيه اشياء كثيرة وودي اتنازل بس عجزت وماقدرت يعني من حقي افرح بزواجي ويكون كبير وبديرتي بالله وش يوديني ديرته بعفشي وحوسة انا واهلي؟ ووش بيقولون الناس عنا ؟.لانه عندنا عيب ندمت كثير انه ماشرطنا عليه بالعقد:29: ااخ بس لا واصلا اهلي ماشرطو بشي يقولون عيب ذا منا وفينا مابينا شروط بديت اقلق من هالناحيه .. للعلم للحين مابينا مكالمات مجرد مسجات .. وصراحه انا احس انه يتهرب مايبي يكلم الين ينهي موضوع مكان الزواج يمكن خايف اضغط عليه .. واصلا لو كلمته خايفه اضعف او اتنازل لاني مابي مشاكل من بداية حياتي .. واخاف يمسكها علي طول العمر وطبعا اقترحنا يعمل زواجين بديرتي وبديرته واهله كبروها كيف يتكلف ويتخسر مرتين يعني بالطريقتين ماني سالمه لا منه ولا من اهله . صراحه انا صدمتي كبيرة لان اهله وهو شاريني كثير وحاجزيني من سنوات بس ماصدقوا ملك علي وبدات السلبيات تطلع :( .. المطلوب / ابغا حلول واراء منكم ترضي الطرفين . وايش رايكم كيف اقنعه برايي بدون ماياخذ بنفسه علي.؟ والله يجزاكم خيرررر واعتذر عن اللهجه العاميه ..لاني تعبانه من هالموضوع ومكدر خاطري مالي خلق اصف عبارات وحروف |
اعملي ليليه وهي حفله قبل العرس بيوم او يومان ومنهم من تكون قبل بسبوع
واعزمي فيها ديرتك وضعي الحجه ان اهلو كثر وصعب كتير انهم ينتقلو الى منطقتك الليليه مثل ليلة الحنا اعتقد عندكم |
احنا من عاداتنا انو الزواج يصير عند ديرة العريس يمكن هو شاف كثير ناس كذا عشان كذا طلب انو يسويه في ديرته
|
ماالمشكله إن تنازلتي ..وجعلتي الزواج بديرته ..
حتي لاتبدآ حياتك بمشاكل .... ربي يسعدك ويسر آمر زواجك |
اختي الفاضله
يالله الوااحد يقدر يسووي زواج واحد وبيطلع منه وهو منشف تبين تسووين زواجين بديرتك وديرتهم فهذا اكيد خطاء منك وانتي قلتوا انه من جمااعتكم وقريب لكم يعني اصل ديرتك بالاساااس عندهم صح ؟لان جمااعتكم كلهم هناااك يعني انتم المفرووض ترووحون هنااك وانا اول مره اسمع ان العرس يكون بديرت اهل المرااه او العروووس لان الكراامه للرجل والرجل هو المضيف وانتم الضيووف فكيف يكون الزواج عندكم ونسيت اقولك ترا الذبيحه الان وصلت 1500 ريااال |
أختى قد لااكون مطلع كثير على عاداتكم... والإخوان والاخوات لن يقصروا ممن فى ديرتكم...بالرأى
لكن برأيى أن كل هذه الامور شكليات ... والزوج فى هذه المرحلة بيكون مرهق ماديا وعصبيا ... فإنتبهى لذلك... لاتضعى من اولها العقدة فى المنشار كمايقولون... فهو الآن زوجك شرعا وقانونا ... ومادام لايقصد من ذلك اى مشكلة لكِ لأنه يرى انها عادات ديرته... خلاص لاتكبرى المسألة مادمتم تحبون بعض ومتفاهمين... ولاتضغطين على الرجل فى ذلك لإرضاء أى احد آخر غيركم .... ومن الممكن أن تكون الليلة الكبيرة بتجهيزاتها ....إلخ فى ديرته... وقبلها بيوم حفل مصغر فى ديرتك.... لكن لو لم يقدر على ذلك لايوجد مشكلة ... لاتتمسكى برأى انتِ تعرفين انه قد يحرج زوجك... وصدقينى سيتذكر دائما ذلك لكِ وسيشكرك عليه.. تحياتى أخوكمm.s |
سلام عليكم
ابنتي تذكار اول شي مبروك الزواج شوفي يابنتي العاده جرت على ان الزواج دائما بديره الزوج ومحل سكنه الا في حاله رغبته في اقامه الزواج بديرتكم . لكن الاصول هو اقامه الفرح في محل سكن زوجك والمكان اللي بتسكنين فيه . ثم لو سئلتي امك وابوك بيقولون نفس الكلام الزواج في ديره سكن الزوج الا في حاله التوافق والاتفاق بينكم على شي اخر . انتي خليتيه يتهرب منك لان طلبك غير منطقي والراجل مايبي يدخل في صدام معاك من بدايه الزواج والظاهر زوجك عاقل ورزين ومايحب يثير الامور بشكل قد يسبب الغضب والانفعال عندك بالتاكيد هو يقول في نفسه بسئلون عن الموضوع وبيلاقون ان الحق معاي ثم يرجعون عن رايهم وفكرتهم هو يبي الموضوع يجي بسلاسه منكم رايي وافقو على اقامه الفرح بديرته بتصرفك رح يقدرك ويحترمك اكثر تحياتي |
اقتباس:
اقتباس:
لا احنا بعادتنا عن اهل العروس وعيب يكون بديرة العريس |
اقتباس:
انا فكرت اتنازل بس الناس بتاكلني بالكلام اني رحت له وهذا يعتبر عيب عندنا ! وبعدين فكرت فيها ايش ذنبي اغير مدينتي في ليله مهمه احتاج فيها لاغراض تخص العروس من كوفيرا ومصورة والخ .... اقتباس:
القرابه من جهة الاب فقط رغم اننا من قبيله وحده الا انه لكل واحد فينا جماعه وصراحه محد قاله يتزوج دام تقدم يتحمل التكاليف وكيف احنا الضيوف؟ وترى انا لما اقول ديرة !!مااقصد قريه او مكان القبيله لا اقصد منطقه كبيرة او مدينه |
اقتباس:
وفكرنا بحفل مصغير في مدينتي بس الان بالوقت الحالي كل شي غالي لو كان مصغر بيكلف اقتباس:
مدري انا اتكلم عن عادات اغلب اهل نجد وبعدين انا ماطلبت شي ابد ولا كلمته بحرف واحد وصلني من اهله انه يبغا الزواج بمدينته وانا ابديت رفضي وانه لازم يتفق مع اخواني بس هذا الي صار واعتقد من حقي |
شوفي المتعارف عليه الزواج عند أهل البنت ومكانها ..
لكن فيه قبائل ثانيه عند أهل الولد.. وأهل البنت ما يحضرون بعد.. الموضوع هذا أهلك يتفاهمون فيه واطلعي انتي منها والي يشوفونه أهلك صح سويه .. أبوك وش رأيه ؟ |
أختي الكريمة لا تناقشينه أنتِ في الموضوع مثل ما قالت أختي ذكريات اطلعي من السالفة , يكلمه أبوك على أساس أنه يرتب معاه تكاليف الحفلة , ومافي مانع تساعدونه شوي مادام بيسوي لك حفلة ثانية في ديرتك ... وجماعتكم بلغوهم أنكم بتسوون حفلتين حفلة صغيرة في بيت أهلك وحفلة كبيرة في ديرتهم وكان الله غفورا رحيما ... ونصيحة استخيري كثير أختي الكريمة |
عزيزي أهلاً بك ,
من وجهة نظري أنك تتفرغين لتجهيزاتك , وتضعين هذا الأمر للنقاش بين أهلك وأهله وهم يخرجون بالنتيجة ! حاول إبعاد نفسك عن هالنقطة لكي لاتؤثر على تفكيرك وتجهيزاتك .. آرق تحية |
اختي الكريمه اول شي الله يوفقك وييسر امرك على ماتحبين ...
وحدة من قريباتي كانت ظروفها تمام مثل ظروفك فانا حاس ومقدر وضعك لانه تعب عليك وعلى اهلك هذا شيء والشيء الثاني من ناحية نفسيه ماتتقبلين هالشيء ... طيب الحل ؟؟ قولي له انه زي مالك اقارب واصدقاء بيحضرون فانا لي ناس بيحضرون لاجلي ولست اولى مني بان تكون فرحتك كامله كل احبابك حولك وانا ماحولي احد ... ثم ان هذه هي العاده انتم ماجبتو شي جديد فموقفك اقوى ... اذا كان اهلك معاك بالراي فموقفك كذا يكون مكتمل يعني خلي الموضوع عليهم ...هم يلزمونه بهالشيء ... اذا انهم ماهم معاك وهو رفض رفض قاطع عندك حل وسط يسوي زواج مصغر عندكم باستراحه يكون قبل الزواج الللي بديرتهم باسبوع واذا كان سوى لك شبكة كبيره اشوف حتى هالزواج ماله داعي ... اذا اصر انه الزواج يكون بس واحدعند اهله خليه يدفع ثمن هالقرار بطريقه مهذبه مثلا تقولين له لازم تعوضني عن هالشيء .. وخليه يستاجر لكم فندق واللا شقه محترمه بديرته ... اغراضك هو اللي يجي ياخذها من ديرتكم ... واذا سيارتكم مش مناسبة للسفر قولي له بعد يجي ياخذ اهلك>> ههههههههه المقصود انك ماتتكلفين شيء بسببه ... وبالنهاية اذا ماقدرت تسوين شيء الحمدلله بتكسبين معروف بزوجك وماتكلفين عليه وهو اذا كان شهم بيقدر لك الشيء هذا انك تنازلت عن رغبه لاجله يعني ابدئي الموضوع بالتدريج ... والله يوفقك ... |
اقتباس:
وبعدين ايش كرامه للرجل وخرابيط والله عيب عيب عليه الرجل هو اللي يجي ياخذ المراه مو هي اللي تروح له والبنت قالت لكم عادتنا ان الزواج يكون عند اهل البنت ... |
اقتباس:
وكلامهم طبعا انو يكون بمدينتي لو حفل بسيط لو ذبيحتين للرجال وبس افدتيني كثير بسالفة اني اطلع من الموضوع صادقه بس للاسف انا كلمت اخته وقلت انو مو موافقه وشافت وجهة نظري والله اعتقد ان السبب خواته مو هو يبون زواج اخوهم بمدينتهم :29: اقتباس:
اقتباس:
وشلت هم لان طبيعتي حساسه واشكركم كلكم ماقصرتم |
اقتباس:
اقتباس:
اول رد لك : انا معاك اني بخلي هالموضوع بيد اهلي ولا ماسوى شبكه كبيرة كان الشبكه علي انا وعلى اهلي وبعدين ترى مسافة يمكن 800 كيلو بين المدينتين ب وكلامك اغلبه صحيح بس الي ماعجبني اقتباس:
على فكرة انا قبيلتي بكذا مدينه وصح احنا نقرب لبعض بس هو اختارني مايبي من قرايبه ومحد ضربه على يده ترى بديت احقد عليه واشررط يحط الزواج عندنا :29: |
اقتباس:
عموما حاولي ان الزواج مايجي الا وانت راضية باللي يصير سواء هو اللي يرضيك او انت اللي تتقبلين الوضع ولاتسوين زي طليقتي طلبت الطلاق لاجل شي تافه ... واحد من اقاربي تزوج والله العظيم امه وابوه شيبان واخوانه عوايل راحو 1500 كلم عشان الزواج يكون عند اهل البنت والله اني منقهر مدري ليش ؟؟ ياليت تخبرينا وش يصير عليك ... |
اقتباس:
وانا منقهر ع زوجك مو على قريبي بالعكس قريبي سوا شي صحيح انه الزواج عند اهل البنت |
^^
:d مشكور على التوضيح لاني فعلا فهمت غلط :26: وصراحه كلنا انصدمنا من زوجي وخاصه اخوي الي مكلمه قبل نملك عن ترتيبات الزواج وانه اقل شي يكون عندنا لو باستراحه .. وهو ماتكلم للحين الي وصلنا من خواته وبديت اشك انه مو قراره قرار اهله :29: على العموم اشكركم جزيل الشكررررر والله يجزاكم خيرر وضحتوا لي الطريق والصواااب واهلي مثلكم وهاوشوني قالوا انتي مالك دخل وندمت اني وضحت وكلمت اخت زوجي لان انا قلقه وخايفه :21: |
عزيزتي : حلآت العروس تلبس فستآنهآ بليله وحده وتنزف مره وحده .. فهذآ أمــر بسيط ممكن أن يكون التنآزل من طرفك عزيزتي نفذي أمـــر زوجك آليس هو مملكتك آعطه مآيريد فسيعطيكي كل مـــآتريدين .. لآتكدري خـــآطرك وإفرحي ترآهآ ليلة عمـــر لن تنسى ـآ دآمت آيآمك بسعآده ودآم زوآجكـــم بهنآء |
اقتباس:
من قرادة حظه انها تزووج وحده ماتقدر الظروووف اي اذا تبين تعرفين الصرااحه انتم ضيوووف في الزواج لانه المتكلف الوحيد في العرس هل حطيتوا معه ريااال واحد في تكاليف العرس ؟ هل انتي من السعوديه ؟اذا انتي من السعوديه اول مره اسمع قبيله عاداتها كذا مع احترامي لك |
انا لو منه اسوووي ذبحتين واجي اخذك وكاان الله غفورا رحيما
|
اقتباس:
|
اقتباس:
بس صدقيني من حقي افرح بمدينتي الي تربيت فيها وتعودت على مشغالها واماكنها .. لو رحت منطقته بضيع هناك وبكون متوترة مااعرف لا محلات ولا شي مع ان اهله خوالي بيوقفون معي بس مهما كان ودي اكون بمدينتي وفوووووووق هذا الناس بتاكلنا بالكلام لو كان الفرح بمدينته .. |
انا الاصل من قباائل نجد وسااكن بالشرقيه
|
align][/COLOR][/SIZE][/FONT][/QUOTE]
اقتباس:
اقتباس:
اول شي اعتذر عن الخطأ الي كتبته العصر وانا مستعجله كتبت قرابه من جهة الاب وهي غلط قرابه من جهة الاممممممممممممم وبعدين لش ردك كذا ؟؟ وليش تقول من قرادته ؟ بالعكس يحمد ربه الي صبرت عليه وانتظرته حاجزني كم سنه ..:29: وليش تقول احنا ضيوف باي منطق؟؟؟؟؟؟؟؟ ولعلمك هم بعايلته ممنوع يكون زواج البنت الا بمدينتها بس هذا نظام جديد وبيمشونه علي يعني؟؟ اقول الله يهديك بس |
اقتباس:
[COLOR="Purple"]:( اول شي اعتذر عن الخطأ الي كتبته العصر وانا مستعجله كتبت قرابه من جهة الاب وهي غلط قرابه من جهة الاممممممممممممم وبعدين لش ردك كذا ؟؟ اسف على ردي لانك قهرتيني تقولين اذا ماهو قد الزواج ليش يجي يخطب ترا والله يااختي ترا الزواج اكبر من كلمة عرس وشهر عسل وكله هذي يوم وتتلاااشى لاكن انا ابيك تبني قواعد حياااتك من حديد [/COLOR] وليش تقول من قرادته ؟ لاني انقهرت من ردك وانا اسف :11: بالعكس يحمد ربه الي صبرت عليه وانتظرته حاجزني كم سنه ..:29: انا هذا الحجز ماؤيد فيه لانك ماتدرين وش كاتب لكم الزمن منها عمرك يرووح وبعدين يمكن هو يغير رائيه ولا لاقدر الله يموت جعل عمره وعمرك طويل وليش تقول احنا ضيوف باي منطق؟؟؟؟؟؟؟؟ المتعارف عليه انكم ضيوووف في الزواج لان القاائم بالزواج اهل العريس ولعلمك هم بعايلته ممنوع يكون زواج البنت الا بمدينتها دام هذا متعارف عندكم لا تعليق بس هذا نظام جديد وبيمشونه علي يعني؟؟ اذا تقدرين تمشينه مشيه لكسب حيااه سعيده اقول الله يهديك بس[/QUOTE] امين ياارب ويهدك معي ويهدي جميع الامه :) الله يتمم لك بخير يااارب |
اخي الوزن الثقيل يوجد في بعض المناطق في الغربية والمنطقة الجنوبية يساهم اهل العروس في تكاليف العرس الاخت تذكار ممكن تسافري الى المدينة الى سيكون زواجك فيها وتحجزي الكوافيرة والمصورة وو الخ او اذا كان لكي اقرباء في نفس المدينة ممكن تستعيني بهم الامر ليس بالصعوبة الى انتي متخيلتها .. هذا طبعا بعد ماتحاولي تقنعيه انه يعدل عن قراره في الزواج في نفس مدينته بالتوفيق |
والله حظهم انا لو داااري كان خذت لي وحده جنووبيه
عاد تصدقووون انا حتى العينيه ماعطوني اياها اهل العروووووس اجل انا اتاااسف منك اختي نسيت اسمك لاكن كنه فيه ذكريااات |
اقتباس:
|
الاخت سيدة الموقف انا ذكرت البعض وليس الكل.. انا في جدة والكثير من اهل جدة تكاليف ليلة الزواج تساهم فيها العروس وانا عندي صديقات من اهل الجنوب في قبيلة جنوبية معروفة تكاليف حجز صالة العرس والعشاء على العروس وقبيلة اخرى جنوبية ايضا يتم اقتسام تكاليف العرس بين اهل العريس واهل العروس . وانا حضرت مناسبات لأهل الجنوب ورأيت ذلك بنفسي |
اقتباس:
|
مبرووووك حبيبتي على الخطبه ..
الله يتمملك على خير وييسررلكم امووركم يـآآرب .. أستعيني بالله في جميع اموورك .. الله يحفظك يا أختي دمتي بوود =) |
اقتباس:
حتى أنا أول مرة أسمع بقبيلة عاداتها كذا ( خصوصاً في الزواج ) أنا من قبايل الحجاز و كل قبايل الحجاز الأصيلة ( أهل العروس ما يحطون ريال في الزواج و ليس لهم علاقة بمكانه أو كيفيته ) لكن إذا أراد أهل العروس إقامة حفل ( ملكة ) فهم يتكفلون بكل شيء ماعدا العشاء يتكفل العريس بالعشاء وحتى لا يقول قائل و ما أدراك بعادات قبائل الحجاز قبائل الحجاز المعروفة أربعة فأنا من قبيلة و أخوال أبي من قبيلة و أخوالي من قبيلة و القبيلة الرابعة ( بيننا رحم ) بالنسبة للأخت عليها عدم التدخل في ما يحدث بين الرجال و أرى من العدل و الانصاف أن يقام الزواج في ديرة ( الزوج ) |
انا اعرف عادات الهند كذا العرس يكون على المرااه وهذا محااسب عندنا يضحك علي من يوم خذت قرض يقوولي ليش
قلت لها بتزوج قاااال حنا اهل الزوجه الي يعطونا الفلووووس قلت لها لا حنا البنك الفرنسي الي يعطيك بعدين يتحاااسب معك بعد الزوااج هع هع |
^^
هههههههههههههههههههههه الوزن الثقيل عليك رد :d غاليتي بقولك شي من تجربة بعائلتي .. صار نفس الموقف ونفس الشي مع قريبتي .. مابقولك كيف تعامل زوجها معها .. بس انتي اكيد فاهمة .. ومثل ماقلتي عيب عندكم حتى حنا كان عيب وبقوة ... ونفس الشي كلام الناس هي راحت لة ؟ وهذا مابينهم الا 70 كيلو فتخيلي 800 كيلو انا لو على رائي الخاص لاتقبلي وخلي الموضوع بيد اخوانك يتصلو علية ويقولو لة حياك عندنا ويجلسو معاة ومايطلع الاومتفقين ولا الله يعينك ... :::::::::::::: سيدة الموقف .. ايوة في اهل الغربية هما يدفعو النص لو اتفقو او اشترطو مثلا مكان معين يقولهم العريس اوكي النص بالنص ويمشي الوضع ولا من اول كل شي كان بالنص بس الان مع غلاة المعيشة صارت الامور غير . اخواني امور النساء بالقاعة متعارف عليها علي العروس حتي لوعندو 10 بنات والجنوب اعرف قرايب وكثيرررررررررررررررر الزواج علي اهل البنت وهي متكفلة بكل شي انتي بالاساس لو تعرفين مثلا جيزانية اساليها كم مهوركم ؟؟؟؟؟؟؟؟؟؟؟؟:25: بتقولك 100 الف او 70 ولاعندهم للام 50 الف والاب 50 الف وماتبغي اهل العروسة يسو الزواج يكونو شفطو الرجال بالاساااااااااااااااس :d وصار عالحديدة الا اثاث بيتة بس والذهب :) |
اتجاااه اجبااااري الى الجنووووب
وماعندي اي مشكله الزواج يكون في ابها البهيه هع هع |
اقتباس:
بالتتوفيق يارب .. |
اقتباس:
هذا شكله سيم سيم بلد أنا الوزن الثقيل ترى مهوور أهل الجنوب غاليييية مثل ماسمعت أحساس والله شيء غريب وجديد عليه بس إذا مهورهم كذااا فيستاهلوا ماجاهم ويتحملوا التكاليف |
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©