|
زوجي لايريد ان يكون هو محور حياتي
السلام عليكم اخواني الأفاضل
بدخل بالموضوع زوجي غريب الاطوار ويتكلم عن أشياء بعيده عن تفكيري او فوق تفكيري من تالي صار يقول لي الزوجه الذكيه هي اللي مايكون زوجها كل شي بحياتها تنشغل عنه بأهلها بدوامها بعيالها ماتصب اهتمامها لزوج وبس ماتعيش لزوج وبس اذا جاء الله يحيه واذا ماجاء بحفظ الله لايكون الزوج شغلها الشاغل وبس لازم تشغل نفسها هل هذا الكلام صحيح واذا كان صحيح كيف اطبقه وكيف اتصرف معه بصوره صحيحه بليز ساعدوني علما بأني انا الزوجه الثانيه له |
بأقولك شي ...
احيانآ الحرمـه بطيبة قلبهـأ ومحبتهـا لزوجهـأ .. تنسى الاهتمام بنفسهـا .. وتقصر بحق نفسهـا بس ماتقصر بحق زوجهآ هذآ اكيد من محبتهـا لزوجهـا .. وهذآ دليل على انهـا متربيه صح وتقوم بواجبات الزوج كاملهـ .. بس الرجآل اذا شاف زوجتـه مقصره بحق نفسهـا او بجوانب ثانيهـ .. عشان تقوم بواجبات الزوج هنآ يحس انهـا لازم تقلل من اهتمامهـا لزوجهـا عشان تقدر تفكر وتتفرغ لنفسهـأ الرجآل على قد اهتمام الزوجـه بنفسهـا وشكلهـا وعلى قد محبتهـا لنفسهـا .. هوآ راح يحبهـأ ومن وجهة نظري كـ رجآل .. زوجك ماقالك كذآ الا انهـ شايفك مقصره بحق نفسـك .. ولا مافيه رجال يحب ان زوجتــه تهتم فيهـ ؛ بس بحدود .. ولا يطغى شي على شي .. والله يجمع بينكم على خير |
لااااااااا
وربي مهتمه بنفسي وبنظافتي ونظافة البيت وبأكله بس يمكن اقلقته وووينك تراني طفشانه متى تجي ويبي يشغلني عموما اخوي عاشق الاروى شاكره لك ردك الجميل والسريع |
عزيزتي .. زوجك كلامه صحيح.. لازم تكون لك اهتمامك وعلاقاتك.. وهواياتك.. يعني أشغلي نفسك بأمور تانيه بالإضافة لزوجك.. زيارات .. نشاطات .. حيسير عندك معرفة اكتر ونطاق أوسع.. طبعاً .. اهتمي بزوجك وحبيه ولا تغفلي عنه أكيد.. لو فكرتي شوية.. حتلاقي انه هو عنده عمله وأصدقاءه و مشاويره وزياراته.. وعايش حياته.. وانتي جزء كبير فيها.. زوجك هو اهم انسان في حياتك .. بس مو حياتك كلها.. |
اقتباس:
انا مع راي الاخ عاشق الاروى يالغلا الزوجه لابدان تحب نفسها وتعطي نفسها حقها اكثرمن أي شئ وعلى فكره الزوج يغرم كثيررررررر باللي يشوفها تحب روحها والثقل يكون حلوو واحيانا الصمت يجذب مع الهدوء المتوازن |
بس هو مايبادلني الاهتمام ابد لو اكون تعبانه مايسال لو اغيب عنه شهر مايسال مايصدق اروح لأهلي يبي الفكه مني
|
مهتمه بشكلي وبنظافتي شلووون احب نفسي وضحوا لي
|
يا أختي .. بالصريح.. يعني مو تقعدي في البيت طول الوقت ومستنيته .. بس تطبخي و تنظفي وتنشغلي بيه وبالبيت.. وماعندك مواضيع غير عنه وعنك.. وهمك الأول والأخير هو.. لا.. أخرجي روحي لأهلك.. لصديقاتك .. اشتركي في معهد كمبيوتر أو انجليزي مثلاً.. اشتري كتب ومجلات وأقري فيها.. ادخلي مواقع مفيدة .. ابحثي عن الاشياء الي تحبيها واهتماماتك واعمليها.. يصير عندك مواضيع تفتحيها مع زوجك .. وثقافتك توسع وانتي تحسي بكيانك اكتر .. وممكن تشتاقيله ويشتاقلك.. ومدامه هو الي قالك كدا.. خلااااص شوفي الهواية الي تحبيها وقوليله .. يلا جبلي مستلزماتها.. او دخلني المركز الفلاني.. حبيبتي.. أكيد لازم تهتمي بزوجك وانتي ماشاء الله مو مقصرة.. أرجوا انك تكوني فهمتي قصدي.. بس في نقطة حابة اعرفها.. ليه قلتي انه( يبغى الفكة) هل هو مشغول بأشياء تانية مهمة؟؟ |
يعني اذا بغاكي هو يدوركي انت لاتسالين فيه
|
ايوة مشغووول بس مو ذاك الانشغال بس مايحب وجودي بالبيت يقول ارتاح لما تروحي لاهلك وانا ماحب اروح لاهلي يتركني عندهم اربعاء وخميس وجمعه ولا يجي ياخذني يقول تعالي مع السواق وانا مليت بصراحه من اسلوبه اول مانعرف ان الزوجه تنشغل عن زوجها هي كل حياته الحين الزوج يبي الفكه لو بتشتغلين مع الرجال اختلاط اهم شي لا يشوف وجهك بالبيت
|
هلا اختي سنا نجمه
والله معاد اسأل ولا اشغله صح حازز بخاطري انو وضعي يصير كذا لا زوج يسأل ولا اهتمام بس اتصبر لين ربي يفرجها |
اقتباس:
والويك اند كله يخليكي عند أهلك! ؟؟ عزيزتي .. الشي الطبيعي انه الويك اند تقضوه مع بعض .. صحيح قلنالك اشغلي نفسك بس مو لدرجة انه يبغاكي طول الوقت برة البيت.. أسمحيلي أسألك .. هو ينشغل بأيش ؟؟؟ و كيف علاقتكم ببعض.؟ |
اجتماعات بالاستراحه ولا ويحب يرتبط فيني ابد رامي كل المسئوليات علي ويقول انا مو مرتاح اجي للبيت مغصوب غصب
وطبقني ورجعني عشان البنت اللي بينا ويقول تغيرت اشياء كثيره بداخلي اتجاهك واشوووف انه نفس الشي ماتغير الا يبي الفكه والمشكله انه ملتزم |
مو لازم تطلعي من البيت بس احقريه فيه رجال يبون ضرب على روسهم لاكذا عاجب ولاكذا عاجب احقريه وطنشيه الين هو يقولك يرحم ابوك ارجعي مثل اول
|
احيانا ينقلب حب الزوجة لزوجها الى حب تملك واحتواء وحبس وهذه مشكلة
نعم الزوجة مفروض تحب زوجها ويكون محور حياتها لكن لا يكون الشيء الوحيد في حياتها لأنه بالشكل هذا يبين ان الزوجة ما تكون صاحبة شخصية او ما عندها اهتمامات متنوعة |
زوجته الأولى على ذمته ؟
|
جزاكم الله خير جميعا ع الردود اي اختي ام مزنه زوجته ع ذمته الاولى
|
اقتباس:
|
[QUOTE=تعبت الظلم;2646595]جزاكم الله خير جميعا ع الردود اي اختي ام مزنه زوجته ع ذمته الاولى[/QUOT
عنده زوجة و بيت ثاني يعني طبيعي ما يكون وقته كله لك لان زوجته الثانيةة تتقاسمه معك |
أختي الكريمة كم هي مدة زوااااجكم ؟ وهل زوجك يعدل بالقسمة بينك وبين الأولى ؟ كم عمرك وكم عمر زوجك ؟ وكم له من الأولاد؟ أخيرا : ما مدى التزام زوجك ؟ وما مدى التزامك ؟ بالانتظار عزيزتي |
سلام عليكم
الظاهر انتي لك اسلوب يضايقه طول النهار تهتمين في نفسك وتحاولين تكسبينه بطريقه ( التملك ) ونفس الشي بيواجه من الزوجه الاخرى والرجال الظاهر بيهج من الديره كلها هههه بس انتي الله يهديك يمكن طول النهار وينك متى تجي جيب معاك ليش تاخرت ومن هالسوالف . غالبا هذي ( غيره قويه عندك ) هي اللي سببت لك كل اللي ذكرتيه خففي الغيره شوي وشوفي رح تظبط امورك صدقيني الله يوفقك وييسر امورك |
هلا الماضي الدفين مدة زواجنا 7 سنوات بس فيه فترة طلاق دامت 3 سنوات
عمر زوجي 49سنه وانا 37 عندي منه بنت وهو عنده 6 اطفال وهو ملتزم جدا لاكن معي ماهو ملتزم ولا يعدل ابد حتى في المبيت انا محافظه ولله الحمد ع حجابي وع صلاتي بس ماني ملتزمه شاكره لك |
ياشيخ مناحي الله يهديك اي غيره بس هو بالعدل ماعدل لي كيف ماتبيني انقهر لا تسميها غيره بلا سمها قهر لانه ماعدل حاسه بظلمه لي وصابره عشان فيه بنت بينا ولو تكلمت بطلقني عارفه
|
اقتباس:
أختي هل زواجكم معلن ؟ وهل زوجته تعرف أنك على ذمته ولك بنت ويأتيك ويزورك وكم يوم يعطيك في الاسبوع ؟ وهل زياراته لك منتظمة ؟ |
يااختي العزيزه.. اثقلي على زوجك.. لاتلزقين فيه.. طبقي مقوله زوجك (صادق) الرجل اذا لحقتي به هرب منكي.. انشغلي بنفسك .. تعلمي ادرسي توظفي اشتركي في نادي اي شيء .. لا تطفشينه..انتي تصوري ان لك صديقه داييم تتصل عليك ..دايم تلاحق اخبارك..دايم تبي تجي عندك في البيت..دايم تبي تتطلع على امورك ...الخ بتطفشين منها وبيتحول حبك لها الى ملل وكره ... لا تخلين نفسك بالمكانه مع زوجك.. لاتطفشيه.. خليييييه ولا تسألين فيه ..فقط اديء الحقوق عليك وخلاص .. اشغلي نفسك بشيء مفيد لك واتركيه .. |
اول كان غير معلن والحين توه مرجعني واعلنه بس منتظم بالجيات بس مبيت لا ينام هناك عشان عياله والمدارس يعطيني بالمصروف قصدك
|
اقتباس:
انآ اوافق ( الماضي الدفين ) .. لآزم تقولي لنآ انتي وأي انسانه عندهـا مشكله .. تقول كل الأمــور وكل الاشياء الي تخلينآ نفهم شخصية هذآ الزوج على هالأساس .. نتوفق بإذن الله ونرد عليــك وننصحك احسن النصايح .. بس مو نرد عليك الرد في ديرررره ومشكلتك في ديره .. |
هلا للحياة اللوان يختي هذي صديقه وهذا زوج مافيه مقارنه ومع ذلك وربي ما اساله ولا افتح جواله لو قال هاتي جوالي من ثوبي جبت له الثوووب كله مابيه يحسب اني افتش اغراضه واذا كلم عياله اقوووم واخليه ياخذ راحته ولا عمري سالته عن شي يخصه بس انا محتاجه وجوده معي اكثر يعني انا ما اشوفه غير ساعتين باليوم العصر بس ومبيت بشهر مررره يبات
|
أختي الكريمة اختصارا للوقت ماهي حقوقك التي تحصلين عليها من زوجك ؟ وما هي الحقوق التي حرمك منها ؟ وهل أعلن زواجه عند زوجته الأولى تحديدا ؟ ولماذا لا يبيت عندك ؟ |
مصروف وسكن وخادمه وسائق وعلاج مبيت لا يبيت الا نادرا هو يقول انها تدري بس اتوقع ان زوجته ماتدري والدليل معاد ياخذ بنتي عندهم خايفه بنتي تفضحه
|
فيه نقطه حاليا صار يقول لي اطفال مابي ترى لين بعدين ربي يفرجها
|
طيب أختي الفاضلة زوجك ما هدفه من ارجاعك دام انه لا يريد أطفال ولا يريدك تنشغلي به ويتمنى بعدك عنه؟؟
أكيد يعزك و لك محبة في قلبه رغم كل تصرفاته |
هلا اختي الثانيه 22 اايه اختي وجد عندي الهدوء وغلبته بطيبتي ويمكن رحمني ورجعني رحمه عشان بنته اتوقع كذذا
|
سلاحك الدعاء لرب هو اعلم بقلبه منا
انا راح اوجع قلبك بهذا الكلام انتي اللي تنازلتي عن حقوقك واستمرررررررررر بالتجاهل الله يهديه لك ولبنتك |
سنا النجمه جزاك الله خيرا نعم انا تماديت فعلا
|
اختي صدقيني ربنا بيعطيك على قدر نيتك اصبري وربنا بيفرجها عليك
|
وزوجك صاادق لاإفراط ولاتفريط يعني لاتتلصقين فيه بزيادة لايطفش ويمل منك ولاتهمليه عالآخر لايدور غير حلو يكون للزوجة اهتمامات أخرى زي هوايات دوام زيارات طلعات أي يفيدها ويثقفها موفقة عزيزتي |
شكرا اختي روح روح المساء ع النصيحه ربي يسعدك
|
الله يفرج همك.. ويريح قلبك.. ويسعدك
|
جزاك الله خير حلم الامان ويارب احس بالامان معه
|
| الساعة الآن 06:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©