|
شاكك في خطيبتى
انا شاب عمرى 28 والفتاه عمرها 21 ملكنا على سنة الله ورسوله ويوم الملكه ظهر فيها بعض العيوب حبوب في ظهرها واسنانها طالعه شوي يبغالها عملية تقويم يطلع العيب لما تكلمنى بس شعرها روووعه وعندها جوال بلاك بيري وكل يوم تتطلع في اماكن مشهورة الشبهة زي الايس لاند او الصيرفي وتلبس طرحه بس بدون ماتتغطى وشكلها البنت ماديه من ثاني يوم تبغى اي بود وتقول سيارتى ماعجبتها روح اشترى سياره ثانية ومن ذي الكلام محتار فيها وابغى اطلقها ومعرف كيف اقولها انتى ماتناسبينى على الجوال ، ولا ماأرد عليها واخلى ابويا وامي يتصرفو والله محتار ؟ ايش تنصحونى ياجماعه ؟
|
اخوي البنت تقربلك؟
سالت عنها وعن اهلها وأخلاقياتها قبل ما تملك عليها؟ شفتها شوفة شرعية ؟ بصراحة ملاحظاتك غريبة تطلع الحين بعد ما ملكت عليها؟ |
أعتقد مو مادية بقدر ماهي تحب المظاهر ..
وضّح لها بأسلوب هادئ انك تريد حياتك معها تستمر وانك تتمنى حياة سعيدة وقول لها انه في اشياء ماتناسبك كرجل محافظ ومنها الأمور اللي مضايقتك مرة مو في شكلها طبعاً حتى ماتجرحها وماتفضل انه زوجتك تروح للأماكن هذي لأنك تغار عليها وتبي تحافظ عليها من كل شي يمكن يضر علاقتكم وهذي مو مؤشرات تعطيك الحق انك تشك يمكن تحب تغير جو وترتاح في الأماكن اللي ذكرتها .... ابعد الشك عن حياتك مابعد لحقتوا تعرفوا بعض والحبوب في الغالب تروح مع الوقت وخاصة بعد الزواج تتضبط هرمونات جسمها .. |
من اولها كذ1 ..
واضح وضوح الشمس .. مره ماتنفع .. الزوجه لازم يملأ عينها القليل .. وترضى فيك زي ما انت .. واسلوبها يكون بدلع وانوثه مو بدفش _____ ارسلها قصيدة بدر بن عبد المحسن .. وهيا لو شاطره تفهم .. _________ قلبي القدم} ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك . ( كيف ذكي صح ) ^_ |
اقتباس:
وبالنسبه للبلآك بيري ما اشوفها مشكله .. وتقول انها ما تغطي وجهها,,انت ما سئلت عنهم قبل تخطب؟؟ ما اعرف بس وااضح انك مو مقتنع بـ(شكلها)لذلك اخذت اسبااب لطلب الطلاق اعتبرها شخصيا تاافهه<<بأستثناء تغطيه الوجه طبعآ.. |
الي اسنانها طالعة مو بنأدمة يعني؟؟؟؟؟؟؟؟؟لازم تبقى مرسومة رسم؟؟؟؟؟؟؟؟؟؟؟عفوا عالسؤال حضرتك كامل يعني وهي بس الي فيها عيوب؟؟؟؟؟؟؟؟؟؟؟بعتذر بس احنا كمان بنأدمين ومن حقنا نعيش ونتزوج واكيد شفتها لو كانت اختك هيك كنت رضيت حد يعاملها هيك عشان ربنا خلقها هيك؟؟؟؟؟؟؟؟بعتقد زي ما تفضلت الي قبلي شكلك مو عاجبها عشان هيك بدك تفسخ الخطوبة للاسف شباب هالايام ما بدور عالجوهر........يعني راح تصدمها لو عرفت انك بتفكر هيك.....سوري كتير بس زكرتني بناس حكولي نفس العيب الي حضرتك ذكرته واثر هالشي عنفسيتي احنا بشر ومو احنا الي خلقنا حالنا.......يمكن عندكو عملية تنعمل لكن بفلسطين مافي هالشي......شو لازم على هيك ما اتزوج انا؟؟؟؟؟؟؟؟؟بعتذر ما الي حق بس حسيت باحساسها لو عرفت شو حيكون موقفها وقديش حتضايق .........يعتذر.......
|
:: هنا موضوع شبيه لموضوعك ممكن يفيدك والردود فيه ممكن تفيدك http://www.66n.com/forums/showthread.php?t=223918 بس الفرق هي ماتقبلت شكل خطيبها فقط فلذلك مافي فرق بين المرأة والرجل في هكذا اأمور والنصائح التي أسدوها لها أعتبرها موجهة لك |
سبحان الله
بعد الملكه طلعت العيوب!!!!!!!!!!!!!! الله المستعان وينك أيام الخطوبه!!!!!!!!!! أكيد أهتميت بالجمال بس!!!!!!!!!!!!!! المهم إذا البنت تتطلع لأماكن مشبوهه الله يعينك بعد الزواج وبعدين أنتو الآن في بداية الطريق إذا اخلاق البنت مو حلوه حاول تتفاهم معها أو الطلاق حل قبل أن تتزوج وتنجب أبناء!!!!!!!!!!! |
لا يا سيدة هو لقى عيوب خلقية فيها فبطل كان البنت لعبة بايدو...........بعتذر ما بقصد التجريح بس بنات الناس مو لعبة بايدكو بعدين الاخلاق والدين اهم.......الناس بطلت تتطلع عالجوهر.......
|
وش جاهم العالم انهبلوا؟؟؟؟ الطلاق صار لعبه !! براطمها كبيرة اذانها طوووويلة!!!
يارب لاتطيحني بواحد تفكيره هييييك.. لاحول ولا قوة إلا بالله.. |
اقتباس:
عزيزتي أنا لي مغزى من طرح الرابط مثل مابيقولوا للبنت أصبري وحرام عليك ومايجوز تتركيه وتظلميه والجمال مو أهم حاجة ايضاً الرجل يجب أن يقال له المثل :: |
سوري سيدة ما فهمت عليكي ممكن توضحي؟؟؟؟؟؟؟؟؟موفقة
|
أخي بصراحة , استنتجت من كلامك السابق انك انسان سطحي و غير ناضج
كيف تنظر الى خطيبتك بهذه الطريقة؟ و تتكلم عنها بهذه الطريقة؟ :اسنانها.... لكن شعرها ..... ,,, و كأنك تقوم بتقييم شخصية غير حقيقية في فيلم كرتون انا اتوقع انك حتى لو تزوجت اي انسانة أخرى, ستتطلع فيها عيوب و لن تشعر بالقناعة ابدا هل انت كامل؟ لا انت تتصرف و كأن زوجتك لازم تكون كاملة. تذكر ان الكمال لله. اغلب البنات عندهم حب في ظهرهم. لو تبي وحدة 100% ما عندها حب في ظهرها, أنصحك بأن تتزوج عجوز. أنا اشفق على هذه البنت أو التي ستتزوجها اذا تزوجت اخرى |
حبايبي البنت يوم الشبكه اتكلمت معايا وطلعت العيب وشفت حبوب في ظهرها نفرتنى والى يخلينى اتكلم عنها زي كذا لأنى منى شايفمنها شئ اتمسك فيها غير كذا تروح لأماكن مشبوه وتقولى عيني عينك انا بنفسي كان عندي بلاك بيري وكنت اروح لمولات وبعد الملكه غيرت جوالى وبطلت غير كذا ما ظنيت في بنت تطلب من زوجها واول يوم يوصلها لبيت خالها وتطلب منو ايباد من ثانى يوم و تقول غير سيارتك مو عاجبنى تحسب السياره قيمته 100 ريال ولا هوا ميه الف ريال يعنى ماتبغى تعرف ظروف زوجها
|
اقتباس:
أنت ليش طارح الموضوع إذا مقتنع برأيك ومتأكد وواثق أنك ماتبغاها. .؟! :: |
شكلك متظايق منها
صراحه هالبنت غريبه وتصرفتها أغرب بكثير إذا في قرارة نفسك مو مرتاح من البدايه الطلاق هو الحل لأنه إذا بتنفذ كل شي فالله يعينك |
الله يسامحك ويغفر لك
هذه أماكن مشبوهة ؟؟ للعلم ما قال عنه أماكن مشبوهة هما أماكن تنزه وتسوق عائلية ترون فيهما المتسترة من أعلى رأسها لأخمص قدمها |
آمم , صرآإحه آشوف من كلآمك ,
آن آلبنت جمآلهآ مآعجبك , وبديت تختلق عيوب فيهآ , آلبلآك بيري < صآآآر مشكله ع آلبنت .. - * آلله وآكـبـــــر !! لين متى هآلتفكير يآنآس ؟! وثآني شي لو آنت فعلاً هآويهآ , تقدر تقولهآ بطريقه جداً رآئعه آن - تزين آسنآنهآ , تعآلج حبوب ظهرهآ , ~ لو آنت فعلاً تبيهآ ... لكن - بجد فيه نآس مآتعرف معنى كلمة ( زوآج ) يحسب آلزوآج هآتو بنت حلوه , نتملك , خلآص .. مو آن آلزوآج قبل كل شي , حب , تفآهم , حنآن , وفآ , آستقرآر نفسي , مو هذي شكلهآ حلو , ذي بيضآ ذي سمرآ , ذي فيهآ حبوب , ذي مو طويله , ذي مدري آيش .. ولو بعد آنت من جد تبيهآ , تقدر تكلمهآ بأسلوب حلو , آنك تغآر عليهآ , مآتبيهآ تطلع إلآ وهي محتشمه , [ آلرجآل بأسلوبه يقدر يغيير كل آللي يبي , بأسلوبه آلزين ] مو بآلقوه , بآلطيب بآلحب بآلكلآم آلزين , بآلتفآهم آلكلآم آخذ وعطى , قولي آللي عندك وآسمعي آللي عندي , مو تتملك وبعدين تتركهآ عشآن آسنآنهآ مو حلوه وظهرهآ فيه حبوب !! لهدرجه وصل آلتفكــيــــر !! نآس لآتقدر معنى آلزوآج , ليه ترتبط بآلبنت وآنت مو قد كلمة زوآج عشآن تتركهآ كلآم للمجتمع ! آو عشآن تجرح مشآعرهآ ؟؟ وينك من آول عنهآ , ~ يعني آنت بس آللي تبي هي مآتبي ؟ تلقى حتى آنت فيك عيوب , وسآكته وصآبره , عشآن لآتزعلك وتجرحك , مآ آقول آلله يرحم بس .. |
السلام عليكم
المشاكل اللي عند خطيبتك ما هي صعبة العلاج , يعني تقدر تسوي لها تقويم اسنان, اما بالنسبة للحبوب على ظهرها فبعض البنات يطلع لها حبوب اذا كانت عاملة wax , و يحتاج لفترة عشان تروح . بس الظاهر انك غير مقتنع بها و قاعد تدور على عيوب فيها. بصراحة اذا غير مقتنع فيها لا تكمل معها دامكم على البر. و الله يعوضك و يعوضها خيرا. |
الأفضل أتركها .. ودور غيرها .. يمكن ربي يعوضها بالي يصونها ويعرف قيمتها.. الله مافي أكرم منه ..
وأنت على نيتك الله راح يعطيك.. يمكن وحده أحلى بس راح تسوي فيك مثل ماسويت أنت بالأولى .. الدنيا سلف ودين حتى المشي على الرجلين .. وراح تشرب من نفس الكاس الي شربتها منه .. ترى الزواج مو عشان أنت راح تخلد في الدنيا أنت وملكة الجمال إلي مالها وجود إلا في خيالك لأنه كل إنسان فيه عيب .. لا عشان تأسس بيت صالح لعبادة الله .. وتجيب ذرية صالحة لعبادة الله بس .. وبعدها كل نفس راح تجزاء وفق ما عملت .. هناك بس راح يكون في سعادة لا يشوبها حزن .. وجمال لا يشوبه عيب .. الله يهدي شباب المسلمين ويصلحهم .. |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©