|
لم يبررو سكوتهم
السلام عليكم ورحمة الله وبركاتة ..
انا من متابعين لهذا المنتدى الراقي.. وحبيت افضفض لكم لأني والله خلاص طفح كيلي من جد مدري وش اسوي .. اليوم مدري وش صار فيني احس بكأبه ... ابداء بموضوعي .. انا مخطوبه من سنه ونص ولا كأني مخطوبه ماحددنا الملكه ولا العرس .. وغير كذا الاخوان سافهينا مدري وش بيون بالظبط وحتى مابررو لنا سكوتهم عن الموضوع .. قسم احس اني قلبي ينحرق من فعلتهم .. انا عارفه لو الشخص رافض او مغصوب كان من البدايه قالو هذا الشي وانهمو الموضوع مو يسكتون سنه ونص .. كل ماجت اجازه اقول يمكن يستحون على وجيههم ويحددون او يقولو شي .. تخلص الاجازه ولاسمعنا رنة وحده منهم .. مااخفي عليكم .. اول ماخطبوني كانت امه .. متحمسه اخذت رقمي وقالت ان بنتي راح تتواصل معك .. اتصلت اخته اول مره بس كنت مشغوله واعتذرت منها وبعد يومين اتصلت .. وصارت ترسل لي مسجات كل فتره واخرى <<< يعني تسكيته لنا ..:25: وفي الاعياد يعايدونا .. وسنه جديده يهنوني خواته ماقصرو .. في الاوان الاخيره سكتو لاحس ولاخبر منهم وش اسوي انا ...<< للمعلوميه مافيهم الا العافيه حتى ابوي صار يسألني عنهم .. واقول له الغايب عذره معه << اسوي نفسي مو مهتمه ههه:d والحين صرت مثل المجنونه انتظر اتصال او مسج من اخته << هبلو فيني بس :23: .. كتبت مشكلتي هنا حبيت افضفض لأحد ..لان امي ملت من كثر مااتضيم عندها طفشتها المسكينه .. ربي يكتب لي ولكم الخير .. |
سلام انتي ذكرتيني بموقف حصل لأخوي خطب وقالوا له اهلها نبي مهلة اسبوعين تفكر البنت المهم بعد ثلاث ايام دقت امهم وقالت البنت موافقه قعدنا اسبوع ننتظر يوم اجازة اخوي اللي هو بالويكند ماشفنا الا الام تتصل وتغسل شراعنا :18: وش فيكم لا اتصال ولا خبر ولا كأنكم خاطبين ؟؟؟ < اسبوووع بس مو سنه ونص !! والله اني اذكر ذاك اليوم اخووي جا من دوامه وخم امي بسسسرعه وراح لهم ركض شايل انواع الهدايا :22: والله تمم لهم الشاهد من هالكلام خلي امك تتصرف :29: الله يقدم لك اللي فيه خير وعسسى ان يكون لك بهالتأخيره خييييره |
هلا فيك ترتر ..
الله يكتب لك الخير وربي يوسع صدرك ويسر امرك .. ياترتره .. التمسي له سبعين عذر وربي يفرج عليك .. ممكن ماصرح لكم او مابررو سكوتهم خوف من رده فعلكم تكون عكس توقعاتهم .. ومن الممكن ان مو مستعجل على الزواج بسبب ظروفه .. |
انا لست متعجبة من سكوتهم ....... انا متعجبة من سكوت اهلك ....
على اي اساس تتعلقين وانتي لا زلتي في بيت اهلك دعي والدك يتصرف فورا او والدتك افرضي ان هناك العديد من الراغبين في الزواج منك هل يطيرون منك على اساس انك مخطوبة لواحد لا تعرفين هل يريدك ام لا ؟؟ من حقكم تسألونهم هل يريدونك زوجة لأبنهم ام لا ممكن والدك يتصل ويسأل بعفوية مى نعمل فحص طبي او متى تريدون عقد القران حتى تتبينوا من الامر .. وفقك الله |
بالفعل اختي الكريمة ليس من المعقول ان تتركي نفسك معلقة..صحيح الغائب عذره معه و لكن ليس ان تنتظريه لمدة سنة و نصف..
بسرعة يجب ان تتخدي اجراءا مناسبا لمعرفة موقفهم اتجاهك.. دعي والدك او والدتك تكلمهم على حسب ما تفرضه عاداتكم و تقاليدكم في هذا المقام.. و لكن لا تظلي مكتوفة الايادي تنتظرين المجهول..متحججة "بالغايب عذره معه".. موفقة اختي الكريمة و الله يكتب لك الخير اينما كان.. |
المفروض امك تتصل وتسألهم عن الموضوع ايش وصل
حتى يتضح كل شئ قد يكونون عندهم عذر او مستحين يردون عليكم والسكوت الفترة الطويلة صعبة عليك الله يوفقك ويكتب لك الخيرة |
اقتباس:
ههه :22: زين ماسوت فيكم البنت ماشاء الله عليها باين امها قويه .. ياليت امي تغسل شراعهم .. امي مره طيوبه مش قويه .. لو بتكلمهم راح تترجاهم يجون مو تغسل شراعهم << اذا ترجتهم انا اعتبرها اهانه لي كني ماشفت خير .. |
الله ييسر امرك .. سنة ونصف ليه كل هالوقت وبدون مايتكلمون ترى هالشيء غلط أهلك المفروض يكلمونهم بأن بنتنا مايصير تظل هالفترة كلها مخطوبة بدون مايحصل اي تطور في الموضوع انا كنت مخطوبة لولد عمي وكنت رافضته ولكن امي قالت لهم اننا موافقين و قلت يمكن يتغير احساسي بعد فترة وظليت سنتين محجوزة له وبعدها اتصلت امه وقالت اذا جاء نصيب لبنتكم زوجوها ، ولدي مو جاهز الحين !!!!!!! وبعدها بشهور يخطب وحده ثانية :@ |
اقتباس:
طيب سنه ونص وانا التمس لهم عذار بس الحين وش عذرهم .. |
اقتباس:
المشكله مو مني المشكله من اهلي ماهمهم وضعي اذا طلبت من امي تتصل ترفض وابوي كمان مراح يتنازل ويدق ... صادقه كم من الخطاب خطبوني ورفضت .. يعني هم ماحطو في اعتبارهم اني بنت صغيره وممكن اي احد يطلبني له .. هل تتوقعين هم يريدون ان ننهي الموضوع من نفسنا ؟؟ |
اقتباس:
اقتباس:
والله مو حابه نبادر احنا اول ؟؟ ودي الاشياء هذه تجي منهم ..؟ يعني قبل هذه الاجازه قلت ممكن يدقون بس الحين مر اسبوعين على الاجازه وهم ساكتين ؟؟ انا قلت ممكن لو خلص شهر شعبان ولا اتصلو ندق عليهم .. وارفضهم مره وحده بجد والله غفته احس صرت ماابيه ابد.. كرهته من فعلته الشينه.. يعطيكم العافيه لمو .. نقاء الورد وربي يوفقك ويسعدك .. جزاكم الله خير على نصائحكم .. دعواتك ... |
اختى العزيزه الله يكتب لك الي فيه الخير
اول شي ماعرفنا عن خطيبك هو مستعد للزواج ولا الثاني تختلف العادات من عائيله لغيرها وفي ناس تري يخطبون للحجز لا تفهمينها غلط يعني يدورن لولدهم البنت الزينه لا تروح عليهم ويصير فيه وقت طويل بين الخطبه والزواج وفي اكثر من الفترة لكن يكون في اتصلات بين الامهات ويدرون عن التاخير بس موضوعك ان الاتصلات انقطعت هذا يخوف وانشاء الله مافي شي ماودي اتفاول بالشر وانشاء الله موضوعك بسيط وكله مجرد وقت فقط ويجيك الزواج المهم انتي تدرين عن الوصع الي انتي فيه ممكن احتمالاتي السابقه غلط في موضوعك وممكن صح وتدرين عن وضع خطيبك هو مستعد للزواج ولا وفي وحده من الاخوات قالت راي حلو هو سوالكم لهم انتم تبون بنتنا ولا لا تعلقونا وحتى ترتاحين وترعرفين طريقك وتري الشغله مايبيلها لا غسيل شراع ولا زعل هو سوال بسيط قوله لهم وخذو الجواب بعدها تعرفون الطريق الي تمشون فيه ياتغسلون شراعهم يايحددون لكم موعد الملكه وانشاء الله انشاء الله انشاء الله ان موضوع مجرد وقت ويعطوكم موعد الملكه والزواج |
مشكور اخوي القاضي على ردك .
ايه الي خلاني سكاته سنه ونص هو اني عارفه انه يبي يحجزني .. بس الي قاهرني ليه ساكتين ما بررو موقفهم او قالو شي لنا او على الاقل يقولو نبي نحجز .. صادق هو باين انه مو مستعد لزواج لانه في البدايه كان يتحجج بالشقه .. وامه بعد كانت تتحجج نفس الشي << متفقين.. بس الشقه متاخذ سنه ونص ... خلاص خلصت حجه الشقه .. وش بقى من الحجج .. مااقول انه مايبيني لان من البدايه كان جدا مبسوط لدرجه كان يكلم امي .. مدري الحين يبي يثقل شوي .. او يبوني انا الي اتواصل معهم من نفسي والله مدري وش يفكرون فيه .. ههه ايه عارفه ان حنا مرح نغسل شراعهم .. بس هذا حالت الغضب اي شي نقوله .. يعطيك العافيه اخوي القاضي ربي يوفقك .. دعواتكم ... |
لو أنا بمكانك أتواصل مع خواته بالرسائل ... أنت ابدأي لا تستنين أمك ولا أبوك ..
ارسلي رسالة لأخته اسأليها عن أحوالها قوليلها من زمان عنكم وين الناس.!! إذا ردت عليك حلو وإذا ماردت اتصلي .. ترى مافيها شي ..ماتو الي يستحون وإهانه وماإهانه أمور الزواج بالوقت هذا لابد فيها من الصراحة!! الإهانة أنك معلقة وماتدرين وش مصيرك .. ممكن يكون خاطب وحده ثانية وانت ماتدرين!! |
اقتباس:
وكل تأخيره فيها خيره .. شكلي خلاص مايجي يوم او يومين الاوانا داقه على اخته ... ودي اعرف هو ادمي عنده احساس او لاء ... |
اقتباس:
مو من قصد تجاهلت ردك .. كيف يعني مستحين ؟؟ على ايش يستحون لاوالله ماعندهم ذره حياة .. اي والله صدقتي صعب علي مره بس ماباليد حيله.. مشكروه اختي يعطيك العافيه .. اسعدني مرورك .. والله كل الاعضاء ماقصرو يعطيهم العافيه .. |
اقتباس:
مع هالرد الخطأ ليس منهم بل لمن سمح لهم بتعليقك كل هذه المدة وموحلوة بحقك أنتِ تتواصلين مع أخته أو تسألين عن سبب عدم مجيئهم خلي هالأمر بيد أمك وأبوك وأصري عليهم وذكريهم أن عمرك يجري وفرص الزواج تقل والخطاب راح يعرضون عنك إذا طالت المسألة :: :: |
زين اختي ليش ما انتي تتصلين على خطيبك وتكلميه شخصيا ؟
|
اقتباس:
بحاول مع اهلي مع اني عارف انهم راح يرفض ويقنعوني غصب من عني .. امس فتحت الموضوع لأختي الكبيره وترجيتها تقنع ابي .. قالت خلي كل شي على الوالد هو يتصرف من نفسه مانبي نجبره على شي مايبيه .. |
اقتباس:
ولاهي حلوه بحقي انا الي اتصرف .. وين اهلي ؟؟ |
والله فتحت الموضوع للوالده ... ورفضت على اساس ان المفروض ان الوالد هو الي يتصل ..
ووالدي رافض الفكره من البدايه ... وجلست ابكي عندم امي وزعلت مني وتصارخ كأني مسويه لها جريمه ياربي .. قالت روحي انتي اتصلي انا مابيدي شي اسويه لك المفروض ابوك هو الي يتصل .. امي مسكينه والله مهتمه للموضوع بس مدري ليه ماتبي تدق عليهم .. يمكن مستحيه ماتدري وش تقول ؟؟ |
يااختي الله يوفقك
اقوول اعرف وحدة من جماعتي جميلة ومافيها شيء ماشاء الله موب داريه خطبها اعتقد ولد عمها 6 او 7 س وبعدين مادروا الا الولد يخطب ثانية من قرايبه امها زعلت واتصلت بس عقب شنو بس ربي عاوضها وملكتها كانت قريب [/COLOR]الحل انا ماادري جاكم خطاب وللا لا تتصلون عليهم وتقولون جاوا خطاب بس ياليت يكون بالفعل لو جاء خاطب وتقولون بنتنا ماندري تبونها وللا تشوف رزقها لكن تسكوتون صعبه أسأل الله يوفقج وييسر امرك ابى اقووول شيء حاسة انهم يبون بس ممكن في امر ما عادة او اي شيء ادعي ربك انه يحل لك هذه المشكلة وراح يسهلها الكريم |
لا سنه ونص طويله
مافيييه الا ابوووك او اخوووك هم اللي بيدهم الحل يكلمون الرجال ولله لوانه يبني قصر بهالسنه ونص خلص موزينه بحقك تجلسين كذا يروح عمرك وحظرته ولا هامه الله يسراموورك ويوقفك |
اقتباس:
اقتباس:
راح نتصل ونشوف وش سالفتهم بس ادعو ان ربي يتمم على خير .. صدق انا مو مهتمه فيه وحتى يمكن ماابيه وكارهته بس خلاص حطيت املي انه من نصيبي .. ايه يااختي انثى : كم من الي خطبوني وقلت لهم اني مخطوبه يعني كل الناس الي يعرفوني وصديقاتي عرفوا اني له يعني خلاص مافي احد راح يخطبني على اساس اني مخطوبه .. ويوفقك ربي اختي يكفيني غلاه : صدقتي والله لونه يبني قصر خلص ههههه ايه خلينا نحط الشقه علثه له علشان ارتاح شكرا على مرورك وربي يوفقك .. يعطيكم العافيه خواتي على المرور والله وسعتو صدري .. اذا صار من نصيبي الحمدلله والشكر .. واذا لا..>> ربي يعوضني خير دعواتكم خواتي الله يجزاكم خير .. |
اهلك يمكن يحسون باتصالهم باهل خطيبك كأننهم يقطونك عليهم ..
لاينظرون للموضوع بهذا الشكل .. انت ِ بنتهم وغاليه عليهم بالتالي يوصلهم كلام ..بنتي غاليه وعزيزه عندي ( امك او ابوك ) .. ولا نرضى لا علينا ولا على بنتنا تبقى بهالوضع .. فاما تحدودون وقت العرس او تذكرون لنا اسباب تاخركم .. واذا شئ في انفسكم فالله يستر على والدكم ويوفقه والله يستر على بنتنا ويوفقها مع غيره .. اختاري احد يمون على امك او على ابوك .. وفاتحيه بالموضوع على اسااس انه ينقاش والدك او والدتك عن تاخر زواجك .. ويقنعه يكلم اهل خطيبك .. الله ييسر امرك يارب .. |
اقتباس:
لا خلاص اجبرت امي تتصل .. تفاجأت امه من اتصال امي وماتدري وش تقول ... وبدت تحوس من الكلمات المدري كيف ؟؟ وبعدين قالت والله ان ولدي مو مستعجل وانه مسكين مشغول مره حتى الشقه ابد مابداء فيها وابد مااستعد لزواج .. امي قالت خلاص اذا مايبي الزواج كل واحد يروح لنصيبه قالت لاء والله يبيها ومعجب فيكم كاعائلها .. بس يمكن يشوفها صغيره لو تكبير شوي .. قالت امي وشو صغيره اي بنت تبي تتزوج تتعلم كل شي.. وياما بنات تزوجو وعمارهم 17 وانا 21 << مو صغيره وبعدين قالت خلاص اذا انتو مستعجلين نعجل بالملكه والزواج السنه الجايه .. امي قالت خلاص بنفكر ونرد لكم الجواب .. احترت والله.. اعجل بالملكه ولا اخلي الملكه في شهر محرم يعني على السنه الجديده لو اجلت الملكه راح اطول يعني بيصير لي 3 سنوات خطوبه صعبه شوي .. وغير كذا حسيت من كلام امه انه مايبي يتزوج وهي غاصبته مدري والله بدأت الافكار تدور في نفسي .. فكرت اني انساه واتركه خلاص .. ربي يعوضني خير |
انا مع راي الاعضاء الافضل انو امك او ابوك الله يحفظهم يبدون الخطوه الجايه
ويكلمو اهلهم مو شرط انو تملكو الحين بس يخلونكم على بينه عشان ترتاحي ربي يريح بالك ويسعدك |
اشكرك اختي على المرور ..
وربي يوفقك ويسعدك .. مثل ماقلت في ردي الاخير خلاص دقينا وانتهى الامر .. واحتمال كبير كل واحد يروح لنصيبه ... وربي يكتب لي وله الخير .. |
خيره وانا اخوك
ماتردين وش الله كاتب لك وانا انصحك كلمت الخطبه ولا الحجز للمدى البعيد انا ماؤيده |
عزيزتي
اختي كانت محجوزة لواحد مثلك وفي الاخير صدموهها بانهم فكوا الخطوبة بحجة انه الولد قلبه ضايق بس الحقيقة انهم حجزوها لحد مايلقوا وحدة ثانية فلا تضيعي عمرك |
بصراحه لو مكانك خلي امك تدق عليهم وتقول انه البت جايها عريس وصراحه انتوا وقفتوا نصيبها هل باقي لكم رغبه والا زوجناها وانا مادقيت الا علشان مايجوز نوافق على واحد وهي مخطوبه
|
اقتباس:
واذا قاالوا خلوها ترووح بنصيبها ولا فيه خااطب يطلعوون كذابين قدام الناااس خلاااص ينسوون المووضوع ودرس لهم ان شااء الله انهم مايعلقوون البنت لحد مره ثاانيه |
والله يااختي الوقت طويل
والقهر ان لاام تقولكم مستعجلين ؟؟؟؟؟؟؟؟؟؟؟؟؟؟؟؟؟؟ المفروض لما قالت الام ولدي مو مستعد للزواج عطول تجي منكم ولا منهم وقالت لها اجل الله ييسر لة وبنتي نصيبها بيجيها وولدكم وقت يجهز ويستعد بيلاقي نصيبة والله يهنية مع غير بنتي وقفلتو الموضوع احس ان الكلمة بايخة منهم انتو مستعجلين ؟؟؟؟؟؟؟؟؟؟ ومانصحك بملكة طويلة ابدا الله ييسر لك ماقية خير لك يارب .. |
| الساعة الآن 02:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©