|
حركات لا تعجبنى من خطيبتى
انا شاب مملك من فتاه وكان لقاءنا الاول فظيعا حيث طلبت منى ان اخذها واخوها من بيتها وتوصيلها لبيت خالها لتسليهم كيكه ووافقت على هذه الطلب على بالى سنقوم بتنزه بعدها وبعد ان اوصلتهم طلبت منهم العشاء لأحد المطاعم ورفضو وفي اليوم الثانى وفي اثناء مكالمتى لها طلبت منى شراء جهاز الايبود
استنكرت طلبها الاول بتوصيلها لبيت خالها حيث اعتبرت نفسي يومها سائقا لا اكثر وعلى عينى وراسي ان اتعرف على اهلها واوصلها هناك ولكن ليس من اول يوم بعد الملكه اما بالنسبة لطلبها منى شراء الايبود على عينى وراسى ولكن كأننى تزوجت منها من زمان وتتطلب منى ولا يكفيها الالاوف التى صرفتها يوم الملكه والهدايا التى اعطيها اياها ولا تعرف امكانيتى وانا اللى اصرف على زواجى من دخلى الخاص وليس اهلى لماذا لا تراعى مشاعر زوجها ؟!! المهم هل لى ان اعرف هل في بنات عملو كذا لأزواجهم من قبل وفي ايام بعد الملكه مباشرهـ؟؟ |
كم عمرهـا ؟!
أعتقد بأنها لا زالت صغيره بالسن .. أفضل بأن تصارحها وتخبرها بمراعاة ضروفك, وتوفير طلباتها لأمور أهم من ذلك .. كتجهيزات الزواج وما شابه.. وكذلك أن تعي وتعلم بقدرتك المالية .. أتمنى لك التوفيق .. |
نصيحه من الآن..
علمها المثل الي يقول/مد رجولك على قد لحاافك..:d لو حققت لها الطلب الأول, راح تفتح على نفسك بااب ما يسكر,والطلب الواحد بعده الف طلب,<اقصد الطلبات الي مالها داااعي.. علمها القناعه من الآن ,وفيه اشيااء مهمه وفيه اشياء اهم,وراكم زواج ومصاريف وتأثيث بيت وحووسه.. اعطيها لكن على قدر استطاعتك,لآتحمل نفسك ديون وتعب على قل فاايده,وفي النهاايه ممكن تقول لك ما شفت منك خير :d الله ييسر لك الي فيه خير.. |
وش تحس فيه هي؟
بصراحة غريبه .. بس كلمها وواجها واذا ظروفك ماديا صعبه لاتوافق على متطلباتها وفهمها ان الرجل مايحب الزوجة المادية موفقين |
ابو جود و أصعب حكايه وتويتر اشكركم على اهتمامكم واجاباتكم البنت عمرها 21 ما اظن صغيره وسأحاول معاها كما ذكرتم خخخخ شكلى طبيت في بنت مااااااديه الين ما ثبت في راسي انو البنات مصالح وفلوس ماادري اذا كان ف حب ولا لا
|
انتبه
أعطي و حب بس بالمعقول لا تخلي أحد يستغلك و إذا طلبت منك شيء قولها بسرعة كذا شوي شوي علي ّ ترى بوه ناس ما ينعطون وجه |
اخي الكريم انا اعتقد في احد قلها جربيه واطلبي؟؟
جربي اذا كان كريم ولالا وقد تكون ماديه؟؟ انت في فترة تستطييع اكتشافها والبحث في مكنوناتها واذا كانت مناسبه لك ام لا وفقك الله لما يقر عينك |
|
كيف أوضاعهم المادية؟
|
الله يعينك على الديون من الآن
طبعا البنت مراهقه والله يعينك على طلباتها لكن صراحه هالبنت غريبه وش هالطلبات من بداية الملكه!!!!!!!!!!!!!!!!! أكيد أحد ناصحها أنها تكثر الطلبات عشان تسحب كل فلوسك و ما تتزوج عليها! اسمح لي أنت غلطان كيف تسمح لنفسك بتلبية الطلبات وأنت على قد حالك والله ما أحد ضربك تآخذ بنت ماديه!!!!!!!!!!! والله يا أخوي نصيحه من أخت لك لاتلبي كل طلبات البنت وربي راح تخسر فلوسك زوجة أخوي طلبت منه أيام الملكه طلب لكن أخوي مادته ماتسمح كلمها ووضح لها كل شي والله البنت فهمت وضعه وظروفه أما البنت تقول أ وأنت على طول ب الله يعينك |
يالله هذا ثاني موضوع اقراء
والبنت تطلب من خطيبها والمشكله بعدالملكه على طوول انا مااارضى اطلب من خطيبي طلبات احس بفشله واستغلاليه المصرووف وهووالمصروف اول ماارسله وربي اني بكيت حسيت فقيره واهلي مو معيشيني وصار يتعمديعطيني وانا اقول موالحين اذا جيت عندك اخوووي مالك الاتقووولهاتقلل من المصاريف اوقولهااني هالايام مضغوط مادياااااابسبب تحضيرات الزواااج واذا هي ذكيه بتفهم التلميح وتقلل طلبات.. |
:Dمافي بنت ماتحب الهداياة بس البعض خجولات والبعض لا
|
لنأخذ أسوأ الاحتمالات .. أنها مادية أو أحد معبي براسها عشان تطلب ... ما العمل حينها ؟؟؟؟ الحل .. أنك تقول لها بكل بساطة .. حبيبتي ما يغلى عليك شيء .. لكن أنا وضعي المادي حاليا ما يسمح ... وأول ما أقدر أجيبلك اللي تريديه .. سأحضره ... نقطة انتهى ... عندها صارت الكرة بمرماها .. إما أن تتقبل الوضع فإذن حصلنا على ما نريد .. وإلا .. فلكل حادث حديث ولكل مقام مقال ... المسألة لا تحتاج أن تنهم ولا تعطي الموضوع أكبر من حجمه.. رزقنا الله وإياك حسن التصرف .. |
قوولها الصرااافه الي خذتيه لا يوجد فيها فلوووس فاراجعنا بعد التموويل
ايباد مره وحده وشرط انت مااعندك هذا الجهااز |
ياخوي حبـــــه حبــــــه يمكن تبي تشوفك بخيل ولا لا ؟؟؟
ويمكن ماخذه نصايح غلط ... ويمكن نفسها بالايبود ومحد قادر يجيبه لها ش المشكله لو اشتريته وقدمته واعتبره اخر هديه بالملكه وان طلبت بعد كذا حط حـــــــــد وقول انك بتتزوج والاماده مش ولا بد .. ياجماااعه اذا البنت ماتدلعت وهي مملكه متى بتدلع بعد الزواج مثلا ؟؟؟؟؟؟ الله يوفقك ياعريس ويتمم زواجك اختك عنوان الابتسامه |
اني لو منك اطلقها
والف بنت غيرها |
هاذي من هالحين طلبات الله يعينك اذا تزوجتها هههههههههههه وش ابتطلب بعد:11::11:
|
والله وجهها مثل قفها سوري لا تزعل وش هالطلبات من بعد الملكه مباشرة تطلبت انت متزوجتها الله يعيك (هههههه)
بس لا توافق علي كل طلبتها بعدين تتعب معها الله يوفققك |
نصيحه لوجه الله من البدايه خلك حازم الشي الضروري تشتريه ما يخالف بس الاشياء اللي مالها داعي لا تجيبها
الحياه صارت صعبه ولازم الزوجه تعرف تدير امور بيتها زوجة اخوي كذا عودها بعد الملكه يجيب لها كل شي تطلبه الحين صاروا في مشاكل ما يعلم فيها الا الله عندها هوايه تشتري الشي وترميه بس اهم شي تخلي زوجها يدفع وما يهمها اذا هي فعلا محتاجه للغرض اللي اشترته او لا عودها على القناعه |
فعلا اذا من اول فرطت خلاص ماراح تقدر تعمل كنترول وانت علمها انا ماديتك مش مررره علشان تعرف من البدايه علشان كذا فيه فتره خطوبه تتدارسون وتعرفون طباع بعض عطها فرصه
|
اقتباس:
|
اضافة ثانية صراحتها موضوع انو انتى طلبتى اى باد واحنا في وضع مقبلين على زواج والمفروض تراعين الوضع ؟ اتخيلو ردها؟
عادى في كثير من زوجات يطلبو من ازواجهم يعطونهم ويقدر يوفقو مابين مصاريف الزواج وطلابتهم!! قتلها ليه كل ازواجهم اغنياء ؟ قالت : لا مو كلهم وسكتت حسستتنى انى ولد ارامكو ولا ولد امير |
خليك حازم من الاول الطلبات المعقولة واضحة والطلبات غير المعقولة ناقشها فيها
والوضوح من البداية اساسيات النجاح |
اهلييين أخوويه صلووحي ..
الآعضاء ماشاءالله ما قصروو أبداً .. واعطووك انسب واحسن الحلووول .. وأنا قولت في نفسي إنه مستواههم المادي ضعيف نوعاً ما .. على شان كدآآ بتطلب منك .. والله واجهها ولا تعطيها ووجه .. والحاجات اللازمه اشتريلها هيا غير كدا حط لها حـــد .. الله يعينك في جميع حياتك يارب دمت بوود =) |
| الساعة الآن 12:54 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©