|
نفاس وتعبانه وزوجي ذبحني ساعدوني
السلام عليكم ورحمه الله وبركاته
انا متزوجه من 6 سنوات وعندي ولدين وانا نفاس بالثاني مالي الا اسبوعين مشكلتي مع زوجي من بدايه الزواج كان له علاقات كثيررررره وكان كثير السفر لدوله وله علاقات كثيرر فيها وبالسنه كان يسافر لها مره ومرتين ومن بدايه زواجنا بان لي كل شي اكتشفت علاقاته من تلفونه والصور اللي فيه واللاب توب ومن غير الصور اللي لقيتهااا له معهم المهم صارت مشاكل ببدايه الزواج وبعد ماجبت ولدي الاول بسبب علاقاته من كثرها مااقدر اقولها المهم من تزوجته الحمدلله ماراح لها الدوله الا لشهر العسل وداني لها وكل يوم اكتشف شي جديد هناك شهر بصل تنكيد وهواش وشرب بيره بس كنت حدي بريئه على بالي بيره مثل اللي عندنا بالسعوديه مادريت ان فيها كحوووول يعني بلااااوي وكنت ساكته مابي الناس تقول مطلقه ولاني حملت على طووول كنت اراعي الناس على حساب نفسي المهم زارني اليوم وقال لي وين جوازي وانا ماخذه الجوازات معي كنت خايفه يسافر ومادري عنه وكان تفكيري انه حده دول الخليج المهم لما سالني عن الجواز قلت وش تبي فيه قال بسافر قلت وين قال لدوله الفلانيه انا انجنيت قلت خير حنا وش قلنا قبل قال انا مسافر مسافر وحجزت عالثلاثاء وين الجواز قلت معي وماراح اعطيك واذا ملزم تبيه طلقني وخذه قال خير انتي مخونتني وشكاكه قلت مو من فراغ من شي شفته بعيوني فواتير وصور وخرابيط قال انا بروح لشغل مطلع فيز وبجيب عمال وهو قبل قايل لي انه طلع فيز وبيرسل عامله يجيب العمال لانهم اخوياه والحين يقول لامايصلح لازم اروح انا مايصير وخربط علي خرابيط وكلام كله كذب بكذب وانا ماصدقته المهم حاولت معه قال انا مسافر مسافر وانتي شكاكه قلت تحسبني ماشفت الصور اللي بالسيدي صور له مع وحده بالطيارررره ياناس بموووت شييييييييييييييينه وكبيره اكبر مني بكثيررر وانا اصغر منه ب10 سنوات وتوني بعز شبابي وقلتله وشايفه صورك في بيتهم وانت لابس كذا وكذا لبس مايلبسه الا واحد في بيته والمشكله بين اهلها اه ياحرقة قلبي وشفتهم وسكت ولاقلت ولاكلمه يوم قلته اني شايفتهم انهبل وتغير وجهه قال هذا شي قبل الزواج قلت وانا ليش سكت وماقلت شي يوم شفتهم مع اني لما شفتهم كنه سكين بصدرري الا عشانهم قبل الزواج بس الحين بتروح وبتقابل وبتشرررب لانه اذا سافر يشرررب شفت صور له ومعاه البيره والخموورر المهم قعد يهاوش وويرفع صوته يبغاني اخاف واعطيه الجواز عشان ماننفضح قدام اهلي قلت ماراح اعطيك تبيه وملزم طلقني واروح اجيبه قال ماراح اطلقك وبخليك تخيسين قلت اصلا بشقه قال والله والله مايحصلك طيب قال بتصل على ابوك يجيبه وخلي المشكله تكبر وتنفضحين قلت ماراح ينفضح الا انت والكل بيعرف خرابيطك وسوالفك قال سوالف قبل الزواج ويمسك التلفون كنه بيتصل على ابوي وانا اقول اتصل ماراح اعطيك اخر شي عصب وطلع وقال والله لاخذه بكره والله مايحصل طيب وانا ملزمه اذا بيروح ابيه يطلقني انا ماعندي استعداد يجيب لي الامراض والبلاوي اناتحملت اشياء كثيره جاف معي وانا ماقصر عنه بشي وسهر للصبح وتطنيش واتكالي بس توصل للشرب والخيانه هنااا ستوووووب لما طلع ورحت غرفتي وانا مصددددومه لقيت مكالمتين منه بتلفوني 2ورا بعض بس كنت مو عنده ثم حطيت تلفوني سايلنت قلت بناااام انهرت تعبت نفسياااااا وربي وصحيت لقيته بعدها بساعه متصل وش رايكم وش اسوي لو اتصل هل ارد عليه والا لا والا ارسله اقول مر خذ جوازك وانا مفكره حتى لو طلعت من النفاس ماارجع البيت ابيه يعرف اني ماراح ارضى بسهوله مفكره اجلس شهر بعد النفاس عند اهلي تكفون دلوني وارشدوني وادعولي ان الله يهديه ويصرف عنه هالرررروحه والله وانا اتناقش معه ابكي ابكي بصوووت عالي تقطع قلبي اقول انا تعبانه وتجي تغثني ارحم ضعفي توني والده ولاعنده فيني دبرررروني تكفوووون وش اسوي.... |
اختي انا من رايي لاتعانديه لان العناد يزيد المشكله عطيه الجواز واذا رجع حاولي تتفاهمين معاه وتنصحينه ربما يكون زوجك من النوع الملول ويحب التغيير طبعا لانه لايحرص على الحلال والحرام بدليل شرب البيره لكن مع النصح باللين يمكن ربنا يهديه يجي دورك انتي تحاولين تظهرين دائما باحلا صوره يحبها الرجل من زوجته و ولا تشاكسينه في البيت احتويه بالحب يمكن ربنا يهديه لك . بالتوفيق انشالله .
يارب زوجني |
أالله يهدي زوجك ماعليك الا بكثرة الاستغفار والدعا والنفساء دعائها مستجاب ادعي له بالهدية واستغفري الله الف الفين أواكثر قاصدة به أن يرد الله زوجك عن السفر وأن يكرهه في الحرام , حبيبتي لاتعصبين فأنت مازلت نفساء واتركيه لان كل ممنوع مرغوب اعطيه جواز السفغر واتركيه لظميره والله المستعان أهتمي بنفسك ولا تفكري فيه فهوسيدخل قبره لوحده بعد طول العمر ان شاء الله
|
انتبهي لصحتك الحين و قبل كل شيء
عيالك محتاجينك و انتبهي منه لا ينقل لك عدوى لا قدر الله الله يسخره لك و يهديه |
الله يعينك والله امره غريب يعني شين وقواايه عين
اذا اهلك من النوع الحاازم ويقدرون يتصرفون بلغي ابوك او اخووك قوولي لهم كل شي ودقي عليه يجي يااخذ الجواز واذا جااء يكون ابوك جاالس قوولي ان كنت رايح بعمل الله يستر عليك وان كاان بحراام الله لايبيحك ولايحللك وتلقااها ياارب في نفسك والله يكشف امرك وترى لو دريت انك راايح للحرام وهذا ابوي جاالس والله ماارجع لك واتوقع بيستحي من اهلك وبيخااف لو دعيتي قداامه ولاتحرقين اعصاابك انتي نفااس وتعباانه يكفيك الولاده وتعبهاا الله يصبرك ويهديه لك |
الله يفرجلك
|
تسلموووون على ردودكم الله يفرجها علي وعلى كل مسلم وربي تعبانه نفسيتي لاتغديت ولاتعشيت من الهم والتعب
ربي ارحم ضعفي |
ياقلبي انتي
حبيبتي اهتم في صحتك وغذائك ولاتفكرين كثير وهو خليه لربي واحد احد وتحسبي عليه ياللله تفرجها ع كل مهموم |
حبيبتي.. رينا معاكي .. ادعي والله يفرج همك.. ماشاء الله .. عجبني اصرارك.. أنتِ ما منعتيه من فراغ.. انتِ حاسة انه رايحه لمنكر ومنعتيه.. وقاعدة تدافعي عن بيتك وعلاقتك بزوجك.. الله يهديه.. أنا رأيي إذا عاندك وحسيتي الموضوع حيكبر.. كلمي أبوكي .. أهم شي .. اهتمي بصحتك وأكلك.. وإن شاء الله تُفرج |
لاتخبرين اهلك لانه بينفضح عندهم فممكن انه يتمادا ويكرهم عطيه الجواز واكتبيله كلمات فيها عضه وتخويف بالله وادعي ان الله يصلحه
|
اخونا اللي اكتشف زوجتو تخون الكل قال له طلقها وطلقها فعلا
واختنا تقول يخون زوجي تقولو لها اصبري اصبري حبيبتي لحين يجيب لك هديه معه مرض سرطان الرحم او الايدز او التهابات تانيه مجتمع ذكوري خافو الله في المواضيع والناس اخبري اباكي وابوه وخلي الرجال تتصرف معو وخليه يعمل فحص قبل ما ترجعي له |
اقتباس:
.................. نرجع للموضوع ياصاحبة الموضوع انتي مالك قعدة مع زوجك إلا لمن يسوي فحص طبي اذهبي لأهلك ولاتعودي حتى يعمل الفحص الطبي لأنه قد يجلب لك هدايا تنهي حياتك بالتوفيق |
طلبتك اترجاك تنتبهي تنتبهي تنتبهي
لايقربك خليه يفحص مره مرتين ثلاث الف سامحيني ماكملت قراءة موضوعك انسدت نفسي ع الصبح استغفرالله وربي مقهوره من اللي يخون زوجته ويجي يبلاها بالامراض حسبي الله ونعم الوكيل |
عطيه الجواز ،، لا تعانديه ، إحتويه ، حافظي على بيتك ..
وبعـــــــــــــــــــــــــدين ؟؟؟؟!!!!! زوجك رايح يزنى والعياذ بالله " نسأل الله السلامة والعافية " وهذى هي النصائح ،عادي سامحيه والدنيا تمشي أكيد إنك مقصرة ، هو رجال مو مشكلة ..!! كأن قلبه بين أصبعين من اصابعك تقلبينه كيف شئتِ .؟!! طيب وإن لم تكوني معه ، كيف راح يكون حاله ، ومن يحمل إثمه ويبيح له فعله ؟! اي إحتواء واي خرابيط وكلام فاااضي الكل عارف ومتأكد مليون بالمئة أنها نصائح فااارغة مالها نتيجة حقيقية . وأكبر دليل يقولوا لك خيانة المرأة ماهي زي خيانة الرجل ودليلهم الي أخترعوه من عقولهم " الله أباح الزواج للرجل باربع ولم يبيحه للمرأة ، المرأة وعاء والرجل صــ......." أي فهم عبقري هذا الفهم ؟! وأي إستنباط فذ ..لا إله إلا الله .. - اتقوا الله ولا تنشروا هالثقافة المريضة والتى تطعن في الدين الإسلامي وبشدة . وتجعله من الأديان المتناقضة . وتهون الزنا للنفوس الضعيفة المريضة . ( يا امة ضحكت من جهلها الأمم ) اباح الإسلام الزواج بأربع حفظا لكم من الزنا لا تصريح لكم فيه . - لا غرابة في زمن غدا الكل فيه عالم ، مفتي ، له إستباطات وقياس وإجتهاد ان نسمع مثل هذه الأقاويل، فــزنا الرجل أقل جرما ولا ضرر على المجتمع منه لأن الرجل ليس وعاء .. حتى لو قال رسول الله صلى الله عليه وسلم ( اجتنبوا السبع الموبقات .. وذكر منها الزنا ) و حتى لو قال الله تعالى ( لا تقربوا الزنا إنه كان فاحشة وساء سبيلا ) .. الضرر أقل وهذه مبالغات وهى خاصة بالمرأة .. مازال رجال قومي تأخذهم العزة بالأثم ، والإستكبار بغير الحق ، إبليس طرد من رحمة الله تعالى لإستكباره .. ( أنا خير منه خلقتني من نار وخلقته من طين ) فكان جزاءه ورد الله تعالى عليه ( أخرج منها فإنك رجيم وان عليك اللعنة الى يوم الدين ) . - أختنا العفيفة ، لا خير في رجل لادين له ، إن لم يتب عليه الله ويهديه . فاسلمي بدينك ، وصحتك ، وابناءك . قبل أن يوسوس لك لشيطان بجواز رد الخيانة بخيانة . لا قدر الله . |
السلام عليكم ..... سأل الله ان يفرج همك وجميع المسلمين
اختي عندي لك اقتراح إن شاء الله يعجبك..... هدا الأسلوب استخدمته إحدى الأخوات تقول الاخت...زوجي يسافر ويعمل بلاااااااااااااوي استخدمت كل الاساليب مانفع اخر مره سافر رحت لاهلي لما رجع كان ناوي ياخذني لبيتي ..تقول الاخت قلت لزوجي مو مستعده اخسر حياتي وصحتي علشانك وانت تعرف البلاوي هذي تجيب امراض مالها علاج اول شئ روووووووح اعمل تحليل بالمستشفي إذا كنت سليم افكككككككككككككر ارجع ولا لا,,, وكانت الاخت مصممه ماترجع الا لما يعمل تحليل ..تقول طاااار عقله وحسب الف حساب وراح للمستشفى واخذ ينتظر النتيجه على احر من الجمرررررر...بس طلع سليم ولله الحمد بس تقول والله من بعدها تووووووووب يروح لهيك شغلات.. اسال الله ان يهدي زوجك ويرده لك ردآ جميلآ........لاتنسي الدعاء الله بالهدايه.. اختي انتي الان تعبانه ماينفع تزيدي نفسك كفايه انك نفاس. نصيحه استودعيه الله الذي لاتضيع ودائعه....والله إذا قلتيها من قلبك واحسنتي الظن في الله فإنه لن يخيب ظنك ولن يظيع ما استودعتيه. ويكون عملتي الي عليك......{في الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) فهذا هو المشروع: إذا رأى الإنسان من أخيه في الله عورة يعني معصية فلا يفضحه ولا ينشرها بين الناس، بل يسترها عليه وينصحه ويوجهه إلى الخير ويدعوه إلى التوبة إلى الله من ذلك ولا يفضحه بين الناس، ومن فعل هذا وستر على أخيه ستره الله في الدنيا والآخرة، لأن الجزاء من جنس العمل، إذا مانفع مهاه..لاتخسرين صحتك وحياتك علشانه.... |
أختي زوجك يصلي ولا مايصلي؟؟
أنت فاكرة بحجزك للجوار تمنعيه من البيرة والزنا والخمور؟؟ يا أختي اللي يمنع الإنسان من ارتكاب المنكر والمحرم هو دينه يعني منعتيه أو سمحت له برأيي سيان .....ليش؟؟؟ لان اللي في راسه بيسويه بيسويه..والمحرك الأساسي دينه...مو أنت. إنت بحجزك للجواز بتقهري نفسك وتزيدي المشاكل يا أختي رجعي له الجواز....ثم أنصحك اجلسي مع نفسك وحددي موقفك إنت ايش تبغي من نفسك بالضبط..(هذا في حال إذا كان زوجك مصلي..) هل تتقبلي زوجك بمنكراته وعيوبه؟؟؟ومستعدة تتحمليه وتضحي عشان أطفالك؟؟ومستعدة تغيري ماتستطيعين تغييره ؟؟ يعني مستعدة تتحملي البلاوي والأمراض اللي تجيك من زناه؟؟ مستعدة تتحملي زوجك وهو شارب وتتحملي تبعات شربه المادية والنفسية والإجتماعية عليك وعلى أطفالك؟؟ إذا تقدري ومستعدة..اتحملي بصمت مع محاولات التغيير واشتغلي على تقوية الوازع الديني مع زوجك وربنا معاك.. وقبل ما تبدئي بزوجك ابدئي بنفسك وأصلحي مابينك وبين ربك. إذا ماتقدري ومستعدة تكوني مطلقة فكري بكل تبعات الطلاق و كلمي أبوك واتركيه يتصرف وربنا معاك.. أنصحك ضعي نصب عينيك قوله تعالى( ومن يتق الله يجعل له مخرجا ويرزقه من حيث لا يحتسب) وتأملي كلمات الرسول عليه الصلاة والسلام لابن عباس عن أبي العباس عبدالله بن عباس رضي الله عنه قال كنت خلف النبي صلى الله عليه وسلم يوماً فقال " يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف " رواه الترمذي يا أخية تأكدي أن النصر مع الصبر وأن الفرج مع الكرب " وأن مع العسر يسراً " |
جزاكم الله خير على نصحكم لي وزوجي يصلي بس موبوقتها يجمع الصلوات الله يهديه ومرات يصلي بالمسجد بس ناادر
اليوم الصباح وانا نايمه اتصل مرتين وبعدها ارسل قال بجي اخذ الجواز بعد شوي وارسلت له اذا مو عشاني عشان عيالك لاتخرب بيتك بيدك رد علي علمي نفسك بمر اخذه ارسلت له من لايعدك شي عده ولاشي مر خذ جوازك ارسل لي انا ماهمني شي كثر ماهمني استخوانك لي تحسبيني بروح انبسط وهالخرابيط لو مهب عشانك فهوعشان عيالك لومهب على شانكم والله مااسير رديت عليه انا شفت اشياء كثيره وصبرت وسكت شفت صور تعور القلب لك صور محد يتحمل يشوفها خاصه مع وحده بالطياره وفي بيتهم وماعليك الا وزره بدون فنيله وبين اهلها وشايل بنت صغيره وهم يضحكون من غير الصور اللي بملاهي ليليه والخمور ومقاطع الفيديو وهالحرمه نفسها شفت صورها بتلفونك ولو انه شي قبل الزواج مااحتفظت فيه للحين وانت مضبط كل شي وقايل بيروح العامل يجيب العمال لانهم اخوياه ومتفق معهم يعني خالصه الشغله بس انت تبي تروح وتحط العماله عذر واذا لي ولعيالك شان لاتروح مانبي هالعمال فكنا تهدم حياتنا عشان ماده لابوها من ماده اللي بتخرب حياتنا.. ارسلتها ومارد بعدهااا ولاجاء تكفون ادعولي ان ضميره صحى وهون وكنسل الروحه... |
شوفي يااختي إذا عندك ظهر استمري على رأيك
وإذا ماعندك ظهر ماراح تستفيدي اتمنى انك تكوني فاهمتني |
استغل فترة نفاسك ...منه لله إحملي روحك وعيالك ورجلك على رجله لا تخليه يروح لوحده .....احكيله انا من حقي السفر وحابه اغير جوووو
|
اقتباس:
كل دا وساكتة ليش ؟؟ الله يعينك ويصبررك ياارب لازم احد من اهلك يدخل دا حال ماينسكت عليه حتى لو ما سافر لو انتى مكانوا كان دفنك يارب لاتبتليناا مااحب احرض احد بس زووجك حالوا مرره زايد وبيتماادى |
أختي ربما يكون زوجك متزوج من المراة زواج عرفي او أي زواج تأكدي من الأمر والله يهديه
|
بصراحه انا لو كنت مكانك وشفت عليه شئ وتاكدت منه والله الذي لااله الاهو اني مااقعد معه ولاثانيه وحده حتى لو اضغط على نفسي وقلبي كلش كوووووم والخيانه كوم ثاني ..<< هذا اللي راح اسويه انا واذا انتي تشوفين ان راحتك مع هالشخص اللي تكلمتي عنه فالله يسخره ويهديه لك ياااارب ...
|
ربنا معاكى ويعينك عليه
|
حسبي الله ونعم الوكيل على كل مسلم يحلل ما حرم الله .. كيف مسلم .. وكيف تشرع من عندك .. الإسلام هو الإستسلام لله بالتوحيد والطاعة..
قول الله تعالى: ( الزَّانِي لَا يَنْكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ ). أنا نفسي أعرف المعرف مسلم وفتخر.. والكلام مناقض.. أشكو إلى الله ما وصلنا لهو من ظلم .. |
وانتي ليييييييييييييييييييييه ساااااااااااكته ع شنوووووووو تتحملين وش منتظرره يجيب لك الامراض خااافي ع نفسسسسسسسسسك والعيييال ماراح يضيعون وانتي ببيت اهلك ولا تتحملين عشان في اخير يصير لك شي منه
خلي اهلك يوقفون لك لاتسكتين له والله لو انا انفصل منه عشان نفسي لايجيب وصاخته وياه لي خافي ع نفسك ماراح ينفعك شي |
الأخ الفاضل الي يقول.. اقتباس:
والعقوبة واحدة للزنى.. سواء رجل أو إمرأة المحصن الرجم.. والغير محصن الجلد.. |
استغرب من بعض الردود
من قال اني حللت الخيانة ..؟ عجبي ...!!! اقتباس:
انا ردي واضح واتمنى عدم تحويره لحسب فهم الشخص فأنا كتبت ردي على حسب فهمي وأحسنوا الظن فأنا لم أحلل الخيانة طبعاً الخيانة ليست فقط زنى قد تكون علاقات اخرى غير الزنا فالمرأة المتزوجة ليس لها عذر بفعل الخيانة لأنها لايمكن أن تتزوج اكثر من رجل أما الرجل فلديه العذر للخيانة بأن قد تنتهي هذه الخيانة بالزواج من البنت لأن الرجل متاح له 4 زوجات لذلك المجتمع ينظر لخيانة الرجل بأقل من خيانة المرأة وأكرر لا احلل الخيانة أبدااً وفي حال لم تفهموا قصدي فاحسنوا الظن في ردي |
حسبنا الله ونعم الوكيل على كل ظالم
|
مسلم وافتخر..لا..والله..ياشيخ...وش هاالكلام الغريب؟؟
يعني الرجال اذا خان زوجته مع وحده بتنتهي خيانته بالزواج من البنت العاهره..ليششش؟ هو بيخونها مع بنت وحده بس ولا اصلا يفكر يتزوج عاهره ؟ ولا كل واحد خان زوجته مع وحده ثانيه معناه انه راح يتزوجها؟؟ يااخي خل كلامك منطقي ومعقول...مو تخبط في الكلام وماله اي اساس من الصحه والله سبحانه وتعالى لم يحلل الزواج باكثر من رجل للمراه حتى لاتختلط الانساب..اما الرجل حلل له الزواج لان ذريته كلهم يحملون اسمه...يعني اسم أب واحد..وايضا حلل الزواج للرجل بسبب ماتمر به الزوجه من ظروف تمنع الجماع...مثل النفاس والحمل.. ولم يحلل الزواج بسبب ان خيانة الرجل هينه وخيانة المراه عظيمه... لو كانت خيانة الرجل هينه ماكان شفنا مواضيع لبعض الزوجات ضحايا الخيانه ويكتبون بقهر وغبن ومجروحات.. وتحليل الزواج باربع لللرجل وتحريمه على المراه ماله اي علاقه بالخيانه ... اتمنى انك تروح تتثقف..في هذي الامور..لانك شوهت سمعة ديننا الاسلامي بكلامك هذا وتفكيرك الغريب.. سبحان الله.. |
أنا أرى إنه من الأفضل لك ماتعطينه الجواز , عشان ماتساعدينه على نفسك
وعشان ماتجيبين الخيانة والأمراض لك , لكن مو ترفضين تعطينه الجواز بطريقة تحدي [ تبيه طلقني ] ترى بالنسبة لي أكره المرأة اللي كلمة الطلاق على طول بلسانها بعدين الملائكة تلعن المرأة اللي تطلب الطلاق من زوجها الحل الأفضل أرسلي له التالي / زوجي العزيز أحبك وأغليك وأخاف عليك , أخاف عليك من السحر أخاف عليك من الإستغلال المادي أخاف عليك من الأمراض أخاف عليك حتى من نسمات الهواء فأتمنى أن لاتضايقني وتسافر , لكي أعدك بأن لاأضايقك ولاأعصي لك أمرا إذا كانت السفرة ضرورية كما تقول فأنتظرني حتى أنتهي من النفاس وأصحبك فتقضي مشاغلك ونتنزه جميعاً |
العصبيه ماراح تفيدك بس اذا صارت المساله فيها حرام خبري اهله اواهلك ينصحونه
|
كان الله في عونك
خبري اهلك وخبري اهلوا كمان مش بيحكي انو رايح بشغل اكيد اخوه بيعرف ازا في شئغل ولا لا |
اقتباس:
|
ليه الغرور and سيدة الموقف
اترفع عن الرد عليكم كان بإمكانكم مناقشة ردي دون التجريح في شخصي ولكن هذا يدل على تربيتكم |
اعانك الله الموضوع يمس بصحتكم ودينكم
اخبري اقرب الناس اليه بتصرفاته وحاولي تنشغلي بطفلك وابنك حتى تنسي شوي |
اختي العزيزه ... انا اقول لك وجهه نظري ولا اعلم عنك ..هذه الأمور ليس بها هزل و تساهل وتغافل ومره تغمضين عين ومره تفتحين عين .. وتضحين بنفسك عشانه و عشان الناس .. ماراح احد فيهم ينفعك ... زوجك رايح يلعب برا ... وخوفي على نفسك من الأمراض .. في تقرير من مستشفيات السعوديه ونشر في الجريده 99% من النساء السعوديات المصابين بالأيدز ..انتقل لهم من ازواج يخونون ... والأيدز مو اي مرض .. في غرف زجاج ويصرخون ويموتون في اليوم الف مره من الألم لايفيد فيهم اي مسكن وكأن موتهم بمئه احتضار .. وبالموت البطيء .. ليش تضعين لنفسك احد هذه الإحتمالات في حياتك .. من رأيي هولاء الرجال لا يتسحقون التضحيه ولا الصبر عليهم .. خليك حااازمه اكثر واكثر ...من رأيي تطلقي منه وارتاااحي الأن بطفلين احسن من بعدين ب 4 اطفال .. لاتعطينه الجواز لو يمووت .. اطلبي طلاقك وارتاحي .. ولا يجي للبيت يتناقش معاك .. ممكن في لحظه انفعال يمد يده عليك .. (لا اعلم ) .. لاتتقابلين معه ابدا .. تكلمي معه بالهاتف قولي له .. ارسل ورقه طلاقي واسلمك الجواز .. وانتي جاده او ارفعي عليه خلع وخذي الحضانه لك وارفقي السي ديات في جلسه القضاء واثبتي عدم اهليته للأبوه والحضانه .. وطالبي بنفقه ... هذه الأمور ليس بها رمادي ..ياابيض يااسود ... وسيرزقك الله بزوج افضل منه ... فقط اخلصي النيه انك تركتيه لله .. وانه يفعل الكبائر .. واستخيري قبل اي امر |
الله يعينك على ما بلاك الزمي الدعاء و الاستغفار
|
مسلم وافتخر نشكر جهودك بس لاعاد تقترح
المفروض يااختي لمن جا سألك عن الجواز كان قلتيلة ماادري عنه ودوري معه انك مو عارفة وينة بعد ماتخلصي نفاس سوي انك لقيتية وسافري معه |
اقتباس:
اجل بهالحاله الزوجه تقدر تخون ثم تتطلق من زوجها وتتزوج عشيقها :22: وبعدين دام الله احل للرجال 4 المفروض خيانتهم تكون اقوى واعظم لانه حلال عليهم التعدد بس هم اللي راحو للحرام بينما النساء مايقدرون يعددون ويمكن تحب لها واحد وماتقدر تتزوجه اوعندها اعذار ثانيه يعني المفروض خيانة الرجل تكون اعظم رغم ان الكل متساوي عند الله بالعقوبه .. الرجم للمحصن والجلد للعزاب ولو كل رجال يتزوج اللي يخونها كان تزوج نص بنات العالم:d |
عطيه الجواز لاتكبر السالفه واذا رجع كلميه
أعوذ بالله الا البيره احسها هي الخراااااااااااب اللي مثله صعب الحياة معه .. وانا مااحرضك على الطلاق ( لعن الله من خبب امراءة على زوجها ) لكن جربي تفكرين بذنوبك محد خالي من الذنوب يمكن ربي ابتلاك بهالشخص من ذنب اقترفتيه .. زينها مع ربك تزين او اختبار لصبرك من الله واصبري ولك الجنة .. حاولي فيه هذا زوجك وابو عيالك وقولي له اذكبروا عيالك وشافوك كذا رح يتأثرون فيك ويصيرون مثلك . |
| الساعة الآن 08:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©