|
أبغى رايكم يالرجال والنساء ...
السلام عليكم
كيفكم حبايبي ؟!! معليش بس أبغى آخذ رايكم في شيء حاصل معي هاليومين ويهمني رأي الرجال والنساء معاً لأرى ردة الفعل طبعا أنا الآن على أعتاب العرس .. والتجهيزات والأشياء اللي خابرينها طبعا طلبت مني خطيبتي أشياء مو من عادة القبيله إنها تسوي هالأشياء طبعاً مهي أشياء كبيره مره لكن قبيلتنا ما تسوي كذا نهائياً (( يعني العكس من اللي طلبته )) وبما أني إنسان صارم شوي رفضت هالفكره تمااااااااااماً تماااااااااماً وقلت اللي يبي يزعل يزعل ,, واللي بيرضى يرضى طبعاً ممكن خطيبتي ردت شوي في نفسها .. لكني شرحت لها الموضوع وفهمتها وهي حاطه في بالها إني راح أسوي زي ما تبغى .. وفي شيء مأثر عليها بهذي الأفكار من أخوات وأهل وكمان فكر البنات تبي تصير الأفضل (( على مافهمت منها )) وأنا من أكبر المستحيلات إن يصير هالشيء .. قلت لها أي شيء تبينه من عيوني بس أشياء مهي من عاداتنا انسيها طبعا فيه كم واحد الآن بدؤا يسووا زي ما قالت بس ناااادرين وخاصه كل اللي سووها من عايلتهم مدري يشوفون انهم هم الأفضل أو وش وجهة نظرهم بالضبط ؟!! وحتى الزواجات القريبه اللي صارت ومن ضمنهم ناس من أهلي وأخوالي ما صار زي ما قالت .. والآن أبي رايكم : 1- هل موقفي صحيح ؟!! " طبعا ياليت ما أحد يسأل وش السالفه .. المهم انه شيء عادة القبيله غير ذلك تماما ً " 2- سؤال للبنات .. لو سوى خطيبك معكِ زي كذا ,, وش ردت الفعل ؟!! وطبعا أنا مُصِّر على موقفي ومستحيل أتراجع عنه .. بس أبغى أتصور وش ممكن تكون ردة الفعل في نفس العروسه ؟!! |
وعليكم السلام ورحمة الله وبركاته إذا الشيء الذي تريده فيه معصية للخالق فكن مصرا على رأيك ووضح لها الأسباب اما لو كان عكس ذلك فلا أرى المانع من تنفيذه لها موفق اخوي |
بحسب الشيء يكون الحكم
و عادات القبيلة ليست وحيا يوحى |
اخى الحبيب السلام عليكم
قبل ابداء الرد لى ملاحظات 1-من قوانين المنتدى الكتابه باللغة العربية الفصحى والبعد عن اللهجات الخاصة لأنه فعلا فهمت اللهجه بصعوبه 2-واضح من الكلام انك اتخذت رأيا وتقول مستحيل اغير رأيى فماذا تريد منا 3- لو كنت ذكرت ما طلبته خطيبتك ليسرت علينا النصيحة لك والآن مع الرد اخى الحبيب ذكرت ان ما طلبته خطيبتك مخالف لعادات القبيله ولكن هل مخالف لشرع الله ما دامت لم تطلب منك محرما فما المانع من اجابة طلبها وينبغى ان تنظر لطلبها بعين المودة والرحمة لا بعين ان ذلك يخدش عادات القبيلة او الكرامه ثم انه فى شرعنا الحنيف الذى هو تنزيل العزيز الرحيم ان الرجل هو الذى يدفع المهر وهو الذى يكلف هل تكاليف العرس فما المانع ان تلبى لخطيبتك طلبها ولو من باب المساعده لها ولظروف اهلها المادية ولا يليق بمجتمع المسلم ان يفتح الباب للمشاكل ما دام حلها يسيرا والله جعل قيادة سفينة الزواج فى يد الرجل لأنه اعقل واحكم ولا يعاند برأيه |
|
اقتباس:
ايش الفائده انك تعرف ردة الفعل |
حياكم الله جميعاً
وأشكر كل من مرَّ من هنا روح المساء : تحيه خاصه لك على ردك الرائع وأسلوبك الراقي آفاق المجد : أشكرك أيضاً وأعلم أن عادات القبيله ليست وحياً يوحى على كلامك لكن بما أن لك أصل تنتمي إليه فعليك نهج منهجه خلاف من ليس له أصل ولا يؤمن بشيء اسمه قبيله فنحن ولله الحمد من قبائل وننتمي لها (( وإذا القبيله اتفقت على أشياء وأمور بينها .. فهل من وجهة نظرك يصح أن يأتي شخص ويخرج عنها ؟!! )) فارس 1432 : إذا أنت سعودي فهذي اللهجه العاميه وبتفهما أما إذا غير كذا فمعك حق غير كذا يعني احس ردك عنيف ومدري صراحه وش تبغى يا أخي = (( قل خيراً أو أصمت .. )) ما طلبت رايك بالتحديد ,, أنا طلبت رأي أولي الألباب أبغى استفيد منهم ومن علمهم سيدة الموقف : كلام عاقل أشكرك عليه وأنا من المعجبين بإطروحاتك وردودك في المنتدى ,, واصلي وإلى الأمام أما عن الموضوع اللي تكلمت فيه فهو ليس شيء محرم ولله الحمد ولو كان كذالك ما طلبت رأي أحد فيه لكنه مثل ما ذكرت شيء قد يخرج عن نظام القبيله المتعارف عليه فقط لا غير قد يكون عند بعض القبائل شيء عادي جداً وأعلم ذلك لكنه شيء غير محمود بالنسبة لدينا |
اقتباس:
حاجةً في نفس يعقوب قضاها |
اخ الراقي
بغض النظر عن الشي الي طلبته منك زوجتك .. في درس تعلمته بالحياة اتمنى تتعلمه مثلي .. يحصل دايم ان الناس تطلب منا نسوي اشياء ماحنا مقتنعين فيها ونرفض نسويها .. ولكن الرفض ردة فعل سلبية ما تخدم علاقتنا بهالناس ابدا ليش ؟ لان الاشياء الي حنا مو مقتنعين فيها .. ممكن تكون انطلبت منا مرة وحدة بس وممكن تكون مافيها اي ضرر مادي او معنوي لنا .. بس مو مقتنعين فيها اسالك : هل من الحكمة اني ارفض اسوي شي مطلوب مني مرة واحدة بس لاني ماني مقتنع فيه ؟؟ بسهل عليك الجواب .. لو رفضت تسوي هالشي ربحك بيكون : ارضائك لقناعتك .. خسارتك بتكون : تغير مكانتك عند غيرك لانك رفضت تسوي لو شي واحد عشانهم ولمرة واحدة .. وهذي غلطة سهل تنمسك عليك بالمقابل لو سويت هالشي الي مانت مقتنع فيه .. ربحك بيكون : تكبر بعيون غيرك لانك قدمت تضحية تدل على مرونتك وبيكون موقفك قوي خسارتك : ولا شي.. انك تتصرف وفقا بقناعاتك شي مو غلط .. لكن الغلط انك تصر على قناعاتك بكل شي وابسط شي .. حتى لو شي يتسوى مرة وحدة خصوصا : اننا في الحياة لم نخلق لكي نتبع قناعاتنا فقط ..وان احد طرق التكيف الايجابي مع اختلافاتنا مع الاخرين هو - التنازل عن القناعات الشخصية انت الان بفترة ملكة .. فرصتك الي تقدر تستغلها عشان تثبت لزوجتك مرونتك وتفهمك .. وعشان تكون حافز لها هي ايضا انها تكون مرنة وتترك قناعاتها على جنب بامور معينة ( مستقبلا ) .. عشان ترضيك .. دمت بود |
|
اقتباس:
الله أكبر ما شاء الله ,, تبارك الرحمن صراحه كلام مهما قرأت وبحثت وسألت ما أتوقع أجد مثله فلكِ مني كل شكر وتقدير واحترام لا حرمكِ الله الأجر ,, وجزاكِ خير الجزاء |
اقتباس:
|
أخي الكريم أنت طرحت سؤالين اثنين : 1- هل موقفي صحيح ؟!! " طبعا ياليت ما أحد يسأل وش السالفه .. المهم انه شيء عادة القبيله غير ذلك تماما ً " أرى والله أعلم أن الموضوع لو كان شاذ ومستهجن بطريقة تثير الكلام حولكما فلا داعي له أما لو كان أمرا عاديا والأمر مجرد تطبيق حرفي منك لعادات قبيلتكم فيمكن أن تحققه لزوجتك المهم أني لا أرى أنها مشكلة كبيرة تستدعي خلاف ونتمنى منها التفهم خصوصا كما يبدو أنها من نفس القبيلة 2- سؤال للبنات .. لو سوى خطيبك معكِ زي كذا ,, وش ردت الفعل ؟!! بتفهم موقفه وما راح أزعل الا لو كان الموضوع مبالغة من خطيبي _______________ ملاحظة لكن بما أن لك أصل تنتمي إليه فعليك نهج منهجه خلاف من ليس له أصل ولا يؤمن بشيء اسمه قبيله فنحن ولله الحمد من قبائل وننتمي لها (( وإذا القبيله اتفقت على أشياء وأمور بينها .. فهل من وجهة نظرك يصح أن يأتي شخص ويخرج عنها ؟!! )) أخي الكريم لي نصيحة أتمنى أن تتقبلها لا داعي أبدا لهذه الاضافة التي أضفتها وكأن أصحاب القبائل هم من عندهم عادات فقط ... وكلامك هذا فيه كثير من الاستكبار وحمى الجاهلية القبلية , حتى شعرت من كلامك أن صاحب القبيلة عنده صك غفران بدخول الجنة :d كلها بالنهاية ترى قبيلة فيها كثير من الخيرين وفيها كثييير من الفاسدين وكلن يحاسب بعمله وعلى فكرة أنا قبيلية علشان لا تقول أنت ما تؤمنين بشي اسمه قبيلة :d ولكن اللي براسي أسويه مادام يرضي الله ورسوله وفي حدود عدم معصيتي لوالدي فأتمنى أن تنبه لهذا أخي الكريم بالتوفيق |
أولاً أخي ( أولي الألباب ) لا يبدون رأيهم في أمر مبهم لا يعرفون عنه شي
ولكن و فق ما طرح المستشير فأنهم ينصحونه بأن يلتزم بما اتفق عليه مع قومه بما أنه لا يحلل حرام و لا يحرم حلال و بما أنه إتخذ قراره بناء على التزامه و اتفاقه مع قومه فمعرفة ردة فعل الطرف الآخر لن تقدم أو تأخر فما ألزمة بالأولى يلزمه بأن يبقى على قراره و لا يستطيع أي انسان أن يحدد لك ردة فعل انسان عن أي أمر إلا إن بين صاحب ردة الفعل نفسه ( فالبشر تختلف ) و لا يمكن قياس ردة فعل إنسان بإنسان آخر فهو قياس لا ينفع معه ( سددوا و قاربوا ) ثانياً تعجبت فعلاً من ردك التالي :- اقتباس:
يا أخي الفاضل أنت قلت كلمة كبيرة و تصل لحد القذف و كأنك جعلت كل من لا ينتمي لقبيلة أو غير القبيلي رجل بلا أصل فلا يعرف لنفسه أباً أو جداً أو قوماً و سؤالي لك أخي بما أنك تنتمي لقبيلة ( ما رأيك في مثل هذا القول ) هدانا الله و إياك و وفقنا و إياك لكل خير |
الاراء جميلة هنا
فقط انصحك اخلع جلباب التعصب الجاهلي وعش حياتك انسان له مبادؤه النابعة من قراره نفسه وليست مستاقة من القبلية على فكرة انا قبيلية لكني امقت التعنت القبلي كثيييييييييييييييييييييييييييييييرا |
ياعزيزي .
انا رايي مثل راي الاغلبييه اذا لم يتنافى طلب خطيبتك مع الدين والشرع فمالمانع تعيد التفكير فيه لو افترضنا من طرح هذا الموضوع هي خطيبتك سوف تجد الردود كلها لصالحك بان تتنازل عن الاصرار عن شرطها ومطالبتها بالتيسير ومحاوله تقريب المسافه فانت لاتصر على راي فقط لانه خروج عن المالوف في مناسبات القبيله تستطيع تلبيه طلبها ولو بشكل مبسط ان كان لا يتعارض مع القيم والمبادى انا بختلف مع اخوي نهار . لان الاختلاف مع اشخاص مثل نهار . يضعني تحت الاضواء ( خالف تعرف ) هههه سددو وقاربو مطلوبه في مثل هذه الحالات مجرد وجهه نظر تحياتي للجميع |
سيدة المموقف
مهرة الله يسعدكم حبيباتي شكرا على الاطراء الطيب طابت ايامكم ولياليكم |
اقتباس:
اقتباس:
تسلم الراقي بكون سعيدة لو كلامي هذا غير من قناعتك للاحسن وخلاك تعيد حساباتك وتعطي خطيبتك الي تتمناه هنا بس بكون سعيدة لان كلامي كان له دور بحل اشكال عندك نسمع عنك اخبار حلوة ان شالله |
اقتباس:
لكني خلال قراءتي افترضت هذا الشيء الذي لا يريده اخونا الراقي .. وحاولت اطبقه على كلامك فلم أستطع ووجدتني أقف معه في اصراره وحزمه بخصوص الرفض لنقل مثلا اني افترض ان هذا الشيء أنها تريده أن يزف معها او اليها في قاعة الزواج .. ألا تظنين انه من حقه الرفض ولو كانت لمرة واحدة في العمر ؟؟؟ وأعود لأؤكد اعجابي بردك بارك الله فيك دمتم في حفظ الرحمن ،، |
اقتباس:
الزفة وسط الحريم يعتبر محظور شرعي .. يحق له يرفض بس كلامي على الاشياء الي ماهي محظورات شرعية ولكن خاضعة للقناعة الشخصية |
روعة المعنى
ردك جميل جدا ما شاء الله عليكى وانا شخصيا استفدت بيه فى موضوع خاص بيا لتحديد مكان العرس وبجد بعد ما قريت كلامك انا مستعد اتنازل عشان اثبت مرونتى وعشان انا كمان اكيد هحتاج من خطيبتى انها تضحى علشانى وياريت الراقى يوزن الامور لانه هو ادرى بحاله ويشوف بعد الكلام ده الصح ايه ويعمله |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©