هل انا على خطأ
 

بسم الله الرحمن الرحيم
الحقيقه بعد تسجيلي في هالمنتدى الجميل كان الهدف الاطلاع والمشاركه بالردود فقط:( طبعا بعد زيارته بصفه زائر . بعد كم مشاركه بالردود الظاهر اخذني الحماس . وقلت ( لزوم الشيخ مناحي )ياخذ راي الاعضاء بمشكلته المستعصيه:( المهم مااطول عليكم . وراكم اشغال والا فاضين :d مابي ادخل في حياتي السابقه راحت بخيرها وشرها . انا لي تقريبا 5 سنوات اعزب وقبلها متزوج مع وقف التنفيذ . خلال ال 5 سنوات مافكرت بالزواج قلت عيالي محتاجيني بهذا العمر انتظرت لين صارو ما شالله بالثانوي اصغرهم من الذكور ( وبنت ) مع امها برابع ابتدائي فكرت بالزواج ورحت لخاطبات كثير اشترطت على اي وحده توافق عدم الانجاب السبب العمر الحين 54 سنه لنا ولكم طول العمر ان شالله بس الردود ماتشجع كل وحده تقول تبي اطفال واصلا هي عندها يعني انجبت طبعا انا مشترط بطلبي من الخاطبات مطلقه وعندها اطفال او عقيم البعض منهم يقول وش يهمك لو جابت طفل والا اثنين البقيه مشترطين الانجاب وانا مثل ماقالت واحده من الاخوات بردها ( الحين انت فيك حيل لملاحقه طلبات الطفل تطعيمات وطبيب وغيرها من الامور ) طبعا هذا اللي مخليني مصر على طلبي فكرت اروح اتجوز من الخارج بس يمكن اواجه نفس المشكله فكرت اروح اسوي عمليه .. بس انا اكره الغش والخداع والخيانه والكذب باي شكل من الاشكال . بالمحصله صرت اغني واقول يالليل مطولك :) الحمدلله صحيا 100% ومحافظ على صحتي ووزني وشكلي اللي يشوفني يقول هذا بالاربعينات . ولدي الكبير موظف شافوني زملاءه يحسبوني اخوه :d مهي ( دعايه ) لاتروحون بعيد بس بكل امانه هذا الصحيح . بصراحه فكره الانجاب محسومه عندي ( معصي ) الله يحفظ لنا ولكم هل انا غلطان او انا عندي حق بقناعتي وفكري . اذا غلطان يمكن افكر واحتمال ضعيف جدا اوافق على تغير القناعه اما اذا كنت على حق فالظاهر اني بواصل المشوار لين الاخر عزوبي :29:

هالحين الشيخ مناحي مايستغني عن رايكم ولكم الشكرا سلفا . ولا بقول مقدما . الناس صارت تخاف من السلف :d وسلامتكم

لا أعتبرك مخطئ ,,
لكن فكر فيها ايضا مرة أخرى بما أنك صحتك جيدة والحمد لله, تزوج فتاة فوق الثلاثين يعني 35 تقريبا و تنجب طفلين
أو حتى طفل واحد على الأقل حتى يكون فرص الزواج أكثر بكثير وتوجد من ترضى بهذا , و أن شاء الله الله يعينك و زوجتك أيضا

أو فتاة عقيم إذا كان فيه امكانية معرفة ذلك , انها تكون تطلقت وماعندها أطفال ’’
أو أرملة شابة أولادها عند زوجها ,,
لكن لا تظل بوضعك هذا
وفقك الله و يسر أمرك , لا توقف بحث ستجد فتاو صالحة بأذن الله

بصراحه راح اتكلم ...

لو سمعت انا بواحد وطالب موصفات كذا يعني ماابي عياااااااال !
والله بيجيء ببالي لاقدر الله
ان هلرجال يبي الحياه لعب ومو حق مسؤلييييييييه ابدا
ابتخوف من كذا ومن العيشه معه لاني مااحس باامان وكأني فقط زوجه للحلال وشبع للشهوات فقط
ليس
كزوجه واسره وامان..

اخي
نادرا تجد امراه الا بوحده مطلقه لانها عقيم او لظروف صحيه مابتحمل ابدا

وانصحك مثل اللي سبقني اخطب وخل الرزق ع الله
ان بغيت عيال كان بها مابغيت أجل

لان الله واعلم بعد سنوات بتمر حياتك الزوجيه فترة ملل كلعاده وتشتاق لطفل صغير بحضنك من زوجتك
فاافضل اخطب ولا تتشرط عدم الانجاب لانك لن تجد الا بظروف صحيه كعقيم وغيرها من الظروف .

اولا : ماشاء الله تبارك الله :18:

ثانيا : ممكن اعرف ليش رافض وجود الاطفال للدرجة هذي ؟؟؟؟؟
لانه من خلال ردودك واضح انك شخصية مرنه مرحه ما اعتقد ان التعامل مع الطفل شي يضايقك لدرجة الـ ( المعصي )

. اشكر لك مرورك . وفعلا وجدت من قبلت في الثلاثين وفوق الثلاثين بس مشكلتي الرئيسيه هي سبب الرفض ( الانجاب ) وقاعد احاول وربنا يزوجني إن شاء الله :) ويزوج البنات اللي بالمنتدة لايزعلون يقول مادعيت لنا والشباب بعد يالله بالجمله:d

صحيح 100% هذا للي صار مايعلم النوايا الا رب العباد بس من حقهن يفكرو بهالشكل تفكير منطقي جدا

صحيح 100% بس مدري شلون طافتني هالسالفه كنت اعتقد فيه كثير بيقبلون بس فعلا متخوفين من عدم الاستمرار . ولله مالقيت عقيم تقولي خلصو مافيه :) الظاهر الحظ يمشي عكس اتجاهي :29:

إن شاء الله القى ولك الحلاوه :)

هلا فيك بسمه . سالفه ليش رافض الاطفال الحمدلله عندي فريق ما شاء الله 7 وانا الثامن ناقص 3 ونسوي فرق كوره :d واذا تبين منهم حد سلف عطيتك ولا صدقه خذي اللي يعجبك . دوعابه :) الله يفظ لنا ولكم سالفه مرن ومرح انا ويا عيالي نلعب سوني (كوره) احيانا ويصرون يفوزون علي اقولهم ابوكم يقولو موب في الكوره :d يعني مثل الاصحاب بس فيه خط ابيض كان احمر بس غيرنا لونه :d ولله احب الاطفال اصغر واحد من اخواني مسمي ولده باسمي واول اولاده توه ماكمل سنه اروح له عشان استمتع باللعب معاه

عزيزتي برنتيسا . زواج معلن اكيد ولو يبوني انشره بالصحف نشرته:) اولادي عادي هم يبوني اتزوج الله يوفقهم وانا اللي رافض المده اللي طافت
اشكرك جروحي إن شاء الله الاقي وحده على طلبي بس ادعو لي وانا بدعيلكم بعد :)

اختي اشكرك على مرورك صفحتي . صدقيني انا من طبعي اوزن الامور قبل اتخذ اي قرار وهذي ميزه طيبه فيني . قلت لااولادي لو تبي ترجع تعيش معاكم ماعندي مانع وانا بطلع من البيت وهي اولى مني . بس سالفه عوده للحياه سوى . مستحيل من قبلي انا حتى لو وافقت هي . القلب ماعاد يقبل ابد لو لعيش طول عمري بلا مره . تحياتي لك

:[QUOTE=نهار التجديد;2639323]

أفا يا العلم الشيخ ما يغلط :d

ياطويل العمر لدي سؤال هل السبب الرئيسي في عدم رغبتك في الإنجاب يعود لخشيتك من الفارق العمري في حال الإنجاب

[/QUOTE
هلا ولله اخوي نهار .. يارب ايامك كلها نهار . يعني مافيه لليل وبالنهار مايمدحونه :d دامك يانهار سئلت عن السبب الرئيس . اي بالله الفارق العمري موب هين وانا اخوك ولله اني متردد كثير لها السبب . انا وامه نستانس بالليل وهو بالنهار يناظر الساعه :d

اخوي نهار . اسأل الله رب العرش العظيم ان يشفيه ويطول بعمره لكم ويعينك على بره
اوصيك اخوي واعرف ان مثلك لايوصى ببره
الظاهر يانهار شكلي انا بروح انا ظر الساعه:d
الله يوفقك ويعطيك العافيه

اشكر لك مرورك الجميل
وادام عليك الصحه والعافيه وحسن الخلق
تحياتي

اشكرك ياعزيزتي على مرورك وشعورك
الموضوع ليس كراهيه بقدر ماهو تراكمي من المشاكل ادت الا برود المشاعر والقناعه هذا كل الموضوع
ثم لاتقيسين على الحالات اللي ممكن تكون موب ناجحه ربما نسبتها لاتتجاوز 10% والنجاح ممكن يكون اكثر من 90 % بلعكس انتي تشوفين تجارب الاخرين وتتلافين الاخطاء لتصلين للنجاح الله يوفقك وتحياتي

ما شاء الله عليك يا شيخ مناحي.

طيب ليش ما تكملهم ثلاثة وتمم الفريق ;)



شوف عمي .. عني شخصياً لي وجهة نظر في الإنجاب في مرحلة عمرية متقدمة .. وحقيقةً لا أحبذه لا للرجل ولا للمرأة .. ولكن في نفس الوقت صعب أن تضع مثل هذا الشرط أمام امرأة .. حتى لو كانت صاحبة عيال .. وكما قال الإخوة قبلي شكلك بيصير مب حلو .. ولن تجد في الغالب من يستوعب وجهة نظرك هذه أو يتفهمها .. إلا إن كانت تلك المرأة وأهلها يعرفونك جيداً جداً ويعرفون أخلاقك تمام المعرفة بحيث لا يشكون في نواياك تجاه ابنتهم.

إن شاء الله تلقى التي ترضى فيك و ترضى عنها يا رب

الماااال والبنون زينة الحيااة الدنياااا يااشيخنا

وانت مااتبي اطفااااال

والله كبير يااشيخ منااحي هع هع 54 سنه الله يعطيك طولت العمر يااااارب وتشووووف احفاادك

:22:

عزيزتي بيتا . انا لااشترط عدم الانجاب مع تهميش رغبه الطرف الثاني حاشا لله انا ابحث عن زوجه لاتريد الانجاب وان اشترطت فليس الزامي الموافقه على ىشرطي ان لم تتوافق الرغبه عند الطرفين . انا ايضا لااقبل بهذا لالي ولا للطرف الاخر فالحمدلله احترم رغبه الجميع دائما ولايمكن ابني سعادتي على ظلم الاخر ولا العكس . تحياتي

عزيزتي مهره . ودي بس اخاف كلهم يجون يشوتون الكوره بالشمال اسمع اذا انجب الواحد بالكبر يجي ولده ايسر ( اشول ) :d مزحه لاتصدقين:) طيب قولي واحد في ظل الركود الاقتصادي العالمي 3
كثير .

الله يسمع منك ولك مثلها وانتي وجميع بنات المسلمين انه سميع مجيب

اخوي الوزن الثقيل . تربط بالكرسي عشان لاتطيح من الصدمه :d
انا عندي حفيده وحفيد حفيده من بنتي وحفيد من ولدي الله يحفظهم :d
كل شي يالوزن ممكن نخفيه . ماعدا العمر . كيف فكر اخوي وان لقيت حل الحقني به :)

سرك في بير :11:
اوافقك في الراي بتكون المسؤليه اكبر :22:
اشكر لك مرورك