|
بعض طلبات زوجتي تزعجني !
السلام عليكم مساكم الله بالخيرات و المسرات أنا متزوج ولله الحمد و حالتي المادية جيدة بعض الاحيان اشعر بان زوجتي مسرفة قليلاً مثلاً بعض الاحيان تشتري عصير من محلات العصير بـ 12 ريال واعندا في البيت الفاكهة و الخلاط لكنها تشتريه من الخارج بـ 12 ريال ! كذلك الايسكريم علبة صغيرة بـ 12 ريال من محلات الايسكريم ! لا مشكلة عندي ان تشتري علبة كبييرة بـ 20 ريال لكن علبة صغيرة جداً 12 ريال ! بصراحة اشعر بئنها تسرف في هذا الجانب ليس بخلاً على زوجتي فهي تستحق كل خير لم افتح معها هذا الموضوع حرصاً على مشاعرها كذلك كي لا تفسر ذلك بانه بخل قلت قبل ان افاتحها بالموضوع استشير الاخوة و الاخوات هنا |
يا اخي عادي كذا سارت الاسعار
وبعدين اذا على العصير فعادي دايما محلات العصير تعمل العصير في الغالب افضل من البيت واذا على الايسكريم فهي تشتري علبه صغيره تكفيها فليش الحجم الاكبر؟ لا تلوم زوجتك وبعدين مدامك ماتبخل عليها على قولتك ليه مستكثر عليها ال12 ريال؟ هونها وتهون عادي هذي امور ماتستحق انك توقف عندها الا اذا كنت بخيل وانا ما اتوقعك كذا تحياتي |
طيب أخي الكريم تقدر تسويها بطريقة غير جارحة ..
مثلا اذا أخذت الايسكريم أبو 12 ريال ... قلها طيب وش رايك ناخذ الكبيرة تطلع علينا باقل وفيها أكثر .. وقس على ذلك ... أما مسألة العصير الجاهز فأرى فيها مبالغة من جانبك في الاقتصاد .. لكن ما تشوف ان عندك مشكلة مع الرقم 12 ؟؟؟؟:29: دمت في حفظ الرحمن ،، |
:: |
اقتباس:
لكني مؤمن بوضع الشي في محلة وانا اذا اعطيتها المال لا استكثره عليها ولكني لا ارتاح لهذا الصرف |
اقتباس:
12 ريال صرف؟ انا مره زوجي ناقشني بقيمة فاتورة جوالي برغم اني انا اسددها مو هو وقلبت الدنيا على راسه وتاب بعدها ما ناقشني فيها وانا وضحت له اني اكلم اخوي بامريكا واحتاجه كثير بالعمل وهو شخصيا اكلمه كثير وانا بالعمل فكيف لو ناقشني على 12 ريال:29: لالا مستحيل اصلا اناقشه خلاص طالما ما تستكثر عليها المال اتركها تصرف على كيفها لا تدخل |
الاخت رسيل و الاخت سيدة الموقف
اشكركم للمشاركة والنصيحة الراقية اذا من ناحية الاكل والشرب لا اريد ان امتدح نفسي لكن لا اشتري الا اجود انواع الاكل وكذلك الفاكهة اشتري افضلها " سعرها اغلى لا مشكلة عندي لاني مقتنع بجودتها " لذا تستحق الشراء مشكلتي تكمن في عدم اقتناعي بشراء شيء باضعاف مضاعفة عن سعره المستحق من هذا الجانب طرحة الموضوع |
|
اخي الفاضل... جت ع العصير !! الله يفتح شهيتها بالعافيه.. <<<ياحياتي يالحريم ماورانا الا نتشهوا وش نسوي... اقووووول لو زوجي بيقولي كذا.. وعع وع وع...الظاهر بستحقره.. اجل لوتطلب منه ساعه بذيك العده ولا شنطه!!وش بتسوي بتنجلط.. |
واحده زوجها مثلك صحيح هو موبخيل بس حريص على الفائده تحول الحرص الى بخل وصار اذا شافها بتاخذ شي رجعه من يدها وسعره 4 او5 رايل نصيحه الانسان يحب الامساك ويحب يحرص على الفلوس ومايطلعها فلا تطاوع نفسك وحاول تتعود على هالاشياء عشان بكره ماايتحول الحرص الى بخل
|
الأخ الفاضل علي.. بالنسبة للعصير ب 12 ريال .. فسعره عادي .. وفرضاً هيا مشتهية عصير .. حتقولها لا.. نرجع البيت وطلعي الخلاط وسوي عصير..!! لا تدقق كثير.. أما موضوع.. الآيس كريم ممكن تقولها ايش رايك نشتري الكبير.. ومن هنا تدخل لموضوع الإقتصاد.. وتفهمها بطريقة لطيفة.. انه والله هذا سعره ممتاز بالنسبة للكمية.. وخدي يا حياتي الي تبغيه.. أكيد الزوجة في أول حياتها محا تكون عارفة هادي الأشياء يعني محا تفرق معاها 5 ريال مثلاً.. لأنها متعودة في بيت أهلها أبوها أو أمها الي يجيبو المقاضي ويشترولها الي نفسها فيه.. والحياة تعلّمنا.. باين عليك انسان فاهم .. وأنا معاك انه كثير من المشتريات هادي الأيام فيها نصب.. واستغلال للمستهلك وتقدر تثقف زوجتك من هذه الناحية بالتدريج من غير ما يجيها احساس سلبي .. وأعطيها دائماً احساس انك لو تعطيها عيونك محا تقصر.. |
لو انا من زوجتك وزوجي اعرف ان حالته ماديه كويسه ويقولي ليش مسرفه بعصير او ايس كريم والله بزعل وحتى لويحبني بقول لازم مايستكثر علي حتى لو ب100 مو 12
|
اخوي ما ارى مف تصرف زوجتك خطأ وهو تصرف جدا طبيعي
فلا تناقش معها هالشي ﻷنك رَﺂحّ تنحرج انت |
منت بخيييييل
بس حريص بزيادة .....بس انتبه ينقلب حرصك على راسك ترى اشوف الكريم ...كريم في كل شي ...وما فيها شي ....12 او حتى 100 ريااال يا خي من نفسها ولا تسد نفسها بحرصك ومممكن انت تدخل المطبخ وتسوي عصير من الفواكه الغالية الثمن الي جايبها وذوقها وقولها ها وش رايك في الطعم عصيرك دا الي بـــــــ 12 ريال ولا االزين الي عندي ابو ؟؟؟؟؟؟ ريال (من باب ان الزين عندك وتركتيه مو المقصد حرص او بخل او اسراف )خلك حريص على عدم زعلها وشوف ردة فعلها |
الاقتصاد نصف المعيشة
كلمة دائما يرددها ابي والتبذير كما هو معروف حرام لذلك لاعيب في ان يعلم زوجته كيف تقتصد في استهلاكها . |
زميلتي تقول زوجي فيه وفيه لدرجة أنه رفض عصير بأربع ريال! وتكرر هذه العبارة كثيرا.
أخي الفاضل..المرأة حساسة جدا في مثل هذه الأمور .. لذلك كن حذرا. . . إن كنت شخص اقتصادي .. حاول أن توصل لها ذلك في الوقت المناسب وليس لحظة الشراء .. وأبدأ بشكل تدريجي .. إن لم تقتنع هي .. أخي الفاضل مثل هذه الأمور البسيطة غالبا ما تكون سبب لحدوث مشاكل كبيرة في المستقبل.. لذلك حاول أن تتجاوزها. |
هناك من النساء من تكون قد تعودت علي الصرف وعندم الاهتمام بسعر الشئ
او ان هناك شيئ اسمه ارخص او اقل فالمهم عندها هو ارضاء نفسها فقط وزوجتك يمكن جت من بيت اهلها كذا فيبغي لك توصلها الفكره حبه حبه يعني كأن تتناقش معها عن توفير مبلغ من المال لاجل شراء منزل وانه يجب تحديد ميزانيه معينه لذالك واذا طلبها للعصير في بعض الاحيان وليس دائما فلا تكدر خاطرك |
اخوي طيب انت بس قلت الايسكريم والعصير
يعني فيه اشياء ثانيه تبذر فيها ..؟ لان يمكن هالشيئين تشتهيها وتحبها ولو سوتها بالبيت موب مثل اللي تشريه من رائي ماتفتح معها الموضوع ابد الا وقت ماتشتري الشئ تقولها اذا هذا اوفر وبس |
بسألك...الحين زوجتك كل يوم تاخذ عصير أو آيسكريم
اذا صارت كل يوم هذي مشفوحة لكن إذا بالاسبوع مرة او مرتين فطبيعي وإذا ماتبي تعودها علي كذا لاتروح عند محلات العصير والآيس ابعد هناك وريح راسك |
. . سؤال يطرح نفسه .. حدد لنا كميه إستهلاكها للعصير او الايس كريم !! يومي !! أو شهري !! أو سنوي !! . |
اخوى حتى ما نضلمك بردودنا
انت شفت منها تبذير بغير هالنوعين يعنى الملابس الهدايا الكماليات ؟؟؟ |
الحمد لله إنك ما فتحت معاها الموضوع
بحس بغصه لو دريت إن زوجي يفكر مثل كذا وربما أعتقد الموضوع نوع من البخل خصوصا في الأكل وهو لا يتضمن الاسراف أو سكب النعمة مجرد شيء تحبه اقولك مثال كان زوجي يكلمني عن زميل له يبيع في محل مجوهرات شافه ودخل يسلم عليه وقال له في خصومات على الألماس خذ واحد للمدام فقاله صحيح إنها تستاهل كل خير بس خاتم صغير بـ 4000 وما فوق صعبه شوي هو قالي السالفة أنا حزت بخاطري وفضلت انه ماقال لي بالرغم ان كلامة منطقي وفعلا صعبة خاتم صغير بمبلغ وقدرة ويمكن لو كنت معاه وقالي تبينه بنفسي بقوله ما يسوى أشتري طقم ذهب أصرف لو مصر بس تجي مني مو منه لأن الوحده تحب تحس لو إنها تبغى القمر يجيب لها زوجها اياه وهذا لا يعني كونها مبذرة بل أحيانا تكون معتدلة وأكثر حرصا من الزوج فشلون انت على عصير ولا ايس كريم بـ 12 ريال الايس كريم ما يحتاج تناقشها اشتري الكبيرة وحطها في الفريزر كأنك بتدللها والايس كريم اللي تحبه عندها وأما العصير ما ظنيت إنها كل يوم بتشتري عصير من بره يعني ممكن تتحمل وتوفر في اشياء ثانية وإذا كلش مو مقتنع بادر تسوي العصيرات معاها في المطبخ وتوصل لها بطريقة غير مباشرة إن اللي في البيت أحلى وأصرف من اللي بره |
ياحبكم للمظاهر الكذابة .. والله مضيعكم إلا هالشيء ..
|
الاخوة و الاخوات لكم جزيل الشكر لهذا المشاركات الصادقة
بكل امانة هذا ما توقعته من اعضاء هذا المنتدى الطيب |
أخي لاتبخل على زوجتك خصوصاً في الأكل والشرب بالعكس المفروض أن تفرح بأن تراها بصحه جيده وتأكل وتشرب
إلا إذا كانت ميزانيتك ضعيفه فلابد من التفاهم |
فكرتك سليمه وواعيه وبالعكس مو دليل على الحرص او البخل زي ماتقولون
لو الكل فكر بالطريقه كان ماطارت الاسعار اتعودنا انه مو كل الي نباه ناخذه وهذا مافيها شي مو حرمان لكن تربيه للنفس وبعدين طرحت عصير وايسكريم وتبا العضوات ينصفونك ممكن ماوقفت فالامثله وبالنسبه لزوجتك تكلم فالنقطه هذي واقنعها بس مو وقت ماتطلب عشان مايجي فبالها شي ثاني |
مرحبا اخي علي
انا كنت مثلك ماهو مع زوجتي بس مع العلم والله اني والحمد لله مشهود للي بالكرم حتى مع اصدقائي نحن نعمل في شركة وتتراوح مرتباتنا ما بين 12 و20 الف بدون اضافي اصدقائي يسرفون كثير والمجتمع اللي انا فيه يسرف كثيرا نطلع نتعشى في مطعم 3 اشخاص 550 ريال شي غير مقبول في وجهت نضري مع العلم حتى لا استطعم ولا استلذ لهذا الاكل وكذالك بعض انواع الحلويات والايسكريم نشتري ايسكريم توفي من باسكن ب90 ريال اقولهم والله الله يبي يسخط فينا ما يصير كذاا وزوجتي كذالك تطبعت باطباع المجتمع لان اصدقائي المسرفيني زوجتي تعرف زوجاتهم واضطر اني اجاريهم كل ما يجتمعون مع وجود الشغالات معهم ما ياكلون من اكل البيت يطلبون من المطاعم فانت لا تدقق كثير راح تتعب انا الحين حتى العمل الاضافي في الشركة وقفته ليش اروح يوم الخميس والجمعه واتعب 8 ساعات وبالاخير يروح في وجبه ولا خلاص صرنا نفكر في يومنا فقط اكل اشرب اتمتع بس ما افكر قدام ما تشوف 80بالمية من الشعب السعودي ما عنده بيوت لان فلوسهم راحت في الملابس والمكياج والمطاعم وغيره كان الله في عوونك لو راتبك خمسين الف لا تفكر انك تجمع ريال واحد الحين حنا في اخر الشهر اتحدى واحد من الرجال باقي معه اكثر من 15 بالمية من راتبه الا من رحم ربي نادر او من الاثرياء اخيرا اقولك انت عود من عرض حزمة المجتمع يفرض عليك امور غير منطقيه دائما الرجل العاقل الحكيم يفكر في المستقبل له ولاسرته بيت تملك كبير وقطعة ارض او مزرعه او عمارة تدر عليه دخل بعد التقاعد لاكن يتقاعد الكثير منا بلا بيت والسيارة نضام تاجير |
صراحه انا رايي من راي الاخ
وسبحان الله اان وزوجي عكس بعض انا اقول له اشتري فاكهه انا ممكن اعمل عصير واطيب وبسعر اقل وهو يرفض الا يجيبه جاهز وباسعار مضاعفه نفس الحال على كثيير من الامور التانية احنا الي خلينا الأسعار ترتفع لان كل ما ارتفعت واحنا نشتري ليش يستغفلونا علبه العصير الصغيرة فعلا اقل شي 10 ريال مع انها حقيقة ما تكلف ريالين مو بخل ولكن جميل وضع الشي في محله |
اقتباس:
|
ماأعرف بس أحسك تبالغ
التدقيق في أمور أكبر من كذا كالملابس والإكسسوارات , و الشنط الغالية فعلا ,,اللي تجي بلوزة فوق ال200 وفوق 500 او تي شيرت عادي ب 200 و هكذا ,,أو شنط بالألاف هذه تعتبر كماليات لكن مرة في الشهر ايس كريم ب12 لو حتى بعشرين , والله مو حلوة منك أخي , هذا رأيي صحيح نكون اذكياء في تنقي ما نشتريه , لكن لو تلاحظ نفسك ستجد أنك تتبع ما تفعله ايضا ألا تشتري ساندويتش 6 او سبع ريال , مع اصدقاءك لماذا لا تذهبوا البيت و تعملوه أوفر صح ! كذلك الكوفي و المشروبات الغازية أول مرة أعرف أن الأكل فيه كمالية! الإنسان يستحق يدلل نفسه بسندويش او عصير او ايس كريم حتى لو ب20 بحيث يكون مرة في الشهر لو مرتين ,, لا تدقق في هالأمور , حاسب في امور تستحق ,,, |
اقتباس:
ولا كان سوالي سالفه وتفتحت عينه حنا الحريم عادي عندنا نصرف ونجيب ونحط حتى لو بفلوسنا ومو شرط نبذر لكن نحب ندلع نفسنا انا لو يناقشني بأكلي وشربي صراحه بزعل بقوووه |
ان شاء الله مايكونو فاهمين اني اشجع على الإسراف
بس اوقف على عصير او ايس كريم طيب انا ودي اتدلل , مثلا ماقلت احجز شاليه او اشتري ذهب , مجرد ايس كريم في نهاية طلعة حلوة او عصير يروقني بدل ما ارجع البيت اطلع الخلاط و اجهز العدة عشان فقط دلال , نعم نقوم بعمل عصير بالمنزل و كيك و حلا لكن الوحدة منا ودها بشي جاهز كذا , تدليل صغنون , لا راح يخرب ميزانية البيت و لا يضغط على الزوج ,, |
اقتباس:
اذا كل يوم زوجه بتطلب ايس كريم وعصير بـ 12 و 20 .. ما بنخلص من المصاريف ولا بنقدر نتزوج في المستقبل |
أخي أشوف تفكيرك طبيعي ... لأن اللي يشتغل ويشقى ويجيب الفلوس يكون أحرص عليها ويحاول قدر الإمكان يحط كل قرش بمحله ويوفر من الفلوس لشي آخر... بس حبيت أنبهك لا يتحول الحرص إلى بخل... الرسول صلى الله عليه وسلم تعوذ من هذه الصفة المشينة.. إنت شارك زوجتك بالتخطيط للميزانية ووضح لها تفكيرك (الإقتصادي).. لا تشدد مرة اقتصد ومرة دلل .........وخلي الأمور بينكم بود و إقتناع.. |
اقتباس:
النقطة الثانية انا قلت بشكل ما يضغط على ميزانية الزوج لأن لا ننسى فيه ناس عايشة على 3 آلالاف فقط غير اللي عايش على 10 و أكثر و بيحاسب على ايس كريم مرة في الشهر او مرتين النقطة الثالثة انت كل سالفة تجيب طاري الزواج , الأن زواجك بأخرى يعتب كمالية أيضا لأنك محصن مرتين فاستغني عن هالكمالية علشان خاطر زوجاتك ايضا و لأجل صحتك مافيها شي و الحمد لله رب العالمين |
اقتباس:
فخل يعتبر طلب الأيس كريم ياده الآيس كريم اللي بنتحر ,,يعتبر من (مرة يدلل) ,,,, |
اقتباس:
وأزيدج من الشعر بيت يا المسداني .. إن لم تخني ذاكرتي فإنني أذكر أنه قال يوماً إنه يضع يده على الجزء الأكبر من راتب زوجتيه .. يعني الـ 12 والـ 20 مب من فلوسه ولا هو اللي دافعهم ;) (ياليت الأخ يصحح لي المعلومة إن كنت ناسية أو مخربطة بين الأعضاء) المهم ;) لم أستغرب كلام الأخ علي لأن زوجي رجل اقتصادي مثله .. ويحرص على وضع الفلس في مكانه الصحيح .. بغض النظر عن قضية الغالي والرخيص .. بمعنى أنه مستعد لدفع مبلغ كبير في سلعة ما إن كانت بالفعل تستحق هذا المبلغ. أنا لم أكن كذلك في السابق .. ولكن الحقيقة أنني بدأت أتطبع بطبع زوجي شيئاً فشيئاً .. وأصبحت أرى أن بعض السلع لا تستحق أثمانها المبالغ فيها. صحيح لازلت أشتري الآيسكريم أبو 12 درهم :d .. ولكنني أصبحت أعمل العصير في البيت لأن عصيري طلع أحلى من عصيرهم ;) على كل حال .. أرى أن سلوكك العام أمام زوجتك ربما يدفعها لإعادة النظر في بعض أو حتى كل سلوكها الاقتصادي .. ولكنني لا أنصحك أبداً بأن تتحدث معها صراحة في مثل هذه الأمور .. لأنها في النهاية ـ حتى إن كانت وجهة نظرك صائبة ـ تظل أموراً بسيطة ولا تستحق أن نطلق عليها وصف إسراف. |
اقتباس:
الشنط ,الملابس , إذا رأيتها مبالغة و حتى لو قال زوجي اشتري لن أفعل لأن احس مضحوك علي مثلا الأشياء البسيطة مثلا , سلة ملابس تباع في بعض المحلات ب150 او اكثر و محلات أخرى ب20 أو 30 و نفس القوة ,,أدوات الطعام و غيرها ,,هذه اعتبر الإقتصاد فيها ذكي اقتباس:
لكن مرة مرتين لن تضر اقتباس:
أعتقد الأخ الكريم رجل طيب جدا يمتزج كلامه بين الجد و المزح فلا ندري هو يتكلم جد أولا فالله أعلم,, |
اقتباس:
لا والله يالغالية ماخانتك ذاكرتك هو ذكر في أكثر من موضوع بإنه ياخذ 70 بالمية من رواتب زوجاته الثنتين لحسابه أكيد هو يسوي كذا من باب القوامة عليهم مو الرجال قوامون على النساء ؟ فهو قوام على رواتب زوجاته :d |
:: |
| الساعة الآن 04:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©