|
اللي عمرها 28 تجاوبني رجاءً ..
السلام عليكم و رحمة الله و بركاته ..
أبغى أخد رأيكم في موضوع مضايقني و رافع لي ضغطي ،. بأقول بالتفصيل عشان لا أرجع و أعيد الكلام من جديد .. سامحوني الكلام طويل ، بس من جد متضايقة و ونفسي مسدودة عن الأكل .. و ما أقدر أحكي لزوجي عن أسرار أقاربي و لا أقدر أفضفض لأحد .. :29: زوجي من 10 أيام ، قابل واحد يعرفه ، و الشخص هذا من خلال حديثه مع زوجي ، انفتح موضوع خاص به .. و قال لزوجي ، إيش رايك بالزواج عن طريق الخطابات ..؟؟؟ لإنه جالس يدور عن عروسة و أهله كمان يبحثوا له .. زوجي أعطاه رأيه و سكت .. طبعا الرجال هذا عمره 35 سنة و من عايلة محترمة و محافظة ، و كل صلواته في المسجد و ماا عنده خرابيط الشباب ، من سفر و بنات و كذا .. و حالته المادية كويسة و حتى مظهره كويس .. و من ناحية الأخلاق و الدين فمدحوا فيه و زوجي كمان مدح فيه كثير .. بس مشكلته ، إنه مطلق زوجته و عنده بنت عمرها 4 سنوات .. زوجته رمت البنت له و راحت لأهلها و تطلقت منه .. مثل ما عرفت من زوجي .. و السبب مثل ما قال : إنه زوجته ما تسمع كلامه و تمشي دايما وراء كلام أبوها .. و أبوها يتحكم في حياتها و هي تسمح له بالشئ هذا .. و هي اللي طلبت الطلاق .. . . جاني زوجي و قال لي عن الرجال و سألني إذا بنت عمي ، تقبل فيه إذا تقدم لها و لا لأ .. ؟؟؟ عشان لو تقبل فيه هي و أهلها ، فيدل صاحبه على قريبته .. و الصراحة ، زوجي ما كان حاب يدخل نفسه في المواضيع هذه و دايم يبعد نفسه .. بس شاف إنه الرجال ما يعيبه شئ ، غير إنه مطلق و عنده بنت .. ( و أنا من خلال متابعتي لأغلب المشاكل في المنتدى ، شفت إنه هناك مرات مطلقين يكونوا مظلومين .. أو العكس ) قلت له ، طيب خليني أخد رايهم و أشوف .. و ما حبيت أعطي رأيي من راسي و حسيت مو من حقي أعطي رأيي .. و مع إنه أم البنت الصراحة ،، تتمنى تزوجها اليوم قبل بكرة .. بس ما بينت لزوجي إني مرة مهتمة ،. يعني إني ( ثقيلة ) .. :d زوجي قال اخر شئ .. ترى الرجال يقول نفسه يتزوج وحدة مو موظفة ، و إنه ما حيخليها تحتاج لوظيفتها و لا راتبها زو عشان يرجع البيت و يلقى بيته نظيف و الأكل جاهز و زوجته مستنيته و زي كذا .. فقال ، مادري إذا قريبتك ترضى تترك وظيفتها و لا لأ ؟؟؟ تأكدي منهم .. . . البنت طبعا عمرها 28 و موظفة في عمل مختلط و كل اللي يتقدموا لها ( عزاب ) و هذا أول واحد يتقدم لها ( مطلق ) بس كل اللي يتقدموا لها فيهم عيوب أو مرات هي تحط لهم عيوب و ترفض التنازل .. اللي يكون محشش ، أو يكون معاق ، أو غير سعودي و ماعنده وظيفة و زي كذا أو من مدينة ثانية .. و مرات هي ترفض لإنه راتبه ألفين و تقول ما أبغى واحد فقير ، أو واحد شهادته متوسطة و تقول ما أبغى شخص مادري إيش ، و مرات لإنه من مدينة ثانية و تقول ما أبغى أخرج من مدينتي و عشان أقدر أتجمع كل أسبوع مع أخواتي في بيت أهلي وووو إلخ و هي ( اعتذر عن الصراحة .. بس عشان تكونوا في الصورة ) ما تهتم في مظهرها كثير أمام النساء و دايم تعاند أمها و مرات تحرج أمها و ترفض تقابل الحريم .. و لا تلبس أي لبس مايناسبها و إذا أمها نصحتها ، تعاندها أكثر .. يعني ممكن مرات تدخل تقابل جارة أمها ( و تكشيرتها واضحة في وجهها ) .. و إذا أحد من أخواتها نصحها ، تقول ( ما أحب هذه الجارة ، و لا عناد في أمي ) .. صح أمها كبيرة في العمر و كلامها يجرح مرات .. بس هذه مو حجة في عدم الإهتمام بالمظهر و التعامل مع الجيران .. و مرة أهلها اكتشفوا إنها تكلم شاب بالماسنجر و الجوال .. بس خلاص هي وعدتهم إنه ما تعيدها .. و كانت حجتها ( إنه أمها قاسية عليها ) .. مع إنه أمها قاسية مع كل أخواتها و مو بس معها .. و من يومها ، أم البنت نفسها تزوج بنتها قبل . . المهم ،، بصراحة شديدة .. إذا أي وحدة في مكاني ، إيش راح تعمل ؟؟؟ أكلمهم و لا اسكت و أقول مالي دخل و أفكر في نفسي ..؟؟؟ . . و بما إنه علاقتي معهم كويسة مرة ، فحكيت للأم كل شئ عن الشخص اللي كلمني زوجي عنه .. و الأم كان رأيها ،، إنه ( إذا كان طلاقه بدون رجعة ، فما عندها مانع مبدئياً ) .. و طلبت مني أكلم بنتها و أشوف إيش رأيها ؟؟؟ رحت جلست مع البنت و نتكلم عادي ..و قمت جبت الموضوع بمزحة ، لإنه موضوع محرج الصراحة .. و قلت لها ، جبت لك عريس .. و حسيتها متحمسة .. المهم ،، قلت لها عالموضوع .. و قلت إذا ما تبغوه فخلاص نقفل عالموضوع .. و إذا مبدئيا تحسوا إنه مناسب ، فخلينا نسأل عنه ؟؟؟ . . قمنا غيرنا الموضوع ،. و نفس الوقت كنت بأقيس نبضهم .. و بعدين هي اللي رجعت و تسألني ( كم عمر بنته ؟؟؟ ) و تحكي لي عن قصة زميلتها اللي تزوجت واحد مطلق ( زوجته خلعته ) و عنده طفل .. و قالت لي إنه زميلتها مبسوطة دحين مع زوجها و جابت منه طفلين .. و صرت أشوفها مسرحة و تفكر و لاحظت إنها مهتمة و تستناني أتكلم .. فحسيت بداخلي إنها مهتمة .. و خلاص غيرنا الموضوع .. . . ما سألت زوجي ، عشان لا أبين له إننا مهتمين مرة و نفس الوقت ما قفلت الطريق أمامه .. و هو سألني يوم الربوع هذا ( هاه .. إيش صار ؟؟؟ خلاص أكلم الرجال يكلم أهله عشان يتقدموا ؟ ) قلت له ( أكيد يعني الموضوع .. و الرجال جاد من جد ؟؟؟ ) قال لي ايوة ، جالس بيسأل و يدور .. و أعطاني اسم الرجال بالكامل .. و قالت تراه صاحب ولد خالتك مررررررررررررررة و خليهم يسألوه عشان يتأكدوا .. قلت له ( طيب استنى اليوم ، أعطيك الخبر الأكيد ) .. حتى إنه زوجي قال .. طبعا أنا المفروض ما أدخل نفسي في المواضيع هذه و المثل يقول : امشي في جنازة و لا تمشي في جوازة .. بس حسيت الرجال طيب و الواحد يتشرف به .. . . و يوم زرت أقاربي و أنا جالسة .. أم البنت و لإني في مكانة بناتها و مابيننا أي حواجز .. فسالتني ؟ إيش صار في موضوع الرجال هذاك ..؟؟؟ و كانت مرة متحمسة .. قلت لها ( و الله زوجي اليوم كان بيسألني ، عشان خلاص يعطيهم رقمكم و أهله يكلموكم .. بس مادري ؟ ترضى بنتك تترك الوظيفة ؟ عشان لا يتصلوا و بعدين تقولوا اسفين ) قامت الأم سألت ولد أختها عن الرجال هذا و إذا سمع عنه .. فولد أختها مدح فيه مررررررررررررررة و في صلاته و أخلاقه و عيلته .. فالأم تطمنت و ارتاحت .. و طلبت مني إني أكلم بنتها لإنه بنتها دايم تعاندها .. و الأم جلست تفضفض لي و تقول : أخاف إنها تكبر و ماحد يتقدم لها بعدين غير المتزوج أو شخص كبير في العمر .. و أنا ما حأجلس لها طول العمر و أخوانها كل واحد منهم متزوج و مشغول بحياته .. و أخاف إنها ما تعرف مصلحتها و توصل لعمر ما تقدر تنجب فيه طفل واحد مثل فلانة .. إلخ و مافي أي شئ في الدنيا ( كامل ) و مو كلنا تزوجنا على نفس المواصفات اللي نبغاها .. و الوظيفة مو أهم من الزواج ، إذا كان الشاب طيب و أخلاق ... إلخ . . طبعا تكلمت مع البنت و سألتها ؟ و قلت لها أمك سألت فلان و مدح فيه كمان .. بس قالت لي أسألك و أخذ رايك .. على طول ردت و قالت ( مستحيل أترك الوظيفة و ما أبغاه و مو على كيفه ) . . قلت بداخلي ،، خليني أتكلم معها و أنصحها نصيحةة أخت لأختها .. بما إنه الفرصة متاحة و مو كل مرة أقدر اتكلم معها و خاصة إنها وحدة غامضة و كتومة مرة .. جلست بشكل عام اتكلم معها عن الزواج .. و بغض النظر عن الشخص هذا .. قلت لها ، بشكل عام .. مرات الوحدة إذا تقدم شخص طيب و أخلاق و دين و وظيفة .. فأول شئ لازم نستخير ، ما نعرف فين الخير ؟ مرات نتنازل عن بعض الشروط اللي ماهي مهمة ، زي يوم فلان اتقدم من مدينة ثانية و رفضتوه لإنه من مدينة ثانية .. و قلت لها و بكل هدوء و حب و نصيحة من قلب لقلب : ( الفرصة الطيبة ترى إذا جات ، ما تتكرر أبدا ) .. و الوظيفة مو أهم من الرجال الطيب و اللي يحطك فوق راسه .. قالت لي : ( ما أتعب حالي و أدرس و أأتوظف عشان أجلس في البيت .. و إذا بيوم طلقني و لا مات ، أقوم اتبهدل ) قلت لها : ( الشهادة بيدك أهم شئ ، و بعدين الرجال ترى زي الأطفال .. سهل تقنعيهم بعدين .. و الوظيفة تبعك مو رسمية .. و ممكن يجي شخص فقير و يكون طمعان في وظيفتك و راتبك و يبهدلك ؟ و لا ممكن شخص يتقدم و يرفض العمل المختلط و أغلب الرجال يرفضوا ترى العمل المختلط ) ردت علي : ( يدق راسه بالحجر و أتطلق منه وقتها و ارميه ) .. قلت لها : ( ترى الكلام هذا سهل نقوله دحين ، بس بعدين بعد الزواج .. ترى صعب و نحن مجربين .. و شوفينا كلنا تزوجنا و تحملنا العيوب الصغيرة و حياتنا مشيت ) .. المهم .. رفضت تسمع لكلامي و أصلا طول الوقت تكلمني و ترد علي ،، و عينها عالتلفزيون و في يدها الريموت. . . أمها نادتني و سألتني ؟ إيش رايها ؟ قلت لها .. ( رافضة و ما تبغى ) .. و ما قلت لأمها أي شئ من اللي دار بيننا .. أمها عصبت و قالت دحين بأروح و أخاصمها و اشتمها ، لحد متى ترفض أي أحد يجيها ، و لا يكون في بالها أحد .. ؟؟؟ و الرجال هذا الصراحة الكل مدح في أخلاقه و في أخلاق عيلته .. قلت لأمها لو تكلميها بتعاندك ،، خذي رأي أخواتها و هما يمكن يعرفوا يتكلموا معها و يفهموها ؟ و أنا ما حأرد على زوجي اليوم .. . . المهم .. البنت و أمها تخاصموا ،. عشان الأم جلست تكلمها ، و البنت طولت لسانها و زي كذا .. تخاصموا .. و صرت في الأخير أنا الغلطانة قدام البنت، لإني جبت العريس .. و مع إنه أمها قالت لها ( إنه أنا مالي دخل ، و حتى الرجال لسى ما اتقدم .. بس مجرد يسألوا ؟ و قالت الأم ، يمكن البنت ما تعجبهم و يمكن العكس .. ) و هذا اللي مريحني ، إنه الأم فاهمتني و في طرفي .. و البنت راحت و قالت للكل ، إني جبت لها عريس ( مطلق و عنده بنت ) .. مع إني يوم كنت أتكلم معها ، ما كانت هي رافضة فكرة إنه ( مطلق أو عنده بنت ) .. كانت رافضة فكرة إنها ( تترك الوظيفة ) .. فصارت تتهمني قدام الكل إني أنا الغلطانة .. :( مع إني ما ضربتها على يدها عشان توافق .. مجرد أخدت رايهم ؟ و كلامي معها في الأخير ، كانت نصايح عادية و الكلام أخذ و عطى .. . . قررت بعد كذا ، لو أحد بيدور على عروسة .. ما حأدخل نفسي أبدا .. و أفكر في نفسي و بسسسسس .. و أفكر إذا قابلت البنت ، أصارحها و أقول لها : ( مو جزاتي الشئ هذا ، أنا تكلمت معاك زي كأنك أختي و كنت بأخد رأيك ،، ليه كذا تتكلموا من وراي) . . يعني افتكر أختها ، كان أخو زوجها و حماتها بيدوروا عن عروسة .. و كان العريس مناسب مررررة ، وظيفة و شهادة و أخلاق و دين و شكل و عيلة و كل شئ .. و أحسن واحد في أخوانه .. و كانت أم البنت تقول ليه ما تدليهم على أختك و تلمحي لهم ؟ تقوم تسكت و تغير الموضوع ، و راحت بنفسها و خططبت لأخو زوجها عروسة من أخوات زميلاتها .. و ماشاء الولد دحين مريح زوجته .. حتى أمهم اشتكت لي اليوم ، و قالت الله يجزاك خير .. أحسن من أختها اللي تبعد العرسان عنها و ماتفكر فيها و لا أحد يفكر فيها .. بس الأخوات كلهم ينظروا لي نظرة حقد ، و هي ما قصرت .. راحت تبكي و تقول إني جبت لها عريس مطلق و عنده بنت ؟؟؟ من جدددد .. خيرا تعمل ، شرا تلقى .. بس قلت لزوجي .. ( خلاص انسى الموضوع ، و البنت رافضة تترك وظيفتها ) .. و ما قلت أي شئ ثاني .. |
صدقتي خيرا تفعل شرا تلقى :d
|
عمري 26 لكن برد عليك :d
الحمد لله انك ما تورطتي معها في شي,, بكره لو صارت مشكله بينها وبين زوجها بتحطها برااسك,, والشي الثااني وااضح انها عنيده ونكديه وتعمل من( الحبه قبة),,:21: وانتي الله يعطيك على قد نيتك سعيتي لها بالخير وربي يكتب لك الاجر مضااعف ان شاء الله,, |
وانا كمان عمري 26 لكن مضطره أرد عليك :) ماالومك لو أرتفع ضغطك لأن حتى أنا أرتفع ضغطي :( بصراحه لو أنا مكانك بأستخسر البنت في رجال بهالمواصفات وراح أقول لزوجي البنت ماتناسبه بدون ماأحدد ردوا على الرجال وقولوا الأسباب ((أنها رافضه تترك الوظيفه )) لأني اعرف بنات هذا طبعهم ومره صعب التعامل معاهم ولو تزوجت تبهذل زوجها بعنادها وطولة لسانها شوفي كيف أسلوبها معاك بدل ماتشكرك على أهتمامك فيها انتي وزوجك وأنكم جبتوا لها زوج صالح !! ويكفي أسلوبها مع أمها وخيره أن الرفض جاء منهم لأنه لو تم هالزواح والله العالم ماراح يرتاح الزوج مع واحده بهالمواصفات وبالنسبه لي مستحيل اسعى بزواج ألا لو كنت واثقه أن الطرفين أناس طيبين خلوقين أما غير ذلك مستحيل واحتسبي الأجر على فعلك حتى ماتتضايقي والله يجزاك خير أنتي وزوجك ماقصرتم بصراحه |
اعمل خير تلقى شر..
لاتقولين كذا انت عملت خير وكانت نيتك صافيه وان شاء الله تلقين الاجر والثواب عند الله ويكفي ان ام البنت واقفه معاك ويمكن دعت لك في ظهر الغيب صدقيني البنت متردده ودها وماودها عشان كذا تتصرف معاك كذا والله يوفقها ويوفقك ويجازيك خير ويعطيك على قد نيتك وعلى قولة المثل افعل خير وارميه في البحر |
بأضيف شئ معليه ،، حسيت إني غلطانة و جلست ألوم نفسي و أأنب نفسي ..
يعني إيش كان المفروض أعمل ؟ إذا سألني زوجي ، أقول له مرة ثانية ..ماعندنا بنات للزواج ؟؟؟ و نفس الوقت مقهورة منها ، ليه ما صارحتني من أول مرة .. ليه ما قالت ، الله يجزاك خير ..ما أبغى مطلق ؟ و قلت لكم ، أول مرة كلمتها .. حسيتها متحمسة و تسألني كم عمر البنت .. إلخ مو مريحني غير إنه أم البنت انسانة عاقلة و حكيمة و ماهي شايفتني غلطانة .. ( مع إنها قاسية صح و ما تظهر حناانها ، بس من الظروف اللي عاشتها و كبر سنها و خوفها على بنتها و ما كملت تعليمها .. يعني عمرها 70 سنة ) و حتى إنه الأم قالت لي ، زي ما أفكر في بنتي ..فأنا أفكر في ولد الناس .. و إن شاء الله يلقى وحدة تناسبه ، و حتى أي واحد من أولادي لو كان مكانه .. فنفسهم بزوجة تستقبله في البيت .. و إنها ما تشجعت تزوجه لبنتها .. غير يوم سمعت عنه و عن أهله و الكل مدح فيه . . و من جد اللي زعلني و ضايقني مرة، إنه كل أخوانها و أخواتها خلتهم ( يحقدوا علي و على الأم ) و إننا ما نبغى لها الخير لإني جبت واحد مطلق و عنده بنت ؟؟؟؟؟ مع إنه حجة الرفض تبعها ( إنها ما تبغى تترك الوظيفة ) ، مو إنه مطلق .. و المشكلة إنه الأغلبية تعاطفوا معها ، لإنها جلست تبكي و تعمل حالها مظلومة و دخلت المستشفى و عملت لهم حكاية و مقفلة جوالها و ما تبغى تكلم أحد .. . . و الموضوع هذا حصل من يوم الربوع و كنا نتكلم أنا و هي عادي .. و اليوم اللي عرفت بكل الأشياء اللي حصلت ، بإنها تتهمني و تتهم أمها و دخلت المستشفى وو إلخ .. و مادري إيش كمان قالت لهم عني و عن أمها .. ؟؟؟؟؟ ما حسيت إنه الموضوع يستاهل الزعل .. إذا كانت ما تبغاه ، فخلاص .. انتهيناا .. و نصيحتي لها كانت ( بشكل عام ، و نصيحةة أخت لأختها .. و كنت وو الله أتكلم معها بكل ذوق ) .. لإنها حتى ما تهتم في جسمها و لا شعرها و إذا أحد كلمها تقوم تزعل، و أمها يوم تنصحها و تكلمها .. تعاندها أكثر و تستقبل الضيوف بأي لبس و أمها كانت مرات تقول لي كلميها و انصحيها .. بس هي كذا ، تبغى تعاند أمها كل شوي .. حتى أمها صارت تقول لها دايما ( إنت ما حتشوفي خير في حياتك ، من اللي تعمليه فيا ) .. و مرات من غير ما تدري البنت و لا أي أحد .. اجلس أتكلم مع الأم و انصحها ( لا تقسي عليها و تكلمي معها بشويش ووو إلخ ) فأمها تقول لي ( شوفيها كيف تعاملني ..كأني ضرّتها ما كأني أمها .. و تعامل كل الناس أحسن من تعاملها معاي ) .. و مرة بعد حكاية الجوال و الماسنجر ،، تكلمت مع البنت .. و قلت لها ، أمك كبيرة في السن ، كل أخواتك شوفيهم كيف اتحملوا و ربي عوضهم و الحمدلله .. و خلاص إذا خاصمتك بيوم ، لا تردي و احتسبي الأجر عند ربنا و ادعي ربنا و زي كذا .. بس من جد ،، قررت إني مالي دخل فيها من بعد اليوم .. :( إذا أنا غلطانة ،، دلوني .. عشان كذا كل شئ كتبته بالتفصيل .. :( |
الله يوفق هالرجال
ووفقها ولكن اسمحي لي احس من كلامك ان البنت مو طبيعيه الله يصلها |
ودي ما أرد علشان ما أقول عمري
أممممم تجاوز هالرقم ..... بشوي ..:24: المشكله كلها تتعلق في البنت وأفكارها أنتي ما غلطتي.. بس لو منك ما تدخلت أبداً ولا بشيء أعطي الرجال رقمهم عن طريق زوجك وبس.. عاد تقتنع ما تقتنع يوافقون أو لا المهم ما اقطع بنصيبها ولا اتدخل ... |
يعني العريس إذا كان مطلق وعنده بنت صار.. مايقدر يتزوج في نظرهم؟؟؟ مو كل المنفصلين .. يكون فيهم عيوب كبيرة.. نصيبهم كدا.. الله يهديها.. حبيبتي انتي عملتي خير .. لا يأثر عليكي الموضوع.. لو أحد أتكلم ردي عليهم أنه الرجال ماينعاب.. وانك كنتي بتجسي نبضها .. و أدعيلها كم دعوة ..:d خيرة انها مارضيت.. أنا صراحة ماحسيت انه حيكون بينهم توافق.. وحرام بنته الصغيرة.. الله يرزقه بالزوجة الطيبة الحنونة الي تحن على بنتو.. ويرزق بنت عمتك الزوج الصالح .. الي يسعدها.. |
نحن ماعندنا في العيلة أي وحدة تزوجت مطلق و عنده طفل ..
غير وحدة تزوجت مطلق و هي كانت مطلقة و عندها طفل .. فيشوفوا دحين إني أنا وحدة ( أنانية و ما أبغى لها الخير و إني أفكر في نفسي و بس ) ..؟؟؟ و إني لو ما جبت العريس هذا ، ما كانت أمها خاصمتها يوم الربوع و سمّعتها كلام .. لإنها راحت تشتكي لهم كلهم ، إني جبت لها عريس مطلق و عنده بنت و أمها خاصمتها لإنها رفضته .. و قامت دخلت المستشفى و الكل تعاطف معها ؟؟؟ و ما قالت لهم ،. إنها رفضت عشان ما تبغى تترك الوظيفة زي ما قالت لي ؟؟؟؟ :( . . طيب هو العريس بيدي أنا اصنعه ...؟؟؟ :( :( و الأم بنفسها سألت عن الرجال و الكل مدح فيه ،. يعني ما جبت لها واحد داشر و لا سمعته سيئة و لا و لا ؟؟؟ مرة متضايقة منها و من أخواتها و أخوانها و تفكيرهم عني .. . . و هي اخر مرة تقدم لها واحد راتبه 2000 و رفضته ، و يوم نصحتها إنه أهم شئ الدين و الأخلاق .. قالولي إنت تتحملي ؟ قلت لهم إيوة اتحمل و الدليل إني رفضت كم واحد غني و اللي عنده فيلا و قبلت بزوجي و ما كانت عنده لا سيارة و لا بيت و لا وظيفة و لا شهادة .. و قبلت فيه عشان أخلاقه و دينه ،، حتى دينه طلع إنه يكذب علي و مو ملتزم و لاشئ .. :25: يعني أنا بأنصح و أحط نفسي مكان الشخص .. مو إني أفكر في نفسي .. |
الأخوه اللي قبلي كفوا ووفوا وخلاص أنسي الموضوع يفكروا زي مايفكروا المهم أك ماسويتي شي يغضب ربي
بالعكس لك أجر على هذا الفعل أنتي وزوجك وبصراحه خيره لك أنتي وزوجك أن الرفض جاء منها لأنه جد ماتليق على الرجال بسبب اسلوبها الصعب حتى مع أمها !! الله يهديها بس |
بالعكس ماشاء الله عليك رايتك بيضاء
على قولت المثل يابخت من جمع رأسين بالحلال ! انتي عملتي الي عليك والله يجزاكِ خير وماشاء الله كان صدرك وسيع معها بالرغم من اسلوبه الجاف معك هذا بدل ماتشكرك والعريس حسب ماقلتي من مواصفات مناسب مره |
احسس انو خيرره لك وللعريس
هيه طباعها صعبه الله يهديها .. ولو قبلت فيه بالضغط عليها اتوقع بتصير مشاكل بالمستقبل بينهم لو تزوجته .. وتنحرجوو انتي وزوجك قدام الرجال شكله انسان طيب وربي معاه وموفقه الله يرزقها ويرزقه وانتي لاتندمي على خير سويتيه والله اعلم بالنيات انسى السالفه ولايهمك كلامها لانو الكل عارفها هيه وكمان عارفينك انتي مين ولاراح احد يظلمك بشئ |
الله يهدينا واياها ماتعطي نفسها مجال للتفكير بعقل بسبب عنادها وعصبيتها .. الأحسن انك ماعاد تفتحي الموضوع معها ... |
أبغى أقولك نكتة :d
يقولك في واحد أنقذ غريق ورجع رماه في البحر لييش ؟ عشان يطبق المثل : اعمل الخير وأرميه في البحر :d عادي ، يا ما في ناس تخدمهم وتتفانى في خدمتهم لكن ما يبان فيهم فدايما خلي شعارك ( اعمل الخير وارميه في البحر ) ولا تنتظري شكر من أحد وتوقعي كل الاحتمالات وأسوأها مع إن الموقف هذا بصراحة ما تنحسدي عليه : اقتباس:
ومستعد أمشي في جوازات مو جوازة واحدة لو كنت أقدر بغض النظر عن ردات الفعل القاسية وإذا زوجك يقول امشي في جنازة أنا أقولك يا بخت من وفق راسين في الحلال إنت سويتي اللي عليك وأجرك إن شاء الله ما يضيع سعيك في هذا الموضوع هو سعي إيجابي حتى لو كانت النتيجة عكسية وأنصحك لو في واحدة تانية من قريباتك جالها عريس عن طريق زوجك ما تترددي في لعب دور الوسيطة وما في مانع تشتغلي خطابة :d وعملك هذا هو ترجمة إيجابية لصلة الرحم وإنت حبيت تساعدي أهلك وناسك وكله بأجره بس أهم شي لا تخلي الموقف هذا يعيقك عن عمل الخير مستقبلا الله يوفقك |
ههههه القصة ضحكتني وحاسة انك منفعلة وانتي تكتبي يحقلك
رااي البنت دي ابعدي عنها احسن وخلي وظيفتها تنفعها وانا بي عمر 30 لو جانى مطلق وعندوا بنت مااوافق |
ينقل لقسمه الأنسب
|
بالعكس ياأختي ماغلطتي انتي نيتك سليمه وهي جمع رأسين بالحلال
سبحان الله خير تعمل شر تلقى بعض الناس ماينفع فيهم الطيب اذكر مر علي موقف قريب من موقفك اتصلت علي احدى قريباتي وقالت لقيت لابني عروسه وابيك تروحين مع بنتي تتعرف عليهم لاني تعبانه قلت ابشري بس بشرط ماتسألوني عن رأييي لاني مابي اتدخل قالت خلاص ولما رجعنا صارت تسألني عن انطباعي عن العروس واهلها قلت لها بينا شرط انك ماتسأليني وبعدين تم الزواج وفي ليلة العرس صار مشكله بسيطه بين ام العروس وام العريس وكنت انا قريبه منها وهي تكلم اختها وتأشر علي وتقول هي الي ورطتنا فيهم انا تفاجئت من الكذب عيني عينك وبعدين كلمت بنتها على كلام امها واعتذرت لي قالت ماعليه سامحيها هي حرمه كبيره وتنسى ومره ثانيه بس الحمد لله ماهي مثل المره الاولى قال زوجي زميلي يدور على عروسه قلت جارتي عندها بنت وبعدين وافق زميله وجاءت والدته واخته وزارو جارتي وبنتها وتم الزواج على خير وبعدها خطبو اختها لولدهم الثاني والحمدلله جارتي دائماً تدعي لي وتشكرني |
|
تعرفي انه اللي حصل خيره ليكي؟؟
لانه هذي البنت حتى لو اخذت هذا الرجل رح تفشلك وتفشل زوجك لانه عقلها مو موزون وباين انها مزاجيه والدليل لما كلمتيها اول مره مزاجها كان رايق واتحمست للموضوع وثاني مره مزاجها معكر قلبت الدنيا فوق تحت .. بس على فكره فيه ناس ممكن تفهم قصة انه جبتيلها عريس مطلق ببنت بطريقه خاطئه لانه اتذكر مره وحده من قريباتي تزوجت وبعد ما تزوجت اخو زوجها قالها اخطبيلي احد من قرايبكم ابغى اتزوج منكم بس هذا اخو زوجها سبق له الزواج وعنده طفل المهم البنت كلمت وحده من قريباتي بحسن نيه وتعالي شوفي ايش سوو فيها العيله اخذوها تريقه وانتقاد انه كيف ليكي وجه تجيبي عريس مطلق وببنت لقريبتك البكر.. ممكن تؤخذ بحساسيه .. عموما ربي نجاكي من المصيبه اللي كنتي حتدخلي نفسك بيها ولاه كمان كل ما اضاربت معاه رح يدخلوك انتي وزوجك بالنص لانه انتم اللي جايبينه وانتم اللي مادحينه وهما طبعا مارح يشوفو الغلط على بنتهم اكيد دائما حيركبو الغلط على الزوج.. |
[QUOTE=روح الطير;2636806]السلام عليكم و رحمة الله و بركاته ..
مادري إذا قريبتك ترضى تترك وظيفتها و لا لأ ؟؟؟ تأكدي منهم .. . . البنت طبعا عمرها 28 و موظفة في عمل مختلط و كل اللي يتقدموا لها ( عزاب ) و هذا أول واحد يتقدم لها ( مطلق ) بس كل اللي يتقدموا لها فيهم عيوب أو مرات هي تحط لهم عيوب و ترفض التنازل .. و هي ( اعتذر عن الصراحة .. بس عشان تكونوا في الصورة ) ما تهتم في مظهرها كثير أمام النساء و دايم تعاند أمها و مرات تحرج أمها و ترفض تقابل الحريم .. و لا تلبس أي لبس مايناسبها و إذا أمها نصحتها ، تعاندها أكثر .. يعني ممكن مرات تدخل تقابل جارة أمها ( و تكشيرتها واضحة في وجهها ) .. و إذا أحد من أخواتها نصحها ، تقول ( ما أحب هذه الجارة ، و لا عناد في أمي ) .. ليه ياروح ماعهدناك هكذا ماكان وضعتي هذا الكلام الله يبارك فيك بالله لو وافقت كان قلتي عنها معليه لكل جواد كبوة لا يحملك ردة فعلها على هذا الله يوفقج صح أمها كبيرة في العمر و كلامها يجرح مرات .. بس هذه مو حجة في عدم الإهتمام بالمظهر و التعامل مع الجيران .. و مرة أهلها اكتشفوا إنها تكلم شاب بالماسنجر و الجوال ..:25::25: بس خلاص هي وعدتهم إنه ما تعيدها .. و [COLOR="red"] كانت حجتها ( إنه أمها قاسية عليها ) .. و من يومها ، أم البنت نفسها تزوج بنتها قبل بصراحة شديدة .. إذا أي وحدة في مكاني ، إيش راح تعمل ؟؟؟ أكلمهم و لا اسكت و أقول مالي دخل و أفكر في نفسي ..؟؟؟ . . و بما إنه علاقتي معهم كويسة مرة ، فحكيت للأم كل شئ عن الشخص اللي كلمني زوجي عنه .. و الأم كان رأيها ،، إنه ( إذا كان طلاقه بدون رجعة ، فما عندها مانع مبدئياً ) .. و طلبت مني أكلم بنتها و أشوف إيش رأيها ؟؟؟ رحت جلست مع البنت و نتكلم عادي ..و قمت جبت الموضوع بمزحة ، لإنه موضوع محرج الصراحة .. و قلت لها ، جبت لك عريس .. و حسيتها متحمسة .. المهم ،، قلت لها عالموضوع .. و قلت إذا ما تبغوه فخلاص نقفل عالموضوع .. و إذا مبدئيا تحسوا إنه مناسب ، فخلينا نسأل عنه ؟؟؟ . . قمنا غيرنا الموضوع ،. و نفس الوقت كنت بأقيس نبضهم .. و بعدين هي اللي رجعت و تسألني ( كم عمر بنته ؟؟؟ ) و تحكي لي عن قصة زميلتها اللي تزوجت واحد مطلق ( زوجته خلعته ) و عنده طفل .. و قالت لي إنه زميلتها مبسوطة دحين مع زوجها و جابت منه طفلين .. و صرت أشوفها مسرحة و تفكر و لاحظت إنها مهتمة و تستناني أتكلم .. فحسيت بداخلي إنها مهتمة .. و خلاص غيرنا الموضوع .. . . . . و يوم زرت أقاربي و أنا جالسة .. هنــــــــــــــــــــــــــا تكمن المشكلة واللي أثار البنت و الأم جلست تفضفض لي و تقول : أخاف إنها تكبر و ماحد يتقدم لها بعدين غير المتزوج أو شخص كبير في العمر .. و أنا ما حأجلس لها طول العمر و أخوانها كل واحد منهم متزوج و مشغول بحياته .. و أخاف إنها ما تعرف مصلحتها و توصل لعمر ما تقدر تنجب فيه طفل واحد مثل فلانة .. إلخ و مافي أي شئ في الدنيا ( كامل ) و مو كلنا تزوجنا على نفس المواصفات اللي نبغاها .. و الوظيفة مو أهم من الزواج ، إذا كان الشاب طيب و أخلاق ... إلخ . . طبعا تكلمت مع البنت و سألتها ؟ و قلت لها أمك سألت فلان و مدح فيه كمان .. بس قالت لي أسألك و أخذ رايك .. على طول ردت و قالت ( مستحيل أترك الوظيفة و ما أبغاه و مو على كيفه ) . . قلت بداخلي ،، خليني أتكلم معها و أنصحها نصيحةة أخت لأختها .. بما إنه الفرصة متاحة و مو كل مرة أقدر اتكلم معها و خاصة إنها وحدة غامضة و كتومة مرة .. جلست بشكل عام اتكلم معها عن الزواج .. و بغض النظر عن الشخص هذا .. قلت لها ، بشكل عام .. مرات الوحدة إذا تقدم شخص طيب و أخلاق و دين و وظيفة .. فأول شئ لازم نستخير ، ما نعرف فين الخير ؟ مرات نتنازل عن بعض الشروط اللي ماهي مهمة ، زي يوم فلان اتقدم من مدينة ثانية و رفضتوه لإنه من مدينة ثانية .. و قلت لها و بكل هدوء و حب و نصيحة من قلب لقلب : ( الفرصة الطيبة ترى إذا جات ، ما تتكرر أبدا ) .. و الوظيفة مو أهم من الرجال الطيب و اللي يحطك فوق راسه .. قالت لي : ( ما أتعب حالي و أدرس و أأتوظف عشان أجلس في البيت .. و إذا بيوم طلقني و لا مات ، أقوم اتبهدل ) قلت لها : ( الشهادة بيدك أهم شئ ، و بعدين الرجال ترى زي الأطفال .. سهل تقنعيهم بعدين .. و الوظيفة تبعك مو رسمية .. و ممكن يجي شخص فقير و يكون طمعان في وظيفتك و راتبك و يبهدلك ؟ و لا ممكن شخص يتقدم و يرفض العمل المختلط و أغلب الرجال يرفضوا ترى العمل المختلط ) ردت علي : ( يدق راسه بالحجر و أتطلق منه وقتها و ارميه ) .. قلت لها : ( ترى الكلام هذا سهل نقوله دحين ، بس بعدين بعد الزواج .. ترى صعب و نحن مجربين .. و شوفينا كلنا تزوجنا و تحملنا العيوب الصغيرة و حياتنا مشيت ) .. المهم .. رفضت تسمع لكلامي و أصلا طول الوقت تكلمني و ترد علي ،، و عينها عالتلفزيون و في يدها الريموت. . . أمها نادتني و سألتني ؟ إيش رايها ؟ قلت لها .. ( رافضة و ما تبغى ) .. و ما قلت لأمها أي شئ من اللي دار بيننا .. أمها عصبت و قالت دحين بأروح و أخاصمها و اشتمها ، لحد متى ترفض أي أحد يجيها ، و لا يكون في بالها أحد .. ؟؟؟ و الرجال هذا الصراحة الكل مدح في أخلاقه و في أخلاق عيلته .. قلت لأمها لو تكلميها بتعاندك ،، خذي رأي أخواتها و هما يمكن يعرفوا يتكلموا معها و يفهموها ؟ و أنا ما حأرد على زوجي اليوم .. . . المهم .. البنت و أمها تخاصموا ،. عشان الأم جلست تكلمها ، و البنت طولت لسانها و زي كذا .. تخاصموا .. و صرت في الأخير أنا الغلطانة قدام البنت، لإني جبت العريس .. و مع إنه أمها قالت لها ( إنه أنا مالي دخل ، و حتى الرجال لسى ما اتقدم .. بس مجرد يسألوا ؟ و قالت الأم ، يمكن البنت ما تعجبهم و يمكن العكس .. ) و هذا اللي مريحني ، إنه الأم فاهمتني و في طرفي .. و البنت راحت و قالت للكل ، إني جبت لها عريس ( مطلق و عنده بنت ) .. مع إني يوم كنت أتكلم معها ، ما كانت هي رافضة فكرة إنه ( مطلق أو عنده بنت ) .. كانت رافضة فكرة إنها ( تترك الوظيفة ) .. فصارت تتهمني قدام الكل إني أنا الغلطانة .. :( مع إني ما ضربتها على يدها عشان توافق .. مجرد أخدت رايهم ؟ و كلامي معها في الأخير ، كانت نصايح عادية و الكلام أخذ و عطى .. . . قررت بعد كذا ، لو أحد بيدور على عروسة .. ما حأدخل نفسي أبدا .. و أفكر في نفسي و بسسسسس .. و أفكر إذا قابلت البنت ، أصارحها و أقول لها : ( مو جزاتي الشئ هذا ، أنا تكلمت معاك زي كأنك أختي و كنت بأخد رأيك ،، ليه كذا تتكلموا من وراي) . . يعني افتكر أختها ، كان أخو زوجها و حماتها بيدوروا عن عروسة .. و كان العريس مناسب مررررة ، وظيفة و شهادة و أخلاق و دين و شكل و عيلة و كل شئ .. و أحسن واحد في أخوانه .. و كانت أم البنت تقول ليه ما تدليهم على أختك و تلمحي لهم ؟ تقوم تسكت و تغير الموضوع ، و راحت بنفسها و خططبت لأخو زوجها عروسة من أخوات زميلاتها .. و ماشاء الولد دحين مريح زوجته .. حتى أمهم اشتكت لي اليوم ، و قالت الله يجزاك خير .. أحسن من أختها اللي تبعد العرسان عنها و ماتفكر فيها و لا أحد يفكر فيها .. بس الأخوات كلهم ينظروا لي نظرة حقد ، و هي ما قصرت .. راحت تبكي و تقول إني جبت لها عريس مطلق و عنده بنت ؟؟؟ من جدددد .. خيرا تعمل ، شرا تلقى .. بس قلت لزوجي .. ( خلاص انسى الموضوع ، و البنت رافضة تترك وظيفتها ) ..:22::22: جزالك الله خيرا ياعزيزتي انتي فعلت خيرا ومالونته بالاحمر هو اساس المشكلة أختي بنت خالتك انت قمت بمعروف ولا تفكرين اسأت انت بما أنك حاسة انه مناسب ماعليك لوم بنت خالتك اللي اثارها أمرين الامر الأول : امها قالت لك كلام مادري ممكن هي سمعته وكأنه تشتكي منها والثاني : ممكن فكرت في نقطة وهو انه كلهم عزاب وهذه اتت بمطلق لكن موب السبب الرئيسي والدليل في البداية مدحت وضع رفيقتها الثالث: الوظيفة ممكن صعب احد يتنازل الرجال الواحد مايثق في بعضهم ممكن فكرت لو تنازلت ممكن ماتمشي الحياة وتطلق ومن هو نافعها لكن ممكن تكلميها بس أخاف ردة فعلها تكون قاسية أو ترسلين رسالة وتقولين جزاك الله خير وهذا انا معتبرتك اختي واهتميت بموضوعك في النهاية تخليني كأني أسأت لك وانت عارفه جوا نفسك انا ماعملته ليس الا لك احس كذا وايــــــد احسن أختي لاتقولي امشي في جنازة اعملي الخير واطلبي الاجر من ربك اختي انا لو بعمرها والله لايكتب علي لا مطلق ولا متزوج أختي انا جابت لي زميلتي عريس يالطيف مريض بحيث مايتبرز الله يكرمك الا بكيس الله يشفيه كله عشان اعزب صحيح زعلت لكن قلت الله يجزاها خير انها فكرت فيني لأن عارفه موب قصدها اهانتي لكن هذا اللي قالوا لها عليه (بس لايؤمن احدكم حتى يحب لأخيه مايحب لنفسه ) أختي حطي نفسك مكانها وبوضعها إذا انتي احد خطب اح توافقين لك مثل المواصفات اللي جايبتها لها راح توافقين وتفرحين خلاص بمعنى انتي حبيتي الخير بس اليت تلوميها بس ادعي الله يكفيك شرها لعل امها سببت لها عقد او امور جعلتها بنفسية لاتتقبل موفقه روح |
روح رايتك بيضاء سويتي اللي عليك وزياده ويمكن خيره للاثنين من ربي ان هالخطبه ماتتم ،،
موفقه يارب . |
مايعجبها العجب !
بجد وحده عنيييييييييييييييده وفيها مكاااابره بعد . الله يكتب اجرك . |
انا انا انا عمري 25 سنه اقدر ارد
شوفو احيانا يكون الموضوع عنوانو الرجال فقط ترد ندخل نرد ويقولو في موضوع تاني للنساء فقط وايضا الاعضاء يردو ولكن انو تحددو العمر ترا والله صعبه طيب نرجع لموضوعنا بجد انتي زعلانه المسكين تقولو انو ترك زوجتو لان ما كانت تحترمو وووووو طيب بنت عمك والله يمكن تحط بحصه لزوجته الاولى يعني من تحت الدلف لتحت المزراب حراام المسكين الله يرزقو للي تعرف قيمتو وتصونو بنت عمك معذوره بهذه الاخلاق امها كبيره في السن وما عاد تقدر تربي اكيد اعياها المرض مسسكينه والله لو تمت هالجوازه كان رح يدعي عليكي انتي وزوجك ابحثي له عن غيرها فكري منيح صحيح عمري 25 بس عقلي يوزن بلد مثل اللي عمرها 46سنه هههههههههههههه |
عمري 24 سنة بس برد أشوى ان الموضوع تفركش :25: حرام يا روح الرجال طالع من طلاق تبلونه بوحدة مثل هذه :11: تصدقين رووووح من قريت هالمواصفات : اقتباس:
من يوم قريت هالمواصفات وانا قلبي على يدي وأنتظر النهاية قلت معقول روح تزوجها للرجال , لأن مافي تكافؤ بينهم أبدا :21: البنت طبعها صعب من قبل ما أعرف وش سوت معك بالنهاية.. المهم عزيزتي وأنا معك 100% لا تدخلين بزواج الا تكونين عارفة طرفين 100% وهالبنت بصراحة ما تستحق أنك تسعين بزواجها لأنك بكل بساطة راح تبلين رجال فيها , حتى لو قلتِ بسوي فيها خير ولكن ما بتسوين فيه خير وبتكونين غشييتيه صدقيني ربي أراد فيك خير وفي الرجال لأن لو زوجتيه منها يمكن طول عمره يدعي عليك والله يهدي البنت ويعوضها ويحنن قلب أمها عليها ... حلوة القصة روح ولا توقفين عندها بالعكس عقبة وتعلمتي منها بالتوفيق |
اقتباس:
بصراحة....لا تدخلي نفسك في متاهات انت في غنى عنها فقد يتطور الامر الى حدوث مشاكل بينك وبينهم لا سمح الله ويصير ما لا تحمد عقباه |
الحمد لله .. الله يهديك يا أختي ... بغيتي تجلبـين النار للرجل المسكين هو وبنته الصغيرة ... ما يكفـي أنه لقى عوار الرأس من الزوجة الآولى ... ناقص الضربة اللي تفقع الرأس :29: بس الحمد لله ربـي يحب هذا الرجل ... ويريد له الخير. مع آحترامي لكِ: قريبتك: لا ديــن لا أخلاق لا عقلانية في التفكير ... لا شيء ... بـل زد عليها: عنــاد + كذِب + محادثات شباب + وما خفيِ كان أعظم. هذا بلاء ... وكفى الله أخينا المسلم شره .. وليس هو فقط .. بـل حتى أنتي كَفِتي شره أيضاً .. لأن أي مشكلة في المستقبل هذا وارد 100% وسوف يحصل بكثرة وبشكل شديد.. ستكونين طرف في الموضوع بشكل غير مباشر ... لأنكم حلقة الوصل بينهم في البداية. الخلاصة هي: قول الله تعالى (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ) |
عمري 27 بس برد :d
لاتندمين ع الموضوع بالعكس بيض الله وجهك انك تبين لها الخير سوي خير واجرك على الله <<<ذا المثل احلى من ذاك :22: تصدقين مبين ان حظ الرجال هالمره زين ان بنت عمتك رفضته ( لاتزعلين):25: والا كان الرجال تمشكل مره ثانيه ترى هو موناقص عنده بنت ويبغى يربيها الله يرزقه باللي اخير منها وهي كذالك اتمنى مايجي ذاك اليوم اللي تشوف عمرها راح وتتذكر ذا الموقف وتندم .. |
بأقول شئ أخير ، معليه أحس من كثر ما ضغطي اترفع هذه اليومين ،.
إني بأولد خلاص ..:18: أنا أدري إنه كان ممكن أقول من البداية ، الشئ اللي ما أرضاه لنفسي .. فما أرضاه لغيري .. لإني أعرف نفسي ، ما أتقبل يكون زوجي خاطب قبلي ، و رحم الله امرئ عرف قدر نفسه .. بس ما نقدر ننكر إنه كل وحدة لها شروط في الزواج ، تختلف عني و عنك و كل انسان له شخصية تختلف عن الثاني .. و الدليل إننا في المنتدى هذا، نقراه هناك اللي ممكن تقبل بمتزوج و اللي ترفض ، و اللي ممكن تتزوج مطلق و اللي ترفض و اللي تقبل إنها تتزوج بشخص أصغر منها و اللي ترفض .. مثلا .. قلت لها مرة من المرات، أهم شرط عندي إنه زوجي ( يصلي و يحافظ على صلواته ) و أزعل مرة لو أهمل في صلواته ، و هي قالت ( لا .. مو مهم ، لإنه مو صغير و هو اللي يتحاسب في الاخرة و أنا مالي دخل فيه .. ربي يحاسب كل شخص لوحده ) و قريبتي مثلا ، عندها الراتب شئ مهم و أساسي ، و أنا عندي أهم شئ أخلاق الرجال و طيبته و تعامله معاي و مع الناس .. فما أقدر أحكمها و لا أحكم غيرها .. و أنا ما جبت لها شخص ( سكير و لا تارك لصلاته و لا عاق لوالدينه و لا صايع و لا عجوز و لا ضراب و غيره ) :29: . . و زي ما قلت ، بإني يوم شفت قريبتي و من المرة الأولى ، سألتني كم عمر بنته ؟ و حكت لي عن زميلتها اللي تزوجت مطلق و مبسوطة ..فرديت عليها و قلت لها ، ما عرف و الله كم عمر البنت .. بس بأخذ التفاصيل كلها من زوجي .. فما ردت و لا اعترضت ؟ و لا قالت لي وقتها ( لأ لا تسأليه .. و ما أبغى مطلق و انتهينا ) .. فعلشان كذا ، أخذت التفاصيل من زوجي المرة الثانية يوم كلمني .. و هي لها حرية الرفض و القبول .. . . و أنا و الله اسفة عالعنوان يا صبايا ، و إني حددت العمر ،. :d و ما قصدت إنه بس اللي عمرها 28 تدخل هنا و ترد زي ما فهمتوا :D بس قلت ، أبغى أعرف ؟ يمكن أسأت لقريبتي من غير ما أدري ؟ يمكن إذا وحدة في نفس عمرها و نفس وضعها ، بتنقل لي مشاعرها ؟ يمكن أقدر أعرف فين الغلط اللي عملته و من غير ما أدري ؟؟؟ . . و اللي صار اليوم طبعا .. إني تكلمت مع أختها الكبيرة و هي اللي فتحت لي الموضوع .. و فهمت منها إنه هي و أخوانها و أخواتها فهموا ( غلط ) و كل واحد فسّر من راسه .. و قلت لها ( تعالوا أسألوا .. تكلموا .. مو من حق أي شخص يتكلم و يحكم من عنده و قبل لا يسمع مني ) و حكيت لها كل شئ .. في البداية قالت لي : ( ليه تغصبوا البنت إنها تتزوج مطلق ، و ليه تقولوا لها اتركي وظيفتك ؟ و ليه و ليه و ليه .. ) رديت عليها بكل اللي قلته لكم .. و قلت لها إنت ما كنت موجودة ، فكيف تحكمي من كلام تسمعيه من هنا و هنا .. و إني لو ما حسيت أختها متحمسة و تسألني عن عمر بنته و كذا و لا لو لاحظت إنها تضايقت.. كنت قفلت عالموضوع .. و بعدين أنا مجرد إني جيت و سألتها و ماحد غصبها ،، الرجال لسى و لا يدري حتى عن الموضوع .. :( و لا حتى جاء و اتقدم .. بس ما حبت أمك إنه يجيب أهله و بعدين تعتذر و تقول اسفين و بنتي رفضت و تبغى تشتغل ؟ حتى أمها ما غصبتها .. بس خاصمتها عشان مصلحتها و الكل يدري إنه أمها كلامها قاسي و كبيرة في العمر .. المهم .. في الأخير ، قالت لي أختها الكبيرة : ( و الله إنك ما غلطتي أبدا ، و بالعكسسسسس مواصفات الرجال مرررررة ممتازة .. و خاااااااااااااااصة يوم عرفت إنه صاحب فلان - قريبنا - ، الصراحة تطمنت أكثر ،، و لإنه قريبنا هذا بالذات .. انسان ثقة و نعرفه ما يصاحب أي شخص إلا و يكون متأكد من أخلاقه و تربيته .. و زوجك لو فتح الموضوع ، فكلميني و أنا أقنع أختي ، و من جد خسارة .. و أختي تسرعت بالرفض ) .. قلت لها : ( خلاص الموضوع اتقفل نهائي من يومها، و أنا ما حأتدخل مرة ثانية في مواضيع زي كذا ) .. . . و طبعا ،، اللي قالوا إنه الشخص يستاهل زوجة تعوضه عن طليقته .. فمعاكم حق و هذا نفس كلام أم البنت .. قالت لي : ( خلاص اعتذري من زوجك ،، و أنا زي ما أبغى مصلحة بنتي .. كمان ولد الناس زي واحد من أولادي و أتمنى مصلحته و يستاهل إنه يتزوج وحدة تهتم فيه و تهتم في بنته .. و بنتي ما تنفع له .. و من بعد اليوم خلي أخوانها و أخواتها ينفعوها و أنا شلت يدي منها .. خليها لا تتزوج و بكرة لا تقول أمي السبب ..لإنها مسؤولة عن نفسها ) .. . . هذا اللي حصل .. :11: |
الحمد لله ان اهلها تفهموا موقفك , هذه اهم نقطة انه ما تكون بينك و بين أقربائك حزازيات,,حسيتك خايفة من أنك تسرعتي بمحادثتها أو أخطأت و هذا غير صحيح أنت حبيتي الخير لها لكن ما جى على مزاجها!
خلاص عرفتي طبعها و هي عنيدة متمسكة برأيها أكيد يناسبها شخص آخر ,و هو سيلقى نصيبه مع غيرها و أنت سويتي اللي عليك و ماعليك أي ملامة |
عزيزتي اسرة ..
إن شاء الله أنسى بسرعة و الحمد لله إني مجرد ما أتكلم ، خلاص أبدأ أنسى .، بس ما حأدخل نفسي مرة ثانية .. و من جدددد الحريم غلبوا كيد الشياطين :29: أمها مقهورة منها و تقول ( من جد ، ضربني و بكى و سبقني و اشتكى ) .. :( كأني ضربتها و لا غصبتها عليه ؟ ++++++++++++++ عزيزتي أصعب حكاية .. لو تطور الموضوع ، كنت حأقول لهم من البداية .. هذا اسمه و هذا مكان عمله و هذولا أصحابه .. اسألوا بنفسكم و قرروا و أنا بأخرج عن الموضوع .. و المشكلة حاليا ، إنها ما حكت لأخوانها و أخواتها عن مواصفات الرجال .. و ما قالت لهم ، رفضته عشان وظيفتي ؟ دقت عليهم تبكي - تمثيل طبعا - و قالت لهم و أنا جالسة قدامها .. ( اهيييييئ اهييييييئ .. رووووح الطير جابت لي عريس متزوج و ماما غصب عني تبغاني اتزوجه و باقي الكلام ما سمعته ، لإني فتحت عيوني و فمي مو مصدقة اللي تقوله عني ) و بعد يومين عرفت باقي الحكاية و إنها دخلت المستشفى ووو إلخ و باقي الحكاية .. :( و لحد دحين ما شفتها .. و مالي نفس أقابلها .. +++++++++++++++ عزيزتي أحب زوجي .. ما أدري إنها هي كذا بتفهمني ؟؟؟ و شفتيها من البداية ما عارضت الفكرة .. بس شكلها رجعت من العمل متضايقة و حطت حرتها فينا و صرنا نحن كبش الفداء .. :( +++++++++++++++ عزيزتي أم مشموشة .. أدري إنه الأم قاسية على بنتها ، و البنت مضغوطة من أمها .. و كنت أحن عالبنت و أكلم أمها دايما بس البنت لازم تكون عرفتني خلاص ، لإنه مو أول مرة أجلس معها لوحدنا و أتكلم معها و أنصحها .. و مرات حتى أمزح معها و نتريق مع بعض ،، بس اللي حسيته و من خلال معرفتي و فهمي لها و لنفسيتها ،. بإنها لقيت حجة لنفسها أخيرا ، عشان تخلي الكل يتعاطف معها و تمنع إنه أمها تقيد حريتها و تتحكم فيها .. و تطلع المظلومة في نظر الكل .. حتى أمها تقول ( بكرة تعمل نفس الشئ مع زوجها ، و حيطلقها و وقتها ماحد بينفعها من أخوانها و المفروض أخوها الكبير يأدبها و يعقلها بدل ما يوقف معها و يتعاطف معها ) ++++++++++++++++ عزيزتي لوجينا .. امين يارب ،، بس ما فهمت ؟ كيف ماهي طبيعية ؟؟؟ يمكن فيه شئ لاحظتيه و غاب عننا ؟؟؟ لإني من جد ، تفاجأت من تصرفها الأخير .. +++++++++++++++++ عزيزتي ذكريات لا تغيب .. :d و لا يهمك ، بأغير العنوان من شان عيونك .. :d المشكلة إني ما حبيت أحط زوجي بموقف محرج .. لإنه الرجال يعرف زوجي و يعرف قريبنا و صاحب قريبنا بالمررررررة .. فأكيد إذا تقدم مثلا لقريبتي ، بيعرف إنها تقرب لصاحبه و تقرب لزوجة صاحبه .. و غير إنه الأم ( تعزّ علي ) و حبيت أول شئ أخذ رأيها مبدئياً .. ++++++++++++++++++ عزيزتي قلبي حنون .. و الله توي اللي افتكرت شئ ، تصدقي ؟؟؟ :11: أصغر أعمام البنت و هي مرة مرة تعزه و تموت فيه و تشوفها أحسن رجل في العالم ، طبعا عايش في مدينة تانية و مطلق زوجته من 10 سنوات لإنها كانت مدلعة و وحيدة أمها و أمها تتحكم في حياتهم و تبغى بنتها تعيش معها .. و عمره 40 سنة دحين ،، و تزوج من سنة ، وحدة عمرها 27 و بكر و طلعت في شعره الشيب من كثر ما تنكد عليه كل يوم و تشك و تغار عليه و غيره .. و قريبتي هذه اللي حكيتكم عنها ، هذاك اليوم تحكي لي عن عمها و زوجته .. و تقول لي : و الله ليت إنه يطلقها هذه كمان، من جد ما تستاهله ،، و دايما تعمل له مشاكل .. و هو طيب و يستاهل وحدة أحسن منه .. و هذه ما تنفع له .. بأقول لهم ، على حكاية عمهم .. إنه شخص طيب و في المرة الأولى و الثانية ما اتوفق بحياته فمو معناها إنه الرجال ماهو طيب .. :( |
عزيزتي المتفائلة ..
كان ممكن الموضوع ينتهي بهدوء و خلاص ، مجرد شخص ما ناسبها و انتهى .. بس تخليني أنا سبب المشكلة .. بجد شكيت في حالي و هذا ثاني يوم مانمت فيه :( ++++++++++++ عزيزتي حنين للأمل .. الصراحة ، جلست ألوم نفسي ، لا يكون جبت شخص غير مناسب و إني جرحتها من غير ما أحس ؟؟؟ و لولا كلامكم و رأيكم عن العريس و لولا كلام أمها بإنه شخص مناسب و ماحد ذمّ فيه و في أهله ، و لولا كلام أخوات البنت بعدين يوم عرفوا مواصفاته بإنه شخص مناسب .. كنت من جد ، جلست ألوم نفسي .. لإنه قبل كذا ، زوجي قال لي عن حكاية واحد من أصحابه ،، مطلق مرتين و يدور عن عروسة .. فقلت لزوجي ، هذا الشخص افتكر بيوم من الأيام إنك ( ذميت فيه و إنه فيه مرض نفسي و قلت إنه كذا و كذا ) .. و بنات الناس مو لعبة ، و اللي ما ارضاه لنفسي ما أرضاه لغيري ، و قفلنا عالموضوع .. و قبل كذا كمان ، يوم كنا عايشين في الغربة ،، واحد من أصحاب زوجي كان ( متزوج ) و عنده طفل واحد .. و كان متضايق من زوجته لإنها عصبية و دايم تطرده من البيت و تبهدل فيه .. و سألني زوجي إذا أعرف وحدة من المغتربات تقبل بصاحبه ؟؟؟ فقلت لزوجي ، أنصحه يرجع لبيته و يصلح أموره مع زوجته .. و أنا في المواضيع هذه ما أحب أدخل نفسي ، و إنت كمان لا تدخل حالك بينهم و ما تدري إيش بينهم .. يعني مو كل مين هبّ و دبّ ، قمت جبته و رميت قريبتي .. و قريبتي هذه مثل ما قلت ، شغلها هذا كل ما جلست فيه أكثر .. كل ما أخلاقها تغيرت أكثر .. و لو قلت لها كذا ، بتزعل مني و يمكن تعمل لي فيلم هندي كمان و إني و إني و إني :( ++++++++++++ عزيزتي على أمل اللقاء .. للأسف ، ماهم عارفين أنا مين و هي مين .. :) هم يعرفوا أختهم القديمة ، اللي كانت طيبة و على نياتها .. و ما يعرفوا أختهم اللي دحين بدأت تتغير مع الصحبة السيئة .. و كل واحد و وحدة من أخواتها مشغولين بحياتهم .. و الدليل ، إنهم يلوموا أمهم دحين عاللي صار .. و يقولوا المفروض أمنا تراعيها و تراعي إنها حساسة .. قلت لأختها الكبيرة ( معليييييه .. مين المفروض يراعي الثاني ؟ البنت تراعي أمها و لا العكس ..؟؟؟ ليه ما تقولوا للبنت تراعي أمها و تتحمل طبايعها و هي كبيرة في العمر .. بدل ما تقولوا خلي أمنا تراعيها و تتحملها ؟؟؟ انقلبت الاية من جد ) عاد ردت علي و قالت ( إنت أصلا دايما تدافعي عن أمي ) .. ++++++++++++ أخوي حرير .. هي ما أعطت مجال للتفاهم ، على طول ردت بالطريقة اللي قلت عليها .. و حتى يوم قلت لها ( استخيري ) و حتى المرات اللي فاتت كنت أقول لها ( تستخير ) .. للأسف ، ترفض و تقول مو لازم استخير ، خلاص ما أبغى و تجلس تعدد عيوب العريس .. ++++++++++++ أخوي شاطئ المحبة .. الله يضحك سنونك ، من جد عجبتني .. :D اليوم بأقول النكتة لزوجي و أضحكه ، لإني من أمس أقول له قول لي نكتة .. و إذا سألني مين قال لك النكتة هذه ، بأقول له ( أبو عصام ) عشان يرميني أنا في البحر :D و أنا و الله ما أبغى منها شكر ،، بس الواحد يا يقول خير أو يصمت .. مو تجازيني بالطريقة هذه و تتظلم و تكذب كمان و زيادة تمثل عليهم و مستشفى و تعبانة و منهارة ؟؟؟لايكون العريس واقف عند الباب و جالس يسحبها من شعرها و نحن نغصبها عليه ؟؟؟ :( حتى أمها قالت لها في الأخير ( ماله داعي تعملي في نفسك كل الحركات هذه .. العريس حتى لسى ما تقدم و لا طلب و ماجيت ضربتك و غصبتك عليه .. بس من دحين أقول لك ، إنت تحملي مسؤولية قراراتك من بعد اليوم و أنا يا دوب أتحمل نفسي ) .. . . و بالنسبة لحكاية الخطّابة .. فكرتني بحكاية اثنين من أقاربنا ، كان زواجهم بالصدفة عن طريقي و مبسوطين مرة في حياتهم .. و الله إني ما قصدت أبدا و كنت ماني فاضية لأحد و حتى إني كنت متغربة وقتها و اللي فيني كافيني .، بس سبحان الله .. جات باالصدفة و لحد دحين دايما يعلقوا علي الأقارب و يقولولي خلاص اشتغلي خطابة :D 1 - وحدة من زميلاتي كنت دايم أمدحها قدام أهلي و أقول لو عندي أخ ( عدل و يستاهلها :D ) كنت خطبتها له .. فسمعتني وحدة من قريباتي و كانوا يدوروا عن عروسة لواحد من أرحامنا و أخلاقه كويسة .. و سألتني عن مواصفات زميلتي و رأيي فيها .. و تقدموا لها ، و زميلتي يوم عرفت إنهم من طرفي ، طبعا سألتني عن الشاب و قلت لها كل اللي أعرفه من ميزات و عيوب ، و الحمدلله إنهم دحين عايشين و مبسوطين و عندهم ولد ^_^ 2 - نفس الشئ واحد من أقاربنا كان يدور عن عروسة و تزوج قريبة زميلتي ، دليتهم عليها يوم حسيت إنه طبايعهم تتناسب و دحين عندهم طفلين ماشاء الله ، و الولد يمووووووووووووت في زوجته ماشاء الله .. فصاروا زميلاتي يعلقوا مرات علي من الحكايتين هذه .. و كل مرة و الله كنت أحط قلبي على يدي و أقول ، أنا الملقوفة أستاهل .. إيش اللي دخلني ؟؟؟ :( و ما اتطمن غير يوم أسمع من أهاليهم إنهم مبسوطين و الحمدلله و إنه جاهم طفل و كذا .. :) فخلاص بأشتغل خطابة من اليوم :D ++++++++++++ عزيزتي بنت مكة .. و الله إنك تستاهلي سيد الرجال :) و البنت هذه و الله أتمنى لها سيدالرجال و أمها كمان تتمنى لها .. بس نحن بيدنا نصنع الرجال ..؟؟؟ اخر مرة تقدم لها شخص أهله في نفس المدينة اللي نحن فيها ، بس هو وظيفته في مدينة ثانية و كل أسبوع ينزل عند أهله ،، قامت البنت رفضته و من غير ما تستخير و تقول ما أبغى شخص برة مدينتي .. قلنا لها ، طيب أهله هنا و كل أسبوع بينزل لأهله و مصيره بينقل عمله لهنا .. فلا تستعجلي بالرفض ؟ و شوفي أخوك و زوجته و شوفي فلانة و شوفي علانة ... إلخ قامت رفضت و قفلت الطريق خلاص .. إيش نعمل لها ؟ نتركها كذا تضيع نفسها لا سمح الله .. و قلت لها ، زميلاتك بكرة كل وحدة تنشغل بزوجها و حياتها و يمكن يتركوا العمل .. و مااحد منهم بينفعك .. بس خلاص ، لما تقفل .. تقفل مرة وحدة .. :( ++++++++++++ عزيزتي في الإنتظار .. ألف شكر و معليه تعبناك .. كنت مرة متنرفزة و مانتبهت :D ++++++++++++ عزيزتي جراح الماضي و سعادة الحاضر و المستقبل .. ^_^ و الله الحالتين اللي قلت لك عنهم ، وحدة منهم زي اللي قلتيه صار لي .. كل ما صار شئ حلو ، مدحوا فيا و دعوا لي .. و كل ما صار شئ ما عجبهم ، أخوات العريس و أمه قالوا إني أنا السبب .. و أرد عليهم ، مو أهم شئ ولدكم مبسوط مع زوجته و مرتاح ؟؟؟ و بعدين من البداية قلت لهم ، مجرد ما تصير الشوفة و تسألوا .. خرجوني من الموضوع و مالي دخل فيه .. الموضوع نصيب و قدر ، و ربي خلاني في طريقكم لحكمة يعلمها .. بس الحلو ، إنهم مرات يدعوا لولدي بإنه يتوفق في زوجة المستقبل ..:22: مثل ما فكرت في أولاد و بنات الناس .. يقولولي الأجر كبير عند ربنا إنك وفقتي راسين بالحلال ، مثل ما أقرى هنا .. بس لحد دحين ما أعرف إيش الأجر من جد و ليه أجره كبير .. ؟ :11: يمكن لو عرفت الأجر ، من جد بأصير خطابة .. :d ++++++++++++ عزيزتي سيدة الموقف .. الصراحة ، أمس أمها تقول لي .. و الله من جد ، الله يجزاه خير زوجك إنه كفاية فكّر فينا .. و لا كل أقاربها و أخوانها و أخواتها ، كل واحد يفكر في نفسه .. و إذا أحد سألهم ( يقولوا .. ما ندري ؟ ) فالحكاية إنه كل واحد مشغول بنفسه .. و يقولوا ( عزة نفس و كيف ندل أحد على بنتنا ؟ و ليه ما عندنا كرامة ؟ ووو إلخ ) و هذا اللي ضايقني من البنت ، ليه ما فكرت إني كان ممكن أقول زي أي وحدة من قريباتها : ( نفسي نفسي .. أهم شئ إني مرتاحة في حياتي و بكيفها ؟ ) و أمها ماشاء الله الكل يمدح في أخلاقها و زوجت كل بناتها و أولادها .. بس دحين الأم كبرت في العمر ، و بنتها في العمل و الأم ما تدري عن بنتها و زميلات بنتها .. ؟؟؟؟؟ لإنه البنت ترفض إنه أي أحد يبعدها عن زميلاتها و تعاند أمها و ترد عليها .. ++++++++++++ عزيزتي كريستالا .. و الله إنه أختها الكبيرة يوم تكلمني أمس ،. تقول ليه تغصبوها على واحد ( مطلق و عنده بنت ) كأنها ( بايرة و ماحد يبغاها )؟ قلت لها ، أول شئ إنت ما كنت موجودة و ما تعرفي إيش الحكاية .. و الشئ الثاني أسألي أختك الثانية ، لإنها كانت معنا و تشهد على كلامي و قبل كل شئ ، ربي اللي يشهد .. أنا كلمتها أول مرة ، و كانت متحمسة و تسألني عن بنته كم عمرها ، و حكت لي عن فلانة اللي تزوجت مطلق .. و لو حسيت بلحظة إنها تضايقت ، كنت قفلت عالموضوع .. و أختها يوم سمعت بمواصفات الرجال ،. قالت ( و الله كل شئ حلو فيه و إنت من جد ما غلطتي و لو مكانك كنت حأعمل نفس الشئ .. و نحن فهمنا غلط ، لإننا سمعنا من طرف واحد .. و إنت ما تتكلمي زي ماهي تكلمت ) .. قلت لها ( يعني دحين هذا جزاة اللي يسكت و ما يغتاب و لا ينافق ؟ من جدددد .. دنيا عجيبة ؟ و ليه ما تيجوا تكلموني و تسألوني و تصارحوني ، بدل ما كل واحد يفسر من راسه و يشيل في قلبه ؟ ) قالت لي ( خلاص .. لو مرة ثانية أحد بيجي ، كلميني أنا و أنا أكلم أختي ) .. قلت لها ( خرجوني من أي موضوع ، و ما أبغى أي مشاكل من جد .. و أختك خليني بعيدة عنها أحسن ) .. |
عزيزتي أنثى أبكت القمر ..
السبب الأول مو صحيح ، لإنها ما تدري أبدا عن الكلام هذا .. و لا السبب الثاني .. أما السبب الثالث ، و عشان وظيفتها .. فأصلا وظيفتها مو رسمية و مجرد ( تعاقد ) و حتى أخوانها رافضين فكرة العمل المختلط ، بس ما يحبوا يجبروها على ترك عملها .. و ماغصبناها تترك وظيفتها ، بس أمها تبغاها تفكر بمصلحتها و أمها كبيرة في العمر و تخاف على بنتها .. ++++++++++++ عزيزتي متفائلة .. تدري إنه أخواتها الإثنين يوم سمعوا مني الحكاية بالتفصيل .. و واحد من أخوانهم عرف كمان .. كلهم قالوا ( خسارة .. و الله إنه كان مرة مناسب لها و حتى عيلته ، الواحد يتشرف بهم ) و هذا اللي شجع أمها ، تقول حسيت عمره و ظروفه مناسبة لبنتي .. ++++++++++++ عزيزتي همس .. كيف حملك ؟ ^_^ و ما زعلني الصراحة ، غير إنها راحت تبكي و تتبلى علي و على أمها قدام الكل .. و كلهم تعاطفوا معها لإنها دخلت المستشفى .. و صاروا يحطوا اللوم عالأم و علي .. بدل ما يخاصموا البنت و يقولولها ( راعي أمك و تحمليها على كبر سنها ) .. يعني ما قدرت نصيحتي لها و الكلام اللي كان ( بيني و بينها و ماحد كان موجود ) .. و خلتني مذنبة و غلطانة .. هذا اللي زعلني من جد و حز في نفسي كثير .. ++++++++++++ خالة قرين :D :D :p أضحك الله سنونك يا ابنة العرب .. :D يا بنتي ممنوع الدخول هنا و من غير موافقة ولي الأمر ( يعني البابا و الماما ) :p تدري ..؟؟؟ يهمني إنه الرجال يرجع لطليقته و يصلح بيته و ما يهدمه .. :11: بس أنا ما كلمت البنت و أهلها ، غير يوم عرفت إنه مطلق زوجته من 10 أشهر و مو إنه بيتزوج عشان يقهرها مثلا .. طلقها طلاق بدون رجعة ، و إنه هو و أهله بيدوروا عن عروسة تقبل فيه و ببنته و تهتم ببيتها .. و عرفت إنه زوجته رمت البنت و ما تبغاها و هي اللي طلبت الطلاق ، و هو طفش من كثر ما كل شوي تمشي وراء كلام أبوها و لحد ماخربت بيتها .. يعني لو حسيت بإنه هناك أمل في إنه يرجع طليقته ، كنت سعيت بالإصلاح و نصحت زوجي ينصحه .. و قريبتي ما أبغى أدعي لها و لا أدعي عليها ، لسى زعلانة منها .. : ( ++++++++++++ عزيزتي الماضي الدفين .. ما أخبي عليك ، إنه البنت و الله ما كانت زي كذا أبداااااااااااااااا .. بس تعرفت لها على صحبة سيئة من البنات في عملها و من يومها بدأت تقلدهم .. و أمها ما تقدر تجبرها إنها تترك عملها .. و البنت مشكلتها كمان تمشي وراء كلام زميلاتها و من جد ما تعرف مصلحة نفسها .. و قلت لها ، ترى كل وحدة في الأخير بتشوف حياتها و مصلحتها .. إنت كمان فكري بمصلحتك .. بس طلعت أنا اللي ( كخّة ) في الأخير ههههه :D ++++++++++++ عزيزتي سيلا .. أنا ما حأكلمها في الموضوع، و لا راح أعبرها و لا راح أفكر فيها و حأتجنبها تماما .. اللي زعلني مثل ما قلت ، المسلسل التركي اللي عملته قدام الكل .. و أنا فاهمة ليش عملت كذا .. أخدت الموضوع حجة لها ، و عرفت تكسب تعاطف الجميع و تبغى كل أخوانها و أخواتها يلوموا ( أمها ) .. عشان يقولوا لأمها بعد كذا ( خلي البنت تعيش براحتها ) و يصير تخرج و تدخل من غير رقيب و لا حسيب .. لإنه أمها من خوفها عليها ( ما تخليها تروح مكان ، إلا مع وحدة من أخواتها أو أخوانها و بإستئذان ) .. فالبنت تنقهر من الشئ هذا و تبغى تصير مثل باقي زميلاتها اللي في العمل .. ++++++++++++ عزيزتي Fahlung <- اسمك صعب :D البنت أصلا ما كانت كذا .. بس ما تعرف مصلحتها و تمشي وراء كلام زميلاتها .. ++++++++++++ عزيزتي اندلاقة عطر الصراحة ، كنت مرات إذا قريت في المنتدى مشكلة وحدة من الأخوات إنها تتمنى الزواج .. بس إنها ما تخرج مكان و ماحد يشوفها و لا يتقدم لها .. فأفتكر قريبتي هذه ، و أقول خليني أحط نفسي مكانها .. و أمها دايم مع نفسها تجلس تفكر ، متى يجي نصيبها و ارتاح و تفضفض لي .. فهذا اللي خلاني أعمل كذا .. و من بعد حكاية الماسنجر و الجوال ، خفنا عليها أكثر .. :( و خاصة إنه شخص يشتغل معهم في نفس العمل .. و هي عقلها صغير و تسمع لزميلاتها و تقلدهم |
انتِ تـتـكلمي كثير يا روح الطير حتى عيوني عورتني وانا اقرأ :(
اتمنى ما يكون زوجك كثير حكي زيك :d عموما الموضوع اشوفه انتهى ، ودائما التدخل في امور الخطبة والزواج وبشكل اكثر بين الاهل يجر معاه تبعات ومشاكل كثيره خاصة ان كان المتكلم عنهم او المخطوب منهم صعبين المراس من الاساس . انسى الموضوع ولا كأنه صار |
لا و الله ، زوجي أمس اتكلم معاه من كثر ما كنت ساكتة و زهقانة، و هو سااااااااااااااااااااااااكت ..
في الأخير قلت له ، من جد تسد نفس الواحد عن الكلام .. :( بأسميك جوال صامت من اليوم و بأروح أفتح صفحة المنتدى .، قال حتى أصحابي يقولولي إنت ما تتكلم أبدا :25: سألته ،، طيب ليه ربي خلق لك فم .؟؟؟؟؟؟ :( قام يضحك و يقول عشان أكل :d و معليه ، تكلمت كثير ، لإني ساكتة طول اليوم.. و يوم اعصب ، أبدأ أبربر و يطلع رشاش مني .. :24: وما أظن كلامي أكثر من بنت الحكمي :d <- يا ويلي منها .. :24: . . الصراحة ، يمكن الموضوع انتهى بالنسبة لي ..:25: لإني قدرت أوضح موقفي ، و كويس إني عرفت من بدري اللي بيصير .. بس أحس إنها خلتني أخد موقف من بعض اللي غلطوا علي بالظن السيئ .. و أتجنب ( النصيحة ) مع أي أحد و ماكنت أدري إنه تفكيرها كذا عني و طلعت بدروس من جد .. |
اختي روح الطير
البنت مو تبع زواج والله فكك منها لكن استغربت لمن كتبتي ان تقدم لها معاق ورفضته؟ كيف معاق؟ ممكن توضحي؟ على فكره تذكرت موقف موتني ضحك مع وحده قريبتي هي بنت توها ماتزوجت فمره جالسين بجلسة بنات فقالت انا ابي عريس ولد مو رجال:11: فأنا سألتها وش قصدك؟ قالت ولد يعني لم يسبق له الزواج اما الرجال تزوج ههههههههههههههه قصدها زي البنت والحرمه:d ففي بنات عقلها باقي مانضج:) تحياتي لك |
عزيزتي هياء ..
بأرد عليك قبل لا أروح أجهز الغداء ^_^ معاق قصدت به، عندهم مرض وراثي هو و أخوانه الأربعة الأولاد و وحدة من أخواته .. و ممكن ينتقل للأطفال .. و ما يقدروا يعيشوا من غير استخدام ( جاهز ) مرافق لهم على طول .. فالبنت أول مرة وافقت مبدئياً عالزواج منه .. و بعدين رفضته هي و أهلها لإنهم عرفوا إنه بدون شهادة و عصبي جدا جدا جدا ، و يدخن و راتبه حدود الألفين و يمكن أقل .. و يشتغل ( صبي في محل ) و بيعيش مع أهله كمان و عيلته الصراحة كان مستواهم أقل منهم بكثيييييير ، مو من ناحية المادة .. من نواحي ثانية ، يعني تعاملهم مع بعض تحسيه ( همجي ) و أشياء ثانية .. فيعني لو كان يعاني من الإعاقة فقط ، و كان راتبه ممتاز و عنده شهادة .. كانت البنت وافقت عليه .. على حسب كلامها .. مع إنه الأم ما عجبوها العيلة ،. بس سكتت و ما تدخلت غير يوم عرفت باقي العيوب و تركت القرار الأخير لبنتها .. طيب هذا الشخص متعلم ، و تاجر ، و سليم و طيب و ما يدخن و يصلي و بس إنه مطلق و عنده بنت .. و هذاك كانت حتقبل فيه لو إنه معاق ، و ماجات وقتها زعلت و قالت لأختها ( جبتي لي وواحد معاق ) ؟ :( و حلوة الولد و الرجال :d |
باسم الله عليج يا روح وعلى أعصابج .. وباسم الله على النونو.
شوفي حبيبتي .. قناعتي الشخصية ألا أتدخل في مثل هذه الأمور .. حتى لو كانت البنت والولد كاملين مكمّلين .. والكمال لله وحده .. وحتى لو كان أحدهما قريباً لي. وتزداد قناعتي كلما كبر عمر البنت .. فالبنت ـ في الغالب حسب رأيي ـ تكون حساسة أكثر فيما يتعلق بمواصفات الخاطب كلما تقدم بها العمر .. وفي مثل الموقف الذي حدث معك فربما قالت البنت لنفسها: يعني شافتني كبرت وقربت على الثلاثين خلاص تجيب لي أي حد؟!!! أنتِ نيتكِ خير ولا شك عندي في هذا .. وابنة عمكِ بصراحة أسلوبها وشخصيتها وأخلاقها ـ خاصةً مع والدتها ـ عليها مأخذ .. ولكن حقيقةً لا أحبذ اتهامها بعدم الصراحة ولكن لننظر للأمر على أنها بينها وبين نفسها فكرت في الموضوع من زاوية أخرى ولعب الشيطان برأسها وبدأت في إساءة الظن بكِ .. يعني يبدو لي أنها تحمست في البداية ثم راجعت نفسها بعد ذلك وربما خطرت على بالها تلك الفكرة التي ذكرتُها فربطت بين مواصفات الرجل وعمرها فتراجعت عن حماسها .. وربما لذلك تبلّت عليكِ واتهمتكِ بأنكِ جايبة لها مطلق وعنده بنت! لا أقول إنها تصرفها صحيح .. ولكنني فقط أحاول تحليل سبب سلوكها وتحويرها للأمر وقولها لأخواتها كلام غير الكلام الذي قالته لكِ. على كل حال .. الحمدلله أن والدتها إنسانة متفهمة .. والحمدلله كذلك أن كلامكِ مع أختها وضح الأمور وأبرأ ساحتكِ ..... ومرة ثانية ما عليج من حد تزوج والا ما تزوج http://smiles.r6r6r.com/smiles/13/3e...2d950c9183.gif |
الله يكتب اللي فيه الخير للجميع
|
اختي الكريمه فيه جزئيه مهمه وهي الرجال اللي متقدم اتمنى انه ماينظلم مع بنت مثل هذي
لانه مااظن انه بيتحملها هذا اولا وهي بنفس الوقت ماتتحمله لانها تحس انه ضغط عليها وخلاها تترك وظيفتها فتنتظر منه انه يكون كريم معها لابعد حد والحد هذا هو ممكن يراه اسراف ...وعلى الرايحه والجايه تمن عليه ... عالاقل كونو صريحين معاه -المستشار مؤتمن- انا متاكد انه مافكر يتقدم لها الا بعد مامدحتوها انت >> وللا سف الناس اذا اسمعو واحد يفكر يخطب وحده كلهم يبدون يمدحون فيها وفيه وهذا خطا بل تبين الايجابيات والسلبيات حتى مايظلم احد ... ومبدئيا اشوف ان البنت اصلا ماتنااااااااااااسبه خافو الله فيه ... |
| الساعة الآن 03:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©