|
أود خطبتها ولكنها رافضه لخوفها من ردة فعل أهلها
السلام عليكم
كيف الحال لا اجيد في فن المقدمات لذلك سوف ادخل في التفاصيل مباشره واتمني ان اجد الجواب الشافي من الأخوه والأخوات اخترت هذا القسم لخبره الأعضاء الموجودين لذلك اتمنى عدم اغلاقه :- انا اشارك في احد المنتديات من فتره طويله وصنعت لـ اسم مميز ولله الحمد وكنت دائماً ما اضع لي خطوط حمراء لا اتجاوزها نهائياً ومنها الحديث مع النساء لـ اني لاارضى ذلك على اهلى لاكن من ثلاثه اشهر حدثت الكارثه دخلت على يوزري الخاص وجدت رساله وارده من عضوه وفيها شكوه على احد الأعضاء في المنتدى المسؤال عنه طلع الحق معها وبعدها ارسلت لي بـ الثناء وبعدها جرت الرسائل بعض ووقعت في حبها لـ الأسف وهي كذلك بلغتها اني مستعد اخطبها رسمي من اهلها لاكن هي رافضه لسببين اش راح تقول لـ اهلى وكيف عرفتني والثانيه اغلب زواجات النت دائماً مصيرها الفشل قررت اقاطعها لاكن كل فتره اضعف وارجع اكلمها قلبي مايستحمل هجرها مع العلم انها تتواصل مع بـ استمرار حتى ولو طنشتها ومارديت عليها .... اتمني منكم النصيحه وتأدلوني لـ الطريق الصحيح تعبت نفسياً وجسدياً وبدا ذلك يؤثر حتى على عملى مع العلم انها اول امراءه اتعرف عليها في حياتي اتمني ان سردت لكم مشكلتي بشكل واضح . دمتم بود |
صراحه انت رجل بمعنى الكلمه لآنك على طول فكرت تدخل من الباب مو تتسلى
ومعها حق تخاف من الزواج بك فلا تلومها لأن اللي قاعد نسمعه يخليها تتردد قبل لا تخطي اي خطوه الف مره لكن اذا كنت جاد لازم تقنعها بالزواج والله يوفقك يارب |
اقتباس:
|
عفواً اخي الفاضل تم نقله للقسم الأنسب
|
تقول
لااهلها بنظري ان اختك مثلا شافتها بزواج واعجبت بها وسئلت عنكم ووصلت لكم \وطبعا خل اختك تكلم اهللها او قول امك ... او مثلا بئي مكان تتفقون عليه هي راحت له وشافوها اهلك وخطبوها لك ... تقول ان صدقوا او لا ...الاهم انها خطبه رسميه مو لعب في لعب ... بعدين سؤال هل انت واثق فيها ...؟ |
ممكن تلاقو اكثر من طريقة تبررو فيها طريقة وصولك لأهلها والأعضاء عطوك افكار كل المطلوب منها انها تذكرلك أخر مرة كانت فيها بزواج وحد يقول انه شافها هناك لو أهلك مابيتعاون معاك قول ان زوجة صاحبك هيا الي شافتها وقالت لزوجها
اما بالنسبة لموضع زوجات النت.. انا برأي لو أنت أخترتها للأسباب الصح وكنتو انتو الأثنين واضحين مع بعض بعيوبكم قبل مزايكم بإذن الله مافي مشكله وبعدين في الأول والأخر أكيد بيكون فيه شوفه شرعية وصلاة استخاره ومابيصير إلا الي رب العالمين كاتبه والي فيه الخير وهيا طبيعي انها تخاف وانت الي لازم تطمنها وتقي موقفها. |
لو تبيك صدق بتدور بنفسها طريقه عشان محد يشك انكم تعرفون بعض من النت
اعرف وحده تزوجت عن طريق النت ومحد يعرف عنها غيري وهم مو نفس القبيله حتى ولا نفس المدينه بس البنت بعون الله ثم بفطنتها دبرتها والحمدلله متزوجين هالحين لهم سنتين وحياتهم مستقره اضطرت تألف قصه وهو بعد الف قصه على اهله ومحد شكك فيهم توكل على الله قبل كل شئ واذا تحبك بتضحي بالكل عشانك |
احيي فيك شهامتك ونبل اخلاقك
وقليل هم امثالك اسال الله ان يجعل لك من كل ضيق مخرجا وان يرزقك من حيث لا تحتسب بالنسبة لامر الفتاة ادا كانت حقا راغبة بك فانها تعرف كيف تحدث امها وتقنعها بالامر |
شاكر كل من رد وعقب وبأذن الله راح اعمل بنصائحكم
همس 2009 ايه واثق فيها |
إذا معزم؟؟ لاتناقشها تقدّم لأهلها وقول البنت ذكرت لنا وبس
وإذا لك فيها نصيب بتاخذه |
استخير
واسئل عن البنت تاكد من اخلاقها كيف اصلا قدرت تكلمك ولا تستغنى عنك ممكن تكون لعابة نصيحة الباب اللي يجيك منه ريح سده واستريح |
دامك وااااااثق
فالله يوفقكم ويجمعكم لبعض هي خائفه من اهلها ولكن انت عليك تطمئنها وتقول لها بئي نصيحه سوى اللي قلتها او اي اقتراح من الاعضاء كذا الناس يقولون اذا سئلوا الناس سبحان الله كيف تعرفوا على بعض العايلتين فيقولون بوساطة حرمه او شافتها امه بزواج او اخته بحفلة جامعة ومن هلاعذار وتمشي على الناس والاهل فهذا المناسب اخي . |
اقتباس:
احب ارد ع كلااامك .. مو كل من دخل نت لعاااب << ولا كل من ترك النت صااااالح .. الله يووفقك ياااا صاحب الموووضووع وييسرلكـ ^^ اذا نيتك تتزوجهااا :14: يعني اسهل طرريقه لمن تجي تتقدم قول لأهلهاا والله ناااس دلونااا عليكم .. وإذا قالوو مين هماا شي قولولهم اهل خيير ومايبغو يعرفوو بنفسهم << :18: << والاخووووه هناااا مااقصروو اعطووكـ حلووول ^^ بس لاتنسى تبشرناا بآآآخررر الاحدآآآآث :d |
متحطم جداً والتفكير اتعبني
طرحت جميع الحلول التي اقترحتوها وما اقتنعت احترك وش الحل معها |
يااخي
كل الحلول اللي تم طرحها مناااااااسبه ..؟ قول لها اجل وش الحل ؟؟ بنظرك ؟؟! انا ابيك زوجه لي ..فكيف يعني... قول لها ادخلي اي منتدى وقولي عطوني عذر اقوله لااهلي وطبعا تذكر نفس اسلوب موضوعك وهي صدقني بتشوف الردود وبتقتنع من كلام الناس ... واذا قدرت ارسل لها رابط هلموضوع لعل وعسى تقتنع . |
اشكر كل من ساهم بنصيحه ورد على الموضوع
عرضت عليها كل الحلول ورفضت لذلك انهيت كل شي بيننا استخرت وكلمت الوالده تبحث لي عن بنت الحلال فقط اتمنى منكم الدعاء لي بالتوفيق . اتمنى اغلاق الموضوع |
لا تعليق
|
موفق.. الله معك..
|
انت عارف وانا عارفه انكم تقدرون تخبون على اهلها واهلك طريقة تعارفكم وتجيبون لكم اي قصه بس ما انصحكم تبدأون حياتكم بكذبه
لازم انها تمتلك الشجاعه وتقول لاهلها طريقة التعارف وان شاء الله مافي شي تخجل منه مدام ماشين في السليم خلهم يعرفون مع اني ما افضل هذي النوعيه من التعارف خل نظرتك بعيده وفكر في المستقبل اغلب هذه العلاقات ان حصل منها زواج ارتبط فيها الشك طوول العمر الله يكتب لك اللي فيه الخير ويدلك على الطريق الصحيح |
خلها تقول وحده من صديقاتها دلتهم عليك خصوصا انه من حسن حظك انه من نفس القبيله سهلت عليك وانت قول لاهلك عن طريق صديق
|
اقتباس:
ماشاءلله تبارك الله عليك وعلى شجاعتك .. من جد انت شخص عازم وفعلاً حبيتها . أعجبتني فكرررة الدخوول من باب الحلال , بدلاً من الاستمررار بعلاقة الحرام .. وخسـآآرة انهـآآ رافضه مبدأ الزوااج .. ( من وجهة نظري ). وصح ماسويت وأحسسن شي الزوااج التقليدي , الله يوفقك ويسعدك ويتمملك حيآتك على خير يآآرب . ومبروووك مقدماً =) دمت بووود .. |
|
| الساعة الآن 08:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©