|
كيف ارجع زوجتي ؟((المستجدات بالرد 65))
السلام عليكم
ساعدوني مشكلتي مع زوجتي انها مهملة جدا في نظافة بيتها وكانت تحصل مشاكل بيننا وتحملت غرامات واصلاحات في الشقق اللي استأجرها بسبب اهمالها حتى وصلت معي الى مرحلة اني اضربها واهينها ..ذا الكلام لمن كنا خارج المملكة لمن رجعنا بدت المشاكل بيننا وتركت هي البيت و ظهرت بيننا اشاعات والناس ما تقصر في الزيادات والبهارات".. المهم رجعت زوجتي بعد تدخلات من الاقارب وبعد اسبوعين حصل خلاف بيننا في السيارة وقالت ودني لاهلي وتنرفزت ووديتها وندمت وحاولت ارجعها اكثر من مرة بس معندة لدرجة اني اتصلت على اخوها وتفولت على بنتي انها سوت حادث عشان تكلمني او يصير لها شي .. يعني يدقون علي ويتطمنون على البنت.. بس ولاشي.. ماتحرك فيها شي . المهم رحت اخذت بوكية ورد وعطر وساعة وطقم ووديتها لها وبعد بنتنا اللي اخذتها منها بطلبها مني ومعهم وحدة من اقاربنا عشان تكلمها والحمد لله رجعت الحين حصل خلاف بيننا وكنا في السيارة بسبب اهمالها وعدم مبالاتها بالفلوس اللي نصرفها المهم قلت لها برجعك البيت قالت طيب البنت نجيبها . لان البنت كانت عند امها بس لمن نزلت ارسلت علي البنت مع اخوها وقال لي تقول لك فلانة انساها وفعلا مشيت وتركتها وبعد ساعة ويتصل اخوها علي وبدى يتفلسف وقالي مالك مرة عندنا رحت انا جبت العيد وروح البيت واحط ثيابها في شناط واوديها لها والحين انا احتست في كل مرة تترك البيت احس اني بتجنن بدونها .... ملاحظة دايم اعتذر منها بسبب الضرب والاهانات اللي سويتها واحلف لها اني ندمان على اللي سويته معاها واغرقها بكلام الحب والغزل ونجلس اوقات على المسن نسولف مع بعض ونضحك واهيا في البيت معي حتى الجنس يعني احس اني فاهمه من كثر ما اقرأ في النت بس ماتطيق المداعبة يعني تقول ينرفزني مادري وش اللعلة الحين ابيكم تساعدوني بارآكم وتقولولي كيف ارجعها او وش الحل اللي اسوية معها والله محتاج ارآء عقلانيين |
اثنينكم مخطيين
ياخوي لييه الضرب والاهانه اكرره ماعلي يوم يقوم الرجال ويمد يده على حرمته مهما بدر منها مايحق لك تضربها وتهينهها اللي ماترضاها لخواتك ليه ترضاه لاقرب الناس لك اللي هي زوجتك يعني مافي اساليب تتبعها عشان توصلها اللي تبيه منها وتفهمها حقوقها وواجباتها الا الضرررب 00 هي ادميه ماهي حيوانه وام بنتك تمالك نفسك عند الغضب يعني بدل مايكون الحق لك صار عليك وهي لما تروح لاهلها كل شووي اكيد شافت منك الخضوع والدلال في كل مرره تردها عشان كذا صار عند كل صغيره وكبيره ودني لبيت اهلي ممكن بنظرها شافت ان هالاسلوب ((اسلوب ودني بيت اهلي ))) هو الاسلوب الوحيد اللي تقدر تجيبك به الحل اصلح من نفسك اول وافهم الحياه الزوجيه زين وصحح اخطائك الله يصلح بينكم00 |
طعن قلب يسلمو
والله اني ندمت على اللي كنت اسوية معها وبديت ادللها عشان انسيها اللي سويتة معها بس صارت من ازعل ما تسا عني واذا زعلتني تشرد لاهلها ماعرفنا لكم يالحريم اذا دللناكم قلبتو علينا شكل بتزوج وارتاح تنصحوني بهالفكرة احس محتار |
اقتباس:
بأنو جاها حادث اتق الله في نفسك |
ياليل حزني اكبر
الف شكر دعواتك |
السلام عليكم
لا تعتقد اخي ان اعتذارك بعد الضرب يزيل اثره ولو زوجي لا سمح الله ضربني مرة فلن اسكت له لان الضربة الاولى ستتبعها ضربات وانت مستسهل الضرب وتظن ان الموضوع انتهى بالاعتذار والهدايا والحقيقة انها لن تنسى ضربك لها أبدا وأحسنت بالبقاء حاليا عند اهلها لتراجع انت نفسك واسلوبك في تعاملك مع شريكة حياتك سواء هي او غيرها انصحك اذا عادت ان تخرج من المنزل كلما شعرت برغبة في ضربها وان تكون جادا برغبتك في التغيير وارجو منك ان عادت معك للغربة ان لا تستغل ضعفها وبعدها عن اهلها وتسيئ معاملتها فربما هذا ما يجعلها مترددة او بالاحرى رافضة للعودة إليك الحل اخي الكريم يبدأ جذريا من نفسك فعاهد نفسك قبل ان تعاهد زوجتك على تغيير أسلوبك اصلح الله ما بينكما وقدم لكما الخير |
صح أنك غلطان وضربتها بس مع كل ضربه تتأسف
وتعتتذر خللك حازم شوي اذا كانت هي كل شوي اللي تقول ودني بيت اهلي اهي عرفت نقطة ضعفك انها كل مازعلت وقالت ودني بيت اهلي تعرف انك بتجيها ركض وتراضيها مثل كل مره وتزعل مره ثاني وتقوللك ودني بيت اهلي وتجي انت وتراضيها ياااخي خذ للك موقف هي اللي طلعت من بيتها مثل ماطلعت ترجع هي بنفسها الشئ اذا زاد عن حده انقلب ضده انا اقوللك خلهاااااااااا في بيت اهلها الين هي تكلمك وتقول رجعني وبعدين وش قصة السياره ماتتهاوشون الابسياره ياأخي في اوقات جيده تناقش معها فيها من ناحية اهمالها وتقصيرها فرج الله همك ورزقك الله |
اقتباس:
بس ضربي لها مو حلا يعني كل شوي وانا امد ايدي حالة الضرب بدت بعد ما جاتني الغرامة الثالثة وهي 20000 الف دولار طبعا قبلها سببت لي غرامات غير فواتير الجوال اللي ما بين 600 دولار الى 1000 دولار يعني انا ما مديت يدي الا بعد ما اقتنعت انهما يفيد معها النقاش بس ندمت على اللي سويتة معها وهي من البداية غير مقتنعة بكل اللي اسوية يعني كل اللي السوية لها عندها عادي وتقول ما سويت لي شي تعبت معاها اشكرك على النصيحة |
اقتباس:
يسلم لي راسك |
تعتقدون اذا طنشتها تجي ركض
ياجماعة باقي 12 على السفر ابي حلول |
سفرك بيطول
|
سنة تقريبا وارجع اجازة
|
عندي سوال للمتزوجات
هل هناك امرأة تكرة المداعبة قبل وبعد الجماع احس امر زوجتي محيرني |
والله سنه كثيره
وصعبه لو رحت بعد لحاللك وزوجتك ماهي معك انا اقول راضيها هاذي المره علشان بس انت بتسافر ونت حاول تحتويها وتحسسها بالامان وحط للك وقت في مناقشة المواضيع اللي تضايقك منها ولاتضربها ياأخي مهما ارتفع ضغطك امسك نفسك وحاول تغير من شخصيتك ون كررت هاذا الامر وقالت على اتفه شئ ودني بيت اهلي قول تبين تروحين خلي اهللك يأخذونك ون راحت مثل ماطلعت تبي ترجع ترجع من نفسها لاتجي انت مثل كل مره ترجعها ون شاء الله احد يفيدك اكثر مني |
اقتباس:
ما ننحرم من آرائك يالغلى |
مره سألني زوجي قال متى ممكن تطلبين الطلاق مني؟
قلت لمن تمد يدك علي؟ هو انصدم وحسيته زعل لكن انا صادقه مستحيل اعيش مع انسان يعاملني كالبهيمه ولو انا مكانها كان رديت عليك بنفس اسلوبك مره برمضان الماضي صحيته يروح صلاة التراويح وهو نايم بالصاله وكان نومه ثقيل قمت رفعت صوت التلفزيون على اخر شي وكانت صلاة التراويح في الحرم وحطيت الريموت وانا رايحه الغرفه حذفني بالريموت قمت رجعت حذفته عليه وجلسنا كم يوم مانكلم بعض الين هو جا واعتذر انا ما اتساهل بمدة اليد ابداااا فياريت تحترمها اكثر من كذا يا اخوي |
الله يكون بعونك اخوي
انا حاس فيك في نوع من البشر يصعب عليه الفراق حتى فراق الصديق في سفر والزميل في العمل فما بالك بزوجه تشاركك انفاسك زوجتك تعرف نقطة ضعفك وهو حبك لها وعدم قدرتك على الصبر عنها وهي تمارس معك ضغوط كبيره تجعلك تفقد اعصابك وتتصرف بجنون وتضربها وتعاقبك بذهاب الى اهلها اولا اهلاها يساندونها في الضغط عليك والعب في مشاعرك ولا يحاولون حل المشاكل اول باول ويجب عليك لكي تستمر الحياة بدون مشاكل الصبر وتحمل فراقها انا لا اعرف ما تقصد باقي 12 هل هي 12 ساعه او 12 يوم لا تستسلم اصمد وسافر وسوف تخضع هي وتبحث عنك حاول اشغال نفسك في هذه الفتره واذهب واتفرغ لدراستك هذي وجهت نضري اتمنى ان تسمع وتتابع ردود الكثير وتستفيد من الجميع هذي وجهت نضر لي يمكن صح ويمكن خطا والله يوفقك ويريح قلبك |
قصتك ملخبطه وحايسه على بعض
لكن انا فهمت انك تضربها ليه شايفها غنمه مثلا؟ ليه هي ماتضربك؟ تحسبها علشانها حرمه خلاص انت لك حق وهي لا؟ الرجوله مو بالضرب الرجوله حكمه وتفكير وحلم اما تضربها علشانها مهمله ياخي فهمها فهم امها او وحده من خواتها جب لها شغاله تساعدها اذا ماديا تقدر على كذا اما اسلوبك هذا بصراحه مو حلو وبعدين دليل تهورك هو انك تخترع قصه على بنتك علشان تكلمك يعني انت تفعل وبعدين تفكر بعكس المنطق وانت ما تعمل كذا الا لانك غلطان سامحني انا هذا رأيي واتمنى منك تحترمها او تطلقها اما تعاملها كالبهيمه لا |
شوف ياخوي كل امرأه ولها خريطتها ولازم تكتشف جسمها يعني مو شرط كل النساء تحب المداعبه
مثل الرجال مو كل رجل يحب المداعبه وبالنسبه لزواج ما انصحك لكن ممكن تقول لها بتزوج على سبيل التخويف فقط بعض النساء لحست ان الزوج بيتزوج تتعدل والله يفرج همك وخلي نقاشك معها بالبيت وبعيد عن البنت مو بالسياره خخخخ |
اقتباس:
|
اسمحلي اخوي ولاتزعل من كلامي
اذا اخطأت زوجتك فهذا لايعطيك الحق انك تضربها واعلم انه تصرف بعيد عن الرجوله لاتضربها مره ثانيه هي بكذا راح تعتاد على الضرب وراح تتحول حياتك لجحيم شوف انا وزوجي عشرة عمر 10 سنين صابره عليه كثير لانه مريض ومديون تدري ليش صابره عليه لان عمره مامد يده علي اوجرحني فديته فانت انتبه على زوجتك لاتخسرها وكل شي بالتفاهم يسير لازم تراضي زوجتك وتنبها على الاشياء اللي تضايقك واخيرا لاعاد تتها وشون في السياره علشان مايسيرلكم مكروه وتنقلبون لاقدر الله الله يصلح مابينكم ويردكم لبعض |
|
اقتباس:
الا الضرب لاحظي كاتب كل القصه والضرب كأنه امر مفروغ منه وانا اتوقعه هو اساس المشكله لانها احست باهانه منه انت عارفه وضع زوجي الصحي لكن اقسم بالله لو مد يده علي بيوم اني راح امد يدي لو فيها طلاق وبينا اطفال مو طفل واحد انا مو بهيمه انا انسانه ومثل ما انا اقدر امد يدي لكن مبادئي تمنعني فهو المفروض يكون مثلي ماله حق اكبر من حقي ولا على راسه ريشه اكره الرجال اللي يضرب زوجته احسه000ولا بلاش اقول:29: |
يابنات ترا الرجال ماضربها بدون سبب يقولكم تسببت بغرامه قدرها 20 الف دولار يعني مايعادل 70 الف ريال تقريبا وكانت هذي الغرامه الثالثه بسبب اهمالها يعني الصدق المبلغ موهين واذا كانت مهمله وهذا كان بسبب اهمالها تستاهل الضرب
لو شغاله عند اي وحده فيكم ضيعت ذهب او سرقت فلوس بقيمة 70 الف ريال او 7 الاف والله لتقطعو جلدها موبس تضربوها انا ماقول معاه حق يضرب لا الضرب للحيوانا ت بس هي حدته يضربها والحرمه اللي ماتسمح لاحد يضربها تكون واعيه باللي لها واللي عليها وواثق الخطوه يمشي ملكا |
اقتباس:
وبعدين لمن اهملت بيتها هو وين كان؟ يشرب قهوه على البحر المفروض يتابعها طالما مو عاجبه نظافتها وبعدين لنفترض جدلا انها كانت السبب فعلا واستفزته خلاص يطلقها ويرتاح ليش يبي يرجعها؟ ويألف قصه على بنته فقط علشان تكلمه طيب هي ليه ماضربته مثل ماضربها يعني السبعين الف تستفز اكثر من الضرب؟!:29: |
اقتباس:
يوجد طرق اخرى للعلاج ... الضرب كالبتر بالنسبه للمرأه !! الضرب بالنسبه له تفريغ لكن لن يسترد به شيء ... الغرامه !.. خلاص انحسبت وخلاص ..صحيح شيء يقهر بس.. الضرب ماراح يرجع شيء بالعكس وراح يخسر اكثر !..راح يخسر الغرامه + زوجته وهذا امر مفروغ منه طاح الفاس في الراس ... لكن ممكن يعاتبها بغلظه + متابعه سبب الغرامه والتقصير والإشراف على الأمر+ خصم من مصروفها والتقصير عليها لمن تتأدب و تحسب حساب لكل شيء ... ممكن وامر متقبل رغم مرارته عليها ستخضع لأنها هي السبب اما الضرب لا .. هذا علاج على المدى الطويل .. لكن الضرب في وقتها ( برد خاطره ) و لكن دمر امور اكثر مما يصلح ! هذا هو الفرق .. !!!! |
اخي دراما بنوراما
اسال الله ان يعوضك خير وما خساره الا خسارة العمر طنش والله يعوضك بالاحسن وخلك على ثقه ان الله راح يعوضك في خسارتك ولا تضايق نفسك هذا شي مقدر ومكتوب (وعسى ان تكرهوا شيئا وهو خيرلكم) |
صرخه حب
الله يجزاك خير والله يعوضني خير |
الاخوات haia و للحياة اللوان
اشكر عنصريتكن لابني جنسكن قال الرسول صلى الله علية وسلم خير الخطائين التوابين وفي حالة ان المرأة لاتغفر الخطاء فهذا دليل على انها تخرج من قاعدة بني ادم فما سمي الانسان انسان الا لنسيانة فاذا المراة لا تتمتع بنعمة النسيان التي انعم الله علينا بها فهي تنخرط في هذة الحالة الى سلالات الجمال فميزة الحقد وعدم النسيان هي من اهم صفاتها تقبلو تحياتي اليوم جاء خبرين جميلين الاول ظهور حمل زوجتي الثاني موافقة من خطبتها للزواج |
الف مبروك على حمل زوجتك
ولكن ثانيه مافهمتها كيف مو افقتها لخطبة زواج :25::25: |
اقتباس:
الخبر الجميل الثاني وش تقصد |
خطبت وجدة واليوم كلمونا بموافقة البنت
يعني جيب المملك وتزوج الثانية يارب عوضني بوحدة تحفظ سر بيتي |
وحدة مو وجدة
ههههههههههههههههههههههههه |
وش صار على زوجتك الاولى
|
اقتباس:
ليش ياخوي حرام موب هالحين كان عطيتها فرصه تتغيرر وخلها تصلح من حالها اذا مانفع كلش ودها بيت اهلها وتزوج الله يهديك ماعندك حل وسط :(:( |
:23:والله شكل العرس يفرفر بمخك من زمان
|
ماشاء الله وشلون دبرت الفلوس ونت خسران
|
والله عطيتها اكثر من فرصة
طبعا هذي ثالث مرة تترك البيت وبين كل فضة اسبوعين عندي وشهر شهرين عند اهلها مليت طبعا عشان تفهمون السالفة زوجتي من السنة الثانية واسرارنا عند امها واخواتها وهم مايثصرون اشاعات وتاليف يهول العقل يعني في نظر الناس اهيا عاية بجحيم رغم اني ما في شي الا وسويته لها والله مي قاعده تشوف الفرق بعيونها اهيا توف الفرق باذوها يعني اذا قالو لها انتي مبسوطة تقتنع اذا طرأ موضوع تافه تقلب علي ملاحظة انا قبل امد يدي عليها واهي مرتين بس يعني طحت على وحد من خواتها تحرضها علي تعبت معاها |
صرخت حب
اليوم قابلت واحد من اخونها قال لي تبي صورها يعني سور الزواج واي صورة سكت قلت بلمها واجيبها مع انها المفروض تسال عن البنت قبل الصور غريبة البنت |
صرخة
الفلوس يجيبها الله الله يعيني على الدين يعني البنوك مافتحوها الا عشان تمص دمنا ادعولي الله يرزقني بالزوجة الللي تحقظ سر بيتنا وتهتم فيني البنت بخليها عند امي |
| الساعة الآن 03:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©