|
الخصوصية بين المخطوبين
السلام عليكم ورحمة الله وبركاته
كيف الحال جميعا؟؟ ادري غبت عنكم كثير بس ظروف الدراسه والتدريب والحمدلله انتهيت من التدريب وانتظر الوظيفه لأصبح ممرضه رسميا..:25:. في بالي هذا الموضوع من فتره بس كنت مشغوله بس ماراح من بالي انا مخطوبه بعقد قران من سنه واربع اشهر وزواجي بعد7شهور بإذن الله. قبل فتره كنت مع اهل الوالده وانا الوحيده المخطوبه حاليا لان الي كانو مخطوبات تزوجوا. المهم كانو يتكلمون عن فترة الخطوبه وانهم كانو يقولون لخالاتي كل شي مهما كان كبير او صغير وحتى بعد ما تزوجو نفس الطبع انا صراحه ما اقول لهم شي انا اعتبره خصوصيه ... قالو لي احنا ما نحس انك مخطوبه ما تتكلمين عنه ولا شي قلت لهم ما لاداعي اهم شي انا مرتاحه الحمدلله وهذا كافي قالو لي حتى مو باين انك مخطوبه قلت لهم اكتب على راسي يعني قالو لا البنت المخطوبه نشوف فيها حركات وعلامات(اتوقع انكم فهمتوا القصد) قلت لهم انا ما احب كذا و خطيبي نفس طبعي يعني لازم الكل يعرف انه عطاني بوسه عذرا لهذه الجمله بس انا رديت عليهم.. قالو لي بالعكس هذا دليل حبه قلت لهم في نظري انا اعرف انه يحبي بتصرفاته بأسلوبه بحنانه بأهتمامه واشياء ثانيه غير الي في بالكم.واستمر النقاش وكلمه وكلمه وبالاخير.ماعجبهم كلامي.. حبيت اخذ رأيكم هل انا غلطانه؟؟ وما رأيكم بالخصوصيه بين المخطوبين؟؟ اختكم..الحائــــرة.. |
أحس ماتقومين به يدل على رجاحة عقلك ماشاء الله وش هو حركاته اقول خلي عنكي كلامهم اهم شي تكوني سعيدة مو توضح عليك اشياء من اجل تظهرين انك سعيدة اهم شيء انتي سعيدة بداخلك
الله يوفقج ويبارك فيك |
عزيزتي .. ألف مبروك التخرج ماشاء الله.. وعقبال الوظيفة.. حبيبتي.. الي تسويه صح .. حياتك خاصة فيكي مو لازم تعملي نشرة أخبار.. عادي حتى لو كنتي مخطوبة مو لازم تتكلمي كثير عن زوجك.. ويفضّل كدا.. ماتعرفي نظرة الناس كيف .. ممكن تتشاركي مع أختك أو صديقة مقربة إذا كنتي حابة المشاركة .. الله يجمعكم على خير إن شاء الله |
اقتباس:
الحمدلله مرتاحه وكل اموري بخير مع خطيبي... بس قلت يمكن انا غلطانه من كثر الثقه بكلامهم... الله يسعدك ع فكره اسمك رهيب:28: مشكوره |
اقتباس:
الله يبارك فيك ويسعدك.. كلامك بالضبط نفس الي في بالي... مشكوره |
الله يكتب اللي فيه الخير
مايحدث بين الزوجن هي امور زوجيه خااااااااااصة ومو لازم اي احد يدري عنها تقبلي مروري |
امور خاصة
|
حبيبتي مبروك التخرج و الخطبة و الله يسر لك الوظيفة و كل أمورك حبيبتي صراحة ما شاء الله على تعقلك و قوة شخصيتك و ثقتك و ثباتك صراحة أعجبتني ردودك لأهلك... و طبعا هذا هو الصحيح ...الحكاية تصغر لما تكون بين اثنين بس لما تطلع للأهل تكبر و ما تنمحى و تصير دون قيود..."استعينوا على قضاء حوائجكم بالكتمان" و أنا أكره هذا الطبع في البنات, خطيبها كان معاها ,أول ما يطلع تليفونات للصديقات و مسن...خطيبي سوّا,قال لي ,قلت له ,عطس 3 مرات و حك راسه مرة و ووووو بس ما فيها شيء لو مرة تحسي تبين تفضفضي لأحد...يعني لو مرة متضايقة ما فيها عيب تحكي لأحد مقتدر تثقين فيه و أهل للتجاوب مع مشكلتك مثلا. و يا سعد خطيبك فيك...لأنه سبب المشاكل الحكي البطال و سوالف الحريم أحييك أختي |
انا اشوف انو هذه تسمى " لقافه "
هذه اشياء شخصية ايش لهم فيها , وهذه حياتك مو حياتهم قولي لهم خلوا اللقافة الزايدة |
اقتباس:
كلامها دُرر جيت برد ولقيتها كفت ووفت أختي أنتِ صح ولا تخلي أي أنثى تدخل حياتك أو تعلم عن خصوصياتك خلي بيتك وحياتك خط أحمر لايجوز الخوض فيه خاصة الأقارب ولاتنسي العين حق :: |
طبعا امور خاصه بينك وبين خطيبك ولا اجل ليش سموها خصوصيه ماعليك من احد :22:
|
يا أختي لاتشيلي هم كلام الناس
وماشاء الله عليك واضح عليك رجاحة العقل وبالنسبه للخصوصيه بين المخطوبين(أقصد المتملكين) يعني من يتملك على زوجته عادي يكلمها ويطلع معها بس بحدود المعقول ما ي صير بينهم شي وحتى لو زوجك قبل الزواج يزورك ويبوسك لاتقولي لأحد هذا بينك وبين زوجك ولاتهمتمي بكلام الناس الله يسعدك يارب |
اقتباس:
هذا بالضبط تفكيري امور خاصه نورتي مشكوره |
اقتباس:
شكرا |
اقتباس:
الله يبارك فيك ويسعدك يارب رأيك فيني تاج فوق رأسي وماراح يتغير تفكيري مهما صار انا اعرف بنات وايد يقولون كل شي يصير بينهم بالضبط وبالتفصيل الممل وبنات خالتي كذا وانا مايعجبني كنت انتقدهم قبل ما انخطب وبعد ما انخطبت الحياة الزوجية ماتحتاج لاكثر من طرفين يكفي انا وخطيبي وكافي.. يعني لازم اتكلم واسولف وتكون فيني اشارات مرور علشان ابين اني مخطوبه طبعا هذا ارفضه وبشده الله يهديهم نورتي غاليتي مشكوره |
اقتباس:
مو مسئلة فضول كلامي عنه في نظرهم دليل على حبي له وبأشارات المرور الي في نظرهم مفروض تكون فيني دليل حبه لي.. هذا تفكيرهم.. الله يهديهم شكرا |
اقتباس:
الحمدلله ان كل الردود كانت معاي..دليل ان انا الصح بالضبط الخصوصيه والحسد موجود.. الله يسعدك نورتي مشكوره |
اقتباس:
ان شاءالله ماراح يتغير تفكيري الله يسعدك شكرا:d |
اقتباس:
بالضبط الخطوبه لها حدودها وكل شي بوقته حلو بس اهم في نظرهم دليل حبه وانه زارني اشارات المرور بأماكن مختلفه.. الله يهديهم الله يسعدك شكرا |
عن أبي سعيد الخدري رضي الله عنه قال قال رسول الله صلى الله عليه وسلم { إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر أحدهما سر صاحبه }
الخاطب و خطيبته بعد العقد هما زوجان شرعا و ما يحدث بينهما لا يجوز الحديث عنه مع أحد! عافانا الله و إياكم و بارك الله فيك أختي على موقفك و أنصحك في المرة القادمة أن تسردي هذا الحديث فالأمور يجب أن ترد إلى الله و رسوله.. |
انت صح وما عليك منهم
الحياة الزوجية ما يكون لها طعم بدون الخصوصية والعلامات مادري كيف تفكير بعض الناس عنها أعتبرها وقاحة للي يظهرونها متعمدين ممكن على الأقل في أماكن غير ظاهرة ذكرتيني ببعض الببنات أيام الكلية الله يهديهم كانو يتعمدون يظهرونها سواء مملكة ولا متزوجة وسمعنا عن بنات يحاول يخفونها بلزقات ولا اكسسوارات أزواجهم ما يراعون إنه عيب ولا فيها إحراج الف مبروك التخرج وانتهاء التدريب وعقبال الزواج والوظيفة على خير |
اقتباس:
ان شاءالله انا كتبت الحديث وراح اقرأه لهم... الله يسعدك مشكور |
اقتباس:
الحمدلله ان الكل وافقني على الي قلته لهم.. العلامات في نظرهم دليل محبه وبصراحه انا قلت لهم علشان الكل يعرف ان زوجك كان معاك والعلامات منه ابدا مايعجبني كذا للاسف اهم يتعمدون اظهار العلامات.. حصل موقف قبل فتره يمكن سنه تقريبا جات في بالي احين لما ذكرتي البنات.. وحده منهم كان فيها علامات قويه وظاهره وفي اماكن مختلفه وكلها في اماكن ماتتخبى..والكل انتبه وشافهم وخالي الكبير انتبه وكلم امها قالت له عادي وش فيها متزوجه ... انا لما سمعت خالي والله خجلت لانه قال لها الحائــــرة ماعمرنا شفنا فيها عيب كذا قالت له والله انا اشوف عادي وبنتي نفس الشي كل وحده واسلوبها.. الله يهديهم اما على البنات اوافقك الرأي بعضهم يخبون وبعضهم اعلان... الله يسعدك ويبارك فيك يالغلا |
| الساعة الآن 09:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©