|
طلعت من بيت اهل زوجتي مهموم ومصدوم
زوجتي بعد ما راحت لاهلها طالبه الطلاق وبعد كم من المسجات والمحاولات جيت بيت اهلها وقابلت اخوها يقول اختي ماتبي ترجع لك قلت يارجال انت العاقل والكبير تقول هالكلام قال اختي قالت لنا كلام عنك مابعده كلام للاسف ما اقدر اناقشها بموضوع الرجعه نهائي قلت وخير وش قالت ونادى اخته زوجتي
قال لها يااختي زوجك جاي يبي يرجعك قامت تقول لاخوها انتم يا اهلي زوجتوني عشان تستروني مع واحد يصوني صح قال صح قالت الرجال اللي زوجتوني اياه ماحافظ علي قلت وشلون قالت خانني خيانة جنسية وكرهته من عرفت بخيانته وفكرت انتقم منه واخونه وقلت ما ابيع نفسي عشان واحد مايستاهل ارجع لاهلي يحافظون علي ولا اعيش مع واحد كل ما اشوفه افكر انتقم منه واضر نفسي طلعت من بيتهم متضايق ومهموم ومصدوم |
لا حول و لا قوة إلا بالله.
أخبرني بماذ تفكر الآن؟ ما الذي تنوي فعله؟ |
ما ادري ياخوي نا مصدوم من كلامها عني قدام اهلها
|
والله يا اخوي شكل زوجتك ما منها رجا
وهذا ما جنت يداك تعمل العملة لازم تتحمل نتائجها الوحدة مو مجبورة تعيش مع انسان ما تبيه حتى لو ما يكون فيه سبب فما بالك بأعظم سبب اللي يجلد فيه الانسان حتى الموت أنت المفروض بشرع الله ترجم حتى الموت وما تدوس رجولة ارض رب العالمين انصحك دام هي رافضتك حافظ على ما بقى لك من كرامة وطلق وعسى الله يرزقها برجال يستر عليها ويحافظ عليها مثل ما قالت |
أعانك الله
هل لديك أبناء ؟ |
ما اقدر اطلقها افهموا انا احبها وهي ام عيالي عندي عيال منها ما اتخيل اشتت عيالي
|
لا حول ولا قوة الا بالله
الله يفرجها عليكم ... حاول أن تكون رجل شهم خلال اجراءات الطلاق وانتبهوا على نفسية أولادكم ... اجلسوا معهم انتم الاثنين وفهموهم اللي راح يصير بطريقة مبسطة وقولوا لهم انكم تحبوهم وانكم راح تظلوا بحياتهم انتم الاثنين لكن الظروف ما تسمح انكم تظلوا تعيشوا ببيت واحد . أسأل الله أن يجعل لك مخرجا |
الصراحة ما ألومها أبدا ..
و باين إنها صبرت و حاولت تضغط على نفسها كثير لحد ما خلاص ما قدرت تتحمل .. ارحمها و اعطيها حقوقها و اتركها في حال سبيلها .. |
اقتباس:
يعني قول لها تظل ببيت أهلها وعندها الأولاد ويزورك الأولاد أو أنت تاخذهم بالعطلة تتمشى معهم .. وترسل لها نفقتهم ... كل أحوال المطلقين لكن بدون طلاق رسمي .. يمكن تتغير نفسيتها . أنصحك لوجه الله تعالى لا تشد معها ... عاملها بالحسنى .. بعد فترة وبعد ما يستوعب أخوها كلام أخته عنك روح له وقول له انك تبت وقول له عن كل اللي عملته معها حتى تاخذ رضاها ... قول له أنك أولى بتربية أولادك من غيرك وانه ربنا يتوب ويغفر عن من تاب فما يصير البشر ما يسامحوا .. |
لاحول ولاقوة الا بالله
لاتطلقها اصبر عليها اتركها عند اهلها حتى ترتاح انا مريت بوضع زوجتك وطلبت الطلاق واصريت عليه لكن كان من ورا قلبي كنت ابي اقرصه واحسسه اني انسانه لها مشاعر ولي ردة فعل يمكن هي بتحسسك بهذا الشي لاتستعجل بالطلاق اصبر الله يصبر قلب كل زوجه خانها زوجها ويهدي كل خاين |
أوافق كلام أختي بيتا Beta تماما
لا تطلق زوجتك إذا كنت فعلا تائب و نادم فالله يغفر لعباده و عسى الله أن يقبل توبتك كانت لك عدة محاولات معها و حاول الآن أيضا من أجل أطفالك , لا تشتتهم و لا تصدق ماقالت قد يكون الجرح لازال ينبض , دعها ترتاح و تجرب البعد عنك قليلا حينها ستتذكر ايجابيات بقاءها معك مستقلة بذاتها و مع أطفالها و سترى حال أطفالها بدون عز الأب ستشعر بالفرق ,,, لا تطلقها..بما أنك تحبها و شاريها |
اخي رجل ولكن
انتبه لاتسمع لكلام زوجتك واطلقها انا على يقين انها راح ترجعلك بس هي تبي تعطيك درس لن تنساه وصدقني العشره ماتهون على احد وسع صدرك والجا لربك وانا انصحك لاتكثر اعتذار اثقل عليها واترك لها مساحه حره من دون ضغط علشان تفكر بعقل بعيد عن سقف الغضب علشان ترجع لك بقلب صافي وعن قناعه تامه انت اعتذرت كثير وبينت موقفك وكفايه الله يجمعكم مع بعض مره ثانيهه وتكون وياها قلب واحد |
والله محد راح يلومها
هالحين اذا رجل المتزوج ومعدد ظلم إحدى زوجاته يكون هناك نوع من الكراهيه والحقد فما باللك ونت خاين زوجتك خيانه جنسيه (انا مدري يعني ونتو ترحون طريق الحرام ماتفكر ان للك رب يشوفك) يعني اتوقع انهااا عافتك وماتبيك دعها تشوف طريق حياتها والله يعوضها بخير ويرزقها ونت الله يهديك |
اقتباس:
رأيي من رأي غاليتي بيتا.. الله يفرج همك .. ويلم شملكم إن شاء الله.. لا تيأس من المحاولات.. وأصبر.. أنت تبت وندمت .. و إن شاء الله ربنا معاك.. |
لاحول ولاقوة إلا بالله زوجتك أخطأت عندما أخبرتهم بالموضوع كان يفضل أن تستر عليك بنظري أفضل ان لاتطلقها حاليا بما إنك تحبها ولاتريد شتات أطفالك ولكن اتركها عند أهلها فترة معقولة من 3 إلى 5 أشهر مثلا وارجع احكيها وكلمها وشوف شنو يصير ولله الحمد ولله الحمد مليووون مرة أن الحساب والعقاب لم يكن بيد البشر (خصوصا النساء) ولا كان ثلاث أرباع الأمة العربية قضت نحبها إن الله غفورا رحيم |
هل فعلت حقا ما اتهمتك به؟؟
|
لقد قرأت الآن مواضيعك
أظن أن مشكلتك أكبر مما تظنه يا أخي قبل أن تحاول ارضاء زوجتك عليك أن ترضي ربّك |
اولا:صورتك اهتزت في عيني زوجتك فلا تطلب منها العودة الان بل اتركهاولا تطلق ثانيا:عليك حل المشكلة انت وحدك وذلك من خلال اصلاح نفسك زوجتك تحبك والا لما انجرحت كل هذا الجرح عليك بالتوبة واستشعار عظم الذنب الذي ارتكبت كفر عن ذنبك اخلص النية لله تعالى غير من نفسك للافضل اجعل صلاتك كلها في المسجد حاول ان تحضر الدروس وان لم تستطع على الاقل اسمع الاشرطة الدينية والمحاضرات والدروس ابحث بكل امانة عن طريق الهدايةفمع الله ستجد ضالتك اجعل التغيير جذري في حياتك فهذا ابتلاء لك من الله فاجعله نعمة عليك بالرجوع الى الله واحرص على ابنائك اهتم بذهابهم للمسجد واحرص على ادخالهم تحفيظ فهذا سينفعهم دنيا واخرة وايضا سيشعر زوجتك بالسعادة لاهتمامك باولادك حتى وان كانوا يعيشون معها ثالثا:حاول ان يكون هناك من يوصل اخبارك لزوجتك بدون ان تحس انك انت من طلب ذلك ان لمست زوجتك التغيير الحقيقي فيك فستتراجع عن قرارها واهم شيء لابدان يكون خوفك من الله هوالرادع لك من الوقوع في مثل هذه الذنوب لاخوفك منها هذا سيولد فيها الثقة من جديد واشعرها دوما واستشعر انت خوفك من الله ستجدها تدريجيا تعود لك امراة واثقة محبة لامحطمة فابدا بالعمل يارعاك الله فعلى الله الاتكال الله يصلحلك حالك واهلك ويرد المياه بينكم لمجاريها
|
المرأة ضغطت على نفسها كثير..
امهلها ببيت أهلها فتره .. وأكرمها وأعطها حقها من مصروف وغيره إذا انتهت المهله الي حددتها 3 شهور أو 6 شهور وهي ما زالت مصره فالله يغني كلا من سعته |
اقتباس:
|
الله يكون بعونك خلها فبيت اهلها كم شهر
وانت اجلس مع نفسك وشوف علاقتك مع ربك كيف ارجع له بقلب صادق منيب اليه واترك الدنيا وراك واعمل لرضا رب العالمين ان شاءالله تلاقي علاقتك مع الناس تحسنت واولها زوجتك |
الهم والصدمه الذي انت فيها طبيعيه جدا
ولك ان تشعر بصدمة زوجتك فهي كانت اشد منك لاتتأثر مره بالذي صار وكرس كل تفكيرك بالرجوع الي الله والانابه اليه فأذا رضي الله عنك ارضا عنك الناس ومنهم زوجتك حاول انك تتصدق بنيه ان الله يعفو ويغفر لك ومن ثما يسخر لك زوجتك |
اقتباس:
كيف تجرأت زوجتك ان تقول هذا الكلام امام اخيها وانا قرات موضوع لك ان زوجتك لاتؤدي حقك الشرعي وانها تمارس العاده السريه قبل زواجك منها الحمدلله الذي عافانا مما ابتلاها الا اذاكنت تزودها حبيتين |
يؤ يؤ يؤ
تخون زوجتك وهيا تزعل ؟ الصراحــه مرررره مالها حق .... المفروض تكون حجره او صخره ولا اقولك عديمة احساااس ..... والمفروض كمان ..... تقولها انا خاين يا زوجتي العزيزه وتعتذر لها وتقولك شبيك لبيك انا زوجتك بين ايديك اطلب واتمنى ..... اصلا انا عديمة احساس ولا نسيت اني صخره مااتأثر .... ولا يهمك بسيطه يازوجي العزيز غلطتك زي العسل على قلبي ..... كانها نسمة هوا وعدت ......... سبحـــــآن الله ... ماحقول الا ولله في خلقه شؤؤن في واحد هنا بالمنتدى شاك انو زوجتو تخونو لانها تقفل الجوال وتسوي تصرفات غريبه .... قام رد عليه واحد من الاعضاء قله ماتعرف تكسر الجوال بالجدار ؟ ماتعرف توريها نجوم الليل بالظهر ؟ هذا وهوا بس شاكك ؟. والردود كذا كيف لو اعترفت ولا شاف خيانتها صريحة ؟ ايش بيكون العقاب واخر شي حبيت اقولو (حط اصباعك فعينك الي يوجعك يوجع غيرك ).... انا مني مستغربه لانها زعلانه او تبغى الطلاق لان زوجتك ماجابت شي جديد ولا قالت شي جديد هذا طبيعي واقل من الطبيعي كماان انا مستغربه لانك انت متضايق وزعلان .. صح انت غلطت وكلنا نغلط واي واحد امكن يكون محلك ... لاتزعل ولا تتضايق من رده فعل زوجتك لان طول عمري ادرس واتعلم وعرفت ان كل شي بالدنيا له رده فعل حتى الجمادات وفيه قانون لنيوتن قال فيه ( لكل فعل رده فعل مساويه له بالمقدار ومعاكسه له بالاتجاه ) هذي وهيا جمادات فمابالك بالانسسان .... بالنهايه ادعيلك واقولك الله يهدئ الي ف النفوس ويصلح لك الاحوال ... اسفه لو زعلتك او غلطت بس جاتني رده فعل لما قريت الموضوع < :P هــع |
اتركها في بيت اهلها واصرف عليهم وزر ابناءك ولاتكلمها او ترسلها
اعطها مهلة شهر تسترجع نفسها وتفكر وانت كذالك قد ترجع بأذن الله واذا لم ترجع كلم احد كبير من اهلها فاهم حكيم لعله يكون له تاثير عليها اعانك الله على تجاوز محنتك |
اقتباس:
نقول الحمدلله الذي عافانا مما ابتلاها لانها سوت هذا الشيئين .... اجل الخاين الي سوا شي اكبر ايش نقول .....؟ |
انت من البداايه اخطااات وردة فعل زوجتك خطاء لاكن ماتنلاام
لان كل شخص وصبره بالحيااه زوجتك ماستطااعت ان تكتم سرك الذي ارتكبته وخياانتك اتجااهها مفرووض ان تستر عليك لوجه الله لاكن كل شخص وصبره انت فعلت مابوسعك ويجب ان تلجااء لله رب العالمين وان تطلب منه المغفره ليس لرجوع زوجتك لاكن للرجوع لرب العالمين اعط زوجتك 3 شهور من الان بعدين ارسل شخص حكيم الى بيت اهلها يتفاهمون معها ومع اهلها اذا رجعت تاسف منها واعتذر واترك هذا الطريق واعطيها الاماان اذا مانفع حطها شهر او شهرين ثم ارسل شخص حكيم لها والى اهلها اذا لم ينفع واصرت على الطلااااق مثل مادخلتوا بالمعرووف طلعوا بالمعرووف وبدون مشااكل وبدون محااكم احترااما للعشره الي بينكم والله يعوض عليك ويستر ععليها لان بعض الاشخاااص مستحيل يعدل الشي لان قلبه مثل الزجااج لا تكسر تكسر بعضهم جرووحه تجبر مع التفااهم والكلام الطيب وتعلم من اخطااك ترا الحيااه مدرسه |
اقتباس:
ياأختي الفاضله خير الخطاؤون التوابون الأخ غلط واعترف بغطله وليس العيب فيمن يغلط ولكن العيب فيمن لايصحح الغلط وهو نادم على فعلته فكان ابسط شئ ان تستر عليه وان تتركه بخيرها فالله سبحانه وتعالى غفور رحيم ليش هي ماتسامح وتصفح وتعفو ولكن الافضل ان الكل يراجع حساباته فالاخ كثير الشكوى عن زوجته في مواضيع قد طرحها |
اسمحلي اخي انا شفت مواضيعك السابقه وردودك... زوجتك تحبك بس انت واضح انك بعيييييييييييييييييد عن زوجتك حسييآ ومعنويآ وجاف التعامل ..حتي وحي في حاله يرثى لها.....تقول عنها وهي فيحاله من الهم والقهر وتتبكي {يابنت اعقلي,,زوجتي مجنونه!!!!؟ هذا اسلوب!!!!!!!!! كل شئ بالييييييييين يلييييييييييين
وزوجتك كانت محتاجه لك محتاجه لحنانك محتاجه تكون قريب منها.....علشان طلعلك الي بقلبه وتنساه لانه حمل ثقيل عليها ..بس ماعرفت تتعامل معاها... الإعتذار والإعتراف شئ حلو بس مابيكفي انك تعتذر وتقول خلاص انا اعتذرت وخلاص لالالالالالا لازم تحسسها بندمك تحسسها بحبك لها وبقربك منها حاول تكون ابوها واخوه قبل لاتكون زوجها...وخل عنك الغرور مو اهم شئ تفكر بنفسك وبس اعتقد ان زوجتك صبرت وتحملت الكثر والدليل انها من البدايه لم تذهب لبيت اهلها رغم إنكسار قلبها وصدمتها ...الخ لاكن انت للأسف ما كنت قريب منها..والدليل انك تكرر{انا اعتذرت واعترف..} ,,,,,,,,,طيب وبعدين!!!!! ايش سويت علشان تكسب رضا زوجتك ؟بأيش عوضتها؟ نصيحه اجلس معاها وبوس راسها وامسح دموعها وامسك يدها حتى لو رفضت وبعدت عنك انت لا تسيبها اعتذرلها وقولها بس ايش تطلبين علشان ارضيك..انت حياتي كلها..واذكر محاسنها وصبرها وقولها الي بقلبك وانك تحبها وراح تعوضه كل خييير ...هذا الشي محتاجته زوجتك..محتاجه رجاااااااااااااااااااااااااااااال حنون عليها قريب منها والدليل انت قبل قلت انك شفت محادثات من زوجتك كاتبه فيها مشكلتها.يعني تبغا تفضفض. بس للاسف مالقيت من يسمعلها ويمسح دمعها واضح عليها انها إنسانه بنت ناس وشريفه ماكانت تبغا تقول لاحد من اهلها او قرايبها .وإذا ربي كتب نصيب خذها وسافر انت وزوجتك لوحدكم بدون اولادكم وكـون قريب منها اكيد حتفضفضلك الي بقلبها علشان ترتاح.. الله يكتبلك الي فيه خير يارب |
اقتباس:
بس الاخ مو مستوعب انه اخطأ ..... وزعلان ليش زوجتو تزعل بسبب الخيانه .... بالعكس هوا اعترف بالخطا .... احس من واحد يغلط ولا همه احد ... بس زعل زوجته شي طبيعي .. |
الله يصلح حالكم
ويرد زوجتك ردا جميل لاتعليق على الموضوع انت علطان وهدي النتيجة في الدنيا قبل الاخرة |
اقتباس:
هو ماهو زعلان لانه زوجته زعلانه عليه هو زعلان ليش تفضحه دام الله ستر عليه هذا الي صاادمه مافيه احد يرضى ان احد يكشف سره او يفضحه قدام الملاء والنصحيه تجي بالمحبه والاحترام بعيد عن الناااااس |
اخي الفاضل
كل إنسان يخطي وكل إنسان يتحمل خطاه وعليك اخي بتجديد التوبة وطلب المغفرة من الله عز وجل .. ومن ناحية زوجتك فهي لا تلام على ما فعلته حتى وان طلبت منك الطلاق... صدقني هي الان لا تزال تحت وقع الازمة العاطفية التي تعرضت لها ..نصيحتي لك .... اتركها عند اهلها ولا تتكلم معها اتركها حتى تهدء نفسيتها وبالمقابل.. حاول انك تكون قريب من ربك وعليك بالدعاء وان شاء الله تلقى الفرج |
اقتباس:
ما ظنتي بترجع لك ثقتها فيك خلاص ماتت طلقها و الله يرزقها خيرا منك |
غريب امرك
زوجتك قد ماحبتك وصبرت عليك وعلى معاملتك الجافه قد ماجرحتها وقابلت صبرها بالخيانه زوجتك ماقدرت تتحمل خيانتك وسوت اللي سوت وانت لو انك مكانها (اقصد الخيانه كانت منها ) كان الموضوع انتهى من زمان بس هي صبرت وصبرت لمن ماقدرت وقالت لاهلها كل شي (كل انسان وله طاقه من التحمل والصبر ) ابسالك واسال كل رجال يخون زوجته انتوا ماتفكرون بعد الخيانه اش ممكن يصير ؟ اذا تبيها ومن قلبك وتبي عيالك مالك غير ربك هو القادر على كل شي تقرب الى الله بالصلاة والدعاء والصدقه والاستغفار وتوب توبه صادقه من قلبك واستغفر كثيييييييييييييييييير والله يكون في عونك ويقدم لك اللي فيه الخير |
زوجتك باين كانت تحبك و بمقدار الحب كان الالم ..
الله يعوضها خير و يعوضك خير تنويه .. زوجتك ما تكلمت عن اسراراك بالعكس كانت ساتره عليك الى النهايئه بس و جودها عند اهلها لازم يكون له مبرر عندهم يعني هي تبي اهلها يقتنعون بالطلاق مثل ماهي مقتنعه و لازم تقول الصدق عشان محد يلومها و يكونو معها مو ضدها وتبي أحد يحس بالالم اللي هي حاسه فيه .. صعبه انو انت اللي تغلط وهي اللي تنلام على ترك شخص بنظر اهلها مثالي و ماينعاب ليش تنظلم هي بنظرة اهلها و انت المذنب تكون الضحيه .. من العدل يكون كل شي و اضح وهذا حال الدنيا يا أخي المذنب لابد له عقاب و احمد رب العالمين كان عقابك الى هذا الحد احمد رب العالمين ما اصابك امراض من فعل الحرام و ربي اطال بعمرك للتوبة احمد الله واشكره الف مره .. و اشكر رب العالمين اعطاك زوجه تخاف من رب العالمين يمكن لو كانت ردة فعلها عاديه كنت مستمر بهذا الطريق يمكن ردة فعلها هي اللي خلتك تحرم ترجع لهذا الطريق .. وتذكر دائما ’’ وعسى ان تكرهو شيئا و هو خيرا لكم ’’ |
اقتباس:
|
والله انا مصدومه اكثر منك اخي..
وتساؤلات كثيره دارت في مخيلتي..... ماالذي جعلها تصعد الامور وتفضح السر.. وفي هذا الوقت بالذات وبعد عدة اشهر من ازمتها.. هل حب الإنتقام منك ؟ ام كرهها لك فعلاً.. وعدم مقدرتها للتعايش معك.. ويتعب نفسيتها فأثرت الإبتعاد لترتاح ؟!! اين ذلك عندما كانت في اوج ازمتها ودمار نفسيتها ؟ من رأيي بعد ما ذهبت لأهلها وطلبت الطلاق.. فراجع حساباتك معها.. واستخير في امر الطلاق.. ولك استرجاعها في العده.. الله يكون بعونك.. والهمك الرشاد |
اقتباس:
|
:: |
| الساعة الآن 04:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©