|
لم أستطع تقبله فهل ماأشعر به أتجاهه طبيعي؟
انا كنت زائره واقراء مشاكل الاعضاء وردودكم الحلوه والاخويه شجعتني اقول لكم
بليززز ساعدوني تعرفون اكثر مني امل بالله ثم فيكم... انا ملكت على واحد عااااااااااااادي جدا وما تقبلت شي ذا لان ماكان الشخص الي بالي بس ما يهمني اهم شي الاخلاقه وهو ربي اخلافه جنااااااااااااااااان وحاول يكلمني واحسه شخص طيب ويمدحونه ما ابه شي المصيبـــــــــــــــــــــــــ ــه مني لما اسمع شي عنه والا اي كلمه يقولهام مادري ايش يصير لي لما يقولوا ان خطيبك قال ولا اسمعه لما يكلم ابوي بالجوال سبيكر ويقول تراني كلمته اليوم اتفشل وانحرج وشوي واكرررررررررررره وابكي اوقات واقول خلاص برفضه اطلق احسن واوقات ابكي اقول راح اطلق بعد زواج وما دري ايش يصير ليه مادري وازعل واقول ليش يقول كذا بجد محتاره بس في داخلي احبه بس لما يقولوا اخواني قال شي احس اتغير واتخلبط واوقات يبين علي كاني متفشله واكره شعور بجد تضيق الدنيا فيني ماسوا شي بالعكس طيب بس انا احس كذا واما يقولوا خطيبك او زوجك جاء اتضايق واكررررررره واقول ما بيه خايفه منه بجدودي احبه وما احب اعمله كذا انا مكبره براسي ولا شي عادي ودي افرح زي اي بنت وفتره احلى فتره احس صارت موفتره حلووووه |
أختي الكريمة
مشكلتك أنك واضعه في مخيلتك رسمة معينة عن فارس أحلامك ومن ضمنها أنك إذا وجدتِ هذا الفارس ستكونين فخورة به ومتباهيه به أمام الجميع لكن إللي حصل .. أن الذي تقدم لكِ غير الذي ببالك لذلك ترينه إنسان عادي لا يرضي مافي داخلك من رغبات الفخر والتباهي ( سواء الوسامة أو المنصب أو الغنى أو العائلة أو غير ذلك ) لذلك تشعرين أنك متفشلة وأنك غير مميزة بالحصول على زوج ذو مواصفات أخيراً أنصحك أختي الكريمة أن تنظري إلى مدى قناعتك بهذا الرجل بعينك أنت وليس بما سوف يراه غيرك |
أختي الكريمة أنتِ لما يقولون لك خطيبك أو زوجك تحسين بخجل وتتفشلين( من كلمة زوجك ) ولا تتفشلين منه هو كشخص ؟ في فرق كبير ترى بين الاثنين موفقة |
ما اكون غلطانه اذا قلت ان البنات لهم يد كبير في ارتفاع نسبة الطلاق مو كلهم طبعا الاغلبيه كل فتره و الثانيه تجي وحده تقول انخطبت ... استخرت .... ما ارتحت ملكت و ابغى افسخ ..!!! معقوله يا بنات و الاغلبيه تقول ما في سبب الرجل دين و اخلاق طيب سألتكم بالله ايش السبب وين شكر نعمة الله كذا بدون سبب صراحه نادرا اقرا مثل هذي المواضيع و اشوف سبب مقنع ^ ^ هذا كلام عام مو موجه لأحد و بالنسبة لصاحبة الموضوع ليش هذا الشعور الغريب ليش متفشله اذا زوجك انسان محترم و ولد حلال و ما ينعاب غلط عليكي و لا سمعتي منه شي يزعل ؟ اذا كل اجاباتك لا فاسمحي لي اقول مافي مبرر لهذا الشعور كوني طبيعيه و شاكره لنعمة ربك اللي انحرموا منها كثير و اذا المقصود من كلمة اتفشل انك تنحرجي من مسألة الزواج و كذا فهذا شي طبيعي و بالفطره تستحي البنت .. الله يوفقك و يستر علينا و عليك |
اقتباس:
البنت لما تجي وتشتكي انها مو متقبله خطيبها فيه سبب؟ لأنها وافقت عليه دون قناعه تامه.. فقط كان موافقتها خوف من العنوسه وانا متأكده من هذا السبب واتمنى من كل بنت توافق بقناعه مو لسبب فقط الله يوفق الجميع |
للمره الثانيه اختي نسمات اقول انا مالي عداوة مع احد
و لا ازعل و لا اعصب بس مجرد استنكار مو اكثر طيب سؤال حبيبتي اذا البنات يوافقو بدون اقتناع لمجرد الخوف من شبح العنوسه فهل يعقل اللي هذا تفكيرها تطلب الطلاق بعد الزواج باسبوعين او شهور مع ان نار الطلاق اسوأ و اثقل على القلب من نار العنوسه خاصة اذا كان الطلاق بدون سبب واضح و مقنع |
هلا فيك اختي حنونه ...
انا معك في كلامك وهــ انا اقول البنت اذا مومقتنعه من البدايه تترك الرجال بحاله ورزقه على الله .. اكيد نار الطلاق اسوأ و اثقل على القلب من نار العنوسه.. واقول لك .. البنت( المتردده الغير مقتنعه).. في اعتقادها بعد عقد القران راح تتقبل الزوج وتعيش حياة هنيه طبعا العكس صحيح . من المفترض اذا مارتاحت حتى لو كانت عمرها 40 سنه لاتوافق وربي يعوضها خير.. |
آشكر مرورك و مداخلتك و الله يوفق المترددات للراي السديد
و يرزق الجميع من واسع فضله |
يابنت الحلال شعورك عاددي
انا اذا جابوا طاريه يرتفع ضغطي واتنرفز واذا كلمني وسمعت صوته يتغير رأيي وارجع احبه يوم ونص وبعدين ارجع اتذكر اشياء ثانية وماعاد ابي اسمع اسمه واذا كلمني طاح اللي برأسي ، مشكلة البنات والله خخخخخخ دامك تقولين أخلاقه زينة بتحبينه ان شاء الله والوساوس لا بد منها |
اقتباس:
|
مشكورين على ردوكم
× الرسمي × كلمتك لسه براسي وربي يرزقك الجنه احسك ريحتني كثيرررررررررر الماضي الدفين لا ما تفشل كشخصه لا بالعكس احس اني اوقات احبه بس نفس الوقت احس بضيقه شعور مختلط انا بجد انقهر من نفسي لاني حابه اسعده يعني شوي احبه وشوي لو قالوا يمكن يكلمك اروح اخاف واكررررر ه وشوي افكر اتركه * حنونه بطبعي * غلط عليكي و لا سمعتي منه شي يزعل ؟ لا وربي ما قال شي يزعل بالعكس شخص طيب بس شعور الي بداخلي ما ادري كيف يمكن متخوفه من الزواج ما ادري يمكن عشان ما كلمته او ما شفته زين لان بالملكه ما شفته يعني تلقيني اضيع واتهرب يمكن انحرج من الي حولي مو قصدي انا ما احب اظلمه ما وفقت الا انا بعيش سعيد واسعده وانا منقهره من نفسي كثيررررر قسم بالله اجلس افكر بنفسي بجد تعبت ادري ان كلامك صح وانك طيبه وردك يدل على نيتك الزينه نسمات البرد لالا مو كذا انا مو خايفه من العنوسه ولاشي وانا مو من البنات الي تقبل اي شخص عشان ما اعنس لا بالعكس انا مبسوطه بيت اهلي ومدلعه والحمد لله وكل شي ابيه متوفره وربي لك الحمد انا وافقت عليه لانهم مدحوه لي كثير وهو طيب مره بيحي خواته بهتم فيهم وابوي يحبه كثير واهله طيبين ما شفت شي عليه مو حلوووووووووووووه بالعكس شكله مو حلو ولا هو زين عاااااااااااااااااااادي هو شخص عادي بس بحب يكون زوجي يهتم بشكله وشيك كذا يعني فيش يوزرات نفس الي بتقوليه اوقات وربي لو يصير شي بخاف عليه مع اني ما اكلمه بس اسال اخواني واوقات تجي اني اكره وانحرج واتفشل من تصرفاته او كره مادري شعور يقهر وربي واوقات اجلس ابكي |
أختي مادامك مقتنعة فيه وبشكله فكل المشكلة تضارب في المشاعر وعدم استقرار نفسي طبيعي نتيجة الاقدام على الزواج ولانك بتدخلين حياة جديدة أنصحك استمري بالاستخارة وادعي الله موفقة |
فيه ايوه شكله مووووووووو كثير اخلاقه حلوووووووووووووه بس شكله عااااااااادي جدا مو الي زي بالي فهمتني
|
طيب يا أختي لو كل رجل ومرأة نظر للحياة الزوجية كما تنظرين لها لما تزوج أحد أنت تقبلتيه وترين شكله ومرتاحة معه انتهى الأمر زوجك لن يأتيك مفصل من الجنة ولن ينزل عليك من فضائية من الفضائيات ... كوني واقعية وارضي بقسمة ربكِ لك مادام شاب خلوق وارتحتي مع شكله ارتياح مبدئي ولو كان بسيطا فتوكلي على الله وبالتأكيد أنك فيكِ عيوب شكلية مثلما فيه عيوب شكلية عودي لأرض الواقع عزيزتي |
ونعم بالله كلامك عين العقل وربي يسعدك على هالكلام لي ريحني وبحاول ما ازيد مخاوفي
وااوكلها على ربي |
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©