|
متردده اكمل والا لا
السسسلام عليكم ورحمه الله وبركاته
ببدا بالسالفه من اول شيء .. عمري 24 تقريبا لي 5شهور مخطوبه ومن واحد يقرب لنا وعمره اتوقع 26 الولد كنت متردده فيه لانه يقرب لي وفيه مشاكل بين اقاربنا .. وماكنت متقبلته .. بس قالوا لي احد تعرفينه احسن من برى والاقارب ماعليك منهم .. وذا اللفتره شاء الله وملكنا بس من عقب الملكه احس ترددي زاد انا من البدايه مو متقبلته وهو الله يهديه ماقال الا كلمتين ولبسني الشبكه وطلع على طول يقول انه يستحي مع ان اهلي كانوا متحمسين ومافيه احد غريب بس اهله واهلي .. علمآ اني من انخطبت وانا اصلي الاستخاره لحد اللحين بس مافيه ذيك الراحه والاقتناع التام له .. مع انو محد سبه لي ابد وهذا اللي مخليني اكمل لحد اللحين .. يقولون خلوق .. يصلي .. هادى .. بس يدخن واحسه شخصيته سلبيه شوي احس اني تعبتتت مو قادرره ارد على مكالماته واتضايق ولا اتخيله زوجي .. مو لعيب فيه بس لتردد مني .. اخاف اكمل معه واظلمه واظلم نفسي لاني ادري انو القبول والاقتناع من شروط الزواج الناجح واخاف انسحب واتحسف على شغله الصلاه والاخلاق .. مدري شعوري ذا طبيعي والا استخير ويكفي وان شاء الله ربي يعوضه احسن مني ويعوضني خير |
أختى :
كثيرا من هم فى مثل حالتك فى بداية فترة الخطوبة ... يشعرون بمثل هذه المشاعر من القلق والحيرة وتضخيم الأخطاء .. والعيوب ..إلخ الحل الوحيد فى رأيى لقطع الشك باليقين ... هو الإستخارة والتقرب إلى الله عزوجل بالصلاة والدعاء الكثير ... حتى يتبين لك الأمر جيدا ... وأحذرى من التسرع بإتخاذ القرار .. والسماح للمحيطين بك ِ بالتأثير على قرارك ... فأنت فى هذه الفترة لماتمرين به من حيرة قد تكونى فى أضعف حالاتك ... كونى مع الله ... وإن شاء الله يبين لك الصح من الخطأ ... هذه خلاصة تجربتى الأليمة ... فقد مررت بنفس التجربة وفضلت الإنسحاب ... أقدمها لك على طبق من ذهب أتمنى ان تستفيدى من تجربتى وكلامى... تحياتى,, أخوكمm.s |
عزيزتي .. الله يختارلك الخير.. بس ما وضحتيلنا ايش مضايقك منه..؟ يعني هل فيه صفات سيئة خلتك ترفضيه.. ولا بس احساسك انه يقربلك وخلاص؟ حاولي تفكري كويس.. وتكتبي سلبياته وإيجابياته.. ياقلبي .. راحتك أهم شي.. بس لازم تكوني واثقة من قرارك.. |
لا تتسرعين واستخيري طالما الرجال طيب وخلوق
الله يسخره لك ويطمن قلبك ويريحك ...... |
صبااح الخير
استخيري ثم استخيري ثم استخيري بعدين عطي قرارك الاخير لان الزوااج اولا القبول ثم الود ثم الاحترام ثم الحب اذا اختل القبول اختلت باقي الشرووط من ود واحترام وحب اذا ماكنتي مرتاحه مارايح تنامين عدل وتحسين بضيقه وخنقه وتحسين ان الحيااه وقفت محلها لا تستعجلين بالزواج قرري وانتي بوقت الملكه لان اذا دخلتي عالم الزوجيه وانتي ماعندك قبوله له رايحه تظلمين نفسك وتظلمينه ورايحه تشووفين كل الي يسوويه خطاااء ولا تتقبلين منه حتى النصاايح منه انا كنت في نفس حالتك لاكن قلت هذا من الشيطان يوسوس لي وهو بالاصل مافيه قبوول للطرف الثااني لاكن اكملت مشواري بالزواج احترام للبنت واهلها مابي اجرحها بانفصالي لها لاكن مانفعني المجامل الى الان وانا اعيش في صراع داخلي مع نفسي ولا اعرف انام جنبها واحاول اني اتقبلها لاكن النفس رافضه رفض تاام بعض الاحياان مايجين قبول اني اجاامعها فانا اقولك عن واقع تجربه لا تظلمي نفسك الحيااه الزوجيه رااحه وقبووول وحب وفله لاكن لا تحرمي نفسك من هذا من شان ماتزعلي احد وتعيشين دوامة لوم النفس وماعليك من النااس وكلامهم لانك انتي الي بتعيشين هذي الحياااه وانتي الي بتفرحين وانتي الي بتتالمين يعني خلي قرارك باقتناع داخلي من نفسك الله يوفقك يارب ويسعدك ويستر عليك ويكتب الي لك فيه خير بالدنيا والاخره |
الله يوفقك
بس سؤال ليش ما رفضتي قبل الملكه احسها صعبه الوحده تملك ما تكمل شهر و تتطلق عموما اترك الساحة لغيري يبدي نصيحته سبق تكلمت و زعلو الاعضاء الله يوفقك و يختار لك الخير |
اقتباس:
|
m.s & الوزن الثقيل
بصصدق تجربتكم ساعدتني على توضيح الصوره شوي .. واحس تخيلت نفسي في كل الردين .. ان شاء الله ربي يعوضني ويعوضه خير والله لايحرمكم الاجر وينولكم زي اللي تبون بالدنيا والاخره .. قلبي حنون فيه شيء داخلي احس مو مريحني بس وشو بالضبط مو عآرفه وآمييين يارب .. وربي يسسعدك غنيه باخلاقي الله يكتب لي وله الخيره .. ربي يجزاك كل الخير حنونه تقدرين تقولين مكتوب لي لو ادري بيصير لي كذا ماكان ملكت .. سيده الموقف ردك استوقفني كثثير ومع اني كنت متردده انو انزل الموضوع بس صددق التجارب والردود اللي كتبتوها احسها وآستني كثثير .. وع الاقل صرت متاكده من شعوري اللحين .. وربي يوفقكم ويجزاكم كل الخير ووييسر لي ماآهمني |
طيب عزيزتي صمت في بينكم مكالمات ؟ واذا كان بينكم بشريني ماهو انطباعك عنه بعد المكالمة ؟ هل يزووورك خطيبك ؟ هل المشكلات بين العائلتين مستمرة أم أن زواجكم حسن الأوضاع ؟ بالتوفيق غاليتي |
معليه اسمحي لي اختي
انتي تقولي من قبل الملكه ما حسيتي بذيك الراحه ليش كملتي و ورطتي نفسك و الآن اذا انسحبتي بتحملي لقب مطلقه ما كان استعجلتي مدام الاستخاره بينت معاك عدم الراحه عموما الله يعينك و اذا قررتي الطلاق الله يصبرك و يعوضك |
نعم كما ذكرت لك الأخت سيدة المواقف
اقرئي رد الأخ الوزن الثقيل جيدا و فكري فيه ابتعدي عن كل ما يمكنه التأثير على قرارك، فاتخاذ مثل هذا القرار صعب و ليس من السهولة بمكان أن تقرري بين ليلة و ضحاها. استخيري الله عز و جل مرارا و تكرارا و اسأليه أن يلهمك القدرة على اتخاذ القرار الصائب. وجهة نظر شخصية.. لو كنت مكانك و أحسست بنفس هذه الأحاسيس حتى بعد الإستخارة لم أكن لأكمل مشواري، فالزواج معناه حياة مستقبلية بآفاق جديده و معاني مختلفة. وفقك الله لما فيه خيرك و صلاحك |
والله اني اتمنى اني ارجع وقت الخطبه او وقت الملكه كان قررت ماهو صاائب وبعيد عن المجاملات
ماذا جنيت لنفسي بعد المجاامله غير الهم والله اني احاول اني اتقبلها لاكن مافيه امل احس كلشي تقووله خطاء وهو صح لاكن النفس اذا ماتقبلت الوااحد مستحيل تقبله لاكن يمكن انتم يانساااء غير يمكن انتم عااطفين او من هذا القبيل يمكن تتغير مشااعرك اتجاهه لاكن لا تعيشي على كلمة يمكن يمكن جعلتني اشووف الحياااه لا طعم لها ولا مذاااق واحس الحياااه وقفت بعد ماكنت ضحوك وطموحي الحين والله مااحد يشووف ضحكتي لا بالقنااع اني ابين لناس اني مستانس لاكن بدااخلي المشااعر مسوويه حرب وغير الؤم النفسي يتلؤمين نفسك بكل الاوقاات لاكن لا تستعجلين يااختي انا اقولها من قلب اخ لك استخيري الف مره من شاان لا تظلمين نفسك ولا تظلمين ولد الناااااس الله يووفق كل بنت ويوفق كل شاااب ان تكون حيااته سعيده |
:: |
الماضي الدفين
هلابك امم لا والله ماكلمته الا مكالمه وحده وماحكيت فيها ابد وبخصوص الزيارات ابدن عقب الملكه والمشاكل بالعكس احسها زادت مو تحسنت : ( عموما الله يسهل امور انفصالي ويعوضني خيير يارب حنونه تخيلي نفسك مخطوبه وانتي بسس اللي تقولين مو مرتاحه ولما تقولين لاهلك يقولون وش اللي مو مريحك انا نفسي موب عارفه ليه مو مرتاحه الولد محد سبه .. بس يمكن مايناسبي وهم بنظرهم يبون لي الاحسن لانهم يعرفونه وماسمعوا الا كل خير .. كنت اقول بيني وبين نفسي يمكن انا غلط وهم الصح ويمكن اذا ملكت تتغير نظرتي عنه ماتوقعت كذا بتزيد ولااهلي توقعوا .. بس اللي كاتبه ربي بيصير .. والحمدلله اتراجع اللحين ولا بعد الزواج .. ولاتحسبين طلاقي اللحين سههل علي خصوصآ بوسط ذا المجتمع .. دعواتك لي ومنورتني : ) VIP الوزن الثقيل وسيده الموقف وM.S واللحين ردك احس ربي يسرهم لي .. لما كتبت هالموضوع ربي العالم بحالتي والحمد لله بعد هالردود حسيت اني مرتاحه بقراري .. وان هالشيء مو بيدي ولا بيد غيري بيد ربي سبحانه .. اقتباس:
بس الله ييسر اموري واموركم : ) اقتباس:
صصدق اني جاملت لحد اللحين بس ماقدرت اكممل اول شيء داعوتي لك ان ربي يسخرك لزوجتك ويحليها بعيونك ويبعد ابليس ووساوسه عنكم اقتباس:
تجربتك اللي سردتها صحيح عطتني درسس بس حزنتني بنفس الوقت .. اكييد زوجتك حاسه بس الله يزين الامور بينكم .. ماقصصرت اخووي والله يجزاك كل الخير .. اقتباس:
وش اقولك اختي والله ودي احب راسك .. ترى من جد حكيك وردود اخواني احسها عطتني جرآه انو اصمم على رايي والتوفيق من ربي سبحانه .. الله يجزاك كل الخير انتي واللي ردوا كلهم ودعوآتكم لي بالتييسر والعوض الاحسن ان شاء الله .. |
اختي خذي هذه الكلمتين مني وماراح تنسيني ... تزوجي الرجآال اللي يحبك وشاريك , ولاتتزوجين اللي انتي تحبينه وشاريته ومع الوقت بتحبييينه الاول ان كان هو يحبك وشاريك لاتضيعي على نفسك هذه الفرصه ورآح تحبينه مع العشره , انتبهي تتهوري بقراراتك !! الله يوفقك وين ماكنتي |
نسيت اقولك نقطه سوي جدول
واكتبي ميزاته الحلوه بخانه والميزات الغير مقبوله بخانه وشوفي وقرري لكن لاتتهوري أرجوك تأكدي من مشاعره تجاهك, يكون يحبك الرجال وانتي بتصدمينه بسالفه الانفصال والله ليتعقد بعدها ارجوكي اعطي نفسك فرصه لتقبله واعطيه فرصه لاظهار مشاعره لك |
| الساعة الآن 09:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©