|
زوجي وتعامله وامه
سلام عليكم
مشكلتي مع زوجي وامه الله لايسامحها امس خرجنا وفي السياره كنا نتكلم عن الاولاد قلت انااستغفرالله يارب جعل بعد ولدي بنت طارت فيني وقالت انتي كافره وسكتت رحنا تعشينا وانا ساكته ونحن جالسين ولدي حط راسي بحضنه قالت ام زوجي ايه اضربها >>تخيلوا تقول لطفل مثل كذا لمن رجعنا البيت قلت ليه امك تقول اني كافره وانت ساكت قال تمزح المهم اليوم باليل راح ودها مشاوير ورجع ونام وقام تغداء ومن يوم قام وهويعايب بكل شيء ليه ماسويتي كذا سكتت قام ضرب ولدي كف وقلت روح نام خلاص الله لايسامحك ياشيخ شوي قام دف الولد اناقمت فتحت الحمام قلت ادخل هنا وروح نام ولدي لاتضربه قال ماسويت له شيء وقام ضربني كفوف وش اسوي معه اتطلق ولاايش لااحد يقول قولي لااهلك دايم ادق عليهم ويطلعني الغلطانه هوماقصر معي بس هذي ثاني مره يضربني بشهر وهوالغلطان اروح عند اهلي ولااطلب الطلاق ولاوش اسوي معها اواهجره اووش اسوي ابي ادبه عشان مايمد يده امه دايم تتتكلم ولاتسكت وهوماهومعطيني رومنسي ولاشيء كاننا اصحاب بالبيت |
سكتي على الضربه الاولى تحملي الضربات الجايه امه انسانه كبيره وهذا تفكيرها ولاتشرهين عليها لكن هو الزوج والمسؤل والاب لابنه يضربه ويضربك خير نصيحه لك اتخذي موقف الوقت هذا ماتنفغ المبادي والصبر وهالكلام الفاضي... ماحد يدفع الثمن الا انتي ارسلي رساله له قولي له ابي اعرف وش سويت لك عشان تضربني ولا لاني سكت عنك في المره الاولى وصابره على تصرفاتك وتقصيرك معي واتركي ولدك وروحي لاهلك عشان يعرف قيمة زوجته وام ولده وقفلي جوالك وخلي تفاهمه مع اهلك الرجال اذا مايخاف الله ومالقى احد يوقفه عن حده ماراح يرده عن الضرب والقسوه اي شي الله يعينك كثري الاستغفار والدعاء والله يسهل امورك |
ليش ماتخذين كلامها على محمل المزح يعني مثلا لما قالت انتي كافره قولي لا ياخاله بس البنات هاديات وبرري بادب ولما قالت اضربها وجهي الكلام لولدك وقوليله تضرب ماما لا عيب هي اعتقد راح تتلتزم الصمت ونقطه لاتدخلين زوجك بينك وبين امه لان بديهي بيوقف مع امه لو هي غلطانه وهذا واجبه بس انتي اكبري فنظره بسكوتك على زلات لسانها ترى عادي اذا ماتاثر على شخصية زوجك والي حاصل بينك وبين زوجك ممكن ردة فعل لانك وقفتي على تصرف امه هنا حاولي تجنبين هالسلوك نهائي وربما استجاب لك وسال امه ليش قولتي لزوجتي كذا وكذا وهي ممكن عابت هالتصرف عليك وطبعا زوجك انحرج من امه وحاط اللوم عليك اما شعورك تجاه زوجك وتصرفاتك معاه لانك متحامله على امه ياقلبي لاننسا هم حريم كبار ويجي منهم اكثر لازم نتحملهم زي مانتحمل امهاتنا وكل ماكانت ام الزوج قاسيه وقابلتيه بصدر رحب وبينتي لزوجك انك متحمله عشانه كل مازاد حنانه وحبه لك ومع الايام راح تتعوضين وصبرك عليها يفتحلك ابواب الرزق اكلمك عن تجربه |
اهلين اختي حسبي عليه ....
غاليتي لماذا لاتتصرفين بحكمه وهدوء من ناحية ام زوجك فهي امراءه كبيره احتويها بتعامللك اجلبي لها بعض الهدايا لكي تكسبي خيرها احسن من شرها وانتي مأجوره بأذن الله على تعامللك معها فحينما قالت لكي انتي كافره فقولي لها جزاك الله خير ياأم زوجي وحينما قالت لطفللك اضربها فهمسي بإذن طفلك لا ياحبيبي الام لاتضرب والله لايحب الاطفال الذين لايسمعون كلام امهم فطفللك ولغة حوارك معه سيتجاوب معك أما من ناحية الزوج المصون فأعلمي حفظك الله ان الرجل لاطالت يده نقص عقله فزوجك يعاندك فكلما قلتي لاتضربه زاد اكثر واكثر وحينما انفجر حول الضرب لكي انتي فللذللك حينما ترينه يبدء بالجدال والنقاش قومي واشغلي وقتك بشئ ثاني لا تجادليه بالكلام وهاذا شئ طبيعي وانه مع امه حتى لو كانت هي الغلطانه فللذلك الافضل ان تكسبي ام زوجك وان تتوددي لها بالحب والهدايا لكي تكسبي رضاها وحبها لكي وانصحك ياغاليتي ان لاتخبري زوجك عن عما يدور بينك وبين امه لكي تبتعدي عن المشاكل وما يؤدي الى ضرب ا سال الله العزيز القدير أن يفرج همك ويرزقك سعاده لابعدها شقاء |
اقتباس:
اناابي اسوي شيء مايوصل لااهلي وربي يااخواني وابوي ليذبحوه او هو يسوي له تصريفه ويحط غلط علي تسلم اختي علي مرورك وربي يرزقك كل ماتتمنيه |
اقتباس:
وربي اربع سنين وانا متحمله ام زوجي وكلامها الي مدري كيف ولمن قالت كافره وقالت لولدي اضربها ليه كذا هي انسانه تروح للمسجد وتسمع محاضرات وحافظه القران هذي ماهي تصرفات انسانه تبي السعاده لولدها كل مشكله هي تكون فيها |
واحببت ان اوضح نقطه هي انك قلتي الله لايسامحك فربما تللك الكلمه اثارت غضبه
وجعلته يمد يده عليك وقام بضربك وانتي قلتي لاتضرب ولدي وكأنه ولدك انتي لحاللك كان يجب عليك بسياسة الحوار ان تخبريه ان ضربه لولده لا يعقل فهو طفل صغير وهاذا شئ يحبط من شخصيته واتمنى منكي انتي ان تغيري اسلوبك لربما يتتغير فا لزوج ياعزيزتي لايحب المراه التى تدعي عليه احرصي اشد الحرص ان تدعي عليه امامه وفقك الله وسدد خطاك |
اقتباس:
احتقرتهم زود وش الي صار عشان انضرب قدام ولدي الله المستعان |
اقتباس:
بشيء شكرا علي مرورك |
حسبي الله ع الرجال اللي يمودو يدهم ع حررررررريهم @_@
|
الله يعينك حبيبتي
عليكي بالاستغفاار |
موضوع غريب
اولا لو امك من قالت لك هذا الكلام كان خذتيه عاادي جدا لا كن انتي من النووع ان ام الزووجه ظالمه دايما ثانيا احس ان المووضوع فيه غمووض يعني ماتوقع رجل يضرب زوجته لانه قالت الله لا يساامحك حتى لو قلتيها ليش ماجعلتي هذي الكلمه بكلمة الله يهديك وش الي يخووفك انك تقوولين للهلك وتقوولين هو يقلب الموضوع للصالحه الا اذا كان هو الصح وانتي المخطيئه رااجعي نفسك واجعلي ام زوجك مثل امك ثم تحسي بالفرق تهجرينه حلوووه هذي تهجرينه انا اذكر الزوج الي يهجر زوجته مش العكس واذا هجرتيه وجاااب زوجه فووق رااسك اليوم الثااني ماهي ردة فعلك رااجعي نفسك واجلسي مع نفسك |
أكبر غلط انك تسكتين عن حقك
بيشوفك ساكته عنه راح يتمادا زي ماضربك مرهـ وضربك ثانـي بيضربك ثالثه ورابعه أنتـي مو جايه من الشارع ولأزم يتوقف عند حده مو معقوله أهلك بيوقفون معه ضدك علميه إذا مد يده انك راح تشتكين عليه في شوون الأسره أو مكاتب العنف الأسري مش عارفه اسمه بضبط واذا هددك يهدد لين يشبع حطي في بالك كذا بتتغير علاقه ولدج مع أبوه مع الأيام بتشوفينه يكرهه أبوه والسبب عنفه وقسوته وولدج إذا ولدج يتكلم راح يقول بابا ضربني بابا سوا لي كذا واذا انتي خايفه تشتكين صدقيني راح يشوف حاله قوي وتوقعي أكثر من الكف |
اقتباس:
ولكن هوكان معصب وحط عصبيته واذا وش الي مخوفني ماني خايفه لكن زوجي قدام اهلي طيب وهذي رابع مره يضربني ومن قبل قلت لااهلي وطلعت اناالغلطانه |
اقتباس:
|
الوحده ممكن تعدي الكلام والنغزات
لكن مستحيل تطوف الضرب لاتخلينه يتساهل لانج ساكته بلغي اهلج ضروري ليش اهلك مايصدقونج وشلون يصير زوجك هو اللي صح |
غاليتي
قليل من الحكمة قد يكفي.... ام زوجك امراة كبيرة سايسيها في الكلام و خديها على حسب عقلها وضعي ببالك قاعدة ..ام الزوج هي المرأة التي حملت زوجك تسعة اشهر وكبرته واجب عليك انك تقدريها وتبريها وتكرميها لا تنسي انه احسانك لها مردود عليك غدا راح تزوجين اولادك وراح يعاملوك زوجاتهم بنفس المعامله.... بالنسبة لامر الضرب حاولي ان تبتعدي عن كل ما يغضب زوجك .. حاولي ان تتقربي له اوتتوددي له مع الحديث اليه بهدا الخصوص في فترات هدوءه..... حاولي ان تكوني اكثر صمتا عن الاشياء التي تثير اعصابه... لكن اذا نفد صبرك وتحملك فمن حقك ان تذهبي الي اهلك حتى يتم التفاهم معه هناك .... وفقك الله |
اقتباس:
لا اعلم لماذا يا اخ الوزن الثقيل تكون ضد الزوجة دائما في اغلب ردودك .. كيف تخلي ام زوجها مثل امها فرق كبير أمي انا مجبورة على حبها وبرها ام زوجي غير مطلوب مني بر تجاهها أذا أحترمتني و قدرتني أضعها فوق راسي اما اذا لم تحترمني وبتسسب لي الاذى فان غير ملزومة بحترامها زوجي ملزوم ومجبر اما انا غير ملزومة .. هذا ليس كلامي فقط كلام الدكتور طارق الحبيب و انا بطبعي احترم النساء الكبيرات جميعا ليس فقط ام زوجي وانصح الاخت ايضا بأحترامها لكن انت تتكلم وكانها مذنبه لا هي ليست مذنبه اذا احترمتها فهذا من طيب اصلها وتربينها اما اذا لم تحترمها بسبب تدخلها في امور حياتها فهي ليست مذنبه .. ثانيا .. اذا قالت لزوجها الله لايسامحك فا الله سبحانه وتعالى جعلنا مخيرين بمسامحة البشر وليس مجبورين واذا قالت لزوجها كذا ليس من حقه ان يضربها هو غلطان 100 % و ان تدعو له بالهداي ايضا هي ليست مجبورة بان تدعي له بالهدايا .. اسأل الله ان يهديه .. تنويه أنا لانصح صاحبة المشكله بهذا الكلام هو فقط رد لك بان تنتبه اكثر في ردودك الهجومية على الزوجات في الغالب فقط لاغير .. أسأل الله أن يصلح حالنا جميعا |
ام زوجك تتكلم لين بكرى طنشي ولاتقولين لزوجك ليه وماليه ؟! يعني ايش بيروح ويهاوش امه مثلاً !! مشي لها واحتسبي الاجر .. تغث ماتغث طنشيها الله يهديها
ضرب الولد اكيد معصب بتجين نفس اللحظه وتقولين ليه تضربه ؟ وقدام الولد ؟ غلطين الاول مايصير الام والاب يختلفون بالتعامل مع الابناء قدامهم كان جيتيه بوقت ثاني وبينتي له ان هالشي يأثر على نفسية اطفاله وبيهز ثقتهم ومن هالكلام وضربتي له امثله كذا راح يسمع لك وطبعا بوقت يكون فيه رايق الغلط الثاني انه معصب وانتي تنهينه اكيد باسلوب زمر او مثل مادعيتي عليه فشي طبيعي يابيتلفظ عليك او يعاند ويضربه اكثر وهذا اللي صار معك يبيك تتنرفزين اكثر وتسبينه فيمد يده عليك .. انتي عطيتيه مجال انا مااقول معاه حق الا كسر ليد كل رجال يمد يده على مره مهم كفووو لكن ساعات المره تجيب لنفسها هالشي خصوصا اذا تعرف اطباع زوجها انا مع كل شي ينحل بين الزوجييين بدون تدخل الاهل الا حالة الضرب وانتي تقولين 4 مرات ضربك وشكل جازت له السالفه .. فكلمي الوالد او واحد من اخوانك له هيبه وزوجك يحترمه وخليهم يفهمونه انه كلششش ولا الضرب .. الحيوان مايضرب فكيف بالادمي لا وزوجتك المهم يتعهد لهم انها اخر مره ووقت الزعل تجنبيييييه قد ماتقدريييين ولاتراددين ولاتدعين وغيري اسلوبك معاه الله يسخركم لبعض ويهدي سركم احترامي |
اقتباس:
انا لما اتكلم اتكلم ان الرجل اهم شي امه ثم امه ثم امه وانا وش لي بامرااه لا تحترم وتبر ااامي مااارايح تلزمني اما اذا تبدل كلمة الله لا يساامحك الى الله يهديك لا امتصاااص غضب الرجل وان الله يهدي لما هو صااالح فكيف ماتكون ماجبووره واذا على ضربه الولد لايكون الولد ولد المرااه فقط جااي من الهواااء اكيد كل الابهاات يضربوون ابناائهم فهم ابناائهم مارايح يضربونهم من غير سبب فلماذا انتم تضربونهم والاب مايقول شي هل انتم الحنونين بس واذا كانت ردودي على قولتك قاااسيه على النساااء انا ردودي ليست قاسيه على النساء انا تكون في محور الحديث فقط لاني مااعرف النسااء هنا يااستاذه الفااضله وشوفي نصيحه لك وكل النسااء الي تبي تحتوي قلب زوجها تحترم امه وتحطها بعيونها لان غير الزوجه 3 زوجات ام الام مابعدها ام ودي اسالك سوال هل ترضين ان زوجة اخيك ماتحترم امك لانها ماهي مجبووره ؟ الله يكون في عوونك |
اقتباس:
اللهم أمين |
ياااختي هل تريدين ان الابن يخطي امه او يسكتها لا فهذا خطاء كبير يزرع الكرااهيه في قلب الام اتجااه ابنها وزوجته
المعرووف ان الام تغير على ابنها ومن المعرووف ان الامهات كبار في سن تفكيرهم دائما محدود يعني لانجعل كل كلمه تتعدى مانعديها هي ماخطاات خطااء كبير في حق زوجته تخيلي لو الكلاام هذا طلع من امها ورد عليها زوجها هل الزوجه ترضى فلا والله ومثل بسيط بعد اذا تبي تشووف ان الزوجه لا ترضى على احد من اهلها حتى لو على خطااء انقد في شي موجود في احدى اخوانها شووفي كيف تقوم الدنيا وتنزلها حتى لو الشي او الانتقاد الي انتقدته مووجدود فلا ترضى كيف الام والله لو فيها عيوووب الدنيا مستحيل انك تقول هذا عيب الا سوفى تخلق مليووون عذر لتقلب ان امك معها حق انا مااقول ان الزوجه مالها واجباات الا لها واجباات ولها حقووق لاكن بعيد عن ام الزوج لان الام في كف وبااقي البشر في الكف الثااني واذا على دعوتها على الرجل بقولها الله لا يساامحك وتقولين مظلوومه انتي لا تعلمين مابينهم وماذا حصل لان لكل ردة فعل فعل لو انها امرااه ذكيه سوفى تمتص غضب زوجها بالكلمه الحسنه شوفي كيف ينحرج الزوج لاكن لو يكون هنااك كلمه تزيد غضب الزوج سوفى تكون ردة الفعل اسوى من الي قبلها الله يوفقكم ويسعدكم مع ازواجكم وامهات ازواجكم ولا تنسى الزوجه ان الام الاولى وبعدين تجي هي |
اقتباس:
الام لها حب يختلف تماما بكل المقاييس عن حب الزوجة واذا اختلف طريقة الحب صعبه نفضل شي على شي كل وحده تمشي في مسار يختلف عن الاخر .. اعتذر من صاحبة الموضوع عن هذا الجدل و اعتذر للا عضاء الكرام عن الازعاج |
| الساعة الآن 09:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©