|
تفكيري صح او غلط ابي رايكم
سلام عليكم موضوعي مومشكله بس حابه اخذ رايكم لان يهمني :22: الموضوع اني مخطوبه (في عقد ) وحفله خطوبه سويتها في بيتنا بما ان في مساحه كبيره يعني كانت عائليه وعزمنا معارفنا و جيران بس احين وقت زواج صراحه مابي اسوي حفله كبيره يعني مابي اسوي ولاحفله بس مجرد عشى اهله واهلي يعني خواته وامه واخواتي وامي كذا يعني لان صراحه ابي ارتاح بعد زواج يعني بدون دين ولامصاريف زايده وخصوصا ان بنروح شهر عسل وبنسكن في شقه يعني يبي لها اثاث وكذا اختي تقولي سوي حفله زواج قلت لها انا مخططه وياخطيبي عشان نعيش مرتاحين بعدين بس احين ماعرف اسوي حفله او لا او جرد عشى اهله واهلي نسافر ع طول والي سويته صح او لا |
[align=center] مبروك عليكم العرس مقدما ............
(العرس مناسبة تجمع أفراد العائلة والكل بيفرح بفرحتكم ، ومن الجميل أن يشارككم الجميع في هذي الفرحة والكل بيدعيلكم ، فلا تحرموهم وتحرموا انفسكم ) وهذا ما يصعب عليكم إذا دعيتموهم ويبقى الجانب المهم مصاريف العرس لآبد أن يكون الوسط (بدون شح وبدون تبذير) [/align] هذا ما تبادر في ذهني ... |
أنا معك مليون في 100...لأن الإشهار المشروط في الزواج حصل في حالتك في حفلة الخطوبة و حتى حفل الزواج في الكافي يعني العائلتين مع بعض
فلا تكلفوا أنفسكم أكثر مما تطيق و في مثل عندنا يقول "مد رجليك على قد لحافك " و البيت طبعا و تجهيزه أهم من عرس و ما يصير نتدين و نكلف نفسنا بس لشيء ثانوي و بعدين ديون و هم و عشان مدح الناس أو تخافي ما تسوي عرس لخوفك من الناس و كلامهم هذا خطأ أختي... هذه وجهة نظري و الله أعلم و الله يسعدك دنيا و اخرة مع زوجك و يبارك لكم وفيكم |
تسلموووون ع ردود
|
الفرحة مره في العمر اعتقد حلو انكم تسون فرح وتعزمون الاقارب والاصحاب ....
|
يسلمو بندر
بس حاطين خطه ان عشان نوفر حق المستقبل بس للحين محتاره |
عادي سوي حفله بالمعقول
يعني اختاري قاعة رخيصه و حلوه بنفس الوقت مو شرط الفستان عند مصممة يكفي مستأجر و يكون نظيف يعني اول لبسه انتي تلبسيه مو شرط توزيعات و زفة CD و من هذا الكلام خليها ليله عاديه و متواضعه في النهايه القرار لك و بالتوفيق |
الفرحه مره ف العمر ع الاقل سويها باستراحه ومطربه واعزمي اللي تبين مو لازم الكلفه المهم تحسي انك عروسه وتفرحي .. بس انتي حره سوي اللي يريحك
|
أعتقد انتم أعرف بحالكم، واحييكم على تفكيركم، إذا أنتم راح تخسرون إذا حطيتوا حفلة كبيرة انصحك تمشوا على اللي خططتوا عليه، أهم شي انكم متفقين ومتفاهمين
|
والله أأيدك فيه وبقووووه ماله داعي التكاليف وتخيلي الخساير عشان عيون الناس وكلها بتسيبينها ومابتاخذين شيء معاك ولابترضينهم إن جبتي الكثير قالو بذرت والقليل قالو أيش فيها
اناأتمنى إن الزواجات البسيطه تنتشر بين الناس وتصير عاده شبابنا تعبو من الخساير والديون أصبح الزواج هم مو فرح والسبب إحنا وكذبنايالحريم سوي زواج يعني بدون تكاليف بدون هم ودين والله الفرحه مو قاعه ولاديكور الفرحه هي التفاهم ولو معاكم فلوس سافرو فيها ترى محد بيفيدكم تقصدون للديون عمر عشان الناس |
أنا أتفق معك يا أخت غربة 11 مليون بالمية يعني إذا أنتم متفقين مع بعض أرجوأن لا تهتمي بكلام الناس ومن سمع كلام الناس مات هماً لأن في نهاية الأمر يعود لكم بالخير أسأل الله أن يوفقكم ويسخركم لبعض ويسر أمركم يارب ,,,,,
|
انا اؤيدك وبقووه الديون هي الي تكسر ظهر الرجااال
والجيب اذا كان فاااضي عند الرجل شوووفي اخلااقه كيف تصير زفت انا ااقولك سوي حفله صغيره عائليه 5 او 10 ذباايح وانطلقي شهر عسل ماتنسينه طووول عمرك افضل لك من الساعتين الي بتمر مثل البرق والله يتمم لك ويسعدك ويستر عليك بالدنيا والاخره ونشوووفك بعدين داخله بالمنتدى تقوولين انا ولدت وش اسمي ولدي او بنتي |
اللس سويتيه صح مية بالمية
لان امور الحفل انتم من يحددها وليس الاخرين اهم شي يكون فيه حفل ويحضره ناس حتى لو اهل العريس واهل العروس وربي يوفقك ويسعدك اختي |
حبيبتي انا اشوف انك غلطانه
انتي كم مره بتفرحين مره وحده وبعدين انتي سويتي حفلتك بالبيت مو بفندق ولاقصر افراح افرحي وونسي نفسك وفرحي اهلك معك والرجال مااقدم على الزواج الاهو عارف انه راح يتكلف الله يسعدك يوفقك |
مشكووورين حبايبي
|
اقتباس:
|
عزيزتي..
أي شخص يقول لكِ (سوي حفلة) بغض النظر عن وجهة نظركِ ووضع خطيبكِ المادي فهو يقولها وهو واضع يده في الماء البارد لأنه ليس هو من سيدفع .. ونفس الكلام ينطبق على أختكِ لأنكِ لست أنتِ من ستدفعين .. ولا أقول ذلك طعناً في أحد ولكنني أعتقد أن الأمر ببساطة هو أن (مال عمك ما يهمك) ;) لن يكون هناك أحد أحرص عليكما وأدرى بوضعكما وبمصلحتكما منكما .. فإن كنتِ مقتنعة بقراركِ وترغبين في مراعاة وضع زوجكِ المادي وعدم الإثقال عليه فتوكلي على الله وافعلي ما ترين. بس أهم شيء الفستان الأبيض ;) .. بسيط وناعم وغير متكلف .. حتى لو كان مؤجراً. بارك الله فيكما وجمعكما على خير. |
نعم حفلة بسيطة.. بدون ترف ولا تبدير.
|
مشكوورين قررت اسوي حفله بسيطه في البيت وكل شي راح يكون بسيط وبعزم اهلي واهله وبنروح شهر العسل
|
| الساعة الآن 07:51 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©