|
هل تفضل هذه المراه
السلام عليكم ورحمة الله وبركاته
اخواني واخواتي انا زوجه من نوع خاص نعرفه نحن النساء هذا النوع نسمى بالسنعات صفاتنا كالتالي ماهرات بالطبخ والتقديم والنظافه جيده جدا حقوق الزوج كامله وحريصات على اشباع الزوج جنسيا ومقبوللات المظهر نحب نهتم بمظهرنا كثير ونهتم كثيرا لكلام الناس عنا لانرضى عن انفسنا عند التقصير ونشعر بقمة الرضى مادام كل ماذكر اعلاه على اجمل وجه ولكن بالمقابل نحن غيووووورات لانقبل المقارنه مع اي احد اذا حطينا براسنا شي يصييييير باي طريقه غير الطرق المحرمه كالكذب والغش والسحر يعني نوصل للي نبيه بطريقة الحيله وكيد النساء ولانستسلم لانتخيل زواج الرجل باخرى ولويحدث هذا ستكون النتائج مدمره للزوج والزوجه الثانيه لاننا نستخدم الحيله وكيد النساء واذا احببنا رجل نحافظ عليه ونحميه بحياتنا ولانقبل الهزيمه طبعا لانخلو من العيوب الصغيييييره كطول السان وحب الاستئثار بالرجل والغرور ونحافظ على حقوقنا الزوجيه مهما تطلب الامر اخي الرجل هل تفضل المراه السنعه التي صفاتها مثل مماذكرت بالاعلى وهل ممكن تصبر على عيوبها كالصوت العالي اثناء النقاش وطول اللسان بالمعقول ؟وليس قلة ادب وغيرتها الشديده حتى من الاصدقاء انتظر رايكم اخواتي المتزوجات السؤال اليكم هل تظنين نفسك سنعه بالعاميه وامره ناجحه بجميع اللغات وهل تتمنين ان يتغير طبعك |
عن نفسي راضيه ولله الحمد ولكن ينقصني بعض الاشياء والكمال لله وحده
وانا ضد تتطويل السان بالنقاش لان ماراح توصل لنتيجه حلو الاسلوب الهادئ الحضاري |
عندي تصور جيد لهذه (النوعية) من النساء فأنا أراها حولي ..
هناك شريحة من الرجال تنفع لهم كهذا نوعية بل وتعجبهم .. وآخرون لا يتحملونها البتة.. وآخرون مو عاجبهم بس يمشون الوضع ومتحملينها عشان ما ذكرتيه من صفات تعني الكثير جدا لأي رجل.. ما الذي دعاك لكتابة هذا >> هل عندك شك مثلا في إعجاب زوجك بك ;) |
أنا أميل للحياء
|
اختي الحقيقه اني خايفه من مثاليتي خايفه لاني مومقصره باي شي حاسه نفسي مميزه فصار زوجي يكبر الصغائر يعني العيوب اللتي ذكرتها بالاخير هي من تنغص على صفو حياتي احس انني اضلم نفسي لانني لست كمثل النساء احب واحافظ واعمل كل الحقوق والواجبات ولا اجد المديح انا اجد عند اقل الاخطاء الصغيره الانتقاد الاذع
امس صار بيننا مشاكل والسبب اني مليت من صم زوجي مليت وانا كل يوم اقوم بكل شي وهو لاتعليق ول اجد معامله مميزه من زوجي تخليني استمر بس مااعرف اهمل احس بالفشل من سنين امس سمعت كلمه بالغلط من زوجي تخيلي يقول اوقات تمر علي اقول مافي زوجه بالارض افضل منك بس تجيك حالات تخربينها يعني زعلي وصراخي علي وانا اناقشه وهذا يصير كل ثلالث اشهر يعني يصير بيننا مشاده افقد فيها اعصابي قد ايش تمنيته يقولها قبل ماازعل لو قالها مازعلت ولا صرخت ولابكيت ولا قلت محتاجه احس باهميتي هذي سالفتي من الموضوع |
آممم
مدري أختي أشوف مجتمعي سنعات ماشاء الله تبارك الله لكن عيوبهن غير اللي ذكرتي طول اللسان بلعكس بمجتمعنا نادر جدا ماشاء الله تبارك الله تلقين اللي لسانها طوييييييييل ونكره هالشيء خاصه مع الرجل سواء اخ او أب او ولد او زوج إذا كان عمره من 14 فما فوق خلاص من هنا يبدأ الاحترام والتقدير << ترى العيال عندنا ذرتين *_* يمكن علشان كذا نحترمهم ونحس بتغيرات بكل ششيء إذا فيه رجل والسنع عندنا بالعائلة أهمممم شششيء من يوم أنتي بزر تتعلمين التنظيف والتغسيل والتقديم وإستقبال الضيوف والطبخ أهمممم من كل ششيء عيوبنا آمممم بصراحه مافيه عيب محدد كل وحدهـ ولها عيوبها والرجل شووفي حبيبتي أغلب الرجال عموما كان سعودي ولا خليجي ولا غيره يحبون المرأة السنعه مثل مانقول لكن فيه أحد يهتم بالشيء هذا وفيه أحد لا فيه أحد مثلا تكسبينه عن طريق كل شيء يخص معدته ! وفيه أحد تكسبينه بالرومنسيه ...... والناس أجناس < عذرا طلعت عن الموضوع *_* لكن تعرفين لزوم المخالفات :$ |
التسنع وطولة اللسان والغيرة وكيد النساء + الشخصية القوية = زوجة سوبر مثاليه في نظري :18: ما يحتاج لها أدنى تفكير, مجرد نظرة سريعه على مجتمعي ومن حولي يثبت كلامي البنت السنعه + السايلنت ما تمشي :25: تبا, ليتني امتلكهم :29: |
الرجل يكره طولة اللسان من المرأة ولو فرشت الأرض ورد ومابقي للرجل إن طوَلت المرأة لسانها؟؟ يحب الرجل من المرأة الغنج في مكانه والدلع في مكانه والنقاش في وقته والحوار في وقته أما مسألة ( المرأة السنعه ) فهي معرووفه ومطلوبه وماذا يجدي إن فعلتي مافعلتي من طيب وكرم لكن في المقابل طوييلة لسان!!!!! في وجهة نظري المتواضعه لا أحب المرأة طويلة اللسان ولا أرى انها صفة من صفاات الأنثى الناعمه نحن رجال لنا صفاتنا ولكم صفاتكم أما مسألة غيرة الأنثى فهي أروع مافي الأنثى !!! |
أختي الفاضلة ياجرح للرجال فيما يعشقون مذاهب ولكن يتفق جميعهم على طولة اللسان مهما كنت مثالية فطولة اللسان بالنسبة لهم تنسف كل شيء أسأل الله أن يوفقك وييسر أمرك دمتي في حفظ الرحمن تحياتي |
انا اكره المراااه الي ترفع صوتها بالنقاااااش كان على زوجها او على اخوها او غيره
|
اقتباس:
تدرين أستفد من موضوعك بس بسأل أنتي تطولين لسانك وزوجك ساكت ولابعد هو يطول لسانه ؟؟؟:d أذكر طليقي لما يعصب ويسمع صوته الجيران لاشعوريا أصير مثله وفيني أغلب الصفات الي ذكرتي مادري تصرفي صح أم غلط عشان أستفيد لا أقل ولا أكثر |
اقتباس:
والدليل الان صرتي مطلقه ترا حلاات الانثى ان صوتها يهمش وتكون ناعمع لاكنر سليطت اللساان تمحي جمالها لو كان جمااالها جمال يوووسفي الرجل من طبعه صوته يكون عالي ويصااارخ ويزقر وكلشي لاكن البنت حلااتها في هداوتها الله يهديكم جميع ويستر عليكم |
خذيها مني انا بما ان بأطباعك كثير مني
وزودي عليها "متزوجه بعد حب " وتبارك الرحمن نحب بعض وحيييل لكن عنادي وطولة لساني وقت الزعل تنسف كل شي مثل ماقالت أمة البديع فخليك سنعه وحاولي تكونين ع السايلنت بتكونين بيرفكت .. يبيلها تعب وانا اجاهد نفسي بس مابي اخسر حياتي مع زوجي فبطلي تجريح وقت الزعل وعصبيه ورفعة صوت وابتعددددددي عنه بهدووووووء "ادري صعبه بس حاولي" موووفقه |
اقتباس:
زادك الله من فضله اشكر لك مرورك وردك اختي |
اقتباس:
|
اقتباس:
ما يحتاج لها أدنى تفكير, مجرد نظرة سريعه على مجتمعي ومن حولي يثبت كلامي البنت السنعه + السايلنت ما تمشي هذا الشي اللي ابي اوصله من بدري وانت اختصرت لي الموضوع بمعادلتك القيمه ان شاء الله ربي يرزقك السنعه اللي رضي قلبك وعقلك |
اقتباس:
اصدقني القول خي لو امتلكت امراه كل الناس تمدخ طبخها واهلك يحبونها لانها سنعه يعني ماتشيل هم اذا احد زارك وشكلها مقبول ومهتمه بنفسها كثثر ونضيفه وعايش كانك ملك هل ممكن تضحي فيها لمجرد انها كل ثلالث شهور او شهرين تزعل وتعصب وتعلي صوتها وماتقل ادبها عليك وترجع بعد ساعات تعتذر هل ممكن تضحي فيها بسبب هالصفه ؟ |
اقتباس:
شكرا لك اختي الغاليه بارك الله فيك وزادك من فضله |
اقتباس:
|
اقتباس:
زوجي ساكت!!!!!!! اصلا انا ماطول لساني الا لان زوجي هو اللي يستفزني ويجبرني اقول كلام اندم عليه ولكن للاسف انا من علمته ان يطول لسانه ويعلي صوته اكيد غلط بس ماتوقع انه سبب طلاقك |
اقتباس:
عسى ربي يساعدني يارب ياليت اتخلص مه هالعصبيه كان ارتحت شكرا لك اختي بارك الله فيك |
الحد المعقول من الغيرة لانو الغيرة الزايدة بتخلي الجو مكهرب مع انو الغيرة احيانا دليل الحب بس الواحد بدو يعرف متا يستخدمها
وانا بشوف حالي مش من هادا النوع |
اقتباس:
شوفي أنا بشهادة زوجي زوجه مثاليه وماأقولك كامله مافي أحد كامل كل أنسان فيه عيوب بس مثل ماقلت لك حبيبتي الرجل يكره المرأة الي تطول لسانها حتى لو ماقلة أدبها مجرد أرتفاع الصوت يجسسه أنه قاعد يناقش رجل مثله مايمنع تكوني سنعه وبنفس الوقت هادئه وصبوره علشان زوجك ماعاد يشوف غيرك وتملكي عقله وقلبه الله يوفقك غاليتي ويسعدك مع زوجك ويسخره لك:) اللهم أميييين |
وعليكم السلام ورحمة الله وبركاته ..
أصلح الله حــــالك .. جميل الصفات التي ذكرتي .. ولكن ,, رفع الصوت !! وطولة اللسان !! ينفرمنها أكثر الرجال ولايتحملها .. أكملي الصفات الجيدة فيكي .. وتجاهلي استفزازات زوجك .. كوني ذكية .. وفقك المولـــى .. |
اقتباس:
أختي الكريمه كل ثلاث شهور مررره وتجي تعتذر تكون مقبوله لحدٍ ما لكن، إن تطور الأمر وأصبحت صفه فيها دائمه فالمعذره أختي الكريمه لا أطيقها، ومثالها مثال : الطالب الشاطر في المدرسه والذكي والمتميز في كل شي لكن قليل أدب مع مدرسيه وذو أخلاق سيئه من الممكن بعض المرسين يتحملوه لشطارته فقط ومن الممكن بعض المردسين يتذمرون منه ولا استبعد ان يتم فصله من المدرسه إن ماحسن سلوكه. أتمنى فكرتي وصلت أختي الكريمه. . تبقى وجهة نظري أحتفظ فيها لنفسي،،،،،،،،،،،،،،،،،،،،، |
اقتباس:
لا الغيره موزايده يعني معقوله وهو يقدر يتحملها وفقك لله وجزاك الله خير |
اقتباس:
|
اقتباس:
|
اقتباس:
ان شاء الله احاول وفقك الله الى مايحب ويرضى شكرا لمداخلتك الرئعه |
مرة زوجي سئلني هالسؤال قالي انتي تحسي انك زوجه سنعه
وقايمه بكل الواجبات قلتلو مااتوقع وحده تقول انا مقصرة يمكن انا مقصره بس انا اشوف نفسي قايمه بكل الي علي على اكمل وجه وانت تقدر تساعدني لو في اشياء انا مقصرة فيها ومو منتبهه |
اقتباس:
أكيد أعرف أنه غلط طبعا يكون هو غلطان والغلط راكبه من رأسه لرجوله وبدال مايعتذر يصرخ كيف أكون هاديه با الوقت شي صعب حتى الشخصيه المثاليه ما أتوقع تكون هاديه جاء رجل إلى سيدنا عمر بن الخطاب رضى الله عنه ليشكوا له من زوجته فلما وصل إلى بابه سمع صوت زوجة عمر مرتفع فأراد الرجل أن ينصرف إلى حال سبيله دون أن يدق الباب ففتح عمر رضى الله عنه الباب فوجد الرجل ذاهب إلى حال سبيله فنادى عليه قائلا لم أتيتنى ولم تدق الباب فقال الرجل جئت لك شاكيا من زوجتى ولكن رأيت حالك مثل حالى فقال له عمر طالبا منه الرفق بالزوجة فإنها تقوم بشئون البيت من نظافة وترتيب وإعداد الطعام وكذلك تربى الأولاد وذا كا ن هو سبب طلاقي فا الحمدالله على كل حال هو الخسران :d:d |
| الساعة الآن 07:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©