|
الحمو الموت!
السلام عليكم و رحمة الله و بركاته
اخواني اخواتي حبيت اطرح موضوع عن الحمو و الزوجه في بيت واحد و في غياب الزوج في مكان العمل انا من النساء اللواتي يعشن مع اهل ازواجهن في بيت واحد و ممن تطالب بمسكن مستقللأسباب عديده الحقيقة انه اهل زوجي محتاجين لزوجي في امور البيت و في احد اخوان زوجي مشلول الله يشفيه يارب و الأخر بصحه وعافيه و الحمدلله لكن بدون وظيفة و معليش رح اقولها"خريج سجون" زوجي من سنه تقريباً و هو ما يرجع الا متأخر من عمله و انا ابقى في البيت طبعاً مع اهله و اخو زوجي المعافى اللي من فترة 5 شهور صار عندنا في نفس البيت اما المقعد فهو علطول في البيت الله يشفيه" ادعوا له بالشفاء" احياناً يخرجوا ام و اخت زوجي لمشاوير او لزيارة الجيران وابقى لوحدي في البيت مع المشلول غالباً و احياناً مع اخوه الثاني اذا رجع من شغله بدري و زوجي طبعاً ماهو موجود بصراحه خلال هذي الفتره اما انحبس داخل الغرفه او اني ادق على زوجي يشوفلي الوضع كيف في البيت"يعني لسى موجود اخوه او مو موجود وفين عشان اقدر امر عالمطبخ واللي طبعاً اساسي جداً في حياتي لأنه بطبخ و بسوي فيه كل شي و بحكم انه معاي طفله رضيعه فطبيعي اخرج كل شوي المطبخ وهناك تحصل المواقف اللي انا اعتبرها مخزيه"يعني يمر اخو زوجي الثاني و يشوفني بالغلط وهالشي بيحصل بوجود اهله لأني لما اكون وحدي اخرج من الغرفة و انا ارتدي روب الصلاة و احياناً او بالأصح نادراً يجي احد اصدقاء المشلول و مافي حد بالبيت الا انا و الله معاي طبعاً طيلة فترة وجود صديقة وانا في قلق لا يسوي شي في المشلول و بعدين يصير يسوي فيني شي الله لا قال و لا قدر بأختصار عايشه في قلق في بيتي نتكلم عن ظروف اهل زوجي ابو زوجي متزوج وحده ثانيه و له منها 4 عيال و الخامس عالطريق ان شاء الله بصراحه المستوى المعيشي مش و لابد و زوجي بيدفع نص الأيجار لاى جانب مصاريف البيت اللي انا اتقاسمها معاهم و ابوه النص الثاني من الأيجار بحكم انه ابوه معاه مصاريف العائلة الثانية و مايخرج عائلته الأولى ابداً لأنه معتمد على زوجي في مشاويرهم و بحكم انه معاه العائلة الثانية و اللي يادوب زوجي يخرجني اشم شوية هواء لأني محبسوه طيلة خمسة ايام في الأسبوع ما اعرف حتى الجو مشمس و الا مغيم لأن البيت اللي احنا ساكنين فيه اسميه مقبره"مش مشمس خالص" الله يستر لا يصير فيني كساح بس الحمدلله اشمس بنتي في غرفة المعيشه اللي يقعدوا فيها بالعصرو احياناً اعطيها لجدتها او عمتها يشمسوها عشان اخوهم يقعد في الغرفة شي اخر انه لما يجتمعوا كلهم على الغدا و هذا صراحتاً ما يصير كثير يطلبوا مني اني اتغدا معاهم بس انا ارفض و هما يزعلوا و انا افهم زوجي انه اذا يبغى راحتي يخليني اتغدا لوحدي و هو يروح يتغدا معاهم بس عشان ما يقولوا اني خطفت ابنهم من عندهم و في احد المرات وافقت بس نرضيهم و قربت الصحن لقدام مكاني انا و زوجي و بعدين مشيت عالمطبخ اصب كاسة العصير و ارجع الا و الاقي اخو زوجي جلس بمكاني و ترك مكانه ليا!!! لا و عد يقوللي هو مش زوجي" انتي اجلسي جنب ابوي ابغى اجلس جنب اخوي" بصراحة ما عد عرفت اتغدا من القهر يعني اول مره اجتمع معاهم يقوم يسوي كذا لا و زوجي سااااااااااااااكت و انا بصراحه ما احب اكلم اخوان زوجي خاااااااالص و لا احب يكلموني"اصلاً عادي عندهم و انا لا و اكيد بيشوفوني متكبره لأنه زوجة اخو زوجي عادي عندها تعطي و ترد و تتغدا مع عم زوجي و تظهر قدامه"يعني طبعهم كذا" و انا طبعاً اهلي ربوني اني ما اكلم حد غريب عني و لا اعطي و ارد و ارد بس على قد السؤال انا طالبت زوجي بشقه من قبل ما يدفع الأيجار الأخير و اللي هو من قبل 3 شهور تقريباً"دفع حق سنه كامله" بس مارضي بحجة انه اهله يحتاجونه و انا قلتله عادي نستأجر شقه قريبه من البيت و يساعد اهله في مشاويره و اللي انا متضرره منها لأنهم يخرجوا متأخرو انا ابغى اخرج بدري بحكم انه معاي طفله ارجعها البيت بدري عشان ارضعها و اغيرلها و انومها و هما حاطين فبالهم يتأخرون لنص الليل عالعموم انا ما عندي مانع انه نسكن جنب اهله بس المهم بيت اسميه بيتي مش بيت اعيش فيه بقلق لكن بالمره مارضي... لا و يقول نشوف ايش رأي الشرع "يزعم على اساس حكاية حاجة اهله له" و اللي يقول مافيش رجل اخر في البيت و الله صرت اقول ارجع لبلدي و اعيش عند اهلي اشرفلي لأنه زوجي مو مهتم بحرمة بيته و انا قايله له كم مره انه بنتصادم انا و اخوه بمواقف بالغلط و انه هالشي اكيد ما يرضيني و لا يرضيه لكن لا حياة لمن تنادي انا من النوع اللي يروح باله لأبعد الأحتمالات يعني فرضاً لا قدر الله يسوي فيني اخوه شي و لو اشتكي هل رح يصدقني زوجي و الا رح يرمي البلا عليا و انه انا اللي ابتديت او شي زي كذا قد قالها رسول الله صلى الله عليه و سلم" الحمو الموت" انتظر اقتراحاتكم و ارائكم في مشكلتي و اللي اكيد كثير حريم يشتكو منها و هل انا عديمة احساس تجاه حاجة اهله لأبنهم و اللي اصلاً ماعد بينفعهم كثير بحكم تأخره لنص الليل في العمل" و الله بسبب التأخير حقه استحي اطلبه الأشياء اللي احتاجها لأنه يرجع البيت تعبان مره" و هو بصراحة مو مقصر معاي بمقاضي البيت و يسألني اذا احتاج شي او يجيب شي من برا اكله تحياتي |
صحيح الرسول حذر من الحمو لاكن الى الان انا ماااشوووف ان اخو زوجك اخطا عليك او فعلك شي
وين المشكله من الحمو صحيح حلو الواحد يكون له شقه مستقله لاكن انتي تعرفين ان زوجك يعيل اهله وهم محتاجينه اصبري من شان تكبري في عينه ولاانتي حطيتي الحمو الان عذر من شاان تطلعين للشقه منفرده وهو من حقك وهذا زوجت اخوه معكم بالبيت وامه وخواته معكم يعني انتي ماهو الحالك لاكن صفي النيه وان شااء الله ماهو صااير الا الخير وتحجبي قدامه هذا اهم شي |
اولا الله يكتب لكى الاجر على حرصك واهتمامك
الشى الثانى كلمى زوجك مره ومرتين وثلاث بس لاتحمليه فوق طاقته انه ينقلكي فى بيت مستقل وان شالله ربي يرزقكم من غير ما تحتسبون دام انكم اردتم الستر اسال الله ان يحميكي وان يحفظك من كل سوء .. |
انا معك اختي بس حاولي تكلمي زوجك كذا مره مافي واحده الا بدها بيت لوحدها
بس اهم شى قدري ضروف زوجك الله يسعدك ويسير امرك |
اقتباس:
|
اقتباس:
اخ نايف انا ما رح اطلبه اكثر من غرفتين و صاله و مطبخ و حمام... ما بطلب شي كبير ابداً و كلمته اني قابله بشقه صغيره و حاجات مطبخ صغيره المهم اخذ راحتي حتى اهلي صارو يقولولي لازم اخرج فبيت لوحدي لأنهم مو عاجبهم وضعي |
اقتباس:
|
الصراحة صعب الحياة كذا والافضل شقة قريبة جدا منهم ولامانع يتغدى كل اسبوع مرة او مرتين عندهم
ويزورهم كل يوم يعني قريب منهم ولافي مانع يساعدهم في ادخال مواذ غذائه من نوع البر والايجار مكلف به ابوه زي مايدفع للبيت الثاني يدفع لهذا البيت كلمي زوجك ووضحي له سلبيات وجودكم في بيت واحد |
اقتباس:
الله يحقق مرادك صدق مافي واحده تحس بحريه الا فى بيتها |
[QUOTE=سحابة الصحراء;2627298]الصراحة صعب الحياة كذا والافضل شقة قريبة جدا منهم ولامانع يتغدى كل اسبوع مرة او مرتين عندهم
ويزورهم كل يوم يعني قريب منهم ولافي مانع يساعدهم في ادخال مواذ غذائه من نوع البر والايجار مكلف به ابوه زي مايدفع للبيت الثاني يدفع لهذا البيت كلمي زوجك ووضحي له سلبيات وجودكم في بيت واحد[/QUOT مكلف فيه ابوه صحيح لاكن الولد وماله لابووه وين البر يااختي هل ترضين ان احد زوجت اخوانك تقول لااخوك لا تدفع الايجار وابوك هو مكلف فيه هل ترضينها ؟ وادخال المواد الغذائيه مجبور فيها الولد يسااعد ابوه ليس ببر منه او طيب منه |
اقتباس:
|
|
زوجك انسان طيب جدا لانو بيعامل اهلو كويس
واعرفي اللي مالو خير في اهلو ما الو خير بالناس الله يكون في عونك كل انسان بيحب الخصوصية طيب مادتيات زوجك بتسمح انها تستاجر بيت وتصرف على بيتين؟؟؟؟ |
ادا كنتي تحبي زوجي فلا تكلفيه ماليس باستطاعته....
وادا كان بامكانكم تنقلون لبيت ثاني فاعرفي الوقت المناسب لبدء الحديث معه ومن ثم اقناعه |
يعني أختي الفاضلة جزالك الله كل خير
كل ما تقومين به احتسبينه في سبيل الله وابتغاء لمرضاة الله لكن اسمحي لي يعني من البداية ليه قبلتي تعيشين في بيت الأهل مدامك متضايقة كل هاد بعدين ما يجرى شي لو أكلتي معهم وبصراحة اسمحيلي انتقدك ، انتي ليه ما تحكي مع اخوان زوجك أنا أشوف انه مو من الصح انك تتجاهليهم أو ما تحكي معهم وهاد الشي ما إله علاقة بالتربية يعني أنا اجزم انه نادرا انه نشوف احد ما تحكي مع اخوان زوجها الا لو كان في بينهم مشاكل أما التزام أدبي منها انها ما تبغى تحكي هاد شي مو منطقي خالص بالإضافة لأنه انتي بالنهاية مجبرة بزوجك وزوجك صدقيني مجبر بأهله لأن الرجل وما ملك لوالده حاولي تتقربي من أهل زوجك وراح تشعرين أنهم متل أهلك وبما أنه ما في مجال انه زوجك يوافق على بيت أكيد الأعضاء ما راح يقدرو يعملو شيئ انتي تبينا نقول لك حقك وطبيعي ولازم تكوني بوحدك بس ليه من الاساس قبلتي هيك وضع أنا لو مكان زوجك ما كنت حطلع من عند أهلي لو كان في مجال اني أسكن رغم اني متزوج ببيت لوحدي لكن بالنهاية تعيس من أدرك كبير السن ولم يدخل به الجنة |
انا مثلك بس عذرهم اننا مانبقى اكثر من شهر كل سنه او اسبوع كل اربع اشهر ولكن خلال هالايام والله اني اموووووت مومعقول ابقى بحجابي طول هالايم صعب علي جدا واخو زوجي مزوج واذا سافرنا لاهل زوجي يصير جالس مع اخوه وامه وابوه طول الوقت معاه حق مشتاق للمه ولكن يوصل زوجته عند اهلها ويصير داخل خارج من شقة اهله هذا العذاب بعينه قبل كان يغض النظر ولكن الحين والله ماضلمه انه يحد النظر لو شافني على غفلة مني او صدفه كنت داخله الشقه وهوخارج موعارفه ايش يقول عني وقد يفكر اني قاصده ولكن ربي يشهد علي ماقد حاولت اخرج قاصده وهو موجود ولكن مالعمل افكر الحين اشتري حجاب والبسه داخل البيت احتياط بس اخاف من ردة فعل ام زوجي وابوه وبيفكرون اني ابي شقه بروحي بس بسال زوجي واشوف اعاننا الله
|
| الساعة الآن 05:49 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©