|
*** متضايقه ياناس
سلام عليكم شخباركم :( والله من يومين ونفسيتي مره تعبانه وياريت القى حل عندكم صارت مشكله بيني وبين خطيبي ( في عقد بينا ) مهم كانت قبل يومين وانا انقهرت منه مشكله انا كنت ادق عليه وهو كان ناسي جواله سايلنت وخفت عليه بعدها بساعه اتصل وانا كنت نايمه ويوم صحيت كلمته وقال ان ناسيه صامت بس قلت له انت قلت بدق علي يقولي والله كنت بشغل انا واثقه فيه ان بشغل واعرف ان صادق بس وش اسوي خفت عليه وتضايقت بعدها صار نقاش وكان نقاش حاد شوي بعدها سكرت جوال بوجهه :( والله تنرفزت ماكان ودي اسكره بوجهه بس انقهرت احين خايفه عليك هذي جزاتي بعدها طنشت له مارسلت له مسج نص يوم وهو كان يرسل ويدق وانا مطنشه وامس رسل لي مسجات يعني ان يبي يكلمني وكذا وكنت مطنشه بعدها رديت قلت له انا متضايقه منك ومن اسلوبك قال انا الي تضايقت تصكينه بوجهي مارديت عليه امس رسل قال خلاص بريحك مني وانا قلت له بعد بريحك مني وللحين مارسلت له ولا مسج ولا هو رسل وكل شوي ابكي :( بس ماسكه نفسي ولابرسل له شي الا لين هو يرسل وش اسوي نصحوني |
لا تخربي بيتك بيدك
|
طيب وش اسوي متضايقه منه
|
والي قاهرني مدري شلون تحمل ويوم كامل مارسل لي
|
اختي ليش التكبر
وبصراحه قويه تصكي بوجهه الخط الان انتي اللي غلطتي وبكلمتين رومنسيه بمسج وشوي دلع ترجع زوجك تمام التمام خلي عنك الكبر اقولك من واقع تجربه انا وخطيبتي الان نتخاصم واحيانا تزعل او انا ازعل بس بسرعه نرضى الشغله دلع وتدلع وزوجك انا متاكد نفس الشي كلمتتين رومنسيه وفيها حنان وتاسف تجيب خبر زوجك على طول |
كبري عقلك اختي و لا تكبري المسأله انتم بأول الطريق
بكره بتواجهكم امور اكبر من كذا انا لما كنت مخطوبه خطيبي راح قطر يتفرج مباراة و ما كان عنده ارسال و قبل يروح قالي اني رايح بس ما سمعته و جلست 3 ايام مشغول بالي عليه لين رجع ما انكر اني تضايقت بس لما قال انا قلت لك اني رايح و الظاهر ما سمعتيني و يقول شايف اتصالك بس الارسال منقطع و نظام الشحن يختلف فما قدرت اطمنك قلت له حصبل خير و نسيت السالفه الانسان يسهى و ينسى من كثر المشاغل و احنا البنات اغلب الوقت في البيت من الدوام للبيت و بس و الشاب يختلف مرات في العمل و مرات طالع يقضي مشاوير اهله و مرات في عزاء او واقف مع احد بمشكله مو شرط يكون ماسك الجوال ليل نهار و يرسل و يتصل وسعي صدرك و ردي عليه و اعتذرو من بعض و ( كبروا عقولكم ) |
اقتباس:
هو الي مزعلني :( يعني جزاتي ان كنت خايفه عليه وانا مابي ارسل له لان اول مره يوم كامل يتحمل ومايرسل لي شي بشوفه لمتى راح يصبر |
اقتباس:
تعرفين وش الي يضايق اكثر ان لما تكونين شخص تحبينه انا احبه واموت فيه عشان كذا حتى شي صغير اشوفه شي كبير لان هو غير عندي |
و انا نفس الشي و مت من القهر و الحسره لما انفسخت خطوبتي
بس في اشياء لازم ناخذها بسعة صدر و نحكم عقولنا |
اقتباس:
انا احين مومتقبله اني ارسل له شي : ( قلت لين رسل هو بعدها برسل انا لان اول مره يسويها يوم كامل مايرسل لي |
و ايش المشكله اذا كنتي من المبادرين بالصلح
و بما انه اول مره يسويها التمسي له العذر .. فمن عفى و اصلح فأجره على الله كوني اكرم منه و ابدئي بالصلح فخيرهما الذي يبدأ بالسلام و اذا تكرر الموقف لا سمح الله وقتها اتخذي اجراء ثاني و بالتوفيق |
يبقى رجل تسكرين الخط بوجه ويرسل لك ولاتردين وفي الاخير
تبغيه يرجع يرسل لك مهما كان يحس فيها ويفكر فيها يعني انا اللي اطرد ورائها بخليها تطرد وراي |
الله يصلح الحال
اتصلي عليه وتاسفي منه تسكيره الجوال بوجهه قويه شوي ماسوي شي يستاهل وتاسف منك والى يحب يسامح والله يجمع بينكم بسعاده |
اقتباس:
بس بخليه لباكر لان احين هو نايم اكيد |
اقتباس:
انا ماكان ودي اسويها بس تنرفزت يبي يضيع سالفه |
اقتباس:
|
لو تسمعي شوري
انا خاطب الان واعيش ماتعيشنه انتي وخطيبك وهي تحدث مع خطيبتي بين فينه واخرى ولكن متفاهمين نرضى بسرعه مهما كان الغلط او من بدأ الغلط لذا انصحك تكتبي رساله الحين وفيها من الكلام الرومانسي واني كنت خايفه عليك ومن هالكلام وترسليها له الحين وصدقيني كني اشوفه مثل حالتي الصباح اصحى وعلى طول الجوال انتظر رسالة الخطيبه ومايمنع رسالة ثانيه تصحية لصلاة الفجر |
اقتباس:
ودي ارسل له احين بس عقلي موراضي ههههههههه بنتظره صبح يمكن يرسل ان مارسل برسله وامري لله |
لو كنت مكانه لما كلمتك ولا رأيتك لشهر
هذا تلفون ، لو كان أمامك تسبيه أو تضربيه أين احترامك لزوجك، كيف تريدينه أن يحترمك و أنت لا تحترميه كل ما في الأمر أن الشيطان غلبك أصلحي أمورك ، لم يرد عليك ليست بمشكلة اتصلي به و اطلب السماح منه قبل أن يغلبه الشيطان هو الآخر اسبقيه للمصالحة تسبقيه للأجر أين أنت من قول رسول الله أعط لأخيك سبعين عذرا ؟؟؟؟؟؟؟؟؟؟؟؟؟؟؟؟؟ |
أختي الفاضله ... سألخص مشكلتك بنقاط ليسهل علينا الإحاطة بها :
1- أنتِ تضايقتي وزعلتي منه , وهو اعتذر ووضح سبب عدم رده بأن جواله كان على الصامت 2- خطيبك رد عليك بعد ساعه , وليس بعد يوم أو يومين وهذا دليل واضح على اهتمامه , فهو بمجرد ما انتبه , بادر بالإتصال 3- أنتِ مقتنعة أنه كان مشغولاً , ولا يكذب عليكِ 4- حدث نقاش حاد ثم تضايقتي منه وأغلقتي الخط بوجهه والعذر أنكِ متنرفزة وكأن عذره هو غير مقبول , وغير معقول من وجهة نظرك ألا ينتبه لاتصالك كما أن إغلاق الخط بالوجه تعتبر بمثابة طرد , كأن شخص طردك من بيته ماذا ستفعلين لو طردتك صديقتك من بيتها ؟ 5- عاقبتيه بعدم إرسال رسائل ولم تتصلي 6- هو كان يرسل ويتصل بكِ وأنتِ تجاهلتيه , وأبدى رغبته بمكالمتك ثم أرسلتي رسالة , وأعدتي الكلام وكررتي أنك متضايقة من إسلوبه ألم تكتفي من الزعل , إلى متى ستبقين غاضبة منه ؟ 7- هو اضطر لإعادة الكلام ووضح أنه تضايق من طردك له 8- استمريتي بتجاهله وكأنك تنتقمين منه 9- إضطر هو بسبب تصرفاتك معه أن يقول لكِ : سأريحك مني ليعلم مدى جديتك معه , لأن طريقتك معه طريقة مرأة تملل زوجها منها وتنكد عليه عيشته ليطلقها 10- كأنك أنتِ لم تتمالكي نفسك من الفرح بهذه الرساله وقلتِ : أنا أيضاً سأريحك مني 11- إلى الآن هو لم يرسل شيء , وأنتِ لم ترسلي أيضاً 12- ما زلتِ مستمرة بالعناد , ولن ترسلي إلا إذا هو أرسل عجباً لكِ , عندما كان يرسل ويتصل كنتِ تتجاهليه , والآن حائرة وأظنه لو أرسل لك لن تردي عليه , وستكوني سعيدة بمطاردته لكِ . الأعجب من كل هذا أنكِ تبكين , ولكن المفروض أنه هو الذي يبكي بصراحه ... لا أدري ماذا تريدين منه , كلما أتاك من باب أغلقتيه بوجهه وتقولين أنك تحبيه ! طريقتك معه وقسوتك عليه وعقابك له , لا تدل على أي نوع من أنواع الحب وإذا تزوجتي وعاملتي زوجك بهذه الأفكار وهذه التصرفات , بعد شهر أو شهرين على الأكثر أتوقع أن أجدك هنا : http://www.66n.com/forums/forumdisplay.php?f=36 |
اقتباس:
|
الرجال يرسلك ماتردي
يتصل ماتردي ايش يسوي اكثر |
تراضينا حمدالله
وباكر عزمني ع العشى |
مدري تتقبلي نصيحه اللي لسع يتسدح في المقلط يعني لازواج ولاخطبه ( الله يرزقني ببنت الحلال ذات دين وخلق وجمال) شووفي يا أخت غربه في البدايه أنا غير مؤيد مكالمات المخطوبين بسبب ما يحدث منها في أغلب الأوقات من مشاكل.. هذي تعتبر وجة نظري فقط.. أسال الله أن يسعدك أنتي وخطيبك وأن يجمع بينكم في خير.. صراحه أنا بكون قاسي عليك شوي وتحمليني . مهما كاان المفرووض ما تقفلي السماعه في وجهه برضو هو رجل وله كراامه . عشان كذا أنا أشوف أنك لااااازم ترجعي تكلميه أو ترسلي له مسج وتعتذري . أنا ما تطرقت لسبب المشكله. لأن سواتك بصراحه أشوف أنها ماله داعي. |
ههههههههه أجل ردي مانفع أسف ما شفت ردك أنكم تصالحتو الا في الاخير على العموووم الله يوفقكم ويسعدكم همسه( حاااولي أنك ماتكثري على الرجل يعني أثقلي شوي) |
اقتباس:
شلون ماثقل عليه من اي ناحيه هههههه اذا ع العشى هو اصر يعزمني اقوله لا :23: |
اعلمي بارك الله فيكـ
ان فترة الطوبة فترة دائما بها المشاكل وكثرة الفراغ الحسي الذي بسببه تكثر المشاكل فدائما عليكـ بالتكبير وعدم الانصياع وراء تسلط الراي وعدم الاعتراف بالخطاً فهذا سبب المشكلة عليكي بالصبر ومعرفة اختيار الاقاويل الحسنة جمع الله بينكم في خير ..... امين |
يسلمووو ع رد
|
طولي بالك ياغاليه
امس صار معي نفس الموقف مع زوجي وتهاوشنا شوي وكبرت السالفه بس جد لما هديت حسيت انو مافي داعي لكل هالموضوع وانتو لسا باول الطريق ياغاليه ورح تمر عليكم الكثير من العقبات مايصير تتصرفي بهالطريقة حقك تزعلي لو انه مارد لان طنشك او التهى بس انت تقولي انو فعلا كان بالشغل فخلاص لا تكبريها ياغاليه الله يوفقكم |
بسرعة صالحيه ومتخليش الشيطان يدخل بينكم لسبب بسيط وياستى قوليلو متعملش كده تانى وخلاص وربنا يوفقكو
|
حمدالله تراضينا يسلموو ع ردود
|
| الساعة الآن 01:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©