زوجي يبي صورتي طيب والحل .؟!
 

انا متملكه كاتبه الكتاب يعني المهم خطيبي جنني يبي صوره لي مع اننا سوينا تلبيسه بس كلها كان منزل راسه بالارض ومستحي وكل يوم يطلبني وارده يقول ياصوره ياكام ابي اشوفك لما رفضت تنرفز قال انا زوجك مو غريب وانا وانا ووووووووو الخ
وش اسوي معه جنني مو راضي يسكر الموضوع قلتله بعدين وخذاها مني على انه وعد انه يشوفني بعدين مو راضي يصبر وش السواة وش تنصحوني فيه :(

طيب ليه مايزورك البيت دام خطيبك وفي عقد
انا خطيبي بعد في عقد كان يبي صورتي ان يحتفظ فيها وهو حلاله اصلا لان زوجي دام في عقد بس ماكنت حابه اعطيه ههههههههه كل مره يقولي اقوله وش تبي في صوره دام عندك الاصل وماراح اعطيك عشان كل مره تشتاق لشوفتي ههههههههههههه جربيها ترا ميه بلميه تنفع

اهلي مكالمات ويادوب وافقو له بعد زياره مشكله

وما المانع أن تعطيه صورتك ؟!
مكالماتكم قليلة والزيارات أقل , وهو يريد أن يشعر أنه خاطب
ورغم ذلك تمنعي عنه الصوره !

مدري مو جايه الفكره فبالي :(
كل مره اقوله لا يجلس يهاوشني وامي تقولي لا لاترسلين له شي عيب :(
مدري شسوووووووووووي وربي احترت ارسل ولا ماارسل

كل يوم يكلمني بس فترة المساء لان طول النهار مشغول وانا اختبارات وزيارات ابد ابد ماااااااافي بينا

انصحك لاتعطيه صورتك ابدا
واسمعي كلام الزمن الغايب
تقبلي مروري

انا شايله فكرة الصوره بس مدري :(
متى زواجكم ؟ كم صارلكم خاطبين ؟ كم عمرك وكم عمر خطيبك ؟
أتوقع عاداتكم تمنع تواصل قوي بالرغم من أنكم مملكين . وانت خايفة اذا لا سمح الله صار أي مشكلة يلوموكي أهلك لانك خالفتي العادات وأعطيتيه صورتك . صح ؟ زواجنا بشهر 8 وماصارلنا شهر متملكين وعمره 20 نفس عمري

صباح الفل
حبيبتي اولا الف مبروك
يأعمري انتي كلك حلاله عازه عليه صوره
لاتخافين هدا زوجك وانتي الحين حامله اسمه
والي يضرك يضره.
الله يهنيك يارب وابعدي عنك الوساوس ياعسل.

ماني شايفة فيها أي شئ ..؟؟؟ ليه التعقيد و الإحتمالات و الظنون السيئة ؟؟؟

أنا في فترة الملكة ، زوجي خلى ألبوم الصور تبع ( ملكتنا ) معاه
و كان كل يوم يقول لي ( يجلس يتفرج عليهم و كان مخليها تحت مخدته ) :D

فلا تمنعيه من الإحساس بالفرحة بك ..

و إذا خايفة من عدم إتمام الملكة لا سمح الله

فأخوي يوم فسخ خطوبته أو ملكته من زوجته ، رجع لها ألبوم الصور تبعها
و عادي انتهى .. مثل ما يحصل أي طلاق لا سمح الله بين أي زوجين ..

لا تعقدوها و هي بسيطة

مو مسألة تعقيد بس عندنا قاعدة تقول

تفائلو بالخير تجدوه الاحظ الكل حاط احتمال انه لو تركك ايش مصير الصورة

مو شرط يتركها احسنو الظن بالله و ان شاء الله يتم زواجها على خير

و بعدين ما طلب منها صورتها بملابس فاضحه مجرد صورة للوجه مو اكثر

و اذا مو حابه تعطيه اقنعيه بالهداوه بس شيلي فكرة انه يتركك التفاؤل حلو

أخي الفاضل أو الأخت الفاضله ... وأعتذر عن الخطأ

الأخت صاحبة الموضوع تقول أن خطيبها ( زوجها ) طلب منها صورة
وأنت أصلحك الله ضخمت الأمر لتمشية وفندق وفاحشه وحمل وطلاق !
يا أخي - أصلح الله أمرك - لا تخلط الأمور ببعضها , ولا داعي لذكر القصص السيئة وكأن السيء هو ما يحدث فقط , وأن الصالح لا مكان له .
أراك عارضت الأخت روح الطير , وطلبت منها عدم المجاهرة !
هل ما فعلته الأخت روح معصية ينبغي كتمانها ؟
لماذا لا تعتبر تجربتها نموذج إيجابي وناجح , ولماذا تركز فقط على التجارب والقصص السيئة ؟
لو أن أختنا صاحبة الموضوع استشارتنا بأمر الخروج مع خطيبها للتمشية , لأعطينها النصائح التي يجب أن تتبعها لعدم حصول تهاون لا تُحمد عقباه
ولو استشارتنا برغبة خطيبها بالذهاب بها إلى فندق , لنصحناها بعدم التجاوب معه مطلقاً
خشية أن تصل الأمور لمثل القصة التي ذكرتها .
أما موضوع الصورة فلا يصح تضخيمه , وخلط الأمور ببعضها وإدخال الفاحشة فيه قسراً .

أخي الفاضل ... لا تصح تسمية ما يجري بين المخطوبين ( الزوجين ) " فاحشة "
هو جماع شرعي , ولكنه حصل قبل إعلان الزواج وإشهاره .

و إذا مجتمعك من المجتمعات اللي تمنع ما أحل الله ( مثل النظرة الشرعية ) ..
أو مقابلة الزوج لزوجته بعد عقد القران .. فلا تجي تتهجم على ردود الاخرين ..

نصيحتي موجهة لصاحبة الموضوع ، و ردي ليس فيه أي مجاهرة - كما تراه أنت - ..
و أظن صورتي ما أعطيتها لواحد غريب عني ؟؟؟

و ليت تتعلم من الأعضاء في المنتدى ، كيف تعلق على الردود بشكل أكثر تهذيباً

.
.

إضافة :

تويي شفت رد الأخ أبو حكيم .. و رده كافي و وافي ماشاء الله كالعادة ..

* الزمن الغايم ،.
ليت تتعلم من الأخ أبو حكيم كيفية الرد على أصحاب الردود المختلفة معك في الرأي ..
حتى نتقبلها بصدر رحب ..

تحية ..

روح الطير ما غلطت و لا اشوف هذا انفتاح

هذا زوجها و حلالها ما صار الا الخير

و اتوقع مافي رد بعد كلام ابو حكيم

يؤيؤيؤ الله يهديكم قلبوتها هوشه :(

طيب حتى لو تزوجها .. في أي لحظة قد يطلقها!

هل هذا يعني أن الزوجة لا يجب أن تعطي صورتها لزوجها؟! ;)


كنت أود أن أرد ولكن رد الأخ الفاضل أبو حكيم كافٍ .. بارك الله فيه.

ممنوع الزيارات بالبيت

بما أن الزيارات أختي ممنوعة في البيت و هذا شيء محزن على الأقل خلو أحد من العيال عندكم ( ":
طيب حني عليه بصورة مافيها شيء , الرجال سألتوا عنه ووافقتي عليه, يعني زوجك شرعا
و الزيارات ممنوعة , خليه على الأقل يتواصل روحيا مع الصورة , ,,
مبارك الزواج..

ههههههههه

اختي الموضوع عادي ترا

انا خاطب و عندي يمكن 100 صوره لخطيبتي (زوجتي) كل اسبوع ترسل لي صوره جديده

بس كلها صور عاديه يعني مو فاضحه و لا بالعبايه يعني لبسها العادي جدام اخوانها وابوها

والامور طيبه و الحياه حلوه

وين العيب في الموضوع !
زوجك ويبي صورة لك لآنه محروم من زيارتك
لآتحرميه أكثر

شي غريب

انا انصحك لا تعطينه

وانصحك انك تقللين المكالمااات بعد

والله يتمم لكم بخير يارب

يؤ انتي مملكه خليه يجي زياره مال لاهلك حق يمنعونه لو نص ساعه بالاسبوع او الاسبوعين

عادي اقمر اذا مره خايفه فكي الكام اعتقد مافي منه ضرر يشوفك شوي وسكري لانو زوجك حلالك

او اعطيه صوره لوجهك لانو زوجك عادي وما بقى على الفرح كتير والف الف مبرووووك

وطنينا ايش \يصير معاكي

مشكورين ع الرد :)
الله يعديها على خير

برايي حسب درجة انفتاحه وانفتاح اهله تقدري تحددي ازا ترسلي الصورة او لا

بس عندك الكام (مكالمات الفيديو)ع الجوال اعتقد حل وسط يشوفك ولا يحتفظ بالصورة.