|
غلطت بحقها وندمت واعتذرت لكنها مازالت مصره على الطلاق
السلام عليكم ورحمة الله وبركاته اخواني واخواتي الأعزاء في المنتدى
اريد منكم ان تفيدوني في مشكلتي الله يجزاكم الخير انا متزوج لي سنتين وعن طريق الحب وزجتي انجبت لي طفلين الله يحفضهم يارب مشكلتي مع زوجتي واهل زوجتي بصراحه انا كنت مقصر معها بسبب ضروفي الماديه الحمدلله بيت ملك وساكن مع اهلي التقصير الي عندي في الملابس تمشيه خروج مع اهلها في بعض الأحيان عدم الحصول على وظيفه اهم شئ عايشه ومبسوطه وهي كانت معي ولا تشتكي من شئ وبصراحه مافي بيت يخلى من المشاكل ولا في رجال ملاك الكامل الله سبحانه وتعالى عندي بنت خالتي ترسل رسائل وانا دون اهتمام معها الا في زوجتي واطفالي وفي مره من المرات اتصلت عليها ولم تجب الاتصال وارسلت الرساله لها ونمت وشافت زوجتي الرساله وياليتها ماشافتها صحيت من النوم على طول وديني بيت اهلي من دون اي تفاهم واحسيت بغلطي تجاها من رغم هذا ثاني مره تحصل معي وندمت ندم على كل خطا حصل مني وهي ماقصرت معي يوم بس شويه نكد وانتو عارفين كلام الحريم رحت بيت امها واطلب منها تسامحني على غلطي مافي امل ابد من رغم المره الرابعه كل ماابغى اتفاهم مع زوجتي امها تتدخل واختها ويقولو طلقها وهي تقول طلقني خلاص كرهتك وحلفت على القرآن تقول معد ابغاك ابدا في حياتي وابغى الطلاق ومابيننا الا العيال ابغى انفرد معها في الكلام لحالنا مافي امل امها ترفض ومصره على الطلاق وانا بصراحه احبها ولا ابغى اطلقها وهاذي ام عيالي والأطفال مالهم ذنب وامها تحب تفرق بين الزوج وزجته الله لا يسامحها وابغى رايكم وتفيدوني على الطريق الصحيح |
طيب انت ليش دقيت عليها وايش ارسلت لها؟
يعني: تاكد من نفسك قبل تروح تصالح زوجتك ليش ماطنشت بنت خالتك دام انك تعرف انك مو مهتم فيها صراحة انتم الرجال تجيبون المشاكل لانفسكم الان المطلوب منك تحدد موقفك من بنت حالتك بصراحه مع نفسك عشان نحل المشكله الاساسيه موتحل المشكله مع زوجتك وانت مستمر في المشكله مع بنت خالتك ياليت تكتب لنا بوضوح وصراحة واعتراف اكثر عشان نقدر نساعدك |
بصراحه زوجتك معها حق المفروض تذبحك ذبح .. لكن المفروض ماتدخل اهلها يؤ تصير كارثه
انا اشوف ارسل لها رسائل اعتذار وماتعيدها وخليها فتره بعدين هي بتحس انها عاله ع اهلها وترد بنفسها شي طبيعي تطلب كذا لانو صدمها قويه وتعتبر خيانه عندنا يالحريم ومو بسهوله تمشيها والله يعينك اصبر الصبر مفتاح الفرج.. |
انت تقول هذى بالرغم انها ثانى مره تحصل معك يعنى المره الاولى سكتت وانت ماقدرتها تروح تعيدها ثاني وتبغها تسكت من حقها تزعل وطربق الدنيا فوق راسك واش يضمن بعد الاعتذار ماترجع لنفس الطريق الله يهديكم بس
|
ايش مضمون الرساله الي ارسلتها لبنت خالتك...
عشان نقلك هل يحق لها تزعل وتطلب الطلاق او لا... وبنت خالتك هذي المفروض زوجتك تروح لها وتشرشح سابع جد لها... |
لو تعرف آثر الخيانة على نفسية الزوجة وكيف تدمرها كان ما فعلت فعلتك ولو كان الامر اسهل من غيرها
حاول تكلمها وحدها واقنعها من اجل هؤلاء الصغااار |
أنت غلطت أكيد ما فيها شك ..
لكن بعد زوجتك خفيفة عقل .. ووراها أم ساذجة وأخوات دبش .. والا المفروض زوجتك ما تدخل أحد بالموضوع .. ولا تهدم بيتها عشان رسالة .. حاول فيها لما تهدى قل لها تعوذي من ابليس وامشي بيتك .. طبعا بعد ما تأكد لها عدم وقوع الخطأ مرة ثانية .. وجب لها هدية خاتم ذهب وإلا اللي يطلع معك .. وإن شاء الله أمركم إلى خير |
زوجتك الان تعاني من صدمة الخيانه
وهي من اعظم الصدمات الزوجيه دعها إلى أن تهدى ثم كلمها شخصياً ولا تقبل أن تتفاهم مع غيرها لا ام ولا اخت الله يصلح ما بينكم مع العلم أن خطأك كبيييير وما تنلام :: وتكون الخيانه اشد لما تكون مع امرأه تعرفها زوجتك تحس كأنها مغدوووره منكم الاثنين |
السلام عليكم ورحمه الله وبركاته
اشكركم على الردود يااخواني واخواتي في المنتدى بس حاولت اصلح المشكله مع زوجتي لاكن مافي امل ومصره على الطلاق حولت ابعد عنها لفتره عشان تهدئ بس امها واخوها يدقو عليه جوال يقولو استعجل في ورقة الطلاق من رغم انا ماابغى اطلقها وبيننا طفلين واحناء تزوجنا عن طريق حب ونحب بعض ولما راحت بيت اهلها جلست شهر راحو اهلي يصلحو الوضع ويهدو المشاكل بس امها واخواتها واقفين في وجهنا يقولو لازم الطلاق وزجتي اصرت على الطلاق وحلفت على القرآن انها تبغى الطلاق وتكرهني ولا تحبني ونكرت حبي وجميلي وعشرت عمري معها قدام اهلي واهلها وجبت رجال فاهمين يحلو الموضوع وقلت مستعد اسوي كل شئ الي تطلبه مني بس امها رفضت قالت لو يبني قصر لها ماترجع وافيدوني الله يجزيكم خير انا ماابغى اطلق وهم مصرين على الطلاق وزجتي اصرت اقلهم خلي الامور تهدئ يقولو لا طلق بسرعه ولا نعرف كيف نطلقها منك وبصراحه جدا محتار وش اسوي ومن رغم اخذو جميع اغراضها من البيت اخاف اطلقها وبعدها تندم وانا بصراحه احبها حب وام عيالي وشكرا لكم |
وش الرسايل اللي شافتها زوجتك؟ يعني مضمون كلامك مع بنت خالتك لان حسب نوع الرساله والكلام تكون ردة فعل زوجتك |
يمكن الي قاهر زوجتك انها بنت خالتك
خللها عند اهلها ولا تتصل فيها الين تهدا يعني طنشهم اهلها مايعرفون وين مصلحة بنتهم المفروض يسسيرون محضر خير حتى لو اصرت زوجتك على الطلاق وبنت خالتك شكلها تبي تاخذك عن طريق حب بعد انتبه اقطع اتصالك فيها ولاترد عليها ابدا مايجوز الله يفرج همك ويلم شملكم مثل اول واحسن |
عشان تفهمو مشكلتي مابيني وبين بنت خالتي اي علاقه او حب او تواصل هي تمتحني بالرسائل وقد كلمتها لا تتصل او ترسل رسائل وكلمت امي واخواتي عليها رحو عندها ومقصرو فيها وبعدها معد اتصلت عليها مرره وزجتي فهمت غلط وحطت الماضي والحاضر سوا ابغى اكلمها على انفراد امها واخواتها يرفضو ويقولو تطلقها غصب عنك مو برضاك وانا قلت مستحيل اطلقها وفجاءه صارت زوجتي تكرهني وماتطيقني ولا تبغى تسمع اسمي اسمع منها سب وكلام مو تمام بس اعصابي هادئه والمشكله صارت مع اهل زوجتي هل لو طلقتها تندم ولا لا بصراحه اقسم بالله العظيم انا اول واحد راح يندم ابغى الافاده منكم اروح المحكمه واطلبها في بيت الطاعه مااعرف وش اسوي
|
طيب ممكن نفهم اساس العلاقه بينك وبين بنت خالتك والرساله مضمونها ايش عشان نعرف نحل المشكله
|
انا ودي تتكلم اكثر عن علاقتك انت وبنت خالتك ومضمون الرساله باختصار ..
اكيد كلام بنت خالتك بالرساله وردك عليها فيه شي يشكك ويخليها تزعل كل هالزعله الكبيره |
اقتباس:
أخي الفاضل .. لم أفهم الجزئية المتعلقة بعدم الحصول على وظيفة .. هل يعني هذا أنك عاطل عن العمل؟! على كل حال .. اعلم إجمالاً أن عدم الشكوى لا يعني بالضرورة أنها عايشة ومبسوطة كما تقول .. بل ربما كانت صابرة ومحتسبة فقط. نرجع لابنة خالتك والرسالة .. يا أخي أنت تقول إنك اتصلت بها ولم ترد فأرسلت لها رسالة .. وهذه الرسالة هي التي أغضبت زوجتك ودفعتها للذهاب إلى بيت أهلها وطلب الطلاق .. ثم قلت بعد ذلك إن ابنة خالتك كانت تراسلك سابقاً لتمتحنك (هل تقصد أنها تمتحن أخلاقك!) .. ثم كلمتها أنت وأهلك وما قصرتوا فيها فلم تعد تتصل بك. إذاً لماذا اتصلت بها أنت ولماذا أرسلت لها الرسالة؟!! ثم.. لا أعتقد أن زوجتك ستغضب كل هذا الغضب من مجرد وجود الرسالة .. بل أظن أن فحوى الرسالة هو أكثر ما أغضبها .. فأوضح هذه النقطة وبين لنا ماهية تلك الرسالة إذا سمحت حتى نتمكن من تقييم موقف زوجتك بشكل أفضل. أخيراً .. ما دمت تقول إن زوجتك كانت لا تشتكي منذ البداية برغم تقصيرك معها فأحسب أنها تحمل في نفسها تراكمات عديدة وجاءت رسالتك تلك وكانت القشة التي قصمت ظهر البعير. |
أخي الكريم/
-في البداية لا بد أن نقول لك: أنت أخطأت في موضوع الرسالة تلك. -يا رعاك الله هذه الأمور تعد ضربة قاتلة في صميم النساء؛ فهي تحفر في أعماقهنّ وتأكل معهنّ وتشرب. هذه الأمور لا غفران لها عندهنّ، ولا ألومهنّ غالباً. وأظنك تعرف هذا القول. فكيف وقعت في هذا الفعل؟ -ما هو مضمون الرسالة التي أرسلتها لابنة خالتك؟ -أظن أن وراء سطورك شيئاً مخفياً خصوصاً بشأن ابنة خالتك والله أعلم. -أجبني بصراحة: هل ابنة خالتك تحبك؟ هل تريد الزواج منك؟ هل هي تكره زوجتك أو على الأقل تغار منها؟ هل ابنة خالك كانت تريدك قبل زواجك من هذه المرأة؟ لكنك بالمقابل أحسنت صنعاً في إخبار أهلك وأخواتك كيف يتناقشوا معها لعلها ترتدع. لكن أرى التكرار حصل منها. -وكان بإمكانك فعل شيء آخر مثل إخبار خالتك، أو جعل زوجتك تتفاهم معها شخصياً، واخرج أنت من معارك النساء. -أظن أن زوجتك أضافت على القول أقوالاً أخرى على هذا الحدث أو أن أهلها يعرفون مقتطفات عن حياتكما مسبقاً؛ لذا وجدتَ أمها تهيج أكثر. وأظن أن الأم والأخ يفتقدان الحكمة والهدوء. -أين والد زوجتك؟ -هل زوجتك خرجت من البيت بتلقاء نفسها أم أنت قلت لها: اخرجي، أم أتى لها أخوها وذهب بها بدون علمك؟ لا بد من الإجابة الدقيقة هنا حتى أفيدك. ::: إن كنت رجلاً جلْداً صاحب نفس طويل فافعل ما يلي: 1) اترك زوجتك عند أهلها مدة من الزمن شهر إلى شهرين حتى تهدأ النفوس، ويدخل النسيان قليلاً، وتتعب من الأولاد ومسؤوليتهم لوحدها، وتملّ في بيت أهلها، وتبدأ تشعر بأنها ضيفة ثقيلة مع أبنائها عند أهلها. 2) تجنّب الاتصال عليها في هذه الفترة أبداً لكن اجعل كل 15 أيام رسالة للاطمئنان فقط. مثلاً: صباح الخير، كيف الحال. 3) إن اتصل أخوها أو أمها فلا تردّ عليهم بتاتاً. 4) إن ألحّوا على الطلاق، قل لهم ببساطة: أنا لا أطلّق. اذهبوا للشرع. 5) لا تطلبها في بيت الطاعة أبداً...هذه من الحلول الأخيرة جداً عادة. 6) بعد مضي الشهرين يمكنك الاتصال على زوجتك، والتفاهم حول الأمر. ::: أسأل الله لك التوفيق. انتبه يا أخي الفاضل من هذه التصرفات المشكوك بها. |
ما هي تقول في نفسها صبرت واستحملت لا ملبس ولا مشاوير ولا ولا ولا
وبالاخير يخوني مع بنت خالته واهلها اكيد وجدو الفرق بين ما كانت عندهم معززه مكرمه وبين عيشها معك وكانو راضين لانها لم تشتكي ولكن بالاخير تخونها ترا صعبه كتير الرجل ما يقدر يتحمل زوجته تخونو والزوجه ايضا ما تقدر تتصور انو زوجها يخون نتحمل كل شي الا الخيانه |
رأي ابحث عن عمل واستقل بمنزل خاص لكم ورتب كل شي ومن ثم اذهب واعتذر
ما تتوقع ترجع تعيش معك في بيت اهلك |
والله ياخواني رساله تافه جدا ولا فيها اي شئ تدل على الحساسيه بس زوجتي غيوره جدا حتى من امي واخواتي وفجاءه كرهتني ياسبحان الله وتبغى الطلاق اليوم قبل بكره وبيننا حب غير طبيعي والله عجزت وانا احاول اصلح الموضوع
|
اشكركم على الردود ياخواني واخواتي في المنتدى ودعواتكم لي بالخير والصلاح وجزاكم الله الف خير
|
اقتباس:
سبحان الله .. الآن صارت زوجتك غيورة جداً حتى من أمك وأخواتك؟!!!! بصراحة لا أحب المعلومات التي تُلقى بهذه الطريقة وكأن صاحبها تذكرها فجأة!! يا أخي الله يرضى عليك .. طلبنا منك الإفصاح عن فحوى الرسالة حتى نتمكن من فهم موقف زوجتك وهل معها حق في كل هذا الغضب أم لا ... لذلك لا يصح أن تكتفي بقولك إنها رسالة تافهة جداً .. فربما أنت فقط من تراها تافهة. |
ما اصعب الخيانة
الله يكون في عون الزوجة طب حاول ودي الها حد من اقربائك اللي هي بتحبهم وتوثق فيهم او مثلا خليها تطلع مع حد من اخوانها اللي واقفين معك وشوفها مثلا بمكان معين واحكي لها الحقيقة بس يا ريت توضح النا الرسالة؟ يعني ردة فعل زوجتك اكيييييييييييييييييد بتوضح انو الرسالة مش تافهه |
مع اختي مهرة شنو نص الرسالة عشان نقدر نحكم بعدل ومانظلمك ولانظلمها |
قول وش مكتوب بالرساله وحنا نعرف وش سبب زعلها
|
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©