|
تقدم لي شاب كل شي فيه جيد لكن مشكلته الدخآن
السِس‘ـلآم عليكُممْ
كيفكُم ..؟! كح آنآ عضوههَ جديدة لكِن دآيركت بقولكم مششكلتتِي :25: و يً رب آححد يسِآعدني , مَ عندي آححد آستشيرهه لإني آسِتححي < تححآول تخليهم يحزنون عليهآ خخخ آنآ عمَري 18 خطِبنني وآححد عمرههَ 22 آو 23 مدري كم بالظبط :o وسألنآ عنههَ وكل شي تمآم صلآة وآخلآق بس مشكلتتته الدخآن :( آي وبعد رآح آبععد عن ماما كمآن =( آهلي تآركين القرآر ليّ آستخرررت وآجججد بس مآ آحس بشِي :rolleyes: آحيآن مرتآحة وفرحآنة وآحيآن لآ آتنككككد خآيفة يتطور عن الدخآن :( عآد تبون الصِدقق اقٌول آذآ مآمآ سألتني بقولهآ لآ مَ آبغغآه ولمآ تسألني آستحي واقولها مدري :o < عجزت اعرف انا مرتآحة له آو لآ خخخ يآلييتت تسِآعدونني لأنني محتتتآرة ولككم آحلى دعوةة =/ آنتظظركم :o |
إذا حابه تآخذي نصيحة أختك الكبرى
لاتوافقي على الشاب أول شي أنتي ولله الحمد باقي عمرك18 وإن شاء الله راح يتقدم لك الكثير لاتتعجلي على الزواج والله الدخان ماورآه إلا الأمراض صدقيني والله لاتقولي سأنصحه يترك الدخان لا البعض يقول عاجبك وضعي أدخن وإلا تفضلي بيت أهلك ويا أختي إذا أنتي يهمك الدين والأخلاق ليش تتدخلين بمتاهات مالها أول ولاتالي ليش تتدخلين هم المشاكل الدخان مرض لاتقولين حبيته وما أدري كيف لا يا أختي الدخان مرض وبعدين إذا أنجبتي كذا طفل تقولي بطلب الطلاق!!!!!!!!!!!! الكثير تفرح بالزواج وإذا ضاقت بها السبل تتطلب الطلاق!!!!!! أعرف إحدى الأخوات تقدم لها أكثر من شاب مدخن ولاتوافق ولما وصل عمرها 30 تزوجت بشاب من أفضل الشباب فأنتي العمر أمامك وأظن أنك راح توافقين لأن كلماتك تتدل على ذلك لكن أنتظري رأي باقي الأخوه والأخوات |
^
الدخآن آبتلآء مو مرض تبغين الصِدق هالحين آهلي يحسبوآ إني موآفقة وربي محتتتآرة الكَل قآلِي تقدري تغيري لأنههَ آبتتتتلآ وبالدعآ والإستغفآر رآح يسير اللي آبغى آنآ مآدري احاول اقنعك والا اقنع نفسي =/ |
يعني بسم الله الحين سبب الرفض الدخان؟؟؟؟؟ معناته اللي متزوجين مايدخنون؟؟؟؟ لااختي في الله شوفي اهم شىء الصلاه والاخلاق خلاص مافي داعي للرفض وتوكلي على الله وبعدك عن امم سنه الحياه اللي هي الزواج كل واحد يشوف نصيبه بالدنيا وامك ماراح تبتعدي عنها كثير كل عطله تروحي لها ودامكم متفاهمين بتروحي لها...
|
هذا مو سبب للرفض التدخين موعيب بس عاده سيئه
عليك بالاستخارة وتوكلي على الله إذا حسيتي إن قلبك مشروح وافقي دام دينه وأخلاقه كويسين وعن تجربه أنا خطيبي يدخن لكن بعد الاتفاق والآلحاح منى والاصرار صار قليييل يدخن وان شالله مايجي العرس والا تاركه اذا الله كتبلك نصيب خليك وراه وحنى عليه |
السلام عليكم مع احترامي لكل واحد منكم كيف تقولون ان التدخين مو عيب وانه سبب يخليها ترفض التدخين حرام لانه الواحد بيضر بصحته وبصحة اولاده لما يدخن قدمهم واكيد لما الاولاد يشوفون ابوهم يدخن عادي هما كمان يقلدون ويطلعون له انا شايفة انه سبب للرفض انا اتكلم عن وجهة نظري وكل واحد حر انا حاسة فيكي اختي ممكن انتي حبيتيه بس انتي لسة صغيرة وان شاء الله يعوضك بخير منه يااارب هده وجهة نظري اختي
|
ااختي في الله
الدخاان صحيح بلوه لاكن بعض الشباب يدخنون لاكن في قمة الاخلاااق ومحااافظين على الصلاه وماشاء الله عليهم الدخاان ماهو عاااق في الرفض اهم شي الاخلاااق وانه يكون على قد مسئولية الزوااج تخيل تزوجتي رجل مايدخن لاكن بعد الزواج دخن على تطلبي الطلااااق وثانيا ليس بكل مدخن يكون سي يشرب الكحول او المخدرات لاكن بلووه ابتلاء بها ايام المرااهقه وانتي بااسلووبك تقدرين تخلينه يهد التدخين واللله الرجل لو حب زوجته لو تبي القمر جابه لها وانا من الناس الي يدخنون والله العظيم 3 من جماعتنا اخطوبوني لبناتهم وهم يعلمون اني ادخن لاكن ماهو سبب للرفض والله يوفقك ويسعدك ويكتب الي هو صالح لك |
مرحبا فيك اختي والله يوفقك ويسعدك الدخان بما اني ماحب ريحته ولا أحب أجلس جنب اللي يدخن ولكن مايمنع أني أتعامل معاهم الله بلاهم بهذا الشي ولكن ليس منبوذين في مجتمعنا , أختي تقدملها شاب مدخن سألنا عنه الكل كان يثني عليه ويمدحه والدي رحمه الله وافق عليه والآن بعد فتره ترك التدخين وكله بفضل الله سبحانه وتعالى و اصرار اختي عليه عموماً الله يوفقك ويدبرك على الصالح
|
من واقع خبرتي كرجل اكبر منك بعشرين سنة اقول لك ان كل الشباب المدخنين الي عرفتهم في حياتي مايردهم شي عن باقي الشهوات مثل الشراب والبنات فمن تغلبه سيجارة سيغلبه ماهو اكثر منها صدقيني والتدخين في حد ذاته دليل على سوء التربية لذلك نصيحة مني لوجه الله اتركيه ويعوضك الله خير منه ولاتنسين انك ستعيشين معاه تحت سقف واحد فتخيلي انك ستصبحين مدخنة مثله تماما والرسول عليه الصلاة والسلام قال لاضرر ولا ضرار الان بيجي واحد ويقول لاتعمم وماهو صحيح فلا تصدقيه وانا ماقلت هذا الكلام الا من باب ابراء الذمة لا اكثر وانت حرة |
اقتباس:
يعطِيككْ العآفيةة =) |
اقتباس:
بس آنآ خآيفة يتطور ويتمآدى :( ربِي يوفقك مع خطيبككَ ويترك الدخآن ي رربْ |
اقتباس:
مو معِك بَ هالنقطةة خآلو مدخخن و آولآدة بسم الله عليهم صلآة وآخلآق وهمآ لسسى صغغآر ويآمآ ملتزميين آولآدهم دشِير يعطِيككَ العآفيةة خيتي =$ |
اقتباس:
كلآمك ريحني لمَآ قريتههَ بس برضضو خآيفة لأنو مو الكل نفس الشي يعني فيه اللي يدخن وحلوة وآخلآقه والعكس صحيح وربي يوفقققك وإن شِآ الله تترك الدخآن |
اقتباس:
يعني شي جديد علي :( يً رب ويوفق الجميع , يعطِيكَ العآفية =) |
اقتباس:
حرآم والله آهله مَآفِي زيهم طيبييين يعني آككيد ولدهم مآرآح يبعد عنهم وكثثثير شفنآ مطآوعة وشيوخ آولآدهم يدخنوآ وبرضضوآ العكس دآشرين وآولآدهم مطآوعة شفت شلون التربية مآلهآ دخخل الوآحد بهالزممن هو يربي نفسِه ..؟! آخوي الدخخآن إبتلآء مآلههَ دخل بالتربيية وربِي يكتب الي فييهَ الخيير يعطِيككَ العآفية =) |
ما بنصحك
و انتي لسا صغيرة يعني الفرص أمامك كثيرة ان شاء الله |
أختى:
اولا الزواج من الأمور الهامة جدا فى الحياة وماأنت فيه من حيرة شيىء طبيعى يعنى وانت صغيرة جدا فى السن... والله انا تقريبا اقترب على ضعف عمرك ومازلت أشعر بالحيرة ... فالله يكون فى عونك ... أما موضوع الدخان... نعم الدخان من الاشياء الغير مستحبة فى الزوج .. لأنها تضيع المال .. يعنى تحتاج ميزانية لوحدها .. هذا بالإضافة بأنها على المدى الطويل تصيب بأمراض الرئة والقلب... لكن اختى أعرف كثيرين بطلوا السجائر بعد الزواج ... يعنى هذه عادة ليست مستحيل التخلص منها... الخلاصة : المهم أخلاق الشاب وراحتك معه وإحساسك به.. الله يوفقك ,, أخوكمm.s |
اقتباس:
اذا ما جلست مع مدخن فهو سبب اقوى انك ما تقبلي لأنك لن تستطيعي التأقلم مع الرائحة النتنة طوال الوقت في فمه + رائحة المنزل التي يلبسها الدخان من ابسط غرض لأكبر غرض بالبيت + أسنان سوداء او صفراء + مخاطر عليكي و على اطفالك مستقبلاً نتيجة العيش ببيئة ملوثة ما فيها اوكسجين + و اهم سبب انه الدخان معصية و فاعلها اصبح مدمن صعب جدا ان يتركها و كثير ممن تركها انتهى بسمنة (بدانة ) بسبب آثار ترك النيكوتين على فتح الشهية + ابتلاءك بجيل جديد (اطفالك مستقبلا) بتعلموا التدخين من ابوهم و قل من لا يدخن و يرى ابوه مدخن ! ارفضيه و اسألي الله ان يعوضك خيراً منه |
اقتباس:
اقتباس:
وبالنسبة للمجمتع اللي آنآ عآيشةة فييه عآدِي مو صغِيرة :( ردك الثآني عورني =( آموت وآعرف بس ليش يدخنننوآ آمممم والله سرت كأني خبلة آقرآ رد آقول بوآفق آقرآ الثآنني آقول مستحييييييل و ربِ يكتب اللي فيههَ الخيير , يعطِيكَ العآفية =) |
اقتباس:
المشكلة إننِي مَ آحس بشِي وآنآ معك انو يمكن يتركههَ بس البلآ لو مَ تركهه وآتطور الوضع :( يعطِيككَ العآفية وربي يوفققك |
الدخان مو عيب ياأختي , مثل أبوي والله انه من متى يدخن لكن شوفي
اخلاقه زي العسسل , ومو مقصر معنا بشي والحمدلله يارب انتي تقولين اخلاقه حلوه ويصلي اهم شي هذي وبعدين هو بعمر 22 واغلب الشباب بالعمر هذا يدخنون , الدخان ابتلاء زي ماقلتي وبرضو مع الاصرار تقدرين تخلينه يتركه , استشيري امك وّأبوك وخذي برايهم لانهم هم اللي يعرفون مصلحتك اكثر من الآخرين ! . لكن ان بتاخذين براي الناس كل شوي بيجيك واحد وبيقولك راي كذا بتتعبيين بالتفكير وحيرتك بتزيد . ممكن أعرف شي : انتي لما امك او ابوك قالتلك انه كل شي فيه حلو الا انه يدخن ايش كان رايك ! كان رايك انك موافقه ولا لا ؟ ولما استشرتي احد حسيتي انك ترددتي فالقرار هذا ؟ دعواتي لك ياغاليه انك تاخذين الرأي الصائب واللي فيه الخير |
شوفي اختي اهم شي انتي تعرفين ماذا تريدين لا تخلين قرارك متذبذب
اما مسالة الدخاان الرجل مارايح يدخن بالبيت ولا رايح يدخن قدامك وقدام ابناائك بالمستقبل ان شاء الله وبالعكس بيضرب معجون وبيشرب قهووه قبل ماايرووح يناام لاكن انتي تستطيعين ان تغيري انه يترك الدخاان والدخاان مايذهب بالعقل هذا اهم شي والي تقول عن التربيه هل كل الي يدخنون ابناائهم دشير بالعكس هذا توفيق من رب العالمين وبلووه ومالنا الا نقول الله يهديهم فيه نااس ملتزمين ومحافظين على بيوتهم والله بلاهم في اولاده او حتى في بناته والله يستر على عبااده يارب انا اقوولك اختي ترا بعض الي يدخنون في قمة الاخلاااق اهم شي هو ماخطاء في حق الناس او لعب بمشااعر البنات مثل انه يغازل او انه يزني يعني ماضر احد والله يوفقك يااارب ويكتب لك الي فيه الخير واستخيري والله يسيرك |
والله بنظري ماشوف الدخان عائق
بيدخن طز فيه المهم مايدخن عندي بالبيت اما من ناحيه الامراض طز فيه ماهتم بنفسه المهم لايخنقني بالبيت وكمان دامه اخلاق وطيب ليش ترفضين الله معك يارب وترددك شيء طبيعي وترا اخواتي متزوجات رجال يدخنون لكنهم محترمين وعايشين بسعاده والحمد لله لكن اشوف راي امك وابوك قوليلهم انا مضايقني شي التدخين شوفي وش ردهم عليك |
اقتباس:
مو مسألة تقنعيني يا أختي الدخان تركه صعب ومضر بالصحه واسمحي لي اصلا أنتي في داخلك مواقفه ليش تآخذين رأي الأعظاء!!!!!!!!!!!!!!! يا أختي فكري صح باقي عمرك 18 والف واحد يتمناك ولكن الفتاة في هالعمر يهمها تتزوج وبس أنتي أتخذي قرارك بنفسك وإذا ربي كتب وتزوجتي وحملتي راح تتعبين وحده من قريباتي زوجها يدخن ولما حملت بنتها الآن تعبانه من الدخان تخيلي أحد أبنائك يسألك ليش بابا يدخن وش رأح تقولي!!!!!!!!!!!! إذا تزوجتي بعد فتره قولي لنا وش صار معك!!!!!!!!!! لأني واثقه أنك راح يتغير رأيك بعد الزواج وتقولين ياليتني ما وافقت بس بتوافقين عشان فرحة الزواج وبعدها راح يتغير رأيك!!!!!!!!!!!! |
كم من مدخن افضل بكثير من اشخاص لايدخنون ..!
لو كنتي لاتريدينه ياعزيزتي لقلتي لامك حينما سألتك : لا ..! ولكن احساس ما بداخلك يمنعك من ذلك وهو احساس القبول الذي تترددين ان تنطقيه ...! استخيري .. ووافقي ولا تدعي صفة سلبيه واحده تغطي على ايجابيات كثر ..! موفقه ..~ |
يعطِيكُم العآفيةة
< مآفيني آرد عـَليككم رد رد و ربِ يوفقكم كأني آتخذت قرآرِي =) وخلآص لآحححد يجي يسِب آو يمدح فِ المدخنين آوكِ < هههههه |
|
ألاحظ أنه كل من أشار عليك بتركه رفضت رده و ناهضت كل من قال لك لا زلت صغيرة و ناصرت كل الردود التي أشارت عليك بالموافقة ثم بعد شوي صرت تايهة و رأيك متذبذب و تقولين أنك لست صغيرة؟ كونك صغيرة هاذي ميزة موب عيب تتبرأين منه و ردا على مشكلتك : للتنويه فقط التدخين لا يعكس طابع أخلاق أو تدين المدخن أبدا أبدا هو بس يعكس ضعف إرادة في الإقلاع و استرخاص للصحة ,يعني أنا أكره هاتين الصفتين في أحد (:d يقولون دعابة " الإقلاع عن التدخين يحتاج قرار حاسم و دهن صافي و تفكير عميييييق و طول بال و كوب قهوة.............................................. .................................................. .....................................و سيجارة :22: ههههههههه بس عن جد أسألك ,إذا انت لديك قدرة تحمل الريحة و منظر المدخن و عزله دائما لما يدخن و أنت تصيري "مدخنة سلبية" و تحمله لما تجيه أمراض القلب و الشرايين و السرطان و التي إصابة المدخن بها لااااااااااااااااااااااااا مفر منه ...إذا لديك قدرة لتحمل ما ذكرت...فاستخيري و توكلي على الله |
اقتباس:
|
إذا كان حسن الأخلاق تزوجيه و حاربيه على التدخين حتى يتوقف
ستكون معركة صعبة لكن الارادة الأقوى ستتغلب |
الدخان ليس سبب كافي لرفضه
ولو انه عادة سئة افرضي ان اصحاب القناعه القائله بان المدخن يرفض ومن هذا الكلام كل اصدقائي او اكثرهم مدخنين فهل يعني هذا بانهم لن يتزوجو ابدا وهناك اخت تقول انتضري وانتضري الى ان تتمي 30 فهل هذا كلام عقلاني اتمنى لكي التوفيق وان يتمم الله لك على خير ويوفقك بزواجك وحياتك |
اقتباس:
ردك بطططل ههههههههههههه جبتيهآ عـَ الجرح مآني عآرفة انا ايش ابغى بس تعجبني الردود اللي تقول وآفقي :25: هههههه مشِكلتتتي مٌ قد جلست مع آحد يدخن :( تسِلممي ي بططلة |
اقتباس:
تسِلميلي ي حلوة وآذآ رفضضت ببشرك :d وإذآ وآفققت مَ رآح تشوفين خشتي فيذآ هههههههه < دعآبة وقسسم |
اقتباس:
وإلآ غلطآنة آنآ ..؟! |
اقتباس:
يسِلمُو =) |
اقتباس:
آمآ جروحي فديتها لو اصك الـ 30 ومآتزوجت بخليها تخطبني لأخوهآ :d < دعآببة ههه واللي جآببه يجيب غيرههَ :22: يً ربِ ويوفق الجميع =) |
ألف مبروووووووووووووووووووووووك
والله يسعدك يارب |
الله يوفقك ويسعدك:14:
من ترك شئيا لله عوضه الله خيرا منه وخاصة انتي ماشاء الله الفرص امامك شوفي انا بالنسبة لك اختك العودة توني قريب خطبني واحد حطي بالك كبيرة واضافة ظروف صعبه وايد الحمدلله مدخن صراحة اخته مدحت انه وانه المهم ماخبي عليك قلت اهم شيء تخرجين لكن والله قلبي مااقدر اتقبل مدخن قلت لعل الله يهديه وقالت اخته خلاص بيتركه ومثل هذه الامور تحتاج وقت وارادة موب بسهوله تركه كلمت مستشار قال موب مهم ظروفك ثالث امور وهي الدين والأخلاق والثالث هل انتي تتقبلين انه مدخن اذا ايه وافقي وإذا لا لاتوافقي وصراحة بعدين قلت اصبر لعل الله يعاوضني بالرغم الفرص الحمدلله وهو شاب أها اختي جاتك استشارة من مستشار مجانا:d |
حكم الزواج من رجل مدخن السؤال س: ما حكم الزواج من رجل مدخن؟ هل يجوز أم لا؟ الاجابـــة ننصح بعدم تزويج المدخن، فإن الدخان حرام، رغم ما فيه من الخسران وضياع المال. ثم هو سبب في اقتراف بقية المعاصي أو أكثرها. ولا شك أنه إذا أصر عليه وتمكن منه تكاسل على الطاعات، وثقلت عليه العبادات، وأبغض الخير وأهله، وابتعد عن مجالس الذكر والعلم، وصار جلساؤه من هم على طريقته، وزينوا له اقتراف الفواحش وفعل المنكرات. فتزويجه يعتبر مخاطرة وإضرارًا للمرأة. فالبعد عنه أَوْلَى. الشيخ عبد الله بن عبد الرحمن الجبرين |
السلام عليكم ورحمة الله وبركاته
أستغرب صراحة من بعض االردود المؤيدة للزواج من شخص مدخن فأقول اكتبي مدخن في بحث الصور بـ GOOGEL وأنظري ماذا يخرج لك من صور وأحكمي أنت ! وكلام رسولنا واضح قال رسول الله -صلى الله عليه وسلم- : ((إذا خطب إليكم من ترضون دينه وخلقه فزوجوه، إلا تفعلوا تكن فتنة في الأرض وفساد عريض)). يعني هل أنتم راضون على فعل التدخين (مع أني أرى أن التدخين جارح للدين والخلق) ؟ ولا تعلقين آمال على أنه سيترك التدخين بعد الزواج أو أنك ستنصحيه وأنا أقول اعملي كما أمرك رسول الله صلى الله عليه وسلم ولن تندمي أما من ناحية بعض ما يقال أن هناك مدخنين ومحافظين على صلواتهم وتعاملهم ممتاز مع زوجاتهم وأبناءهم وهناك غير مدخنين ومتساهلين في صلواتهم ولهم صحبة سيئة وتعاملهم غير سوي مع أهل بيتهم فأنا أقول افعلي الأسباب في اتباع سنة نبينا محمد عليه الصلاة والسلام في كل أمور حياتك فإن حصل لك خير فالحمد لله وإن حصل لك شر فهو ابتلاء من الله عز وجل . والجئي لله بالدعاء وظني به خير اقتباس:
|
| الساعة الآن 05:29 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©