|
لسان زوجي حاد كالسكين .. أعطوني حلا"..
[B]
السلام عليكم ورحمة الله وبركاتة [/B]تشجعت أكتب مشكلتي بعد ماشفت الردود الطيبة اللي صارت مع مشاكل غيري أنا سجلت في المنتى عشان أسمع نصايحكم الحكيمة مشكلتي مع زوجي طبعا أنا متزوجة من خمس سنوات وعندي طفلين ولد وبنت زوجي عصبي لدرجة الجنون .. أتفة الأسباب يعصب عليها ملاحظاتة دقيقة دائما ينتقدني لا أسمع منه إلا النقد .. دوامة من السبت إلى الأربعاء في مدينة ثانية غير اللي أحنا عايشين فيها يعني يكون عدي من الأربعاء الظهر حتى فجر السبت بعدين يروح لشغلة الله يوفقة بس من يجي يوم الاربعاء وهو ينتقدني ويصارخ علي وسب ولعن فيني وفي أهليكلهم ماعندة أحترام لي ولأهلي بعطيكم أمثلة على بعض السب : أنتي يابنت الكلاب يابنت الملاعين يالكلبة يالزبالة ياواطية يا منحطة لاحظوا هذة بعضها بس مع العلم أني على قدر كبير من الأخلاق و التربية و زوجي يدري بهذا الشي وهو قال لي بنفسة أني مؤدبة وخلوقة من يوم ماتزوجنا .. مع العلم بأني أذهب إلى بيت أهلة كل أسبوع وأحبهم و يحبوني و مابيننا إلا كل الإحترام والتقدير بس زوجي مايحترم أهلي قدامي بالمرة .. طبعا زوجي مايزور ولايسلم على أهلي إلا من عيد إلى عيد و نادرا إذا وصلني بيت أهلي يشوف أبوي أو أخوي بالصدفة عند الباب فيسلم عليهم .. طبعا زوجي قدام أهلي محترمهم وبيني وبينة مافية إلا سب ولعن طبعا أنا واجهتة وقلت لة أحترم أهلي مثل ماأنا محترمة أهلك وقال لي أنة يقول كذا عن طريق المزح مو من قلبة .. بس أنا لم أتقبل هذا الشيء على فكرة أنا أقوم بواجباتي المنزلية والزوجية على أكمل وجهه يعني يجي من العمل ويلقى بيتة وزوجتة وعيالة نظاف ومعطرين والغداء جاهز وملابسة نظيفة ومرتبة وكل طلباتة مجابة وما اقول له إلا إن شاء الله و بين فترة وفترة أسألة تأمر على شيء حبيبي تبي شيء وإلا يبية يجية لحد ماهو جالس على السرير أو في الصالة .. على فكرة زوجي يشتغل مدرس للمرحلة المتوسطة ويعاملني كأني أحد طلابة يعني مثلا : قبل وقت النوم بحوالي ساعة في الليل أكون أنهيت بعض الشغلات الخفيفة لأن بيتي نظيف أسألة تبي شيء حبيبي ويأمرني أبي ساندويش جبن وحدة وأنا أن شاء الله وأنفذ وقبل لا أجلس سوي لي وحدة ثانية وأنا إن شاء الله و قبل لا أجلس جيبي لي عصير أو بيبسي أو ماء بارد و أنا طبعا أنفذ برحابة صدر.. و بعدين جيبي لي بطاطس شيبس وأنا أجيب لة بدل الوحدة ثنتين .. وقبل ماأجلس يقول لي بنبرة صوت مرتفعة .. لحظة لحظة لحظة مين قالك جلسي خلك واقفة ( في هذة اللحظة أحس أني جالسة في الفصل ) يكمل كلامة جيبي لي كيت كات وأجيب لة أثنين ويقول وش قصدك دبي ؟ أقول له لا ( لأن جسمة عاجبني مع أنة فية كرش ) بس أحبة و أموت فية و ماأقدر أعيش من دونة الله يخلية لي و لعيالي .. وأخيرا يجي الأفراج بعد مايستلم طلبة .. يالله خلاص جلسي .. ترى بقومك بعد شوي .. وأقول له إن شاء الله .. المشكلة لما يوصل البيت الأربعاء يسوي جولة على البيت ويبدأ في النقد ليش ماحطيتي هذا هنا .. ليش غيرتي مكان هذا مثلا :( المجسمات الزينة حجمها صغير وأحنا حاطينهم فوق التلفزيون .. والله والله إذا شافهم متحركين من مكانهم 1 سم أسمع أنواع السب و التعليقات الجارحة اللي تخليني دائما أبكي على أسباب تافهه .. أرد علية و أقول له أنا مسحت التلفزيون و منظفة شيء طبيعي بشيلة وأرجعة .. و الحين صرت دقيقة أكثر و أرجع كل شيء مكانة بالسانتيمتر .. ومع ذلك لا أسلم من تعليقاتة و تجريحة القاسي و الله إن تجريحة لي أحد من ألم جرح السكين بالنسبة لي .. طبعا هو مايهمة ولا يتأثر نادرا مايشعر بأن اللي سوا كان خطأ مرة وهو في عملة قعد يسب فيني على مواضييع تافهه كالعادة وكان هذا بعد منتصف الليل وقال لي لا ترسلين لي وتقولين مشتاقة مشتاقة او تتصلين علي .. وأتصل علي في اليوم الثاني ولقى جوالي مقفل لأنة مافية شحن .. طبعا كالعادة دائما يسيء الظن فيني بعد ماشحنت جوالي وفتحتة ليش مقفلة جوالك يابنت الكلاب قلتلة جوالي مافية شحن وتوي شاحنتة .. قال ءءءأأأمممم فكرتك مقفلتة ماتبين تكلميني .. زعلان العسل .. ماتبيني أنتي .. قلت له : أبيك أنت اللي ماتبيني يقول لي أنا أبيك ومن هذا الكلام .. مع العلم أنني على قدر عالي من الجمال و الأناقة في لبسي و مكياجي .. طبعا أنا أسامحة على طول ماعندي وقت صارت مشكلة اليوم لأني متفقة معة من الليل أني أجهز جوالي الجديد عشان يجي أخو زوجي ويأخذة يركب فية برامج .. طبعا زوجي في العمل.. وجاء الصبح و اتصل وأنا نايمة بس الجوال مادق مع إن الجوال مش صامت يمكن النغمة منخفضة جدا جدا أو معدومة لأنة جوال جديد ماتعودت علية المهم أنا ماسمعت النغمة .. وأنا نومي خفيف شكلة ما رن مع أن المكالمات كثيرة بعدين سمعت صوت الباب ورحت بسرعة و عطيت أخوة الجوال في الصباح جاء وقت الظهر ورسلت لة أكثر من رسالة إعتذار واني مش قصدي و مدري كيف صار كذا سامحني لا تعصب علي أرجوك أفهمني ولو مرة اتصل العصر وهو يسب ويلعن كالعادة وقال لي انتي مفشلتني أول مرة يقول لي كذا .. الصراحة حز في خاطري حيييييييييييييييييل أفكر ماأرد علية إذا أتصل أو إذا جاء بكرة ما أستقبلة إستقبال حار مثل كل مرة بقول لكم شيء أنا أشتاق له كثير في غيابة و وجودة لأنه دايما بعيد عني بجسمة وعقلة أنا أبي أحضنة فترة طويلة زوجي يبيها خفيفه وإذا حظنتة نصف دقيقة أو أكثر شوي يتأفف مني .. لا يحب أن أقبلة أو أقول له كلام حلو ومعسول ويتضايييييق جدا إذا أرسلت له رسائل حب و شوق وغرام ويتصل ويسب فيني لأني أرسل لة كلام حلو .. يقول المحبة في القلب مش بالكلام إذا جاء الأربعاء من عملة يتغداء وبعد الغداء يجي العصر وأنفذ طلبة لأني مشتاقة له أكثر مماهو مشتاق لي بس يوم الأربعاء في الليل والخميس وا لجمعة مايقرب مني أنا اللي أتحرش فية عشان يجيني لأني أحس بفراغ عاطفي كبير في وجوده وغيابة أنا آسفة طولت عليكم بس بالله عليكم وش الحل مع رجل مثل زوجي عصبي حاد الطباع دقيق في كل شيء أي مشكلة بسيطة يقلبها نكد و يقول لي أنا النكدية هو اللي يسب ويلعن و يصارخ و يقول أنا اللي أنكد علية والله الصراحة مشكلة يقول لي أنتي إذا جاء بداية يوم الأربعاء تصيرين نكدية إلى يوم الجمعه وهو الي ينكد علي أنا مليت من تصرفاتة السيئة معي و أحيانا مع أولادة أرجوكم أفيدوني .. أنصحوني .. وجهوني .. جزاكم الله ألف ألف ألف خير أنتظر ردودكم فلا تتأخرو علي .:11: |
اسمحيلي انتي عطيتيه المجال يسبك
خذي موقف وموقف حازم كيف عايشه معه كذا؟ مايصير كل مازهق سبك وانت ساكته قوليله تكلم معي باحترام مثلي انا معك |
" من أمن العقوبه اساء الأدب " , ببساطة هذا هو السبب!
يجب ان تعلمي ان مايفعله عظيم! , سب وشتم ولعن وكل هذا يرجع الى اخلاقه ثم الى انه لم يجد احد يردعه يجب ان تأخذي موقف من اخلاقه السيئه ! حقاً شئ مؤلم ان امثالة يدرسون اطفالنا , |
مشكلتك لينة معاه مهما غلط معك بتسامحي و بتمشي و كأن شيئاً لم يكن و هذا خلاه يتمادى و يزيد لأنه عارف إنك رح تغفري
اوقفي وقفة حاسمة قاطعيه يعني لما يجي حضريله طعامه و ملابسه و كل شي على أكمل وجه بس ما تكلميه و إذا سألك ردي على الضروري بس و إذا سبك و شتمك قوليله تعودت على أخلاقك و كل واحد بيتكلم على حسب أخلاقه و تربيته و إنو الإناء ينضح بما فيه و اتركيه واطلعي من الغرفة ما تردي مهما تكلم و خليه يرجع لشغله و انت ما بتكلميه و كملي الأسبوع كله على هالحالة حتى يشعر بفظاعة الشي إلي عم يعمله و إذا حاول يتحركش فيك قوليله راجع كلامك إلي و اعرف غلطك بعدين كلمني و إذا كنت أسكتلك زمان فكنت أسكت عسى أن تحس بغلطك لوحدك بس الظاهر هذا الأسلوب ما بناسبك كوني شديدة معه و ما تليني لحد ما يحس بغلطه و يعتذر |
هل زوجك يشتمك ويسبك من أول الزواج , أم من بعد موقف معين حصل ؟
|
انتي من جــــــــــــــــــــــــــــــــــــدك والله لا تعلللليق انا والله لويقول نص كلمه غلط ع اهلي اقلب دنيا علييييييه
|
انتي كيف متحملته ؟؟؟؟؟؟؟؟؟؟؟؟؟؟؟؟؟
خليه يروح يسوي نفسه رجال قدااااام عيال الفصل مو عليك اعذريني هذه الصفات ليست من الرجولة ابدا وانتي كمان اعطيتيه وجه ليش هو متزوجك ليش ؟؟؟؟؟؟؟؟؟؟؟؟؟؟؟؟؟؟ عشان يسمعك انواع الاهانات والسب واللعن الزواج احترام ومودة ورحمة مو سب وقلة ادب انتي لازم توقفيه عند حده حتى لو زعل يطق راسه بالجدار وهو فرحان قاعد يتامر عليكي قومي افعلي وهاتي وكمان مايخليك تجلسي لمن يقول خير انتي في سجن بس تستاهلي لانك من البداية مافرضتي عليه انه يحترمك ويقدرك لا وابشرك اولادك حيكبروا ويسمعوا ابوهم المحترم وحينادوك بنفس الالفاظ هو معلم ........ يعلم نفسه الادب والاخلاق اول قبل مايعلم خلق الله سامحيني لان الموضوع نرفزني حدي انا ابوي لو طلب مني شئ يقول لو سمحتي جيبي لي الشئ الفلاني وغير عبارات الشكر اللي اسمعها بعد ماالبيله طلبه لازم الاحترام بين الزوجين ولا ماتكون هذي عيشة سامحييييييييييييييني ولكن من حرة قلبي |
أختي في الله لدي سؤال بعد اجابتك عليه سأقدم لك اقتراحي، سؤالي: ما هي المحاولات التي جربتها لحل المشكلة؟ أرجو سردها.
بعد اجابتك لي عودة، ان شاء الله. |
الحين انتي منجدك ولا تمزحين؟؟ تحبينه أجل ليش جايه تشكين..
ترى انا طفشت من اسلوبك أجل كيف زوجك...واسمحيلي زوجك....ماااايحبك.... شوفي زوجك اذا سبك ويقلك خليك واقفه لاتجلسين كأنك خدامه عنده.....شوتيه برجلك...هذا النوع مايمشي معهم كلام الحب والسمع والطاعه..النوع هذا يمشي برد الصاع صاعين...قالك ياكلبه قوليله مثلك...قال الله يلعنك قوليله لو تلعن ثاني مره مايصير لك شي طيب... هو ضامنك وحاطك في جيبه..مهما سوالك تتلصقين فيه..ومو بس زوجك معلم اغلب الشباب معلمين ويعاملون زوجاتهم احسن معامله...يعني زوجك حتى لو ماكان معلم بيعاملك نفس الاسلوب لانك انتي الي سامحت له يغلط عليك.. |
أختي الكريمة/
منذ يوم أمس وأنا أفكر بشأن موضوعك، وعاهدت نفسي أن أردّ، وأقدّم ما لدي لعل الله يفتح عليّ، ويجعل كل الفائدة فيما تقرئين. -أهنّئك على تعاملك الراقي مع أهل زوجك. واعلمي أنهم ورقة في يدك تستطيعين استخدامها بذكاء ضده لو أردت. ::: 1) بخصوص بذاءة لسانه. -أجد من خلال كلامك أنك إنسانة تميل للمسالمة والمهادنة. لكن عليك أن تفرّقي بين الصمت عن الحق، وبين الذلة. -افهمي يا أخيّة أن الفرد منا هو من يسمح للآخرين بالتعدّي عليه لفظياً أو جسدياً. كيف؟ عندما أنتَ في داخلك لا تحترم ذاتك، ولا تعطيها قدرها فإن الآخرين لن يعطوك قدرك. إنها قاعدة صحيحة. -أنتِ لا تطلبي من زوجك شفهياً أن يحترمك؛ بل أنتِ من تجبريه على احترامك بأفعالك وردّات فعلك. -هل سمعت المثل (عزّ نفسك تجدها). هو مثل صحيح. -أريد منك دوماً أن تعزّي نفسك، وترفعي قدرها، وتطوّري من نفسك، وتتخيّلي احترامك وشخصيتك في ذهنك أولاً ثم تطبّقيها على الواقع ثانياً. -تعوّدي على ذلك بالتدريج، وستظهر النتائج مع الأيام. -أريد منك أن تقرئي كثيراً. -زوجك يريد امرأة ترد عليه، وتناقشه، وترتفع أصواتهما معاً. هذه شخصيته كما أرى. -ربما اعتاد على البذاءة من خلال معاشرته للطلاب وسوء سلوكهم في الفصل مما انعكس عليه سلباً لتفريغ شحناته في بيته. -لمواجهة بذاءة لسانه تتبعي الخطوات التالية: أ) حضّري نفسك وعقلك لمواجهته. شجعي نفسك ولن يصيبك شيء. ملاحظة مهمة: إن كنت لا تستطيعين فاكتبي جميع مشاعرك وطلباتك منه في رسالة ثم دعيها على مكتبه. إن كنت تستطيعين فانتقلي للخطوات الأخرى. ب) حضّري له ذات يوم الشاي والقهوة. ت) قولي له: أعطني من وقتك القليل. ث) ابدئي معه الحوار التالي: الزوجة "أنتِ": أنا أحبك. أنا أدعو الله دائماً أن يحفظك لبيتك وأولادك. نحن لا غنى لنا عنك بعد الله سبحانه. ثم قولي له: هل ترضى أن أسبّ أمك؟ الزوج "زوجك": لا. الزوجة: هل ترضى أن أسبّ أباك؟ الزوج: لا. الزوجة: كذلك أنا لا أرضاها لوالديّ. ثم اذكري هذا الحديث أن النبي صلى الله عليه وسلم قال : إن أكبر الذنب عند الله أن يسب الرجل والديه ، قالوا : وكيف يسب الرجل والديه ؟ قال : يسب أبا الرجل فيسب أباه ، ويسب أمه فيسب أمه . ثم قولي: هل ترضى أن أسب والديك أمام أبنائك؟ الزوج: لا. الزوجة: أنا لن أفعلها؛ لأن ديني وأخلاقي وتربيتي تمنعني من فعل ذلك. الزوج: أنا كنت أمزح. الزوجة: المزح له حدود. المزح لا يأتي بالتجريح الشخصي والسب واللعن. أيضاً أنا أعاملك بالحسنى والسمع والطاعة لك كي أنال رضا الله قبلك، لكن هذا لا يعني قبولي أو سكوتي عن سبك لأهلي أو لي طوال الوقت. أنت تربي أجيال، ويتخرج طلاب من بين يديك. تخيّل لو أن طالباً من طلابك رأى سلوكك هكذا في بيتك. ماذا سيقول عنك؟ أخبرني بصراحة. الزوج: يحاول التبرير هنا. الزوجة: احترمني، واحترم كياني، و يجب عليك أن تعاملني كما أعاملك؛ فأنا ابنة ناس، ولم آتي من الشارع أو من القمامة...ثم قومي من عنده واتركيه. -تجاهليه في البيت. -إن كرر السب والشتم مرة أخرى. فقولي له: أمسك عليك لسانك، واحترم ألفاظك. -إن كرر أيضاً فهدديه بإخبار أبيه وأمه. -إن كرر فهدديه بإخبار والديك. -إن كرر مع تهديداتك له فأخبري أبيه وأمه بالحقيقة...إن لم ينفع فأخبري والديك. -لا بد أن تحلي الموضوع الآن وإلا فستسقط هيبتك في المستقبل أمام أولادك، وسيتعاملون معك كأنك من سقط المتاع، بل سيتطاولون عليك. ::: 2) بخصوص طلباته. -نفّذي حقوقه وواجباته بما أمرك الله أولاً وبما تستطيعين ثانياً. يقول الله تعالى (لا يكلف الله نفساً إلا وسعها). -أحضري أغراضه ثم انصرفي ولا تجلسي معه. -إن سألك: هل هناك شيء؟ قولي له: راجع حساباتك. -لو قال لك ذات يوم: استمرّي واقفة. قولي له: قدماي تتعبني، ولست طالبة في فصل دراسي. ::: خلاصة القول: اتخذي موقفاً حازماً منه. لا تسمحي له بالإهانة والتجريح. إن كنتِ تعرفي نقطة ضعف فيه فاستخدميها ضده. ::: أسأل الله أن يجعل رأيي صائباً. أخوكم/ حاتم بن أحمد-الرياض |
...
|
جزاك الله خير أخي البليغ على ردك المتزن.. عزيزتي.. لقد كتبت لك ردي في الصباح.. وفتحت موضوعك الآن فلم أجد ماكتبته.. يمكن الشبكة ضعيفه.. ولم يتم الإرسال.. على العموم أنا أتفق مع الأخ الفاضل.. وقد كتبت في ردي الأول كثير من النقاط المشابهه.. منها أن تبدأي معه بالحوار أولاً.. وتكوني قوية وواثقه من نفسك.. وإذا اعاد الكره.. تقولي له.. مااأسمحلك تكلمني بهذه الطريقة.. لابد من الإحترام بين الزوجين.. انتبه على ألفاظك .. ولا تناقشيه و لاتبيني انك ضعيفه.. وممكن تهدديه بإخبار أهلك.. وحتى بالنسبة لطلباته.. صحيح المرأه تلبي طلبات زوجها بحب وسعة صدر.. بس ماتوصل لدرجة الأوامر .. وكأنك جارية عنده.. يطلب طلباته مره وحده وبأسلوب لطيف.. الله يفرج همك ويريح قلبك.. ويهدي زوجك ويصلحه يارب.. |
|
اتمنى الرد منك باسرع وقت اتحمست لمشكلتك وردود الاعضاء حكيمة .. انا معاهم في الخطوات اتبعيها.
وردي علينا وش صار لك الله معاك |
اقتباس:
. أختي الكريمة هيا 2011 جزاك الله خير على ردك وأحب أوضح لك إني ناقشته كثير في هذا الموضوع بس لا حياة لمن تنادي وقلت له تحترمني مثل ماأنا أحترمك يقول أنا طبعي كذا هو مايحترم أحد لا اللي أكبر منه مثل أمه و خواته البنات وإخوانه الذكور زوجي لما يكون عصبي أنواع السب أسمعه ولما يكون رائق و هادي أحلي الكلمات والغزل أسمعه يعني نفسيته حسب مزاجة .. شكرًا لردك أختي العزيزة . |
لا حول ولا قوة الا بالله انتي زوجك يسب امامك
وانا من كان زوجي يوما يسبني من وراي بعض الا خوه هنا قالواردي عليه بالمثل فانا مانصحك بذلك ابدا والله الرجال امثاله مايفيد معا هم كذا والله زوجي سابقا كان دايم يقول حظي في الحريم جزم كمان يقول الزبايل اللي عندي مارايكم المهم اختي لما كشفت كذبه وصارت المشكله فذكرته بعيوبه ومنها ان امه غير سعودية الا صل فثار وراح يتكلم على ابوي واخوي المريض الله يشفيه حتى اختي المعاقه استهزء فيها وطلقني ولما ساله اخوي انت موشايف انك استعجلت بالطلاق قال ماتقعد على ذمتي وحده تسب امي وانا والله ماقلت فيها شي الا اني رضيت فيك وامك غير سعودية شوفوا كيف وهو نسي نفسه انه تكلم على اهلي فارجوك يا اختي تحملي واصبري وادعي ربك وحا ولي معاه بالطيب ولا تردين عليه بالمثل والله يهدي باللك ويسعدك يارب |
[QUOTE=الجانب الآخر;2622530]" من أمن العقوبه اساء الأدب" , ببساطة هذا هو السبب!
يجب ان تعلمي ان مايفعله عظيم! , سب وشتم ولعن وكل هذا يرجع الى اخلاقه ثم الى انه لم يجد احد يردعه يجب ان تأخذي موقف من اخلاقه السيئه ! حقاً شئ مؤلم ان امثالة يدرسون اطفالنا , [/ . ]جزاك الله خير على الرد أحب أقول لك أنني أعلم أن مايفعله عظيم عشان كذا طرحت لكم مشكلتي أحب أقولك إني أخذت مواقف كثيرة بسبب أخلاقه السيئه أحب أعطيكي معلومة زوجي في المدرسة حازم مع الطلاب في الفصل فقط وبرى الفصل إنسان طيب و أثناء النشاط و نهاية عصبي وحازم مع طلابه لكن في الأختبارات طيب مع طلابه يسهل الأسئلة لدرجة إنه من درس منذ أكثر من 6 سنوات ولا طالب سقط في الإختبارات عنده وبرى المدرسة مع الطلاب طيب في معاملتة دائمايمزح معهم .. ومع زملائة المدرسين دائماً مزح وضحك .. وأحيانا أسمع هذه المكالمات . شكرًا على ردك أختي .. أو أخي* |
اقتباس:
ياويله لو جاب طاري هلي بسوء حتى لو كان مزح |
مستحيييييييييييييييييل أنتي ساااكته له ليييييييش !!!!!اعطيتيه أكبررررررررمن حجمه بكثير لأنه لو هو محترم مايتكلم الكلام هاذا لاتدورين له أسباب وأعذار !!دوري حلول نهائيه ؟؟ بقولك مره وحده سب زوجي أهلي قلت له أنا انسانه محترمه وماأنزل للمستوى هذا من الكلام اذا عرفت تتكلم زين كلمني !!!والله طااح وجهه ولاعاد جاب سيرة أهلي وبالنسبه لطلبات زوجك الكثييييييره وكلها مالها دااعي بس هو مبسوط لأنك مصدقه وبقوه ..بصراحه أنا مطيعه لزوجي بحدود يعني أجيب أول طلب 2طلب بس3 أقوله قوووووووم حبيبي خذ حاجاتك بنفسك عشااان يجي لها طعم وأنا أضحك ,,,يعني خليكي طيبه بحدود لأن زوجك بصراااحه ماينعطى وجه ....طلب أخير /تكفيييييين لا ترسلين رسااايل تعتذرين لأنك مو غلطااانه أبدا وأنتي السبب الرئيسي اللي خلى زوجك يتمادى ,,بالله واحد يلعن زوجته وأهلها وهي ترسله وحشتني !!! اذا تبغييين زوجك يتغير لااااااااازم تتغيرين أنتي قبله .....
|
سبحان الله في بداية زواجي زوجي كان يعاملني كأني وحدة من بناته من طريقة الامر او النهي
الصراحة قمت ارد عليه واقوله انا ماني بنتك انا زوجتك والمفروض تفصل بالأسلوب بين البنت والزوجة و مع الايام كان يقولي مثل كلامج راح اعقابج واوريج الويل والعذاب احقره وأعطيه نظرة صاروخية واطلع عنه واذا كنت ما اقدر اطلع من المكان اسكت سكوت البكم واذا تكلم يحاول يلطف الجو أقوله قولي أسف - واستعمل معاه - اسلوب الاطفال كلام اخوي البليغ صحيح عن تجربة الله يوفقج |
اقتباس:
انتي قلتي لما يكون عصبي...يعني لما يجي يسب يكون انتي قبلها نرفزتيه..وخليتيه يعصب ولا شو؟ زوجك مايحب تتلصقين فيه..قالك لاترسلين رسايل حب خلاص بطلي ترسلين.. انتي تخيلي يكون قدامك طبق حلى..تقدرين .تاكلين منه 24 ساعه...او بشكل يومي وبكثره..طبعا اقل شي يجيك غثيان ودوخه غثيتيه.باسلوبك.لاتغرقينه بالكلام الحلو..انقطعي فتره وقللي الحركات الحلوه ..صحيح فيه رجال يحبون الوحده تهتم فيهم بس زوجك مو من هالنوع عامليه على حسب شخصيته.. ولاتسمحين له يذلك ويهينك حذريه...انتي بس قلتيله احترم اهلي وسكتي..المفروض تزعلين وتمتنعين عن الكلام معه الين يجي يعتذر...من نفسه... وانااتوقع ان زوجك قدام الناس وطلابه ومديره جبان ..ومايتفوه بكلمه....ويجي عندك يتفرعن عليك..لاتسمحيله أبد.. |
اقتباس:
زوجك ماعليه حسافه ..وش تبين فيه وهو يقول لك جزمه و زباله.. واضح انك زعلانه لانه طلقك..خليه يروح جزاه عند ربه.. اختي اميرة الغرام ..الاحظ في ردودك الاخيره بديتي تظهرين محاسنه.....معناه انك مقتنعه بلي يصير معك..وكانك بتقولين لنا لاتظلمونه..ولا تحقدون عليه.. كيف تقولين انك وقفتي في وجهه...وهو يخليك واقفه فوق راسه ويمنعك من الجلوس..ومع هذا تنفذين طلبه.. اما انه مايسلم على اهلك الا نادر ولاينزل عندهم هذا شي ثاني..حاطك في موقف محرج مع اهلك..الله يعينك ويصبرك |
اقتباس:
SIZE] جزاك الله ألف خير على الرد أحب أوضح اللي صار اليوم الأربعاء لما جاء. من العمل أول شيء ماردين على مكالماته البارحة ولما جا اليوم أتصل وهو جاي في الطريق كذا مرة ومارديت خليت عيالي يردون و يقولون له ماما تطبخ .. هو أستغرب لأن حضرته نسى اللي حصل أمس ولما وصل البيت طبعا كل شيء جاهز الغداء والعيال وأنا طبعا جاهزه قابلتة بوجه عبوس هالمرة وقال لي : وش فيك قلت له : ماتدري وش فيني أنا أمس مفشلتك واليوم وش فيني وش تبي فيني دامي مفشلتك قال لي إنا قلت لك كذا من تصرفك أمس مع أخوي وغبائك قلت له أنا أمس أعتذرت بس أنت دايما معصب وتسبني قال : أووووووه أنا قلت من يجي يوم الأربعا وأنتي تنكدين علي .. أنا أحسن شيء أتزوج وحده ثانيه .. أنا أنصدمت من كلامه .. وقلت له : إذا تبي غيري طلقني أول أنا ماأعيش معك وفي حياتك غيري هذا وأنا في المطبخ قال لي تتحديني أخذ وحده ثانيه .. أنا سكت وقال : هاه تتحديني قلت له : لا. جاني من وراي وحضني وقال لي : حبيبتي .. الصراحة عصبتيني .. أنا فكرت من الأسبوع اللي راح إني أتزوج عليك .. الصراحه هذي ثاني مرة أفكر أتزوج عليك الأولى لما تخانقنا بعد سنه من زواجنا ( والسبب كان أحد من أهله يحده علي وطلع علي كلام أنا ماقلته .. وقتها أخذ ولدي مني وخلاني بيت |
اختي ليه الغرور.
جزاك الله خيرا،الحكايه مو حكاية زعل عليه الموضوع تعدى كذا انا والله زعلانه على نفسي ياليت تقراي مشكلتي وتعطيني ردك والله يسعدك |
شفتي يا اختي لما واجهتيه ورقفتي بوجهه
جالج وطلع نواياه خلج قوية ولا تخافين ولا تهابين صدقيني مع الوقت بعرف شنو اللي له وشنو اللي عليه |
جزاك الله ألف خير على الرد
أحب أوضح اللي صار اليوم الأربعاء لما جاء. من العمل أول شيء ماردين على مكالماته البارحة ولما جا اليوم أتصل وهو جاي في الطريق كذا مرة ومارديت خليت عيالي يردون و يقولون له ماما تطبخ .. هو أستغرب لأن حضرته نسى اللي حصل أمس ولما وصل البيت طبعا كل شيء جاهز الغداء والعيال وأنا طبعا جاهزه قابلتة بوجه عبوس هالمرة وقال لي : وش فيك قلت له : ماتدري وش فيني أنا أمس مفشلتك واليوم وش فيني وش تبي فيني دامي مفشلتك قال لي إنا قلت لك كذا من تصرفك أمس مع أخوي وغبائك قلت له أنا أمس أعتذرت بس أنت دايما معصب وتسبني قال : أووووووه أنا قلت من يجي يوم الأربعا وأنتي تنكدين علي .. أنا أحسن شيء أتزوج وحده ثانيه .. أنا أنصدمت من كلامه .. وقلت له : إذا تبي غيري طلقني أول أنا ماأعيش معك وفي حياتك غيري هذا وأنا في المطبخ قال لي تتحديني أخذ وحده ثانيه .. أنا سكت وقال : هاه تتحديني قلت له : لا. جاني من وراي وحضني وقال لي : حبيبتي .. الصراحة عصبتيني .. أنا فكرت من الأسبوع اللي راح إني أتزوج عليك .. الصراحه هذي ثاني مرة أفكر أتزوج عليك الأولى لما تخانقنا بعد سنه من زواجوالسبب كان أحد من أهله يحده علي وطلع علي كلام أنا ماقلته .. وقتها أخذ ولدي مني وخلاني بيت أهلي 9 أيام و رفض يراضيني قال لي رجعي لحالك و قبل لا ترجعين أعتذري من اهلي ورجعت مع واحد من اهلي واعتذرت عشان ولدي ) والمرة الثانية الاسبوع اللي راح لما عصبتيني أكيد على اسباب تافهه كالعاده وتخانقت معه طول فترة الغداء وقلت له أنا بشر لي إحساس و قلت له مايصير كذا أنا متى احس معك بالأمان كيف أحس خلاص أنا قررت من اليوم ورايح مافي كلام حلو مافي رسايل ماراح ارد على مكالماتك في الغرفة أعتذر مني وقال لي آسف لانه عصب علي وانه قال لي أنه قالي بيتزوج بس عشان يعصبني يقول لو بتزوج ماراح اقول لك بس انا ماني فاضي أجيب لي مره ثانيه واحط لها شقة واصرف عليها و على عيالها انا يدوب اصرف عليكي انتي وعيالك وأنام معك مافيني شده أنام مع غيرك بعدين جلس يبوس يدي ويعتذر قال لي ما تكفي قلت له لا قال بعزمك على مطعم وباسني وحضني ونمنا لاحظو اعتذر عشان عصب علي وقالب بيتزوج بس يعني ماأعتذر مني عشان سبني لا يقول مايرتاح الا لما يسب ولما جلسنا المغرب وبعد العشاء بدأ يسب شوي قلت له: هاه بدينا .. وجلس يسب باسلوب المزح .. يمكن يحتاج مليون مرة وأنا أنبهه .. أكيد يوم من الايام بيحس . [/CENTER][/COLOR][/SIZE][/FONT][/B] |
باين زوجك ماعنده قدرة يتحكم بأعصابه.. وإذا عصب قعد يسب ويتأمّر.. عاملها طريقة للتنفيس عن الغضب.. وكل ما يتضايق سب.. لازم يبدأ يغيير أسلوبه في التعبير عن الغضب <<<< هي هادي مشكلته أقترحي عليه يغير كلماته.. مثلا .. الله يسامحك .. الله يهديكي .. يا بنت الحلال.. يستغفر.. ويقول لاحول ولا قوة إلا بالله.. ومن سنة نبينا.. انه يتوضا.. وإذا كان جالس يوقف .. والعكس و ممكن يغير مكانه لازم يجاهد نفسه .. ويتحداها.. ماشاء الله عليكي طيوبة.. وحنونة.. وتقدري بأسلوبك اللطيف تقنعيه.. ومن كلامك باين انه يتجاوب معاكي وقت الروقان.. الله يصلحه ويهديه.. |
[QUOTE=ابو حكيم 1;2622620]هل زوجك يشتمك ويسبك من أول الزواج , أم من بعد موقف معين حصل ؟[/QUOT[/FONT][/RIGHT]
أشكرك أخي الكريم على سؤالك بدأ التعصيب تقريبا قبل الزواج بأسبوع عندما توفى أح أقاربه و كنسل الصالة وكل شيء وصار الزواج في بيت أهلي يعني زواج عادي .. وبعد الزواج بدأ يعصب على أتفهه الأسباب منذ أول أسبوع زواج بس ماكان يسب وبدأ السب تقريبا من سنه او سنتين متأثرا بالأفلام المصرية و طريقة سبهم لبعض أشكر لك ردك أخي الكريم أتمنى منك إفادتي أكثر [/CENTER] |
اقتباس:
أشكر لك ردك حبيبتي أنا أتكلم جددددددددددددددددددد .... ما أمزح .. أكيد أنتي مصدومة أجل وش أقول أنا صاحبة المشكلة شكرًا لردك أختي العزيزة |
اقتباس:
شكرًا لردك اللطيف والحنون يا قلبي الحنون ماشاء الله عليك فهمتيني عدل و حطيتي يدك على الجرح كلامك كلة صحيح 100٪ وإن شاء الله بقنعه باللي قلتيه .. شكرًا لردك أختي العزيزة |
اقتباس:
شكرًا لك حبيبتي لردك بأسمع نصيحتك وأصير قويه من يوم ورايح شكرًا لك أختي العزيزة |
اقتباس:
شكرًا لردك حبيبتي بس أحب أقو لك إني ماسكت له أبدا بس مافي فايدة ولما بدأ الموضوع يكبر طرحته عليكم وأحب أقولك أن أولادي مايغلطون علي لأني ربيتهم صح مثل تربيتي ولدي عمره 4 سنوات و3 اشهر وبنتي سنتين و تسع شهور محترمين ومؤدبين ياليت تقرأين جميع ردودي لكي تفهمي الموضوع أكثر شكرًا لردك أختي العزيزة |
اقتباس:
[COLOR="rgb(65, 105, 225)"] شكرًا لردك أخي أو أختي الكريمة أتمنى منك قراءة جميع ردودي لكي تفهم الموضوع أكثر شكرًا لك أتمني أن تفيديني أكثر في ردك القادم |
اقتباس:
[COLOR="rgb(65, 105, 225)"][COLOR="rgb(65, 105, 225)"][COLOR="rgb(65, 105, 225)"][COLOR="rgb(65, 105, 225)"] أختي الكريمة أشكر لك ردك [/COLOR][/COLOR][/COLOR][/COLOR]وأحب أوضح لك إني مارضيت ولا سمحت له يغلط علي لكنه لسانه طويل يعني مثلا لو هو يغلط وأنا بغلط نفس الكلام اللي يقوله ماراح تمشي الحياة .. الحياة بتوقف يعني لما هو يشد وأنا أشد الحبل بينقطع ولو هو مثلا عنه عصا وهو بيشد وأنا بشد العصا راح تنكسر وأنا ماأبي اللي بيني وبين أبو عيالي وحبيبي ودنيتي ينكسر تقولين ليش أحبه ؟؟؟ كيف ماأحبه وهو يموت فيني كل طلباتي مجابه كريم معي لأبعد حدود كل سنة نسافر لكذا دولة عربية تقولين لية أشتكي منه وأنا أحبه ؟؟ عشان أحل مشكلة مضايقتني في حياتي مش عشان أهدم حياتي أشتكي لكم عشان تساعدوني مع الأنسان اللي أحبه و يحبني .. أيه يحبني أشوف هذا في عيونه واسمعه بلسانه وأحس فيه لما أكون على صدرة ( كل هذا لما يكون هادي أو بعد مايراضيني .. مايبي يفقدني .. وأنا ماأبي أفقدة ) أشتكي لكم عشان توجهوني .. تنصحوني بحكمة مش بالعاطفة أختي العزيزة أتمنى منك قراءة جميع ردودي لكي تفهمي الموضوع أكثر شكرًا لردك أختي العزيزة |
اميرة الغرآم..
ماشاء الله عليك وعلى اسلووبك الهاادي .. بما ان لسانه طويل ان شاء الله بيقصر , بأسلوبك العذب ومعاملتك الرااقيه غصب عنه بيخجل ويترك عنه السب, الأخوان والأخوات ما قصرو بالردود ,وانا ما احب ادخل قسم المتزوجين اخاف اقول نصيحه واخرب عليهم ههههه لكن اعجبني اسلووبك في الهدوء وضبط الأعصاب والعقلآنية وفي نفس الوقت الحزم,, وبالذات الموقف الأخير بوضع حدود له .. الله يهنيك مع زوجك ويهديه ويصلحه وينظف لسانه من اللعن والسب:d |
اقتباس:
أخي الكريم حاتم بن أحمد أشكر لك ردك البليغ ورأيك الصائب أحب أن أخبرك بأن المحاورة بين الزوج وزجته قد حدثت بيننا في يوم من الأيام وكل التهديدات اللتي قلتها بأن أهدده بأن أخبر أهله و أهلي قد هددته بها لكني لم أنفذها لكي لا يسقط من أعين الأخرين .. أبو زوجي توفي وعمر زوجي 9 سنوات وهو صغير يمكن عشان كذا لسنه طويل زوجي لا يتذكر أبوه .. يعني أبوه مالحق يربيه فتربى على يد أمرءاة سأتناقش مع زوجي مرةً أخرى بما وجهتني أخي البليغ وأحب أقل لك جاري تنفيذ طلبك أتمنى منك قراءة جميع ردودي شكرًا لردك الطيب والبليغ أخي حاتم |
اقتباس:
شكرًا لكي أختي على ردك والله إن ردك هزني من الداخل كأن أحد عطاني كف على وجهي من اليوم ورايح لا للتسامح .. لا للإهانه .. لامذلة بعد اليوم .. خلاص أنا تعبت إلي متى بتحمل تجريحة لي إن شاء الله بنفذ كلامك بالحرف الواحد شكرًا لتفاعلك معي .. أنتي فعلا سيدة موقف . |
اقتباس:
شكرًا لكي حبيبتي لمرورك و لرأيك في شخصيتي شكرًا أختي العزيزة |
ماشاء الله عليك وعلى مستوى اخلاقك ووعيك واهنيك على الي وصلتيه فعلا انتي ماسكه الطريق صح في حل مشكلتك واجهيه في كل مايضايقك من طولة لسان وخلي لك ردة فعل مؤثره وباين على زوجك قد ايش يحبك ومايرضى زعلك واهو من اول موقف كنتي حازمه معه اعتذر ودور على رضاك امشي معاه بنفس الاسلوب كل مازل لسانه وغلط عليك شحي من عطا اخلاقك وذوقك وراح يفقده ويجي يعتذر واذا سب اهلك امتنعي عن الذهاب معه لاهله واذا رحتي التزمي الصمت لوقدامه بس هنا تشتغل خاصية ان كيدهن عظيم وخليه يلاحظ وبعد كذا راح يمتنع عن التفوه على اهلك بما يضايقك صديقيني راح يتغير 180 درجه وبما انه كريم وحنون معاك ويقدر العشره ترى طولة اللسان عند بعض الرجال تعبير عن عمق المحبه لزوجته لان يخونه التعبير كثير فيلجاء الى الالفاظ الي تحمل المعاني القويه من السب لتحل محل كلمات الحب وعمق العلاقه وهذا ملاحظ بين الشباب انفسهم فذا عنده صديق وكان وفي معاه ويحبه تلاقيه اول مايكلمه يقول سلام وينك يابن الكلب يابن اللذين يعني هذا اكثر شي يقوله للي يحبه والثاني على طول توصله الرساله ومدى حب صديقه له وهذا مرتبط بثقافتهم البيئيه التي لاتسمح لهم بتبادل الكلام المعسول لانه ممكن احد يعيب عليه لانه رجل كيف يقول سلام ياعسل ولا ياحبيبي مع انه تعدل الحال ذحين بفضل الانفتاح والنت وثقافاته الواسعه وسارو يقدروا يقولو لبعض هالمصطلحات وماعاد هي عيب زي اول |
شفتي كيف النتيجه...زوجك من النوع الي يمشي معاه القوه...خليك قويه صدقيني بيموت فيك...بس مو قويه
يعني تمشين كلامك عليه..لا قويه يعني اذا غلط عليك حتى لو غلط بسيط وقفيه عند حده وازعلي لا تتكلمين معه لمدة ساعات...الين يحس بالذنب ويجي يعتذر.. وبالنسبه للزواج ..اذا جاب سيرة الزواج الثاني...نصيحه مني قوليله من ورا خاطرك.. تزوج عادي بس حط في بالك اني ماراح اجلس معك دقيقه وحده..يعني تتزوج من هنا انا تطلقني من هنا غصب عنك<<انا دايما اقلول لزوجي كذا<<....صدقيني.بيخاف .بيحس بقيمتك ويحس انك قويه ومايستغني عنك..اهم شي لاتبينين له انك ماتستغنين عنه. بيني انك تحبينه بس مو على حساب كرامتك...لو بينتي انك ماتستغنين عنه يحطك في جيبه ويستمر في الاهانات.. |
| الساعة الآن 05:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©