|
خطبت بنت تكبرني بثلاث سنوات ..هل اخطأت ام لا؟
السلام عليكم ورحمة الله وبركاته
انا شاب ابلغ من العمر 20 ربيعا .. الحمد لله توظففت واردت ان اكمل نصف ديني .. المهم اني خطبت وملكت على بنت تكبرني بثلاث سنوات .. والحمد لله البنت ذات جمال واخلاق ولو اني ماشفتها بس على كلام خواتي .. لكن مايشغل بالي هو انها اكبر مني مادري هل اخطيت ام لا .. والله محتار حيل .. رغم اني مقتنع بالبنت اقتناع كامل .. بس هو هالامر احس انه مضايقني شوي .. ! ياليت من اخواني اهل الخبره بها الامور يرشدوني |
وينكم ..
والله جتني ضيقه من بعد هالملكه ماتتصورون .. وفكرة اطلق البنت بسسس وربي مسسسستحي بس والله مو بكيفي .. ! مو بكيفي تعبت فيني ضيقه مو طبيعة .. تكفون وشششششششششش الحل .. |
انت يااخي حيل غلطان
مدام انك شخص يهمه العمر ليش تخطبها ؟؟ ولاتطلقها ترى الله بيحاسبك هي ماجبرتك ع الزواج وبعدين الزين مايكمل يمكن تاخذ وحده اصغر منك ع هواك وتعيش معاها اتعس ايام عمرك وتطلقها في النهايه والمساله بالنسبه لك اذاكنت نفسيا مو متقبل الوضع __ حاول تشوفها وتكلمها وتجلس معها يمكن يطيب خاطرك وتنسى سالفة العمر تحياتي ,, قلب متحدي |
^^
اختي عجزت قسم من ملكت فيني ضيقه غيرري طبيعية نسستني نوم الليل ..! وربي مو على كيفيي تعبت |
يعني افهم من كلامك ماكنت تدري عن عمرها
عشان كذا تعبان ولا كنت عارف وراضي وفجاة انقلب حالك؟ وانت من الاساس وقبل الخطبه العمر كان يمثل اهميه عندك ولاعادي؟ |
اختي قلب ..
اشكرك على ردودك وربي اني واصل لمرحلة بس الله عالم فيها ولا بحت لحد من اهلي ابد .. رغم شكهم في وضعي . انا راضي فيها .. بس جتني ضيقه بعد الملكه .. ضضضيقه تعبتني حيل .. عجزت لا انام .. وربي تعباان حيل .. فكرة اني اخليها ونترك بعض يمكن ارررتاح .. |
تتركها ع اساس يمكن ترتاح!
ونا اقولك انك راح تندم بعد ماتطلقها لان المشكله مو في عمرها المشكله عندك خل بنت الناس ع جنب وابحث في داخلك عن السبب الحقيقي وابذل الاسباب والحلول الممكنه مايعجبني الضعيف الي يستسلم لمشاكله ويقول تعبان اجل ايش خليتوا لنا احنا البنات بطريقتك هذي بتظل تعبان طول عمرك ولو طلقتها عشان ترتاح فانت شخص اناني فكرت في نفسك فقط اذا الامر مفاجئ اتمنى تعرض نفسك ع راقي لاتعالج المشكله بمشكله اخرى |
تكفون واللي يرحم والديـكم ارششدوني وربي حيل متضضـآيق ..
|
انا اقترح تكلمها, اضغط ع قلبك
يمكن تفوق من الي انت فيه |
انا لا كلمتها ولا شفتها ولا اعرف عنها ششششششي ابد
خذوهـ فغلوهـ وخايف اضضلمها والله .. . |
اخوي ركز معي شوي تراك ماتجاوب ع الاسئله تقرا ع الطاير
حبه حبه وراح نوصل لحل باذن الله خذوه فغلوه __ يعني انت مجبور عليها في البدايه ونا اقولك كلمها تواصل معها ياخي اكيد بيضيق صدرك لانك ماتعرف عنها شئ ومملك ولا شفتها اصر عليهم انك تشوفها يمكن يطيح الحطب |
هلا فيك اخوي ..
اول شي لازم تطلب من اهلها ان تنظر لها وتكلمها وتتعرف عليها قبل ماتحكم هل تطلقها او لا.. واخبرك اخي ان الضيقه الي انت فيها مو علشان عمرها لا ,, انت مو مرتاح من البدايه وضنيت ان عدم راحتك سببه انها اكبر منك بكم سنه .. الله يوفقك اخوي ويسر امرك .. |
تبين اكذب عليك ولا اقولك الصصدق ..
انا ابوي كان بيزوجني من بنات عمي غصصب عني واتفق معهم على كل شي دون علمي .! وخلصت انا وتوظفت وكلمني ورفضت انا .. هو كذا قفل كل مجال بوجهي كل شي وطرحت الاسم علي امي .. دون علم ابوي ووافقت على طول عشان افتك من عمي وبناته اللي اصغرهم 27 الله يستر عليهم .. وخطبنا وخلصنا .. اكتشفت انها اكبر مني بعد .. ومع ذلك .. من طلعنا من المملك ضضضضضضضضضضاقت فيني الوسسيعه عجزت لا اتنفسس .. وهاذي السسسالفه ..! |
اقتباس:
آهـ والله ياخوك مدري مدررررررررري يمكن كلامك صح بس وش ا سوي علموني ..:( |
أنا أعرف ناس كثير متزوجين بنات أكبر منهم وعايشين أحلى عيشه
أنت اذكر الله ، ومثل ماقالوا الأعضاء روح وشفها الشوفه الشرعية مع أنها متأخرهـ وبإذن الله راح تتيسر أهم شي لا تطلق البنت وتظلمها وأنت مابعد شفت منها شي تريث وبعد ماتكلمها وتشوفها صل صلاة الإستخارهـ ، واترك سالفة العمر عنك مجرد وجهة نظر الله يوفقك وييسر أمورك |
ايه خلك واضح كذا فهمنا السالفة
طيب يااخي والله 23 موكبيرة والحين ضروري تطلب منهم انك تشوفها يااخي مايسير مشت الامور بدون ماتبدي رايك في رغبتك برؤية البنت يعني انت كنت شبه مستسلم - كان اهم شئ عندك تفتك من بنات عمك ونسيت تركز ع البنت الي متقدم لها التهاون منك ليش ماسالت عن عمرها قبل عموما ,, اتمنى تقابلها قبل تتخذ اي خطوها وبعدها رد علينا وياليت تكلمها الحين يمكن ربي حطك بوحده عسل يااخي ماتدري والله يوفقك |
الششوفه صصعبه حييل .. عوايدنا ماتسمح لنـآ
وانا محدد الزواج بشهر 8 بس الظاهر باخرهـ او بشوف لي صصرفه .. والله اني مادري وش اسوي اخاف اقول لاهلي يزعلون ويسون لي سسالفة وهم ماهم مصدقين يدورون الزله عشان بنات عمي .. ومرات اقول عادي بس تدور ببالي افكار اخاف ماتطلع حلوه اخاف تطلع فيها كذا وكذا وتقفل زياده معي .. |
اعزموهم بيتكم وشوفها من غير ماتدري
طيب والمكالمة كمان ممنوعة خبري الرجال مايصعب عليه شئ خاصة انها حلاله شوف لك طريقة تكلمها وتشوفها فيها واترك الوساوس عنك لاتبني حلولك ع اوهام شيل فكرة الطلاق من راسك وحرر عقلك منها عشان تقدر توقف ع رجلينك صح وتواجه امورك بشجاعة والله يوفقك ,, |
طيب قلب متحدي ..
فيها شي لو قلت لابوي يكلمهم ولا امي تقول الله يستر على بنتكم ويوفقها مع غير ولدنـآ وربي مادري كيف بعيش معها وانا حالي كذاا حييل متضضايق وكاره هالزواج مادري مرات اقول الظاهر عين ومرات اقول لا انا مو مقتنع داخليا فيها بس خذيتها مخرج عن بنات عمي .. ويعطيك العافيه على سعة صدرك واستماعك لي |
الله يصلحك_ يعني انت من اول مشاورنا وانت مقتنع تماما بالطلاق
اقولك حاول تشوفها وتكلمها - تقولي كيف اطلق ! اقول اعرض نفسك ع شيخ وبعدها قرر والحين حمل الرقيه الشرعيه للشيخ عبدالله الخليفة ونم عليها وبكرة وخير حاليا شيل الطلاق من راسك لاتستعجل |
اقرا عند راقي ..~
وبعدين الضيقه في هالفتره لأنك دخلت مرحله جديده في حياتك انتقلت من مرحلة العزوبيه الى مرحلة الزواج والمسؤوليه وهذا اللي شاغلك وهامك بعدين مسألة العمر لاتنظر لها اهم شي الاخلاق والدين بعدين كثير تزوجو اكبر منهم وعايشين بسعادة ماتوصف .. وانت يبيلك تشفر العمر من راسك عشان ترتاح وتتهنى ..~ الله يوفقك ويسعدك يارب ..~ |
يعطيك العافيه بحاول إن شاء الله ..
|
قد تكون فيك نفس من عمك او احدى بنات عمك , فقطع الشك باليقين واقرأ على نفسك
وتأكد من هذه الناحيه تماماً , سؤال لماذا انت متضايق ؟ بسبب العمر ؟ ام تخاف تطلع مي حلوه ؟ هل لو كان عمرها 19 سنه ستتضايق ؟ اجب على الأسئلة ولي عودة اذا امد الله في عمري , |
اقتباس:
والله مادري عنهم .. بس هم كانوا واثقين اني بتزوج بنتهم اللي عمرها 32 ..وانا رفضت وابوي قفل كل شي بوجهي يقول مافيه حريم من وين اجيب لك مره ومادري كيف وكل ماقلت عائله راح يسب فيهم ويلعنهم .. وجاب لي امي هالبنت ووافقت على طول عشان افتك من عمي .. العمر مضايقني انها اكبر مني .. وبعد شكلها مادري عنه ومشغلني التفكير فيه .. اعتقد لو كان عمرها 19 راح اتلافاء اشياء كثيرهـ عشانها صغيرهـ .. اتمنى القاء توجيه عندك لن جد محتاااااااااااااااار .. |
اخوي مافيها شيء انك تخطب وحده اكبر منك
بس لازم تحاول باي طريقه تشوفها نظره شرعيه طيب معليش انت الحين ملكت عليها تقدر تكلمها قلها ابي اشوفك بمرك البيت |
لا يااخي انت مو مقتنع بالزواج حتى لو كانت اصغر منك بعشر سنوات انت خطبت بنت الناس لسبب وليس رغبه منك
وبعدين ليش بنت عمك تبيك وانت اصغر منها ب11 سنه.. لا يااخي مااعتقد البنت تبيك يااخي انت مثل ولدها مو زوجها لا عاد لاتفكر ان الي فيك هو نفس او غيره.. واقترح عليك اقتراح .. ياتكلم البنت هاتفيا او تزورها او تتركها باحل سبيلها والله يرزقها ويرزقك.. |
انا لا ارى بالعمر مشكله ان كانت الفتاة صاحبة خلق ودين وجمال ,
ولكن يجب ان تكون انت واعي , سأكون صريح معك شبابنا الآن يعاني من " ازمة نظج " , تجد الشخص منهم يتزوج وهو يجهل تماماً الزواج ومتطلباته ولم يقرأ في حياته عن الحياة الزوجيه , ولو وكلته على " دابه " لفشل في رعايتها ان كنت غير مستعد ان تتزوج وتصبح مسؤول عن زوجه امام الله , فلا تتزوج ! اما ان كان لديك الثقافه الزوجيه والقدره على الزواج وعلى متطلباته فلا تتردد , هل انت خائف من انها ستستصغرك ؟ , اعلم ان الزوجه قد تستصغر زوجها حتى لو كان اكبر منها بكثير , في حالت كان تفكيرة صغير واهتماماته سطحيه فقط اما لو كان الزوج واعي وعاقل ستحترمه زوجته وستقدره حتى لو كان اصغر منها , فهذا كلة يرجع الى " وعي الزوج " تمنياتي لك بالتوفيق |
أول شيء انت لسه صغير مو قصدي شيء بس لسه بكره الأيام والعشره لها دور يعني بقولك على قصه والله واقعيه من المعاريف الولد أخذ وحده تكبره ب3 سنوات وأقصر منه شويه وهو من يوم ماأخذها وهو مو مقتنع ويحس بنقص عن باقي اخوانه وعند أي كلمه اصلآ ماأخذتك إلا جبر لخاطر ابوي وامي ومن ذا الكلام والشهاده لله البنت محترمه وخلوقه وسبحان الله بأتفاق منهم صار الطلاق وتزوج وحده قمر قليله وطولها حلو وعمرها اصغر منه ب2 والله العظيم ربي نصر الأولى عليه إن ال2 موريته العين الحمراء والآن تطالبه بالطلاق وفاضحته فكل مكان تدري ليه انت تدري بعمرها من البدايه ليش تملك يعني ماوقفت على خطوبه وبس وبعدين حبيت أضيف شغله والله البنت المحترمه الخلوقه فهالزمن نادر وانابنت ولاكن اعترف صار لنا سنتين ندور بنت حلال لأخويه ومو لاقين هذي نزغه من الشيطان وتعوذ بالله وخلي قدوتك رسول الله محمد صلى الله عليه وسلم تزوج بخديجه وهي تكبره اكثر من عشر سنين بكثير
والله لو كان هذا العيب الوحيد شرينا ولاكن لو كان اخلاق ايش يحل الموضوع بعدين أخوي قول الحمدلله واضح ناس متساهلين وعندهم مباديء حلوه واماكان عقدو لك وانت بهالعمر وعليك بالأذكار وكثره الإستغفار واللي تفكر فيه مو حل ابدآ الشيطان يحاول يفرق ولابيرتاح حتى تستجيب له أسأل الله ان يوفقك ويهدي سرك |
أنا أظن أنك مازلت صغيرا على أن تفهم معنى الزواج
مع كل احتراماتي لك |
أذا على العمر ما اشوف انها مشكله كبيره حتى الفرق بينكم معقول
بس المشكله ان انت مو مقتنع قبل ما تسوي اي خطوه حاول تشوفها خلي خواتك يعزمونها وشوفها من غير ماتعرف او وحده من خواتك تصورها من غير ماتعرف يمكن لو شفتها بترتاح لها وتغير رايك حاول تكلمها يمكن اسلوبها وطريقتها تحببك فيها بس اخوي اذا كان قرارك الانفصال ياليت تبينو للناس انو سبب الانفصال انك انت ماكنت قد كلمتك عشان ماتظلمها تلاقيها الحين هي مبسوطه فيك وجالسه ترسم احلامها عليك وانت راح تحطمها |
والله حرام عليك عشان اكبر منك ب 3 والله لوتبيها وعمرهااكبر منك ب10 سنين والله راح تبقى معها
|
اخي انت تناقض نفسك تقول مقتنع في البنت اقتناع كامل
وتقول في الردود ابي اطلقها طيب صدقني حتى هيه نفسها بواحد اكبر منها بعشر سنوات بس انت تغضيت انت وهيه تغاضت عن العمر بعدين 3 سنوات ماتفرق ترا بنات الحمايل قليل ومولعبه يعني لما كان العمر يسبب لك مشكل ليش اقدمت ع الخطوة هذي وبعدين انت ملكت ليش ماشفتها وكلمتها خلاص الملكة زواج اخي يمكن هالضيقة من الشيطان اخاف تفرط فيها وبعدين تندم شف موضوع الأخ اس ام والله انه يكسر الخاطر انا اشوف العمر مايفرق وحدة من اخواتي اكبر من زوجها ب2 سنه وماشاء الله الله يخزي الشيطان كل شي تمام موفق اخي |
أخي الصغير الفاضل
إسمح لي أن أخاطبك بأخي الصغير لأني أكبر منك بالسن واسمح لي أيضاً لو كنت شديداً معك بعض الشيء أو قسوت عليك . أنت مقتنع بالبنت من ناحية جمالها وأخلاقها على حسب كلام أخواتك , وليس بناءاً على نظرتك أنت ولكنك غير مقتنع بعمرها , وغير مقتنع أنك ستتزوج بدون أن تراها , وغير مقتنع بطريقة الخطبه وتشعر أنك مُستغفل , لأنك لم تعلم أنها أكبر منك إلا بعد إتمام العقد وماذا سيكون موقفك منها بعد الزواج إذا لم يعجبك شكلها ؟ أخي الفاضل ... من ناحية النظره ليست نظرة الأهل فقط , بل نظرة كل البشر لن تغني عن نظرة صاحب الشأن حتى لو رأيت صورتها أو مقطع فيديو لها , فلا بديل عن النظرة الحية المباشرة فعلى أي أساس ستتزوج ؟! الزواج يا أخي الفاضل قناعة قبل أي شيء آخر لابد أن تكون مقتنعاً بالمرأة التي ستعيش معها وتراها طول عمرك صباح مساء لا أحد منا يخلو من العيوب والنقائص , ولكن إذا كنت ستتزوج مرأة , ووضعت في بالك مجمل حسناتها وعيوبها , ورغم ذلك اقتنعت بها , فهذا هو الخيار الصحيح أما إذا لم تقننع بها , فعندها يكون الخيار خاطئ , وعليك أن تبحث عن أخرى تناسبك وتأكد أن الناس لا يتفقون كلهم على أمر واحد فما تراه أنت لا يناسبك , يراه غيرك عز الطلب , والعكس صحيح . بما أنك غير مقنتع بها , فلا أنصحك بإتمام الزواج لأنك ستظل طول عمرك تشعر بالإستغفال والنقص وقد تكون هذه البنت قمة في الأدب والأخلاق والدين والأنوثه والجمال , ولكن لأن إسلوب زواجك منها لم يعجبك فقد لا ترى لها أي ميزه , وتنتهي حياتك معها بالطلاق , وتشتيت أسرة وأطفال . ليس الحل أن تطلب رؤيتها الآن , فقد فات أوان النظرة الشرعية كما أنك لو طلبت النظرة الآن , سيشعرونك أهلها أنهم متفضلين عليك بالموافقة , وعندها ماذا ستفعل لو لم تعجبك ؟ وماذا ستفعل لو أعجبتك ؟ نحن أمام خيارين : إذا لم تعجبك , فسيكون الخروج من هذا الزواج صعب عليك جداً , بالنظر لعاداتكم وتقاليدكم التي لم تحكموا فيها الدين , وستضطر للزواج بها , وسيكون زواجك مجاملة لأهلها وأهلك والناس وعندها تخيل نوعية الحياة التي ستحياها معها أما إذا أعجبك شكلها , فأنت أصلاً غير مقنتع بها من ناحية العمر , وبذلك ستبقى تدور في نفس الحلقة المفرغة من عدم القناعة بها . لذلك أنصحك بالزواج ممن أنت مقتنع بها , وتتم زواجك حسب الأصول الشرعية بدون مجاملة لأحد . وأهمس بأذنك أن تكون رجلاً صاحب قرار بما يخص حياتك الخاصة وزواجك , ولا تسمح لأحد أن يملي عليك رغباته وتوجهاته حتى لو كان والديك . وفقك الله . |
اممم كيف ملكت وانت أصلآ مآشفتهآآ وليه مآسألت عن العمر قبل العقد وبالنسبه الي اشوف انو من حقك تطلب وحده اصغر منك سنآآ ربي يتمم اللي فيه الخير وموفق يآرب .. |
الحين انت تقول مقتنع وعجابتك
طيب وش فيها اكبر من 3 سنين فيه غيرك تزوجو حريم اكبر منهم 5 و10 وربي اعرفهم زين وعاشين ومبسوطين وعندهم عيال كمان بس يمكن انت ماكنت تدري انها اكبر واتوقع ذا الشيء والضيق اللي تحسه بس صدمه مؤقته اتمنى تنظر لوضعك طبعا مو بس وضعك انت وضع البنت المسكينه |
عليك بالرقية الشرعية هذي نصيحتي لك
|
والله يأخي السن ماهو عذر لتركها واذا انت عقدت عليها احذ رقمها وكلمها يمكن ترتاح نفسيتك او زورها وبعدين اخذ قرارك لكن لاتتسرع ترى الفرق ماهوكبير بينكم (وعسى ان تكرهوا شئ وخيرلكم)
ابناء خالي ثلاثه اشقاء وجميع زوجاتهم اكبر منهم احدهم الفرق بينه وبين زوجته خمس سنوات وحياتهم ناجحه ومخلفين اولاد وبنت خالتي متزوجه ولدعمها والفرق 4 سنوات ومعهم بنت ولد ويحبون بعض وللمعلومه عائلتنا مافيه نظره شرعيه لانهم يعتبرونها عيب |
|
انت مثلي من ملكت وانا ضايقه بس الحين الحمدلله بدت تخف ضيقتي شوي شوي ربي لك الحمد
واسمعني وانا اختك تعال جاي < على قولة الشيبان شوف يابوي ترا العمر مو مهم ولا هو مشكله والله ابد اذا هي بنت ناس واخلاقها حلوه وراعية دين تصوم وتصلي وحلوه بعد لا والله ياوخيي لاتطلقها ولاشي وانا اختك اترك هالوسوسه عنك وشيل من بالك انك راح تطلقها ترا بتندم بعدين صدقني والله بتندم خذها مني نصيحه تخرب فرحتها وفرحت اهلك واهلها عشان الضيقه الي جتك ياوخيي قوم الليل واقرا قراءن وداوم ع الادعيه والله يكتب لك الي فيه الخير وصدقني راح تستانس بعد الزواج باذن الله وراح تضحك على نفسك وتقول ياربي وشلون كنت بطلقها وانحرم من السعاده عيش كم يوم متضايق ولاتعيش طول عمرك وانت شايل ذنب البنت انت بس داوم على صلاتك وادعيتك ها وشوف وشلون بيصير حالك واذا اهلك واهل البنت مو متشددين اطلب رقمها وكلمها وراح ترتاح بعدين وسالفة طلاق ماطلاق تذكر ( اغضب الحلال عند الله الطلاق ) ترا الشيطان هو الي يوسوس لك انت استخير مره مرتين ثلاث لين ترتاح وقل ربي لك الحمد غيرك مو لاقين هالنعمه انت بس فكر بكلامي وتعرف معناه زين انا ابيلك الخير واسمع نصيحتي وسالفة العمر ارجع واقولك والله خرطي ياخرطي مو مهم والله وشرايك ولد جيرانا عمره 23 ومهندس خذاله بنت عمرها 39 شف كم بينهم سنيييييين من انت ثلاث سنين وتبي تطلقها اركد بس وماعليك من كلام الناس لاقالوا اكبر منك مااكبر منك لاقالو لك تسذا ها قل اهم شي الاخلاق والدين ويكفي انها بنت حلال بنت ناس وشف شلون بيسكتون < ابك لاقالو تسذا هدني عليهم بس > وتسال انت اخطات او لا لاوالله يابوي لااخطات ولاشي ابك مو مكتوب بالقراءن لاتاخذ بنت اكبر منك يابعد حيي *_* > ياوخيي خذ نصيحتي والله ماراح تندم باذن الله وراح تدعي لي بلا وسوسه بلا هم عيش حياتك والله يوفقكم يارب ومبررررررررروك ياعسى السعاده ماتفارقكم ابد وياعسى ربي يجمع قلوبكم ويعطيكم راحة طول العمر > هالله هالله لاجتك بنت سمها على اسمي خخخخخخخ موفق خيي ^_^ |
الله يطمن قلوبكم جميع .. لو اني للحين افكر بس ارتحت احسن من اول .
بس المصيبه حتى اهلي لا سالتهم عنها قالوا { هـآ يعني مـآتبيها من قايلك كذا ولا كذا حتى مافيه حق انك تعرف لو اشياء رئيسية اف بس . |
| الساعة الآن 07:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©