|
تعالوا شوفوا زوجتي هي طبيعيه ولا لا(المستجدات بالر 32)
تذكرون نزلت لكم موضوع عن خيانتي لزوجتي واعتذاري منها ونصحتوني اقرب منها
حاولت اتقرب من زوجتي مثل ماطلبتوا مني واحسها هدت بس كاتمه واذا دخلت وسلمت ترد وهي ماتشوفني واذا تكلمت بسالفه ماتسمعني باهتمام واذا ابتسمت لها تبتسم ابتسامه من ورا قلبها وتتزين وتتجمل وتروح اهلها وتتركني بالبيت مع الخدامه والصغار واذا استملتها وضميتها ماتناظر بوجهي تصد وتلبس مغري واحاول اقرب وتلتهي بالعيال ولاتجيب اي حجه وتبعد واشوفها تغيرت يعني بس ساكته ماتكلم كثير ولاتجلس معي مثل اول وكانت اول ماتطلع وتترك الخدامه معي بالبيت الحين عادي تتركها واذا تاخرت بالدوام ماتسأل وينك مثل اول ولما نجلس انا وهي والعيال بمكان واحد اشوفه تمازح العيال وتسولف لهم وانا ماكني موجود ابي تفسير وتحليل للي صاير |
كم صار لها منذ أن علمت بخيانتك ؟ ... أقصد كم شهر
|
صار لها اكثر من تسع شهور
|
طيب اخوي انت ماتقول انك تعاملها بجفا وتعصب اذا تاخرت بالغدا
وماتضحك معها وتضحك مع زملاءك..وتعامل الخادمه احن وارق من تعاملك مع زوجتك ؟؟؟ اش هذا التناقض ؟؟ ولو سمحت ياليت ماتسوي زي كل مره تنزل موضوع وتروح ماترد على الاعضاء ولا شئ الله يهديك ويصلحك ويهدي زوجتك ويصبرها عليك |
لاتلومها اكيد مصدومة وماراح تطلع من صدمتها بالسهولة
|
مساكين إحنايالحريم أحس نبغا نأدب نبغا نغير بس ننفهم غلط
هي صدقني مجروحه وماشاء الله عليك اللي عاجبني إنك فاقد إهتمامها بعض الرجال ماعليه ولايلاحظ ويقول أعتذرت وهي صاده خليها والبعض أمثالك منتبه ويبغا العلاقه ترجع مثل أول مافي حل غير الصراحه خذها لعشى برى البيت بيوم وقولها هنا أبغاك تطرحين كل اللي بقلبك وكلي أسمعك مع الوعد من قبل اسمعك وخليها تفضفض وتعاتب ولو هي غلطت تعتذر ولو أنت أعتذر ماينفع الجفا والله الجفا بدايه لأبواب الطلاق الوجداني سبحان الله أحب الحوار التفاهم أم التطنيش الجفا من ألاعيب الشيطان وبلغنا أيش صار معك وأسأل الله أن يسد ويصلح مابينكم |
وين الموضوع الاول علشان نعرف نرد؟
|
احمد ربك انها مازالت معك بالبيت
ومن ثم هي عم تكوينك بالنار بلبسها وتخليك تحس بالنار اللي انت فيها وقت عرفت بخيانتك لها وتعاملك بالمثل تضحك مع الاولاد وتتجاهلك مثل ما كنت انت تتجاهلها وتضحك مع زملائك اصبر قدر ما هي صبرت واثر الا تعلم ان للذكر حظ الانثيين ولذلك عليك ان تصبر مرتان اكثر من زوجتك وقت تقدر وتحصل اي فرصه ارفع ذقنها واطلب منها ان تنظر الى عينيك وقل لها اشتقت الى نظراتك وحبك واهتمامك واعترف لها انك كنت غلطان وانها دنيتك وحياتك كلها وانك الطفل اللي فاقد لامه قل لها انك اشتقت الى روحها المرحه حسسها انها ملكه في قلبك كل ما مرت من قربك ارفع لها وجهها وانظر الى عينيها وقل لها اشتقت الى نظراتك |
اقتباس:
جاوب على هذه الأسئلة.. أنا صراحة ما حبيت أشارك في البداية لاني من جد مستغربة من التناقض الي انت فيه.. يعني طول الوقت جاف .. وجيت مره وحده حنيت عليها .. محا تتجاوب بسرعة.. خليك مستمر.. .. وأي موضوع تطرحه.. إذا تبغى الفائدة منه لازم تتابع مشاركات الأعضاء وترد عليهم.. أشكرك غاليتي أميرة الرومنسية.. |
انا ما ارد لانكم تطلعون برا الموضوع وردودكم لي لاذعه ليش انتم كذا خلكم بالموضوع
|
اسئلتي تابعه لموضوعك
انت تكلمت عن جفاها وانا ذكرتك بجفاك معها مع انك جارحها قلبي حنون الله يسلمك |
انا عارف ليش دايم ردودكم تكرهني بالموضوع علشان انا خنت وانا ندمت عددشعرراسي لعب علي ابليس وفقدت زوجتي وحياتي معها وهي عيت تنسى عجزت عنها
|
الدوا دايما مُر.. أخي الفاضل.. يعجبني فيك.. طرحك لمشاكلك مع زوجتك.. هذا معناته انك حاسس انه فيه خلل.. وهذا أول العلاج.. بس لازم تتقبل تنوّع الردود.. حلوها ومرها.. وتتجاوب معاهم.. يمكن الحل مع الرد اللاذع؟؟ نفسية الرجل وطريقة تفكيره .. تختلف عن نفسية المرأة وطريقة تفكيرها.. وبالتالي احتياجاتهم مختلفة.. شوف ايش هي احتياجات زوجتك.. وأنا متأكدة ان كل احتياجاتها عاطفية.. الحب.. الحنان .. الشعور بالثقة والأمان بس انت الى الآن ماتجاوب على أسئلة الأعضاء..! |
اقتباس:
علشان زوجتك تبدا تثق فيك من جديد ولازم تدرك انه لكل خطأ ثمن وهذا هو الثمن اللي تدفعه اصبررررررررر ليس مبرر لترجع لطريق الخيانه لا سمح الله امر الخيانه شي بينك وبين ربك قبل لا يكون بينك وبين زوجتك اذا ادعوا الله و استغفر له استغفر الله كثير كثير بعد الاستغفار ستنصلح ان شاء الله امورك مع امراتك |
اخي رجل ولكن نحن لا نخرج عن الموضوع وانما مواضيعك مترابطه ومكمله لبعض وللأسف انت ماتاخذ بنصايح الاعضاء اتذكر في موضوع سابق لك اقترحت عليك تصارح زوجتك باللي يضايقك وتخليها تاخذ راحتها بالكلام وانت كمان تصارحها طبعا بعد اختيار الوقت والمكان والاسلوب المناسب لازم تفتحون صفحه جديده وتنسون الماضي لاتعيشون بعض في عذاب اكثر من كذا تمنياتي لكم بالسعاده |
اول كانت ماتخلي الخدامه والحين صارت تخليها..لييييش؟؟خصوصا انها عارفه حركاتك القديمه
اكيد تبي تسويلك اختباااااار اخير<<ايه اختبار اجل تسامحك كذا ولا كان شي صار.. ...ويمكن حاطه كاميرات..بعد..لاتستبعد..عشان تشوف انت بعدك على حركاتك ولا تبت فعلا وندمت...يحق لها والله.. ان شاء الله تنجح في الاختبار..انتبه لنفسك..عشان تنجح وان نجحت معناه مشكلتك انحلت..ورجعت المياه الى مجاريها..بس اصبر يمكن يطوووول الموضوع هذا ..<<فترة الامتحان<< واعتقد انت سويت الي عليك والحين طنشها واشغل نفسك عنها...وشف كيف تجيك من نفسها |
يمكن هذي حنكه وكييييييييييييييييد نساء نصيحتي تختلف ياليت تلعبون العاب زوجيه الي يكون فيها نوع من المصارحه مع العب الفرفشه والضحك تبدئ الاسئله أسئلها ليش تسوي كذا وتسعه شهور كافي ان الواحد يسامح |
الزوجه ماتنسى الخيانه ابدا ولوولعت اصابعك العشره
اذا كانت الوحده منا ماترضا بالضره وهي علي سنه الله ورسوله فمابالك بالخيانه خلها علي راحتها قد يكون مابي زوجتك عقاب من الله ففكر كيف ترضي الله عنك لتنصلح حياتك الزوجيه تقرب الي الله بالعبادات والنوافل والدعاء والاستغفار |
طبيعية ولكن تحتاج الى فترة من الزمن لتنسى مامضي
صحيح لن تنساه بالمره لان الخيانة جرح عميق لاينسى ولكن بتصرفاتك وافعالك النيرة سوف تنساه |
الحمد لله من كلامك باين أنها شوي هدت وبأذن الله الأيام الجايه تساعدها على التناسي والمسامحه
صدقني زوجتك تحبك جداً ولا ماكان أستمرت معك بعد أكتشافها لخيانتك لها وحركاتها من عدم النظر اليك عند الكلام وعدم الأستماع لكلامك بأهتمام وعدم النظر ألى وجهك عند الأقتراب منها حركات أنسانه مجرووووووووحه اسألني أنا عنها كل زوجه تكون زعلانه من زوجها أو مجروحه تكون هذي حركاتها وجرحها بصراحه مو بسيط أبداً الله يمسح على قلبها ولبسها للمغري وعدم ترك مساحه لك للأقتراب منها أتوقعها تحاول تعاقبك وتعذبك أنتقاماً من خيانتك لها لكن حركة روحتها وترك الشغاله عندك غريبه بصراحه ممكن تكون تسوي لك أختبار والله علم اقتباس:
المهم من هذا كله أنك تبت لله وعرفت ذنبك وندمت فأسأل الله العلي القدير أن يقبل توبتك ويغفر لك والأجمل من هذا كله هو حرصك على مراضاتها ومحاولاتك لأرضائها فجزاك الله كل خير فلا تنسى أخي الفاضل الأتجاه ألى الله والدعاء والأبتعاد عن كل مايغضبه صدقني ستجد هذا كله في حياتك وأبنائك وزوجتك وفقك الله وسخر لك زوجتك وأصلح أبنائك |
الحل موجود
اذا انك حاولت ولا قدرت ولا غفرت لك ابداً فألجاء الى التطنيش باسلوب حلو مثل حاول انك تتشيك وتتعطر بالكامل ومن ثم تذهب بدون أن تخبرها وتسمر مع أحد زملائك حتى ساعة متأخره من الليل وتغلق جوالك وبعدها ترجع الى البيت وتتوجه الى غرفة النوم بسرعه وتغير ملابسك وتدخل الى الحمام وتستحم ومن ثم تستلقي على السرير وتنام وخلك عند دخولك المنزل مسرور جداً ومبسوط وكررها في الاسبوع مرتين وراح تشوف النتيجه اعمل كما قلت لك وراح تفسر عن مابداخلها وتقبل كل شيء تقوله بسرور وبسعة صدر وراح تناقشك في عدة امور وراح تنحل اموركم بإذن الله |
مع احترامى للأخ مشرف اجتماعى
هذا الحل غير مناسب بالمرة لأن الأخ رجل و لكن وصل لمرحلة هدأت فيها زوجته قليلا....ولو نفذ اقتراحك ستفسر الزوجة ذلك بأنه عاد للخيانة من جديد ...و عندها أتوقع هى راح تطلب الطلاق فورا غير آسفة و لا مترددة على قرارها أخى الحل أن تتقرب من الله أكثر فهو من بيده مفاتيح قلب زوجتك فالقلوب بين إصبعين من أصابع الرحمن يقلبها كيف يشاء. |
شكراً يامسلمه
اذا طرحي مو تمام فهل تعطين الرجال حل مناسب ضعي نفسك محل زوجته هل راح تصفحي عنه وتنسي كل شيء لابد من الجرح بأن يطيب اتمنى انك تداوي جرح زوجته وتحلي مسألته وشكراً |
اجل اخوي مصلح اجتماعي تنصحه بمداوة الجرح بالجرح؟؟؟؟؟؟؟؟؟!!!!!!!!!
الله يصلحك ويهديك ... اخوي رجل ولكن حلو منك انك حسيت انك غلطان وانك فقدت حنانها واهتمامها ومااخفيك اني مريت بمشكله قريبه من مشكلة زوجتك من 3 سنوات تقريا وماأخفيك ايضا اني اتعاملت مع زوجي نفس تعامل زوجتك معك بس لولا الله ثم صبر زوجي علي واحساسي بشعور زوجي الصاااادق بالندم ... ماكان رجعت المياه لمجاريها ولو زوجي اتبع معايا النصيحه اللي نصحك هي اخونا المصلح الاجتماعي كان زماني سايبتله العيال وقاعده في بيت ابويا نصيحتي لك اخي الكريم تصبر كصبرها ولاتكثر من الاعتذار بالقول ... بل اجعل اعتذارك بأفعالك معها وياليت تتقبل رأيي الجميع برحابة صدر |
اقتباس:
:: المشكلة أن أسمك (مشرف إجتماعي) هل أنت ساعي فعلاً للإصلاح بينهما بهكذا رد..؟! :: |
|
اقتباس:
هذا منتدى لكل زائر ومسجل له حرية الرأي وحرية التعليق في حدود الادب والاخلاق وأنا ذكرت له طريقة إن أراد تجريبها فهذا شيء يعود له وأن كان مو عاجبته الطريقة يتركها وينظر الى الطرح التالي أما إنك تستهزئي بإسمي وتعليقي على طرحي بأنني غير ساعي للإصلاح فهذا شيئ تجاوزت حدك فيه أتمنى منك أن تكوني محترمه في ردودك فأنا أحترمك وأقدرك |
اقتباس:
:: إذا كنت ترى أني قد تجاوزت حدود الإحترام فأنا أعتذر وأسحب ردي :: |
اقتباس:
|
اقتباس:
|
اقتباس:
يا عزيزي صدقني المسألة ليست بيد الأعضاء في ما يتعلق بنوعية ردودهم لأن موضوعك أثر في قلوبهم و عندما تصاب القلوب لا يستطيع أي انسان أن يكون مثالي أو منطقي أو عقلاني سوف أكون أمين معك خطأك من النوع الذي لا يغتفر بل هو النوع الوحيد الذي لا يغتفر فلا الزمن كفيل بنسيانه و لا التغيرات كفيله بمعالجته و لا المصارحات كفيله بتبريره و لا التطنيش كفيل بغفرانه فعليك أخي العيش وفق التغيُرات التي أحدثها خطأك و تقبل ردة فعل زوجتك لأن الموضوع ليس بيدها و خارج عن سيطرتها قم بحقوق زوجتك و عليك بالصبر و اللجوء الى الله |
احكموا انتم علينا
حاولت بزوجتي اني اتقرب لها واشوفها كنها صايره احسن صارت تجلس معي تاكل معي كلامها مختصر بس النوم ماتنام معي ابد صارت مشكلة قبل يومين قامت تشتكي من الخدامة وتعاملها معها وانها تعصب على العيال قلت انا اكيد العيال يتبلون عليها ويسببون مشاكل مادريت الا رفعت صوتها علي تقول من متى عيالي يتبلون عليها وش مصلحتهم اصلا انت حنون على الشغالات وماتصدق فيهم واكيد انك معطيها وجه ولا ماكا تمادت وقالت انا مثلا السواق يحاول يلفت انتباهي وعليه حركات بس انا ماعطيه وجه لانه غريب عني وحرام ولاني لو عطيته وجه خربت مالطا مثل ماخربت الشغاله بسبب دلعك لها
وانا ساكت ماقلت ولاكلمه ابيكم تحكمون بصدق علينا وعلى تصرفاتنا بشوف نظرتكم للي صار واللي يبي يتفلسف ويهزأ ترا منيب ناقص |
سواق ؟ سواق من ؟!!
على كل حال كلمتك تلك ذكرتها بفعلتك وتذكر فعتلك = انفجار! , يجب ان تعلم ان زوجتك الآن حساسة جداً جداً , وتحتاج الى حذر في التعامل معها وحذر في انتقاء الكلمات , وانت ايضاً تجنب اي شئ ممكن يذكرها بفعلتك تلك , تمنياتي لك بالتوفيق , |
زوجتك _ عقلها الباطن هو من يتكلم
فهذه وما قبلها من امور تفريغ شحنات الصدمه :: تحملها وما شاء الله عليك وعلى صبرك الله يعوض توبتك وصبرك خير لكن :: احب أن الفت نظرك لنقطه 00 ياليت ما يكون اي تواصل لك مع الخادمه وإن احتجت يكون عن طريق زوجتك 00 |
وليش أخي الكريم افترضت انه الأولاد اللي يتبلون على الشغالة ؟؟؟؟ شايف منهم عداء ضدها ؟
برأيي انه من الأفضل ما تتدخل بمواضيع الشغالة نهائي تجنبا للفتنة والحرام والحلال ... لو زوجي سألني الشغالة أكلت وللا لأ أتضايق .. لو زوجتك دافعت عن السواق كان انت تضايقت .. وموضوع الشغالة تكرر من زوجتك .. مرة تقول لك تراعيها وتحن عليها أكثر مني ومرة تغضب لما تدافع عنها هذا معناه انه عندها وسواس من الشغالة .. وهذا أمر تقدر تتجنبه بسهولة .. مافي داعي تدخل الشغالة بحياتكم الشخصية ... هي موظفة عند زوجتك وزوجتك المسؤول الأول والأخير عنها . |
اخوي رجل ... ليش افترضت انه ابنائك اتبلو على الشغاله ... يعني تكذب زوجتك وتكذب ابنائك وتصدق الشغاله
الفكرة بحد ذاتها تقهر وزوجتك ماقالتلك الموضوع دا الا عشن تبغاك توقف في صفها ... على الاقل سوي انك مقهور على ابنائك لانه غريبه تصرخ عليهم قولها اذا اتكرر صراخها عليهم قوليلي وانا اتفاهم معاها قدامك على الاقل تحس انك في صفها .. مو من اول موضوع تكلمك فيه عن الشغاله تكذبها وهي قبل كده قايلتلك انك تعامل الشغال بشكل الطف وتكلمها بطريقه احن من تعاملك معها وجايز انها قالتلك الموضوع دا تبى تشوف ردة فعلك هل حتوقف معاها ولا تكذبها كثرت قللت انت افجعها وقولها دي الشغاله اذا اتكرر منها الصراخ دا على الابناء وعليكِ انا مااخليها تقعد في البيت دا انا ماارضى انه احد يرفع صوته عليكِ وعلى ابنائي ... حسسها انك معاها وصدقني معد تقولك الشغاله فيها ويخطيها |
أخي الفاضل
وضعك لا زال يحتاج مزيداً من الصبر والحمدلله بدأت زوجتك تتحسن , واستمر بالنصائح التي عملت بها أصبر عليها وأعطها مزيداً من الوقت , ولا تتدخل بأمر الخادمه . عندما يتعرض الإنسان لسقطة قويه وينكسر ساقه ويجبره هل تراه يعود للسير الطبيعي مباشرة بعد الجبر ؟ أم يحتاج لأسابيع وربما أشهر حتى يُجبر كسره , ويعود للتعافي تدريجياً ؟ زوجتك تماماً كالمكسور , فهي تحتاج وقت حتى تعود لتعافيها التام تدريجياً وعلاجها مزيداً من الصبر , وأنت طبيبها الأول , وعليك أن تكون طبيباً ناجحاً وصبوراً كل غضبها وزعلها ونرفزتها وعبوسها و و و ..... الخ , يعتبر جزء من العلاج دعها تفرغ ما بنفسها وتخفف ضغطها العصبي والنفسي وتحملها بارك الله فيك . |
اقتباس:
أسأل الله أن يغفر لك زلتك ويتوب عليك.. وان يصلح حالكما ويجعلكما قرة عين لبعضكما.. أخي أطلق شكواك لله رب العالمين..وتضرع إليه وسترى الفرج قريباً لا محالة.. |
يا اخي تخيل لو هي خانتك, كيف تكون تصرفت (انتَ)؟
عندما تجاوب على هذا السؤال, قد تفهم سبب تعاملها معك بهذه الطريقة |
الحمدلله في تطور كبير
بس انا الله يهديك لا تهدم اللي بنيته دام هي موسوسة تجاه الشغالة انت سد الباب وخل كل أمور الشغالة تحت يد زوجتك انا جدا متفائلة خير لك الله يوفقك |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©