|
هل أرجع او أصر على رأيي
السلام عليكم
أخواتي واخواني في الله إليكم مشكلتي واتمنى أن يجري الله الرأي الصائب على أقلامكم بمافيه الخير لي وسامحوني على الإطاله بس من جد محتاره وخايفه من عواقب اي قرار اتخذه انامتزوجه من رجل لي معاه سنه ونصف عمري 27 عمره 29 سبق له الزواج وماعنده اطفال وانا عندي ولاكن عند أبوهم يصلي طيب يحبني على كلامه مووت يدخن عصبي يسمع اغاني ظروفه الماديه صعبه يكذب أحيانآ وأكبر عيوبه بنظري (كل شيء ينقله عند أمه وأبوه وأهله) أهله ناس طيبين وأول ماتزوجته كانو شايليني من على الأرض شيل واناأحبهم جدآ لدرجه إنه أكثر من كم مره يمد يده عليه وأروح أشتكي على أهله مو على أهلي لإن أهله كانو يبينون لي أنهم في صفي ومن باب إني شاريته وماأبغا أخرب العلاقه أقول اهله بيوقفونه عند حده ولاكن بدون عداوه وأهلي برغم إنهم جدآ طيبين ومتفاهمين إلا إنه اي أهل مابيرضون فبنتهم ومن باب إن اخواني يعزونه وهو كمان يعزهم المهم والله مو مدح بس هذي انا حلوه طيبه متسامحه احب لغه الحواروالتفاهم محافظه ولاكن غير متشدده غير زنانه متوسطه الغيره ولاعمري سببت أو أثرت مشكله بالغيره برغم ان شغله ال2 مع النساء ولاكن مااعتقد هو من هالنوع ولاانا تعبته بهالشيء زي اي حرمه تسوي مشاكل وتبرر انها من باب الغيره لمن تصير مشكله ولأتفهه الأسباب يعلي صوته ويخاصم ويعصب ويطلع لشغله عنده دوامين وللمعلوميه دوامه2 غير إجباري إذا جا الليل يروح الغرفه الثانيه اجي عنده يقول روحي عني يحب الجفا مع انه عاطفي كيف مادري يستمر الزعل من 4 إلى 10 ايام عادي يكابر برغم إني احس فأوقات إنهيبغانا نتصالح مع كثر الزعل اللي معقول والغير معقول اخذتني العزه وقلت حتى انا آدميه بطنشه حتى يتعلم كيف يداريني زاد بالعكس ماهدا واصبح الجفا بيننا على طول ودايم اقوله الجفا حفره الطلاق لإن القلوب المتواده لاترضى بالبعاد ومادري فاهم الكلام ويقول كلامك صح بس في التطبيق 0% دايم اذاتخاصمنا يقول روحي بيت أهلك ومره خرجني منه بالغصب وانا اقول هو عصبي ومتسرع وبعدهايندم لاتطاوعينه وأرفض يقول أطلعي قلت له ماني طالعه إلا بورقتي كل شويه راميني فبيت أهلي ليش وعلى ايش لو ربي رايد صلح خلينا نحل مواضيعنا واحنافبيتنا ولو يأست اخرج مطلقه لإنه دايم يقولي والله ماأطلقك أعلقك لومابغيتيني غيرته جنونيه لدرجه يمنعني ممن الخروج مع اخواني اخواني كثيير يحبوني ويحترموني ويمنع احط قدامهم مكياج ولازم ألبس اكمام طويله وممنوع البنطلون حتى لو بلوزه طويله وقلت طيب المهم كل مره يخرجني من البيت وأروح لأهلي ومايكمل فتره بسيطه إلا ويجي يبكي ويندم ويسلم على رجل ابويه والله ماألقى زيها وأحبها ويسوي المستحيــــــــــــــــــــــل وأرجع تكرر ذلك 3 مرات وبعدآخر زعله رجعت قعدت شهرين بس كلها مشاكل تافهه والمصيبه مايبقبل الحوار الابالوقت اللي على كيفه اها نسيت اقولكم فكل زعله من يوم تزوجنا يطلع من البيت ويفضفض لأمه( واخوانه) ولأخواته حتى كرههم فيه ويقول تقول عنكم وتقول والله العظيم ماقلت لإني أحبهم بس هو متسرع ولاياخذ ويعطي فيفهم على كيفه وينقلهابالطريقه اللي فهمها مع العلم ان عبايتي عالراس الااني فصلت هابتطريز اسود باسود وقلت له بس للمناسبات رفض وتزاعلنا وراح يوصفا لأهله هل يحق له صارت عيونهم على عباياتي وهم على الكتف ولاأحد قالهم شيء كل مره اهله يعاتبوني وصرت محط انظار بيتهم وتحقيق وتعبــــــــــــــــــــــــــــــــــــــــــــــ ـت والله أنهرت من التبرير لهم فكل صغيره وكبيره أجيه اترجاه لايطلع اسرارنا أناوانت ننسى لاكن الأهالي لاء يقول صح كلامك ويندم ويبكي ويرجع قلت ابغااكمل دراستي انتساب بالجامعه رفض برغم اني ماروح للجامعه بس وقت الإختبار وقريب مننا و لااتعبه وقبل الاختبارات بكم اسبوع بس اذاكر كان يفتعل مشاكل وينكد عليه ويقول دراسه لاء انا وياه خريجين ثانويه يقول لو في احد يدرس انا موانتي انتي مستقبلك بيتك اناماعندي اطفال عنده مشكله بالخلفه لاتقولون يمكن عشان كذا تخيلو اقوله انا راضيه لو اعيش العمر كله معاك بدون اطفال راضيه ليش ماقدر وضحى مع العلم والله ماني كامله بس مافيني شيء يستاهل هذا كله حتى هو يقول المهم وهو دايم مشغول برزقه وانا بالبيت طفشانه ليش يحسد علي الدراسه أقعد اقنعه اقوله اي نجاح يعود لك وبالعكس خليني انشغل بدل الضيق اللي فيه ومنها اتطور واصبح انسانه فاهمه يقول كفايه عليك فهم وعلم مو ناقصك شيء صار فيوم مشكله ومد يده عللي كالعاده ولمن اقوله ليش يقول هذا مو ضرب يدفني من مكان لمكان يتنطط فوجهي ويتهدد علي دايم يدخل اصابعه فوجهي كأنه يخاصم عيال بالحاره يخنقني اشتكي على أهله ويجون وننسى الموضوع ويرجع بتقولون ليش مااشتكيتي لأهلي ينكر يقولماضربتها بس دفيتها المهم آخرتها خنقني وسبني ودفني وتفل عليه وانا سبيته ماتحملت خرج من البيت واقوله راح تندم يقول روحي ويسب قلت طيب اناأوريك قال انقلعي ومن ذا الكلام........ اتصلت على اخواني جو البيت وسبحان الله جو واحنا نتخاصم وصوته عالي ويسب ويهين واناكمان بس الله الشاهد هو ماخلا فيني صبر دخلو هزأوه واهانوه ودفدفده وقالولي ايش رايك بالف مو ضرب صح بس ماضربوه خرج من البيت اخذ اخوانه حسبي الله عليهم وهم دارين اكثر من أهلي بمعاناتي معاه وراحو الشرطه فتحو محظر وراح المحكمه يطالبني بالمهر وأمه وهذا كله وانافبيتي كان يتفل الله يكرمكم في المغسله كل شويه أقوله ليه يقول عشان انتي تغسلينها المهم اخذ كل شيء من البيت العطور اللي جابها والهدايا واخويه جاب لي اكل طرده من البيت يحط بالعصير ملح المهم جلست 15 يوم متعذبه وانا مصره ان خروجي بطلاق موزي كل مره وأمه تتصل على امي تقول طلعو بنتكم من البيت وقتها اتفقو الرجال على الطلاق وارجاع جزء من المهر ولو قلتو وقتهااطلعي بقولكم المحاكم حبالهاطويله المهم بعد خروجي قرأ مذكراتي اللي تركتها وفيها كل شيء سواه فيني اتصل يبكي ويعتذر مارد عليه وسط كل اللي يعرف واللي مايعرف ويحلف انه تغير وان اللي صار له درس ووسط وحده من المحكمه تحاول فيني ويقول والله ماتزوج بعدها ماألقى زيها صبرت وسترت وللأسف كان يفضحني عند أهله كثيييير لإنه من الناس اللي يحب يشاور ويفضفض بره ولمن يجي البيت انا مكتومه لإني مافضفضت وهو رافض وانا مصره على التفاهم عمومآ قولولي انا صح احبه بس اقدر استغني عنه لإنه ماحافظ عليه ومن ورايه عدو مو زوج ماأحس معه بالأمان والله ماعندي ولاسر إلا عند أهله هل هذا يعقل صارت الحرمه الكتومه والرجل ثرثار اهله يتصلون يبكون ويعتذرون بعد ماقالو تطلع وأعطوه مهره المهم هل انا صح اني ماابغاه يقولون حاله يأسف وتعبان مررره ومعترف بخطأه بس دايم يعترف ويرجع وقال خذو عليه ضمانات في المحكمه باللي تبغاه والباحثه قالت انا بكون بحياتكم مو أهلك ولاأهله هل يعقل حياتي تكون كذا لازم بتدخل أحد اللي حوالي بعض يقول سيبيه مايستاهلك والبعض يقول اعطيه فرصه بساللي مااقدر أتحمله اسرار لو قلت كلمه ولا شيء طلعها عند أهله وهو معترف بهالشيء كيف يوصلهامحاكم وشرط وبعدها يبغا يصلح يرسلي آيات عن التسامح معد عرفت ارجوكم افيدوني بجد تعبت من الضغط النفسي اللي ألقاه من محاولات من طرفه بيموت ويرجعني وانا ماابغا بس خايفه ان ربي يسامحه برغم كل اللي سواه واللي قاهرني انحطيت فموقف اني انا اللي ابغا الطلاق بعد ماقوم مجالس واتفاق على الطلاق بعدها ندم وانا رفضت يقولون أجل انتي رفضتي |
استخيري
والله يوفقك |
خذي ضمانات و خليه يوقع عليها إذا بترجعي له
|
اقتباس:
|
اقتباس:
|
الله يعينك ويساعدك زوجك عصبي ويتخذ قراراته بسرعه طيب من اي ناحيه يفشي اسرارك المفروض انتي تسرين معه من النوع الغامض ويمكن هذا شخصيته الله يعينك بس كل شي يهون الا انه يمد يده عليك وهو تعود على كذا واذا كنتي بترجعين لاترجعين بسرعه خليه يحس بقيمتك علشان مايتعود عليك وانتي استخيري والله يكتب لك الي فيه خير ويوفقك ربي
|
غاليتي الله يفرجها عليك ويكتبلك الخير استخيري واستغفري كثير.... والله صعبه تجلسين معاه على ضمانات من طرف خارجي لو هو من داخله ما اقتنع بهالشي لا ضمانات المحكمه ولاغيرها بتخليه يلتزم بالضمانات وبعدين حتى لو اتطلقتي للمره الثانيه هذا شي مو بيدك وانتِ حاولتي قد ماتقدري باستمرار زواجك ...خليك واثقه بالله وان شاء الله ربي ماراح يضيعك |
اقتباس:
|
بعدين ليش كل ماسار شي يطردك من البيت والله مالومك لو ماحسيتي معه بالامان والاستقراروبعدين ليش ماخذك من الشارع وبعدين الرجال اذا شاف المره ضيعيفهاو انا ماتقدر تعيش من غيره يقعد يذلها ويهينها ويقول في نفسه مصيرها ترجعلي واذا بترجعين طنشيه الين يعرف ان الله حق واشرطي عليه شروط انتي تحبينها وعليك بالاستغفار والدعاء |
اقتباس:
|
والله يا اختي لو انا مكانك افضل الانفصال وبكل سرور
هالرجال ما منه رجا يكفي انه ما ستر على بيته وكل اسراركم بره البيت غير انه كان يضربج اقول فكي نفسج وريحيها ترى الدنيا قصيرة ماله داعي نعيشها بكدر وحتى لو لا قدر الله ربنا ما كتب لج نصيب مع غيره اهون من هالعيشة اللي معيشج اياها الله يكون بعونج |
اقتباس:
|
تعرفين وش يعصبه لانك ماتبين تطلعين من البيت كنك ميته عليه وكنك معاندته ..
لاقال لك روحي لاهلك قولي له يلا ودني واخذي لك كم لبس .. بيشوفك بايعتها وبيهون وبيخليك .. بس الحين سالفتك كبرت وزوجك مايحترمك يضرب ويتفل ويمد لسانه ..ويفضحك .. يعني مو سهله ترجعي له .. عالاقل اجلسي بالبيت ولا تطلبي طلاق ولا شي ..بس طنشيه وخليه يمل وهو ينتظرك ويفقدك ويبكي عليك,,,,, وان جاء وترجاكم خلي ابوك يقول له انت تتفل على بنتي وماتحترمها وتدفها .. وتفضح اسراراكم عند اهلك.. وكل شوي طاردها من البيت وبنتي ماهي معيوووفه حنا نبيها وفيه خطاطيب جايين يبونها بعد ماسمعو انك رافع عليها قضية طلاق .. روح انت الله يوفقك .. زوجتك ماهي راضيه ترجع انت جرحتها جرح عميق .. وكل مره تعيدها وتزيد .. وفضحتنا عند المحاكم.. ووو الخ خليه يترجي يترجي كم شهر بعدين استخيري وارجعي له بشروووط بس لاتتطلقي .. والله يوفقك.. |
اقتباس:
|
الحين سواياه هذي كلها وتقولين في بداية كلامك طيب..ويحبني اي طيبه هذي..والا انتي فاهمه الطيبه بمعنى ثاني..
واساس كيف بتعيشون مع بعض وانتوا صار بينكم محاكم وكلام ماله اول ولااخر.. وانا اقول دام مامعك اطفال...احسن من ان يكون معك اطفال.ويكونون ضحية طلاق..خصوصا انه مو اول مره يوعدك انه يتغير ويبكي ويحلف..وفي الاخير كله كذب.. وان قررتي تعطينه فرصه وترجعين انتبهي من مسالة الحمل.الين تتاكدين انه تغير.عشان لاتتورطين بطفل ولاتناقشينه في شي مختلفين فيه حتى لاتعرضين نفسك للضرب..او الاهانه..يعني هو مو معقوله يجي يضرب من دون سبب يمكن انتي تنرفزين..بس برضه المفروض مايضرب ويتفل ويطردك..من البيت |
حياتي الله يفرج همك...
بس تدرين اذا زوجي ضربني اضربه والله ما استحمل , انقلب وحش ... |
اقتباس:
تصدقين كل مااستخير ماأرتاح س موضوع الطلاق يبعد وانا بصراحه ودي الطلاق يجي منه لأجل ماحس إني أنا السبب اللي تطلب الطلاق ماتجد رائحه الجنه استغفر الله وبس |
اقتباس:
|
اقتباس:
|
اقتباس:
ان الي تطلب الطلاق لاتشم رائحة الجنه...مااعتقد لو كان صحيح ماكان في قضايا خلع في المحاكم.. وصحيح ان الطلاق ابغض الحلال لكن..الله حلله لان النفس ماتتحمل فوق طاقتها..ولان فيه ازواج وزوجات مايتعاشرون ابد.. |
اقتباس:
|
حديث رسول الله صلى الله عليه وسلم "أيما امرأة طلبت من زوجها الطلاق من غير ما بأس فقد حرم الله عليها الجنة" ما معني تحريم الجنة هنا وهل هو للزجر والتهديد؟ وكيف يتم توصيل معني الحديث للزوجة الناشز؟
الفتوى : الحمد لله والصلاة والسلام على رسول الله وعلى آله وصحبه أما بعد: فقد روى أبو داود والترمذي وابن ماجه وصححه ابن خزيمة وابن حبان وحسنه الترمذي عن ثوبان رضي الله عنه أن النبي صلى الله عليه وسلم قال: أيما امرأة سألت زوجها طلاقاً من غير بأس فحرام عليها رائحة الجنة. قال صاحب تحفة الأحوذي: فحرام عليها رائحة الجنة. أي ممنوع عليها وذلك على نهج الوعيد والمبالغة في التهديد، أو وقوع ذلك متعلق بوقت دون وقت، أي لا تجد رائحة الجنة أول ما وجدها المحسنون، أو لا تجد أصلاً وهذا من المبالغة في التهديد ونظير ذلك كثير قال القاضي، قال القاري: ولا بدع أنها تحرم لذة الرائحة ولو دخلت الجنة. انتهى. ويمكنك توصيل معنى الحديث للزوجة بشرحه لها شرحاً يتناسب مع مستواها التعليمي والذهني وهو سهل والحمد لله. والله أعلم. الحديث للفاائده ولآ اقصد به موضوعك اختي فاقدة شي.. لأن اختنا ليه الغرور قالت من قال لك هالكلآم.. فممكن تكون ناسية هذا الحديث او ماعندها معلومه عنه.. واعذريني على التطفل ياغاليه ..واسئل الله العلي القدير ان يفرج همك وكربك ويسخر لك زووجك ياارب,, |
اقتباس:
فإنت ( هدي الوضع ) لا تفرحي الشيطان و تزيدي من غضبه و تقولي له أبعد ؟؟؟ لإنه راح يعاند أكثر و يزيد أكثر فإنت يا تطالعي فيه و تسكتي ، أو تقومي من مكانك .. أو تنزلي لك دمعتين و تخليه يحزن عليك و تكسبي تعاطفه .. |
اقتباس:
|
أصعب حكايه بالعكس والله مشكوره من كل قلبي على الدليل لإني سامعه وتأكده بس كنت أبغا دليل وتسلمين على الدعوات اللي شرحت خاطري
|
فاقدة شئ
بأقول رأيي بصراحة ، لو كنت مكانك .. بس لا تعتمدي على كلامنا .. لو مكانك ، ما أتحمل أعيش معاه .. هذا عن نفسي .. إنت خايفة من لقب مطلقة للمرة الثانية .. طيب لو مثلا بتكملي معاه ؟؟؟ لا راح تستفيدي مثلا : أطفال ؟؟؟ لإنه يعاني كما ذكرتي .. و لا زيادة في رصيدك الديني .. لإنه يسمع أغاني و أمور أخرى ذكرتيها .. و لا احترام أو تقدير و عزة نفس .. لإنه يضربك و البهدلة اللي عملها لك و لأهلك و شرطة و غيره و لا حتى شعور بالأمان .. على طول أهله وقفوا معاه ضدك و تنكروا لك .. و لا حتى ( مال ) أو ( دراسة ) .. إيش الفرق بين الأمور هذه و بين حدوث الطلاق للمرة الثانية ؟؟؟ مجرد سؤال ..لا تحريض لا سمح الله |
اقتباس:
وعلى قولك أهله تنكرو ليه ووقفو معاه لو إنتي فمكاني بتتلخبطين لإني من الناس اللي أخاف أخطي خطوه واندم عليها البعض يقولي صبرتي اول وهو كذا ويوم جاك ندمان وسلم رقبته لك ترفضين تدرين ياليته ماحاول ولا تعذر حتى لاضميري فيوم يأنبني كان صبرتي وكان وكان أبغا أوصلكم شيء خاطري ماأبغاه بس مادري من حياتي بالجاي أخاف أحط نفس الحطه وأخس بعضهم يقولولي أحمدي ربك مو حق بنات ولاغزل ولاسكار ولا من ذا الكلام فهمتيني أهون أغلاطه بكلامهم ولمن أقعد مع نفسي أقول لاء ماله كلمه تناقض غريب أعيش فيه خوفي من اللي ينتظرني لو تطلقت ألقى الأشين ولا أصبر بس ماعاد أبغا يارب عينني وبس |
عزيزتي، انا معك ان الحياة بذلك الوضع صعبة
لكن بيدك انت ان تغيري او تعدلي من طباعه خاصة وانه احس بغلطته اولا لا تنسي انكم مازلتم ببداية حياتكم الزوجية، وعادة يكون هذا هو وقت المشاكل!!! ثانيا ان لكلاكما تجربة زواج سابقة انتهت بالطلاق اي انها "فاشلة" فالترسبات القديمة بالتأكيد لها تأثيرها عليك وعليه (وان انكرتما ذلك)، ربما تختلف درجة التأثر بينكما لكن المؤكد ان للتجربة السابقة أثر.. لذلك عزيزتي حاولي التقرب من زوجك اكثر، اكسبيه لصفك، لا تعانديه، اكسبي ثقته فهو عندما يثق بك تماما بانك فعلا سوف تستمرين معه وانك شاريته سيخفف لجوءه لاهله للشكوى والفضفضة،،، لا تنتظري نتائج سريعة منه بالتخلي عن اهله واللجوء لك مباشرة!! فهما كان تبقين انت جديدة في حياته،، بينما هم اهله، عاش عمره معهم، وهم من ساعده وواساه في ازمته الاولى.. لذلك برأيي لن تخسري شئ من اعطاءه فرصة اخرى، اعتبريها أخيرة ان اردت، وان شاء الله الله يكتبلك التوفيق والسعادة.. |
اقتباس:
|
أختي الكريمة/
كنت أدخل موضوعك وأخرج؛ لأني أعلم أني لن أضيف جديداً لأن الأخوة والأخوات هنا قد فعلوا ذلك بكل صدق. فقط سأقول لك: انفردي في خلوة...ثم صلي ركعتين...اسألي الله أن يدلك على الصواب..خذي ورقة وقلماً وافعلي ما يلي بكل صدق ونزاهة أمام الله عزوجل ثم أمام ضميرك: -اكتبي إيجابيات الرجل. -اكتبي سلبيات الرجل. ثم قومي بالمقارنة بينهما، وانظري ما هي الأكثر. الآن -اكتبي إيجابيات إكمال الحياة معه. -ثم اكتبي سلبيات إكمال الحياة معه. بعدها قومي بالمقارنة بينهما، وانظري ما هو الأكثر. ::: بعد ذلك اسألي نفسك وأجيبي بصراحة مستمعة إلى عمق صوتك الداخلي وعقلك بدون انحياز: -هل أستطيع إكمال الحياة معه؟ -هل لدي الصبر والأنوثة والوعي لكي أصبر على طباعه أو على الأقل أحاول التخفيف من حدتها؟ -هل لدي سعة البال لمنحه فرصة أخرى أم لا؟ ::: الآن لديك معلومات واضحة. اذهبي وصلي صلاة الاستخارة بشأن العودة لهذه الرجل...إن وجدت انشراحاً فذلك خير...إن وجدت عكس ذلك ففكري مرة أخرى...لا بأس بتكرار صلاة الاستخارة. ::: إن قررت إكمال الحياة معه فافعلي ما يلي: 1) لا بأس بتعليقه بالذهاب والعودة لمدة محدودة كي تكون درساً له. 2) إحضار والده وعمه وأخوه الأكبر أمام والدك وإخوانك...ثم يتعهد بأن يكون زوجاً خيراً، وبالعشرة بالمعروف. 3) توضيح أن هذه هي الفرصة الأخيرة له. 4) إذا رجعتِ إليه فأخبرينا كي ننتقل للمرحلة الأخرى في العلاقة معه والتعامل. ::: إن قررت عدم الإكمال فقولي رأيك بكل صراحة له مع ذكر قول الله تعالى (وإن يتفرقا يغن الله كلاً من سعته). ::: خذي وقتك من التفكير والتبصر والاستخارة. ::: أخوكم في الله/حاتم بن أحمد |
من رائي اي علاقة بين رجل وزوجته تصل للمحاكم فهي علاقة ستكون بدون طعم.
|
اقتباس:
إني تعبت معاه يمكن تكون ردودي عليكم طويل’ لاكن أناماأحب أشتكي ولاأبغاأكره أهلي فيه مهما كان وأكره المرأه اللي تعيش مع زوجها وإذا طلعت من عنده راحت وفضحته بالعكس اذكر محاسنه قدام أهلي وهم شايفين عكس ذلك ولاكن تعبت أبرر لنفسي قدام أهله يوم كنت عنده وأنا عند أهلي أبرر مواقفه بإنها من عدم خبرته في الحياه مو لطبع أو قصد منه والله تعبانه حطني فموقف صعب ومالي غيركم بعدالله أرتاح بالحكي عن حياتي بتفصيل بلإذن الله أخوي أبلغكم بآخر الأحداث برغم اتصالاته المتتاليه على جوالي وانا ماارد لإني بجد مجروحه |
-أقدر لك حقيقة عمق الجرح النازف بالأعماق.
-أعرف مشاعر الأنثى حين تتلاطم بداخلها، وحين يتضارب العقل والقلب في معركة القرار أيهما يسبق. -يا رعاك الله حاولي أن تحيّدي قليلاً مشاعرك وقت القرار أو على الأقل اسمحي لها بالدخول ودوّنيها على الورق حتى ترتاح نفسك. -لا بد لك من قرار يا أخية...إن الكرة في ملعبك، وهذه حياتك، وأنت صاحبة القرار، وعليك أن تتحملي قرارك ونتائجه. -أعجبتني حكمتك في إظهار الوجه الحسن منه أمام الآخرين، وأسأل الله أن يثيبك. -أخبرينا بالمستجدات دوماً. |
طيب اختي ليكون العيب منك ممكن تذكرين لنا سبب طلاقك من زوجك الاول وايضا هو سبب طلاقه من زوجته الاولى
بعدها راح اعطيكي دواء من واقع خبرة تقبلي مودتي يا اختاه |
اقتباس:
قد تستغربين والله الذي لاله إلا هو إن طليقي الأول يرمي كلام مع اقرب الناس له أن يبغايرجعني وانه ندمان إلى اليوم والله مافكرت فيه بالعكس اناأفكر بزوجي ال2 وهو مصر اتصالات يوميه رسائل نفسيتي تعبانه مو سهل طلاق للمره 2وهو عارف انه غلط عليه كثير وندمان لاكن طبعه متسرع وعصبي يعني لو زعلتي يراضيك لو بكنوز الدنيا أغلطي بس مايبقي فيك ذره خير ويجحد ولمن أروح عنه يبكي ويندم طب انا ايش اسوي عزت نفسي عن الرجعه مع ان الاسباب بنظر الكل تافهه حتى بنظري بس صعب والله اعيش مع انسان حق نقله كلام ورأيه متقلب وماله وعد يوعدني بالكتمان وغصب عنه يثرثر يارب عينني كل يوم تزيد حيرتي أدعولي ارجوكم بظهر الغيب بتيسير أموري باللي فيه خير |
ارسلي رسايل وقلي لو مرررره مصره مابترجعين موعدنا مع الشيخ نهايه الشهر
بالله يحق له يوصلها محاكم حتى لو مارجعت ليه مايطلق وخلاص يقول لاء انا متمسك ويمكن تسمعين كلام الشيخ تهدين استغفر الله انا مره زعلانه على حالي ماأبغامحاكم حتى لو في طلاق الأفضل يكون بعيد عن المحاكم هل لي حق بأني أزعل من أهله لإن أهله كل يوم يتصلون يحاولون وانا أرفض طب ليش ماقالو لولدهم عيب المحاكم علاقتي فيهم طيبه وأحاول أجاملهم برغم اللي سوووه واتقبلت اعذارهم ولا وحده غيري كان مدت لسانها وضحولي الصوره احس اني مو عارفه أحكم على أي طرف فالموضوع وهل اعاتبهم ولاأطنشهم وأبعد العتب عن علاقتي فيهم |
استخيري
و لو إن عدم الرجوع اسلم من وجهة نظري |
|
آفاق المجد سيده الموقف أشكركم لتواجدكم بموضوعي
سيده الموقف تدرين إني لاأفكربكلام الناس لاء أناأنظر لإني لسه بالعشرينات وودي أكون بيت وأتزوج وأنستر أنالاأملك الغيب بس نادر اللي تتزوج للمره 3 وأناعلى فكره كملت تعليمي الآن بالجامعه السنه الاولى وكانت من أكثر المشاكل مع زوجي يقول ليه ماكملتيهاعندأهلك برغم اني انتساب يعني ماروح إلا وقت الإختبار فقط ولاأتعبه وللاأحسسه بانهاتشغلني وإن شاء الله أتوظف أدعولي أحس إني ماأستقريت بحياتي ولاشبعت من بيت الزوجيه ودي أتنهنى وأحس بالأمان أنامعك إن التعليم له دور الحمدلله أحب ذا الشيء واحضر دورات ولاكن لمن يجون الناس ويسألون طبعآ انا إجماليه ولااحب تفاصيل حياتي اقولها إلا يمكن لأقرب صديقه فتسألني عن السبب وأقولها ينقل كلام ووو تقولي بس هذا صح سبب مزعج بس مو يخليك ترفضيه وتصري عالطلاق اعدلي عن قرارك والله يمكن الجاي أسوأ قولي الحمدلله مو حق شراب أو بنات أو غزل لمن أسمع كذا أصيب بحيره مع ضيقه وضعي محير ياجماعه وصعب موحكايه اناأيش أحس واللي أرتحت له وبس أمشي عليه لاء ومشكورين على النصيحه |
:: هل صليتي الإستخارة..؟! :: أختي إذا أنتِ مو عارفة أنتِ أيش تبغين بالضبط فتأكدي ماراح نقدر نساعدك *هل ترغبين بزوجك وعندك أمل يتعدل..؟! *هل ترغبين بالإنفصال عنه ..؟! *هل أنتِ نفسك بالإنفصال بس خايفة ماتتزوجي ثاني وتضيعي هالزوج من يدك..؟! :: وأعتقد ينطبق على حالك النقطة الأخيرة :: |
| الساعة الآن 03:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©