|
جارتي واهتمامها في زوجي؟(المستجدات بالرد 96)
السلام عليكم ورحمه الله وبركاته
اتمنى من الله اولا .... ثم منكم اخواني واخواااتي ان تساعدوني في حل مشكلتي انا عمري 19 سنه وزوجي عمره 28 سنه .... وحامل بالشهر السابع لي متزوجه سنه ونص زوجي طيب معاي ولله الحمد .. ولايرفض لي طلب وانا جدااااااا طيبه معاه واطيع اوامره الحمدلله حياتنا مستقره الى ان تعرفت على جااااااارتي ... حسبي الله ونعم الوكيل طبعا انا تزوجت وذهبت مع زوجي الى منطقه بعييييييده عن اهلي .. واهل زوجي يعني انا وزوجي لحالنا في هالمدينه بحكم ظروف عمله .... وتعرفت على جيراني في العماره .. عشان ما احس بالخووف والووحده .. خصوصا اني لحالي ما اعرف احد جارتي بطبيعتها تحب تتكلم عن زوجها كثييييييييييييير (انا زوجي وداني لاهلي زعلانه , انا مايحبوني اهل زوجي , انا مايطلعني زوجي من البيت , ......الخ داااااااااايم سوالفها عن زوجها ....... وكل امور بيتها مفضوووحه ... حتى امورها الخاصه في السرير مع زوجها تعلمنا فيها :29: في بدايه تعرفي عليها .... كنت اتعاااااطف معاها كثييييير .... وكنت اعلمها عن حياتي انا وزوجي يعني مثلا اذا تهاوشت مع زوجها ...... اقولها لاتصارخين عليه .. خليك هاديه ومحترمه زوجه لين يهدى ويرووووق وبعدها تناقشي معاه بهدووووء .... عشان تنحل المشكله بينكم لان التفاهم بالصراخ مايجيب نتيجه تقولي انتي غبيه .... انتي سامجه .... كيف تعاملين زوجك كذا .. الطيبه ماتنفع مع الرجال ليش تسكتين عن حقك ... اذا صااارخ عليك . انتي كمان صااارخي عليه ... ولاتبينين ضعفك له مايفك الحديد الا الحديد ... خليه يخاف منك هاااوشيه صارخي عليه وفعلا من غباااااىي كنت اسمع كلامها ... واهاوش زوجي ... والنتيجه نجلس ثلاث اربع ايام ماااانكلم بعض وكل واحد في غرفه :( طبعا مع الايام صارت تزوووني كثير ... وتمووون عليه .. ودااايم مع بعض لحد الان يمكن تقولون مافيه مشكله ...... المشكله احسهاااا صارت تضاااااااايقني كثييير ... داااااااايم تسال عن زوجي زوجك وين زوجك فين طلع زوجك متى يرجع البيت زوجك متى يروح الدوام زوجك , زوجك , زوجك .......الخ اقولها ليش تسالين عن زوجي ....... علاقتك فيني انا . ليش تسالين عنه احسهاااااااا مهتممممه فيييييه بشكل مو طبيعي والله انها تكرر عليه السوال اكثثثر من مره وين زوجك ... اقولها في الدوام وبعد كم ساعه ترجع تكلمني وبين السوالف تسااال عن زوجي ... احيانا اسوي نفسي ماسمعتها اقول يمكن تستحي على دمها وماعاد تسال ... بالعكس تزيد اصرار اذا ما جاوبتها ترجع تسال وين زوجك .. رغم انها متزوجه .. وعندها ولدين وبنت .... بس زوجها داااااااايم يغيب عن البيت يعني تجلس ثلاث اسابيع لحالها ... باستمرااااار غياب زوجها عن البيت ... عشان عمله واللي اعرفه عنها انها تدخل منتديات وتسولف مع رجال ... عااااادي عندها وتمووووون عليهم وسوالف وضححححك معاهم تتجاوز حدود الادب ..........<< بدون علم زوجها كمان تسوي اشياء كثيرررره بدوون علم زوجها .....<< الله يستر علينا وعليها هذا اللي مخوووفني ....... والله الشيطان قام يلعب في راسي قطعتها فترررره ماعاد اتصلت عليها ولا ارسلت لها ...... قلت يمكن تستحى وماعاد تسال عن زوجي وكمان عشان اخلي العلاقه رسميييه ... ما اعاد ابغاها تجيني ولا عاد ابغى اروح لها المهم والله العظيييم او ما اتصلت عليها .. قالت كيف حالك ...وكيف ايامك .. قلت بخير الحمدلله قالت وين زوجك ؟؟؟؟؟ اررررتفع ضغطي مليووووون .... ومسكني صداااع ... قلت ياربي ذي وش بينها وبين زوجي ... ليش دااايم تسال عنه ...... وربي انا لا شعوري قلت ليش تسالين عنه .......<<:29: تخيلو مره كنت عندها .... واتفقت انا وزوجي اننا ننقل من البيت وكنا ندور بيت ثاني رحت علمتها قلت احتمال ننقل من البيت والله كن من اعطاها كف على وجهها ....... احسه تغير وجهها .... واخذت جوالها وراحت تكلم شوي رجعت ... وفتحت سالفه النقل قالت ما اظن تنقلين عشان حملك صعبه عليك لما رجعت البيت قالي زوجي لا لا ماراح ننقل ..... بيتنا حلو مررررررررررررررره تضايقت .... قسم بالله الشيطاااان لعب في راسي .... وش معنى غير كلامه وهي ليش تغير وجهها لما عرفت اننا بننقل .... مره كنا طالعين بالسياره وراح يناظر عند بيتها ..... قلت ليش تناظر ناحيه بيتهم قال كني شفت سياره غريبه عندهم ... انا ماني واثق في هالحرمه ... خصوصا زوجها غايب عن البيت استغفر الله ياربي ..... قااام يلعب في راسي الف شيطان .... وش درااااه عنها ... وليش مو واثق فيها الحين صااااار يمنعني منها ...... مستعد يوديني القمر ... بس ما اروح لها ولما يدري انها عندي يتضاااااايق .. واذا جاء يسالني وش سويتو ... وين جلستو .. وش سولفتو فيه ... متى جات ... متى راحت حتى هو يسال صااااااار يقهرررني بسؤاله عنها ... بس اسكت ما ابين له اني تضايقت واحاول اغير الموضوع مدري اسالته اهتمااام فيها .. والا خايف منها ... والا ايش بالضبط .... ماااااااني عارفه افكر :( مره كنت اسولف معاها قالت لي انها بتنام ... قلت لها اوكي جلست ساعتين تقريبا واتصلت على زوجي لانه قالي بطلع شوي وارجع .. حبيت اتطمن عليه اتصلت عليه طووووووول يرن يرن مارد عليه ...... شوي رد قال انا مشغول بكلمك بعدين وسكر السماعه والله العظييييييم انه في نفس اللحظه ...... ارسلت لي مسج تقول زوجك وين ...؟؟؟ انا استغررربت على اساس انها بتنام .. وكمان في نفس الوقت اللي اتصلت فيه على زوجي غررريبه وش هالصدفه ؟؟؟ ماعرفت افسر هالموقف ...... تقولي بتنام وبعد ساعتين اتصل على زوجي وهي ترسل لي بنفس الوقت زوجك وين ...؟؟؟؟؟ قبل ايام طلع زوجي رقم ثاني .... يقول عشان يقفل جواله اللي يعرفونه الناس ... اذا مايبغى احد يزعجه ليش طلع رقم ثاني ... ودايم كل ما ركبت السياره القى بطايق شحن اقوله ماشاء الله عليك كم مرره تشحن في اليوم ...... قال اي عشان الدوام كل شوي اتصل واحتاج الرصيد وقبل يومين جات عندي قالت وش تسوين اذا اكتشفتي ان زوجك يخوونك ... اووول مررره بحايتها تسالني هالسوال قلت لها مدررري .... الله لايحطنا بهالموقف ؟؟؟؟؟؟؟؟؟ استغربت سوالها نفسسسسي اعرف وش السالفه ..... ليش هي داااااااايم تسال عنه ........ وليش هو يتضايق منها ..... وليش اناااا موووو مرتاااااااااااااحه ... حااااااااااسه جبل فوق صدري من حركاتهم انا واثقه في زوجي ... بس الشيطااااااان مامات ... وهي حركاتها خلتني افكر في الموضوع الف مره ومره مرات اقول صدف .. ومرات اقول قاصده انها تهتمممم في زوجي لغرض في نفسها ... ومرات اقول يمكن اني ظالمتها ... ومرات اقول انا ماعمري سالت عن زوجها لانه مايهمني ليش هي تهتممم في زوجي ... مرررررررررره ذبحني التفكييير مدري اللي قاعد يصير طبيعي ... والا لاا نفسي افتح جوال زوجي واشوف اذا رقمها عنده او فيه رسايل منها له ..... اعوذبالله منك يا ابليس بسسسس مااااني مرتاااااحه للموضوع نفسي اتاكد هل فيه شي بينهم .... والا مجررررد اوهام ابغى اتاااااااااااااكد ميه بالميه ... بس كيييييف ؟؟؟؟ ان بعض الظن اثم ... بسسس التصرفات اللي تصييير خلتني محتااااااااره لاتبخلون عليه بنصيحه او تصرف صحيح اسويه لاني مو عاااارفه .. كيف اتصرف ساااااااااعدوني ... الله يجزاكم الجنه |
الله يريح بالك ويشرح صدرك
ويهون عليك حملك وولادتك بما انك بعيده عن اهلك وانتي بشهورك الأخيره اكيد راح ترجعين عند اهلك هذي الفتره الين تقومي بالسلامه كلمي زوجك تنقلون من البيت هذي الفتره وفترة وجود عند اهلك ياخذ اجازه ويبقى معاك بنفس مدينتك بينشغل اكيد وبينسى وبيكون بعيد عنها بالنسبه لشكوكك في زوجك وفي جارتك الله اعلم وكيف تتاكدي الصراحه ماعندي طريقه ممكن تفيدك بس ان شاءالله تطلع كلها اوهام وشكوك ولا فيها شي صحيح |
بصراحه .. ماعرف وش اقول لك ..
يمكن هي تحاول تقهرك .. بس احتياط انتي قولي له ابنقل مكان ثاني .. وقولي له انك منتي مرتاحه لهالجاره قولي احس دايم لما تكلمني تحاول تقلبني عليك ولما انصحها لزوجها تقول لي بالعكس زوجك لو صارخ صارخي عليه ومن الكلام اللي صار من قبل.. وقولي مهما تهربت منها ..دايم تحاول تجي او تدق علي او ترسل لي.. وانا خايفه اني بالاخير رح اطلب طلاقي منك بسببها لانها جننتني وجابت الشكوك براسي اختي خليه يخاف منها عشان لو بيصير شي بينهم بيخاف انها تلمح لك او تعلمك ..بغرض انها قهرك.. وانتي شوفي وش يصلح لك وسويه |
ابنتي الكريمة
أقصر مسافة بين نقطتين الخط المستقيم فالنقطة الأولى شكك فيما تفعل وحركات زوجك والنقطة الثانية هي زوجك نفسه وقد جعلت بينهما الشيطان بما يوسو لك فيه فباختصار اجلسي مع زوجك جلسة مصارحة وقولي يا فلان أنا متضايقة من هذه المرأة وأخشي أن توقعك في حبائلها وندخل في مشاكل لا قبل لنا بها فأرجوك انقلني من هذا المكان ولا تجعل للشيطان وهذه المرأة مكان بيننا. فلعل له عذر أو هي تعبث بأعصابك وقد زين لها الشيطان ما حرم الله عليها ومنه زوجك, وبيدك سلاح كبير ضدها وهو علمك بما لا يعلمه زوجها. ولا تجاهري بعداوتها فقد تفعل معك ما لا تجرؤين على فعله أنت إذا كانت ممن لا يتقين الله في تصرفاتهن. لقد أغراها بيتك وحسن إنصاتك وبرود ردة فعلك وانتظارك أن تبادر بالاصلاح من نفسها مراعاة لشعورها للتمادي فيما تفعل في الوقت الذي لا تراعي فيه شيئاً من جانبك. |
الباب اللي يجي منه ريح اقفله واستريح
انقلي من البيت واقطعي علاقتك فيها واذا كان مسوي مصيبه ربي حيفضحهم قدامك من غير ماتدوري وراهم وتتعبي نفسك الله يعينك ويصبرك |
اسمحيلي اقولك الغلط منك .. ممكن كلامك عن زوجك وهي نفسها ضعيفه
زرع فيها اعجابها بزوجك بالذات ان زوجها مقصر ..بالتالي تسأل عنه.. او انها تبي تقارن بين حايتكم وحياتها او فضول تبي تشوف كيف عايشين !؟ الان .... مااتوقع انك مضطره تتواصلين مع هالجاره ..؟ بالذات ان زوجك يتضايق منها .. ويمكن حاس انها تلعب براسك ولا تنسين انها قدرت تغير فيك .. وخلتك ترفعين صوتك ..! على الاقل كوني اكثر رسميه اداء واجب فقط .. ( حق الجار ) .. واذا بتنقلين افضل ومولازم تعلمينها انك ناقله ولا لوين ناقله .. ولا تخلين الشيطان يوسوس بينك وبين زوجك ... واذا زوجك متفهم .. عادي قولي له مثلا جارتي ماارتاح لها يعني تناقشي انتي وياه عنها بهدوء وعقلانيه .. موفقه ياارب . |
اقلك كم تتوقعي عمرها ..؟؟
|
مرحبا فيك اختي والله يتمم عليك ويعينك في هذه الفتره العصيبه من الحمل , ماراح أقول أن بداية الخطأ عليك لآنك فتحتي مجال لها لتدخل حياتك وحياة زوجك حتى لو كان مخلص لك وفيه وحده كل يوم تويق عليه من الشباك كل يوم تشوفه وهو يروح للدوام او يمكن أخذة رقمه من جوالك وجالسه تكلمه ,, بدال ماتدخلين نفسك بدوامه لها اول مالها تالي اجلسي مع زوجك جلسه مصارحة مع العلم واللي يتبين لي من كلامك ان زوجك طيب وحبيب يعني راح يتقبل كلامك واكيد انتي ابخص وش راح تكون ردة فعله ولكن قبل لا تتكلين بشكك قوليله عن نصائحها التخريبيه التي تملها عليك وتحرضك على زوجك و كل هذا حقد وحسد في داخلها لآنك مبسوطه وهي غير كذا تماماً أعان الله زوجها عليها ,, نرجع لك ,,, المصارحة المصارحة هو أفضل الحلول وفي مكان خارج البيت ,,, الله يعينك على هذه الجاره الحسوده خرابت البيوت
|
أختي وردة الرياض سؤال هل زوجك كان يسكن في نفس العمارة قبل أن يتزوجك؟
|
الا بسالك وين زوجكـ:d امزح << اولا لازم تراقبي زوجك وتراقبي تصرفاته حاولي تاخذي جواله وتقلبي فيه وتتصلي على رقمها من جواله عشان ترتاحي والله واضح من تصرفات جارتكم ان ما هي طبيعيه احذرك منها قبل ان يطيح الفاس في الراس اسال الله ان يحفظلك زوجك وان يكفيك شر جارتك |
اقتباس:
حااااااولت وربي اننا ننقل من البيت .......بس مدري وش فيه راااافض وهو اصلا من الحين يقول روحي لاهلك اقضي الفتره الجايه عندهم ... الحين انا بالسابع .. يعني يبغاني اجلس السابع والثامن والتاسع وكمان بعد الولاده لين اخلص الاربعين وهو يجلس هنا في بيتنا عشان دوامه ... :( ملاحظه : احيانا اقول يمكن جاء مني قصور ..... وصارحته بهالشي ... قلت سامحني اذا اخطيت بحقك والا ضايقتك .. واي تقصير مني علمني باذن الله احاول اعدله .... قااال ماجاء منك قصور الله يعطيك العافيه وربي اني ادور راحته في كل شي .. واني اضغغغط على نفسي واكووون احيانا تعباااانه وثقيله مع الحمل لكن ررررغم هذا ما اقصر عليه بشي اقوم معه الصباح لدومه اجهز ملابسه ومشطه وعطره وفرشاه اسنانه ومفاتيحه وكل شي .. عشان يقوم يلقاها جاهزه .... واذا طلع اذكره بدعاء خروج من المنزل واقوله كلمتين حلوه .. واذا جاء الظهر يلقى البيت نظييييف ويلقاني مجهزه له الغداء ومجهزه ملابسه اللي يلبسها في البيت على بال ما اجهز الغداء اعطيه موويه باااارده والا عصير عشان يروق وبعد الغداء اسوي له مسااااااج في كتوفه ورجوله وظهره عشان يرتاح ..... ينااام بعدها واذا قام المغرب يلبس ملابسه ويروح لاصحابه .. من المغرب لييين 12 الليل او 1 وانا اجلس ارتب والا اغسل والا اكوي .... مايجي من برى الا كل شي نظيييف وملابس دوامه جاهزه ينام .... ويقوم الصبح للدوام ..... وعلى ذا الحاااال ...... طفشت من الجلسه لحالي ... وربي زهقت بس عشانه اتغاضى عن هالشي واقووول معليه خليه ينبسط هو طييييييب معااااي .. ويستااااهل اللي اسويه عشانه لكن ترى عشااان كذا حدتني الظرووف على جااارتي ذي .. لاني اجلس لحالي طووول الصباح ومن المغرب ليييين 12 او 1 بالليل ..<<< وحامل وتعبانه محتاجه احد يونسني بس اااا ه ه ه وماعندي احد اعرفه . وهي دايم تقولي انتي غبيه ... صايره له مثل الشغاله ... ليه مايجلس معاك ... هاوشيه قولي تراني زوجتك ماني شغاله اذا كنت تبي شغاله روح مكاتب الاستقدام وبتلاقى وحده تخدمك .... اجلس معاي في البيت .. صارخي عليه .. قولي انا ماجيت من بيت اهلي بس عشان اخدمك انا محتاجتك معي انا في غربه بعيده عن اهلي ...طبعا ذا اليوم كنت مرررره متضايقه منه وشكيت لها .. ومع الززعل سمعت نصيحتها وليتني ماسمعت كلامها ... انقلبت الامور ضدي .... الله يسامحها الله يعين ويفرجها من عنده مشكوووووره اختي على تفاعلك معي ... ربي يسعدك |
اقتباس:
مدري والله مو عااااارفه وش اللي براسهااا انا خايفه منهاااا .... لانها ذكييييييييه بشكل ماتتصورين تقدر تلعب على زوجها وتكلم رجال من وراه وتدخل منتديات .... وهو مايدري تقولي اسوي نفسك مسكينه واذا مانفع معاه حسيت انه ماصدقني ..... وادافع عن نفسي ارفع صووتي عليه ما اعطيه مجال يتكلم ..... عشان كذا زوجها مايدري هي وش تسوي من ورااااااه ........ الله يستر علينا انا قد خبرت زوجي عنها .. وانها تحاول تقلبني عليه وانا تحرضني عليه .... بسسس مدررري يختي مررره محتااااااااااره ... خايفه منها ..... وخايفه على حياتي تخرب بسببها وانا والله ماودي اخسر زوجي واجيب له طاري الطلاق .. بسبب وحده ما ادري وش في قلبها ولا ادري وش تخطط عليه مشكوره اختي على تفاعلك معي ..... ربي يسعدك |
اقتباس:
انا اخاف اصارح زوجي ..... لانه بيفهمني غلط ... بيقول ليش شايفتي صغير ... والا ماعندك ثقه فيني .. اخاف ان قلت له انها تكلم رجال من ورى زوجها ... واني اخاف عليك منها ومن العواقب اللي بتصير ...يمكن يلعب في عقله الشيطان ويقول خليني اتسلى معاها لاني في اول ايام الزواج اكتشفت زوجي يكلم بنت عمه ... وبينهم رسايل حب وغرام وصاااارت مشكله طويله عريضه وانا لي شهر متزوجه ... لدرجه انه مد يده عليه عشانها ويقولي انا ما ارتاااااح لين اسمع صوتها ... تعودت عليها عجبك عجبك .. ماعجبك روحي بيت اهلك ووقتها لي شهر فقط ... وخفت الناس تتكلم فيني وليش رجعت بيت اهلها صبررت معاه .... ودخلت واحد عاقل في السالفه بيننا ... وانحلت المشكله ولله الحمد الشيطان شاطر واللي قدر يكلم القريبه وماخاف على عرضه .... بيقدر يكلم الغريبه للتسليه الله اعلم انا ما ابغى اظلمه ..... لكن خااااايفه ... ابغى حل منااااااسب تعبت من التفكييييييييييير ... اعصابي تلفت من تصرفاتهم .. والمواقف اللي تصير .. ليش جارتي مهتممممه فيه ... ليه دايم تسال عنه ... وتحاول تعرف تحركاته ... وش تبغى فيه :29: شكرا اخي على ردك .... جزاك الله خير |
حبيبتي .. دامك قلتي لزوجك من قبل,,
انتبهي انتبهي .. انك تروحين لاهلك وتخلين لهم الجو بالعكس خلك معه .. واذا قالت شي ضد زوجك علميه علطول .. قولي هي تقول لي كذا وكذا ..خليه يكرههـا ويعرف نيتها الشيـنه واذا كنتي خايفه ان لهم علاقه مع بعض بامكانك تراقبينه وين يروح خصوصاً انها جارتك ولما زوجك يطلع او شي وشكيتي انهم مع بعض وهي قالت بنام مثل ماقالت لك قبل.. زوريها فجأه وشوفي .. مع اني اعتقد .. انها تحاول تغريه بس ماهي قادره.. لكن كثر الدق يفك اللحام .. خلك نبيهه .. واذا الشك ذابحك شوفي جوال زوجك .. رغم اني اعتقد مالهم علاقه ببعض .. او يمكن تلقينها تتصل عليه وهو مطنشها.. بس للإحتياط خلك معه .. ولاتتركيه .. وحاولي تخلينه ياخذ اجازه بولادتك ويسكن بمنطقتك .. قولي انك محتاجته وكذا .. ... اما بالنسبة لشكوكك .. ما انصحك تقولينها له .. لانه يمكن مافكر فيها وانتي تجيبها على باله .. ويمكن يقلب الطاوله عليك ويزعل .. يعني لو يغيتي توصلين له اي شي..قولي جارتي تقول لي وش تسوين لو زوجك خانك؟ تتوقعين زوجك الحين وينه ؟ وقولي له .. من كلامها تحسسني انها لها علاقه معك وبصراحه فيه كلام بس ماقدر اقوله لك وانا واثقه فيك ..عشان كذا علمتك بس في اشياء هي تقولها كبييييره ماتوقع انك تسويها يافلان .. عشان كذا ماني قايلتها .. لاني واثقه منك اكثر من روحي.. واتمنى انك ماتهدم الثقه بينـنا وتنقلنا لبيت ثاني اما اذا شفتك مصر انـنا نجلس هنا .. فـ راح يطلع كلامها عنك صح.. |
لا حول ولا قوة الا بالله ..
أختي الكريمة نصيحة مني .. 1- حاولي اقناع زوجك بالانتقال بكل الطرق والوسائل .. 2- اياك الذهاب الى أهلك الآن وقبل الولادة بهذا الوقت الطويل .. 3- لا تنسي الالحاح بالدعاء أن يكفيكما شرها ويحفظ لك زوجك .. 4- اقطعي علاقتك بها فورا وبدون تدرج .. واشغلي نفسك بالقراءة والنت وحفظ القرآن .. اجعلي هدفك ختم القرآن حفظا وسترين كيف سيطير الوقت .. 5- صارحي زوجك بحاجتك له وأن يخصص لكي يومان في الاسبوع للبقاء معك واحرصي على جعل هذا الوقت لا ينسى ليحرص عليه مجددا .. الله يفرج همك ويحفظ لك زوجك ويكفيكم شر كل من فيه شر ،،، |
اقتباس:
لكن زوجي رفض انه ينقلنا من البيت ... رغم انه كان موافق وكنا ندور بيت ثاني ... اي والله معاك حق ... ربي بياخذ حقي تصدقين مره كلمتني وحده .... وقالت لي رقم جارتك انمسح من عندي ... وابغاك تقولين لها شي قلت وشو قالت قولي لها تعطيني رقم محمد ... << انا انصدددمت قلت مين محمد قالت هذا واحد نعرفه انا وياها .... بسرررعه قولي لها تعطيني رقمه قلت لحظه بسالك سوال .... انتي متاكده ان قصدك جارتي ...<< ماني مستوعبه قالت اي وش فيك .. جارتك اللي اسمها فلانه وعيالها وقالت اسماءهم وقتهاا ... بغيت انجن ... مااااااااااصدقت ولما قلت لها انو فلانه تقول رقمك انمسح من عندها وتبغى رقم محمد .... قامت تغيييير الموضوع وتدااافع عن نفسها وتحلف انها كذااابه وان ذيك تتبلاها ..... الله اعلم لحد الان مدري .... مين الصادقه فيهم |
لاحول ولاقوة إلا بالله شنو هذا جد ماتستحي وين الحيا وين الدين و الخوف من الله حبيبتي اعذريني بس إنتي غلطانة يوم تحرشك على زوجك وتسمعي كلامها إنتي عندك عقل وأكيد فاهمة معقولة تردي عليها وتسمعي شنو تقوول؟؟ حاولي بأي طريقة تنقلون من البيت بأيييييييي طريقة لإنه الجارة هذي مايتأمن لها لاتنسي بكرة وراك نفاس وبعدين رعاية الطفل يعني رح تهملين زوجك شوووية تحججي له بأي حجة وقولي له غنها تتكلم عليه وتحرضك علي وخليه يكرهها اشتغلي كيد النسوان حافظي على زوجك لاتخلي لها مجال علاقتك معها لازم تكون رسمية وإذا على الزهق اقري قرآن كتب تثقفي تعلمي طبخات افتحي تلفزيون انا انرفع ضغطي منها والله قلة حيا طمنينا عليك وقولي شنو يصير بعدين |
اقتباس:
معاك حق الغلط غلطي من البدايه ........ اعلمها عن حياتي انا وزوجي اليوم تعشينا بمطعم ... طلعني يمشيني ... جاب لي هديه ... بكره مسافرين نغير جو اسبوع وراجعين زي كذا ..... مره قالت لي تهاوشت مع زوووجي .... قلت لها ليش .؟؟؟ قالت لانك ساافرتي وانبسطتي وانتي لك كم شهر هنا .... وانا لي سنتين ماعمري سافرت هاوشته قلت له شوف زوجها يمشيها ويبسطها وانت لاااا .... انا كن احد عطااني كف ... ماتوقعتها تحقد عليه لهدرجه ... توقعتها تتمنى لي الخير في بالها اثاريها قالبتها هواااش وصراااخ في بيتها عشاني سافرت ..... ليتني اقدر ارررجع الماااااضي شوووي ...... كان ماتكلمت عن حياتنا ابدااااااا .... بس كنت معتبرتها مثل الاخت خصوصا في الغربه .... وانها تظهر لي الخير ..... ومن وراي الله اعلم وفعلاااا ... اذا نقلت ماراح اقولها اني بنقل .... تخيلي لااازقه فيني ..... تكلمني الصباح تقولي بجي عندك ... اقولها انا بنام وراي شغل في الليل تتصل تقول وين زوجك ....؟؟؟ اقولها ليش تقول تعالي عندي والا اجيك ....... اعتذر منها اقول ما اقدر تقول ليش ماتقدرين .. وش عندك .. وش قاعده تسوين وربي ما اكذب احيان من كثررر ماتقولي تعالي والا اجيك .... استحي منها اقولها طيب بجيك اقول لزووجي يعععصب ويهاوشني ... ليش تروحين عندها .... وصررت كني لعبه .. اذا رحت لها بس تسالني زوجك وين ... متى بيرجع .... متى راح ... اليوم طلعتي والا لااا وحاطه قهوتها قدامي وبس تسااال كني في محكمه واذا رجعت البيت ... يجلس زوجي .. وش سويتو .. وش قلتو .. وش اكلتو .. اسالها مالها اول من اخررر ااااا ه ه ه تعععبت عسى الله يعين مشكووووره على تفاعلك ..... ربي يسعدك |
اقتباس:
|
اقتباس:
اللهم امين الله يعدي هالفتره على خييير فعلا انا اللي سمحت لها تتدخل في حياتنا ..... وهذا كان جهل مني ... لكن الدنيا دروووس واللي مايغلط مايتعلم هي كانت دااااايم تطلب جوالي .... بغرض انها تبغى تسجل رقم .. او تتصل وفعلا كنت اعطيها ولا ادري هي وش تسوي ..... هل هي فعلا تسجل رقم ... والا تفتش فيه الله اعلم عن نواياها ..... بفكر في موضوع المصارحه خارج المنزل ..... رغم اني خاااااااااااايفه .... لكن بفكر مليوووون مررره قبل اصارحه ..... شكرا على ردك ... جزاك الله خير |
اقتباس:
|
أولا- باين عليك ضعيفة شخصية.. وتتأثرين بكلام الناس حتى لو كان غلط..!!
ثانيا- ماعندك ولافيك من كيد النساء شي.. وحدة منتي مرتاحه منها تروحين تقولين لها بنقل من البيت ليش؟؟!!! انقلي وخلصي وهي مصيرها بتدري.. وحدة ماتثقين فيها تسولفين لزوجك عنها ليش؟؟!! المهم- غيري من أسلوبك مع زوجك الفترة هذي .. أعطيه أنطباع حلو عن شخصيتك واهتمامك فيه.. أعطيه انطباع عن أنه لك راي . ولك شخصية. بعد ماتسوين هذا كله.. شوفي لك يوم من الايام اقعدي مع زوجك وقولي له: حبيبي بطلب منك طلب.. وياليت تاخذه بمحمل الجد والسرعة.. انا أبي انقل من البيت قبل الولاده.. (وياحبذا لو امك تجي تنفسك) يعني لاتولدين عند أهلك.. يكون اتفاق بينك وبينها.. بدون ماتخبرين زوجك.. إذا وافقت تجي أمك قولي له امي قالت بتجيني.. بس خلي الموضوع هذا بعدين.. إذا قالك ليش ومايصلح وبيتنا مافيه شي.. قولي له أنا بصراحة وحدة أخاف على نفسي.. وحدة من الجارات لها علاقات مع كثير من الرجال!! وقالت لي بلسانها أنا أسوي نفسي مسكينه قدام زوجي وألعب من ورا ظهره.. وكل الرجال اضحك عليهم انه هو الوحيد بحياتي.. اللي يعطيني فلوس واللي يشحن لي واللي يجيب لي هدايا وكلللهم مستغلتهم..!!! ((ميخالف أكذبي .. لأنك لو سكتي بتطيحين بمصايب من وراها انتي بغنى عنها)) ((وبنفس الوقت لو لاسمح الله كان بينهم شي يخاف منها)) (( وممكن يوصل لها كلامك.. وممكن هي تجيك وتخانقك)) في كل الحالات انتي المستفيده.. راح تعرفين مين اللي يضحك عليك. وأنت مو على طول موجود .. شدراني ترسل لي واحد من الرجال اللي تعرفهم.. هذي نقطه مهمة تبينين له انك خايفة على نفسك مو خايفة عليه فرجااااااء أنا بنقل ولا أبي أحد من العمارة يدري وين نقلنا لأني مو مرتاحه منهم كللللهم.. هذا في حال لي معزتي عندك.. كونك رفضت فهذي رسالة منك لي أني أنا ما أهمك..!! إذا قالك منهي الجارة.. قولي له هذي أعراض وماراح أقولك من هي.. بس شي واحد أقدر أقوله : طالما جاراتي كلهم لهم علاقة فيها وماقاطعوها فالله اعلم انهم عادي مو خايفين على نفسهم.. أنتبهي مو تجيبين سيرة انك خايفه عليه منها لا خليك كأنك أنتي خايفة على نفسك.. واقطعي النقاش. وارجعي لموضوع النقل.. قولي له هذي أسبابي.. وأنا مستعجلة الان اننا ندور على سكن .. وبعدين انت كنت تدور شنو تغيير الحين.. وقبل كل هذا استخيري تنقلين من البيت أو لأ.. وربي يكتبلك اللي فيه خير لك.. |
مرحبا اختي... بما انك قلتي ان زوجك له سابقه وبما انه كان موافق على النقله ومن خبرتي جارتك وراحت وكلمت ورجعت وأكدت لك ان نقلتكم صعبه وهو بعد رجع بكلامه هذا مثير للشك والتساؤل بلاجدل... واصراره على ذهابك لبيت اهلك بعد اكثر واكثر... الشك هو اهم عامل لهدم الحياة الزوجيه وحتى تتأكدي وتريحي بالك "يا ابيض يا اسود" بقترح عليك عدة طرق لأن سؤالك كان -"ابغى اتاااااااااااااكد ميه بالميه ... بس كيييييف ؟؟؟؟"- وانا لستُ مسؤولاً عن تبعات هذه الطرق لأنك انسانه عاقله لكِ الخيار بالأخذ بها ان رأيتي فيها مصلحه لك او تركها ان رأيتي بأن منها ضرراً عليك.... انتي بناءً على كلامك مو فارقه معك باستمرار علاقتك بالجاره من عدمه ومع ذلك ودك تقطعين علاقتك فيها فأُشير عليك بالتالي... 1- كلميها وقولي بزورك لأن زوجي بيطلع الآن...اخفي سراُ بعد زيارتها والجلوس معها بانك نسيتي جوالك في البيت ....طبعاً لاتخبريها بهذا الأمر الا فجأه وانتي تطلبي منها جوالها وتقولي" بعد اذنك نسيت ارسل لأختي رساله بخصوص شيء مهم وانا ناسيه جوالي......اخذي الجوال وتصفحيه سريع صادر ووارد من مكالمات ورسايل وكأنك تكتبي رساله واذا لم يسعفك الوقت دقي على ارقام زوجك الإثنين وبتشوفي اذا مخزن عندها ام لا.....هذا اذا انتي متأكده ماعندها جوال ثاني تكلم منه او يمكن هي ماتقدر تخزن رقمه وتتصل عليه اتصال طبعا هذا الأمر له تبعات فإن كانت بريئه من شكك بعلاقه تربطها بزوجك فرقمه قد اصبح بين يديها ولهذا افضل انك تتصفحي الرسايل أو كوني صريحه وقولي ممكن بعد اذنك اتصل على زوجي بخبره اني ناسيه جوالي بالبيت اخاف يتصل ويقلق اذا مارديت....من تعابير وجهها وردة فعلها بيتضح لك....اذا وافقت ومتلهفه -بناء ع اهتمامها وسؤالها الدائم عن زوجك- فهي بريئه واذا تعذرت الحكم لك....حسب الظرف... 2- اذا ماناسبك الحل الأول....في يوم كلميها وانتي عارفه ان زوجها مسافر وقوليلها زوجي بيطلع بعد نصف ساعه "تعطينها وقت ترتب نفسها وتنسق" ان كان بينهم شيء.... وقولي ان ودي اكلمك....اذا تهربت منك....اعطيها وقت واتصلي على جوال زوجك....وقولي بستشيرك في شيء مهم وسريع واذا حسيتي انه بيصرفك...وهي قبلها تهربت منك...قبل لايصرفك ويقفل...انتي بتكوني رافعه تلفون البيت ودقي على جوالها وهو معك وانتي تسولفي معه ع الجوال....ان سمعتي رنة جوال فهو عندها وان لم تسمعي....تكوني ريحتي بالك..... بكل امانه انا فقط اجبت على سؤالك وما اشجعك على اي من هذه الحلول لكن حسيت ان الشك تعبك وحبيت اريحك بس اخاف تصير تبعات لك من هالشيء... في النهايه الأمر يعود لك انتي وحدك ويعلم الله انا هنا جميعاً مانحاول نشجع المرأه/الرجل بمجاراة الشكوك لكن لما تبدأ تأثر على حياتها او حياته يُعطى بعض الحلول.... رأيي بعيد عن سؤالك.... 1- اقطعي علاقتك فيها ولاتشغلي بالك بها ابداً 2- اهتمي بنفسك والحمل مو عذر 3-اجلسي في بيتك ولاتسافري لأهلك 4- خليه ياخذ اجازه وقت نفاسك ويجلس معك او عند اهله وياحبذا تقولي له انا كرهت هالبيت وودي انقل الآن قبل الولاده...كوني شديده وناقشيه يعطيك اسباب مقنعه باسباب عدوله عن النقل |
اقتباس:
لاااااااااااااااااااااا كرهت هالسؤال ......:( بس والله اني ضحكت من قلبي على ردك ...... الله يسعدك المشكله جواله دااااايم معاه .... ومقفل برمز سري ما اعرفه .... عشان كذا خااااايفه منه مدري وش في هالجوال .... نفسي افتحه واشوف وش فيه وارتاااااااح اي والله حركاتها تخووفني زيااااااده ..... مدري وش مخططه له ... الله يكفيني شرها يااااااااااارب مشكوره اختى على تفاعلك .. ربي يسعدك |
اقتباس:
اي معااااااك حق ... هذا اللي ببالي ..... مستحييييل اروح واخليه بكره يلعب في راسه الشيطان وانا بعيده عنه ...... مقدر ماراح يخليني قلبي اسافر واخليه ... تصدقين جاتني الفكره اني يوم من الايام اروح لها فجاءه ...... بس كيف اطلع من البيت بدون علم زوجي ما اقدر ..... تراني خواااااافه مقدر اسوي شي زي كذا .... << والا الفكره في راسي بس صععب التنفيذ والله هذا اللي اتمناااااه ... انه يخاااااف من ربي قبل يخاااف منها .. انها تعلمني بشي او تقولي حاجه عسى الله يعين ويقدرني على حل المشكله ....... وابعدها عن حيااااااتي بهدووووووء |
الله يقومك باالسلامة
مادام انتي عارفة انو زوجك ممكن انو يكلم بنات يعني في عنده ميول المفروض انك تحرصي عليه بس مش مشكلة اللي صار صار انا مع الاخت اللي حكت تيجي امك عندك بعد الولادة وممكن انتي تنسقي مع زوجك تروحي عند اهلك بعد الولادة معاه يعني يعمل حسابو على اجازة وبهي الفترة تكلفوا حد يشوف الكم بيت لازم ما تضلي بهادا البيت الله يبعد عنا كيد النسا ويقومك بالسلامة |
اقتباس:
اذا عن النقل من البيت ... والله اني اتمنى هالشي .... بس رااااااااااااافض مدري ليه وعلاقتي في جارتي احااااااااول قد ما اقدر اني ابعد عنها بهدووووء ..... عشان ماتحس بشي وبعدها اقطعها .... وزوجي اخر ماتكلمت معاه اليوم ..... قلت له اتمنى انك تجلس معاي اقل شي يومين بالاسبوع والله ذبحتني الوحده ... والفراااااغ .... وماعندي احد الا انت نسهر مع بعض , نسولف , ننام , نطلع , نسوي اي شي انت تحبه قالي اذا انك طفشتي لحالك روووحي عند اهلك .... يهتمون فيك اكثر لين تولدين وتعالي انا رجااااال وعلى كيفى وماتقدرين تحكميني .... انتي مو رجال البيت عشان تقولين اطلع والا لاتطلع قلت لا والله مو قصدي ... انت رجال البيت وفووق راسي ... بس وربي احتاج وجودك في البيت اقل شي يومين بالسبوع انت السبت والاحد والاثنين والثلاثاء والاربعاء والخميس والجمعه ... كلهااااااا مع اصحابك في الاستراحه انا ماقلت اقطعهم ... بس انا كمان لي حقوق ... واتمنى جلستك معي ... انا اولى فيك منهم .. قال مالك دخل ... ومتى ماحبيت اطلع بطلع .. ماراح تمنعيني .... قلت خلاص انا اسفه ..... وجلست ابكي والله غصب عني ..... ماعرفت ادافع عن نفسي ... قام من الغرفه وخلاني ... كني غلطت في حقه وانا سكتت عشان ما ابغى يقوول روحي لاهلك ...... شكيييييييت في الامر ... الرجال كل شوي يقول روحي لاهلك ... ويتعذر بالحمل :29: كاااان معصصصصب عشان ما اخذ واعطي معاه كثيييير ... الله يصلحه ويهديه ياااااااارب |
اقتباس:
والله اني احاول احرجها ..... عشان ماعاد تتدخل في حياتي ..... ماعاد ابغاها تسال لكن مافيه فاااااايده كني اكلم جداااااااااااار ... لاتحس ولا تستحي .... والله اني استحي اني اسالها عن زوجها ..... الا اذا كنت بروح عندها ... اسالها زوجك موجود في البيت والا طلع ... عشان اروح لها مايكوون موجود ...... غير كذا مالي دخل فيه ولا اجيب طاريه .... لكن جارتي غيييييييييييييير ......... مهتممممه في زوجي ... بشكل يثير الشك اعوذبالله من الشيطان الرجيييييم ...... احس مو قادره افكر نفسسسسي اطلع من البيت ... وارتاااااااااح .... وتووووبه ماعاد اتعرف على جيران ... كفايه |
انا اعجبني رد الاخ Saif_ksa
اذا كنتي تشوفين انك تقدرين عليه نفذيه.. واذا ماتقدرين براحتك .. بس اعجبتني طريقته رح تريحك كثير خصوصاً ان زوجك طلع عكس مافهمت بالبدايه طلع سليط لسان وكله برى .. واذا ماعجبك روحي لاهلك الموضوع يشكك بصراحه .. واذا ماله علاقه بها له علاقه بغيرها.. عموما في طريقه تخلينه يخاف عليك ويجلس عندك 24 بدون ماتطلبي منه.. بس يمكن الطريقه ماتنفعك لانها ممكن تخلي زوجك يشك فيك عشان كذا بلاش منها .. الحين خليك بموضوع جارتك وبعدين نشوف .. |
اقتباس:
اي والله يختي ... ضعيفه وعلى باب الله ..... وهي جارتي داااااايم تسميني الخبله تقول انتي عايشه على نيااااتك ... ومثلك بهالزمن تتعب واقولها لو سمحتي لي اسم .... ناديني به .. مو الخبله .... قالت امشي امشي بس ... مابيننا رسميات انا من موانتي اقولك كذا ....... طبعا انا سكتت ماقلت لها شي ... وتناديني كمان جحا :( مره من المرات كنا نسولف انا وياها .. عن الخيانه قااااالت انا اصدق ان الدنياااااا كلها تخووون ...انا ممكن اخون ...فلانه وفلانه وتذكر اسماء بنات اعرفهم .... الا انتي .. والله انك خبله وماتدرين وين الله حاطك مستحيييييل اتوقع في يوم انك تخونين ... كلامك مررررررره عجبني ... لاني ما ابغى ابين له اني شاكه فيه ... عشان ماهدم ثقته فيني ابغى اكوووون مثل ماقالت جااارتي خبله .... عشان لو فيه شي يستمررر .. ومايحسون بشي بس طريقتك جداااااااا منااااسبه ..... بقوله اني خايفه على نفسي ... لان مره من المرات حاول احد يفتح باب شقتي ....... ولما اتصلت على زوجي لقيته مشغول على طوول اتصلت عليها وخبرتها ....... خفت يجيني شي .. وكمان حامل يعني زااااااد خوفي ماعاد سمعت شي ...... وجاء زوجي مالقى اي اثر ...... بذكره بالسالفه ذي ...... واقوله اللي انتي قلتي .... انو لازم انقل قبل الولاده ..... والله فكرررررررررررره ... بس ياااااااااااااااااليت يوااااااااااااااافق على النقل ..... يااااااارب |
الله يعينك ويصبرك
النقل من البيت جزء من حل المشكلة لكن انصحك اختي لاتروحين لهلك وحاولي تولدين بمنطقتك ومثل ماقالوا الاخوات خلي امك تجيك او روحي باخر الوقت واطلبيها جوالها بحجة ان ماعندك رصيد او ناسيته ودقي من جوالها على زوجك وكانك بتطلبينه غرض مع اني اشك ان عندها جوال ثاني او تخاف ان ماتخزن جوال زوجك وانتبهي لردة فعلها اذا طلبتي جوالها المهم كل ماسالتك عن زوجك لاتردين عليها واكتفي بابتسامه ولاتجيبين سيره زوجك ابدن وحاولي بزوجك تنقلون من البيت مثل ماقالت الاخت احلاهم واتحداهم طريقتها حلوه وخصوصا انك خايفه على نفسك وان جارتك تحاول تفرق بينكم وخاينه زوجها وووو الله يبعد زوجك عن الحرام وعن هالجاره ويشغلها بنفسها ويخليكم لبعض وعليك بالدعاء وصلاة الليل |
اقتباس:
الطريقه الاولى مررررررره حلوه ... واصلا جات في باااالي بس المشكله اني ما ابغى اقولها بكلم زوجي من جوالك ..... عشان مايتخزن رقمه عندها وكمان هو بيسالني جوال مين ... اذا عرف انه جوالها يمكن يخزنه انا خاااايفه من هالشي ... انا بتصل من جوالها وامسحه ... بس وش يضمني ان زوجي مايحفظه ... وهو اصلا جواله مقفل برمز سري يعني حتى لو خزنه ما بدري عنه ..... والا الطريقه رووووووووووووعه ..... مره عجبتني .... هي عندها رقم ثاني ... قلت لها عطيني اياه قال لاااا خاص في زوجي ... وامس جات عندي .. قالت زوجي راااافض انه يكون عندي رقمين .... والله اني صرت اخااااااف منها ... ومن العابها ... الطريقه الثااانيه اني اتصل عليها واتصل عليه ....... باذن الله راااااااح اجربها مررره عجبتني ... ومنها اتاكد ... يمكن تصدق ... ويمكن تريحني من الاوهام باذن الله راح اقطعها .... لكن بالتدريج .... ابشوف الحين وش في راسها ... ووش الحل مع اهتمامها في زوووجي وسوالها عنه ... والبيت بحااااااااول بكل الطرق اني انقل ....... يااااااااااااااارب توفيقك |
حبيبتي في طريقه انتي ماتعرفينها .. اخوي سيف مو قصده تدقين على زوجك فعلا .. لا
انتي دقي على رقمه بس سكري قبل يقول طوط .. يعني بس اضغطي الزر الاخضر وسكري بسرعه وروحي للمكالمات الصادره تلقينه .. اذا كان مسجل باسم .. يعني محفوظ عندها واذا مو مسجل باسم يعني مو حافظته عندها ..مو لازم الرقم يدق على جوال زوجك ويشوفه .. بس اضغطي زر الاتصال ثم سكري بسرعه ..ولاتنسين اذا جوالها مطور امسحي السجل من عندها .. |
اقتباس:
باذن الله احاول احرص عليه قد ما اقدر ..... لكن انا هنا غررريبه ومالي احد .... يعني اذا طلع برى البيت ما ادري وش يسوي من المغرب لين 12 او 1 الليل .... يقولي انه بالاستراحه اكلمه لكن ماتتعدى المكالمه خمس دقايق .... وهو يجلس برى البيت بالساعات انا وااااااااثقه فيه ....... لكن ما اثق في الشيطان ... ولا اثق في بنااااات الحرام عسى الله يكفينا ويحفظ لي زوووجي .. وطفلي اللي جاي بالطريق... من كل مكروووووه |
اقتباس:
حتى انا عجبتني طرق الاخ وباذن الله راح اجرب الثانيه ........ والاولى كمان .... يمكن اخذ جواله على اني بتصل با امي واذق على رقمها ... لكن ما اخليه يطووول ...... بس اشوف هو مخزن باسم ... والا لااا بسسسس كييييف اتصرف اذا لقيت رقمها مخزن عنده :29::( قولي طريقتك ......يمكن ربي يهديه ويجلس معاي بالبيت |
اقتباس:
امين ياااااااارب الله يشغلها في نفسها ...... والله انها تررررفع ضغطي .. خلتني اهتز من دااااااخل ... ويلعب براسي الف شيطان بس داااايم استغفر ربي .. واقول ما ابغى اظلمها .. ولا ابغى اظلمه .. ابغى اتاكد .... والا وش معنى هي بالذاااااااااااات من بين الجيران مهتمممممممه في زوجي ... وهو كمان ... ليش يخليني اروح عند اي وحده ... الا هي دااااايم يمنعني منها ,,,, اكيد فيه سر واذا جات عندي ... يشتغل مثل الدوريه في البيت ... وش هذا اللي طايح .. جابت عيالها والا لااا ... زوجها موجود والا لاا ... وش اكلتو .. وش سولفتو .... اسئله اسئله ليييييين الليل والا غيرهاااا ... والله مافكر ولا فرقت معاه ... مايسالني ابدااااا .... باذن الله راح اجرب طررق الاخوات والاخوان ..... |
اقتباس:
اهااااا ....... فهمت عليك راح اسويها بس في جوال زوجي ..... لان جوالها صعب وما اعرف له ... وبعدين اخاف ارتبك وما امسحه والا تكشفني ... في جوال زوجي اظمن .... عشان اعرف لجواله .... استخدامه سهل .... بقوله ان ماعندي رصيد .. وابغى اتصل على امي والا وش رايك ؟؟؟؟؟ |
|
اقتباس:
أختي الكريمه... بما ان عندها جوال ثاني....انسي الطريقه الأولى....,ومسألة اخفائه عنك فيها شك أيضا...اقول انسي الطريقه الأولى لأن لو ماكان عندها الرقم راح يتخزن عندها ومسحه من السجل يتطلب مسح السجل كامل وغالباً يكون فيه رمز حمايه. لمسح السجل... ولو ماعرفتي تقفلي بسرعه راح يدق عند زوجك و يمكن يدق ويتعذر ان جاه اتصال من هالرقم ويمكن تبدئي شيء انتي بغنى عنه.... لذلك انسب طريقه في حالة وجود جوالين هي الإتصال بنفس التوقيت عندما تتيقني ان هناك امر يجري الآن.....في تلك اللحظه.... اتوقع اخبارها لكِ بأمر رفض زوجها لجوال ثاني ماهو الا خطوه استباقيه لإيهامك بان زوجها يعلم بوجود الجوال وهو لايعلم.... لايوجد مبرر لأي زوجه في وجود هاتف المنزل والجوال لوجود جوال ثاني الا ان كان جوال عمل....كدكتوره...مندوبة مبيعات...الخ... ولايوجد زوج يرضى بهذا الشيء على حد علمي الله يوفقك ويسدد خطاك ويريح بالك ومبروك مقدما قدوم طفلك أخوك / سيف |
حبيبتي يمكنك أن تخترعي قصة حتى تغيرين البيت مثلا تقولين أنك تخافين او أنك تحلمين أشياء تخيفك وأنك تسمعين أصواتا في البيت لعله ويخاف عليك ويغير السكن وكذلك تقولين له أنك خائفة على ابنك او بنتك من هذا البيت لعله يتأثر ويبحث عن سكن غيره . مارايكم أيها الاعضاء والعضوات الكرام ؟
|
| الساعة الآن 10:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©