|
خلاااااااااص قربت انجن
السلام عليكم جميعا
مدري بالضبط وش بقول بس خلص ابتكلم تعبت وابي احد يسمعني للاخر عندي اكثر من مشكله يمكن ثنتين بحااااول ألخصها لكم بس مااوعدكم اني ألخصها لاني بنفجر أولا معلومات عني .. انا متزوجه وعندي بنت ربي يحفظها وساكنه ببيت اهل زوجي وزوجي يشتغل بعيد ومايقدر ياخذني معه المنطقه هناك نائيه مافيها معيشه ولا قدر ينقل ... انا اشتغل ومضيعه وقتي بالدوام وبنتي ربي يحفظها نرجع كم سنه ورى ... بالتحديد عشر سنوات كنت توي متخرجه من ثانوي وهبله وحركات ان امي وابوي مايفهموني ومايحسون فيني ومن هالكلام البايخ المهم عرفت واحد وحبيته وحبني وكنا حتى بالحب هبلان يعني مافي خبث وقلة حيا بس تعلقت فيه حييييييييييل وهو حبني حييييييييييل دخنا الجامعه ومرت الايام وقال بس اخلص ابخطبك وصدقته لاني احبه موووت ورفضت اي واحد ييني ومن شدة حبي علمت امي ليه ارفض الخطاب وهاوشتني وضربتني بس بعدين قالت بس يتخرج يجي يخطبك واي شي يصير تعلميني وكلمت الولد وحلفته انه مايضرني وانه يكون جاد ومايلعب علي<< كانت نظريتها تسوين شي قدامي احسن من شي من وراي مرت الايام احلى من العسل كان يحبني مووووت وكنت مبسوطه حييييل ان في احد يهتم فيني وين رحتي شسويتي اليوم.. وش اكلتي.. وين بتروحين ..لا تتاخرين ..تغطي زين .. فطري كويس ..واي بنت تحب هالاهتمام في اخر سنه من الجامعه له امه قررت تخطب له بنت اختها ولما عيا اضطر انه يصارحها طبعا عصصصبت وهزأت اخر شي قالت يصير خير بس تتخرج انا تحمسست مره << كسرت خاطر روحي وجلست اتخيل واتحلم وكل شي عايلتنا وعايلتهم كانت نفس المستوى المادي بس الفرق بينا وبينهم ان احنا فينا عفويه وعالفطره يعني عادي مو شرط ناكل عطاولة الاكل والا نشتري ماركات والا نمشي واحنا مسمتين ظهورنا كن جاينا شد عادي اتربع واضحك واتمرجح وانطط واكل بيدي ماحب اتكلف والا اتصنع طبعا تسمت الظهر يعني برستيج واتيكيت ومدري وشو هم مره رحت لهم عرس بنت خاله عرفني عليها على بو اتقرب من اهله يمه وش هالعرس كني داخله حفله تنكريه .. حتى الضحكه ها ها ها يعني اني برستيج تعبت بذاك العرس وانا مسمته ظهري واضحك كني مسويه عملية شد بفمي المهم الولد تخرج وفاتح اهله وقالو يبيجون يزورونا وجاو وضيفناهم وامه كانت تخزززز الزبده ماعجبتها .... يمكن ضحكت وانا فاتحه فمي مدري او يمكن ماحطيت رجل على رجل البنت مزيونه وطيبه وكل شي بس مابيها بنت خالتك اولى بعد هالسالفه تحطمت وبعدت عنه خلص بعد مافي امل ... ظل يحاول ويحاول بس مهما كان عندي كرامه وامي قالت بعدي فخلاص قلت له يابن الناس ابعد والله يسعدك ويهنيك يدق يدق ماارد ... انهبل ... قام يرسل مسجاات يحلف اني له ومن هالكلام صحيح كنت اتعذب واحبه مووووت بس خلاص اصلا حتى لو اخذته بتعذب بحياتي مع امه فالأفضل ان كل واحد يروح بطريقه طبعا السالفه من بدايتها لهالنقطه 6 سنوات يعني عمر بس كل شي قسمه ونصيب وبيوم دق على امي يستسمح منها ان بكره ملكته على وحده من الناس طبعا امي قالت لي انا انهرت وخلص حسيت روحي بتطلع وظليت اسبوع حالتي حاله بعدها شوي شوي صرت احسن وقررت اني انساه نهائي وربي يوفقه ملك الرجال وهو بعده يدق ويرسل مايأس ( انتظريني وبرجع لك ومدري ايش ) انا ماحطيت بال مع ان جزأ مني للحين يبيه ومصدقه بعد خمس شهور تقريبا تقدم لي واحد زين وكل شي فيه زين امي اصرت اني اوافق وعلشان انسى وعلشان امشي بحياتي وعلشان ما ارجع للماضي وعلشان اصير ام وافقت وكانت اسوأ مرحله بحياتي اني اجلس مع خطيبي وانا بداخلي كلي متحطم اني اسولف معه وانا فكري مع احد ثاني اني امسك يده وانا العبره خانقتني جلسنا نخطط للزواج وانا اتذكر كيييييييييييييييييف كنا نجلس نخطط انا وحبيبي للزواج واللي بعد الزواج والعيال وكل شي درى هذاك اني انخطبت وانجن صار يلاحقني بكل مكان ورسايل ومكالمات ومدري ايش صار خبل خبببببببببببببل يبكي ونص الليل يرمي حصى عالنافذه والصباح ينتظر بالسياره عالباب خلاص انا تعبت نفسيتي كلمت بنت خاله ان خلااااااااص واللله يكفي انا بتزوج خلاص خل ينساني مو عدله بحقي وكذا طبعا في الرسايل كان يقول انه طلق خطيبته علشان ارجع له ولما كلمت بنت خاله اقول لها ماله دااااااااعي هالحركات وبنت الناس وشذنبها قالت بس هو تزوج !!!! .... حتى في هذي يكذب معقوله ؟ البنت مسكينه انحرجت وقالت بتكلم اخوانه لان هي تزوجت اخوه وفعلا اختفى فتررررررررره وانا تزوجت وخلاص بديت اتعود حياتي الجديده وخلص مرتاحه وكل شي اوكي ماافكر بالماضي كثير اقتنعت بنصيبي بس غيري مااقتنع ... حملت ببنتي وصرت اشوفه من جديد بس من بعيد يلاحقني ودموعه اربع اربع بس شسوي له خلص يعني كل واحد بطريق .... صار مكالمات ومسجات ورجعت حليمه لعادتها القديمه زهقننننننننننننني بعيشتي صار اذا جا زوجي يرسل ( جا سيد زمانه اكيد مبسوووطه معاه ) واذا دخلت الحمام ( طوللللتي بالحمام ) <<< طبعا من لمبة الحمام من برا يبين ... الحمد لله عالعقل واذا السواق ينتظرني برا ( وين بتروحين ؟ ) ( بتتاخرين ) الصباح ( ابشتري فطور شرايك اخذ عصير والا كافي ؟ ) لا واحيان يسولف مع روحه ( بروح البريد وما بتأخر ) <<< يعني انا سألتك وينك ؟ خلاااااااااااااااااص غيرت رقمي وبعدها ولدت طبعا اختفيت اجازة الولاده هو انجن علباله مت يمكن صار يدق على بيت اهلي ..... يدق يدق ويسولف مع اختي الصغيره وعرف اني ولدت ومدري كيف عرف رقمي الجديد وهات يارسايل افففففففف رديت عليه مره شتببببببببببببببي شتبي خلني بحالي .... يقول مقدر مقدر احبببببببببك افهمي طيب خلاااااااااص انا تزوجت وانت تزوجت يقول مااحبها مااحبها ابيك انتي ام لعيالي وقفلت بوجهه باشرت بعد الولاده وصار يلحقني ويصراخ مثل الخبل من نافذة السياره احببببببببببببببببببببببببببببك والله العظيم احببببببببببببببك ليه نسيتيني ؟؟ <<< شسوي فيه ابتلشت فضحني مع السواق قام يرسل ورد لمكان شغلي وهدايا قمت غيرت مكان الشغل ولانه الصباح يلحقني عرف وين اشتغل يغيب شهر شهر ونص ويرجع يرسل ويلاحق ويصيح ومدري شنو انا من تزوجت 3 سنوات ومن بداية حبنا 10 سنوات يعني خلاااااااااااااااااااااااااااااااااص الزبده ... هالاسبوع شكله ماخذ اجازه او شي زهقننننننننننننننننننني بعيشتي نسيت اقول لكم قبل سنه يمكن ارسل لي خلاص يعني ماتبيني ؟؟ مارديت .... يعني قلت اكيد بيفهم اني مابيه ...ارسل خلاص انا كنت انتظرك ترجعين لي مابي غيرك بس شكلك ماتبيني ماكنت ابي ام لعيالي غيرك <<< 4 سنوات من زواجه ماجاب عيال بعدها بكم شهر سمعت ان زوجته حملت قلت خلص عقل بيصير ابو وبينساني انزين هالاسبوع اقول لكم زهقققققققققققني اروح الدوام اشوفه هناك صار يسأل عني بالاسم مايستحي احرجنننننننننننننننننننننننننننني دقيت عليه خلااااااااااااص حرام عليك انت وش تبي بالضبط ؟؟ روح لزوجتك محتاجتك .... هي اولى مني على وجه ولاده يقول ولدت وجابت بنت سميتها على اسم امك <<< مبروك انشرها بالاخبار ؟ طيب وش تبي ؟؟؟ ليه تلاحقني ؟؟؟ خلاص انا احب زوجي .. يقول لا لا لاتقولين تحبينه انتي تحبيني انا ليه انتي مو لي ليييييييييييه يقوم يصارخ بانفعال (( والله احببببببببببببببببك شسوي مو بيدي والله حاولت انسسسسسسسسسسسسااك مقدر ) اقفل بوجهه يرسل كلميني انا انتظرك والا بسأل عنك ... يدور علي بالمكان اقوم اتخشش خلص زهققققققققققققت ادق عليه انت غبي ؟؟؟ شتبي ؟؟ ابيك انتي ... قلت بهدده ترى بعلم زوجتك قال علميها اصلا هي تدري عنك قلت لها بتزوج عليك خليها تولي ماهمتني قلت طيب ابجيه بالطيب انت ولد حلال ومعدنك طيب ماترضاها لي اتبهدل الف بنت تتمناك روح الله يهداك لزوجتك وبنتك يرد علي .... انا بعيشك احسن منه وبعزك و أدللك انتي لي انا بروحي مو لغيري جيته بطريقه استفزازيه .. شكلها زوجتك وع جيكره وغبيه اللي تلاحقني وتاركها قلت يمكن بيغار عليها ويعصب ويكرهنني يرد اي غبيه ومااحبها وبطلقها وانتي اللي بتاخذذين المكان اعتبريني خدام لك او ماعندي كرامه او لزقه او اللي تبين بس مابتخلى عنك احتتتتتتتتتتتتتتتتتتتتتتتتتتترت شسووووووووووووووووووووووووووووووووووووووووووووووي والله العظيييييييييييييييييييييييييييييييييييييييم مااااااااحبه ولا ابيه خلاص اللي بينا انتهى كيف اعلمه هالشي اليوم ماقدرت اداوم ... والله العظيم كل يوم على اعصابي طلعت من البيت بروح دوامي شفته هناك ينتظر دخلت دخل وراي ويوم ضيعته رديت طلعت مره ثانيه قمت اصيح بشكل هستيري رحت المستشفى ضغطي 160 على 110 قلت للدكتور كل السالفه مسكين دكتور مصري يقول آه ايوه آه اها مايعرف حتى يواسي فكرت اني اقول له بشوفك واقتله مادري وش اسوي والله العظيم طفششششششششششت بنجن خلااااااااااااااااااااااص ماتعب ليه مايتعب انا ابغى اعيش حياتي اقول له ماااااااااااااحبك افهم يقول انتي تحبيني بس تكابرين مشكلته انه يظن اني للحين احبه واني اكابر مره قلت لامي شكت فيني اني للحين اكلمه تقول مو معقول ماتعب الا انك تكلمينه وعطتني كلمتين بالصميم حرمت اقول لها قلت بشتكي عند الشرطه بس مدري اخاف فيها سين وجيم قلت بقول للهيئه بس طالعين لنا بسالفة ولي الامر لازم يجي طبعا مقدر اقول لزوجي ولا اني انقل معه قلت له ابنقل معك قال مايصلح لاتحاولين وين اروووووووووح ويييييييييييين شسوي بعمري ؟؟ في نقطه بضيفها .. يرسل احبك وابيك وهالخرابيط ولما مثلا ارد واهزأه يقول لي انتي بس قولي لي ماتبيني وانا بروح اقول ايه مااااااااااااابيك يقول اكيد ؟؟؟ اقول ايه اكيييييييييد مابيك يقول خلص الله يوفقك اقول ببالي اخيرا يمكن ربي هداه بس خمس دقايق الا يرسل بس انتي قلتي لي مابتتركيني وانتي كنتي تحبيني يووووووووووووووووووووه يووووه فهمه ثقييييييييل يمكن عشر مرات هالحركه ... خلص بروح وربي يوفقك وبعدها يرجع ادري طولت حييييييييل بس ماعندي احد اشكي له كانت عندي مشكله ثانيه بس تعبت بكتبها بعدين |
اعظم الناس ذلا من تعلق بغير الله " لا تجعل مع الله إلها ءاخر فتقعد مذموما مخذولا " الإسراء آيه 22 اتصلي على الهيئة على طول وقوليلهم انا عندي مشكلة قبل لا اقلكم عليها اوعدوني ما تطلبون ولي أمري ؟ 100% هيساعدوكي على طول ويخلصوكي من الانسان المريض هذا زوجك لو عرف ممكن ينخرب بيتك ومستقبل توكلي على الله على طول |
اقتباس:
انا ابغى اسأل سؤال واحد بس زوجك وينه من كل هالكلام؟؟؟؟ |
اخبري زوجك بلسالفه
لان هلرجال احس ان شافك متجاهله له بيرجع ع زوجك ويقول ويقول ويوريه المكالمات والمسجات او اي شيء قدييييييييييم وساعتها ابكي دمممممممم ع الغباء ولا تلومي الا نفسك اما هو مايخاف من الله. |
ابنتي الكريمة
تخيليه وحده تفعل مع زوجك مثل ما يفعل معك وزوجك يرد عليها ولو بالرفض والاحتقار وقبل هذا اتقي الله في نفسك وفي زوجك فأنتي تقرئين الرسائل وتتابعين. وتعاملي مع الموضوع بجد أخبري أخاك بما يفعل واتركي الباقي له . ولي عوده |
كان الله في عونك اختي وابعد عنك شر هذا الانسان
لمذا لا تخبري ولدك او خاك او اي احد من محارمك وهو باذن الله يتصرف معه لان الامر يمكن ان يتطور لابعد ماتتصورين ويمكن ان يخبر شخص ما زوجك ويقول له زوجتك يلاحقه فلان ويمكن يزيد شيئ من عنده لا تتركي الامر ياخذ مجرى اخر واحسن شيئ ابتري الداء قبل ان ينتشر . |
أختي أول شي الله يحفضلك بيتك من الرجال هذا ثاني شي بداية علاقتك به كانت غلط و اللي يصير لك الحين إعتبريه عقاب لكم لا هو اتمتع بزواجه ولا عاش براحة البال ولا إنتي قادره ترتاح بحياتك و تتمتعي بزواجك و بعدين الرجال هذا ما عنده شغل ما عنده أشغال ثانية غير إنه يلاحقك كل يوم؟ معقوله فاضي للدرجه هذه، هذه ماهي تصرفات شخص طبيعي حتى لو كان عاشق أعوذ بالله منه، لا تسكتي عنه، بلغي أحد من اخوانك أو حتى الهيئه و مو شرط ولي أمر يعني إنتي لك 3 سنوات بالشكل هذا؟؟ كان مفروض فهمتي إنه الأشكال هذه ما ينفع معاهم غير رجال مثلهم يأدبهم لا تردي عليه أبداً أبداً أبداً، لو ايش ما قال و هدد ما خفتي إنه يكلم زوجك و يوريه رسايلك له؟ لأنه شخص مثل هذا مجنون وبايع كل شي و ينخاف منه ما همه أحد و ما يستحي يسأل عنك في مكان شغلك و يتصل على أهلك؟؟؟؟ ما هو خايف على سمعته ولا خايف على سمعت زوجته و ما راعى الله فيها و إللي يقولوا قولي لزوجك،، إذا قالت لزوجها حياتها راح تنتهي يا بالطلاق وفضايح أو بالشك و أسوأ فنصيحتي لك 1- لا تردي عليه لو ايش ما صار 2- بلغي الهيئه أو امثالها 3- بلغي أحد عاقل من الرجال من أهلك، واحد حكيم و ثقه مش متهور 4- غيري أرقامك و لا تردي على أي رقم غريب 5- ارجعي و كلمي زوجك على نقلك عنده و شددي عليه الله يحميك منه و يهديكي و يهدينا أجمعين |
أختي الكريمة/ حرام عليك
•لن أخوض في تفاصيل قصتك من أولها لأني أرى أن الحديث بها لن يفيدنا. •أنا لا أدري لماذا حتى الآن لم تخبري زوجك أو أخاك بحقيقة ما يجري! •لا أدري كذلك لماذا ردة فعلك لم تتجاوز ما ذكرته هنا! •لا أريد أن أبالغ في طنوني لكني أتساءل هل أنت تشعرين بنوع من المتعة الداخلية لهذا الفيلم التراجيدي الذي يقوم بأدائه ذلك الرجل، أو أنك تستمتعين بالذل الذي يعيشه هذا الرجل، أو ماذا؟! •لو كان زوجك هو من يتعرض لهذا الإزعاج والقلق...كيف ستتصرفين حينما يصلك الخبر؟ كيف ستعالجين الأمر؟ •هددي هذا الذي يطاردك بإخبار زوجك‘ فإن لم يرتدع حقيقة بتهديدك فأخبري أحد إخوانك العقلاء+غيري رقم الهاتف+غيري أي شيء يستطيع الوصول له. |
الحلول
1 تخبري زوجك 2 تخبري الشرطة 3 تخبري أهلك أخاك أباك ابن خالتك أو عمتك ، يضربوه ضربا مبرحا حتى يبتعد إياك و أن يفسد لك بيتك فهذا الجبان يقوده الشيطان فاحذري أن يقودك الشيطان حاولي التخلص من كل وسيلة يتصل بها عليك |
وااااااااااااااي الله يعينج
انا بس بالقراءة تعبت ونهد حيلي نصيحتي يا اما تخبرين اخوج او اي احد حكيم بالعائلة او انج تبلغين الهيئة الله يعينج ويوقفج |
بغض النظر عن الحلول :
نقطة مهمة لكِ ولكل من يعاكسها رجل ((( لا تردين عليه حتى ولو بسبه فإن ذلك يمتعه ويتأمل أكثر!!! ))) |
الله يحفظك ويقيك شره
|
كلمي الهيئه
وبعدين ليش تردين عليه وتاخذين وتعطين معه شايفك ساااااكته يحسبك رااااضيه غيري رقم جواللك وعندي احساس انه يبي يغويك ويوصل للي يبيه ثم يرميك خافي على نفسك وسمعتك وسمعة زوجك |
مع احترامي لك بس انتي عطيتية وجه بردك عليييه..
ولو انك سفهتية من البداية صدقيني ما استمر في ازعاااجك.. ومثل ما قالو الاخوان والاخوات اتصلي بالهيئة او خبري احد من اهلك.. |
الشيء الذي أخشاه عليك وعليه ..
( أن يغويه الشيطان فـ يعتدي عليك ثم بعدها ينساكِ إلى الأبد ) وحينها لاينفع الندم !! أختي أنا لا أسيء الظن به ربما يكون مريض نفسي أو ربما فعلاً يحبك ولكن الشيطان موجود واحذري من العواقب الوخيمة !! ستر الله علينا وعليك في الدنيا والآخرة ~ |
راجعه لكم
بس اللي قال اني مستمتعه هذا مابعلق عليه |
افففففف ياكررررههههه
اخبري زوجك ان فيه واحد يلاحقك ... ولاتخافين حتى لو قال انا اعرفها..دام مافيه اثبات معه...اخبري زوجك اوغيري رقمك ليش ماغيرتي رقم الجوال...وهو اساسا شو عرفه في بيت اهل زوجك وانك ساكنه عندهم.. وانتبهي حصني نفسك واقري سورة البقره...اخاف يحط لك شي عند الباب سحر ولا شي اذكر قصه هنا كتبها واحد بكل ثقه كان يحب وحده وسحرها عشان يجيبها.... |
مرحبا فيك اختي
اعانك الله على هذا المعتوه الذي للأسف تعلق قلبه بغير الله ,, مسألة أنك تعلمين زوجك بوجهة نظري ابعديها من بالك فأعتقد أن الأخ او الأب أو الألتجاء إلى مركز الهيئه هو الحل المناسب فيه واحد أسمع عنه أسمه الشيخ المقبل لكن الأسم كامل سأبحث عنه واعرضها هنا ,ابلغيه بالموضوع وبذلك تكوني قد انهيتي الموضوع بنسبة كبيره أن شاءالله . ومايفعلونه الهيئه كألأتي : سيأتون بالرجل وأخذ جواله ومسح جميع الرسائل الموجوده لآنه عندما يفكر بالأنتقام والذهاب بالرسائل إلى زوجك فلا يستطيع لأنها محذوفه , و أخذ عليه تعهد بعدم تكرار هذا و أن تكرر يرفع الموضوع لجهات علياء من غير مايكون لي أي علاقة وبكذا ستكون حياتك خاله من هذا المتهور المعتوه , الذي سيدمر حياتك بعدما دمر حياته وحياة زوجته للأسف التي ليس لها أي ذنب في ذالك ,, |
وعليكم السلام اختي
بصراحه الله يعينج على واحد ماعنده ضمير والي قاعد يسويه مو حب هذا اسمه مرض نفسي ومن راي انج تخبرين احد اخوانج اذا تحسينه يقدر يحل الموضوع بدون فضايح واذا وصل زوجك الخبر مثلا ان اخوك ضرب واحد تقولين لان اذاني ويحاول يغازلني واخوي وقفه عند حده بس زوجك يعرف الموضوع صدقيني مشكلة جدا كبيرة الله يريح بالج |
هلا وغلا
شكرا لكل اللي رد اولا .. انا مقدر اقول لزوجي مستحيل اقول له ليه اخرب كل شي بيدي علشان تافه زي ذا ثانيا انا ماعندي اخوان كبار اكبرهم عمره 16 يعني مراهق مابي ادخله عمامي كبار بالعمر وبعاد مو نفس المدينه اللي احنا فيها معاهم واهلي مو متواصلين معاهم مره يعني بالمناسبات وحتى لو وش اقول لخوالي والا عمامي ؟؟؟ احسها صعبه والمنطقه اللي فيها زوجي رحت لها مره ... صحيح نائيه ناااااائيه يسمون الورشه عياده وعامل الورشه طبيب السيارات مافيها مطاعم ولا محلات واكثرهم اجانب او من السكان الاصليين اللي ماتفهم لهم ولا لكلامهم يعني حتى زوجي توهق على ما حصل له شقه مع 7 شباب في قحط شقق مافي حتى مدارس الا من صفايح قسم بالله ما ابالغ وربي مو عيشه هناك وعلى كذا قلت له عادي دور لنا شقه وبنقل ..... والله جلس يدور بالبدايه طبعا مافي بعدين مارضى قال حتى لو لقيت مايصلح للعيشه هنا يعني هي زي الهجره او القريه مو مدينه واللي قال غيري رقم الجوال والله العظيم غيرته بس قلت لكم هو حقير يدق على البيت يمكن استدرج الشغاله او اختي البزر واللي قال كيف عرف مكان بيت اهل زوجك... انا قلت انا يلحقني يعني بديهي لحقني من الدوام للبيت واللي قال وين زوجك من السالفه كلها ... زوجي مايجي الا اربعا خميس وجمعه.. ويكند بس ويجي تعبان وهلكان ومو شرط اذا كان موجود انه يلاحقني كل مره سبق وقلت هو يختفي شهر شهرين لاحس ولاخبر وفجأه كنه يتذكرني ويطلع والاخ اللي قال مستمتعه .... يعني بالله عليك اذا اني مبسوطه ليه بجي هنا والا ليه بعور راسي والا ليه بيرتفع ضغطي انا صرت ماانام والله يوم رحت المستشفى عطاني الدكتور حبوب يقول تخليك تنامين وماتفكرين صرت اهوجس والله العظيم صرت اخاف حتى من باب الشارع ... بالليل انام على اعصابي وربي كواااااااااااااابيس تجيني احيان قسم بالله قبل انام اتأكد اذا النوافذ مقفله عدل واناظر تحت الاسره وبالدواليب ورب البيت هو مجنون وبيجنني معه ليه ارد ؟؟ انا ما ارد الا اذا طفحت فيني خلاااااااااااااص يمسكني من اليد اللي تعورني ردي والا بدق الجرس ومااصدقه شوي الا يدق الجرس او يدق على بيت اهلي اذا كنت هناك واذا رفعته يقول ردي على جوالك الحين شسوي والله اضطر ارد وبعدين على فكره ترى خلال هال 3 سنوات يمكن مارديت الا 4 أو 5 مرات طيب الهيئه .. انا وش قلت يعني شدعوه مادقيت قالو لي جيبي ولي امرك ومانرضى بشكوى شفهي وقسم بالله هذا اللي صار تعالي للمركز ومعك ولي امرك وكتبي كل شي .... وبعدين كيف من شنو خايفه يعني كانت في مسجات ورسايل مكتوبه بيدي علبالي ايام روميو وجولييت ومره قسم بالله دقيت عالشرطه وهو عند الباب ينتظر وبعدها راح ... الشرطي بااااارد يسألني للحين موجود ؟ قلت لا راح بس هو دايم يضايقني ويكون موجود رد علي وخويه يناديه عالعشا بسسسسسرعه تعااااااااااال تعششششى <<< حسيت نفسي داقه بالغلط قال ... اذا جا مره ثانيه يصير خير احس ماسوو لي شي وفي شي انا خايفه منه انا اخاف مثلا حتى لو سوو شي والا الهيئه اخاف ينتقم بعد كذا والا انتم وش رايكم ؟؟ تتوقعون بينتقم مني ومن بنتي ؟ يمكن البعض منكم قال مشكله تافهه والا مو معقول والا شدعوه بس ورب البيت اني ابي اخلص من هالسالفه خلااااااااااااااااص ابي يكون همي بيتي وبنتي وبس ابي انام مرتااااااااااااااااحه واللي قال عقاب .. ترى مو انت والا انتي اللي تفتين وتحددين اذا عقاب والا لا ولا انتي اللي بتسامحيني والا انتظر منك مغفره عندي رب يسامح ويغفر وباب التوبه مفتوح اجل يوم اليهود يتطاولون على النبي (ص) ويرمون عليه القاذورات بأبي هو وأمي... كان عقاب بعد ؟ والا اذا طحتي بمشكله يوم من الايام بيكون عقاب بعد ؟؟ اتمنى انك تتذكرين كلامي اذا جاتك شده بيوم من الايام ... |
من اهم بنود الهيئه هو " الستر " !
فكيف يطالبون بولي امرك ؟ , هذا ينافي " الستر " ؟! , تأكدي يا أخيةِ |
طيب ادق على هيئه ثانيه غير اللي بمنطقتنا ؟
لان والله وربي شاهد هذا اللي قالوه تتوقعون ينفع ؟ طيب مابينتقم بعد كذا ؟ |
الله يكون بعونك ..
المشكله انك قفلتي كل الابواب بوجيهنا ... اخوانك صغار ... مع ان 16 سنه مو صغير .. وزوجك مو راضيه تعلمينه .. بنظري الزوج العاقل .. لا يحاسب الزوجه على امر ماقبل العقد .. شئ ماضي .. شخص كان بيتقدم وربي ماكتب نصيب .. ومبتليك ومطفشك .. فكري توصلين الموضوع لزوجك بس طريقه سلسه .. ويد ماسرقت ماتخاف القطع .. وانت ِ ادرى بزوجك منا ... واذا مو زوجك لاززززززززززم تختارين احد يوقفه عند حده ومسجات لاتردين لو يموووووت ...وادعي ربك اولا واخيرا ان يبعده عنك وانا اتفق مع الاخ الجانب .. الهيئه ماتطلب ولي امر .. ياما حلت مشاكل بنات بالستر .. اكتبي الحلول بترتيب في ورقه .. وبدئي بالهيئه اولا ... |
الهيئه سيتكفلون بكل شئ , وفي غاية السريه والهدوء
ام عن انتقامه فهم يوقعونه على اوراق , بأن لايتعرض لك ابداً , انظري لحالك الآن ! , سئ جداً توتر وقلق وضغط وأرق وكله بسبب ذاك التافه , ! واذا حصل وهدد بالأنتقام , فأعلمي الهيئه مره أخرى , وكذلك زوجكِ وأهلك .. فوضي امرك لله , واسألي الله ان يصرفه عنك ويحفظ لك بنتك .. نسأل الله ان يصرفهُ عنكِ ويحفظ لكِ بنتكِ |
الله يكون في عووونك جربتي موقع الهيئة كما سمعت يستقبلون الشكاوي من هذا الموقع وبسريه تامه؟ |
|
عزيزتي.. كلمي بنت خاله وفهميها كل الي صاير.. وخليها تكلم أخوه الي هوا زوجها.. ويحط حد للموضووووووووووع.. وإذا اضطر الموضوع كلمي أمه.. إذا كل الحلول صعبة.. خذي أسهل الصعب.. هذا الرجل لازم يراجع طبيب نفسي.. عايش دراما خيالية.. كله لانك ممنوعه عنه.. ولو زوجته كانت انتي كان سوا نفس الشي.. الله يعينك ويستر عليكي.. ويعين زوجته المسكينة.. |
لاتعلمين زوجــــــــــك نصيحه
والهيئه صدقيني تستر ع هالشي جربي الموقع اللي يقولونه تبع الهيئه الله يشغله بنفسسه وادعي كثير حبيبتي بس لاتخبرين زوجك ابد الله يسهل امرك يآرب |
والله ريحتوني كثير بوقوفكم معاي
انا استخرت بين اني اكلم الهيئه والا امه بس ارتحت للهيئه اكثر امه اكيد بتتعاطف معاه وتوقف بصفه ويمكن تتهمني انا اللي ألاحقه<<< روميو زمانه سبق وقلت له مره انت مريض نفسي ماتحس باللي تسويه تعالج ولاتبلشنا بـ هوسك اييييه صدق لا قالو من يبينا عيت النفس تبغيه ومن نبيه عيا البخت لا يجيبه واللي قاهرني اكثر انه يدري اني ادعي عليه اقول له ترى عندك خوووووات والله من دعاويي ترى ربي بيبليك بأهلك و فعلا اللهم سترك خواته اللي تطلقت وهامت هي وعيالها واللي فكت خطوبه واللي زوجها جاه سرطان استغفر الله يارب غير كذا جاته بنت .... كنت اقول قبل يعني ربي يعطيك بنت وتشوف البهدله بعينها مثل مابهدلتني بس الحين رحمتها مالها ذنب الذنب ذنب ابوها المهوس عديم الاحساس اشكر وقفتكم معاي وان شالله اجي وابشركم |
عليك بالدعااااء لرب العالمين أنه يفكك من هالبلوه هذا مريض نفسي وممكن يسوي أي شي أنتبهي لنفسك ولبنتك زييييييييين
وتحصني بالأذكار يوميا بذات كل ماتخرجي من بيتك وأستودعي الله بنتك ونفسك والله يحفظك من كل شر |
مادري وين حل موضوعك بما ان ماعندك اخوان كبار وخوال وعمام بعيد وطبعا زوجك لويدري ممكن تجي تبعات سلبيه لوعرف حكايته حتى لو اتصف بالحكمه راح يكون في صراع داخلي بس لو امك وابوك يعلموه بطريقه مجمله للموضوع دون اسهاب فالتفاصيل كانه كان عينه عليك قبل وجا يخطب وكنا موافقين بس حصل خلاف بين امك وامه وماسار نصيب والحين ينط عليك بين فتره وفتره ويضايقك بالكلام واذا فهم الموضوع بهالطريقه اكيد بيحل الوضع وياخذك معاه او ينقل ويقعد عندكم ويرعاكم بعد الله احس مافيه ظهر قوي تستندين عليه غيره الله يخليكم لبعض ويكفيك شر هالمريض ياااااااارب |
والله بلشه هذا الرجال الله يعينك عليه
اقولك تقولي لمين قولي لربك ايه في آخر الليل انه ينجيك ويسترعليك ويهديه ويصرفه عنك وبإذن الله تنحل |
ادعي ربج بكل وقت وكرري حسبي الله ونعم الوكيل واللهم اكفنيهم بما شئت
صدقيني مع الدعاء راح يروح راحت روح العدو حدي مقهورة منه |
لا لا موصاحيين قال ايش اخبري زوجك اسمعي حبيبتي تبغين والعياذ بالله الطلاق قولي لزوجك والله ماغيرتفتحين على نفسك ابواب من الشك لاتسد ويدخل بذلك وساوس الشيطان ومكره انامعاك لو اخبرتي الشرطه اخوانك زوجك ايش هذي النصيحه ال المعذره بس فين الحكمه بذلكك لو شاب انتي ماعرفتيه لسه جديد اوكي بس عرفتيه ويعرف خبايا عائلتك كلهم يعني مو منطق بعض الأشوار تودي بداهيه وأشوف الكل موافق بكذا
|
بإختصار شديد لاتتجاوبين معاه
لاجوال ولا رسايل ولاغيره اعطيه طناش هذا عاجبه ثقلك لااكثر ولااقل وان اعطيتيه ريق حلو ورجعتي زي ايام قبل بيسحب عليك الي يحب مايتزوج قبلك والحين عنده من زوجته اسم لا وبعد زوجته تدري انه يحبك خخخخخخ وربي كذاب هالمخلوق مافي احد يتجرء يقول لزوجته كذا وخصوصا هذا عنده من زوجته بنت انتي متزوجه وعندك بنت الله يحفظها وغيري رقمك ووصي اهلك مايعطوه لأحد نهائي وإلي يقولك علمي زوجك ومدري ايش انا ماانصحك احس فيها طلاق هذي ؟ وكلمي الهيئه يمكن يقدرو يساعدوك من دون شوشره |
دام زوجك شكله بيسؤي مشااكل يعني مو من النوع اللي يحل الامور
فكلمي ابوووووك .يوقفه عند حده سوى كان ابوك قريب او بعيييييييد او الهيئه الهيئه الهيئه وعادي خذي ابوك معك ان كان هذا شرط ... مافي احن من الاب ع بنته . |
أكون صريح معك! فيه حلقه مفقوده وشيء انتي ماقلتي لنا عليه وأنا متأكد من هالشيء 100% لايمكن بأي حال من الأحوال تعيشيء تحت ضغط نفسي/ذهني رهيب ومستمر كل هالمده وانتي امامك الحلول.... ممكن أسألك بعض الأسئله وتجاوبي بعد ذانك... 1- مدام ان اهلك واهله باعترافك ان (ابوك) يدري... وانتم شبه مخطوبين لبعض و يعرفون باللي بينكم...ليش ماقلتي لأبوك؟!؟ ان هالإنسان يطاردك بعد زواجك بسبب اللي كان بينكم؟ يقدر ابوك يوقفه عند حده ويكلم أهله بعد...!! لكن سكوتك كل هالمده تحت وطأة هالضغط النفسي الرهيب والجرأه منه ولم تُحركي ساكن ابداَ....غير انك تخاطبينه وتقولين له خلني بحالي يدعوا للريبه -هناك حلقه مفقوده-!! انسان متزوج ويجلس ينتظر عند بيوت الناس وبالشوارع يتابعك ويشوف لمبات بيتك اي وحده تشتغل وتطفى...بالله هذا ينفع معه كلمة "خلني بحالي"!! مافكرتي ان اخوان او اهل زوجك يشكوا فيك! لاتستغربي من سؤالي اسمحيلي! انتي قلتي يسوي حركات قدام السواق تتوقعين ان السواق مايتكلم! انتي للأسف يا انك مو مهتمه او مو مدركه للوضع...سمعتك يابنت الناس في خطر! تتبع لك ببيت اهلك وبيت اهل زوجك وحتى بمكان عملك يسأل عنك بالإسم! تتوقعين كل هالشيء مايضر بسمعتك! لا وساكته بعد! أنا اللي بنجن من برودك هي مسألة وقت وينكشف كل شيء...هذا انسان متهور....لازم يوضع عند حده عن طريق والدك واهله! وزوجك اذا بتفتحي على نفسك باب من جهنم قوليله! واستغرب الي ينصحك بهالشيء! مازلت مستغرب عدم اخبارك لوالدك ووالدتك واهله!! اكرر فيه لغز وحلقه مفقوده تمنعك من اخبار أهلك وأهله!!!! ولا هذي من البديهيات ولايبيلها مشوره! مدام الي بينكم كان قدام الكل... |
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©