|
سؤال : وش نظرتكم يابنات اذا جاكم خاطب ( ملتزم ) الموضوع مهم
السلام عليكم اتمنى الاجابه والتفاعل في الموضوع وخصوصاً الي مجربينبصراحه الاجابه على هذا السؤال مهمه جداّ اذا انخطبتي من واحد ملتزم ملتحي وش ردت فعلكم وش الي تنتظرونه منه وهل شعر الذقن يسبب مشكله للمراه ؟ وهل يرد العريس بسبب هذا الشي تحياتي لكم :d |
بالعكس الرجل الملتزم ترتاحين من ناحية الدين ما تشيلين هم هذي النقطة " مغازل وحركات شباب "
لكن عليكم السؤال عن الأخلاق والجمال أنتي وعينك هي الي بتشوفه في ناس اللحية تكون حلوه ومرتبه وتعطي جمال |
الشخص الملتزم احسن شخص بنظري واكيد اوافق عليه وبدون تردد
قال الرسول صلى الله عليه وسلم ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ) . اما بالنسبه لشعر الذقن مااشوف فيها شي واحس هي الي تجمل الشخص وبسراحه يعجبني الشخص الي منبت لحيته ماشاء الله عليه . طيب سؤالك غريب جدا ( هل يرد العريس اذا كان ملتزم ؟ ليش يرد وهو انسان متدين يخاف ربه محافظ على دينه ماعنده حركات الطيش الي نسمعها يعني نوافق على غيره ونرفض هذا الشخص, اكيد جوابي بيكون ( لايرد العريس اذا كان ملتزم ومنبت اللحيه ) بالتوفيق |
اقتباس:
و لو شعر الذقن فيه نوع من التشويه للشخص او سبب لنفور الناس لما خلق الله رجلا ملتحيا |
دائماً ماتدعي الفتاة وتقول
يارب أرزقني الزوج الصالح فمن ياترى سيكون الزوج الصالح إن لم يكن الملتزم بشرع الله ظاهراً وباطناً وسلوكاً وتعاملاً أعانك الله |
أعان الله أنت أخ الرسمي على نفسك
ونظرتك التي ترى بها الناس فالتعميم من طبعك على مايبدو ...انتبه لذلك فقد تؤذي من تعتقد أنك نصحتهم... ويكونو جدا شكورين ان احتفظت بردك لنفسك |
شوفي يا اختي انا ضد ربط الاخلاق والدين بمظهر معين اوكي الرجال شكلو ملتزم، كويس ما قلنا شي بس لا تعتمدوا على دا الشي كتير، ولاتحطو لمظهرو اي اعتبار وانتو بتسألوا عنو اسألو عنو، وفصفصوه، زيو زي غيرو اما هرجة اللحية وانها تسبب مشكله يعني لو سألتو عن الرجال وعرفتو عنو حاجات كلها كويسة وطلع تمااام وارتحتي انتي واهلك ليه تروحي تقولي مو موافقه عشان عندو لحية :) اتوقع أهلك حيهروكي بوس وقتها :d لا تركزي على المظهر، لان المهم دين الرجال واخلاقو وعقلو (طريقة تفكيرو). عارفه انا احس المظهر زي الإطار للصوره، طالما الصورة روعه، الإطار ما يهم ابدا. ربي يوفقك. |
الله المستعان على مانشاهد للأسف
والله فيه شباب بظاهر متدين وفي السر غير كذلك نحن ماندري بواطن الأمور الله العالم بها .. والله فيه شخص بشكل متدين ويعمل عمايل يندى لها الجبين وفيه أشخاص مايبان عليه الألتزام ولكن بقلبه الخير وتعامله الطيب مع زوجته والأخرين , |
أعان الله أنت أخ الرسمي على نفسك
ونظرتك التي ترى بها الناس فالتعميم من طبعك على مايبدو ...انتبه لذلك فقد تؤذي من تعتقد أنك نصحتهم... ويكونو جدا شكورين ان احتفظت بردك لنفسك ماااااشوف اخونا في الله الوسمي قال شئ غلط ليش الهجووم عليه؟؟؟؟؟ اذكري الله ياحرمه |
السلام عليكم
وانا اقول لكى انه غالبا الرجل الملتحى هو من يريد التشبه بالرسول صلى الله عليه وسلم...وانا ومعظم صديقاتى لا نفضل الا الملتزم وعنده ذقن لاننا نريد الزوج الذى يحاول ان يطبق سنه رسولنا صلى الله عليه وسلم...ولكن يجب الاستخاره والدعاء لان لايعلم الباطن الا الله...الله يوفقق فى اختيار الزوج الصالح.... ارجوكم ان تدعو لى بان يوفقنى مع خطيبى ويرزقه من حيث لا يحتسب.... |
بلعكس صاحب الدين (((طبعا السؤال عنه يثبت ذلك هل صفه وطبع التدين فيه ام ظاهريا فقط !)
وانا متزوجه من رجل ملتزم ووافقت عليه والحمد لله مرتاااااااااحه والله يديمها يارب ولكن لااخفيك وجدت انظار لي بفترة ملكتي وبعدها باايام تسمع اللي تقول يوووووووووو ملتزم ! قلت الحمدلله وافقت لدينه ومظهره الحلو وعقله الرزين (((خخخخ وحده تبي تقهر !) تبيني اخذ من الشباب اللي شيشه دخان معاكسه بلوتوث بلاسواق..الحمد لله خليني اعيش براحه ويعينني ع ديني واعينه ونعيش بحب وراحة بال . من بعدها الى يومي هذا ماتتجرء تتقرب مني . وناس اسلوبهم حلو من صديقاتي ماتخافين انه متشدد ..فاارد عليهم وناس تبحث بعد زواااااجي من زوجي بفتره قصيره كيف هو ووووالخ ..؟ فاارد مثل اي شخص عادي يعني ولا تبيني اوصف لك .؟! فتلتزم الصمت . لكن لااخفيك في ناس منفتحه من البنات الله يهديهم من اغاني وووووالخ ولكن لااقول الكل ولكن الاغلبيه كذا ترفض الملتزم سوى لااخذ الحريه المطلقه او ترفضه لكي تتحشى نظرات صديقاتها لها وانتقادهم انتي منفتحه تااخذين ملتزم وش ذا ! وهذا ماوجدته بفترة دراستي وجماعتي بوجهه عام .. ولكن الحقيقه للرجل الملتزم دينا وليس شكلا اجد انه شخص مثل اي شخص لا متشدد ولا منفك ويحافظ ع دينه وصلاته ويهتم بدينه وحتى اثر الدين تجده في تعامله مع الناس واهله والاطفال حتى . |
بالعكس أختي
الفتاة تتمنى الملتزم وافقي ولاتتردي أرجووووووووووووووووك لاترفضي وافقي والله يسعدك يارب إنا نتمنى الملتزم |
سؤالك غريب اختي
الناس تتمنى الشخص الملتزم بس للاسف في ناس شوهو سمعت الملتزمين . انتي استخيري و الله يكتب لك الخير أن شاء الله |
أنا اتمنى ملتزم بصلآتة وامور دينه وبر والديه .. واطلآق اللحيه من الشكليات فقط والباطن الله يعلم فيه..
يا كم ملتحــــــــي وأخلآقة مع اهل بيته اسوء من السووووووووووء .. وفي حياته العاامه يضرب به المثل في الاخلاق والشهاامه .. الله يكتب لنا ولكم الخير |
اقتباس:
لم يخطأ الاخ رسمي في كلامه اختي سامحيني ولكن ردك فعلا فجأني الاخ رسمي معه حق ما المقصود بالزوج الصالح؟؟؟؟؟؟؟ يعني هل رجل بعيد عن تعاليم دين الله يكون زوجا صالحا !!!!!!!!! ولصاحبة المشكلة اقووول اتوكلي على الله ما في اروع من حياة مع شخص يتقى الله |
اللحية ليست مشكلة بحد ذاتها ..المتدين هو قد يكون مشكله بعضهم اساءوا للتدين بتصرفاتهم وبعضهم مجرد تدين شكلي وبعضهم متشددين جدا بطريقة اساءت للدين ..القوى في القلب وليست في الظاهر شخصيا لن ولم اتزوج ملتحي اطلاقا..
|
الملتزم ياخد ملتزمه
ما يصلح ملتزم ياخذ وحده عادديه لانه حيصير تضارب بينهم بحسن نيه يعني الشيء اللي تشوفه هي (عادي) هو ممكن يشوفه (خطا) مره على مره حيصير فيه مشاحنات ومشاكل .. |
اقتباس:
انا معا هذا الرد أهم شي نقاء البواطن وليس لنا إلا الظواهر والله المستعان فالخلق والدين مكملة لبعضها وطريقة التفكير مهمه جدا _فبعض الناس يهاوش ذبان انفه من سوء تفكيره سواء متدين في المظهر اولا موفق |
اقتباس:
غريب سؤالك!! مابها اللحية ؟! ألم يكن سيد الخلق بأبي هو وأمي صلوات ربي وسلامه عليه ملتحياً؟ ، وصحابته رضي الله عنهم اجمعين ملتحين، وسلفنا الصالح كذلك؟ وما كانت اللحية تسبب مشكلة لدى ازواجهم حتى أن امنا عائشة رضي الله عنها وأرضاها كانت تقول: (سبحان الله الذي زين الرجال باللحى..) ، فهي صدقاَ تزيد الرجل وسامة إضافة إلى كونها طاعة لربه وإقتداء بنبيه صلى الله عليه وعلى آله وصحبه وسلم ثم اللحية ليست من الشكليات ، بل هي من الدين ، وحكمها الشرعي معروف ، والرجل صاحب الدين والخلق لا يرد. |
عزيزتي.. صحيح ما ذكروه الأخوات والأخوان.. الملتزم تتمناه كل إمرأة.. لكن الأهم..إسألوا عن أخلاقه وكيفية تعامله مع الناس .. الدين المعاملة ياما ناس من بره ملتزمين ومعاملتهم لزوجاتهم قاسية.. والعكس أيضاً موجود.. أتمنى لكِ التوفيق |
|
لك الحمد ياربي أنا زوجي شخص ملتزم وافتخر بذالك
نحنوا في زمن فتن اذا صار الزوج ما يخاف الله فسلام علية |
بخلي اهلي يسألون عنه اذا ما كان قريب
و بعدين اذا طلع رجال كفو استخرت عسى الله يوفق الجميع لللصالحين و الصالحات |
...من رآئي آوفضل الملتحي ..والملتــزم ,,
وربمــآ تكون المــوآفقه لهــذآ السبب |
| الساعة الآن 06:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©