|
أنا جدا خجولة ماذا أفعل ؟
أول شي السلام عليكم ...
هذي مشكلتي الاولى وكل شي انحل وبديت احبه الحمدلله لان ربي استجاب لي وتراضينا واعتذر لي وانا سامحته علما بأني انا بديت بالصلح وقال ماراح ينساها ليا وقال كنت شاك انك مجبوره علي واكتشفت انك حبيتيني لمن دقيتي علي :22: http://www.66n.com/forums/showthread.php?t=221866 هذي ثاني مره اطرح أستفسار معاكم لاني حبيت تفاعلكم الاخوي ..ّّ انا الحمدلله بديت أحب خطيبي مررررره واحس قلبي بدأ يدق له علما بااني مملكه منذ شهور قليله وزواجي بعد مدة ..ّّ أنا مررره انحرج من خطيبي ماقابلته كثير وحتى لمن قابلته ماقدرت الي الآن احط عيني بعينه يناااس كل مااقول هذا زوجي وحلالي انزل عيوني غصب شسوي ّّ و ماكنت اخليه يبوسني بالجوال كنت ازعل مررره واتضايق لكن لمن حبيته سرت عادي بالعكس احب هالشي بس هوا يحرجني يقولي انتي تحبين اني ابوسك ولا تكرهين ؟ ماادري وش اقوله اذا قلت ايه اخاف واذا قلت لا اخاف يفهمني غلط غصب عني مشكلتي تفكيري يروح لبعيد احلل لبعيييد حتى بالامور الجنسيه مااسمح له يتعمق مرره اصده اغير الموضوع وعلما من تملكنا ماشافني الا مرتين بالملكه وبعدها لانه خارج اللمملكه .. والشي الثاني يبي يجي يزورني وقال يبي يمسك يدي ويبوسني انا مستحيييل اخليه يبوسني مدري وش رايكم اخاف يقول بسهوله سلمت نفسها بس لاني احبه وبالعكس ابيه يبوسني بس بنفس الوقت محتاااره وعلما الي الآن استحي لمن اكلمه واتلخبط مرررررررره كأنه قدامي مع العلم لنا 6 شهور مملكين وبالذات لمن اشوفه يقول انتي مرررره ولاكأني أ:لمك بس ابتسم من الحياء ويدوب ارد عليه كلمه بس يعني لمن اشوفه غير لمن اكلمه بس احبه وارتاح له وفيه طمأنينه كبيررررررررررره حتى لمن اشوفه .ّّ ّّ هوا يشتكي من خجلي شو الحل ؟؟ّّّّ |
ارى ان خجلك محمود ولم يتعدى نطاق " اللايطاق "
من الطبيعي ان يزول مع مرور الوقت , ومع محاولتك للتخفيف منه ان كان يضايق زوجك .. اتمنى لك حياة سعيدة .. |
لا تفتحي له مجال طول مانتوا متملكين لان نظرته لك بعد الزواج تكون غير استفيدوا من التجربه ولا تستسلمي للعواطف ابدددددددددددا |
لن أسهب معك في النصيحة لأن خطأك واضح لديك , لكن سأقول لك جملة واحدة فقط .. لا تجعلي فترة الملكة نقطة سوداء في حياته لأنها لن تزول مهما طال الزمن وعلى أساسها سيتعامل معك ..
|
حبيبتي من راي انك تبقين على خجلك ولا عليك منه..
|
اقتباس:
ان شاء الله يزول يارب وكل ماحاولت اتجرأ يقولون لا لا لا بس جراءتي محدوده يعني ماابي ازعله ثانكس ولك بالمثل:21: |
اقتباس:
شلون نظرته غير هوا عارف اني صغيره بالعمر بس احاسب مرررررررره ومابي اني اصده خير شر مرره يعني عشان مايتعقد نفسيا ويشيل هم مدري انتم تدرون اكثر مني ؟ يقولي انا زوجك حلالك:18: |
اقتباس:
الله يعين:21: |
اقتباس:
|
الحياء أروع شئ يحبه الشاب بخطيبته
صدقيني هذا سر خطير اعترفه لي خطيبي مرة |
اقتباس:
اشكرك على المرور وعلى هالنصيحه :24: |
حبيبتى اناعندما كنت مخطوبة لم اسمح لة ان يمسك يدي مع انة قريبى وكنت في حدود ما بينى وما بينة والان متزوجة ويقول لى اجمل شى فيكى انك كنت محترمة معى ويقول لى انى كنت اختبرك ونجحت في الامتحان ونصيحة لاختك في اللة ليس الخجل عيب مع خطيبك انما اثبتى لة انكى ليست سهلة لة ولا تندمى على الخجل لان خجل البنت من دينها
|
اشكرك على النصيحه منوره
|
اقتباس:
خلاص هو عارف انك تستحين وانك بنت ناس ومتربيه والدليل خجلك في البدايه..بلا اختبار بلا هم.حتى لو اختبار صارلك 6 شهور وخلاص نجحتي في الاختبار..شوفي كم واحد مخطوب متضايق من خطيبته لانه جافه معه.. وخطيبك في الخارج يعني مخه متفتح ومايروح للتفكير الغبي..مثل اختبار وغيره.. انا شصيا تجرأت مع زوجي قبل الزواج ب4 شهور وكان مبسوط لاني تعودت عليه..بعد الخجل والحياء والحين صار لازم تشيلين الحاجز الي بينكم والمفروض تكوني تعودتي عليه...وصدقيني ماراح يفهم غلط او يغير نظرته..بالعكس راح ينبسط منك..كثير خصوصا انه عارف انك كنتي خجوله وماتحبين هالمواضيع..وهو بنفسه علمك وعودك.. اتركي الخجل من زوجك تدلعي عليه واطلبي بوسه..خليه يفرح |
اقتباس:
لاءه انا موب جافه انا في حدود المعقول بس اخواتي يقولون لاتقولين له احبك خليه هوا يطلبها وسمعت كلامهم والرجال قالي وش فيك مغيره وبطلتي تقولين لي احبك انتي بطلتي تحبيني زي اول انا طفشت من نصايح اخواتي وربي ملييييييت وانا حاطه باس وورد على جوالي وعلمتهم عن حسن نيه وقاريين رساله مني لزوجي وكانت جريئه نوعا ما بس جريئه بمفهومي بس قلت له ليتني التمر اللي تآكله لانه هوا اللي عودني على هالححكي ومررره فرح من خجلي ماقلتها كتبتها ويقولون اخواتي جريئئئه بالعكس انا مقتنعه الحمدلله بس انقهرت شلون يقرون المسج الظاهر بغير القفل:11::( هوا لمن اقوله اخاف تفهمني غلط مررررررررره يعصب:( يقووول انا زوجك حلااااااااااالك :) الله يسعدك وينووور قلبك ياااااااااااااااااااااااااااااارب :24: |
مع العلم اني غير اخواتي هما لمن تملكووووون كانوووو جريئااات وماكنت ادخل ابداااااااااااااااااااااااااااااا:22: :24:كل وحده وشخصيتها وقلت لهم بكيفي خطيبي وطلب مني وهذا زوجججججي |
الله يوفقك ويسعدك...
|
لا عااادي هذا زوجك من بداية العقد مابينكم حدود
لاكن حلات البنت في البداياات تكون خجوله ولا تكون جريئه نصيحة اخ اما الي يقول يجربك في وقت الملكه وهو زوجك هذا خبل ومريض ومجنووون وش اجرب انا شاااك في اخلاق البنت اجربك الله يووفقك ويسعدك بالدنيا والاخره |
| الساعة الآن 01:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©