|
لم أتقبل شكله
سلام عليكم بجد انا الي شفته من ردوكم الحلوه والاخويه الي شجعتني وعشان كذا حبيبت اكتب مشكلي وهي انا عمري 26 ووزوجي عمره 34 مطلق وما عنده اطفال وماهمني عمره انا البارح صارت ملكتي وصارت تلبيسه و الحمد لله تمت على خير بس المشكله مني انا احس مو متقبله شكله انا ابي شخص شيك ومرتب وهو مافي شي بصراحه طيب واخلاقه ما شالله عليه يمدحونه وحبوب بس شكله عااااااااااادي جدا رجال عادي صح الشكل مو مضمون بس ليه احس اني جواتي احساس متقلب اوقات احس اني مبسوطه فيه ومتقبلته ومافي شي واوقات احس اني ندمت وافقت وشوي ببكي واحس الناس تتفشل منه وانا بعد واوقات لا احس اني مبسوطه وفرحانه بليزززززززززز الي حاسه فيه عاديه ولا ايش والعرس يمكن بعد شهرين وخايفه مووووووت قسم بالله ابكي والمفروض الي زيي تفرح ودي احبه واتقبله بس يمكن اذا تزوجته راح احبه لان الحين ما كلمته ولا شي بليزززز الي احسه عادي |
هلا فيك اختي العزيزه
الله يوفقك ويتمم عليك بالخير والصلاح لا والله هذا الاشياء لاتعتبر مشكله ابدا ... قرأت موضوعك اكثر من مره وتسألت اين المشكله ؟ اختي العزيزه اذا كنتي تتمنين ان يكون زوجك شيك ومرتب انتي بأمكانك ان تغيريه الى الافضل وتجعليه مثل ماكنتي تتمنين _ عندي لك بعض الحلول _ اذا بعثتي له هديه اعطيه ( شماغ من النوع الفاخر , كبك , عطر رجالي , تشيرتات ماركه ) . فلا تكبري الموضوع ونصيحتي لك انك تنسين فكرة ( انك تقولي ندمت ومو متقبله شكله )<< هذا الهاجس فعلا سوف يتحول الى حقيقه بالتوفيق |
الف الف مبروووووووووووك الله يتمم لك على خير
توك ياقلبي بالبدايه اهم شي مافي نفور منه ومتقبلته خلاص وشوي شوي اذا بديتي تتكلمين معاه راح تحبينه وماتشوفين غيره دايم رددي بنفسك انا مقتنعه فيه زوجي نفس الى انا اتمنيه وراح تلاحظين انك بتتعلقين فيه اي فكره سلبيه عن زوجك تجاهليلها اقي شهرين عالزواج حرام تضيعينها بافكار سلبيه خلي تفكيرك بالتجهيز والاستعداد وطبعا راح يبان كل شي هالفتره سواء اخلاقه وحياته وكل شي فيه راح يبان والله يوفقك ويتمم لك على خير |
عزيزتي مملكة العواطف.. أولاَ ألف مبروك والله يتمملكم على خير .. حبيبتي .. الي تحسيه كتييييييير من البنات حسوه.. منهم أعز صحباتي .. كانت يوم شوفتها.. مره ماكانت متقبله شكله وتقول مااحسه الشخص الي حيكون زوجي..واقترحت عليها تطلب من أبوها يشوفها تاني وبالفعل صار الموضوع جا العريس.. ودخلت هيا وابوها فتح مواضيع وغيره .. وحست براااحه بعدها انتِ لسه ماتعرفيه.. وماتعرفي شخصيته وشكله غريب عليكي .. أعطي لنفسك فرصة تتعرفي عليه.. دحين هوا بالنسبالك شخصية مجهولة صدقيني بعد كم يوم حتحسي براحة.. واذا مااتصلتي عليه .. المفروض تتصلي ويبدأ بينكم الحوار.. وان شاء الله لما تتزوجوا انتي حتهتمي بملابسه واناقته.. |
1000مبرووووووووووووووك حياتوا ربي يتمم لك على خير
حبيبتي توك بنقطه البدايه تحدي نفسك وحطي لك هدف بالحياه الا وهي سعادتك كوني متفائله واحمدي الله عل نعمه الكثيره ومنها اعطاك زوج ذو خلق ودين,,,,,حبيبتي لا تجعلين هندامه عقبه في حياتك وهو قابل للتغيير .. بلا دلع وخليك مرحه وعيشي حياتك بسعاده لاتحرمين نفسك منها الله يتمم لك بخير |
أضم صوتي للأخوات الكريمات وما قلنه ففيه بركة ومفيد ومشاعر بنات زيك وأقول لك هذا دورك في تعديله ليكون مقبولاً عندك وعند غيرك فقد يساوي مائة رجل ممن لا هم لهم إلا شكلهم العام. وما تشعرين به من واسوس الشيطان ليفرق بينكم قبل الدخول فكيف سيفعل بك بعده فقط تعوذي منه واستمتعي بحياتك وبالتوفيق. |
الف مبروك والله يجمع بينكما على خير وسعادة
لاتجعلي الافكاار تجيبك وتوديك عيشي فرحتك وتقبيله والشكل ليس مقياس للسعادة |
احساس طبيعي تحسه كثير من البنات وانتي تقولي تبغيه مرتب وشيك انتي بيدك شوي شوي تغيريه
لاتكبري الموضوع وافرحي ياغاليه ربي يسعدك |
أختى الكريمة:
والله سمعت كثيرا ورأيت موضوع عدم تقبل الشكل وبكاء العروس ...إلخ فى وسط معارفى وأقربائى,, والآن من كانت تشعر بذلك بعد الزواج أصبحت ترى فيه كل الصفات الرائعة... هذه الأحاسيس شبه طبيعية قبل الزواج ويمر بها الكثير... نتيجة لعدم وجود عشرة كافية ... إطمئنى ولاتشغلى بالك كل شيىء سيكون على مايرام ...صدقينى,, اخوكمm.s |
الف الف مبروووووووووووووك ياعسل.........
انا كنت زي كذا تماما وكنت دايما ابكي .........واسوي مناحه بالبيت هههههههههههههه لكن بعدين عقلت وقلت يابنت اركدي وانظري للجوانب الايجابيه ولا تكون نظرتك له سلبيه فقط والحمدلله الحين متقبله شكله...........الله يوفقكم ويسعدكم....امييييين |
انا مريت بنفس احساسك بس الحين الحمدالله متقبله شكله
واتوقع انها وساويس الشيطان يلعب بروسنا |
سبحلن الله والله انا نفس الحاله ومازلت كذلك رغم لي شهرين مملكه ويوم اقتنع وارتاح ويوم لا وعلى هذي الحاله يارب ثبتني وثبت اخواتي على القرار الصحيحيارب العالمين
|
الله يوفقك ويكتب لك الخير
|
غالبية الرجال ليسوا جميلين
الله يهديك بس غيرك تتمنى الزواج |
من حقك يا اختي تحلمين بالارتباط بشاب وسيم لأن النفس تحب الجمال لكن هل تضمني بأن يتقدملك شاب بنفس مواصفاتك المطلوبة ؟؟.. بالتأكيد لا لأن الفتيات مختلفات لا يبحثن عن فارس الاحلام بأنفسهن مثل ما يفعل الشباب عند البحث عن الزوجة لكن هو قدر يساق اليك مع الاسف .... واذا رفضتي هذا القدر قد لا يأتيك افضل ..,, اقصد قد يتقدم لكي شخص اقبح منه ..,, او قد لا يأتي غيره .., فهمتي ما اقصد ,,.. يوجد فتيات كثير متذمرات من اشكال ازواجهن .., لكن ماذا تفعل المرأه مع قلة الحيلة..؟؟؟؟؟؟؟؟؟
|
اقتباس:
بس يمكن للحين مو متعوده عليه وشي جديد اقتباس:
بس بجد ريحتيني وان شالله بحاول ماركزز على السلبيات لازم افكر فيه بخلاقه الحلوووه اقتباس:
عشانه شخص مجهول وما اعرف عنه شي بس على اتي اكلمه صعبه مو نوعيه مكالمه ولا حتى شي ولو حتى اتصل عليه فشله بس ربي يريحك ويسعدك كلامك ريحني كثيرررر اقتباس:
اقتباس:
وتسلم اقتباس:
اقتباس:
اقتباس:
اقتباس:
وكلامك بجد ريحني واحسيت اني مكبرتها شوي لازم اتغلب على خوفي بعد الزواج اكيد بعرفه واحبه اقتباس:
اقتباس:
يوم مبسوطه ويوم اندم على اني وافقت يارب يسعدك يااااااااااااااااارب وتتنهي وتحبيه ويسخر لك وبشرني اقتباس:
اقتباس:
اقتباس:
يمكن يلقى فيها اخلاقها احسن من شكلها ياااااااااه القدر يارب يكون حلوو وانا واثقه بربي فهمت عليك وانا مابي اضلمه معاي وربي حرام مابي اتزوجه عشان يجي يوم واتذمر منه بالعكس ابي اسعده واحطه بعيوني وانا وافقت من طيبته وحبه للناس وكرمه اخلاقه حلوووه مره ومرح مو معقد فقلت شكله مو شين بقوه بالعكس شكله عااااااااااااااااااااادي بس انا اطمح للاحلى واحلامي الكبيره |
والله انا هلي ضغطون عليي بشكل ماتخيلين لدرجه شهرين وانا رافضه وابكي وحالة نفسية صابتني
حتى لمن وقت الملكه كان يقولون جميله والوحش لكن الآن حبيته مررررررره الحمدلله اواهام حبيت شخصيته وحبه لي علقني فيه غصب والحمدلله لاتشيلين هم اواهام وبتنتهي ورددي كل يوم انا احب فلان وفلان يحبني هوا اختارني من بد البنات اموووت فيه مرررررره وقولي الكل حاسدني عليه ..لاني اعمل هيك |
تسلمين ياقلبي انتي بجد كلامك خلاني اصحصح شوي
وراجع نفسي واعرف ان ربي اختار هذا نصيبي ولازم احبه على كل شي فيه صح شكلع عاااااااااااادي جدا وبالي شخص وسيم وحلوو بس برضى وبسمع كلامك وكلام اخواني وخواتي ربي يسعدكم بجد مشكورررررررررررررره وربي يسعدك يارررررررررررب ويخليه لك وريحني ويجي يوم واحبه |
اقتباس:
والله دامك استخرتي ربي ماراح يخيب يظنك بالله وش تبين بالجمال لو كان جميل بيجي يشوف حاله عليك صدقيني حلو انك تكونين احلى منه الشاب السعودي شايف حاله خلقه فبما بالك لو كان وسيم ياارض انهدي ماعليك قدي :24:... انا خطيبي وسيم مقبول الحمدلله والله لمن حبيته اشوفه ملك جمال صدقيني بكرا بتحبينه واذا خذيتي واحد ملك جمال اول الايام او اول سنه بتنبهرين بجماله وبعدين تقعدين تدورين ذاته وشخصيته فهمتي ياعسل وتنسين شكله ..وش الفايده اذا كان يهبل وراعي بنات ...:27: والله اول فتره بتجيك اوهام زيي كنت اقول يؤ يؤ شو الي خلاني اوافق انا تسرعت ليش مارفضت خصووصا عند الخلاف فبعدين سرت اتعوذ من ابليس والحمدلله هديت والله على صغر سني لكن الدنيا علمتني وانا اكلمك من كل قلب ......الله يوفقك يارب ويبعد عنك الهاجس ..وفكري بزواجك وبسس:14: |
بصراحه ما صليت استخاره لان قالوا لي لا
بس طلبت الخيره من ربييييييي ويابعد قلبي انتي بجد لقيت اخت تنصحني من قلبها وربي تتكلمين عن الي بداخلي والي امر فيه تخيلي احس اني ندمت اني وافقت واقات لا انبسط مع اني كبيره يمكن خوووف عشان كذا مو متخيله اتزوج يااااااااااااااااارب يسعدك يا احلى بنوته |
ألف ألف مبروك توكلي على الله مع الوقت رح تموتين فيه إن شاء الله الله يسهل أمورك |
اقتباس:
|
اقتباس:
يارب يسمع منك ياااااااااااااااااااااارب تسلمين حبيبت قلبوووو |
| الساعة الآن 07:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©