|
ماتت امي وماخلاني اشوفها
السلام عليكم ورحمت الله وبركاته
ياخواتي واخواني الكرام في غصه بقلبي وكل يوم لازم ابكي منها انا حابه انسي واسامح زوجي على عملته السوده بس مني قادره لان الحل بنظري هو الطلاق بس ايش ذنب عيالي حتي اهلي مارح يرضوا بالطلاق وانا احب زوجي بس هو ظلمني ..... زوجي كان عليه منع من السفر اتورط بسالفه من اعز اصدقائه وانا كان لي سنتين مني شايفه امي ومدت المنع سنه وكم شهر قالي لا اتجيبين طاري الروحه على الاردن عند اهلك الا لما يخلص المنع لانه مافي امل يسمحلي اروح لحالي لما فاض فيني الامر قالي اخوي بمرك واتروحين معي وبكذا مايكون عند زوجك حجه وزوجي لما شاف السالفه كذا راح وقطع جوازي السفر وقال مااتروحين وما اطلعلك جواز ثاني الا لما ينتهي المنع بحجة انه مايقدرعلى فراقي ومرت سنه ومرضت امي خلال هالسنه جتها جلطه بالقلب (ماالومها) وانحطت بالعنايه المشدده وركبولها ثلاث شبكات بالقلب وانا كل هالفتره على اعصابي لا ليلي ليل ولا نهاري نهار وامي اتكلمني واتقلي يمه انا اشتقتلك واشتقت لعيالك نفسي اشوفكم وانا اقلها طيب اكيد رح اجي ورح اتشوفينهم طبعا اهلي مايعرفون بسالفة المنع وتقطيع الجوازات وكنت دايما اتحجج بشغله ودوامه وووووو طلعت امي من المستشفي وقال الدكتور ان عظلات قلبها ضعيفه وصارت كلاها ماتشتغل زين يعني زي الفشل الكلوي المهم بعد انتهاء المنع راح يقصلي جواز من السفاره بس الاجراءات مو سهله قعدت ست اشهر لما قصولي الجواز وبعدها قلي نحضر زواج اخوي وانروح وحضرنا زواج اخوه وقررنا انسافر الاسبوع الجاي وجهزنا انفسنا والفرحه مش سايعاني وبس شغلتي اخطط وافكر كيف اقضي هالعطله بسعاده عند اهلي واعوض كل الحرمان سبحان الله في ليله من اليالي كلمت امي الساعه 11 باليل مدري اش الي خلاني اكلامها مع اني كلمتها بنفس اليوم الصبح وانا اعرف ان امي اتنام بدري بس في شي خلاني اكلمها وقالتلي يمه انا توني ختمت القراءن ودعيتلك وكان صوتها ممتاز وقلتلها احنا بكرا ماشين على الاردن وكانت فرحانه ومبسوطه انها اخيرا رح اتشوفني بنفس الليله جاني اتصال من اخوي الساعه 2 باليل قالي ان امي اتوفت ومشيت على الاردن ودفنوها وانا على الحدود امي اتوفت صارلها سنتين وانا مني قادره انسي موقفه هذا واكرهه كره شديد كل مااتذكر هالسالفه واحيانا اقول ماابيه ابي الطلاق ساعدوني اني انسي واسامحه |
الحي ابقى من الميت وامك الله يغفر لها ويرحمها ويسكنها فسيح جناته وان شاء الله انها من اهل القرأن الكريم وهذ كان في اخر كلامها لك في المكالمه وهذا شي مكتوب ومقدر وزوجك ماله ذنب في الموضوع وكا شي مكتوب من عند الله والدليل ان زوجك ماله ذنب انه راح طلع جواز سفر جديد وكنتي حتسافري في نفس اليوم بس الله ماكتب انك تشوفيها قبل لا تموت الله يرحمها ويغفر لها .
اتمنى انك ماتكرهيين زوجك لانه ماله ذنب ولا تفكريين بالطلاق نهائيا يـــــــــــــــــــــــــــــــــــــــــــــــــ ـا ناس الطلاق مو سهــــــــــــــــــــــــــــــــــــــــــــــــ ـــــل . |
الله يرحمها ويتغمد روحها الجنه ادعيلها وهذا اكبر شي انك تدعيلها وانتي اجلسي عند عيالك
وطيب وتطلقتي امك ماتت اساسا ويش راح يفيد يعني راح تخسرين كل شي على كف الخطى نمشي ولا ندري عن المكتوب |
والله دمعت عيوني
أسأل الله العلي القدير أن يرحمها ويجمعكم بها في جنات النعيم حبيبتي هذا قدر الله لالك ولالأمك ولالزوجك يد فيه يعني لو زوجك يعلم الغيب ماكان سوى هالشي أكيد هو غلط لما منعك وكان بأمكانه يترك مع أخوك تروحين لكنه ماكان يعلم أن أمك راح تموت والحمد لله أنك على الأقل سمعتي صوتها قبل لاتروح من هالدنيا الله يرحمها فالأفكار اللي تدور ببالك من الشيطان حبيبتي هدفه تعكير حياتك مع زوجك فلما تجي على بالك هالأفكار تعوذي من الشيطان وأدعي لأمك هذي هي الدنيا وكلنا معرضين لمثل هالأشياء الله يعيننا عليها ويحسن خواتمنا بس |
شكرا الكم يااخوان وانا الي امصبرني ان زوجي يحب امي الله يرحمها وانا شفت ادموعه يوم عرف بوفاتها والحمدلله دايم يتصدق عنها بس انا كان نفسي اشوفها وكان في فرصه اني اروح لاكن قدرالله وماشاء فعل اختي كان يعرف انها رح اتموت لان اخواني قالوله الدكتور يقول يمكن اتعيش سنه لان قلبها ضعيف بس انا ما كان عندي خبر بشي هاذا
|
تعوذي من الشيطان وأدعي لأمك
|
حبيبتي
الله يرحمها ويرحم اموت المسلمييييين انتي لاتجعلي زوجك هو السبب سبحان الله صح قع جوازك ووالخ ولكن عوضك بجواز اخر وهذا دليل لندمه ع فعلته ثم ودااااااك لااهلك ومالحقتيها توفت لاالومك موقف لاينسى ولكن زوجك هو فعل خير بلنهايه وجاب جواااااز وسافرتوا وتوفت قبل ماتوصلي لاتكرهينه ولا شيء قولي الحمد لله ع كل حال صدقيني لو زوجك منعك لااخر لحظه دون سفر او جواز لكنت اول العاذرين لك بكرهك له ويعني لو انك لحقتي عليها الله يرحمها ثم توفت بعد وصولك بيكون بباللك زوجي ماقصر وداني ولكن الاقدار! زوجك ماله يد بلامر مو هو اللي وقت لوفاتها ومصتقصد هالشيء الله سبحانه هو كاتب لها كذا الله يرحمها ويغفر لها يارب ولكن زوجك ماقصر والانسان وقت الغضب يركب عقله الشيطان ثم يندم وزوجك ندم وعدل وسافرتوا والله سبحانه كاتب هالشيء لا زوجك ولا انتي لكم يد بلامر الله هو كاتب انك ماتشوفينها . اذكري الله وتعوذي من الشيطان كل مافكرتي في السالفه وشوفي الردود كلها تقول زوجك لاذنب له . |
اقتباس:
حرام عليك وتقولين اكرهه احيانا ...افكر بلطلاق ...! الشيطان لايلعب بمخك اذكري الله وامك تحتاجك الان ان تدعين لها وتتصدقي عنها . والله الشيطان يلعب بمخك ويجيب خيالات هو السبب ابتطلق وووالخ ..! |
يا حبيبتي الله يكون بعونج ويغفر لحبيبة قلبج ويجعل الجنة دارها
اختي علشان تقدرين تواصلين حياتج معاهـ لازم انج تكثرين من الاستغفار والصدقة على روحها خلي في بالج ان امج ليلة وافتها كلمتج ودعت الله لج..وتوفت وهي راضية عليج والحمدلله اذا شعرتِ بغصة روحي توضي وصلي..الصلاة وقراءة القرآن نعمة عظيمة والله..ربي انعمها علينا تخلينا نحس بالسكينة والسعادة الروحانيــــة اللي نفتقدها في بعض الأحيان |
الله يغفرلها ويرحمها يارب.. أنا عارفه انه الي تحسيه مؤلم وصعب بس هذا قدر الله.. وان شاء الله تتقابلو في الجنه أختي .. زوجك صحيح كان مانعك أول بس الفتره الأخيره ماقصر معاكي وكانت نيته يسعدك حاولي تشيلي الأفكار السلبية من راسك.. وأكيد زوجك حاسس بتأنيب الضمير لاتزيديها عليه.. ادعيلها بالرحمة .. وانا متأكده انها فترة وتعدي |
هذا قضاء الله وقدره
والله يرحم امك وجميع اموات المسلمين |
الله يرحمها والله يغفر لجميع موتى المسلمين
ياحبيبتي لاتسمعين لشيطان وهالشي مكتوب لاتضيعي زوجك واولادك من يدك وامك الله يرحمها كفايه انها يحبها ويتصدق عنها وهالشي واضح انه فيه خير |
الله يغفر لها ويرحمها ويدخلها الجنة بغير حسااب .
أمك مااتت والله كاتب أنك ماتشوفينها , وأن شاء الله ماعليك شي لأن طااعة الزوج واجبة , وأدعي الله أنه يجمعك بها في الجنة , مات عمي وحنا في الغربة وكان زوجي أغلى أولاده وأحبهم لقلبه ومات فجأة لاشاافه زوجي ولاقبره , وشوفي الحسرة الي كاان حااس فيها إلى يومك هذا بالرغم من مرور 8 سنوات على موته . |
الله يغفر لها ويرحمها معك حق الامر شديد ومؤلم ولكن الحمدلله على كل حاال
من اجل اولادك ضحي واصبري ومن حق امك الآن الدعاء لها والاستنغفار واذا تطلقتي ماالفائدة التي سوف تجنيها بل شتات ابناءك واسرتك |
أختي الكريمة قصتك ذكرتني بثصة ةقعت في عهد الرسول الحلاصة أن امرـة كان زوجها مسافر ومنعها من الخروج من المنزل إلا بحضوره المهم مرض أباها وجاءها خبر وما قدرت تروح تشوفو بسبب منع زوجها الغائب من حروجها وجائها خبر باحتضاره ولم تذهب ةبعدها جائها خبر بوفاته وتحسرت وبكت وندمت لعدم ذهابها لرأيته وجاء زوجها وأخبرته بالقصة وخاف على نفسه من عقاب الله لمنع زوجته وذهب إلى النبي صلى الله عليه وسلم وأخبره بالقصة وفال له المحبوب الكريم عليه الصلاة والسلام أخبر زوجتك أن الله قد غفر لأبيها بطاعتك وأقول لك هذه القصة عسى أن يغفر الله لأمك بطاعتك لزوجك لاتنظري إلى الجانب السلبي فقط فهناك جانب إيجابي في منعك السفر حتى إن لم تعلميه استعيدي من الشيطان وأمك الله يرحمها ويغفر لها ويرحم أمي ويغفر لها ولجميع المسلمين |
شكرا لكل من حاول يواسيني والله اني قريت ردودكم اكثر من عشر مرات
طيب انا حابه اروح ازور قبرها وهو مايخليني يقول حرام قلتله حرام علي بس وديني ابي اشم اترابها وانا سألت احد المشايخ يقول مو حرام اتزورينها مره بالعمر الحرام انك اتزورينها كل يوم او كل فتره |
سلّم بقدر الله يا أختي
لو أمك عايشة لما تمنت أن تراك على مشكلة مع زوجك |
الله يرحمها ويغفر لها ويتجاوز عن سيأتها ويلهمكم الصبر والسلوان..
الاخوه الافاضل وضحوا الصوره بالنسبه لتصرف زوجك وزي ما أجمع الكل لا تهدمي بيتك.. ونتي اقرئي قرأن وترحمي عليها.. والحمد لله وافتها المنيه وهي راضيه عنك |
اقتباس:
أقنعي زوجك بالكلام الي قاله الشيخ.. وان شاء الله يوافق إذا هذا الشي حيبرد قلبك.. |
اقتباس:
أسأل الله أن يخفف عنك ما تجدين من ألم لفراق والدتك وأسأل الله أن يربط على قلبك ويشرح صدرك بالتقرب منه ويعينك على ما يرضيه منك استعيني على الألم بالقرآن فهو شفاء وادعي لها في كل وقت وحين هذا ينفعها أكثر وأما زوجك فخلي أحد من كبار العيلة أو المشايخ يكلمه ويخليك تزورها أسأل الله أن يوفقك لما فيه الخير ولا تنسي القصة التي أطلعتك عليها بأن الله قد غفر لرجل بسبب طاعة ابنته لزوجها فاحتسبي الأجر عند الله واسألي لأمك المغفرة والرحمة |
الله يرحم أمك ويسكنهاجنات جنات النعيم
زوجك ماله دخل ترى اللي يتورط بهالمشاكل منع من السفر ترى صعبه وتعيشي بخوف وألم ذكرتيني بأبوي ((انمنع من السفر وانسجن ))لان هوطيب ويحب يساعد الناس تخيلي؟؟مااحب ازيدكلام لان خايفه اتكلم بشر مضى ومن يومهاابوي يخاف على طلعتنا ودخلتنا وحتى وانا متزوجه خاف علي من كل سفره تراه ألم بالقلب والرجال مومثل المراه يلقى صدمه عمرو من اعز أصحابو؟؟؟؟؟؟؟؟؟؟؟؟؟خيانه قويه سامحي زوجك وتفهميه وهوادرى بالعالم اللي حوله تخوف ناس مجرمه ظالمه ماترحم حتى طفل؟؟ الدنياسارت تخوف كريه مالها طعم بناسها اللي قلوبها سوده وماهماالامصالحها؟؟؟؟؟ لاتلوميني على اي كلمه لاني تذكرت جرح أبوي والمأساه اللي عشناها موفقه ولاتشيلي بقلبك على زوجك أبو عيالك الله يجمعك بالغاليه احب بنتـــــــــــــــــــــــــــــــــــــــــــــــ ــــــي |
ياقلبي ماعند الله خير وأبقى تعوذي من ابليس والطلاق مو حل اسمعي نصيحت اختك وزوجه لاتلومينه مايقدر يستغنى عنك ولا عن عيالك واحمدي ربك امك ان شاء الله يارب في الجنه وجميع الاموات يارب قولي يارب لك الحمد ولاتطلبين طلاق خلاص شي وراح ولو تطلقتي امك ماراح ترجع الله يسكنها الفردوس الاعلى يارب وفكري بعيالك ولو كانت امك موجوده صدقيني ماراح ترضى بهالشي فكري بكلامي زين وتاكدي لو تطلقتي الي راح مو براجع و زوجك سامحيه اذا رب العباد يسامح من نكون يالبشر حتى مانسامح صح ولالا .. وامك عسى تلقينها في جنه بها الاطياب فواحه قولي امين
الله يوفقك ويشرحلك صدرك ويصلح قلبك وقلب زوجك |
اختي خواطر الله يجزاكي الخير يارب وجميع الي مرو على موضوعي اختي مضطره انسي واسامح مع ان الجرح كبير عشان عيالي ومستقبلهم وامي الحمدلله كانت امراه صالحه وانا دايم اشوفها بالمنام واتكون باحسن حال والحمدلله
ياحي ياقيوم ارحم امي وعلي منزلتها في جنات النعيم ..........امين |
اللهم امين يارب
الله يصلح لك حالك يارب |
عيوني الله يرحم أمك ويغفرلها ويجعل الجنه هي دارها ومقرها وجميع موتى المسلمين يارب
حبيبتي حاولي تدعي وتقولي اللهم أربط على قلبي كما ربطت على قلب أم موسى أنا وقت ماتشتد معايا المصايب أطلب من الله هالطلب فأحس براحه نفسيه عجيبه حبيبتي صدقيني ممكن زوجك كمان متحسروندمان على إنو ماخلاكي تزوري أمك في السابق...بس مو بيده وتعرفي الرجال مايحب يقول عن مشاعره فسامحيه أمسكي بيتك وصدقيني طاعتك لزوجك هي أهم شئ بالدنيا بعد طاعة الله عزوجل وكمان أطلبي من الله إنو ينسيكي اللي صاروأدعي أن يلقيكي رب العالمين بأمك في الجنه ياااارب |
شكرا اختي روعه الله يجاكي بالخير والله يسمع منك
|
الله يرحم والدتكِ ويسكنها فسيح جنانه ، والحمد لله أنها ماتت على طاعة الله .
انسي الأمس وعيشي اليوم ولليوم .. زوجكِ وأطفالكِ .. ما مضى فات ولن يعود .. والحاضر أولى أن نعيش لأجله .. أسأل الله أن ييسر أموركِ . |
يالله قصتك حزينة
أسأل الله أن يسكنها فسيح جناته |
اقتباس:
سامحي زوجك لأنه سيأتي يوم و يسأله الله فيه عن هذه المشكلة فإن سامحته قـــــــــــــــــــــــــــــــــــد يسامحك الله على أخطائك ،ربما أي سامحيه بحثا عن رضّا الله و إن قررت مسامحته فلا تفتحي النقاش بعد ذلك مع أي مخلوق كان |
يااااااااااااااااااااااااااااااااااااااااااااااااا اااااااريت اقدر اننننننننننننننننننننننننننننننننننسي واساااااااااااااااااامح ياااااااااااااااريت
ياحي ياقيوم اسألك بكل اسم هولك سميت بهي نفسك او علمته احد من خلقك انك اتساعدني بالصفح عن زوجي |
اقتباس:
|
الله يرحمها ويرحم أموات المسلمين
|
شكرا اخوي لياس واخوي البهشي امين الله يرحمها ويرحم جميع اموات المسلمين
|
اقتباس:
معليش اختي بسى استغربت ردك هذا المقتبس في موضوعك اللي قبل هذا قبل كذا قلتي حبك زاد له والان تقولين تكرهينه وودك تطلقين ومنتي مسامحته الله يهديك ويستر عليك زوجك ماغلط معك واللي صار كاتبه ربي وهو اراد هالشئ موب زوجك يكفي انه يتصدق عنها |
يااختي اميره انا اموووووووووووت بزوجي بس لما اتذكر اكرررررررررررررره كره شديد واقول اكيد ماني امكمله معاه بس خلي عيالي يكبروا
فهمتيني |
الله يكون بعونك والله دمعت عيوني لما قلتي ان امك ختمت القران ودعت لك
تتوقعين امك لو عايشه بتكون راضيه انك زعلانه على زوجك ؟؟؟ اكيد لا وتتمنى تكون حياتك سعيده زوجك طيب لاتفرطي فيه عشان اوهام براسك والشيطان يوسوس لك احمدي ربك خلاك تسافرين والله فيه زوجات محرومات من اهاليهم وهم في ديارهم وزوجك يحبك ويبغاك جنبه شوفي الزوجات اللي يشكون من ازواجهم بس تصير لهم فرصه يخونونهم ويتمنون فراقهم كل ماوسوس الشيطان لك ان زوجك السبب استغفري ربك واذكريه وادعي الله وتذكري ايجابياته الله يخليكم لبعض ويسعدكم وسامحيني اذا ردي اللي قبل ضايقك |
شكرا اختي اميرة الرومنسيه وانا احبه وما اقدر استغني عنه بصراحه وهو انسان طيب الله يخليه لي ولعياله بس انا احس فرحتي دايما ناقصه واحيانا وانا اضحك دمعتي تنزل وانقد على نفسي كيف اضحك هاذي هيه حالتي فرحتي دايما ناقصه
انا عارفه انه من الشيطان الله يلعنه ودايما اتعوذ منه |
ابنتي وردة معطرة
أسأل الله العلي القدير الرحمن الرحيم أي يستجيب لما دعي لأمك وما يدعى لها وأن يرزقك برها بما بقي لها عندك من بر. وأن يبرد عليك ما تشعرين به وستفخرين بنفسك ويفخر بك زوجك ويفخر بك أولادك بإذن الله على ما فعلتي. بقتة الغصة في حلقك برفضه ذهابك لها فلك الحق في التعبير عنها والصراخ من ألمها وأنصحك بأن تفعلي بكل قوتك ولكن بطريقة لا تفتح جرحاً جديداً قد يصعب إغلاقه فزوجك يحب والدتك وأخطأ في حقك تجاه والدتك أو أجبرته الظروف على ذلك. لذلك أنصحك بالآتي: التعبير بالكتابة عن مشاعرك يومياً برسائل تخاطبين بها ربك مرره والدتك رحمها الله مرره وزوجك مرره وأولادك مرره والسماء مرره والعصافير مرره وقبرها مرره وتخيلي ابنتك في بيت زوجها تقرأ هذه الرسائل. ستجدين في هذه الكتابة الراحة النفسية وقد سبق أن عالجت فيها حالة مماثلة ولله الحمد. وعندما تعودين لقراءتها مرة أخرى ستستغربين من كتب هذا لماذا لأنها مشاعر كانت مكبوته وتم التنفيس عنها بالكتابة. وفقك الله لبر أم وحفظ زوجك ابنتي . |
يعطيك العافيه يارجل الرجال والله انا من كتبت الموضوع بالمنتدي واقرا الردود ارتحت كثير واكيد راح اعمل بنصيحتك الله يجزاك خير
|
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©