|
انا صغير عن الزواج والبنت تبغاني اتزوجها ابي حل
مرحبا انا حصلت هذا المنتدى بالصدفه وقلت اعرض عليكم مشكلتي انا شاب عمري 19 وتعرفت على بنت اكبر مني بأربعه سنوات والمشكله انها واثقه فيني ترسل لي صورها وانا واثق فيها لكن المشكله عرضت علي الزواج وانا على طول واافقت لكن بعد ماجلست افكر بالموضوع بتأني وربي اني خايف يفشل الزواج وعلى فكره الزواج مو الان يعني بعد كم سنه يعني بعد 4 او 5 سنوات لكن هي البنت مرتاحه معاي وانا مرتاح معها لكن تتوقعون هل زواجنا ينجح او لا تكفون ابي حل علشان اتخذ القرار وارتاح من هالموضوع المشكله البنت الان مأمله فيني بالزواج وانا احترت اخاف يفشل الزوج لكن إذا كان الزواج بينجح اذكرولي الاسباب إذا كان الزواج بيفشل اذكرولي الاسباب.؟ انتظركم. |
اولا السلام عليكم
الزواج بهذي الطريقه مارايح ينجح ابدا لان مارايح تكون بينكم ثقه وانت شكلك توك مرااهق عذرني عن هذي المقوله لان كيف تامل البنت انك بتتزوجها هل خبرت اهلك انك بتتزوج هل خبرتهم من بتااخذ باشباب الله يرحم ولدينكم ليش اللعب بمشاعر الاخرين |
قبل كل شي في اسئلة لازم تجاوب عليها
تتوقع اللي تمر فيه مشاعر صادقه ولا مجرد فترة وبتعدي ؟ عادي تتزوج وحده اكبر منك بـ 4 سنوات يعني اذا صار انت عمرك 26 سنة هي بيكون عمرها 30 سنة يعني بتكبر قبلك وتعجز قبلك ؟ كيف عرفتها ؟ راح تثق فيها بعدين انها ماراح تخونك وتتعرف على احد ثاني ؟ متاكد انك ماراح تشك فيها ؟ اذا جاوبت على هذه الاسئلة راح ارجع وارد عليك اذا الزواج راح يكون ناجح ولا العكس |
انت استخير وتوكل على الله لكن اهم شي الثقه
|
يعني هي أكبر منك بأربع سنوات يعني عمرها 23سنه معناته أنه واعيه وفاهمة وماهي مراهقة فاتتوقع الي تكلم شباب وهي عارفه أن هذا الشي غلط مارح تكلم شباب بعد الزواج لا وبعد ترسل لك صورها يعني لهذه الدرجه هانت عليها نفسها
تضمنها تكون لك زوجه صالحه وأم صالحه تربي بناتك التربية الصالحه ياأخي مابني على باطل فهو باطل تزوج وحده صاينه عرضها وشرفها تحفظك في الغيب وتكون الزوجه الصالحه لك الله يوفقك في حياتك وترى بعد كم سنه بتذكر موقفك هذا وتستغرب أنك فكرة مجرد تفكير أنك تتزوجها وأنصحك لوجه الله تترك هذا الطريق لكي يعوضك ربي ويرزقك بزوجه صالحه تسعدك |
تتوقع اللي تمر فيه مشاعر صادقه ولا مجرد فترة وبتعدي ؟
انا حبيته من كل قلبي يعني بختصار صادق بحبي لها . عادي تتزوج وحده اكبر منك بـ 4 سنوات يعني اذا صار انت عمرك 26 سنة هي بيكون عمرها 30 سنة يعني بتكبر قبلك وتعجز قبلك ؟ هذا اللي محيرني. كيف عرفتها ؟ عن طريق منتدى. راح تثق فيها بعدين انها ماراح تخونك وتتعرف على احد ثاني ؟ اخاف الزمن يغدر فينا يعني مابعرف. متاكد انك ماراح تشك فيها ؟ من ناحيه الشك اثق اني ماراح اشك فيها. |
مشكورين كل اللي رد علي ماقصرتو على الإفاده
وبنتظار رولادا ... |
طيب اخوي
بقولك شي الحب مو غلط ابدا وشي طبيعي الولد يميل للبنت والبنت تميل للولد وانا ضد الزواج التقليدي نعم طريقة تعرفكم على بعض كانت خطأ لكن بنتجاوز هذه المرحله خلاص تعرفتو على بعض وحبيتو بعض و الموضوع انتهى استناج للموضوع البنت اذا وثقت وحبت شخص تثق فيه ثقه عمياء وارسالها صورها يعني واثقه فيك وجاده في العلاقة معك والجميل ايضا انك تبادلها نفس المشاعر وجاد في العلاقة . الى الان كل شي حلو بس في اشكاليه قبل ما تخطو اي خطوه لازم تحل الحيره اللي عندك في فارق العمر و شي ثاني لازم تكون واثق من قرارك ولازم تتحمل تبعات اختيارك وتتحمل المسؤليه كاملة لاتقول بعدين كنت صغير وتعشم البنت بعدين تدمرها اذا حليت مشكلة الحيرة بنعم انك تبيها يجب عليك بشكل سريع تحول علاقتكم المحرمة و اللي في الظلام الى علاقة شرعية وفي النور يعني تكلم اهلك تقولهم بس خطوبة مافي زواج غير بعد 4 او 5 سنوات بس عشان ماتقع في الحرام اذا ماعندك قدره تتكلم مع اهلك اقولك اترك الموضوع كله اما اذا كان خيارك عدم الراحه لفارق العمر تكلمها وتنهي العلاقه على الفور الدين مايمنع الحب لكن في له ضوابط حتى لو باقي تحبها اقطع العلاقةو المكالمات وقولها انا بخطبك في الوقت المناسب بس بقطعها الحين على بال ما اكون نفسي و لا تستمرون الاستمرا في المعصيه هي الخطأ اتمنى اني قدرت اساعدك لو بشي بسيط بعطيك رابط راح يفيدك جدا شوف الرد رقم 7 http://www.66n.com/forums/showthread.php?t=222543 |
اذا هانت عليك انها كلمتك وعادي عندك انها ارسلت لك صورها وهي ماهي حلال عليك
اجل فارق العمر عادي جدا مبرووووووووووووووووووووك مقدما والطلااق مواخرا يااخوي تراااك توك مانضجت وتوك متخرج من الثانويه وتبي تتزوج اصحى من الغفله الي انت فيها |
تعتقد أنك لن تشك بها لكن بعد نضوجك وتجاوزك لمرحلة المراهقة الوضع بيكون غييييير
|
رولادا مشكوره وانا الان جالس اناظر المقطع الفيديو
يا الوزن الثقيل يالغالي مو الان بتزوج تقريبا بعد 5 سنوات وهذا اللي محيرني اتزوج او لا. |
انا بتخرج من الثانويه وبكمل التقنيه سنتين
واتخرج واكلم اهلي عن البنت بعد ما اتخرج يزوجوني هل برايكم ان الزواج ينجح او لا هذا السؤال.؟ |
اقتباس:
وبعد ذلك إجمع المال اللازم للزواج . ولكني لا أظن أن زواجك منها سينجح , وأغلب ما تشعر به هو نزوة سرعان ما تزول وستفكر بأخرى تناسبك أكثر من هذه البنت . |
اقتباس:
|
يا حبيبي تفرغ للدراسة والتحصيل ولا تربط نفسك بالزواج , صدقني هذه وقت التحصيل اذا ضيعته في الزواج والإستعداد له
ستندم غدا أشد الندم , مع أنه أصلا البداية غلط * غلط , وخاصة فيها صور , حتى العاشقة ما ترسل صورها .. وخمس سنوات كافية ليتغير تفكيرك ونظرتك للحياه والنساء بالذات .. واحتمال تندم بالإرتباط بها .. وحقيقة أنا غير مقتنع تماما أنه فيه فتاة ترسل صورها لشاب عمره 19 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الفارق عادي جدااا واهم شي رايككم ببعض ومسكينه وثقت فيك اتمنى ماتفشلها لان جرح البنت اصعب كثيييييييييييييير من جرح الرجال
|
علو النفس يالغالي انا عمري والله 19 مالي يوم داخل عمري 19
حلوه بس منحوسه المشكله مو اكسر خاطره او من هالكلام المشكله حياه زوجيه يعني بتعيش مع وحده وانا مابعرف هل الزواج ينجح او لا هذا السؤال. واخاف لو اصبر إلى عمري 25 تكون هالبنت كبيره في العمر. |
بختصار انا احبه ولااتخيل حياتي بدونه ولا اقدر اعيش من دونه ابي حل.
|
اقتباس:
اؤيد كلام اختي لان اذا انت مو قادر تسعدها وبالحلال خل البنت في حالها ولا تعيشها في اوهام |
السلام عليكم...السؤال يا اخي ليس في موقعه لان الزواج هو عالم كامل و حياه ثنائيه بين شخصين لا يعلم مصيرها الا الله تعالى..فكم من الزواجات المبنيه على اساس قوي لكن نهايتها الطلاق بسبب امور طارئه عليها ..
المهم لن اطيل عليك, مبدأ تعارفكما و هو الانترنت وهو مبدأ خاطئ ١٠٠% و حاليا لا تستطيع ان تقول انك معجب بها او باخلاقها لان شتان ما بين الواقع و شاشه الكمبيوتر ..... وكل العلاقات الغير مبنيه على علاقه شرعيه ليست قابله للنقاش....تريدون الزواج, فاول ما يجب فعله هو ان تدخل البيوت من ابوابها, تتعرف على البنت كم يجب و ليس من خلال "صوره"!!!!!! تتعرف على اهلها....لا اقول فقط قد تنصدم انت, بل هي ايضا قد تنصدم فيك اكثر منك..... المهم, بعد هذا التعارف الواقعي كل حادث له حديث ...اما الان فلا تعطها آمالا واهيه و لا تؤمل نفسك بشيء ..... اعانك الله و اعان كل الشباب على فتن هذا العصر. |
الله يجزاكم الف خير على التوجيهات.
|
واخاف لو اصبر إلى عمري 25 تكون هالبنت كبيره في العمر. وليه تخآف تفتكر لو تزوجتهآ وانت بهالعمر (19) مآرح تكبر البنت !! هي بالنهآيه اكبر منك :25::25: مووفق يآرب ~ |
وقت زواجك بيكون عمرك 25 وهي بيكون عمرها 29 سنه
وبعد اربع سنوات من زواجك بيكون عمرك 29وهي بيكون عمرها33 سنه ولما يكون عمرك 35 سنه في عز شبابك هي بتكون على 40 سنه.. المراه لها وقت محدد تستطيع الانجاب فيه ومعروف في سن الاربعين لاينصح بالحمل فيه خل تفكيرك عقلاني في امور الزواج والفتاه الي تبي ترتبط فيها..وابعد عن العاطفه في امور الزواج صحيح الحب ضروري بس الحب الحقيقي بيجي بعد الزواج ومع العشره واهم شي الاحترام .. والان عمرك 19ومشاعرك مشتته ومو مستقره وو قت مايكون عمرك 25 سنه بيكون تغيرت طريقة تفكيرك وتستقر عاطفتك وتكتشف انه مو هذي البنت الي انت تبيها زوجه لك..ولعلمك هي عمرها احتمال 23 سنه يعني مو مراهقه والمفروض ماتسوي معك هالحركات وترسل صور..اذا ماعقلت وهي في هذا العمر معناه ماراح تعقل احتمال كبير.. يعني ممكن السنه الجايه بتكلم بنت غيرها بالصدفه وتعجبك وتلقى فيها مواصفات احسن من هذي وتنسى امر البنت الي معك الحين..وهكذا الا مايصير عمرك 26 سنه وتستقر عاطفيا..وتستقر على بنت وحده تحبها وتكون زوجه لك وام لعيالك وياليت تروح على قسم المتزوجين..وتقرا موضوع احد الاعضاء عنوانه...هل استحق الخيانه..ومااذكر اسم العضو بس احتمال تلقاه في الصفحه 1 او 2 ...راح يفيدك كثير وقريب من قصتك.. |
يسعدكم ربي ماقصرتو والله على التوجيهات استفت كثير.
|
اقتباس:
اذا بتتزوج بعد 5 سنين اجل ليشت تسال السوال العبقري " اتزوج ولا لا " :25: انا اقولك لا تتزوج :d |
والله كلها توجيهات مبنيه على عادات وأطر اجتماعية أغلبها متعصبه ضد المرأة..
أنت غلطت بس رجال مو طفل.. لازم تتحمل نتيجة غلطك.. أنت السنة الجايه 20 سنة وهي راح تكون 24 سنة مافي فرق كبير.. ولنا في رسول الله أسوة حسنة.. المرأة هي المرأة .. والي تتكلم أنها ماصانت شرفها .. الشرف مو صورة .. هي غلط مادفع عن غلطها.. بس لا تحسبين كلمتك هينه .. يحسبونه هينا وهو عند الله عظيم.. بعدين أنت ظامنه الايام ايش تكتبلك .. وبلسان أيش ممكن الله يعقبلك.. الله يستر على بنت الناس .. ويحميها .. ويستر عليها.. ويهديها..وأنت بجد مو قد البنت .. الله يعوضها أحسن منك .. ولما أنت متردد ليش حبيتها وعشمتها أنا في رأي تخليها تدخل وتقرأ كلامك وكلام باقي الاعضاء .. |
اخي صلي صلاة الإستخارة وخلي الأمور بيد الله
اما فرق السن فهناك الألاف مثل هذه الحلات وعيشين سعداء السن عمره ما كان معيار يتقاس بيه السعادة اذا انت تريدها وهي بعد تريدك من ايش الخوف؟ وليش تتردد والهم انو انت ما تعمل شي بدون ما تكون متأكد يعني اذا انت متأكد انك رح تكون سعيد وياها اتوكل على الله والله يوفق |
اقتباس:
أشم ريحة تأليف |
اقتباس:
اقتباس:
اه بس وربي محتار لكن بحاول ابتعد عن البنت اقل شي وش اسوي ماودي اضره واقتل مستقبله واحطم اماله الله يصبرني بس على فرقاه وربي محتار ودي ابتعد ولا ودي الله يعين ومشكورين على النصائح.. |
انا اقول خل البنت تروح في حال سبيلها ححرام عليك
بعد خمس سنووات كم راح يكون عمرها؟؟ الله يهديك بس ونصيحتي تترك كل العلاقات مع البنات |
بسم الله الرحمن الرحيم
السلام عليكم ورحمة الله.. عجبت من الموضوع.. ومحتواه .. هل الزواج مشكله ؟؟ الرسول -صلى الله عليه وسلم -يقول" لم يُـرَ للمتحابَّين مثل النكاح " وإذا كنت تخاف الله ف نفسك فستخاف الله في عباده الاسلام دين يسر لاعسر ..شرع لك الخطبه..تقدم لخطبتها فإن رايت منها مالايعجبك شرعا ..فالامور ف كفتك والقوامة لك وابتعد عن العلاقه المحرمه.. ومن ترك شيئا لله عوضه الله خيرا منه وانا آسف ع ماكتبه الاخوة ف حق تلك الفتاة من كلام وعتبي ف المقام الاول عليك فهذه غيبة وبهتان -نسال الله السلامه- وربي يكتب لك الخير والتوفيق |
اذا على العمر هل الوقت محد يعجز يعني في شد ونفخ وشفط ووووووو بس انا مع اخوي الوزن الثقيل
|
في بداية الموضوع كل مشاعرك هذه ليست مشاعر حب وانما اعجاب صدقني وتعلق لا أكثر ممكن انت حبيت شخصيتها
بسراحه كيف ترضى توريك صورها ياااآخي اكيد انت طلبتها حرام عليك تطلبها فكر واترك عنك هالخرابيط والله بتشك فيها واذا انتا ماشكييت هي بتشك فيك وتتعيشون بجحيم واذا انت تزوجت بهالطريقه اول ماتتزوج وتتملكون بينتهي الحب فكر بعقلك وكمل دراستك وبعد ماتخلص دور لك بنت الحلال اللي تناسبك وتكون واثق فيها وحتى تكون اصغر منك انا ادري فارق السن موب عيب بس موب حلو اذا كان الرجال اصغر حلو تكون اكبر منها .... .... وش يضمنك انها تعرف غيرك وتلعب عليك ترا المنتديات مررات دماار صدقني انتا حبيت شاشه لا ااكثر .. ... اتركها وانصحها وخليها تشوف حياتها وابتعد عن هالطريق لان ربي ممكن يبلاك بخواتك او بناتك مستقبلاا في بداية الامر بيكون الوضع صعب عليك بتتعبون نفسيا بعيدين خلااص بتتأقلم .... ..... والله اعجاب لاتقول حب بكرا بتيجي تقرأ كلامك وتتحسف على كل شي وتندم ..... ..... حكم عقلك لا قلبك ... |
اقتباس:
يشهد الله علي انه هي اللي ارسلت الصور من دون ما اقوله ارسلي لي صورك اشكرك على التوجيهات ماقصرت. |
ما معنى الزواج في رأيك؟؟؟؟؟؟؟؟؟؟؟؟؟؟؟؟؟؟
|
معناه نبني اسره ونبدا حياه جديده.
|
اقتباس:
طنشها اصلا زواج كذا موب ناجح مابي اكون متعصبه فكر بعقلك ابعد قلبك ترااها مراااااااهقه لا اكثررررررررررررررررر نصيحتي خليك بدراستك ووووبس غير كذا لااتفكر ابدددددداااااااااا يعلم الله النصيحه لك اخوي من كل قلب قبل لا يطيح الفاس بالراااس وحتندم ونتمنى لك التوفيق |
اقتباس:
|
ربي يسعدك يالغلا هذا
اللي اقدر اقوله لاتحرموني من نصائحكم |
| الساعة الآن 05:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©