انا ملكت تقريبا من 6 شهور عمري 20 سنه وخطيبي 29 وخجوله جدا ووافقت عليه من اختيار الاهل وعشان ارضاءا لوالدي وحتى مااستخرت فيه والله العظيم مااستخرت مع العلم انه ميسور الحال ووضعه المادي حلوو

لان لما تقدم لي ورفضت والدي جلسني عن الجامعه وسحب كل شي مني الجوال واللاب توب وقال مافيه جامعه وحتى عماتي وقرايبي تدخلو في الموضوع وطولت على بال ماوافقت..


المشكله اني احاول اقنع نفسي وارضي حالي فيه واقنع نفسي اني بحبه وكل يوم اردد انا احب فلان وفلان يحبني واكيد انا احبه ..

االاهم انو انحرج اطلبه اول ماكلمني شرالي شريحه وقالي ايش تبين جوال انا انحرجت اطلبه واختار قلت اللي تجيبه وكان نفسي في آ ي فون4 ويعنني بسوي رومانسيه قلت ابي لونه احمر
مالت علي هبله اللي ماطلبته وبعد مرور الوقت قلت له اناعاجبني الاي فون خاطري فيه اتوقعت يقول انا اجيبه لك قلت بقول لاخوي يجيب لي عصب قال خلي هلك يجيبونه لك
المهم بعدين مع مرور الوقت صاحباتي يقوولون ليش مايعطيك مصروف شهري ومن باب السوالف قلت له انوفي بعض صاحباتي ازواجهم يعطونهم مصروف شهري انامااارضى
المهم مع الوقت قالي ابي اجيب لك سماعة بلوتوث وجهاز آي باد قلت اوكي وهوا تأخر مررررره يعني سار على هالحكي شهرين المهم وانا احتجتهم لطبيعة دراستي وحاولت المح له
قلت له حبيبي وعادني بهديه قال ابشري ومانسيت الاي باد المهم ماقال السماعه قلت ابي المح له قلت له ابي اقول لاخوي يجيب لي سماعه وياه عصب مني بالمره وقال لي كل شي
هلي هلي وانا سكت منه ومررره زعلت ماحبيت ابين له بعد مرور كم يوم قلت له انا بخاطري عليك لاني مااحب اتضايق ومااخبره وعلمته تخيلو مرره زعل مني وخلا صراحتي قلبها زعله علي
وقلت له اناانحرج اطلبك وقلت يمكن انك انت نسيت وكفايه عليك الاي باد وهذا قصدي وانا متأكده انك ماتقصر المهم نفخ ريشخ علي وطنشته مرررررررررررره قعدت 3 ايام لاني قلت له ان شاء الله مااشغلتك لانه يومها بالعمل وقال انتي شايفه كذا قلت مدري أانا أسألك قالي باي وخلا صراحتي زعله ؟؟

بعد الثلاث الايام انا كنت مرره زعلانه ارسلي بكره اجازه وطنشته ودق ورديت قال ايش فيك قلت مافيني شي واتضايق وانا موطايقته اسلوبه موكويس ؟
المهم قفل الخط معاي ومارجعت كلمته لانو كل مشاكلنا بسببه هوا مايفهمني ويحكم على الموضوع من وجهة نظره ..بعدها ارسلي مسج مارديت قعدت 4 ايام ولمن دق مارديت ارسلت مسج اناكنت نايمه بعدهادفيت وليتني مادقيت قال وحشتيني وقلت انتابعدالمهم قال انااتمنى انك تطلبني وماتحتاجي احد انا زوجك واي طلب تامرين قلت طيب وفهمته سبب زعلي بعدماقفلنا ارسلت لو مسج حبييبي انامااخذت مصروفي الشهري من بابا وابي اخذه منك يازوجي وليتني ماارسلتها دق قالي شنو هالمسج قلت له عشان ياعمري انتا تقول احنا واحد واناابي احسسك انه احنا فعلا واحد هزأني وقال سمعي انا مسؤول عنك اذا جيتيني قلت له انت انسان متناقض تقولي طلبي مني والحين جاي تقول ليش تطلبين اسمعني ماابي منك اي شي لا اي باد ولاسماعة ولاحتى شريحتك ذي والجوال اللي جبته وكل شي بيننا انتهاء قال شلون يعني ماراح اكلمك الا يوم الزواج انا سكت مارديت قلت له يعني ماراح اخذ منك اي شي لو تجيبه قال حتى لوجيتي عندي قلت له ايه لانه قهرررررني مررررره وقلت له اناموموظفه عندك وقلت رجاءا مابي منك اي شي

وهوا يقولي انا مااحب احد يأمرني والله العظيم انا جيته بطريقه مهذبه جدا وراقيه جدا وارسلت له بمسج ذوق يقولي منو محرشك علي ماادري ليش هوا شكاك انا مليت منه وطفشني مايفهمني وكل مشاكلنا بسبب عدم فهمه ...



انا قفلت الشريحه لاني مااعاااد ابيها ولقيته مرسل لي مسج وياليته اعتذر لا يكابر بعد ورجعت قفلتها ؟

هوا مملك علي يعني زوجي ليش يعاملني كذا ؟ والله عشانه تحملت اهله اللي حتى اخواته مايسلمون علي ولاحتى باركولي ولمن يشوفوني يتاجهلوني انا الحمدلله اشرف وبنت ناس الحمدلله ومثقه ومتعلمه بس مااادري ليش مايبوني معقوله الغيره لهدرجه ؟ حتى امه ماتدق علي انا ادق عليها اسبوعيا واحتسبها لله انا ماادري كيف اتصرف والله مغبونه منه هو بالمره ؟



والمشكله الثانيه انا موقادره اتقبل شكله والله العظيم احاول لدرجة يسمونا جميلة والوحش وانا والله ابكي وقلت الرجال موب بشكله بفعله بس للأسف أحس اني مصدومه فيه مرررررررررره وانا الي الآن مصدومه بكلامه ماتوقعته يسوي كذا اذا هذي اولها شلون اذا جيته ؟
وانا وعدت ابوي اني ماراح اخذله يجماعه وش اسوي لانه يقولي هوا كوفو بس انا مااشوف كذا بعد حركته ذي ..