|
زوجتي تخاف القعده بالبيت شوفولي حل
السلام عليكم
المشكلة ان زوجتي تخاف تقعد لوحدها بالبيت حتى وهي نايمه لدرجة اني اروح الدوام اوقع وارجع لأن البيت قريب ووقت الانصراف اروح الدوام مره ثانية عشان التوقيع وبعض الاحيان اذا فيه شغل بالدوام اوديها بيت اهلي لأن اهلها برا المدينة اللي انا ساكن فيها المشكلة انه صارت لي مشاكل مع المدير بسبب دوامي انا ودي اداوم زي الناس عشان ارتاح نفسياً من مشاكل العمل لكن زوجتي اذا تأخرت ساعة اتصلت وقالت تعال اخاف اقعد لوحدي لأنها تتخيل كثير اذا كانت لوحدها طبعاً صعب كل مره اوديها بيت اهلي صرت استحي منهم بس وش اسوي وصعب اني كل مره اداوم اوقع وأطلع من حسن حظها اني ما احب الطلعات كثير مع الشباب واذا طلعت اضطر اوديها بيت اهلي قولولي وش الحل ؟ حاولت ادور لها وظيفة بالصباح بس شهادتها ثانوية ومالقيت لها وظيفة .. هل عندكم حلول ؟ اللي يحل المشكلة ويخليني اقتنع بالحل له جائزة :d |
الحل 00
تسجل في اي داهيه وتدرس 00 او تسكن عند اهلك او خلها تحمل وتجيب بيبي يوسع صدرها ويشغلها او خليها تجرب الاذكار والاوراد الا على فكره 00وش الجائزه !! عشان اكمل باقي الحلول |
أحضر لها شغالة للصبح فقط ولة خليها تكمل دراستها في الجامعة ماهى فاضية مراتك شكلها دلوعة مش هي عارفة انها هتتجوز مفروض تعالج مشكلتها قبل ماتدخل زوجها يا إما تشتكي للحماك وحماتك ويشوفلها حل بس سؤال اية اللى هيجرى لها في البيت وانت مش موجود خليها تقاوم خوفها مفيش حد هيأذيها يعني واخيرا توديها اخصائية نفسية تعالج خوفها غير مبرر |
لاتنام في الصباح اذا رحت أنت لدوامك تجلس صاحية وتشتغل في البيت الفراغ والهدوء يخيل لها باشياء ويجيب لها هواجيس
وخليها تشغل التلفزيون وترفع الصوت علشان يسليها الحس في البيت او ممكن أحد من اهلها يكلمها بالتلفون الصبحية يسليها لين انت ترجع من دوامك او على الماسنجر تشغل الكاميرا مع اهلها ويونسونها لاتترك دوامك وتفشل نفسك ترى هذا دلع بنات وهبال كل اخواني صار لهم كذا مع زوجاتهم اول الزواج يقولون نخاف نجلس لوحدنا نخاف ننام لوحدنا نخاف من الجن سبحان الله تعال شوفهن هاللحين يهججون الجن خليها تحافظ على الصلوات في اوقاتها وتقرأ اذكار الصباح والمساء وماعليها خوف وترى ماعفريت الا بني آدم :d |
اقتباس:
طيب يا أخي .. هي ممَ تخاف بالضبط؟ |
عليها ان تتعود الجلوس وحدها فهذا عمر
وحاول تسجليها في دورة او معهد او اكمال دراستها الجامعية |
إذا تتخيل وتشوف أشياء تتحرك , فخلها تقراء عند شيخ يمكن عندها شيء لاسمح الله....
|
مشكورين على الحلول السريعه
نفكر ونجرب ونشوف النتيجه اللي سأل من ايش تخاف , هي تخاف من الجن اعاذنا الله واياكم منها المنبجس : نعم هي تتخيل وتقول انها قد شافت مع ان البنت طبيعيه ومافيها شي بس يمكن خوفها الزايد هو السبب |
هذا سبب ضعف الايمان .انا صار لي كذا نفسها قبل سنتين بس اخاف من كل شي حتى وقت النوم مااحب الظلام وبس اتخيل وبصراحة ماقد اقرا القران الا برمضان ومااختم بعد والاذكار ماعمري قريت ابدا ..يوم تخرجت من الكلية ودخلت الدار تحفيظ القران ..وبديت احفظ واقراء سورة البقرة يومية واحافظ على الورد ولكن من بديت اقراء سورة البقرة دايم اتهاوش مع الشيطان بالحلم واحيانا كابوس لمدة شهرين ومازلت اقراء واختفى مرة وحدة الحمدالله ..الان لي سنتين مرتاحة ولا اخاف ابدا اروح بالحالي واجي بالحالي واعتمد على نفسي دايم وقد مسوؤلية ومااخاف من شي
|
اقتباس:
أحد علامات الأمراض هذي كثرة الأحلام السيئة وقت النوم .. |
[QUOTE=ملك الحب والهوى;2589156]مشكورين على الحلول السريعه
نفكر ونجرب ونشوف النتيجه اللي سأل من ايش تخاف , هي تخاف من الجن اعاذنا الله واياكم منها المنبجس : نعم هي تتخيل وتقول انها قد شافت مع ان البنت طبيعيه ومافيها شي بس يمكن خوفها الزايد هو السبب[/QUOT ههههههههههه نفس حالتي تقريبا لدرجة قبل لا أتزوج اني كانت تنام معاي لغرفتي نصيحة مجرب عليها بتشغيل سورة البقرة او قرارتها كل صباح + تلهي نفسها بأعمال المنزل وعليها دائماً ترقي نفسها تتعود من ابليس |
اقتباس:
اذن زي ماذكرت سابقا لاتنام الا وانت موجود يعني تنام وقت نومك وتقوم متى ماقمت انت وتحصن نفسها قبل النوم وتشغل سورة البقرة في البيت وتقرأ القرآن دائما واذا أمكن جيب لها طيور او حيوانات يسلوها :d الفكرة ممكن تكون سخيفة لاكن ان شاء الله تجيب نتيجة واذا كنتم في بيت مو شقة وعندكم حوش املأ لها الحوش باحواض النباتات وخليها تخصص وقت دوامك للعناية فيها منها تتسلى ومنها تجلس بعض الوقت خارج البيت تسمع اصوات الناس واصوات السيارات واذا افكاري الغريبة ماجابت نتيجة كلش قول لها ويش رايك نسكن عند أهلي على طول علشان ماتخافين :d تلقى خوفها هرب من الشباك :22: |
ياذكي هذى طريقة تجذبك فيها للبيت عشان لا تتأخر ..
بدليل تتصل فيك لأتاخرت لو ساعة .. من جد والله طريقة هابين فيها البنات بكثرة وسمعتها من أكثر من وحده و يتواصون فيها بعد ..! خاصة حديثات الزواج .. |
السلام عليكم .. كنت أعاني من هالشي بداية زواجي والله مو دلع كان خووف حقيقي .. أنصحها تشغل البقرة على طول .. وماتترك للوسواس مجال تلعب براسها ..تشغل نفسها الوقت اللي انت ماتكون فية (قراءة +نت +طبخ....)..
ونصيحة خلها تكون قوية وتواجة مخافها وتتغلب عليها أحسن من إن هالوساوس تتغلب عليها .. |
اقتباس:
|
[SIZE="4"]انا من رأيي لو تعودها على اذكار الصباح والمساء وتذكر كم حديث للنبي عن فضله وحفظه وتحصينه للأنسان !
وبعد ذلك على زوجتك ان تؤمن بأن عليها حصانه من الله ! يجب ان تتعقل زوجتك ذلك ! بعد ذلك من الطبيعي ان تهدأ وتستكن اذا فهمت وتعقلت ان الله حافظها من كل شر ... [/SIZE |
سجلها في أي مركز تحفيظ قرأن قريب منكم
منها ترتاح نفسياً وتنشغل وتستفيد الله يبارك لك في زوجتك وبما ان كثير يعانوا هنا مثلها فلا تلومها لأن أكيد هي تعاني بجد من التخيلات لأن الدلع مابيكون بأنها تطلب منك تترك عملك |
انا كنت اعاني مثلها في بداية زواجي...خوف شديد وتخيلات ومافي نوم..واغلب الايام اروح بيت اهل زوجي او اهلي وكلهم عارفين اني اخاف لوحدي.مع اني محافظه على الاذكار..وطول الوقت على قناة القران بس كنت اخاف من الوحده نفسها مافي غير انا والجدران..صمت مو طبيعي
طبيعي لان ماتعودنا ننام ونجلس لوحدنا... وزوجي كان نفس طريقتك يوقع ويجي...والحمدلله انحلت المشكله مع انجاب المولود الاول بسبب انشغالي .. |
ياذكي هذى طريقة تجذبك فيها للبيت عشان لا تتأخر ..
بدليل تتصل فيك لأتاخرت لو ساعة .. من جد والله طريقة هابين فيها البنات بكثرة وسمعتها من أكثر من وحده و يتواصون فيها بعد ..! خاصة حديثات الزواج .. لا حرام عليكم ظلمتوها... زوجته تخاف تجلس لوحدها وهذ الشي والله انا عانيت منه لاني مو متعوده اجلس لوحدي كنت اخاف واحس فيه احد معايا واغلب البنات في بداية الزواج كذا...بس الحمدلله راح الخوف مع انشغالي في مولودي الاول.. |
ماني مقتنعة بسالفة خوفها من البيت...يعني بعز النهار وش تخاف منه؟؟
الا اذا مسكنها ببدروون.. قد يكون مرض نفسي ولكن اغلب الي يخافون تجيهم هالحالات باليل وتراكم افكار وخوف داخلي يدفعلهم لهذه التخيلات لدرجة الموووت.. غير السكن ربما ترتاح..وان شاء الله ربي يرزقكم بذرية وتنشغل فيهم.. >>>>>>تخاف من الظلمة. |
ما كنت أخاف أو أتخيل شيء لكن كنت أحس المكان موحش
فكنت إذا قمت شغلت البقرة وأحاول ما أفكر ولا أدقق بالأصوات لأن دائما المكان الجديد الواحد ما يكون متعود عليه ولا على أصواته سواء من بره ولا نفس الأثاث ولا أي شيء بعدين يصير عادي ولا عاد يسمع شيء وزوجتك دام معاها بس ثانوي خلها تدرس في معهد ولا تنضم لدورة صباحية خصوصا لسه ماعندكم أطفال تتعلم وتتسلى |
أنا كنت مثل زوجتك الفرق بيننا أن زوجي كان يعمل بالليل وكنت أجلس وحدي وخيالي يبدا يشتغل بدون توقف :24: إلى أن حملت وجاني بكر:17: لم يترك لي الوقت في التفكير أنصحها أنها تحمل باسرع وقت أو تملأ وقتها بي الدراسة |
انا اتفق مع اللي قالو لازم تحمل
او من باتب الحيطة خليها تسوي الرقية الشرعية كل يوم مع قراءة البقرة ان شاء الله ماتشوف شر |
ليش تقولون تدلع ؟؟ وهذي حركات بنات يتوصون فيها ؟؟
يمكن جايز بنات يسوونها بس موب كلهم وهي مو منهم والله انا مثل زوجتك وأكثثثثثثثثثثر والله ماقدر اجلس بغرفه لوحدي لو اهلي نايمين وانا لا وفعلا اخاف من الجن مثلها :( الصبح اخاف لوحدي .. واتخيل لاني تعرضت لشي وانا صغيره نفس زوجتك انت اذا رحت الدوام دق عليها كل شوي .. او اجلس سولف معها ماسنجر وانت بالدوام وبتتعوود شوي شوي وبتحسك جنبها .. وقولها ابيك تجهزين لي كذا وكذا لين اجي من الدوام عشان تنشغل فيه حسسها انك عندها حتى لو بالكلام وحاول تغيب بين فتره وفتره بالنهار عشان تعرف تتعود تجلس لوحدها انا مثلها والله لدرجه مره سافرنا وكنت بالشقه تركني ابوي لوحدي لان امي كانت عند جدي وانا مع ابوي بالشقه ونزل السوق تحتنا والله كنت بمووووووت خوف وماقدرت ادق على ابوي بس هالشي يخليني اثق ان مافي شي يخوف ومع الايام بدا يخف شووووي |
اقتباس:
|
اقتباس:
|
انا عندي لك الحل :d
عزيزي الفاضل زوجتك باين عليها لسى صغيره في السن فطبيعي تخاف وتتهياء بحكم انها ماتعودت على الوضع هل يوجد في العائله اطفال صغار مثلاً عيال اخوك عيال اختها بس شرط يكون عنده اكثر من طفل تاخذ واحد من الاطفال وتجيبه عندها في البيت ويونسها لين ترجع انت من عملك وتعيده لأهله هذا حل الحل الثاني سجلها في دوره تستفيد منها دورة كمبيوتر ( خلها تاخذ رخصة الانترنت الدوليه ICDL ) ترى بتستفيد منها كثير وتقدر تشتغل اي شغله إدارية انت شوف وش ميولها اذا كانت تحب الكمبيوتر ( شف اذا تحب التصميم , اذا تحب البرامج المكتبيه , اذا تحب تدخل الإنترنت ) المعاهد النسائيه مليانه بكل مكان بس اهم شي هي ايش ميلوها مو شرط الكمبيوتر خلها تدخل دورات المكياج , الخياطه , التطريز , ديكور ,, راح تستفيد كثير من هذي الدورات واذا ماعجبتك هذي كلها خش على الانجليزي سجلها بدوره خليها تتعلم الانجليزي والانجليزي اكثر من مستوى وخليها تدرس راح تكمل السنه وهي باقي ماخلصت , اذا ماعجبتك هذي كلها عندي لك حل بعد اذا زوجتك من هوات الألعاب ممكن تجيب لها بلايستيشن او إكس بكس او اي شي من وسائل الترفيه عشان تشغل وقتها فيه .. إن شاء الله اعجبتك حلولي وياليت الهديه تكون محرزه :) |
نفس الشي اذا لقيتو حل علموني بس انا احاول ماوضح لزوجي اني خوافه اسوي فيها وحده قويه وام عن جداره بس الحقيقه
ماعندي ماعند جدتي:14::14: احياناً يغلبني الخوف:24: واحيان اغلبه:18: |
| الساعة الآن 05:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©