|
كيف ابعدها تدريجيا عن متابعة كرة القدم؟
السلام عليكم ورحمه الله في البدايه احب ان اشكر جميع القائمين في هذا المنتدى الرائع مشكلتى باختصار اني خاطب من فتره بسيطه اتكلم مع خطيبتي هي انسانه رائعه فيها جميع المواصفات الي كنت اتمناها بس في شي مضايقني منها انها تحب كره القدم بشده وتتابع منتديات الكره ومتعصبه جدا لفريقها يعني باختصار الكوره ماخذ اغلب وقتها وشاغلها عني وهذا اللي مضايقني شوي. كيف اقدر ابعدها تدريجيا عن الكره وماهي الخطوات لاني خايف انو يستمر هذا الشي حتى بعد الزواج :24::24: |
بنات آخر زمن ;)
والله يا أخي لا أعرف كيف يمكن أن تصرفها عن اهتمامها وتعصبها هذا .. ولكنني أعتقد أن الأمر سيخف كثيراً عندما تنشغل بحياتها الزوجية وواجباتها الأسرية. موفق. |
الابن أبووخالد
1- إن كنتم في مرحلة الخطبه فلا ينبغي لك أن تكلمها إلا فيما هو مفيد بعلم وليها وإن كنت قد تملكت عليها فلا بأس. 2- في الغالب أن الزوج يكون هو محور حياة الزوجة وهي تبرمج نفسها على ما يناسبه فهي المبادرة إلى اللين لأن الزوج هو القئم عليهها ومرضاته مطلوبة شرعاً واتقاء الله منه فيها واجب عليه. 3-هي تنتظر معرفة ما الذي تحب وما الذي تكره لتستجيب لك وتخبرك بما تحب وما تكره هي لتستجيب لها. 4- إن كان فيها ما تكره كرهاً شديداً ولا ترتاح له فأخبرها قبل التملك وإن كان بك شيمثل ذلك فكذلك. 5- وإن كان هذا الشي الذي فيها أو فيك دون الكره الشديد فاعتبره من ملح الحياة الزوجية وتحملها وتتحملك فلن تجد الكاملة ولن تجد هي الكامل. نسنتج مما سبق إن كان تشجيعها للكره وأنت لا تعني لا الكره شيئاً ويضايقك هذا كثيراً فأخبرها فإن كانت قادرة على تركه فستستجيب لك وإن كانت غير قادرة فلن تمارسيه عندك بل تجعله في بيت أهلها أو مع صديقاتها بغيابك. والحمد لله إذا كان هذا التشجيع لا يجرها لمحرم فلا أرى ما فيه أن يكون له قيمة عندك. وعليك بالحنان معها في هذا الموضوع وعاملها كابنتك من حيث الرقة وزوجه من حيث التكليف إن فاز فريقها فاحتفل معها وإن خسر فواسها بما ترى أنه يسعدها. |
انتو لسه في فترة الخطبة لكن بكرة بس تتزوجوا ما رح تلاقي وقت لتابع هيك امور ورح تخف بالتدريح مع المسؤوليات والبيت والزوج والاطفال بأذن الله انا ما عندي وقت حتى اجلس ولو ساعة للتلفزيون مع المسؤوليات الي علي فأصبر اخي لبين ما تتزوج وبأذن الله رح تتغير
|
قريبتي كانت متعصبة جداااا لفريق ,تزوجت بعد ما انتهت من دراستها الجامعية , لها الآن 8 سنوات متزوجه , زوجها ما يعرف عن تعصبها شي .
مع انها بالتجمعات تبين حبها للفريق ومتابعتها بس عند زوجها لا , يعني موفقه بين الاثنين . اغلب اللي اعرفهم متعصبين يخفووا بعد الزواج . لا تخلي توافهه الامور تخرب بينكم احلا ايامكم . ربي يوفقكم ويسعدكم ويجمع بينكم على خير . |
اشوف الشي هذا عادي جدآ
وراح يخف بعد الزواج بشكل تدريجي عمي الكبير متعصب للاهلي وزوجته متعصبه للنصر ولو تدرون ان اكبر عيالهم بالجامعه وعمي الثاني متعصب للهلال وزوجته متعصبه للاتحاد واذا كانت المباراه بين الفريقين مايجلسوا في بيت واحد منعآ للمشاكل خذ الموضوع بشكل عادي ولا تجعله يأثر على حياتك المستقبليه |
ياابوو خالد بعد الزواج كل شي يتغير راح تكون مسؤله عن بيت وزوج يعني الوضع بيتغير كثير الله يوفقك ويسعدك ويتمملك ع خير |
رجل الرجال كفيت ووفيت جزاك الله خير
nosa81 مهره شكرا لردودكم هدوء المشاعر ريحتيني بردك مشكوره بؤد ودفا - جوري بنت ابوها اشكركم |
اهلييييييييين اخووووي والله سهله قولهههها وصاااارحها انك ماااتحبها تتابع كورة القدم لانك تغاااار عليهااا ومن هالكلااااام ان شااء الله راااح تتفاهم معك وتتقبل....والف مبرووووووك ياااااااااااااااعريس:14:
|
أنا قبل الزواج كنت أحب كرة القدم وأحب أتابعها عادي بس بعد الزواج يوم شفت زوجي مايحب الكورة ولا يتابعها أبدا بطلت بصراحه وحسيتها تااافه وأن شاء الله زوجتك بعد الزواج بتتغير وماعاد تهتم فيها
|
تتابع لان مافيه مسؤوليات00 لكن بعد الزواج تأكد راح تنسى الرياضه وايامها لذلك لاتنشغل بتوافه الامور
ومن الافضل انك ماتفاتحها بالموضوع الان00 الله يسعدكم ويوفقكم |
بصراحة أنا لا أؤيد إنك تكلمها بالموضوع حتى لو جبتها من ناحية إني أغار عليك و كذا, لأنه عبارة عن هواية و لها الحق تسوي أي شيء في وقت فراغها وممكن ينفرها و تحس إنك جالس تفرض سيطرتك عليها , و الآن البنات اختلفوا عن أول يعني حياتهم مو طبخ و غسيل و بس, على كل حال هي نفسها بتخف تدريجيا مع مسؤوليات الزواج , بالتوفيق.
|
لا تكبر الموضوع براسها
والله انا كنت مثلهااا واكثر ومتعصصبه للفريق بشكل جنوني اضحك على نفسي الحين انا الي كنت اعلم اخواني من بيلعب في المباره ومن الى بالاحتياط وحتى الجرايد الرياضيه كنت اشتريها <<مدرى وين كان عقلي بس سبحان الله الحين ولاادري عن الكوره مع اني ماتزوجت بس خلاص تخرجت وانشغلت اشياء ثانيه وكمان بقول نقطه اكيد صديقاتها او اخواتها يحبون الكوره مثلهاا وهذا الي مخليها تتعلق بالكوره اتركهاا وهي شوي شوي بتخف ... والزواج بيشغلها .. ولاتخلي هالشي يخرب علاقتكم انسى انها تشجع او تشوف مباريات والله يوفقكم |
يا أخي وش فيك تو الناس وسع صدرك إذا شجعت مافيها شئ بالنسبه إنك خايف إن تعلقا في المباريات رأح يأثر على حياتها ما أعتقد أبد ولا أتوقع ليش لأني أنا شخصيا كنت قبل الزواج ماتفوتني ولامبارة في الدوري السعودي ولماتزوجت زوجي بصراحه كان مايحب الكوره ولايدانيها بعيشة الله وكان يكره اليوم إللي تقام فيه مباراة بس زوجي كان مايعترض على تشجيعي وكان يحترم رغبتي في التشجيع ومايمنعني من متابعة فريقي وحتى الجرايد كان يجيبها لي ولو طلعنا نتمشى برى وهو يدري إن فيه مبارة في هاذا اليوم كان يخلينا نرجع بدري علشان هو عارف إني أحب أتابعها ومع الوقت والعيال صرت أتابع مباريات الأنديه الثانيه على خفيف يعني مو مثل قبل بس طبعا فريقي المفضل وأخباره أتابعها بقوه لحد الآن وكمان صار عندي مشجعين لفريقي المفضل عيالي كلهم يشجعون نفس الفريق إللي أنا أشجعه وحتى زوجي صار يتفاعل معانا ويشجع نفس فريقنا وهو بنفسه يشرف على ترتيب الجلسه في البيت قبل بدء المباراة زوجي أحسن شئ تعجبه مباريات المنتخب يتابعها
وكلنا نتابع المنتخب بس أنا أحب أشوف فريقي كم جمع نقاط وكم سجل أهداف وكم عليه وفي أي مركز هو ومن أقرب منافس له بالدوري كمان أخبار التعاقدات وكم لعب وكم تبقى له وأذكر مره كانت فيه مبارة مهمه لفريقي وكانت مع أشد منافسيه مباراة ديربي وخرب راس السيفر من فوق السطوح وراح زوجي وجاب له مهند س بمئه وخمسين ريال رغم إن خرابه مايحتاج كل هاذا المبلغ بس هو عارف إني أحب أتابع هاذي المباراة قام ضبطه بهاذا المبلغ ولأنه أحترم رغبتي وخلاني على راحتي الحين لويقول لي خلاص ماتشجعين ولاتشوفي المباريات عادي عندي يستاهل لأنه بالأول إحترم رغبتي مستعده أنفذ له كل إللي يطلبه بس الحمدالله زوجي إنسان متفهم وماعمره غصبني على شئ ما أريده أو حرمني من هواية أولعبه أنا أحبها وللعلم أنا عمري حاليا 36 وزوجي في أوآخر الأربعينات وحالنا مازال كما هو لأنه يا أخي الفريق إللي هيه تشجعه مايلعب إلا 90 دقيقه مع وقت بدل ضائع إن طال 5 دقائق وإن قصر 3 دقائق كل هاذي من 24 ساعه وطبعا الفريق هاذا مايلعب مباراة أخرى إلا بعد حدود خمسة أيام أو ستة أيام والحين صارت المباريات بالأسبوع مره يعني 95 دقيقه بالأسبو ع مو خصاره في زوجتك تخليها تاخذ راحتها فيها وتمارس هوايتها أنت يمكن إنك متضايق من سالفة دخولها للمنتديات الرياضيه بصراحه إذا كان مضايقتك هاذي النقطه فمعاك حق المنتديات الرياضيه ماتصلح وأنا ما أدخلها نهائيا أتابع أخبارالدوري عبر القنوات الرياضيه أو الشريط الإخباري إللي أسفل القنوات أو أتابعها عن طريق جريدة الرياضيه تلاقي فيها كل المعلومات بالنسبه للمنتديات ماهي حلوه ولاتصلح بتاتا أنت حاول تجلس معاها وتفهمها على أخطار مثل هالمنتديات بس بعد الزواج بيكون أفضل لكم الحين أنت لو واجهتها بهاذي الطريقه رايحه تحس بأن الزواج حبس في قفص وحرمان من حريتها وبتجلس تفكر في حياتها معاك وحياتها في بيت أبوها وتقارن عيشتها إللي عندك باللي عند أهلها عند أهلها كانت تمارس هواياتها بكل حريه وبدون قيود وفجأه تحس نفسها عند رجل يكون هو الآمر والناهي لها في كل شئ أ كيد البنت بيجيها إحباط من تصرفاتك وردات فعلك تجاه ماتفعله هي من تصرفات أنت إذا شاركتها في هوايتها رايحه تحس بإهتمامك فيها وحبك وقربك لها يا أخي مافيها شئ هاذي رياضه والرياضه حلوه وهاذي رياضة الجيل الجديد فشارك زوجتك هواياتها ولاتنسى إن رسولنا الكريم كان يتسابق هو وزوجته عائشة رضي الله عنها وزمان كان فيه بر وخلاء الواحد ياخذ راحته في كل رياضاته من مشي وركض ولعب وغيره لاكن حنا الحين ماعندنا إلا التنطط كل مافريقنا سجل هدف نطينا نطه حتى النطه تبغونا نحرم أنفسنا منها هاذي رياضتنا أنت الحين لاتشغل بالك فيها ومثل ماقلت لك ساعه ونصف بالأسبوع لو أخذتها من وقتها طوال الأسبوع في متابعة فريقها ماراح يصير شئ ولاراح تتأثر حياتكم بشئ من هالوقت القصير حنا عندنا عيال وبيت وزوج ومسؤليه بس أحس إن وقت المباراه عادي مثله مثل متابعة أي برامج بالتلفزيون فلا تضايق نفسك في التفكير بهاذي الأشياء لأنها فعلا راح تنعكس ردة فعلها على حياتك الزوجيه مع زوجتك فعيش حياتك وربنا يتمم لك على خير ويوفقك في حياتك ويرزقك الذرية الصالحة اللهم آمين . |
وليش تصرفها....!!!!؟
طيب فكر في استغلال هذا الامر حتى يصير عامل في تقريبكم اكثر من بعض انا بستغرب منك معقول ما عندك اهتمام بكرة القدم؟ لو كنت مكانك رح استغل هذا الامر :) وجة نظر |
السلام عليكم
شوف ياخوي بصراحه أناأتفق مع جميع الأعضاءأكيدالوحده بعدالزواج تخف تدريجيامتابعته للرياضه أتوقع والله أعلم أن زوجتك طالبه عشان كذاتحمس من كثرماتسمع صديقاته صدقني هذه مشكله بسيطه جدآآ خبرهاإن أهم شي الكره ماتشغله عنك وبالتوفيق |
لاتقلق الموضوع جدا بسيط ان شاء الله
عمتي كانت متعصبه للنصر وبشكل كبير جدا ,, ويوم الشوفه كان فيه مباره للنصر ماخرجت الين سجل النصر هدف والحمدلله انهم سجلوا بوقت قريب ولا كان الرجال راح :21: والان هي متزوجه ولو سالتها ايش اخبار النصر ماتعرف ,,:22: الظاهر خطيبتك قلبها جدا طااهر لانها ما انشغلت بامور اخرى من حب وعشق الي طايحين فيها البنات هذي الايام :29: الكوره اهون بكثيرر ,, الله ييسرلك امرك ويهون الموضوع عليك ,,ونصيحتي ( تقدر بيوم من الايام تخليها تمارس هوايه انثويه واطري عليها واسمعها من المديح الجميل ممكن تقولها انت ناعمه وهذي الاشياء هي الي تلبق لك اكثر من الكوره تصدقي :) وسترى التغير ان شاء الله ) |
إذا اتحادية .... اتوكل على الله :17:
وإذا كانت غير كذه ... دور غيرها :22: :23::23::23: |
| الساعة الآن 02:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©