|
نصايحكم لاستقدام عاملة منزلية
السلام عليكم و رحمة الله و بركاته
حبيت أخذ رأيكم لو بأستقدم عاملة منزلية ..؟؟؟ أبغاها أهم شئ حنونة عالأطفال و تجي معاي للخارج إن شاء الله إذا سافرت .. يعني ترضى إنها تجلس معاي كم سنة ،. أبغى أعرف ، فيه وحدة جربت السيرلانكيات ؟ لإني ما ارتحت للأندونيسيات .. ؟ : ( ناس يقولوا البنت أفضل ، و ناس يقولوا المتزوجة و الكبيرة في السن أفضل ؟ شغالتي اللي سافرت ، كانت حنونة صح .. بس كانت تتكلم انجليزي و تتدخل في كل صغيرة و كبيرة بيني و بين زوجي و ولدي يعني يا تكون الكل في الكل في البيت و لا تقلب علي و تكششششر .. و غلطي إني نقلت كفالتها من عند أهلي ، فكانت أمي تحكي لها كل شئ عن خصوصياتنا اللي بأجيبها إن شاء الله المرة هذه بأتعامل معها بنفسي و الله يجزاكم خير |
بالنسبه لي احس احسن شي للاطفال الفلبينيه وتكون مو مشتغله من قبل
الفلبينيات راقيات في التعامل علميها شغلها وبس وافضل المسيحيه لانهن مثقفات وطبعا لا تنسين كتب الدعوه .....لانهم بسرعه يقتنعون بالاسلام موفقه |
قلبي معاك
ليت تفيديني أكثر عنهم الله يخليك ، لإني سمعت مثل ما قلتي بس ماعرف أحد من أهلي تعامل معهم ، بس نتعامل مع العاملات الأندونيسيات و أنا بأخذها معاي إن شاء الله بعد سنة للخارج و أتمنى إنها تكون بنت حلال و ما تسبب لي مشاكل المسيحية أخاف إنها ( تنصّر ) ولدي لا سمح الله :D مو كفاية بنتغرب في بلد أجنبي ؟ كمان أجيب مسيحية في بيتي ؟ : ( قلبي ما حيرتاح .. مع إني قريت كثير في النت يمدحوهم ؟ :24: شغالتي كانت مسلمة بس ما كنت أشوفها تصلي و ماكانت تقوم لصلاة الفجر و الشئ هذا يزعجني الصراحة تعرفي كم رواتب الفلبينيات و كم تكلف فيزتها و كل شئ ؟ و أتمنى العاملة اللي بأجيبها ، إنها تكون حنونة عالأطفال و نظيفة عشان يوم انشغل بدراستي ، تساعدني بتجهيز اغراض الطبخ و دايما يشتكوا من السيريلانكيات بإنهم يجوا العكس .. مادري ، هل هناك حالات مختلفة منهم ؟ اخوي يقول إنهم وقفوا دحين الإستقدام من اندونيسيا و مادري ليه احس نفسي مرتاحة للسيريلانكيات ؟ أحسهم على نياتهم و طيبين ؟ |
اهلا اختي من احسن انك تجيبها من نفس بلدك وكمان تكون كبيرة شوي
|
كيف من نفس بلدي حبيبتي .. مافهمت ؟
يعني إذا سافرت أجيب بيبي سيتر مثلا ؟ |
نعم يعني لما تسافري لبلد اخر شوفي خادمة هناك وروحي للمكاتب بتاع الخادمات علشان تكون مضمونة وكمان تكون كبيرة شوي في سن انت عارفة الخادمات وشطارتهم لما يكون صغيرات في سن .
|
هناك عندهم بيبي سيتر و تجلس كم ساعة و تروح بيتها و ما أضمنهم
و أنا أبغاها تكون معاي هنا و أخذها معاي لهناك بعد سنة أو سنة و نص إن شاء الله كنت في الخارج و الفكرة هذه أبدا ما ضبطت معاي و ما عجبتني العاملة بالرغم من سلبياتها ، لكن لها ايجابيات خاصة إذا كان معاك طفل و زوج و بيت و دراسة شغالتي السابقة صح كانت تحبني ، بس كانت تتأمر علي مرات كأني بنتها لإنها كانت أكبر مني و لإنها عاشت مع أمي .. بس إذا جبت وحدة ، أتمنى إنها تكون - كبيرة و لها أطفال كبار - عشان ما تحنّ و تشتاق لهم كل ساعة و تتنكد : ( ملاحظة : اعتذر لكتابتي للجنسيات بس من جد محتارة و الشهر الجاي نويت أقدم بإذن الله ، بس ما أعرف إيش الأفضل ؟ و هل هناك جنسيات محددة مثلا أقدر أخذهم معاي للخارج مثل أمريكا فرضا ؟ <- إذا أحد له خبرة ؟ و لا مافيش شروط ؟؟؟؟ طبعا إذا جبتها بأقول لها كل شئ من البداية .. إني بأسافر و بتجي معاي هناك .. عشان كل شئ يكون واضح من البداية و لا نتعب بعض بس مالي خبرة في كل الجنسيات هل أقدر أشترط ؟ و المكاتب ما راح يضحكوا علي و يتغاضوا عن الشروط مثلا ؟ مع العلم إني حامل حاليا و الحمد لله ، و عندي ولد صغير و متعبني مع الوحام و بأسجله في الحضانة الشهرالجاي إن شاء الله و بأبدأ دوامي كمان الشهر الجاي إن شاء الله أو اللي بعده فبأحسب حساب لوقت الولادة و النفاس ، لإنه أمي بتكون تعبانة و أخواتي مشغولات اللي بأطفالها و اللي مسافرة و اللي بوظيفتها و دراستها و بأستخير طبعا ، بس ماأستغنى عن مشورتكم |
الله يعينك وييسر لك حملك وولادتك
انا زيك افكر في السريلانكيات لانهم طيبات الصراحة خالتي كانت عندها وحدة سنين من ايام ما كانت البنت الكبيرة عمرها 9 سنين ودحين البنت متزوجة بس تعبت ومرضت ورجعت لبلدها وجابوا بنتها بس خالتي عندها شغلات اندوسيات غيرها يعني لو اعتمدت عليها كان البيت راح في خبر كان واللي مصبرها عليها انها كانت امينة ومن خلال عشرتها بالاندنوسيات اتعلمت كلامهم واكتشفت مؤامرة سحر لام زوج خالتي وبنتها المريضة....... هذه تجربة خالتي وحسب ما قرأت في النت انك تشترطي ع المكتب انها قد اشتغلت في الكويت او لبنان ع الاقل تكون مفتحة شوي لا تجيبيها غشيمة لانها حتكون وسخة وحتتعبك نفسيا و جسديا وغير انها حتتبكبك لكي من كثر ماهي مشتاقة لاهلها وبزورتها الله ييسر لك ويسر لي بخدامات بنات حلال على فكرة انتي من الناس اللي تعجبني ردودهم و رجاحة عقولهم واحب اتابع ردودك سامحيني طولت عليكي |
الخادمة ستكون وفق ما تحبين وعلى الشروط التي ترغبين فيها لو أنك تفهمت معنى ( الإحسان للخدم ) ..
ما الذي يدفع الخادمة لأن تبطش بأهل مكفوليها إلا على سبيل الرد والانتقام ممن أساء لها وفتك بها ولم يراع الله في حقها كإنسانة لها عرضها وكرامتها التي لا بد أن تحفظ وليس لأحد المساس بها مهما كان هناك من مبررات .. أحسني للخادمة ، وأطعميها مما تطعمين ، وتجاوزي عن تقصيرها ، وليس شرطا أن نعاقب الخادمة على كل تقصير بالضرب أو السب أو التجريح .. جربوا أن تكافئوا الخدم على تقصيرهم ، وأن تقابلوا إساءتهم بإحسان ، فوالله إنهم سيقدرون لكم ذلك ، وسيخدمونكم ( بعيونهم ) .. لدي خادمة ( متخلفة لنظام الإقامة ) لكن لا تريد الخروج من عندنا ، ولها ما يقارب العامين ، يحبها ابني كثيرا وهي أيضا تحبه وتشتاق له إن غاب عنها بل وتراه في المنام !! تقصر أحيانا في العمل لكن لم نهزئها يوما أو نوبخها بل كان ديدننا في التعامل معها كما كان ديدن الرسول - صلى الله عليه وسلم - في تعامله مع أنس ، فلم يقل له لشيء فعله لم فعلته، ولا لشيء لم يفعله لم لم تفعله !! عذرا أن أطلت عليك ، وأعلم أنك ممن يخاف الله في الخدم ، حتى أذكر أن هناك موضوعا اتهمت فيه صاحبة الموضوع خادمتها بسرقة المال فقمت بتسجيل دخول خاص لتنهي صاحبة الموضوع عن اتهام الخادمة دون وجه جق ، فبارك الله فيك . وهنا تذكرين أن خادمتكم السابقة كانت تتأمر عليك ولم ألاحظ أنك قمت بنهرها أو توبيخها ولمست أنك تحترمينها لفارق العمر وهذا أمر تشكرين عليه وسيجازيك الله به خير الجزاء . لا أنصحك بالخادمة المسيحية ، خشية أن تنقل ثقافتها للأطفال ، ثم إن الفقراء من المسلمين هم الأولى بأن نمد لهم يد المساعدة وأن ندفع لهم أموالنا . الخادمة الأندنوسية لا يعلى عليها ، تتميز بالأمانة والعطف على الصغار وحسن تدبير أمور المنزل . لا أعتقد أن هناك مشكلة في اصطحاب الخادمة لبلد الابتعاث ، وأعتقد أن هذا الحل أفضل من ترك الأبناء في الحضانات ونحوها . راجعي مكتب باداوود للاستقدام واستفسري منهم وستجدين الإجابات الوافية إن شاء الله .. لكن لو تعرفين خادمة عند صديقة لك أو قريبة وأرادت أن تستغني عنها فبإمكانك استقدامها بعد أن تسافر ,, وفي هذه الحالة توفرين عليك رسوم المكتب ( 6000 ريال ) تقريبا ، ولا تدفعين إلا رسوم الخارجية ( 2000 ) ريال . أسأل الله لكم التوفيق . |
روووح الله يعينيك حبيبتي
صراحة ماعندي اي معرفة بالعاملات بس حابة اقولك لا تحصري الصالح بجنسية معينة بكل مكان بتلاقي الصالح و الطالح و استغربت لما قلتي الاندنوسيات مو كويسات كنت اعيش في احد الدول العربية و كان عندنا جارة رحمها الله عندها اطفال و الشغالة هي اللي تربيهم و امهم ما تعرف مسؤليتهم بتاااتا غير بس تبوسهم :) اما طبخ و اكل و شرب و تبديل و تنويم و اهتمام وقت المرض و ودي المدرسة و جيبي من المدرسة حتى التعليم كانت الشغالة هي الي تجري بعدهم عشان يتعلموا سبحان الله كانت زي الام لهم و بعدين خلاص تعبت و كبرت بالعمر و رجعت على اندونيسيا بس بقيت على اتصال مع الاطفال و العائلة تعرفي ايش صار ؟؟ جارتي توفت الله يرحمها و تركت اطفالها صغار ماحد فاضي لهم ولما الشغالة درت ماقدرت تصبر عنهم .. قالت خلاص برجع اشتغل عندكم والحين هي اللي تهتم فيهم بعد وفاة امهم الله يجزاها كل خيييير وفعلا اذكرها زي الام حنونة و طيبة و دايما الحجاب على راسها و ماتسيب فرض فا الشغالات حظوووووظ زي البطيخة :) ياحمرا يا قرعة فا برايي اهتمي بالسؤال عن خلفيتها وين اشتغلت وليش تركت و اعتقد الي اشتغلت من قبل تكون افضل لانها بتكون اتعودت عالغربة و بعد الاهل و عارفة كيف النظام عندكم .. بس ضروري تستفسري ليش تركت و لو تقدري اتصلي على اللي اشتغلت عندهم من قبل و اساليهم عنها تكون متزوجة و عيالها كبار شوي .. عشان زي ماقلتي ما يقعد قلبها متعلق عندهم وبنفس الوقت تكون عندها خبرة بالاطفال و تساعدك تكون مسلمة.. يكفي البيئة الخارجية مسيحية .. و بعدين هي بتكون معاه كثير و تجاوب على اسئلته فايفضل تجاوبه بما يناسب ديننا .. مو تقوله حرية شخصية :) و اخييييرا لا تنسي الدعاااااء و الاستخارة .. و ان شاء الله ربي يوفقك بعاملة طيبة و حنونة .. |
عندنا الان مشكله بالخدم واستقدامهم وصارت تاخذ وقت اكثر من اللازم انا الاان بكمل ثلاث شهور من قدمت على خدامه اندونيسيه والمكتب يقول لسه قدامكم وقت بعد...فانصيحتي لك اتخذي قرارك بسرعه وقدمي على خدامه ..بالنسبه للجنسيات انا جربت السيرلنكيه مااااتنفع ابدااااا وجهة نظر شخصيه طبعا للاسف مايهتمون لا بنظافتهم الشخصيه ولا بشؤن المنزل بطريقه مرضيه غير كذا لسانهم طويل بجد ومايعتمد عليهم...الاندونيسيه تريحك من جميع النواحي بس التعامل معها لازم يكون حذر وبحساب....الفلبينيه وخاصة المسيحيه برضو كويسه وعطيها شغلك وارتاحي بس انا ارفضهم بسبب ديانتهم خاصة ان عندي اطفال صغار واخاف من تأثيرها عليهم ...عموما الخدم شر لابد منه الله يرزقنا الصالحات منهم ..
|
ماسبق وان جربت الشغالات بحياتي الا من سنة تقريبا ..
طلبنا شغالة سريلانكية مسلمة سبق لها العمل بالسعودية وكبيرة ( بين 25-35 ) ومتزوجة .. وهو ماحصل ومرتاحين معها بنسبة 99% ... بالمناسبة وصراحة .. رغبتي في السرلنكية بالدرجة الأولى بسبب خوفي من فتنة الاندونيسيات .. وبالنهاية التوفيق يعمل دوره بهالمسألة .. |
نصيحة من مجربة
فلبينية و لا أحلى نظافة و اهتمام و دقة و سرعة و غير هذا ما تخافين من ناحية زوجك أو أحد برى الأفضل تكون غير متزوجة و في هذا ضمان انها ما تلعب من وراك و العيال عشان ما تحن لهم تراهم قويات و عندهم عيب الوحدة تلعب خصوصا إذا كانت بكر أسعارهم غالية أتوقع هم أغلى شيئ و رواتبهم ع الـ 800 إ ذا ما نسيت أو زادت و الله أتعب و أقول روعة السرلانكية ما أنصحك نهائيا و كذلك الأندونيسية توكلي ع الله و استخيري و ربي يكتب لك اللي فيه الخير |
كلام الأخ شاطئ المحبه
سليم 100% والله ييسر لك وتجيك وحده طيبه زيك : ) |
بأضيف شئ ،.
يوم كانت شغالتي معاي في الغربة ، تمنيت من جد إنها تسافر بأسرع فرصة مثل ما قلت زمان .. و بجد ارتحت ، لإني ما أحبهم يكونوا معاي في نفس البيت و أحسهم يقيدوني ، خاصة لو أنا و زوجي في البيت .. مع إنها قبل لا تسافر ، قالت لي كم مرة تبغى تجلس معاي ، بس خلاص من جد .. كنت أتمنى يوم إنها تسافر ، إني أخدم بيتي بنفسي ، و أنا و زوجي نتقرب أكثر من ولدي .. بس زوجي يبغاني أكون متفرغة له ( تماماً ) .. هنا اللي ساعدني إنه أهلي موجودين .. و مع وجود ( طفل رضيع ) بعد عدة أشهر إن شاء الله .. الأمور بتصعب و خاصة إذا رجعنا و تغربنا .. لإنه هذا بيكون وضع ولدي مع زوجي إذا تركته معهم لوحده بس لو ساعة .. http://www.tt5.com/files/2009/08/rea...s-part-2-3.jpg و لا كذا .. http://www.tt5.com/files/2009/08/rea...s-part-2-7.jpg أفتكر مرة ، قلت له عندي موعد في الجامعة لمناقشة مشروع تخرجي ، معليييه .. تجلس مع ولدي بس شوي ؟؟؟ رجعت و لقيت البيت هادي و نظيف ، و ولدي من كم ساعة مسكين ، جالس فوق الكنبة ... لا يتكلم و لا يتحرك .. أبوه جالس قدامه و فاتح اللاب توب و التلفزيون ، و ما يخليه ينطق بكلمة و لا يتحرك من مكانه ، و مسكين ولدي كان جوعااااااااان من كم ساعة و ساكت و خايف .. و حتى دحين مرات يقول لي ، جيبي دواء الكحة و شربيه ملعقة كبيرة عشان ينام .. أقول له أول شئ ، مكتوب ملعقة صغيرة .. فيقول لي مو مشكلة عشان ينام بسرعة و أقوله الشئ الثاني ، ما يصير تعطيه و ما عنده كحة .. يقول لي ، ما يضر لو يوم واحد .. زي كذا .. :24: . . فمن جد ، اتوصلت لنتيجة ، إنه الشغالة شرّ لابد منه .. مع إني ما أحبهم .. http://www.66n.com/forums/images/icons/cry3.gif عالأقل أضمن إنها تكون حنونة على ولدي و تهتم فيه .. خاصة لو أحسنت لها ( بحدود ) .. لي عودة مع الردود حبايبي .. |
اول شي برد بشكل عام بعدين برد على اساس البعثه..
بشكل عام افضل شي الفلبينيه واسوء شي الاندونيسيه بحكم تجارب اهلي جربو كل الجنسيات.. الاندونيسيات سحر ورجال ومشاكل مالها اول ولا اخر.. لكن انا ملاحظه بالفتره الاخيره كل الجنسيات صايرة زفت وصاير فيهم كسل وطولة لسان ودلع بشكل مو طبيعي والله اهلي محد يحترم الشغالات زيهم ويرحموهم رحمه مو طبيعيه ما ابالغ يمكن اكثر مننا ولو تشوفينهم كيف متبطرين على النعمه ببيت اهلي ومايمديك تقولين لها الكلمه الا ترد عليك بعشر.. ابدا الدلع ما ينفع معاهم صحيح احترميهم لكن الحزم ضروري بالبدايه.. بالنسبه للبعثه.. كاني قريت انك كاتبه امريكا.. انا بامريكا وملاحظه محد ابد ابد يجيب شغاله من بعد سالفة حميدان التركي.. يعني صار الموضوع بزنس عند المحامين هنا يدور اي شغااله يتفق معها يلفقون لك تهم ويرفعون قضيه وتعرفين كيف السعوديين معروفين بانهم "ارهابيين" ومو محبوبين وعلى طول تلبسك القضيه وهو يطلعله شوية فلوس.. ما بالغ لما اقولك اعرف عشرات السعوديين هنا وكلهم عندهم اطفال يقولون لو نموت ما نغامر ونجيب شغاله.. بس وحده صديقتي قالت لي بتجيب شغاله حبشيه من اهلها تقول عندهم من 10 سنين وتحبهم ومستحيل تسويلهم شي واساسا اهلها واقاربها كلهم بالسعوديه فما تبغى تسوي مشاكل وتهرب بامريكا.. يعني اذا انتي ضامنه الشغاله 10000 بالميه جيبيها معاك.. الشي الثاني اذا مصممه على شغاله بامريكا فيه نقطه مهمه.. الفلبينيه 99,99% بتهرب الا لو كانت متخلفه عقليا.. لانه فرصه لها ما تتكرر بالعمر بكل بساطه تهرب وبتحصل وظيفه لان فرص عمل لغير النظاميين بامريكا كثيره وسهله تلقا لها شغل في صالون اظافر ولا اي محل وتعيش حياتها ويمكن تتعرف على واحد فلبيني ولا فيتنامي معاه جواز امريكي "ياكثرهم" ويتزوجها وتصير امريكيه.. اعرف ناس عندهم شغالات من 20 و 30 سنه اول مايروحو امريكا اجازه شهرين يهربون لانها بالنسبه لهم فرصة العمر جبتي لها الفيزا ودفعتي لها التكت ما بقا عليها الا تهرب وتنطلق في عالم الاحلام حقهم.. السرلنكيات انتي وحضك ممكن يكونو مبهذلات ومو نظاف بس تراهم معروفين انهم حنونين على الاطفال.. اختي طلبت صغيره يعني بحدود ال 25 وجابو لها وحده عمرها 17 توهقت فيها مراهقه بس تسهر على التلفزيون وتاكل وماتعرف تسوي شي فا انتبهي.. ياليت تفكرين بموضوع الشغاله بامريكا ترا والله خطر واذا لابد لازم تجيبين وحده مرررة مضمونه وتموت فيكم وعندها عيله مهتمه فيها عشان ماتفكر بالهرب والحياة بامريكا.. |
اقتباس:
فلو كان الأمر ممنوعا لما استطاع التركي أخذ الخادمة معه .. أمريكا على حد علمي لا تترصد إلا للنشطاء السياسيين .. ولكني أتفق معك وبشدة فالحذر واجب .. أختي روح بلاش من الشغالات وابعدي عن الشر وغنيلو :) |
معليه بأنقز لرد الأخت البحلة بالنفس ..
و بأرجع للردود ، لإني في كل الحالات ناوية أقدم لأمي إذا شغالتها سافرت إن شاء الله .. البحلة بالنفس .. أنا الصراحة ، هدفي الأول من إني أجيب العاملة المنزلية ، هو ( إني أخذها معاي إن شاء الله لهناك ) .. يعني منها تشتغل معاي هنا لمدة سنة ، و بعدين أخذها معاي .. : ( و كلامك من جد بيخليني أنتبه أكثر و أخاف .. و خاصة بإنه لي تجارب متعبة معهم في الغربة .. :( شغالتي اندونيسية و كانت بنت حلال و طيبة و يوم أخذتها لبريطانيا ، انقلبت من حالها و تغيرت .. و كنت معطيتها الحرية الكاملة هناك ، تخرج و تدخل أي وقت و تروح مطاعم و أسواق لوحدها و لا مع أحد ، براحتها و ما أسألها .. و يوم أسافر كنت أخلي لها البيت تعزم اللي تبغى تعزمه و تجيني فواتير بالضعف .. و مع كذا ، في الأخير .. كانت تشوف بإني مجبرة على كذا و إنها تتمنن علي بجلوسها معاي هناك .. فكيف لو وحدة ثانية لا أعرفها و لا تعرفني .. و على أمريكا كمان ؟ . . مثال بسيط على مواقفها : تقابلت مع وحدة اندونيسية في جامعتي في بريطانيا و كانت تحضّر دكتوراة،. و انبسطت وقتها - قلت بداخلي - خليني أخذ رقمها ، عشان أعرفها على شغالتي و تنبسط معهم إذا اجتمعوا بيوم جيت للبيت و قلت لشغالتي ، قامت قالت لي الشغالة : ( يا سلاااااااام ؟؟؟ إيش تبغيهم يقولوا عني إذا شفتهم ؟ شغالة ؟؟؟؟ ما أبغى أقابلهم ) لإنه ماحد من جاراتي كانت معهم شغالة .. فكانت تحقد علي و تبين للجيران إنها هي الكل في الكل في البيت ؟؟؟ أسكت لها و أمشي لها .. بس أنا إيش ذنبي ؟ و من جد تعبت لي راسي ، فوق ما كان عندي هم الدراسة .. و يوم أحكي لأمي عن شغالتها كيف كانت معاي هناك ، من جد ماحد يتوقع كانت عند أمي تلبس النقاب من حالها و تقرا القران و شئ .. من أول يوم أخدتها هناك ، تلبس الجنزات الضيقة مرررة و قمصان بأكمام قصيرة و تبغى تشيل الطرحة في الشارع و ما أشوفها تصلي، و تجلس تقول لي ليش ما تروحي بارات ؟ ليش ما تمشي بشعرك ؟ ليش ما تحطي مكياج ؟ ليش ما تطلقي من زوجك و تتزوجي واحد بريطاني ؟ :D في الأخير ( لزمت حدها ، يوم رسمت لها حدود .. و خاصمتها يومين ) .. بس تعبت لي أعصابي من جد .. بعدها صارت كويسة .. بس أكره إنه وحدة تجلس في بيتي و تتعب لي أعصابي ،. ليه ما يحترموا اللي يحترمهم ؟ . . طيب إذا سافرت دحين مثلا و معاي طفل عمره 6 أشهر أقل شئ .. إيش ممكن أعمل ؟؟؟ و بتكون عندي دراسة صعبة وقتها .. من جد ، أحس نفسي شوي و أبكي .. : ( طيب مافيش هناك عوايل معهم شغالات ؟ و اللي بتدرس و معها أطفال إيش بتعمل هناك ؟ زميلاتي اللي هناك ، يا تكون مو متزوجة أو متزوجة و معها طفل في الروضة .. يعني ما يعرفوا يجاوبوني ؟ كيف أسعار الحضانات هناك ؟؟؟ و كيف نظامهم إذا تعرفي ؟ : ( اللي بيريحني شوي و الحمد لله إنه ولدي بيكون وقتها عمره 5 سنوات و ماشاء الله عليه من صغره علمته يساعدني مرات ، و قلبه علي حبيبي و يحب يتحمل المسؤولية بس اللي بيتعبني زوجي ، بس يارب يتغير من دحين لحد ما نسافر .. :25: يارب أجيب بنوتة ، عشان زوجي يتعلق فيها و يحبها و يساعدني و ما يخليني أمسكها :d و ما يحتاج أخد شغالة .. لو جبت ولد ، بيطلعولي قرون الثلاثة ( الأب و الولد و النونو ) .. :24: |
اقتباس:
|
ههههه الله يعينك على القراءه هههههه
|
روح اتفق مع البحلة ..
اذا ما تعرفيها ما تضمني بقاءها و انها ماتهرب و تسوي لك مشكلة الله بيعينك .. الكبير دخليه مدرسة و الصغير شوفي حضانة .. او بيبي ستر (ادري ما تحبيها .. بس مجبرة مو باختيارك) او شوفي اذا الجامعة اللي بتلتحقي فيها توفر حضانة لاطفال الطلبة والله يقدرك عالتكاليف .. بس اعتبري قيمة الحضانة بدل مرتب الشغالة و لوازمها و تذاكر سفرها الخ و يااااارب ياااارب ياارب تجيك بنوتة حلوة معافاة تامة الخلقة .. و تصير عيووون ابوها و روحه و مايفارقها :) و ترتاحي |
الى الان ما قابلت ولا عائله معهم شغاله وكل اللي اعرفهم يتعاملون بطريقتين..
اما تسجل ولدها بدي كير يوم كامل يعني من 6 الصباح ل 6 المساء يعني متى ما صحيت من النوم 8 ولا 9 تودي الولد للدي كير وتقعد تدرس لين المسا بعدين تجيبه وتكون مسؤولة عنه لين ينام واذا كان عندها دوام زوجها يجيب الولد من الديكير ويجلس معاه لين هي ترجع وكذا وبالويك اند لو تبغى تطلع او تبغى تدرس تجيب بيبي ستر.. الطريقه الثانيه يتعاملون مع ناني تجي من يوم الاثنين بيتك وتبات عندك لين يوم الجمعه لكن تقولك حددي 8 ساعات باليوم امسك فيها الولد وبس وباقي الوقت تقضيه بغرفتها.. والويك اند تروح ويجيبون عاد بيبي ستر ثانيه لو محتاجين.. الاسعار تختلف اختلاف تام من مدينه لمدينه او من ولايه لولايه انا عايشه في كالفورنيا وهي تعتبر من اغلى الولايات وعلى حسب ما اسمع من صديقاتي (انا ما عندي اطفال) ان الدي كيرز تترواح ما بين ال 800 ل 1500 دولار بالشهر والنانيز ياخذون بحدود 400 دولار بالاسبوع من غير الويك اند طبعا والبيبي سترز بالساعه وعندك مواقع كثيرة تقري الريفيوز اللي الناس تكتب عنها وتختاري على مزاجك وتكون تبع شركه يعني شغل مرتب تخليها عند عيالك وانتي متطمنه.. لكن في ولايات ثانيه تكون الاسعار ارخص بكثييير فيعتمد.. الاطفال بالغربه صعبين مرة مرة لكن من وجهة نظري اهون من قلق الشغاله وانتي على اعصابك لو يوصل لها محامي ويتفقون عليك انخرب بيتك.. الموضوع مب بس على الناشطين السياسيين زي ما قال الاخ شاطئ المحبه لا هو من بعد المحامي اللي رفع القضيه على حميدان والمبالغ الكبيرة اللي دخلها صارت ترند وصارت الشغاله لو تفكر تشتكيك بتروحي بداهيه لان حتى لو ما لفقت لك تهمه مجرد انك مشغلتها عندك بالبيت اكثر من 8 ساعات باليوم وماتعطيها راتب يوازي الحد الادنى للاجور بامريكا فيها سجن ومشاكل و زي ما قلتلك تراهم يدورون الزله على السعوديين فالحذر واااجب.. |
الاستعانة بالله أولاً ثم معاملة الشغالة معاملة حسنةمع مراقبتها واختبارها من حيث أمانتها وصدقها:22: مع تمنياتي لكي بالتوفي
|
أتمنى إنك تلاقي شغالة كويسة حنونة وأمينة تعرف تتعامل مع الأطفال وغنشاء الله الطيبون للطيبات وأنا من خلال ما عرفتو عنك من خلال المنتدى عضوة طيبة ذكية وحبوبة وعندك روح الدعابة وإنشاء الله تنالي مرادك
|
اسفة جدا لإني تأخرت ،.
كانت عندي ظروف و كنت متعبة مع الوحام و بس أبكي و حالتي حالة اقتباس:
ما حنا قد كذا .. http://www.66n.com/forums/images/icons/icon54.gif تسلمي لي يارب .. ^_^ |
مس ماريل و قلبي معاك ..
لاحظت إنكم تنصحوا إني اشترط بإنها تكون اشتغلت في لبنان .. من جد معلومة جديدة .. بأحطها في بالي :) |
اقتباس:
|
اقتباس:
|
اقتباس:
قالت لو عندك طفل ، لا تجيبي سيرلانكية ، و الأندونيسية من جد ماهم هينين .. الفلبينية عمري ما جربتها و لا عندنا أحد جربها ،، بس خفت منها ، خاصة يوم سمعت عن أخذها معاي في الغربة و كذا .. الله يعين من جد .. |
اقتباس:
كيف فتنة الأندونيسيات ؟ عالعموم ،، لتجربتكم مع السيرلانكية ، فبشرتني بالخير .. و أنا لو بأجيب وحدة ، بأطلب إنها تكون كبييييرة مرة .. |
اقتباس:
ألف شكر جداوية .. :) |
اقتباس:
|
اقتباس:
حتى شغالتي قبل لا تسافر قالت لي كم مرة ، إنها خلاص تبغى تجلس معاي على طوووول بس قلت لها خلاص ما أأحتاج لأحد دحين ،. ( مع إنها كانت تهددني قبل إنها بتسافر و تتركني و تتمنن علي إنها بتهتم في ولدي ، بس يوم تكلمت معها إني ما جبرتها تيجي و لو بتسافر ما راح أمنعها و من يومها .. سكتت ) فيوم سافرت ، كنت مرتاحة لإنه ولدي خلاص كان دخل للحضانة و ماكنت أدوام بالجامعة يوميا . . بس حاليا إذا جاء الطفل و سافرت فبيكون عمره تقريبا 6 أشهر أقل شئ و قلق من جد مع الدراسة .. الله يعين .. http://www.66n.com/forums/images/icons/cry3.gif |
قلبي معاك ..
الاندونيسيات ينفعون للكبار في السن لان فيهم غيره وعيونهم طويله زمان كنت أشوف عينات كويسة مرة ، بس كل اللي أشوفهم دحين مادري ليه ؟ ما يشتغلوا ؟؟؟ لاجل هذا اقولك خذي مسيحيه لان المسلمين ما يعرفون شي وغالبا مذهبهم يختلف لو تجلسي مع الاندونيسيات وتتكلمي عن الدين تكتشفي شي عجيب صح كلامك ، كانت اللي عندي مسلمة بس عندهم أفكار مختلفة عننا ؟؟؟ تصدقي شغالتي مسيحيه وجبت لها كتب وحسيت انها مهتمه تقراء باوقات الفراغ والدين المعامله تعاملك بيخليها تسلم واذا اسلمت بتصير ياسلام تعامل واخلاق ودين المشكلة .. تخافي إذا أخدتيها برة .. :24: هنا تلقي جو روحاني سبحان الله ، بس موو مثل برة أبداااااااااااااا .. و هناك أنا اللي أحتاج تساعدني في صلاتي و ما حتكون عندي القوة الإيمانية في إني أشجعها شوفي الفرق ::قبل يومين بالتمام اذن المغرب وانا كنت بدخل غرفة الشغاله الا واسمعها تردد مع المؤذن والله فرحت وسالت الله ان يهديها -عمرك سمعتي المسلمه تردد عساها تحافظ على الصلاه وحتى الصيام ما يصومون ولا يقضون مو بس هم للأسف ،،:25: زميلتي خليجية و في الخارج تعرفت عليها ، ما تصوم و لا تصلي و ماعرفت غير بعدين .. راتبها 750 التقديم مع الفيزه 9000 معقولة أرخص من الأندونيسيات ؟؟؟ انا من اتشفت من تجارب اهلي واخواتي : الاندونيسيات والسيريلانكيات للبيوت الكبيره والا زواج كبار السن :22: أبغى بس وحدة تمسك ولدي وقت ما أروح الجامعة .. : ( استخيري واذا كان لا بد اطلبيها مشتغله في لبنان تجيك مثل المرايه ههههه نظيفه وراسها نظيف ومربيه صح :17::26: يبغالي إن شاء الله .. :) ألف شكر لك .. |
اقتباس:
امييييييييين ، و مو كمان ينساني و يطنشني .. :d |
اقتباس:
اقتباس:
و لاا أغير الدولة على كندا .. :24: و الله يسهلها يارب .. كل ما أفتكر هم الدراسة مع الأطفال و الزوج ، من جد قلبي يضيق .. :29: |
اقتباس:
و تعاملي مع الشغالات و الحمد لله أعاملهم معاملة أخت مسلمة لي .. و الله يعين |
اقتباس:
و هذا من ذوقك حبيبتي .. http://www.66n.com/forums/images/icons/tongue3.gif |
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©