|
أريد رأيكم وملاحظاتكم لهذا الخاطب ؟! ؟!
السلآم عليكم ورحمة آلله وبركآته يآرب تكونون بأتم صحه وعآفيه .. بدخل بالموضوع مبآشره وفي البدايه بحكي لكم عن نفسي شوي عشآن تكون الصوره وآضحه للكل .. أنآ بنت عمري 23 سنه مطلقه لي سنتين من قريبي (وتحديدا ولد خآلي) وعندي طفله عمرها 3 سنوآت .. تقدم لي كم شخص ولحكمه مآيعلمهآ إلا ربي ( يتفركش الموضوع ) من آلبدآيه .. وإن شآء الله أنهآ خيره .. قبل فتره آلوالد في الدوآم جلس مع وآحد مطلق وعنده أخت مطلقه وكآنوا يسولفون في موضوع الزوآج ,, وأبوي يمزح يقول ودي أعدد وآخذ الثآنيه :( المهم قآله هذا المطلق أنو عروسك عندي ( يقصد أخته ) رجع رد عليه أبوي وقاله وأنت عروسك عندي ( يقصدني ) وضحكوا وأنتهت الجلسه وأبوي كآن مآخذ الموضوع مزح × مزح ومرت على السآلفه شهر ,, وجاء زميل لأبوي ( كآن جآلس معهم بنفس الجلسه ) وقآل لأبوي , فلان يقول وش صار على موضوع الزواج وهل هو جآد يوم يقول عروسك عندي ؟؟؟!!!! :11: أبوي أرتآع مآتوقع أنه يآخذ الموضوع جد ! قاله أبوي والله إذا بيتقدم الله يحيه , أنا عندي بنت مطلقه وعندها بنت وبعد فتره أتصل الرجال على أبوي وقال عآدي أتقدم لهآ وأشوفهآ .. قآل أبوي الله يحيك .. وأبوي كآن عارف أخلاقه في العمل ( مبدئياً ) وجاء مع خالته لإن أمه متوفيه الله يرحمها وشافني شوووفه شرعيه وبعدها بيوم أتصلت خالته الساعه 12 في اللي وقالت الولد يقول أبيها وسألت الوالده وش رايي فيه ؟ وقالت لها الوالده تقول ماشفته زين :25: لإني فعلا أعاني من ضعف بسيط ومآأركز وأقز الا بالنظاره وعدساتي مخلصه مدتها ولاقدرت ألبسهآ :( وللأمانه مآيهمني شكل الرجال بقد ماتهمني أخلاقه ورجولته بس كان ودي أشوف وجهه كيف وكذا .. :25: (( المهم الصدمه بعد يومين )) لما سأل أبوي عنه ناس مقربين منه وزملاء معه من سنييييييين طلع ((مطلق مرتين )) !! تضآيقت كثير كثير كثير وحتى أهلي تضايقوا أول شي لأنهم مآصآرحونا من البدآيه وثآني شي لإنه مطلق مرتين !! أتصل عليه أبوي وقاله سمعنا كذا وكذا !! قال إيه والله مطلق مرتين المره الأولى وأنا صغير والثآنيه مآتفاهمنا أبد ومشاكل ,, وأنا ماقلت لإني أعتبر هذا ماضي والماضي مب مهم !! ودآمك سألتني فأنا بقولك !! اورجعت الوالده أتصلت على خالته وقالت لها أسألك بالله كم مره مطلق وليش ؟؟ وقالت أنه مطلق مرتين المره الأولى كآنت تغازل وخربانه الله يستر عليها والثانيه مستهتره مرررررره ومقصره بأمور بيتها وقالت لأمي | أنه تعبت نفسيته بعد هالتجربتين وماكان يبي يتزوج بس سبحان الله تكلم مع أبوكم بهالموضوع تغير رآيه .. ألحين أبوي مو مرتاح مره يقول شكله عجل والطلاق عنده سهل مره وغير كذا لقى بملفه كم سفره للخآرج ( أتوقع مرتين ) أنا مرتاحه للموضوع لإنه سنه مناسب ومو كبير عمره ( 33 ) تقريبا مآعنده أطفال غير مدخن مو راعي شراب أو حشيش والعياذ بالله ( وهذا شي متأكدين منه من ملفه اللي بالحرس ) بيكون لي سكن مستقل عسكري ووظيفته معروفه ( بالحرس الوطني ) يعني ثابته إن شآء الله بيكون هذا زواجه الثالث وأتوقع بيحاول يحافظ عليه بقد مايقدر ! :( ومو مرتاحه لإنه مطلق مرتين وبالمرتين ماصبر كثييير مره 3 شهور ومره 11 شهر .. ! سفراته للخارج ( مع أنها مو كثيره ) بس خايفه منها شوي وصل لثاني متوسط (( ووقف دراسه )) وأنا معي ثانوي ودبلوم وحاليا أشتغل ( مدربة حاسب ) (( وظيفه مؤقته )) وبنتسب للجآمعه إن شاء الله بداية السنه الجايه كذب علينا في البدايه وماقال أنه مطلق مرتين !! بكل صرآحه | وش رآيكم بهالخاطب من كل النوآحي وهل تشوفون فيه تكافؤ بينآ ؟! وجزآكم الله خير مقدماً . . . أختكم | بصيص أمـل |
استخيري يا اختي واسألوا عنه اكثر
|
دلوعة مودي
مشكوره يالغلا أستخرت أكثر من مره والله وأغلب الأحداث صارت بعد الإستخاره سبحان الله والعمل يقولون أنسان كويس وعادي ومنضبط في عمله وماعليه ملاحظات أخلافيه وصلاته مايدرون عنها ,, وحاليا لازلنا نسأل .. والله يسهل |
لله يسهل الك اختي.يمكن في اول ماحاب يقولكم انو مطلق مرتين لكي لا تردوه وقال مع نفسو انو هاد ماضي مالازم اقولو.لو اتاكدنتو من انو شخص كويس واخلاقو جيدا اقبلي اختي .بقلك كل شئ بيد لله .وماتاخد كلام ناس هو اساس في ناس اعود بالله تحب بس تكدب انت لازم تشوفيه مرة الجاية تحكي معو لوجه لوجه وتساليه على كل شئ.وان شاء لله يكون خير .وكام من رجال بيتزوجو كتير وما بيحصل نصيب معاهم حتى يتزوج باخيرة ويضل معاها طول عمرو كل شئ عند ربنا.انت كتري من الصلاة وقراءة القران ودعاء لله عز وجل وكمان الاستخارة كتري منها.
|
اسألوا عنه امام المسجد حق الحي الي ساكن فيه
واستمري في الاستخاره والله يسخرلك الي فيه الخير ويصرف عنك الي فيه الشر |
شروق الضلام
فونة يعطيكم العافيه حبيباتي ماقصرتوا وإن شاء الله بعمل بكلامكم .. والله يكتب الخير ومافيه يااارب ياكريم |
ربنا يكتبلك الي فيه الخير يارب بس اسألوا كويس عليه ولو تقدروا تسألوا اهل طليقته عن سبب الطلاق يبقي كويس وان شاء الله ربنا يسهلك امرك |
أخت بصيص أمل
وعليكم السلام ورحمة الله وبركاته أكيد له شخص عزيز من أصدقاءه أكيد له معارف وأقارب واخوان كلفي أحد أخوتك الرجال بالذهاب الى حيهم ( حارتهم ) وسؤال الجيران بعد استحلافهم بالله وأنه لو تقدم لديهم لأختهم يوافقون او يرفضون شخص مطلق مرتين لايمانع بتطليق الثالثه لو مهما تعددت الأعذار احكي لكِ قصة حدثت مع خالتي تقدم لها شخص مطلق اخو صديقتها في التحفيظ وكانت العائله كلها تتسم بالصلاح وأهل دين وكانت الوالده الله يحفظها تحكي الوالد وتقوله اليوم تقدم فلان لفلانه سأل الوالد عنه وعن أحواله قالت مطلق وعنده طفلين قال الوالد راح يطلق اختك قالت له اتقي الله ايش قاعد تقول قال اللي لسانه متعود على الطلاق سهل عنده يطلق ويتزوج وبالفعل هذا اللي صار ماقعد معها سته أشهر وطلقها بفترة الملكه وباقي مادخل عليها حاولي اختي قدر المستطاع ان تجمعو اكبر عدد عن اخباره وعن صلاته وإستقامته أسألو إمام الحي الذي يسكن فيه أذا كان يراه في المسجد حاولو الوصول للمقربين له من اصدقاءه او عائلته وتحليفهم بالله ان كان يصلح للزواج ام لا واذا كانت اجاباتهم إيجابيه كلها فتوكلي على الله والله يوفقك يارب ويجعلها زيجة الدنيا والآخره واذا كانت الإجابات كلها سلبيه او سلبياتها أكثر من إيجابياتها فتوقع نسبة الطلاق راح تكون اكثر من 50% وهنا ارفضيه وإن شاء الله يرزقك باللي أحسن منه موفقه اختي |
حبيبتي الله يكتب لك الخير لاتستعجلين أنت توك صغيرة , وهذي ثاني تجربة لك , وأنا عن نفسي مااقدر أقولك وافقي عليه أولا توافقين كل الي أنصحك به أستخيري أكثر من مرة , والله يرزقك الزوج الصاالح التقي سواء هو أو غيره .
هذا رابط موضوع للأخت دانية تذكرت موضوعها لما قرأت موضوعك . http://www.66n.com/forums/showthread.php?t=217398 |
أختي الله يرزقك بالزوج الصالح اللي يخاف الله فيك يارب
استخيري والله ييسرلك اللي فيه الخير |
الله يعطيكم آلعآفيه جميعاً
وودي مره أكلم طليقاته وأشوف بس مررره صعبه وخصوصا أنه ماعاد يربطه معاهم شي ووش بنقول له ( عطنا أرقام طليقاتك بنسألهم عنك ) ! أتمنى أقدر أوصل لهم بس مره صعبه صرآحه ) : |
مثلما قال الأعضاء و العضوات يجب عليكِ معرفة معلومات كثيرة عنها...
اتبعي الطرق التالية: 1) كما اقترح الأخ/ أبو جوري قومي بإرسال أحد إخوانك من الذين لم يرهم الرجل إلى حيه الذي يسكن فيه، ويحاول السؤال عنه هناك. 2) أرسلي أحد إخوانك كي يسأل عنه إمام المسجد في حيهم. 3) بخصوص السؤال عن طليقاته أنا لا أحبّذ هذه الطريقة، لكن لو استطعتم بطريقة غير مباشرة الحصول على أسمائهم وأماكن سكنهم فهذا جميل. 4) أرسلوا شخص ثقة كي يسال عن الرجل بين أقاربه. 5) أرسلوا شخص ثقة من خارج العمل يسأل عنه الإدارة، وزملاء العمل بحيث أن لا يكون والدك في الصورة هنا. ::: هذا ما أقترحه عليك. لا بد بعد جمع المعلومات أن تكثري من صلاة الاستخارة حتى ينشرح صدرك لأحد الأمور إما الموافقة أو الرفض. |
أخوي البليغ
الله يجزآك خير كفيت ووفيت وبإذن الله رآح أحاول أعمل بكلامك والله يكتب الخير ومافيه لي وللجميع يآرب . |
القسم المناسب ..
الاشراف ؛ |
صاحب منصب !! وماعنده الا شهادة ابتدائي ؟؟
ومركزة مرموق بعد بالله كيف تجي |
كلام الاخ ابو جوري واللاخ البليغ
تمام التمام وعين العقل وبكذا راح تعرفون باذن الله كل شئ عنه والله يختار لك اللي فيه الخير |
اقتباس:
من اللي قال صاحب منصب ومن اللي قال مركزه مرموق ؟!! شكلك مضيعه يابعد عمري :) عموماً ياقلبي لو كنتي تقصدين موضوعي فأنا قلت أنو وظيفته كويسه وثابته وموظف من 13 سنه .. والكل يعرف وظايف الحرس الوطني ,, ثاااااااااابته مدى العمر بإذن الله آخر شي يتقاعد وينزل له راتب تقاعد شهريا وهو جالس في البيت :) مومثل بعض الوظايف بند أجور ومدري وشو وفي أي لحظه ينهون خدمات الشخص وكأنه ماقد خدمهم !!! وهذي أعتبرها ميزه في الخآطب عشان كذا وضحتها تمنيت لو رديتي على الموضوع نفسه والمطلوب , وقلتي لي وش رايك :) عموما مشكوره ياقلبي ع المرور والرد . |
الله يعطيكم العافيه جميعاً ..
وشآكره مروركم وردكم وربي يقدم اللي فيه الخير للجميـع . |
أختي أتبعي كلام الأخ أبو جوري و الأخ البليغ
لا تستعجلين فأنتي صغيرة بس اسالوا عنه عدل يمكن هو مو قد المسؤؤليه او في شئ خلاه يطلق مرتين ****** لا تنسين الاستخارة ربي يكتب لج اللي فيه الخير حبيبتي |
بصراحة ماقصرتي الموضوع واضح والمزايا والسلبيات واضحة ...
أنا برأيي ارفضي ، طلاقين وكلها مستعجلة ..! وانتي اللي بعمرك مازالوا يبنون حياتهم .. وواضح عليك طموحة وأحلامك ماهي محصورة بالزواج ماشاءالله تبارك الله .. القادم حلو وقريب باذن الله ... رأيي ارفضي والله يكتب لك الخير .. وبالتوفيييييييق ... |
أخوي زوج الصخره مشكور على ردك
بس مو المفروض أسأل قبل لآأرفض ؟! وألا مجرد أنه مطلق مرتين يكفي ) : والله محتآآآآآآآآره ,, يآرب أكتب لي الخير ومافيه والجميييييع |
اختي بصيص امل استخيري ربك اكثررر من مرررررره وشوفي احسااااس راحتك ناااحيته والله يكتب لك الي فيه الخير ويخليلك بنتك...
|
مشكوره حبيبة حمودهآ على ردك
واللهم آمين يــآآرب ويخلي لك غآليك . |
اسألي اصدقائه والناس المقربين منه ...
وادعي ربك ان يوفقك ويجعل لك الخير في كل خطوه تقدمين عليها .. اتمنى لك التوفيق ... |
الله يسهل امرك ويكتب لك الخير وين ماكان .
|
آللهم آمين
الله يجزاكم خير يآآرب دعواتكم لي ياللي تقرون موضوعي تكفووون ) : |
اذا ما بعد تم شيء انصحك ما توافقين ابد ابد
|
حبيبتي استغفري واستخيري الله فهمايريحان قلبك والصلاه في ثلث الليل باب لكربتك والدعاء من قلب صادق متامل بربه خيراهو منجات لك بالحكمه والتصرف السليم فبادري بالصالحات لتجدي بان اموررك كلها حلت فانتي تثقين بالله وبوالديك بانهم لن يقصرو بالسؤال تجاه هذاالرجل اما انتي فلا تتعبي بالك فهذه مسأله رجال ووالدك كفؤ هو واخوتك فلا تجهدي تفكيرك الا**بالاستخاره والدعاء *** موفقه غاليتي والله يحفظ لك بنتك وتتربى بعزك وماتتفرقو ابد حتى لوتزوجتي:25: أحب بنتــــــــــــــــــــــــــــــي |
| الساعة الآن 12:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©